מיללער האט געשריבן:מיילעך האט געשריבן:.
ער איז נסתלק געווארן צום גדלי' אין זשעליכאוו.
אינעם בלאג '
רבנים שנספו בשואה' ביין זיין ערך שטייט בזה"ל:
הופשטיין, Hofstein אהרן יחיאל, בן ירחמיאל משה.
האדמו"ר מקוז'ניץ, Kozienice. אזור ורשה. נולד בתרמ"ט,1889. לפי אלה אזכרה בתרנ"ב,1892. בתרס"ח,1908, נתמנה לאדמו"ר. מתר"ץ, 1930, גר באוטבוצק, Otwock, שעל יד ורשה. שם היה ביתו מרכז לעניים ולחולים, והדבר עורר תרעומת בקרב חסידיו הוותיקים. בזמן המלחמה עבר לוורשה. גם שם המשיך לדאוג למזון בשביל היהודים הנצרכים, ולא אחת סיכן את חייו לשם כך. לפי אחת הגרסאות עבר מוורשה לז'ליחוב,Żelechów, שבגליציה המזרחית, ושם נפטר בערב יום הכיפורים תש"ג. לפי ספר קאָזשעניץ נפטר בגטו ורשה.
מקורות: ספר זכרון אוטבוצק-קארצ'ב, עמ 170-169; אדמו"רים, עמ 29-27; אלפסי, עמ 103-102; החסידות מדור לדור, א, עמ 214; אלה אזכרה, ג, עמ 81-78; ספר קאָזשעניץ, עמ 122; אלפסי, אנציקלופדיה לחסידות, א, עמ קצ-קצא
אלענפאלס, זעהט זיין זמן ומקום פטירה אויס צו זיין אביסל פארנעפלט, ?
היות ס'איז נישט קלאר, און ס'איז דא כמה נוסחאות אויפן טאג אינעם יאר ווען ער איז געבוירן, או די טאג פון די הסתלקות,און וואו ער איז באגראבען געווארען, וועל איך צו ברענגן קלארע באווייזונגען אויף די אלע זאכן על ראשון ראשון,ועל אחרון אחרון,בעזר שמו יתברך ויתעלה.
מ'האט לעצטענס געטראפן די געבורטס סערטיפיקאט ( תעודת תאריך לידה) פונעם רבי'ן אין די פוילשע ארכיוו,וועל איך ציטירן פון דארט, איבערגעזצט פון פויליש אויף אידיש,וזה לשונו,
געשריבן געווארן אין קאזניטץ,אין די 12|\14 טאג אין די חודש נאוועמבער יארע 1890, [=דאס קומט אויס אין די אידישע דאטום,ערב שבת קודש תולדות,ב' כסליו ,שנת תרנ"א]אינמיטן טאג,און אויף דעם האבן עדות געזאגט,די צוויי געשטעלטע דערויף,לעזר שפיגעל,וואס איז פופצויג יאר אלט,שלמה ראזענפעלד וואס איז איין און זיבעציג יאר אלט,
ירחמיאל משה האפשטיין (הרה"ק מקאזניץ זיע"א) דריי און דרייסיג יאר אלט,איינוואינער פון שטאט גראדזשינסק,און זיין פרוי לויטן געזעץ,ברכה (איר פאמיליע נאמען איז טווערסקי) צוויי און דרייסיג יאר אלט.
איז זיי געבוירן געווארען א' זון א'זכר אין די טאג,24 אין אוקטובר,און די 5 אין נאוועמבער ,זיבן א'זייגער צופרי [=מיטוואך פרשת חיי שרה, כ"ב חשון],און ביים ברית האט מען אים א'נאמען געגעבן,אהרן יחיאל.
ווי סאיז באוואוסט האבן די קריסטן צוויי סארטן יאר קאלאנדערס ,די נייע מיט די אלטע,און זייי האבען אויף די געבורטס סערטיפיקאט גענוצט ביידע.
איז מען פון די געבורטס סערטיפיקאט געוואויר געווארן אפאר זאכן ,אז הרה"ק רבי אהרלע זיע"א איז געבוירן געווארן מיטוואך חיי שרה ,כ"ב חשוון תרנ"א זיבן א'זייגער צופרי,(און נישט ווי ס'שטייט אנגעצייכענט אין אנדערע פלעצער).
און הרה"ק רבי ירחימאל משה פון קאזניץ זיע"א (טאטע פון רבי אהר'לע זיע"א) איז געבוירען אין די צענטע טאג אין אלול,און יאר תר"ך,און זיי רעבעצין הצדקת מרת ברכה צפורה גיטל בת הרה"ק רבי מאטל טווערסקי זצוק"ל פון לויעוו טשערנאביל,איז געווען בלויז איין יאר אינגער פון אים.
און רבי ירחימאל משה האט חתונה געהאט און יאר תרל"ד (אזוי ווערט אנגעצייכענט דארט)ביי די דרייצען יאר אלט, איז זיין רעבעצן איז אלט געווען בלויז צוועלף יאר, און זיי האבען געהאט זייערע עלטסטע זון רבי אהר'לע זיע"א אין יאר תרנ"א,דאס מיינט כמעט אכצן יאר נאך די חתונה.
קומט אויס אז בשעת זיין טאטע איז נסתלק געווארען, איז רבי אהר'לע זיע"א אינגאנצען אלט געווען א'אכצן יעריגע בחור,און סוף ווינטער תר"ע פאר ער איז אלט געווארען צוואנציג יאר האט ער חתונה געהאט.
און וועגן מקום ושנת פטירתו ,וקבורתו איז אזוי.
