איך האב שוין געוויינט אויף דעם פראבלעם מיט א צוויי-דריי יאר צוריק אויף היידפארק, עס וועט מיר נעמען צו לאנג דאס אויפצוזוכן.
אבער עס איז גאר אנדערש ווי די שאפערס-רוט מיטן לינק אדער די דבר יום ביומו מיטן גוט מארגן, וועלכע באצווינגן מיר נישט זיי צו נעמען, ברצותי נעם איך און ברצותי קוק איך נישט אויף זייער זייט. אפילו ווען הערשל פרידמאן איז לעצטנס געריטן אויפן קאפ פון כל הקהל הקודש אויף די קלאסיפייד צעטל, קען קיינער קיין טענות האבן, ווייל... קיינער האט דיר נישט געצווינגן צו לעזן.
אנדערש איז אבער א טעלעפאן רוף, וואס גייט נישט אדורך אומגעענטפערט, קיינער וויל נישט זיין קיין אוממענטש און איגנארירן א קלונגדן טרייבל וואס קען גאר גוטע בשורות אנזאגן, על כן - טייערער ר' וועלוול - איידער דו מוסר'ט אונז פארן נישט פארגינען א איד זיינע קאפיקעס - רוף אן יענעם איד און זאג אים אראפצונעמען זיינע לאפעס פון מיינע קרניים, ווייל דער מצב איז אבסורד, אין בית שאין שם צוויי דריי טעלעפאן קאלס א טאג.
אגב - דאס קענסטו אויך איבערגעבן דעם איד - איך האב א פאלעסי אז א פירמע וואס רופט דערקוטשן מיט א נערווירנדע מעסעדזש אויפן טעלעפאן, האט ניטאמאל די אויסזיכט איך זאל זיי שטיצן.
דרך אגב: עס ליגט מיר נאך אין די ביינער די מעשה פון הערשל פריעדמאן אין די קלאסיפייד, כ'וויל נישט דערמאנען די נאמען פון יענע מוסד אבער כ'דארף אייך נישט זאגן אז כ'בין נישט געווען ביי זייער דינער...
נ.ב. די אחראים ווערן געבעטן צאמצושטעלן די צוויי אשכולות א דאנק.
