וואס זוכט די עירוב פון ווילאמסבורג אין גימפל'ס סוכה.

[שפיגל]

יענק'ל זיצט זיך אין ספרים שטוב לערנענדיג חק פון פאריגע וואך וואס ער איז משלים פון צוויי יאר צוריק.
מיטאמאל הייבט זיין גאנצע געביידע אן רידערן און רוישן. ער הייבט זיך אויף פון זיין בענקל - ווען פונעם אונטערגרונד קען מען הערן ווי די אלטע אפגעזיצטע בענקל אטעמט אפ מיט א שווערע באגייסטערנדע זיפץ - און מיט צוויי פון זיינע גאט געבענטשטע פינגער גיט ער א פארקאטשע דעם פירהאנג וואס ליגט שוין דארט משנים קדמוניות, און עפנט אויף די פענסטער. (הירשששעע.. לאזט זיך די פענסטער הערן מיט א אבנארמאלן גערויש)

ווען עס באווייזט זיך צונעם.....

-------------------------

מיט א צופליקטע צופראסקעטע ברוינע ציצית פון שמות שטיבל, אינמיטן זיך אריינדרייען דאס בארד און אויסגעקעמען די פריש געשניטענע וואנצע, שטייט זיך גימפל אנגעפאשעט פולי לאודעד מיט אלל קיינד אף טולס. א גרויסע סלעדזש העמער וואס ער האט גענומען פונעם מעכאניקער ביים ווינקל פון זיין גאס, א ראסטיגע שרויפן ציער וואס ער האט ארויסגענומען פון נחום די חברים מעמבער'ס טראנק, און צוויי גרויסע פייפס וואס ער האט געבארגט פון חיים די פלאמבער'ס Vען...

''וואס איז דאס?!!?!'' שרייט יענקל ארויס פון פענסטער, ניטאמאל פרובירנדיג צו באהאלטן זיין אויסגעצויגענע סיטי באס שמייכל וואס האט אינוואדירט זיינע לעפצן.
''איך בוי א שלאק'' שרייט גימפל צוריק ארויסווייזנדיג זיינע דריי איבערגעבליבענע ציינער, ''כ'האב מיר געמאכט א חשבון אז אלעמאל ווען כ'בוי מיין סוכה רעגנט סא דאסמאל בוי איך די שלאק קודם''

'ס'נישט די ערשטע מאל וואס גימפל ווייזט ארויס זיין חכמה', טראכט יענקל צו זיך פארמאכנדיג די פענסטער מיט א גערויש, ווען בשעת מעשה זעצט ער זיך צוריק לערנען זיך אויסטוענדיג פון די וועלט...

גימפל שטייט דארטן ווייטער דרייפערטל פארלוירן, און מיט א פען אין מויל אין מיט א אינטש-מעסטער פון מתושלח'ס צייטן וואס פלעגט זיך אמאל קענען צוריק אריינציען, פרובירט ער אויסצוגעפינען ווי לאנג די פייפ פאר זיין שלאק דארף צו זיין...

נאכן מאכן זיינע לאנגפארצויגענע חשבונות נעמט ער ענדליך דעם האלצערנעם האנט זעג, און היידא! מ'הייבט זיך אן שאקלען אויפ'ן פייפ ווי הושענא רבה ביי די נענועים.

און פלוצלינג אזוי זייענדיג פארטראכט איבער די נענועים האט ער זיך אגעטראפן אינמיטן די צווייטע טאג סוכות ביי ניסוך המים...... אן קיין פריערדיגע ווארענונג האט א קאלוזשע וואסער ארויסגעשפרונגען פונעם פייפ. גימפל האט געגעבן א שפרינג צוריק פון גרויס שרעק און זיך פארהאנקעט צוריקצווועגס אויף עפעס א לאנגע זאך..

