רבי שלמה האלברשטאם (השני) מבאבוב זצ"ל

[farshlufen]

נישט דערוואגט?
דער קוטשמע, איז ער געגאנען, דאכט זיך, אין פוילן.

וכן ש"ב מרן הבר"מ חבש קוטשמע באייראפע.

[ריקוד]

באבוב'ער רב - אדמו"ר מהר"ש זי"ע פלעגט גיין א קאטשמא אויף קור ערטער.
טיילמאל אפילו אין די באבוב'ער ביה"ח אין ניו דזערזי אויף זיין מאמע'ס יארצייט (עס איז טיילמאל געוועהן א 30 חסידים דעמאלס אויך) וועלכע געפאלט אין חודש אדר ווען די קעלט איז גאר גרויס.
בנו האדמו"ר זי"ע פלעגט עס טראגן אלס רבי יעדען איינציגן ווינטער טאג ווען ער פלעגט גיין שפאצירן כדרכו מדי יום ביומו בחוץ לעיר
אדמו"ר בעל קדושת ציון זי"ע האט עס געטראגן ווען ער האט געוויילט אין לעמבערג בשנות הזעם און האט געפראוועט אלע תפילות מיט א מנין מצומצם בביתו, אבער פורים ביי מגילה ליינען האט ער דוקא געוואלט הערן בקהל רב, האט ער זיך אריינגעזעצט אין די שוהל פון זיין פעטער/מחותן הרה"ק ר' ישעי' מטשחוב זי"ע, מלובש אין א קוטשמא, נישט וועלדניג מזאל אים דערקענען.

[חמרא טבא]

נישט דערוואגט?
דער קוטשמע, איז ער געגאנען, דאכט זיך, אין פוילן.

לאו דוקא ער'ז געגאנגן דערמיט אויך ווען ער פלעגט פארן אין קאנטרי אינמיטן ווינטער און סתם אזוי אויף קוהר

[ריקוד]

יעך געדענק זעהן בילדער פון הרה"ק ר' שלום מסטראפקוב זי"ע מיט א קאטשמא

[verveist]

ארויפגעברענגט לכבוד די יומא דהילולא של האי צדיק וקדוש אביהן ורבן של ישרא-ל. אוהב שלום רודף שלום אוהב את הבריות ומקרבן לתורה!

מאשפֿות ירום אביון, בבחינת כמעט תחיות המתים האט דער צדיק מיט מסירת וגבורת הנפש -כמעט איינער אליין- אויפגעשטעלט א לגיון פון תורה וחסידות פון א קליינע צאל צובראכנע שארבען שארית הפליטה -ששתו מכוס התרעלה כמה שנים ר״ל- פון תלמידי אביו הק׳ הי״ד, און אנדערע װאס האבען זוך אנגעקלעפט אין זיין װארימקייט און לעכטיגען אור.

געדינט דעם אייברשטען מיט שמחה און הארציגקייט און מיטגעשלעפט כל הנלוים אליו צו שמחה של קדושה.
א הויכער בעל מדריגה והשגה און אלעס באהאלטען אין אזא פשטות ונעימות!
א הארציגער איבערגעגעבנער טאטע פאר כלל ישרא-ל ,השתתף בצערן ובשמחתן של ישרא-ל ונשא אותם על לבו הטהור
התפלל בעדם חזקם ופעל ישועות בקרב הארץ
זכותו הגדול יגן עלינו ועל כל ישרא-ל אמן!

[מלה בסלע ודי לחכימא]

לגבי די [אמאליגע] פלעסטיקס פאר די שטריימלעך האט דער באבוב'ער רב דאס מתיר געוועהן צו גיין דעמיט בשבת במקום שאין מעורב, אבער אין בארא פארק דארט ווי זיין איידעם האט דאס גע'אסר'ט איז ער נישט געגאנגען דערמיט.

מקור ביטע

וואס מיינט א מקור?
אז כ׳וועל עס אפשרייבען, און אהער ברענגען א פאטאסטאט, וועט עס דיר באגניגען? פרעג עני באבובער חסיד, וואס אומגעפער 30 אין העכער וועט ער עס דיר קענען קונפוירמען.

גם אני שמעתיו אז אין פלארידא האט ער געלאזט די בחורים גיין א פלעסטיק וויבאלד זיין איידעם איז נישט דיין דארט.

