לוי יצחק האט געשריבן:מיללער האט געשריבן:יהיה כן האט געשריבן:
איצטער מברר געווען ביי די משפחה
די מדובר איז פון הרבנית שפרה דבורה ע"ה וועלכע ווערט אויסגערעכנט אין די ליסטע אין ספר תפארת שמואל אלס 'הי"ד' אז זי אז אומגעקומען אבער למעשה איז ווי געזאגט זיך ארויס געשטעלט אז זי האט איבערגעלעבט!!
נאך מער אינטרעסאנט איז, אז מען געוואויר געווארן אז זי איז נפטר געווארן פאר צוויי יאר צוריק, אין טאג ח' חשון, גענוי אין דער זעלבער טאג וואס איז אויסגעפאלן איר ברודער ר' יחיאל מנחם'ס יארצייט!!, ד"ה ביידע איבערגעלעבטע געשוויסטער זענען אוועק אין דעם זעלבן יאר טאג!! והוא לפלא
זי האט געהייראט מיט אן אייניקל פון חידושי הרי"ם מיטן משפחה נאמען 'בוימגאלד' (נישט בוימגארטן ווי געשריבן פריער, וטעות לעולם חוזר)
פאריגע וואך האב איך געהאט א שמועס מיט אן אלכסנדר אייניקל איבער די פרשה, הרב כן האט רעכט, עטלכיע פרטים נוספים;
שפרה דברוה איז געווען א מיידל פון זעקס יאר אלט ביים קריגת זי איז אנטלאפן מיט אן עלטערע שוועסטער פון ניין יאר אלט ווען די רוצחים האבן אויסגעשטעלט די גאנצע משפחה צום שיסען און דער טאטע האט געהייסן אוועקלויפן ווער ס'קען, די צוויי שוועסטער זענען אנגעקומען צו א גרופע פארטיזאנען די עלטערע האט ארויסגעהאלפן מיט די קאמפן און ליידער אומגעקומען הי"ד, די אינגערע מיידעלע איז געבליבען העלפן אין די קיך און בחסדי השם ניצול געווארן.
נאך די קריג איז זי אנגעקומען צו א בית היתומים, פון דארט קיין רוסלאנד ווי זי האט הערשט ביי די 37 יאר געהייראט מיט דעם דערמאנטן בוימגאלד אן אייניקל פון חידושי הרי"ם (ווער, וויאזוי?) נאר נאכדעם וואס זי האט מברר געווען אז ער איז אן ערליכער איד און א בנן של קדושים.
זיי הבן געהאט לכה"פ דעם קיין זון וועלכער וואונט אין אר"י, די עלטערן זענען אוועק אין רוסלאנד ושם מנ"כ, דער זון האט קיין אנונג נישט געהאט אז ער איז אלכסנדר אייניקל (דער פאטער אלס גורער חסיד/אייניקל האט אים נישט געוואלט דערציילן..) ער האט פשוט אנגעהויבען זוכען אויף די אינטערנעט זיינע שרשים מיט די ביסל אינפארמאציע וואס ער האט געהאט, פון דארט האט זיך עס געדרייעט ביז ער האט באוויזען צו טרעפן די משפחה, ערשטע קאזינס מיט ווען ער האלט זינט דאן אן א קשר.
די מוטער, האט געהערט פון איר עלטערע שוועסטער געוויסע פרטים וואס איז געווען אינטערעסאנט פאר די מפשחה, אויך האט זיך פארמאגט עטליכע ווערטפולע ירושה חפצים מיט כתבי ידות וואס זי האט באוויזען צו ערהאלטן נאך די קריג ווען זי איז צוריקגעגאנגען אהיים און געטראפן גוים וואונען דארט, זיי האבן איר כאטש געגעבן די פאר זאכען וואס איז פארבליבען, דערצווישען א כאלאטל פונעם תפארת שמואל זצ"ל.
ס'קומט אריין פרישע פרטים איבער די מעשה, דיוועליפינג סטארי, עלמיר ווארטן אויף נאך שבת.
אקעי, האמיר געזעהן איבער שבת אז כבר נשמע הדבר ונודע.
דער וואך אין "עמי", איז דא אן ארטיקל מיט א ליובאוויטשער רב אין מאנטיסעלא, ווי ער האט געטראפן זיינס א קרוב דורך די אינטערנעט וכו'.
דער ארטיקל איז באגלייט מיט בילדער. איינע פון משפחת זינגער-אלכסנדרהאט געזעהן דעם ארטיקל, און דערקענט דעם יעניגן אלס דער זעלבער וואס געט זיך אן אלס זייער קרוב!!
ווי ס'ווייזט זיך אויס איז די גאנצע מעשה [ליין: מעשיות] אויסגעזויגן פון פינגער!!
משום מה, האט דעם מאדנעם פארשוין אנגעפאקט צו נעמען עטליכע משפחות פאר א רייד...