נאכן זיך אויפהייבן טרעפט ער זיך שטיין פארקלאצט אוי'פן שלאק פייפ.. ס'איז נישט דורך קיין צוויי מינוט און ער האט זיך אויפגעכאפט פון די פלוצלינגדיגע קולות פון זיינע שכנים. ער האט זיך געטראפן פארענטפערן פאר אלע שכנים פארוואס ס'נישט דא קיין וואסער אזוי ערב יום טוב, ער האט פאר א מיסטעיק אויסגעמאסטן און אפגעזעיגט די וואסער פייפ פונעם בילדינג.....

גימפל האט נישט גערוט פאר א מינוט ביז ס'איז אים איינגעפאלן אז שכני די עלעקטערישן האט נארוואס געענדיגט פיקסן די אפענע ווייער וואס פלעגט אייביג הענגען פון זיין דאך אינדערהיים, גימפל איז אראפגעלאפן און געכאפט דעם ווייער, אראפגעפליקט אלע לעקטעריק טעיפ דערפון אין פארטעיפט דעם וואסער לאך.

גימפל שטייט דארטן נאך מיטן נארוואס געשניטענע פייפ זיך כאפנדיג ביים קאפ אז דער האט נישט קיין שלאק וואס אנצישלאקן דעם שלאק ('עי.קעי. עי.' בלויע סחורה), מיטאמאל טראסקעט ער אלעס אראפ צוברעכענדיג זיין גלאז קאווע וואס ליגט דארט אנגעגרייט פון זיין טייערע אשת חיל אריין יאגענדיג אין שטוב זיינער כאפנדיג אלע פלעסטיג בעגס וועלנדיג מאכן זיין שלאק דערמיט. מיט פאפיר טעיפ וואס ער האט נאר געבארגט פונעם מודעות קלעבער האט ער זיך גענומען צום עבודה.. נאכ'ן אויסגעבן צוויי שעה פון זיין טייערע סוכות צייט האט ער זיך געפינען אויפ'ן ערד ארומגענומען מיט שאפינג בעגס פון אלע מאסן, סייזעס און קאלירן.
די פיאות ווייער פונעם טרייבל זיינער וואס הענגט נארמאל אויפן וואנט האט ער פארכאפט לכבוד יום טוב און עס גענוצט פארן בענדל פונעם שלאק.....
ער קלאפט זיך צוזאם די הענט "ב''ה א שלאק האמיר!"




וואס טוט זיך מיט ווענט!?


הונדערטער שומרים מעמבערס האבן זיך געפינען אויף זיין גאס צוויי טעג צוריק נאכדעם וואס די קאנסטראקשען מענדזשער איז אנגעקומען אויפן קאנסטראקשען סייט און פינף האלצערנע גרינע ווענט פעלן דערפון....

אבער שומרים האט דעם "בארגער" גימפל קיינמאל געכאפט.

זיין שווער קומט ארויס אויפן פארטש אויפהענגנדיג די לעצט פארבליבענע שטערנס אינעם סוכה, איבעראשט איז ער געווארן זעענדיג אז צוויי סוכה פענעלס פעלן. ווען ער האט געקאלט גימפל פרעגן דערויף האט ער אויפגעהויבן מיט'ן זיסע שטומע "שווער כהאב א תורה....."

אבער זיין איידעם דעם "בארגער" האט ער קיינמאל געכאפט.

די גראסערי מאן קומט ארויס אוועקצורוקן די סקיט מעלאנע, אבער הסקיט איננו...
אבער אויפ'ן שכל איז אים אודאי נישט ארויפגעקומען אז דער "בארגער" גימפל האט עס גענומען.

יעצט איז ער געווען אין א שטארקע דילעמע, פון וואו קען ער בארגן דעם פערדן וואנט?! אבער גימפל'ס רעטארישע איידיעס האט זיך נישט אפגעשטעלט. נאך צוויי מינוט טראכטן איז ער אריבערגעלאפן צום רב אינדערהיים און אפגעגאנבעט דעם רב'ס דופן עקימה וואס ער האט אזוי שווער געארבעט.

