דיונים ועיונים בפרשת שמות

חידושים ופלפולים בפרד"ס התורה

די אחראים: אחראי,גבאי ביהמד

אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

אלזא, במקום שאין איש, וועל איך זיך נעמען די מיה און שרייבן אן אינטערסאנטע ידיעה אויף די סדרה, וואס איך בין יעצט געוואויר געווארן, ממש א קורצע וויילע צוריק, דורך א שכן אין בית המדרש.

עס איז באקאנט אז משה רבינו'ס שטעקן איז באשאפן געווארן ערב שבת בין השמשות פון בריאת העולם (אבות פ"ה מ"ו, פסחים נ"ד ע"א), און דער תרגום יונתן שרייבט די וואך אז משה האט דאס געפונען איינגעפלאנצט אין יתרו'ס פעלד, און האט דאס אויסגעריסן, און מיט דעם האט ער געמאכט אלע וואונדער אין מצרים און געשפאלטן דעם ים ווי אויך ארויסגענומען וואסער פונעם שטיין וכו' וכו'.

דער שטעקן איז געווען געמאכט פון אבן סנפירון און האט געוואויגן 40 סאה (אזוי האט מיר יענער געזאגט, ווער עס ווייסט די מקור זאל זיך מעלדן).

און... דא קומט די פאנטש-ליין: דער שטעקן, טראצדעם וואס ער האט אזויפיל געוואויגן, איז עס בכלל נישט געווען שווער פאר משה רבינו מיטצוטראגן מיט זיך כסדר, ווייל פונקט ווי די ארון האט געהאט א לעבעדיגקייט אין זיך און האט גאר געטראגן אירע טרעגער, אזוי האט אויך דער שטעקן זיך זעלבסט געטראגן! (ש"ך על התורה)
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

משה רבינו איז דאך אויפגעצויגן געווארן בבית פרעה, בתיה האט אים ארויסגעשלעפט פון וואסער און געהאלטן ביי זיך. עטליכע פראגעס,

1, האט ער געגעסן כשר'ס? (חוץ די צייט וואס ער געזייגט פון זיין מאמע יוכבד, אם הילד)
2, ווען איז ער געוואור געווארן אז בתיה איז נישט זיין עכטע מאמע?
שוש אשיש בה', תגל נפשי באלקי! (ישעיה סא)
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קרעמער:
שבת קודש, ביים מעביר'ן די פרשה, האב איך געמערקט אז דער בעל הטורים זאגט אויפן פסוק (ד' ב') מזה בידך ויאמר מטה: מזה = מ' זה שבידך ארבעים סאה משקלו. דער בעל (חומש) המאור דארט צייכנט דאס צו בשם המדרש פ' וארא. האב איך זיך נישט געפוילט, כ'בין צוגעגאנגען צו מיין ספרים שאפע, ארויסגענומען דעם מדרש, און הא שלך לפניך:
א"ר יהודה המטה משקל מ' סאה היה, ושל סנפרינון היה, וי' מכות חקוקות עליו דצ"ך עד"ש באח"ב. א"ל הקב"ה בטכסיס הזה הבא עליו את המכות וכו'. ועיי"ש במפרשי המדרש. (שמו"ר ח' ג', פר' וארא)

---
שוועמל:
גוטע הערה, אבער קענסט טרעפן א תי' דערויף, ווייל דער רמב"ן אויפן פסוק (ב' יא') ויגדל משה, זאגט: שגדל והיה לאיש. כי מתחלה אמר ויגדל הילד, שגדל עד שלא היה צריך לגמלה אותו, ואז הביאתהו לבת פרעה. במילא קען זיין אז ווען משה איז געקומען צו בת פרעה האט ער שוין געוואוסט אז מ'דארף עסן כשר'ס און אז זי איז נישט זיין מאמע. דער מדרש (שמו"ר א' כו') זאגט נאך מער: ויגדל הילד, כ"ד חודש הניקתהו ואתה אומר ויגדל הילד? אלא שהיה גדל שלא כדרך כל הארץ, ותביאהו לבת פרעה. מילא איז נישט אזוי שווער דיין קשיא, ווייל לויט אלע פשטים איז שוין משה אנגעקומען צו בת פרעה אלס א בר דעת וגדול.

