אידישע וועלט פארומס

א אידעלע האט געשריבן:איינער האט אמאל שפעט ביינאכט, זיך גענומען עסן לאטקעס (פארשטייט זיך חנוכה), ווען מען האט אים פארגעהאלטן אז דער דאקטער לאזט אים דאס נישט עסן, האט ער געענטפערט אז דער דאקטאר שלאפט שוין יעצט...........

אמאל געהערט אביסל אנדערש:

פאציענט: וואס הייסט דאס דער דאקטער לאזט נישט !! דער דאקטער אליין עסט אויך צוקער !

א אמת'דיגע מעשה , אין וויליאמסבורג פאר בערך 15 יאר ציריק
א איד אין וויליאמסבורג האט אמאל געקאלט די הצלה אז ער האט הויכע בלוט דרוק אין די דאקטער לאט עם נישט עסן קיין שמאלץ הערניג אין ער האט עס זייער ליב .סא האט ער געבעטן די הצלה אז זיי זאלן קימען אין צען מיניט ארום ווייל ער גייט יעצט עסן שמאלץ הערניג

איך האב געמיינט אז ס'הייסט הערינג, עניוועי אז ס'איז גוט איז עס גוט אזוי אויך.

אייער נעכטן געהערט:

קשיא: וואס איז די חילוק צווישען א לענדלארד און א גרוש?

תירוץ: דער לענלארד ווארט אויפן ערשטן, און א גרוש ווארט אויפן צווייטען.

איך האב גוט געלאכט אויף דיין ווערטל, פענסטער.

----

אז מען רעדט שוין פון די חברה הצלה: ר' הערשל וועבער דער מייסד פון חברה הצלה האט אמאל אין אן אינטערוויו דערציילט, אז יארן צוריק האט ער באקומען א טעלעפאן רוף, א איד דערציילט אז מען הערט ארויס יאמערליכע קולות פונעם דערנעבנדיגן דירה, הצלה זאל קומען זען אויב זיי קענען ארויסהעלפן.

ר' הערשל מיט עטליכע אנדערע מעמבערס זענען אנגעקומען, און געפונען א פארשפארטן טיהר, די קולות האבן זיך אבער געשטארקט, האבן זיי גענומען דעם מוט און אויפגעבראכן די טיהר, כ'מיין מ'קען דאך נישט לאזן אידן אויסגיין רח"ל.

האבן זיי געפונען נישט מער און נישט ווייניגער ווי די פאלגענדע סצענע: דער מאן און דאס ווייב זענען געשטאנען אויפן טיש און געשריגן, ווייל א מייזל האט זיך ארומגעדרייט אין שטוב!!!!!!!

אינעם דאווענען אשכול רעדט מען דארט פון לבנה'ס, דערמאן איך מיך אז איך האב אמאל געהערט פון איינעם דערציילן אז ער איז געווען לעבן אן אלטן אידל ווען יענער האט אויפגעכאפט ווי א שנה ראשונה'דיגער יונגערמאן רופט זיך אן, אה, א שיינע לבנה, געט זיך דער אלטער א רעג אויף, דאס הייסט א לבנה? דו שעמסט דיך נישט? און אונזערע צייטן אינדערהיים איז געווען א לבנה, אבער א לבנה, וואס ווייסט עטץ פון א לבנה צו זאגן?

קען זיין אז ס'איז שוין געווען געשריבן אבער איך געדענק נישט, און ווער ס'קען זאל טוהן א קליינע טובה און נאכמאל לאכן, אויב האט ער שוין איינמאל געלאכט פאר דעם דזשאוק,

איינער זאגט פארן חבר איך האב געליינט זייער א טרויעריגע ביכל.

וועלעכע?

מיין טשעק ביכל.

איך האב עס געהערט דינסטאג נאכט נאכזאגן פון איינעם וואס האט עס אויך געהערט דינסטאג נאכט ביי א שמחה, מיטוואך האב איך עס באקומען אויף מיין סעלפאון, היינט אינדערפרי האב איך עס געהערט אין מקוה, אבער איך וועל נאך אלץ געבן א שמייכעל.

איך_הער האט געשריבן:קען זיין אז ס'איז שוין געווען געשריבן אבער איך געדענק נישט, און ווער ס'קען זאל טוהן א קליינע טובה און נאכמאל לאכן, אויב האט ער שוין איינמאל געלאכט פאר דעם דזשאוק,

איינער זאגט פארן חבר איך האב געליינט זייער א טרויעריגע ביכל.

וועלעכע?

מיין טשעק ביכל.

איך האב יעצט צום ערשטן מאל געהערט, און ווען דער נאחר וואלט נישט געווען מיינס, וואלט איך אויך געלאכט..

געווען אמאל א מעקסיקאנער, וואס האט ארויסגעשניטן פון א צייטונג א קיופאן פאר א אומזיסטע קאר-וואש (נישט פון יגר'ל), און געקומען ווייזן מיט גרויס שמחה פאר זיין חבר.
פרעגט אים דער חבר: וואס פרייסטו דיך אזוי? האסט דאך נישט קיין קאר.
זאגט ער: נו, וואס איז די פראבלעם? וועל איך דינגען א קאר...