גימפל קלאפט זיך צוזאם די הענט "ב"ה ווענט האב איך שוין!"
געבנדיג א כאפ דעם בארד איינקנייטשענדיג עס אויף ארויף צוקייענדיג די לעצט פארבליבענע האר נאכדעם וואס ס'איז פארכאפט געווארן אינעם דריל פריער און דערמיט צוענדיגנדיג דעם פארבליבענעם נאכטמאל פון נעכטן... ווירבלט אזוי מחשבות וויאזוי צוזאמצושטעלן די ווענט...


וויאזוי שטעלט מען צוזאם די ווענט!?
גימפל האט געזען אז ער האט נישט קיין סקרולס (פונקט ווי אזוי ער פלעגט עס רופן אלס יונגל) צוזאמצושטעלן די ברעטער האט ער באשלאסן עס צו פארבינדן אלע צוזאמען...

אלע מנחה מעריב גארטלעך גמח'ן פון אלע בתי מדרשים זענען אויסגעליידיגט געווארן... פון אלע בתי מדרשים זענען די בענדלעך פון די סידורים וואס איז געמאכט אריינצולייגן צו וויסן וואו מ'האלט פארשניטן געווארן... די עירוב ארום וויליאמסבורג האט עפעס געלאנדעט נעבן זיין סוכה... א ציצית איז דאך נאך כשר ווען ס'האט נאר זיבן בענדלעך, האט ער אראפגעפליקט פון יעדע אשכול איין ציצה... זיינע וואכעדיגע שיך בענדלעך האט ער אויך נישט פארשוינט. מ'גייט דאך מיט האלבע שיך יום טוב!...
און ב"ה מיט דעם גאנצן רעסעפי מיט אלע באשטאנדטיילן האט ער זיך גענומען פארקניפן די ווענט. ב"ה אז ער האט זיך פארשפארט ארבעט, ער האט נישט געדארפט צוקניפן אלע בענדלעך ווייל די מנחה מעריב גארטל איז שוין געקומען מיט קניפעס, אין איין בענדל האט ער נישט געדארפט אפשניידן נאכדעם וואס אפאר סאטמארע האבן שוין צושניטן די עירוב פאר אים, און די דופן עקומה האט ער בכלל נישט געדארפט צו קניפן נאכדעם וואס עס האט זיך עפעס אויסטערליש שיין געהאלטן.
און מיט דעם האט ער זיך ענדליך געטראפן מיט פיר ווענט און א שלאק א שעה פארן זמן.....

א סוכה האט מען שוין אבער מ'דארף דאך נוי סוכה.

גימפל איז אראפ געלאפן צו זיין סעלצער באקס וואו ער סעיווט אלע זיינע וואך'ס און בליק'ס פון א גאנץ יאר, און גענומען אלע פיקטשערס פון אלע רבנים און זיי אפגעשניטן ביז די אויגן.
יעצט האט שוין גימפל שטערנ'ס אויפצוהענגן אינעם סוכה...
גימפל איז געלאפן כאפן די מצוות וואס מ'דארף אויפהענגען, די רחיים של יד מעיל פון ערב פסח. די אויל וואס מ'האט גענוצט צו מאכן לאטקעס חנוכה. א באטל וואסער מיט וואס ער האט אויסגעפאסט יום כיפור קטן. האניג פון שבת שובה. און יקנה''ז הבדלה וויין.

גימפל זעצט זיך אראפ אויסגעמוטשעט נאך א שווערע טאג ארבעט, ס'איז שוין צען מינוט נאכן זמן, ער פליקט אראפ דעם רעב שייע בערעב משה צעטל וואס ער האט אויפגעהאנגען קעגן אינספעקטארס, און אזוי מקיים געווען געהעריג מיט'ן בויען א דירות קבע. אין מיט אויפגעהויבענע אויגן צום הימל געבנדיג א שבח והודאה... באמערקט ער ווי ער האט נישט געלייגט קיין סכך...