====
א ידיעה'לע צו דער זייט. דער מהר"ץ חיות זאגט אין זיין מבוא להמדרש, אז שמות רבה אינו מובא בשום קדמון, און רש"י אין סדר שמות צייכנט קיינמאל נישט צו בשם המדרש רבה נאר בשם התנחומא. אנדערש איז בראשית רבה, וואס דאס ווערט שוין געברענגט אין די ראשונים, און רש"י אין סדר בראשית צייכנט פיל מאל צו בשם המדרש רבה. עיי"ש.

---
ש"ס האט מסדר געווען רב אשי וכו', ווער האט מסדר געווען מדרש רבה?
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

ר' זארעך;

יישר כח פארן מראה מקום, תשואת חן חן לך.

בנוגע ווער עס האט פארפאסט דעם מדרש רבה. לויט טייל מפרשים (סדר הדורות בשם ראב"ד, צמח דוד) האט דער אמורא רבה בר נחמני צוזאמגענומען אסאך פשטים וואס ער האט געהערט פון די חכמי ארץ ישראל (עי' רש"י פרשת מקץ, מ"ד, ב', אז דאס איז אגדת ארץ ישראל) אויף די פסוקים פון די תורה, און פון דעם האט ער צוזאמגעשטעלט דעם מדרש, וואס ווערט גערופן אויף זיין נאמען "מדרש רבה".
דער רוקח שרייבט אבער אז ר' אושעיא רבה האט דאס געשריבן.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

אין צייטשריפט פון פ' שמות איז געווען א שיינע אפהאנדלונג איבער דעם שטעקן פון משה רבינו. ס'איז כדאי צו ליינען.
An article a day keeps the babies away
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

סקען אים אריין.. איך קויף נישט קיין צייטונגען.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

ווילסט איך זאל דיר אריינסקענען דעם גאנצן ארטיקל פון עטליכע בלעטער? און אויך די פארזעצונג וואס וועט נאכקומען די וואך?
An article a day keeps the babies away
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

שערקויעך קרעמער, פאר די מ"מ פונעם סדר הדורות.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

מאשקע האט געשריבן:ווילסט איך זאל דיר אריינסקענען דעם גאנצן ארטיקל פון עטליכע בלעטער? און אויך די פארזעצונג וואס וועט נאכקומען די וואך?


ח"ו, נאר אויב דו ווילסט/קענסט/האסט רשות פון די מערכת..
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

וואס טוט מען נישט פאר קרעמער'ן? איך וועל זיי אנרופן בעטן רשות, און אויב יא, וועל איך עס אי"ה טון.
An article a day keeps the babies away
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

נע, ח"ו, זיי זיך נישט מטריח.
אוועטאר
דארפסמאן
שר ששת אלפים
תגובות: 6484
זיך איינגעשריבן אום: דינסטאג נאוועמבער 14, 2006 2:52 pm
לאקאציע: אין דארף

  • ציטיר
  • צו לייגן א דאנק דארפט איר זיין אריינגעלאגט

תגובה דורך דארפסמאן »

יא סקען עס אריין
הכו"ח ר' אברהם דארפסמאן שליט"א
פה ב'דארף יצ"ו -
אוועטאר
סאכדעס
שר שלשים אלף
תגובות: 31438
זיך איינגעשריבן אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך סאכדעס »

יישר כוח פאר אלע ידיעות ברענגער, גראדע האבעך געהאט א נסיון צו קויפן דעם צייטשריפט, -וואס מטעמים הכמוסים אתי קויף איך דאס נישט- צוליב דעם ארטיקל פון משה רבינו'ס שטעקן, אבער מאכט נישט, אויב מאשקע וועט באקומען רשות, וועל איך הנאה האבן.
פקודתו פון התאחדות שמרה רוחי!
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

סאכדעס, כ'בין שוין פארטיג דערמיט. כ'קען דיר עס געבן, און לאז דו עס סקענען.
An article a day keeps the babies away
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

א יאר שוין אריבער צום גוטן, און מאשקע דער ראש הקהל האט נאכנישט געסקענט
שוש אשיש בה', תגל נפשי באלקי! (ישעיה סא)
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

