אידישע וועלט פארומס

איך גיי מיר לעצטנס אריין אין א גראסערי, און נישט מער און נישט ווייניגער, איך זעה סארויס געקומען א נייע אייטעם, נו?..... וואס איז דער פראבלעם? זאל זיין א נייע אייטעם! וועם גייט עס אן?! אויך מיר א פירצה?......

עהההה... אההההה...... איין מנוט, לאמיך צוקומען צום ווארט, די אייטעם איז א נייע מינע פלייש געמישאכץ, און די קאמפעני האט בשום אין אופן נישט געקענט טרעפן א בעסערע נאמען פאר זייער אייטעם, נאר חזיר......!!!!
די עדווערטייזמענט גייט בערך אזוי.
פרובירט א שטיקל חזיר פלייש! מיט די גאר מהודר'דיגע השגחה פון הרב.................. א טעם וואס איר האט נאך אין אייער לעבן נישט געשפירט !!
יאכלו ענוים וישבעו!!!

יא! יא! איר הערט גיט !!! איך ווייס נישט וויאזוי דער עולם וועט ראגירן דא צו די נייעס, אבער איך האלט אז סאיז א הימלשרייענדע עוולה! כאטש די פלייש איז כשר בתכלית הכשרות, דאך איז ארויס פון איעדע פראפארץ, אז א היימישע איד זאל געבן אזא נאמען פאר א כשר שטיקל פלייש, איך האלט אז די אידענטום וועט דאס נישט דולדען, מ'וועט אראפ ווארפן זיינע סחורה פון די שעלף'ס!!!

וואס האלט איר בני הקרעטשמע?
(כ'מיין אז קרעמער ברויזט שוין, ער האלט שוין די אירעיסער אין זיין הענט ער איז רעדי צו מעקן..... אייייייייין מ-נ-ו-ט !!!!! ענדיג קודם די גאנצע........)

ס'ענדיגט זיך נישט דא, נעבן דעם אויפן שעלף בליטשקעט מיר נאך עפעס א נייע מאכל, שוין לאמיר זעהן וואס איז דאס? אה!! נאו!!!......... נבילה......!!!!! שטייט אזוי, נו אטיים.....!! מיט אזא געלע שיינע סטאר.
האט איר שוין געהערט אזוינס?! און אזוי גייט עס ווייטער מיט בשר וחלב.... און אפילו גיד הנשה..... איך וויל נאר נישט באמוטשען דעם עולם וויאזוי אלעס איז געווען דעזיינט און עדווערטייזט.

איך וויל נאר פרעגן דעם עולם דא, עטס האלטס אז דאס איז אן אקצעפטירבארע זאך? אפילו אזאך איז כשר, פארוואס זאל עס א מענטש נישט קענען אויך מאכן אויסקוקן כשר? נאך דערצו ווען עס רעדט זיך פון גאר היימישע אידן?!!.......

חברה... הייבטס נישט אויף די ברעמען, און קאלטס נישט אן קיין חבירים פרעגן צו זיי האבן שוין געהערט פון די געשעהניש, ווייל דאס קומט טאקע ב"ה נישט פאר, (עכ"פ ביז דערווייל)
אבער אז עטס וועטס גיט אריין טראכטן (מ'דארף אפילו נישט צו גיט טראכטן....) קומט ממש די זעלבע מעשה פאר דא אין די "היימישע קרעטשמע" וואך איין, וואך אויס, נישט טאקע מיט חזיר אבער מיט גאר אנדערע הארבע איסורים........

ווען איינער שרייבט א תגובה אום מוצש"ק, שרייבט זיך אויף אויפן קאמפיאטער
"אום שבת" דורך........

איך האלט (ווער בין איך?) ס'איז א בושה אז אויף אזא "היימיש" פלאץ זאל פארקומען אזא זאך, פארוואס ווען איך שרייב עפעס מוצש"ק מוז שטיין אז איך האב עס געשריבן אום שבת?!!!
נאכדערצו ווען עס דארף צו זיין א קלייניקייט פאר די פראגרעמער צו טוישן אויף "מוצש"ק"


כאטש וואס ס'איז אן ענין וואס איז שוין אמאל געווארן אויסגעשמיסט דא, אבער די חשובע באהערדע האבן נאכנישט גענומען די מוה עס צו פארעכטן, האב איך געטראכט, אז אפשר אז כ'וועל שרייבן שטיקל ארטיקל דערוועגן וועט זיך עפעס געבן א רוק......

איי רילי האפ סא........

יוי האסטו מיך געמאכט הונגעריג נאך א שטיקל חזיר... דו חזיר ...

איך האב שוין לאנג געטענה'ט אז די טעג זאלן זיך ענדערן נישט אום צוועלף אזייגער אווי ביי די גויים, נאר ביים צאה"כ וועט דער חזיר פראבלעם נעלם ווערן.

נאר וואס דען, ברויך מען צו דעם באשאפן א קאמפריהענסיווע קאוד וואס זאל ארייננעמען אלע זמנים פון די קומענדיגע יארן, יעדן אופק אויפן כדור הארץ וועט זיך די זמנים רוקן לויט דעם מאדיול וואס וועט זיין אנגעשטעלט. עמיצער ברויך דאס פארמירן און איך גלויב אז ס'יז נישטא ווער.

