אידישע וועלט פארומס

איך וועל ארויפלייגן דאס בילד בשלימות.
רעכטס זיצט הגה"צ טשימפער רב זצ"ל, (ער איז דיסקוטירט געווארן אין א באזונדערער אשכול).

היינט איז זיין יארצייט. יהא זכרו ברוך

א טייער בילד פונעם צעהלימער רב זצ"ל (רעכטס) מיטן סקולענער רבי זצ"ל, זעהט אויס ווי א באזוך אין א קעמפ וכדו'.

(בילד קרעדיט; אתר אתרוג)

שיינט ווי דער צעהלימער רב זצ"ל וויל נישט דעם בילד.

אגב, דער צעהלימער רב האט נישט איבערגעלאזט קיינע קינדער ל"ע, דער היינטיגער צעהלימער רב שליט"א הרה"צ ר' יוסף משה גרינוואלד, איז א זוהן פונעם ווייב פון צעהלימער רב זצ"ל וועלכער איז אויפגעצויגן געווארן ביי אים.

זי איז קודם געווען די רעביצין פון הרה"ק רבי מנחם מ'סטראפקאוו זי"ע.

ס'האט מיר דערציילט א איד וואס האט געלערנט מיטן היינטיגן צעהלימער רב אין חדר, אז נאכדעם וואס זיין טאטע (אויך געווען נאר א שטיף טאטע, דער סראפקאווער רב האט נישט איבערגעלאזט קיין קינדער) איז נפטר געווארן האט איין טאג אריינשפאצירט אין חדר דער צעהלימער רב און דער אינגעל (צעהלימער רב שליט"א) איז ארויס צו אים. האט מען געשמועסט צווישן די קינדער אז דער רב גייט זיין יוסף משה'ס נייע טאטע...

אגב, דער רבי הברך משה איז געווען סנדק ביים צעהלימער רב שליט"א. ווייס איינער מער דעטאלן?

ר' יוסלמאן, צעהלימער רב זז"ג איז א זון פון פעטראוואסעלער רב דאס איז בגלילות זענטא, ע"ע אין די רירענדע הקדמה פון אב"ד צעהלים לספרו של אביו, ער שרייבט "שלשה אבות אני יודע".

סאו ס'איז מסתבר אז מ'האט מכבד געווען דעם ברך משה אלץ זענטער רב. ווען איז דער צעהלימער רב שליט"א געבוירן?

אין מיטן קריג,

דער ברך משה איז אין יענע צייט [כמדומני] געווען דער סנדק אויך ביי ר' יהושע ברוך ווערצבערגער.

די מעלדונג אין 'הפרדס' אויפן אנקום פונעם צעהלימער רב ז"ל און דער מאטעסדארפער רב ז"ל מגיא ההריגה קיין ארה"ב.

כ'שטעל דא ארויף דעם בילד ווי עס ווערט געזעהן צעהלימער רב זצ"ל, ראי"ה מקאפיטשניץ זצ"ל, רמ"ש מבאיאן זצ"ל. ווייסט איינער פרטים איבער דעם בילד?

חתונת הרה"ח ר' שמעון גרובער ע"ה,

נראים מימין לשמאל בשורה הראשונה, הר' יהודה לייבוש דאנציגער ע"ה שמש ביהמ"ד צעהלים, אונטערפירער א' (כ'געדענק נישט ווער דאס איז אפשר באבאווער רב), החתן, הגה"צ מצעהלים זצ"ל,
בשורה השני' נראים הרה"ק מקאפיטשניץ זי"ע עם אחד מבניו

בן-בוזי וועלכער יאר איז דער בילד? דער רעכטס איז זיכער נישט דער באבובער רב.

בעפאר תשי"ב

בן-בוזי, פרטים איבער מיין בילד ווייסטו אפשר אויך?

נחמן נתן האט געשריבן:בן-בוזי, פרטים איבער מיין בילד ווייסטו אפשר אויך?

מיללער האט געשריבן:בן-בוזי דער רעכטס איז זיכער נישט דער באבובער רב.

נ"נ איך ווייס נישט

ווער איז דער אנדערע אינטערפירער ביי ר' שמעון גרובער'ס חתונה?

scy4851 האט געשריבן:עס קומט מיר יעצט אין זכרון די לויה פון זיין רעבעטצין.
ווען זי איז נפטר געוואערען, האט מען גענומען די גאנצע ישיבה קטנה צי די לויה.