אינטערעסאנט אז טראץ סתם לערנט מען אז דאס וואס משה רבינו האט זיך אפגעזאגט פאר'ן אויבערשטן וויבאלד ער איז א כבד פה וכבד לשון איז פשוט פשט , ער האט שווער געקענט רעדן.
דער רשב"ם לערנט אבער פשט אז משה האט פשוט נישט געקענט געהעריג די שפראך פון די מצרים וויבאלד ער איז אנטלאפן פון דארט ווען ער איז געווען יונג. און ער טענה'ט אז עס קען נישט זיין פשוט אז ער האט געשטאלפערט א.ד.ג. ווייל וויאזוי קען דען זיין אז א נביא וואס האט געזען כביכול גאט פנים בפנים און מקבל געווען די תורה זאל שטאלפערן.

באמת איז דאס טאקע א שטיקל קשיא, ווייל נאכמער, דאס הייסט אז די אידן האבן אויך געדארפט מקבל זיין און כסדר הערן פון אזא איינעם די תורה און אלע דברי כבושין?

פון די אנדערע זייט איז דאס גאנץ שווער אריינצושטופן לויט וואיזוי עס זעט אויס אין די פסוקים ווי דער אויבערשטער ענטפערט אים דערויף" מי שם פה לאדם או מי ישום אלם", וואס דא שיינט אז עס רעדט זיך יא פון א פראבלעם, ווי דער אב"ע פרעגט. אפילו בדוחק קען מען עס אפשר אריינקוועטשן מיט פשטים,.
אוועטאר
יאנאש
שר עשרת אלפים
תגובות: 15314
זיך איינגעשריבן אום: מיטוואך יוני 28, 2006 8:40 pm
לאקאציע: וואו בינעך טאקע?

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנאש »

איך האב נעכטן געהערט א הערליך תירוץ אויף די קשיא פארוואס דער אייבערשטער האט נישט געקענט פשוט אויסהיילן משה ער זאל קענען רעדן געהעריג.

איך נישט קיין צייט אויפן מינוט צו מאריך זיין, אבער אלץ אל תמנע טוב העליך עס שרייבן בקיצור נמרץ.

ביי די פרשה פון יעקב מיט כף יריכו איז זייער אינטערסאנט אז הערשט א פינף זעקס פסוקים נאכן שרייבן די מעשה אז דער מלאך האט פאריקט יעקב'ס ירך, שרייבט הערשט די תורה אז מען טאר נישט עסן גיד הנשה, עס וואלט ווען געדארפט שטיין גלייך נאכדעם.

נאר עס איז דא א דין אז ווען א דער אייבערשטער מאכט א נס ביי איינעם ברויך ער מאכן א זכר דערצו אז ער זאל נישט פארגעסן, איז ווילאנג יעקב האט געהינקט איז דאס געווען דער זכר אז ער איז בייגעקומען א מלאך, אבער ווען די זון האט אויסגעהיילט יעקב'ן איז אוועקגעפאלן דעם זכר, סאו הערשט דאן האט מען געמוזט איינפירן אז מען עסט נישט דעם גיד הנשה אלץ זכר לנס אז יעקב איז בייגעקומען דעם מלאך.

דאס זעלבע זאך איז דא ביי משה, דאס רעדן שווער אידאך געשעהן ווען אלץ קינד האט ער אראפגענומען פרעה'ס קרוין און זיך עס אנגעטאן, האט פרעה אים אויספרובירט מיט קוילן אין גאלד, און דער מלאך האט געשטופט זיין האנט צו די קוילן, און אויב דער אייבערשטער וואלט אים אויסגעהיילט וואלט מער נישט געבליבן א צייכן פונעם נס.

ודו"ק כי קצרתי.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

יאנאש, א שיין ווארט.
דער ווארט איז פון א פריערדיגן?

איך טראכט, אויב וואלט ער אים אויסגעהיילט וואלט געווען נאך א מצוה העכצענס.
אוועטאר
יאנאש
שר עשרת אלפים
תגובות: 15314
זיך איינגעשריבן אום: מיטוואך יוני 28, 2006 8:40 pm
לאקאציע: וואו בינעך טאקע?

