מילין_יקירין האט געשריבן:די תורה מיט די היסטאריע וואס די רבי זצ"ל האט דאן פארציילט, איז געווען עפעס וואס איז קיינמאל נישט געווען.
כ'בין געווען א גרויסע בחור דאן, און אנשטאט זיך שטיפן צו זעהן דעם רבי'ן, בינעך מיט מילך קעסטלעך אויף א טיש ארויפגעקראכן אויף די רעכטע זייט ביהמ"ד ווי די דאך איז נידריג, און צולייגט מיין אויער איין פיס נעבן ספיקער, נאכער האבן נאך מענטשן מיר נאכגעטוהן...
געדענק איך עפעס אזוי,
זייענדיג מיט די דייטשן, איז די רבי זצ"ל געווען א אויפזעהער איבער אנדערע אידן, די רבי פלעגט אסאך פראטעקטן אנדערע אידן, און דערפאר אריינגעהויבן פון די עס עס ימ"ש וזכרו.
איינמאל האט א דייטש געפלאצט דאס געדולט אויפ'ן רבי'ן און אנגערייצט אויפ'ן רבי'ן א ווילדע הינגעריגע הינט ( ווארשיינליך א "דשערמען שעפארט" - לויט די היסטארי) די זעלבע סארט הינט וואס די מיליטער ניצט, און האט דעם כח צו צערייסן א מענטש צום טויט. דער הינט האט נישט געהאלטן ביים פאלגן דעם רשע ימ"ש, ביז די עס עס האבן אנגעפאנגען אונטערשלאגן דעם הינט אז ער זאל צערייסן דעם רבי'ן. און דאן האט זיך די הינט ארויפגעווארפן אויפן דייטש און אים אליין צעפליקט.
כ'דענק נאך ווי דער גאנצער ביהמ"ד האט געמאכט א וואו, מיט וואונדער.
דער רבי האט די מעשה מיט'ן הונט קיינמאל נישט פארציילט ברבים, בס"ה האט ער נאר אמאל באשטעטיגט די מעשה ווען עס איז געווען באשריבן אין איינע פון די צייטונגען אין ארץ ישראל ווען עס איז נפטר געווארן א איד מיט'ן נאמען ר' איטשע חסיד אז יענער פלעגט דערציילן אז מ'האט אנגערייצט א בער אויפ'ן רבי'ן און ער איז ניצול געווארן כנ"ל, און ווען מ'האט דאס געוויזן פאר'ן רבי'ן האט דער רבי אוועקגעמאכט די מעשה זאגנדיג אז עס איז נישט געווען קיין בער נאר א גרויסער הונט, וואס דערמיט האט ער פאקטיש באשטעטיגט אז די מעשה האט ווירקליך פאסירט.
יענעם חנוכה האט דער רבי דערציילט אסאך אנדערע וואונדערליכע נסים, די מעשה וואס ער האט געזאגט אז ער איז א זייגער מאכער און דער רשע האט געלאכט פון אים און האט אים גארנישט געטון, די מעשה מיט'ן שלעפן מיט די לינקע האנט, ווי יענער רשע האט אים געוואלט געבן א קאפע און יענער האט זיך אראפגעקייקלט די גאנצע בארג ועוד