אידישע וועלט פארומס

פ"א הראה הרה"ק מריזין להרה"ק הרי"מ מגור את סוסיו.נענה הרה"ק מגור ואמר: גם זה הבל. אמר הרה"ק מריזין: הב"ל נוטריקון: ש'הכל ב'רא ל'כבודו. זיע"א.

מ'האט אין דעם אשכול דערווייל באהאנדלט בעיקר די קינדער און משפחה פון ר' אברהם מרדכי בנו של החידושי הרי"ם ואביו של השפ"א.

דער חידושי הרי"ם האט לויט אסאך מקורות געהאט 13 קינדער און רוב אדער אלע זענען אוועק בחייוו, טייל האבן אבער שוין געהאט חתונה געהאט און אויפגעשטעלט משפחות ווי טאקע דער דערמאנטער בן יחיד ר' אברהם מרדכי.

פון די טעכטער וואס האבן חתונה געהאט ווערן נאר צוויי דערמאנט אינעם 'שם ושארית' שלנקקתי לעיל, די איידימער ווערן דארט דערמאנט אלס;

1) ר' בנימין אליעזר יוסטמאן
2) ר' שמאול זאנוויל בראדער

אין דעם אשכול אינען אוצה"ח פארום ווערט דערמאנט אז ר' ישראל גרשון סאלאווייצי'ק בנו של הגר"ח מבריסק האט חתונה געהאט מיט א טאכטער פון ר' משה מרדכי הכהן מביאלא, אויף מיין אנפראגע ווער דער ר' משה מרדכי איז געווען איז געקומען דער אנטווארט אז ער איז געווען אן אייניקל פונעם חידושי הרי"ם, נאך מער גראבענישען שטעלט זיך דערווייל ארויס דעם סדר היחס; ר' יעקב משה מרדכי הכהן ביאלער חתן ר' ישראל חתן החידושי הרי"ם.

ווער איז געווען דער ר' ישראל חתנו של החי' הרי"ם?

-

2) ר' שמאול זאנוויל בראדער
מציבת ר' שמואל זאנוויל ב"ר ברוך בראדער הנ"ל חתנו של הגאון בעל חי' הרי"ם, ווי עס זעהט אויס האט ער געוואונט אין גור ומנו"כ בווארשא.
אויפן ווארשא בית עולם איז פארהאן מערער בראדער מציבות נכדי החי' הרי"ם אזוי אויך אויפן ביה"ח אין גור איז דא א מציבה פון האשה מינדל אשת ר' יעקב מנחם בראדער נכד החי' הרי"ם.

בייגעלייגט מציבת ר' שמחה בונם ב"ר שמואל זאנוויל חתן החי' הרי"ם אין ווארשא

ר' בנימין אליעזר יוסטמאן

מציבת ר' ישראל משולם ב"ר בנימין אליעזר יוסטמאן חתנו של בעל חי' הרי"ם מגור בביה"ח בווארשא (ראה המילים; ירא את ה' וסר מרע, שריג נצר מטע קודש, נכד רבינו יצחק מאיר מאוה"ג וכו')