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנאש »

איך האב עס געהערט נעכטן פון מיין זיידן לאורך ימים ושנים, איך מיין אז ער האט עס נאכגעזאגט פונעם ווינער רב שליט"א, כ'בין אבער נישט מאה אחוז זיכער ווייל ער האט מיר געזאגט אינעם זעלבן אטעם נאך אן ענין (איבער ידיעה ובחירה) סאו איך ווייס נישט וואס איז פון וועמען.

ערשטענס עס וואלט נישט געטויגט ווען מען טאר נישט נוצן די ליפן צום עסן אדער רעדן... און צווייטנס דער ענין פון תרי"ג איז טיפער ווי מיר ווייסן סאו דאס וואלט געווארן אויפגעמעסט מיט נאך א מצוה, און וויאזוי וואלט יעקב געשיקט צו עשיו 'עם לבן דרתי'? (גראדע שרייבנדיג סאונד עס פערפעקט מלשון דירה, אבער מעקן מעק עך נישט ווייל) וויאזוי וואלט רשי"ס צווייטע פשט געפיט אין דעם ווארט.

סאו וואס איז דען אזוי שלעכט וויאזוי דער מסבב כל הסיבות האט צוגעפירט אז די צוויי ברודער משה ואהרן האבן ביינעזאם דורכגעפירט דעם גרעסטן רעטונגס אקציע אין די וועלטס היסטאריע, עס איז דאך די שענסטע אופן וואס מעגליך.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

יאנאש האט געשריבן:איך האב עס געהערט נעכטן פון מיין זיידן לאורך ימים ושנים, איך מיין אז ער האט עס נאכגעזאגט פונעם ווינער רב שליט"א, כ'בין אבער נישט מאה אחוז זיכער ווייל ער האט מיר געזאגט אינעם זעלבן אטעם נאך אן ענין (איבער ידיעה ובחירה) סאו איך ווייס נישט וואס איז פון וועמען.

יישר כח, (אגב, אחוז איז היברו, אין קעיס איינער ווייסט נישט).

ערשטענס עס וואלט נישט געטויגט ווען מען טאר נישט נוצן די ליפן צום עסן אדער רעדן...

גוט גוט געזאגט, אבער זאג נאר דו האסט ליב צו עסן ליפן?

און צווייטנס דער ענין פון תרי"ג איז טיפער ווי מיר ווייסן סאו דאס וואלט געווארן אויפגעמעסט מיט נאך א מצוה, און וויאזוי וואלט יעקב געשיקט צו עשיו 'עם לבן דרתי'? (גראדע שרייבנדיג סאונד עס פערפעקט מלשון דירה, אבער מעקן מעק עך נישט ווייל) וויאזוי וואלט רשי"ס צווייטע פשט געפיט אין דעם ווארט.

אמת, אבער ס'איז דאך נישט אנדערש ווי פון יעקב'ס מעשה.

סאו וואס איז דען אזוי שלעכט וויאזוי דער מסבב כל הסיבות האט צוגעפירט אז די צוויי ברודער משה ואהרן האבן ביינעזאם דורכגעפירט דעם גרעסטן רעטונגס אקציע אין די וועלטס היסטאריע, עס איז דאך די שענסטע אופן וואס מעגליך.

נישט נאר ס'איז נישט שלעכט, ס'איז די בעסטע וואס שייך
אוועטאר
יאנאש
שר עשרת אלפים
תגובות: 15314
זיך איינגעשריבן אום: מיטוואך יוני 28, 2006 8:40 pm
לאקאציע: וואו בינעך טאקע?

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנאש »

בני היכלא האט געשריבן:
יאנאש האט געשריבן:איך האב עס געהערט נעכטן פון מיין זיידן לאורך ימים ושנים, איך מיין אז ער האט עס נאכגעזאגט פונעם ווינער רב שליט"א, כ'בין אבער נישט מאה אחוז זיכער ווייל ער האט מיר געזאגט אינעם זעלבן אטעם נאך אן ענין (איבער ידיעה ובחירה) סאו איך ווייס נישט וואס איז פון וועמען.