[מלה בסלע ודי לחכימא]

http://www.hebrewbooks.org/pdfpager.aspx?req=2695&hilite=45d603d2-38f8-4386-9637-b029531cdf32&st=%d7%a9%d7%9c%d7%9e%d7%94+%d7%94%d7%9c%d7%91%d7%a8%d7%a9%d7%98%d7%90%d7%9d

איר ווילט פאריכטען דעם לינק?

[מלה בסלע ודי לחכימא]

נאך א תשובה
http://www.hebrewbooks.org/pdfpager.asp ... d00e7d&st=%u05de%u05d2%u05df+%u05e7%u05dc%u05e2%u05de%u05e4

דאס אויך צריך תיקון.

[זרח'ל]

ער אליינס מסתמא קיינמאל, חסידישע יודן האבן זיך געפירט נישט צוצדעקן דאס שטריימעל.

ער אליינס האט יא עטליכע מאל געטראגען דעם פלעסטיג, הן וויילענדיק אין בעל הארבער, און אמאל איז געוועהן שטארקע גאס רעגן וויילענדיג אין פלארידא.

אגב, טייל מאל איז ער געגאנגען מיט א קוטשמע, א זאך וואס ער האט זיך נישט דערוואגט צו טוהן אין בארא פארק וכיוצ"ב, עס זענען פארהאן בילדער דערפון.

[חמרא טבא]

אין קאנטרי

[חמרא טבא]

לכבוד די זיבעצנסטע יארצייט שמעו ותחי נפשכם
הלל
(קרעדיט הרב קקיון)

[רימנובער אייניקעל]

אזוי וי ס' געפאלט אויס היינט די זיבעצינסטע יארצייט פון דעם אוהבן של ישראל רבי שלמה'לע באבוב'ער רבי זצ"ל ,האט מיך ר' יצחק בעניש שיחי' היינט פארציילט א מוראדיגע מעשה וואס ס'האט פאסירט מיט זיין שווער זאל געזונט זיין.

אז באבוב'ער רב זצ"ל פלעגט פארן קיין מעקסיקא וינטער אויף בעדער אינדרויסען פון שטאט אין קאנטרי ,און מ'האט ארויס געברענגט דארט'ן בעלי בתים צו מנין, און זיין שווער ר' משה ישראל רובעל נ"י האט געוואוינט אין מעקסיקא, און ער פלעגט אויך ארויס פארן צום קאנטרי משלים זיין מנין,

און א' זונטאג נאכט וינטער תשמ"ד ווען די רבי זצ"ל איז געווען אין מעקסיקא און ער האט שוין געדארפט א'היים פארן קיין נוא יארק איז ר' משה ישראל אריין צום רב זיך געזעגענען,האט זיך דער רב אנגערופען איך וויל דיך בעטען א טובה און ס' וועט דיך זיין זייער שווער צוטוהן ,אבער זאג מיך צו אז דו וועסט מיך צוליב טוהן, נו ר 'משה ישראל טראכט ביי זיך אז ויבאלד מעקסיקא איז א מדינה וואס פאברעצירט זילבער אפשר וויל די רבי א זילבערנע אתרוג פושקע,

זאגט אים דער רב איך פאר יעצט אהיים קיין אמעריקא ,און דעם שבת וויל איך דיך זעהן מיט דיין גאנצע משפחה אין נוא יארק און שאף זיך א דירה מיט א פרנסה דארטן.

אומר ועושה ר' משה ישראל האט געפאקט פעקליך און מיטוואך איז ער אנגעקומען מיט די גאנצע משפחה קיין נוא יארק און יענעם פרייטאג איז געווען א ערד ציטערנישט אין מעקסיקא און זיין גאנצע דירה איז צאם געפאלען.

אזוי ווי בחיים חיותו האט ער ליב געהאט א יעדער איד און געזארגט און געדאווענט פאר זיי, מה כאן עומד ומשמש אף להלן עומד ומשמש אויס צו פועל'ן ישועות און רפואות פאר גאנץ כלל ישראל אמן

זכר צדיק לברכה.

[ויתן לך]

44444.jpg (28.75 KiB) געזען 4332 מאל

33333.jpg (114.98 KiB) געזען 4332 מאל

[קיקיון]

די אינגעל אין ביידע בילדער זעהט מיר אויס ווי די באבובער רב (48) שליט"א

די אויבישטער בילד פון רעכטס צו לינקס


הרה"ח רבי יהושע וואלף זאפרין ז"ל פון די געהויבענע חסידים
אדמו"ר מהר"ש זצ"ל
די נעקסטע דערקען איך אבער איך כאפ נאך נישט ווער דאס איז.
זעהט אויס ווי ר' אברהמ'לע מנדלבוים ע"ה (דאכצעך)
די נעקסטע דערקען איך נישט

אין די אונטערשטע בילד דערקען איך נאר דער וואס שטייט אונטער די רב, עס זעהט אויס ווי די גבאי פיניע אייזן.

