מיללער האט געשריבן:שתוקא בתרין האט געשריבן:ווילוויסן האט געשריבן:וואו שטייט וועגן ר' פנחס אב"ד אוהעל ?
וועגן דעם ר' פנחס שטייט א לענגערע באשרייבנוג אין א ספר פון ר' יקותיאל יהודה גרינוואלד, אויב איך געדענק גוט הייסט עס קורות היהודים און עפעס א דריטע ווארט אויך. (איך האב עס יעצט נישט ביי די האנט, איך וועל שפעטער נאכזוכן, עס געפינט זיך אויף איינע פון די ספרים פראגראמען)
מוצא שפתיך תשמור: דער ספר הייסט "קורות התורה והאמונה בהונגאריא, און עס שטייט איבער אים אויף עמוד 35
http://www.hebrewbooks.org/pdfpager.asp ... =&pgnum=36
איך זע אז גרינוואלד אליינס שרייבט דא אז ר' פנחס איז אוועק פון אוהעל תקנ"ז, עלף יאר פאר דעם ישמח משה.
דאן שטימט דאך אלעס זייער פיין.
קודם איז געווען ר' שמעי' ווייל, שמובא בשו"ת אמרי נועם להג"ר יואב מסאנטאב והוא כתב ההקדמה להספר בשנת תקנ"ז.
ר' פנחס איז געווען אפאר יאר אין אוהעל ביז תקנ"ז, [גרינוואלד].
ר' צבי הירש מייזלש האט אים איבערגענומען, פון דארט איז ער מסכים על ספר מנחת יצחק בשנת תקס"ה.
א יאר דערויף בתקס"ו איז ער מייסד די תקנות חברה קדישא באוהעל [געברענגט קאפיע אויבן פונעם הצופה לחכמת ישראל].
א יאר דערויף בתקס"ז, ווערט ליידיג דער כסא הרבנות במאטערסדארף און ער ווערט אויפגענומען דארט על מקום החת"ס.
א יאר דערויף בתקס"ח, ווערט דער ישמח משה אויפגענומען אין אוהעל.
אינעם
הסכמה אויפן ספר מנחת יצחק, ווערט דערמאנט ר' צבי הירש מייזלש אב"ד אוהעל אין איין שורה מיט ר' פנחס אב"ד הומענע. אויב איז עס דער זעלבער ר' פנחס הנ"ל, קומט אויס אז ער איז צוריק געגאנגען קיין הומענע, גרינוואלד שרייבט אז ר' פנחס איז געווען רב אין הומענע און דערנאך אין אוהעל, און דערנאך שרייבט ער "ולא ידענו היכן הלך" ! פון די הסכמה קוקט אויס אז ער איז צוריקגעגאנגען קיין הומענע.
אבער ס'איז נישט אזוי קלאר בעצם ווען די הסכמות זענען געגעבן געווארן, דער יאר וואס דער ספר איז געדרוקט געווארן איז אנגעגעבן אלס תקס"ה, ווייל דאס איז דער חשבון פון די גמטריא, אבער, די הסכמות זענען דאטומלאז, מחמת, ער שרייבט א רשימה פון נעמען פון רבנים וואס האבן מסכים געווען, אבער האט נישט געדרוקט די אריגינאלע הסכמות.
איז אבער פארט מוכרח אז דאס איז יענע יארן, ווייל אז ר' צבי הירש מייזלש איז שוין רב אין אוהעל דארף עס זיין אין די תק"ס יארן.
אויך באמערק איך אז סיי ר' פנחס מהומענע-אוהעל שרייבט גרינוואלד אויך אז ער געבוירן אין זאמושטש, און סיי ר' צבי הירש מייזלש איז געווען א זאמושטשער [כך קוראהו החתם סופר "צבי זאמושט"].
ר' צבי הירש ב"ר יודא מייזלש מזאמושטש, טראכט איך אז דאס האט אפשר שייכות מיט משפחת ר' מאיר ב"ר משה מייזלש מזאמשט, ר' מאיר חיבר ספר
הלכות עולם חי' הלכות נדפס בזולצבאך תקט"ז, ר' מאיר'ס ברודער איז געווען דער גאון בעל
נטע שעשועים ושו"ת קול שחל [נהדר מחדש לפני כמה שנים ע"י נכדו ר' אשר אלימלך ובנו ר' חיים מרדכי מייזעלס נ"י] שהי' זקינו של התפארת עוזיאל ועץ הדעת טוב, זייער טאטע ר' משה מייזליש [ווישניצע רב] איז אויך געווען א זאמושטשער ווייל זיין שווער ר' שמואל צבי הירץ איז געווען א זון פון בעמח"ס
שאגת ארי' ר' יודא ארי' ליב אב"ד זאמושטש בן בנו של הב"ח.