אוסיף כאן פרט אחד למשפחתו של החידושי הרי"ם אולי יהיה מישהו לעזור לי

אחד משרשי משפחת בית אבותי הוא משפחת גליצנשטיין, שעל נכדיו נמנה הסופר המפורסם בבית חב"ד הרה"ת ר' אברהם חנוך גליצנשטיין שיחי' בן ר' שמעון גליצנשטיין ע"ה (חיבר ספרים רבים בעיקר להוצאת קה"ת)
ר' אברהם חנוך מספר עובדא, שזוכר בהיותו ילד למד בת"ת עץ חיים בירושלים יחד עם אחד מנכדיו של הה"ק בעל האמרי אמת מגור זצ"ל, פע"א שיחק עם הנכד הנ"ל בחצר בית זקינו האמרי אמת, והאמרי אמת ישב לו מן הצד ועיין בספר כדרכו, ופתאום קרא אליו ושאל לו ילד מה שמך, ענה גליצנשטיין, אה גליצנשטיין מיר זיינען דאך קרובים, ע"כ
לימים בשנת תשט"ו נכנס פעם ר' אברהם חנוך לביתו של הבית ישראל מגור, ושאל לו לשמו ענה גליצנשטיין, ואמר לו ממש כהאי לישנא, אה מיר זיינען דאך קרובים
לא ידוע לנו איך משפחת גליצנשטיין מגיע למשפחתו של האמרי אמת, מה שידוע לנו אא"ז ר' יצחק גליצנשטיין הסתופף בצ"ק של (אביו של הא"א) השפת אמת מגור זי"ע, ויש כת"י ממנו שם מזכיר את רבו השפ"א כמ"פ, אבל לא ידוע לנו כלום קשרי משפחתיים עמו, משפחת אמו של ר' יצחק היתה שם המשפחה, בריקסמאן
אולי ואולי יש מי שיודע יותר???

דער באקאנטער 'ווארשא ביה"ח וועב-סייט' איז שוין היינט פארברייטערט צו מערערע פוילישע שטעט בתוכם; אטוואצק, שידלוביץ און גורא-קאלוואריע (גור), בייגעלייגט איז דער איבערגעמאכטער איהול פונעם חי' הרי"ם און שפת אמת אין גור, און פאגלענד איז א לינג צו עטליכע איבערגאמאכטע מציבות מהרבניות ומשפחת החי' הרי"ם בביה"ח בגור:
http://cemetery.jewish.org.pl/results/cemetery_9
(לייגט אריין דעם נאמען alter אינעם זוך קעסטל)

כאב געזעהן אין א ספר וואס באשרייבט דעם חי' הרי"ם זצ"ל (מעגליך אין מאיר עיני הגולה) אז די חי' הרי"ם האט געלערנט ביים פלוצק'ער גאון
און ער איז אוועקגעגאנגען פון אים ווייל אמאל האט דער פלוצק'ער גאון פארגעלערנט און ס'געווען ארויסגעריסן א בלאט און דער פלוצק'ער גאון האט
פארגעלערנט דעם קומענדיגען בלאט [נישט באמערקענדיג אז ס'פעלט א בלאט] כאילו לא היה ע"כ המעשה,

כ'וויל וויסן צו איינער ווייסט פון וואס איך רעד און פונקטליך וואו ס'שטייט ווייל לפי עניית דעתי לייגט זיך די מעשה נישט אויפ'ן שכל
יש"כ למפרע

ס'איז נישט דאס פלאץ דא, אבער מענין לענין באותו ענין, כ'געדענק הגאון ר' בערל קרויזער -בעל דבר המלך ותלמידו של בעל אבן האזל- ווען ער האט פארגעלערנט אויף דער עלטער און שוין נישט געקענט זעהן, ס'האט זיך געקענט דאכטן אז ער לערנט פאר פון אינעווייניג ווען ס'איז ניטאמאל געווען אויף געמישט אויפן בלאט. אדער אז ס'איז געווען אויסגעריסן א שטיקל עמוד האט ער פארגעלערנט פון אינעווייניג כלא היה.

מיללער האט געשריבן:אין דעם אשכול אינען אוצה"ח פארום ווערט דערמאנט אז ר' ישראל גרשון סאלאווייצי'ק בנו של הגר"ח מבריסק האט חתונה געהאט מיט א טאכטער פון ר' משה מרדכי הכהן מביאלא, אויף מיין אנפראגע ווער דער ר' משה מרדכי איז געווען איז געקומען דער אנטווארט אז ער איז געווען אן אייניקל פונעם חידושי הרי"ם, נאך מער גראבענישען שטעלט זיך דערווייל ארויס דעם סדר היחס; ר' יעקב משה מרדכי הכהן ביאלער חתן ר' ישראל חתן החידושי הרי"ם.

