דריידל האט געשריבן:אוהב ספרים האט געשריבן:ידיעות שונות האט געשריבן:בספרי הרה"ק בעל בני יששכר זי"ע האלט ער אין איין ברענגען דעם בעל התניא מיט די ראשי תיבות רש"ז מליאדי (ר' שניאור זלמן), אזוי אויך דאכט זיך מיר אז דער קאזניצער מגיד ברענגט אים אויך אויף דעם אופן, און אזוי אויך און נאך פלעצער אין יענע דורות ווערט דער הייליגער בעל התניא גערופן הרש"ז מליאדי.
[אין די לעצטע דורות איז גראדע יא שטארק געווארן אנגענומען צו רופן בעל התניא, אדער 'דער רב', ועכ"ז איז ער ביי טייל געבליבן הרש"ז, ווי לדוגמא בעל משנה ברורה בכל מקום בספרו ווי ער ברענגט דעם שו"ע הרב רופט ער איהם הרש"ז].
ביי די ליטוואקען און כמה חסידים אויבערחכמים שרייבען זיי הגר"ז.
די משנה ברורה רופט אים הגר"ז. מ'זאגט ער האט דאס געטון ווייל ער האט געוואלט זיין ספר זאל זיין שוה לכל, האט ער אים געגעבן די זעלבע טיטל ווי די גר"א.
געוויסע האבן איהם גערופן הרש"ז, אבער דער משנ"ב רופט איהם טאקע הגר"ז, כ'האב מיר בטעות אויפגעמישט צווישן די צוויי. אבער די נקודה איז די זעלבע אז מ'האט איהם גערופן ביים נאמען, עכ"פ אין די ערשטע דורות זיכער.
היסטאריע האט געשריבן:איך האב נישט איבערגעליינט דעם גאנצן ארטיקל, אבער אביסל יא.
די פריערדיגע תלמידי בעש"ט, האבן זייער א סאך נישט משמש געווען ברבנות, ממילא האט מען זיי גערופן אויפ'ן נאמען (זעלטן איינער זאל ארויסגעבן זיין ספר בחייו, און נאכדערצו זיין גענוג יונג אז עס זאל קענען ווערן פארשפרייט און זאל ווערן גערופן אויפ'ן נאמען פון ספר), שפעטערדיגע, בערך אין די תקופה פון די תלמידי הרבי מלובלין איז שוין יא געווען זייער א סאך משמשים געווען ברבנות, דערפאר זענען זיי שוין באקאנט אויף די נעמען פון זייער רבנות.
[אז מיר דערמאנען שוין דעם רבי'ן פון לובלין, וועלן מיר מוסיף זיין אז אפילו אים פלעגט מען רופן דער רבי ר' איציקל. און די סיבה איז אויך דאס ער איז נישט געווען רב אין לובלין].
דארט ווי דער ממלא מקום באדמורו"ת איז געווען ממלא מקום אויך ברבנות, האט מען שוין אין די שפעטערע יארן געמוזט אנפאנגען צו רופן סיי דער ערשטער נאמען און סיי די שטאט.
איבער לובלין איז לכאורה דא א מקום לפקפק, ווי באקאנט האט מען איהם נאך בשעתו גערופן דער רבי פון לובלין, אדער דער חוזה, און יש אומרים אז אין גאנץ פוילין ווען מ'האט געזאגט 'רבי' סתם, האט עס געמיינט דעם הייליגען חוזה פון לובלין.
אבער דער נקודה וואס איהר זאגט איז א שיינע געדאנק.