פארציילט הרה"ח ר' שמואל חנוך מרגליות ז"ל א'קאזניצער חסיד פון דערהיים, אוועק ב' כסליו תש"ע,און ליגט אין שיכון סקווירא ,אז בשעת די הסתלקות פונעם רבי'ן,זענען מיר געווען דריי בחורים,מיט איין אינגערמאן,ר'שלמה סיני,מנשה ,מיט לייבל מנשה'ס,און איך, וואס זענען געקומען צום רבי'ן פון ראדום קיין זשעליכאוו.
פאר ראש השנה תש"ב איז אנגעקומען קיין ראדום א'טעלעגראמא [ווייל די בעלי בתים פון ראדום זענען געווען רייך און נגידים] אז די רבי איז אין א'סכנה,און ער איז זייער קראנק,און מ'דארף האבען אסאך געלט,און ער געפינט זיך אין זעשליכאוו,און אונז אלע פיר כנ"ל האבן צאם געקליבן געלט פארן רבי'ן,און מיר זענען געפארן מיטן באן ,און די דייטש'ן ימ"ש האבן שוין געזוכט איד'ן אויף די באן,און מ'האט זיך געדארפט פארשטעלן פאר זיי.
און די רבי האט מען געברענגט פון ווארשא קיין זשעליכאוו,ווייל אין זשעליכאוו זענען די יודענראט ,געווען פון די רביס חסידים,[איינער פון זיי מיט די נאמען דוד קעסלבריינער],און דארט האט מען געלייגט דעם רבי'ן אין א'בוידעם מיט צוויי צימערן מיט זיין מנין,און די יודענראט האבן אים געהיטן.
אין זשעליכאוו איז נישט געווען א'באן-סטאנציא,נאר אין די נעבעדיגן שטאט גארוועלין ,און פון דארט קיין זשעליכאוו איז געווען ארום זיביצן אכצן קילומעטער,און מ'האט געווארענט דעם עולם אז מ'זאל נישט אריין גיין אין שטאט מיט די באן סטאנציא,ווייל די פוילישע פאליציי וועלן זיי אויס הארגענען,האט מען געדארפט גיין דורך די וואלד,און אזוי איז מען אנגעקומען צום רבי'ן קיין זשעליכאוו,ערב ראש השנה צופרי.
ווען מ'איז אנגעקומען ,איז שוין די רבי געליגן שטארק קראנק מיט א' קאלטע טיפוס לא עלינו,און מ'האט נישט געוואוסט אויב די רבי איז ביי די הכרה אדער נישט,ווייל ער האט גארנישט גערעדט,און נישט ראגירט אויב ער פארשטייט עפעס,אבער ווען מ'איז געקומען שלום נעמען פון אים,און אים אויסגעשטרעקט די האנט,האט ער זיך פלוצלינג אוועק געזעצט אויפן בעט,און ס'האט זיך אנדערקענט אז ער איז ביים פול'ן זינען,און מ'האט געמאכט א'מנין נעבן זיין צימער,און ביי שופר בלאזען ,האט ער געציטערט און זיך ארויפגעזעצט אויף זיין בעט.
אזוי איז דורך ביידע טעג ראש השנה,און צומארגענס,צום גדלי' צופרי,האט מען גערופן א' דאקטאר א'ספעציעליסט,און ער האט אים געגעבן א'דעפיציון (אינפוזיא),און די דאקטאר האט געוואלט איבער טוישן די בעט געוואנט וואס די רבי איז געלעגן דערויף,און אלע בחורים זענען אנטלויפן ,ווייל זיי האבען מורא געהאט אז זיי זאלען זיך נישט אנשטעקן פון די טיפוס וואס די רבי האט געהאט לא עלינו, אבער איך האב פון גארנישט געציטערט,איך האב אנגעכאפט דעם רבי'ן אינטער זיין ארעם,און איך האב ארויף געלייגט זיין הייליגע גוף אויף מיר, ביז ווען די דאקטאר האט אלעס געענדיגט צו טוהן,אויף צומארגן'ס נאכט [דאנערשטאג נאכט פרשת וילך] בין איך געשטאנען נעבן זיי בעט,און 9:30 איז זיין הייליגע נשמה ארויס פון אים בקדושה וטהרה.
און איך בין געווען פון די וואס האבן זיך געפארעט מיט די טהרה פארן רבי'ס הייליגע גוף,און איך האב אים אויך אנגעטוהן די תכריכים,ווייל נאר פאר זיינע בחורים, האט מען דאס געלאזט טוהן,
און וויבאלד די יודנראט דארטן זענען געווען דעם רבי'ס חסידים,און זיי האבן געהאט א'נאנטשאפט מיט די פוילישע פאליציי ,האט מען זיי געגעבן א'ערלויבענישט,און מ'איז זיך צוזאם געקומען פון אלע שטעט ארום און ארום,מ'האט געמאכט א' גרויסע חשובע לווי' ,און ס'האבען זיך באטייליגט צענדליגע טויזענטער מענטשן.
און מ'האט באהאלטן די היליגע ארון,נעבען די קבר פון הרה"ק רבי אהרן הכהן פון זשעליכאוו זיע"א בעל מחבר ספר "אור הגנוז", [תלמיד פונעם רבי'ן רבי אלימלך זיע"א].
קומט אויס אז די רבי איז נסתלק געווארען ,ביי די איין און פופציג יאר,אין ד' תשרי תש"ב .ומנוחתו כבוד בעיר זשעליכאוו.[גענומען פון כתבי הרה"ח ר' אברהם אפרים גאטהייל שיחי' וואס אביו ר' שלמה זלמן ז"ל פון לאדזש איז געווען מ'חסידי קאזניץ,און האלט בעז"ה אינמיטן ארויסגעבען א'ספר, תולדות מיט מעשיות און תורות פון הרה"ק רבי אהר'לע זיע"א ותשוח"ח לו. ].