ווער איז געווען דער ר' ישראל חתנו של החי' הרי"ם?

הראנו ידידי הוותיק הי"ו שהרנ"א וקשטיין במאמרו ויתילדו מס' 98 (פר' בא תשע"א) כתב כבר אודות חתנו של החי' הרי"ם הזה, בתו של הרי"ם הרבנית אסתר (נולדה כ"ב אדר א' תקצ"ב) נישאה לר' ישראל מאיר הכהן - ר' ישראל ביאלער בנו של ר' הירצל הכהן מחסידי קאצק בביאלא חתנו של המפורסם ר' מרדכי בלמק'עס מביאלא.

לפי"ז איז ר' יעקב משה מרדכי הנ"ל געווען א זון פון ר' ישראל נישט קיין איידעם, און זיין איידעם איז געווען ר' ישראל גרשון סאלאוויציג וועמענס זון ר' משה פון ציריך האט טאקע געטראגען דעם פולען נאמען 'יעקב משה מרדכי' ע"ש זקנו.

דער דערמאנטער ר' משה סאלאוויציק פון ציריך איז באקאנט פון די בילדער מיט זיין קרוב דער בריסקער רב הגרי"ז פון זיינע וויזיטען אין שווייץ, געדרוקט אין 'הרב מבריסק' אין און אנדערע מקומות.

בן בוזי האט געשריבן:ס'איז נישט דאס פלאץ דא, אבער מענין לענין באותו ענין, כ'געדענק הגאון ר' בערל קרויזער -בעל דבר המלך ותלמידו של בעל אבן האזל- ווען ער האט פארגעלערנט אויף דער עלטער און שוין נישט געקענט זעהן, ס'האט זיך געקענט דאכטן אז ער לערנט פאר פון אינעווייניג ווען ס'איז ניטאמאל געווען אויף געמישט אויפן בלאט. אדער אז ס'איז געווען אויסגעריסן א שטיקל עמוד האט ער פארגעלערנט פון אינעווייניג כלא היה.

אמת ויציב כן בעצמי שמעתי מבנו ר' יעקב קרויזער הי"ו מחסידי וויזשניץ בני ברק, כשהייתי בביתו בטלסטאון בארץ ישראל
דעמאלס זיך אפגערעד אז סקווירא ווי ער איז געוועהן ראש ישיבה צוויי און צוואנציג יאר האט אים נישט גענוג מעריך געוועהן און מכבד געוועהן

דער 'שפתי צדיק' פון פילץ האט געהאט אן איידעם בשם ר' דוב בעריש איינהארן, ער איז געווען ממלא מקומו פון זיין טאטען ר' אפרים צבי ב"ר זאב וואלף איינהארן אב"ד אמסטוב, ר' אפרים צבי איז געווען א רב ותופס ישיבה אסאך גדולים זענען געווען זיינע תלמידים צווישען זיי; דער קאזיגלובער גאון ר' ארי' צבי פראממער און דער ראדאמאסקער רבי ר' שלמה חנוך העניך הכהן.

ר' אפרים צבי איז אינגערהייט נפטר געווארן בשנת תרס"א און זיין בן יחיד ר' דוב בעריש חתנו של השפתי צדיק האט אים איבערגענומען ווי ער האט געגעבן א נאמען פאר די דישיבה אין אמסטוב בשם 'שארית אפרים' על שמו פון זיין פאטער, ר' בעריש איז אומגעקומען עקד"ה ביים קריג.

נאך די קריג האט דער באקאנטער חוקר ועורך ר' דוד אברהם מאנדלבוים צוזאמענגענומען חידו"ת ושו"ת פון די אמסטובער רבנים און זיי געדרוקט בשם 'שארית אפרים - דוב' על שמם (דער ספר איז דערווייל נישט אויק ה"ב, אוצה"ח האט עס יא).