יישר כח, (אגב, אחוז איז היברו, אין קעיס איינער ווייסט נישט).
דער אויסדריק איז היברו, די ווארט נישט (מיינעך)
ערשטענס עס וואלט נישט געטויגט ווען מען טאר נישט נוצן די ליפן צום עסן אדער רעדן...

גוט גוט געזאגט, אבער זאג נאר דו האסט ליב צו עסן ליפן?
וואוו (די ויו'ס אלס W) נאט בעד תירוץ.

און צווייטנס דער ענין פון תרי"ג איז טיפער ווי מיר ווייסן סאו דאס וואלט געווארן אויפגעמעסט מיט נאך א מצוה, און וויאזוי וואלט יעקב געשיקט צו עשיו 'עם לבן דרתי'? (גראדע שרייבנדיג סאונד עס פערפעקט מלשון דירה, אבער מעקן מעק עך נישט ווייל) וויאזוי וואלט רשי"ס צווייטע פשט געפיט אין דעם ווארט.

אמת, אבער ס'איז דאך נישט אנדערש ווי פון יעקב'ס מעשה.
קען אז די דין וואלט במילא געדארפט זיין, נאר מען האט עס צוגעשטעלט צו דעם נס, העסטו אבער פרעגן אז מען קען טרעפן אן הלכה וואס מען זאל קענען צושטעלן צו משה'ס נס, ווייסעך נישט.

סאו וואס איז דען אזוי שלעכט וויאזוי דער מסבב כל הסיבות האט צוגעפירט אז די צוויי ברודער משה ואהרן האבן ביינעזאם דורכגעפירט דעם גרעסטן רעטונגס אקציע אין די וועלטס היסטאריע, עס איז דאך די שענסטע אופן וואס מעגליך.

נישט נאר ס'איז נישט שלעכט, ס'איז די בעסטע וואס שייך
דאס איז טאקע וואס איך פיר אויס 'עס איז דאך די שענסטע אופן וואס מעגליך'.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

יאנאש האט געשריבן:
בני היכלא האט געשריבן:
יאנאש האט געשריבן:איך האב עס געהערט נעכטן פון מיין זיידן לאורך ימים ושנים, איך מיין אז ער האט עס נאכגעזאגט פונעם ווינער רב שליט"א, כ'בין אבער נישט מאה אחוז זיכער ווייל ער האט מיר געזאגט אינעם זעלבן אטעם נאך אן ענין (איבער ידיעה ובחירה) סאו איך ווייס נישט וואס איז פון וועמען.

יישר כח, (אגב, אחוז איז היברו, אין קעיס איינער ווייסט נישט).
דער אויסדריק איז היברו, די ווארט נישט (מיינעך)
די ווארט שטייט טאקע אין פ' מסעי, אבער ס'מיינט נישט פראצענט דארט, איך זאג דאס נאר ווייל איך האב שוין געהערט מאנכע וואס מיינען אז דאס איז ריין לשון קודש, דיר האב איך נישט חושד געווען.

ערשטענס עס וואלט נישט געטויגט ווען מען טאר נישט נוצן די ליפן צום עסן אדער רעדן...
גוט גוט געזאגט, אבער זאג נאר דו האסט ליב צו עסן ליפן?
וואוו (די ויו'ס אלס W) נאט בעד תירוץ.
האסט דיך גוט אויסגעדרוקט, ווייל ס'איז דא א מדרש אין אגדת בראשית, בא וראה כשהרשעים מתגדלים בעולם חי' רעה באה לעולם, וכשהצדיקים מתגדלים בעולם הכל ששין ושמחין, כשהומלך דוד הי' הכל אומר' "וה"-מלך דוד [דער פשט איז אז מען האט געזאגט WOW מלך], כשהומלך צדקיהו היו הכל אומר "וי" וימלוך צדקיהו בן יאשיהו, עליהם הכתוב אומר ושבתם וראיתם בין צדיק לרשע.