שיינע ארטיקל, אבער די צושטעל איז שטארק איבערגעטריבן, ווייל מיר ווערן דא געהאוסטעט אויף א פראגראם וואס מען קען לכאורה נישט רירן פון ארט.

---
שוועמל האט געשריבן א בעסערע ענטפער, אבער תגובה שנשנית לא זזה.

נישט ריכטיג. קיין איין תירוץ.
ווייל עס טאר נישט זיין אזא זאך אפילו אז מען האט געשריבן שבת,
סא אזוי ווי דער פראגרעמער האט געמאכט אז אנשטאט סאטערדעי אויף ענגליש זאל שטיין שבת, קען ער פונקט אזוי מאכן אז סאטערדעי זאל אייביג הייסן מוצ"ש. ס'זאל טאקע בכלל נישט עקזעסטירן אזא זאך ווי שבת אונעם קרעטשמע, ווייל ס'לעולם זיכער נישטא דא קיינער וואס שרייבט טאקע שבת (כ'האף אזוי..)

איצל פיצל
אפגעזעהן צו די ווארהייט פונעם נמשל איז אויף דער שטאפל פון גרויל - כאטש מיר פערזענליך קיצלט אויך ווען עס שפרינגט פאר די אויגן, "געשריבן דורך אינטעליגענט אום שב"ק", [צו אזא נידריג שטופע האב איך זיך שוין דערקייקלט?... נאר דער איין טרייסט האב איך, וואוסענדיג ביי מיר הונדערט פראצענט, אז ס'איז בכלל נישט פעסט געשטעלט אז איך בין אינטעליגענט...] - אבער דער משל איז געוואלדיג, כ'האב שוין באמת באקומען שפייעכץ אין מויל פאר כעס, בעת די לעפצן צעשפרייטן זיך פון אינטערהאלטונג...

טענקס, מעג זיין אפטער.

איצל פיצל

לאז אפ דעם פראגרעמער

גיי צי באניצער קאנטראל צימער
גיי צי פארום פרעפערענצן
גיי צי די לעצטע דראפ דאון און וועל אויס די ערשטע אויפן ליסט און שלום על ישראל

איצל פיצל,
ביסט ווערד א שמיצל,
עס קומט זיך דיר א קיצל,
און פאטאטע מיט שניצל.

דיין חזיר'ישע ארטיקל,
איז מער ווערד ווי א ניקל,
קענסט צו עסן זויערע פיקל,
אבער דו פארלאנגסט פונ'ם דעת א שיקול.

דיין ארטיקל איז בעסער ווי דער פראבלעם,
ווייל עס איז דאך באמת א שעם,
אבער ס'נישט דא צו רעדן צו וועם,
עס איז נישט אויף וועם צו לייגן די בלעים.

דערווייל זעמיר אין גלות נעבעך,
אבער אן עצה געבעך,
טויש דיינע שעות מיט זעקס אדער זיבן שעה,
דאן וועסטו קיין שבת שרייבן און ניצול ווערן מכל רעה.

איצל, דיין משל איז זייער אינטערעסאנט, און דיין שריפט, וואלט געווען אינטערעסאנט צו זעהן מער אפט....

פאטאקי, דיין עצה איז זייער א גוטע...

פאטאקי קודם א גרויסן ישר כח
שוין געטוישט טאקע.
נאכדעם , איך זעה דארט אן אפשען פון קאסטעם אויסשטעל, קענסטו מיר אפשר מסביר זיין וויאזוי דאס ארבייט?
און איך האף אז איעדער וועט הנאה האבן דערפון.

איצל פיצל, זייער א זיסע ארטיקל. כ'האב הנאה פון די צושטעל כאטש מיר באדערט עס נישט..

קודם האסטו מיך גוט אויפגערעגט.
און נאכדעם איז שוין נישט אינטערעסאנט.

btw there is a full open source code program (api) for zmanim
look here

איים סארי איצל, אבער דאס ענין באדערט מיר בכלל נישט, אבער דיין משל איז זייער שיין געווען.

שכוח איצל

איצל, האסט מיך גוט דערשראקן, סידער געלונגען.

וועגן די פראבלעם? ס'וואלט מיך נישט געבאדערט אז מ'זאלעס פיקסן, אבער דאך וואלט מיר נישט בייגעפאלן אזא צוזאם שטעל.

איצל פיצל קיינמאל קיין ערגערס

איצל פארן ארטיקל

פארן פראבלעם

שכוח איצל.

אויף דיין פראגע וואס??!! חזיר פלייש אין א היימישע גראסערי?!! וואונדער זיך נישט אזוי ווייל ליידער ליידער זענען דא היינט אסאך גראסערי אייגענטומער וואס נעמען אריין נישט כשר'ע פראדוקטן מיט א אויסרייד אז די גוי'אישע שכנים קויפן איין ביי זיי...

און לגבי דיין פראבלעם, אויף דעם איז דאך דא א געוואלדיגע עצה ווי פאטאקי האט ערווענט.