דער אבני נזר האט אויסטערליש געהאלטן פון ר' אפרים צבי הנ"ל, זאגנדיג אז ער פארמאגט אזא דרך הלימוד ווי ר' משולם איגרא. ער האט געוואלט אז בעפאר ער נעמט אן א תלמיד ביי זיך אין ישיבה אין סאכאטשאוו, זאל ער גיין לערנען אביסל אין אמסטאוו ביי ר' אפרים צבי, זיך אויסצולערנען וויאזוי מ'פרעגט ריכטיג א קושיא.

דער שפת אמת איז געווען בזיוג שלישי אן איידעם ביי רבי ברוך'ל גארליצער

נאך א איידעם פון ר' בנימין אליעזר יוסטמאן חתנו של ר' אברהם מרדכי בן החי' הרי"ם איז געווען ר' יעקב אורי שרגא הכהן ווארשאוויאק פון ווארשא, די ווארשאוויאק מפשחה איז געווען חשוב'ע משפחה אין ווארשא ביניהם איז באקאנט ר' מאיר ווארשאוויאק אב"ד מוקוטוב וחבר וועד הרבנים דווארשא.

מציבת מרת שאשא ב"ר בנימין אליעזר יוסטמאן חדב"ן החי' הרי"ם זצ"ל אשת ר' יעקב שרגא הכהן ווארשאוויאק על הביה"ח בעיר ווארשא:
http://cemetery.jewish.org.pl/id_83730/ ... awiak.html

מיילעך האט געשריבן:יו"ח של ר' אברהם מרדכי בן החי' הרי"ם:
ה'שפת אמת'
ר' אליהו יוסף מביאלא
ר' שמעון חיים מווארשא
ר' שלמה מווארשא
חתניו:
ר' אהרן פנחס תאומים מגור
ר' יצחק בוימגאלד מווארשא
ר' בנימין מארגנשטערן מקאצק בן השרף מקאצק
ה' שפתי צדיק' מפילץ

איך זעה אז איבער איין ברודער פונעם שפת אמת האט מען נאכנישט גערעדט באריכות, דאס איז ר' שמעון חיים (ר' שימעלע) ב"ר אברהם מרדכי בנו של החי' הרי"ם, ר' שמעון חיים האט געוואונט אין ווארשא און דארט איז ער נפטר געווארן כ"ד חשון תר"ם ושם מנ"כ (זעה מציבה בייגעלייגט).

איין זון פון ר' שמעון חיים איז געווען ר' ישראל נטע שנפטר ונטמן בווארשא בשנת תרצ"ב:
http://cemetery.jewish.org.pl/id_77392/ ... Alter.html

נאך א זון איז געווען ר' משה שנפטר תרצ"א ונטמן בווארשא:
http://cemetery.jewish.org.pl/id_90933/ ... Alter.html

א דריטע זון איז געווען ר' אברהם מרדכי אלטר, איך ווייס לע"ע נישט קיין פרטים איבער אים נאר איבער זיינע קינדער, איין זון הב' שמעון חיים איז נפטר געווארן אלס בחור הושענא רבה תרפ"ג און ער ליגט אין ווארשא (בן בוזי אויבן אנגעפרעגט פרטים איבער אים):
http://cemetery.jewish.org.pl/id_88289/ ... Alter.html

נאך א זון פון ר' אברהם מרדכי ב"ר שמעון חיים איז געווען ר' יצחק מאיר אלטר הי"ד וועלכער איז אומגעקומען ביים קריג, זיין זון ר' ברוך יעקב אלטר האט געלערנט אין די מירער ישיבה און דורך דעם איז ער געראטעוועט געווארן פונעם קריג מיט די וואונדערונגען פון די מירער ישיבה אין קאבא, יאפאן און שאנגהאי ביז קיין אמעריקא ווי ער האט חותנה געהאט און מעמיד געווען זיין שטוב , דא אין אמעריקא איז ער נפטר געווארן בשנת תשנ"א איבערלאזנדיג א הערליכע שטוב על דרך התורה והיראה לתפארת בית אבותיו הק', צווישען זיינע קינדער ציילט זיך ר' אברהם מרדכי אלטר הי"ו אן איינגעשטעלטער אין ישיבת מגדל התורה אין שיקאגא.