אויב מיין טביעת עין איז גוט איז דער וואס איז אקעגען איבער ר' ישוע וואלף זאפרין ז"ל ר' לייבוש שפריי

[Nodabeyehuda]

ר ישראל שלמה לאנגער

[חמרא טבא]

פון ר. צו ל. רבי יהושע וואלף,רב ז"ל, רב שליט"א, ר' שמואל ראזנגארטן,ר' משה קאלפוס

[Nodabeyehuda]

פון ר. צו ל. רבי יהושע וואלף,רב ז"ל, רב שליט"א, ר' שמואל ראזנגארטן,ר' משה קאלפוס, ר ישראל שלמה לאנגער

[חמרא טבא]

פון דא

א חלק פונעם ווידיאו וואו מ'זעהט דעם אנקום פון דער באבובער רב זצ"ל

איז אינטרעסאנט צו באמערקן אז דער רב איז דעמאלסט געווען 84 יאר אלט!
יעצט קוקט עס איבער און לאזט מיר וויסן אויב איר קענט א איד אין דעם גיל וואס וואקט אזוי...

[מי יודע]

פון דא

א חלק פונעם ווידיאו וואו מ'זעהט דעם אנקום פון דער באבובער רב זצ"ל

איז אינטרעסאנט צו באמערקן אז דער רב איז דעמאלסט געווען 84 יאר אלט!
יעצט קוקט עס איבער און לאזט מיר וויסן אויב איר קענט א איד אין דעם גיל וואס וואקט אזוי...

גראדע קען איך א איד אין דעם גיל, און א איד נאך עלטער וואס וואקט אזוי, פאר אלע אידן אזוי געוואונטשן

[חסיד אמיתי]

עס איז ידוע אז ביי די גרויסע באבוב'ע-וויזניץ'ע חתונה וואס איז פארגעקומען אין בני ברק בצל הסבא קדישא מרן ה'ישועות משה זי"ע, איז ידוע דאס די באבוב'ע רב זצ"ל פלעגט זיך אלעמאל אויפירען זייער פריש און אינג (א שטייגער ווי זיין פלעמעניק כ"ק מרן אדמו"ר מ'בית חיים יהושוע שליט"א) און די וויזניץ'ע רבי ז"ל האט זיך נישט געקענט בארוהיגען פון די מחזה, און האט אינמיטען די ימי שמחה צו אינמיטען די חתונה גופא געפרעגט די באבוב'ע רב "וויאזוי מאכט מען דאס?" האט אים די באבובע רב גענטפערט -מיט זיין לעכטיגע שמייכעל- מיט עטליכע ווערטער וואס האט ארויסגעברענגט דעם באבובע רב'ס לעבען שטייגער: "וויזניץ'ע רבי! איהר האט שוין אמאל געמאכט א קאווע אליין??!!!"
כידוע פלעגט די באבוב'ע רב -ספעציעל אויף וועקאציע- קענען אליינס זיך אנגרייטען פרישטיג, פאר זיך און פאר זיינע משמשים!

[חסיד אמיתי]

ער פלעגט ביי די חתונה'ס אליינס אויפנעמען געסט, טיילען ציגערעטלעך א.ד.ג.

[יערסלוב]

כ"ק אדמו"ר ר' שלמה מבאבוב זצוק"ל בצעירותו

[לא לנו]

א שיין בילד פון פרע"ח האדמו"ר מהר"ש זצ"ל
קען איינער אידענטיפצירן די חדב"ן ביי די נעמען?

[חמרא טבא]

פון ר. צו ל. דער ר"י רבי ברוך אברהם הורוויץ, רבי יעקב ישראל מייזליש אב"ד קרית באבוב בת ים, דער רב שליט"א, דער דיין רבי חיים יעקב טויבער, רבי ב"צ בלום דומ"צ באבוב לונדון

[לא לנו]

פון ר. צו ל. דער ר"י רבי ברוך אברהם הורוויץ, רבי יעקב ישראל מייזליש אב"ד קרית באבוב בת ים, דער רב שליט"א, דער דיין רבי חיים יעקב טויבער, רבי ב"צ בלום דומ"צ באבוב לונדון

ייש"כ. ס'איז דא נאך איין איידעם, דער ראה"כ הגרי"ב גאלדבערגער, אויף דעם בילד זעט מען אים יא?