כלפי מה הדברים אמורים - מאשקע - פיר אויס:

מאשקע האט זיך דערמאנט דעם ווערטל, בעת'ן שפרעכן מיט מיר אויף גוגעל, מיר האבן גערעדט אויב עס לוינט זיך צו צאלן 200 דאלער פאר א טיקעט קיין אטלאנטא, און פון דארטן נעמען א טיקעט פאר בלויז איין ניקל קיין לאס וועגעס (נישט אויף עכט, אזוי איז בלויז געגאנגען דער שמועס)... האט ער זיך דערמאנט אין דעם מעקסיקאנער.

אז דו פארציילסט שוין יא, דערצייל ביז די ענדע, למען ידעו דור אחרון.
אונזער שמועס האט זיך באצויגן איבער דעם אשכול.

וואדען? וואו'זשע דען קען מען געפונען א טיקעט פאר א ניקל אויב נישט ביי טאגליכט'ן?

איך האב אבער גע'טענה'ט, אז איך בין א איד ווי איך בין א איד, און איך דארף א טיקעט גענצליך אומזיסט. און שטייער-פריי, פארשטייט זיך.
אבער דאס קומט שוין נישט אהער, נאר ליבערשט (גיי שרייב אינעם שפראך אשכול) אינעם שפאגל-נייעם ליל ששי אשכול.

פארוואס איך ארויס געקומען אזא זאך ווי ווייסע טשאקאלאד? אויסער די סיבה ווייל ס'איז גוט.


כדי די שווארצע זאלן אויך האבן עפעס מיט וואס זיך שמוציג צו מאכן.

כ'הער, אז איך דארף נאך א סיבה צו וואס צו עסן ווייסע טשאקעלאדע,

די קשיא איז נישט געווען פארוואס צו עסן, די קשיא איז פארוואס ס'איז בכלל ארויס געקומען אזא זאך.

איך הער, גוט גוט.

שכויח, כ'הער ווען נישט וואלט איך ליידער דעם וויץ נישט געכאפט.

געלייענט אמאל אין מעלות:
א איד האט געווינען צוויי הונדערט טויזנט דאלאר אין די לאטערי.
פרעגט אים דער חבר: וואס גייסטו טון מיט אזויפיל געלט?
זאגט ער: איך וועל באצאלן פאר מיינע בעלי חובות.
פרעגט דער חבר: און וואס וועסטו טון מיט די איבריגע?
זאגט ער: די איבריגע זאלן ווארטן...

חחחחחחחחחחחחחחחחחחחחחח

דערמאנסט מיר פון יענעם שנארער:

משה: איך בין אין אמעריקע עלף חדשים א יאר, אויף הכנסת כלה
יעקב: וויאזוי האלטסטו דאס אויס?
משה: בלויז איין חודש? נישט געפערליך..

איינער האט מיך אונגעטראגען צי קויפן א קאלירטע בעקיטשע מיט אלף בית (אותית) פרעג איך עם ווער דארף עס ?האט ער מיך געשיקט צי א רבי וואס האט אזא בעקיטשע, הער איך אימיטן טיש די רבי ציפייערט זיך אין שרייט "ג" זע איך פין די בעק אז די גבאי קראצט די רבי'ס ריקען טאקע ביים "ג"

איר קענט די מעשה מיטן ייד מיטן זיך א שופר?

ס'איז געווען א ייד וואס האט נישט געטראגן קיין זייגער. "איך האב א שופר" -
האט ער געזאגט - "אויב איך וויל וויסן למשל, אינמיטן דער נאכט ווי שפעט איז.
גיב איך א בלאז מיטן שופר און הער באלד דעם שכן זאגן: משוגענער!! צוויי
אזייגער ביי נאכט בלוזסטו שופר?! ווייס איך שוין אז ס'איז צווי אזייגער ביי נאכט".

דבר בעיתו מה טוב מאטעס1

די נאמען פונעם אשכול "פרעסט מארגן" האט מיך דערמאנט א מעשה:
ס'געווען א יונגערמאן וואס האט געהייסן ניסן, און דער שווער האט אים צוגעזאגט קעסט אויף פינף יאר. די מעשה איז אבער געווען, אז דער ניסן האט ליב געהאט דעם ביסן, און ער האט געגעסן זייער אסאך.
איין מאל האט אים דער שווער געוואלט געבן אנצוהערן איבער דעם שלעכטן מדה, זאגט ער אים אזוי: ניסן טייערער, מילא טבת און שבט אז ס'איז דא פרעסט, פארשטיי איך. ס'איז דאך ווינטער. אום חודש אדר? נו, מאכט זיך אויך. אבער "ניסן פרעסט"? ווי קומט דאס?
האט אים דער איידעם געענטפערט: נו, לאמיר שוין זאגן אז "ניסן פרעסט" לייגט זיך נאך אויפ'ן שכל, אבער "איר פרעסט"? דאס האב איך נאך טאקע קיינמאל נישט געהערט...