מציבת ר' ברוך יעקב אלטר ז"ל בביה"ח הר חברון בקווינס.
http://kevarim.com/rabbi-baruch-yaakov- ... ment-36366

תמונת מציבת ר' שמעון חיים ב"ר אברהם מרדכי בנו של החי' הרי"ם זצ"ל בעיר ווארשא:

ארויף געברענגט לכבוד די יומא דהילולא כ"ג אדר (תרכ"ו)
זי"ע

מיללער האט געשריבן:א דריטע מציבה פון די בוימגאלד משפחה נכדי החידושי הרי"ם, טרעף איך האשה מרת פיגא אשת ר' נח בוימבגאלד נ"י, בת ר' נתן נטע אייבשיץ, ברויך מען וויסען וויאזוי דער יחוס גייט ביז צום חי' הרי"ם (נפטרה בשנת תרצ"ה)

ר' נח בוימגולד איז גיווען א זון פין ר' יצחק [חתן הרה"ק ר' אברהם מרדכי די זון פין די חידושי הרי"מ זי"ע].

אומרים שפעם הוא אמר למישהו ממקורביו: שני דברים לא חסרו לי אף פעם: כסף וצרות.. זי"ע.

מיללער האט געשריבן:דער 'שפתי צדיק' פון פילץ האט געהאט אן איידעם בשם ר' דוב בעריש איינהארן, ער איז געווען ממלא מקומו פון זיין טאטען ר' אפרים צבי ב"ר זאב וואלף איינהארן אב"ד אמסטוב, ר' אפרים צבי איז געווען א רב ותופס ישיבה אסאך גדולים זענען געווען זיינע תלמידים צווישען זיי; דער קאזיגלובער גאון ר' ארי' צבי פראממער און דער ראדאמאסקער רבי ר' שלמה חנוך העניך הכהן.

ר' אפרים צבי איז אינגערהייט נפטר געווארן בשנת תרס"א און זיין בן יחיד ר' דוב בעריש חתנו של השפתי צדיק האט אים איבערגענומען ווי ער האט געגעבן א נאמען פאר די דישיבה אין אמסטוב בשם 'שארית אפרים' על שמו פון זיין פאטער, ר' בעריש איז אומגעקומען עקד"ה ביים קריג.

נאך די קריג האט דער באקאנטער חוקר ועורך ר' דוד אברהם מאנדלבוים צוזאמענגענומען חידו"ת ושו"ת פון די אמסטובער רבנים און זיי געדרוקט בשם 'שארית אפרים - דוב' על שמם (דער ספר איז דערווייל נישט אויק ה"ב, אוצה"ח האט עס יא).

געטראפן א בילד פון דעם עדרמאנטן ר' דוב בעריש איינהארן הי"ד אב"ד אמסטוב חתנו של השפתי צדיק.

דער אמרי אמת ארויפגייענדיג אויפן שיף אויפן וועג קיין אר"י אין טריסט אלול תרצ"ה.

אויף דער רעכטער זייט איז דער בית ישראל, און אויף די לינקע זייט איז המשגיח ר' עקיבא דייטש.