כנראה כוונתכם לזוגתו הראשונה בת אחיו הרב אברהם יוסף.

באיזה יום נפטרה, מה שמה, הרי לא השאירה זש"ק.

מן הסתם בספריו היא מוזכרת, וכמו"כ על הלוח בביהמ"ד.

ביקסאד האט געשריבן:

scy4851 האט געשריבן:עס קומט מיר יעצט אין זכרון די לויה פון זיין רעבעטצין.
ווען זי איז נפטר געוואערען, האט מען גענומען די גאנצע ישיבה קטנה צי די לויה.

כנראה כוונתכם לזוגתו הראשונה בת אחיו הרב אברהם יוסף.

באיזה יום נפטרה, מה שמה, הרי לא השאירה זש"ק.

מן הסתם בספריו היא מוזכרת, וכמו"כ על הלוח בביהמ"ד.

מרת סילקא ב"ר אברהם יוסף ע"ה נפטרה כ' סיון תשט"ו לפ"ק

אויפן ערשן בלאט פון דער אשכול איז דא א בילד פונעם מציבה איז אינטערעסאנט צו באמערקן אז אויפן מציבה שטייט אויף געשריבן אז זיין נאמען איז געגעבן געווארן נאכן הייליגער בארדיטשובער רב.

דער גאנצער מציבה בכלל איז אינטערעסאנט (געשריבן עפ"י צוואתו) צום סוף דערמאנט מען אז ער האט משמש געווען בקהלתינו ערוגת הבשם (ס'זעהט אויס געשריבן שלא עפ"י צוואתו) ס'איז אינטערעסאנט אזא אויף שריפט אויף א מציבה (אריין אין אינטערעסאנטע אויפשריפטן אויף מציבות, אשכול), און מסתמא האט ער געהאט א פשוטער כוונה דערביי אז דער בארדיטשובער רב זאל זיין זיין מליץ יושר -א גוטער אדוואקאט אויף יענער וועלט, דאך איז עס אינטערעסאנט. זי"ע

נחמן נתן האט געשריבן:בן-בוזי, פרטים איבער מיין בילד ווייסטו אפשר אויך?

רעכטס פון קאפיטשניצער רבי איז ר' גדלי' שארר ז"ל.

אברעמעלע ייש"כ. עת לכל חפץ.
- - -
איבער מיין בילד וואס כ'האב געשטעלט אויפן פאריגען בלאט, איך קלער אפשר צו זאגן אז דער גאנץ ערשטער רעכטס, איז הרה"ק ר' מענדעלע מסטראפקוב זצ"ל, וואס זאגט דער ציבור דערצו?

אברעמעלע האט געשריבן:

נחמן נתן האט געשריבן:בן-בוזי, פרטים איבער מיין בילד ווייסטו אפשר אויך?

רעכטס פון קאפיטשניצער רבי איז ר' גדלי' שארר ז"ל.

אברעמעלע, ביסט זיכער?

scy4851 האט געשריבן:

אברעמעלע האט געשריבן:

נחמן נתן האט געשריבן:בן-בוזי, פרטים איבער מיין בילד ווייסטו אפשר אויך?

רעכטס פון קאפיטשניצער רבי איז ר' גדלי' שארר ז"ל.

אברעמעלע, ביסט זיכער?

איך האב נישט קיין ספיקות ווען עס קומט צו מיינע!

נחמן נתן האט געשריבן:אברעמעלע ייש"כ. עת לכל חפץ.
- - -
איבער מיין בילד וואס כ'האב געשטעלט אויפן פאריגען בלאט, איך קלער אפשר צו זאגן אז דער גאנץ ערשטער רעכטס, איז הרה"ק ר' מענדעלע מסטראפקוב זצ"ל, וואס זאגט דער ציבור דערצו?

כאטש ס'ענדעלט אביסל אינעם סטראפקאווער רב, גלייבט זיך שווער אז מזאל אים נישט זעצן אין צענטער.

פלא בצואתו שלא ידפיסו כתביו

וגם שיאמרו עליו קדיש במשך ב' שנים

א בילד פון צעהלימער רב ווי ער קריכט אויפן לייטער אין צעהלימער קעמפ צו פאררעכטן דעם עירוב.

(אויפן בילד דערקענט מען פון ל. צו ר. ר' יחזקאל שטיינפעלד פון קר"י, און ר' עקיבא שטראססער מיט דוד קאהן פון וויליאמסבורג)