און צווייטנס דער ענין פון תרי"ג איז טיפער ווי מיר ווייסן סאו דאס וואלט געווארן אויפגעמעסט מיט נאך א מצוה, און וויאזוי וואלט יעקב געשיקט צו עשיו 'עם לבן דרתי'? (גראדע שרייבנדיג סאונד עס פערפעקט מלשון דירה, אבער מעקן מעק עך נישט ווייל) וויאזוי וואלט רשי"ס צווייטע פשט געפיט אין דעם ווארט.
אמת, אבער ס'איז דאך נישט אנדערש ווי פון יעקב'ס מעשה.
קען אז די דין וואלט במילא געדארפט זיין, נאר מען האט עס צוגעשטעלט צו דעם נס, העסטו אבער פרעגן אז מען קען טרעפן אן הלכה וואס מען זאל קענען צושטעלן צו משה'ס נס, ווייסעך נישט.
ווייסעך אויך ניש...

סאו וואס איז דען אזוי שלעכט וויאזוי דער מסבב כל הסיבות האט צוגעפירט אז די צוויי ברודער משה ואהרן האבן ביינעזאם דורכגעפירט דעם גרעסטן רעטונגס אקציע אין די וועלטס היסטאריע, עס איז דאך די שענסטע אופן וואס מעגליך.

נישט נאר ס'איז נישט שלעכט, ס'איז די בעסטע וואס שייך
דאס איז טאקע וואס איך פיר אויס 'עס איז דאך די שענסטע אופן וואס מעגליך'.
יאפס, פארזען.
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

דעם פרייטאג נאכט האב איך זיך אויפגעוועקט ארום 3:30 און נישט געקענט צוריק אנטשלאפן ווערן האב איך זיך ארויסגעזעצט געזאגט ברכת התורה און אריינגעקוקט אין מדרש רבה. אט איז וואס איז געבליבן איינגעקריצט אין מיר צוליב זייער אינטערעסאנטקייט.

איש מצרי הצילנו מיד הרועים, האבן די בנות יתרו פארציילט פארן זייער פאטער אהיימקומענדיג. זאגט דער מדרש וואס איז פשט פון איש 'מצרי' איז דען משה געווען א מצרי ער איז דאך געווען אן עברי?

א מאן איז געגאנגען אין פעלד און ווערט געביסן פון א שלאנג אויף זיין פערשט, ער לויפט צום טייך דענעבן כדי צו אפוואשן דעם ביס, זעהט ער ווי א קינד ראנגלט זיך מיט די וואסערן אינעם טייך, ער שווימט געשווינד אהין און ראטעוועט דעם קינד פון דערטרונקען ווערן, זאגט אים דער קינד 'ייש כוח שהצלתני' זאגט אים דער מאן: 'פאר מיר זאגסטו שכויח ? זאג שכויח פאר דעם שלאנג וואס האט מיך געביסן און דעריבער בין איך געקומען צום טייך' !

משה האט געממיתט דעם מצרי דעם אכזר מיט אן אזכרה, פרעה האט אים געוואלט הרג'נען דעריבער האט ער געברויכט אנטלויפן. דאס איז פשט 'איש מצרי' דער מצרי וואס משה האט געהרג'ט הצילנו מיד רועים, דורך אים זענען מיר געראטעוועט געווארן.

*****

שאלה מטרונה, אלוהינו גדול משלכם דאילו באלוקיכם כתיב ויסתר משה פניו ובהנחש כתיב וינס משה מפניו.

אמר לה תיפח עצמותה, שוטה שבעולם, פון אונזער גאט קען מען דען אנטלויפן? וואו האט משה געזאלט לויפן, צום ים ? צום יבשה ? צום הימל? אבער פון ענקער גאט - דער נחש- אז מען אנטלויפט עטליכע טריט פון אים איז מען געראטעוועט פון זיין גיפט !


לעילוי נשמתי
שוש אשיש בה', תגל נפשי באלקי! (ישעיה סא)
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

לפי זה דארפן מיר אפגעבן א יישר כח פאר דעם וואס האט דיר ארויסגעיאגט פון בעטל אינמיטן די נאכט, וואס א דאנק דעם האבן מיר געהאט די געלעגנהייט צו לערנען א שיין שטיקל מדרש מפיך.
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

שוועמל, א שיין מדרש, [אפילו די אלקים איז לשון חול, איז נישט כדאי צו שרייבן].
קרעמער, אווי אייביג, צום פינטל!
שרייב תגובה

צוריק צו “דברי תורה”