מיללער האט געשריבן: דא
מציבת הרב ר' יצחק בוימגאלד חתן ר' אברהם מרדכי בן החידושי הרי"ם ביחד עם אביו ר' גבריאל מווארשא

המודיע פרייטיג וישב י"ט כסלו תרע"ג א הערליכע אפהאנדלונג איבער רבי יצחק בוימגאלד צו זיין פטירה אין ווארשא

א מעלדונג אין "מאמענט" כ"ה כסלו תרפ"ה איבער די פטירת פון חיה פייגא בת ר' יצחק מאיר אלטער אשת ר' משה פעלד
http://www.jpress.org.il/Default/Script ... wMode=HTML

מיללער האט געשריבן:

מיילעך האט געשריבן:יו"ח של ר' אברהם מרדכי בן החי' הרי"ם:
ה'שפת אמת'
ר' אליהו יוסף מביאלא
ר' שמעון חיים מווארשא
ר' שלמה מווארשא
חתניו:
ר' אהרן פנחס תאומים מגור
ר' יצחק בוימגאלד מווארשא
ר' בנימין מארגנשטערן מקאצק בן השרף מקאצק
ה' שפתי צדיק' מפילץ.

בילד פון מצבה פון ר' אברהם מרדכי אין ווארשא
ובניו ר' אלי' יוסף-ר' שלמה:(virtual cemetery)

ר' אליהו יוסף אחיו של השפת אמת האט געהאט א טאכטער הרבנית פיגא שנישאה לר' צבי חיים ליפסקער, בייגעלייגט איז א בילד פון איר מציבה אויפן ווארשאווער בית עולם, מערקט ווי איר יחוס ויחוס אביה ווערט באצייכענט אלס 'אחי מרן השפת אמת ונכדת החידושי הרי"ם'.

ר' אליהו יוסף אלטר מביאלא (ברא"מ בן החי' הרי"ם) איז געווען אן איידעם ביי ר' אייזיק שחור פון ביאלא (די שחור משפחה פון ביאלא איז א באקאנטע דאכציך) יעצט געטראפן א בילד פון זיין רביצין חנה ב"ר אייזיק שחור, אויפן ווארשאווער בית עולם.

קודם כל לחיים לחיים,
היינט איז הילולא קדישא של מרן הגה"ק החידושי הרי"ם זכותו יגן עלינו ועל כל ישראל,
לחיים

איצטער איז מיין שאלה,
נחוץ לי מאוד לידע מי הם כהיום משפחות נכדיו של הרב מבענדין זצ"ל, ובנו ר' יצחק מאיר לוין ז"ל
ומי מהם גרים בארה"ב?

מיללער האט געשריבן:

מיללער האט געשריבן:

מיילעך האט געשריבן:יו"ח של ר' אברהם מרדכי בן החי' הרי"ם:
ה'שפת אמת'
ר' אליהו יוסף מביאלא
ר' שמעון חיים מווארשא
ר' שלמה מווארשא
חתניו:
ר' אהרן פנחס תאומים מגור
ר' יצחק בוימגאלד מווארשא
ר' בנימין מארגנשטערן מקאצק בן השרף מקאצק
ה' שפתי צדיק' מפילץ.

בילד פון מצבה פון ר' אברהם מרדכי אין ווארשא
ובניו ר' אלי' יוסף-ר' שלמה:(virtual cemetery)

ר' אליהו יוסף אחיו של השפת אמת האט געהאט א טאכטער הרבנית פיגא שנישאה לר' צבי חיים ליפסקער, בייגעלייגט איז א בילד פון איר מציבה אויפן ווארשאווער בית עולם, מערקט ווי איר יחוס ויחוס אביה ווערט באצייכענט אלס 'אחי מרן השפת אמת ונכדת החידושי הרי"ם'.

ר' אליהו יוסף אלטר מביאלא (ברא"מ בן החי' הרי"ם) איז געווען אן איידעם ביי ר' אייזיק שחור פון ביאלא (די שחור משפחה פון ביאלא איז א באקאנטע דאכציך) יעצט געטראפן א בילד פון זיין רביצין חנה ב"ר אייזיק שחור, אויפן ווארשאווער בית עולם.

די אמרי אמת פון גער איז געווען א'איידים ביי רבי נח שחור פון ביאלא.