למעשה האב איך נעכטן נאכגעקוקט אינדערהיים אין מיין שלחן העזר האב איך דארט געטראפן נאך אפאר זאכן.
דער זענטא'ער רב ר' משה יהודא איז אוועק בשנת תש"א, זעה אין לקט ששנה
שנה ח' סי' ט"ו ווי דער זוהן דער שלחן העזר שרייבט זה כשתי שבועות אשר ניטל הודי ותפארתי עט"ר כ"ק אאמו"ר זצ"ל הכ"מ, און ער האט דארט א שמועס אז אזוי ווי דער פאטער געשריבן אין זיין צוואה אז מען זאל איהם נישט מספיד זיין, איז ער דארט מסופק צו א זוהן צום טאטן און א תלמיד צום רבי'ן דארף אויך פאלגן און נישט מספיד זיין אדער ער מעג מספיד זיין אלץ כיבוד אב.
דער שלחן העזר וואס איך האב אינדערהיים איז געדרוקט געווארן בשנת תשכ"ט דורך דעם איין איינציג אייניקל פונעם שלחן העזר וואס איז געבליבן נאכן קריג, וואס ער הייסט טאקע ר' משה יהודא לעבאוויטש נאכן זיידן זענטא רב, ער האט דאן געוואוינט אין ברוקלין אויף 266 פענן סט. אבער היינט דאכט זיך מיר אז ער וואוינט אין מאנסי, אפשר איהם האט ביקסאד געמיינט, ער שרייבט דארט אין זיין הקדמה "אבי ואמי עזבוני ילד קטן בן איזה חדשים בשנת תש"ד", נאכן קריג איז ער געווארן אויפגעצויגן ביי הרה"ח ר' ישראל מרדכי גראסמאן,
ער רעכנט דארט אויס די קינדער פונעם שלחן העזר, די ערשטע דריי זענען פונעם צווייטן זיווג בת הלחם שלמה משימלויא,
א) בנו ר' אברהם אליעזר הי"ד (חתן ר' יוסף הלוי לעווי אב"ד קיראלהאז), זוגתו ושני ילדיהם נהרגו באושוויץ ער"ח סיון תש"ד, והוא נהרג בבודאפעסט ברחוב העיר כ' טבת תש"ה, הי"ד.
ב) בתו נחמה אשת ר' פנחם חיים כ"ץ רב הצעיר דק"ק ערדעד, ב"ר יואל אב"ד ערדעד בעמח"ס
טירת כסף, נהרגו עם ד' ילדיהם ט' סיון תש"ד הי"ד.
ג) בנו ר' מנחם אהרן רב הצעיר דק"ק טשאפ, חתן דודו ר' אשר אנשיל כ"ץ אב"ד סערדאהעלי (שהי' ג"כ חתן הלחם שלמה משימלויא), זעה אין
לקט ששנה בשנת תש"א א מז"ט פון ר' פנחס כ"ץ הנ"ל פאר זיינע צוויי שוואגערס ר' מנחם אהרן און ר' גרשון בלייא צו זייער שידוך, ר' מנחם אהרן נהרג ע"י רוצחים אונגריים בבודאפעסט ברחוב העיר כ' טבת תש"ד (אינטערעסאנט אז א יאר שפעטער אינעם זעלבן דאטום איז זיין ברודער אומגעקומען אויך ברחוב העיר בודאפעסט), וזוגתו נפטרה במחנה עבודה שטוטהויף אדר תש"ה, הי"ד.
די פאלגענדע צוויי טעכטער זענען מזיווג שלישי
ד) בתו שרה רחל אשת ר' משה גרשון בלייא דומ"ץ אונגוואר, ב"ר מאיר דומ"ץ אונגוואר.
ה) בתו הבתולה אסתר.
יעצט לאמיר צוריקגיין צום זענטא'ער רב ר' משה יהודא, איך האב געטראפן נאך צוויי זוהן פון איהם,
1) הב' אליעזר שמואל, זיין ברודער דערמאנט איהם אין די
הקדמה צום שלחן העזר (גאנץ אונטן) וז"ל, מאחי המנוח הב' המופלג בתורה וביראה חריף ובקי עצום מו"ה אליעזר שמואל ע"ה אשר הלך לעולמו בימי נעוריו בהיותו בן י"ט שנה כ"ז מרחשון שנת תרנ"ב לפ"ק בישיבה הרמה פאקש ושם מנוחת כבודו וכו' והניח אחריו קונטרס חידו"ת, און ער ברענגט דארט א דבר תורה פון איהם,
2) ר' יושיע אב"ד רעטיאג, זעה אין
לקט ששנה אינעם ניחום אבלים פארן שלחן העזר ואחיו ר' יושיע.
האבן מיר דערווייל שוין זיבן קינדער פונעם זענטא'ער רב
1) ר' יצחק צבי אב"ד טשאפ ובעמח"ס שלחן העזר
2) ר' שמעון מו"ץ בפרעשבורג
3) ר' חיים אברהם רב ומו"ץ בפראג (גרויסע הויפשוהל), ואחריו בניוהעיווען קאנעטיקוט, ובסופו בשתי קהילות בקליוולאנד אהייו.
4) ר' נתן אלי' מבארשא
5) הב' אליעזר שמואל שנפטר בן י"ט בישיבת פאקש
6) ר' ישראל דומ"ץ זענטא ששימש תחת יד אביו
7) ר' יושע אב"ד רעטיאג
----
מיללער האסט אריינגעהאקט אינמיטן מיינע ווערטער און דו ברענגסט עפעס וואס איך שרייב שוין אבער משנהכ לא זזה ממקומו, (אגב טעית במש"כ שהרב מסערדאהעלי הי' חתן הזענטא'ער רב, זהו טעות כי הי' חתן הלחם שלמה משימלויא עי' בדברינו למעלה, וזהו שכתבו על ר' מנחם אהרן חתן דודו היינו דודו מצד אמו ודו"ק).