גוט יום טוב.
שפיגל.

[שפיגל]

אזוי ווי ס'דא ניקס וואס נעמען זיך זייער שטארק אן ווען מ'מאכט חוזק פון ליטווישע, אדער מנהלים וואס מעקן קעפלעך וואס רעדט זיך פון ליטווישע האב איך געשריבן דיע באשרייבונג איבער א חסידישער.

[איש האשכולות]

די קוקו!

לעקטער מיט א טיר האסטו שוין?

[שפיגל]

די קוקו!

לעקטער מיט א טיר האסטו שוין?

ער האט גענומען א העט-לייט פון זיין קאר פאר א לייט. אין די טיר האט ער אויפגעשניטן אין די דופן עקומה אין עס פארדעקט מיט לבוד.

[דיעגא]

[צעטל קלעבער]

האלאו! אלץ אוקעי ביי איך?

א מין אימעדזינעישאן וואס דער האט!
האסט מיר געמאכט לא כן! מער ווי איין מאל! ש'כויח!

[פילאָזאָף]

גוט! נייס!

[בערך]

ביזט משוגע ווי.........גימפעל
(נישט דו די מעשה)

כ'מיין מען קען עס אנרופן "א מעשה באזירט אויף אמתע פאקטן" סיז זיכער דא אזעכע גימפעלעך

[אחר חצות]

זאגט נאר איר'ט געסנעפט מחמת פחד יום הדין?
יוי איז דאס גוט,

[אח לצרה]

כקען נישט סטאפן לאכן
שפיגל איט איז!!

[הייסע פאאד]

אין וויליאמסבורג איז לעטלי דא אסאך אויסגעשאסענע ווינדאוס פון קאר'ן
זאג וויפעל פענסטערס האט דער גימפעל אין זיין סוכה?!



פיין געלאכט

[בן פרצי]

נעכטען האט ער זיך אריינגעמישט אין מיין שמועס מיט הארי און היינט פארקויפט ער לאקשן.

וואס ווילסטו כ'זאל אויך לאכן!!

[בעקעש טשאבע]

שפיגלי ווי נעווער בעפאר!!!

די טויגסט אויף גימפלס סוכה.

[לפי עניות דעתי]

שפיגל!!!

[ראש לימבא]

איין רגע? שפיגל מיט די עירוב? ס'חילוק....

[מר קאפלאווסקי]

מיר זענען נישט מוותר צו וואוסען פון ווי גימפעל האט גענומען די סכך.

ניינע פייעס שפיגי פאר די מעשה פון גיפלי.

[לייכט טורעם]

גוט געלאכט!
שכח שפיגי!

[א נייניקל]

אוי האביך געלאכט......
איינס אבער א גוטס

[בלייב געזונט]

שיגענער דו!!!


צ''ק ש'טא קיין עירוב...

[און שוין!]

איין רגע? שפיגל מיט די עירוב? ס'חילוק....

דאס איז די וויליאמסבורגע עירוב, נישט די בארעפארקע.....
----
און צום פותח האשכול...

פיינע נייעס!.....

[הארי פלארי]

כא כא כא האצעך הארי צולאכט. מיט א גייסטיגע דערקוויקעניש.

שפיגל! דעט'ס קאָאָל...

[enjoy]

[בן בגבג]

אבנערמאל!!!!

[שדכן גדול]

[טעמפל שירה]

פיין... פיין... האסט מיך ממש געראטעוועט, כ'האב נאך נישט אנגערירט גארנישט וואס האט מיט א סוכה צוטון כ'האב נישט געוואוסט וואס גייט דא זיין, יעצט בין איך מסודר גיי מיר נאכטון דעם גימפל, מיט סכך ווייס איך נאכנישט וואס איך גיי טון סאו ווען דו ווערסט געוואר וואס ער טוט למעשה לאז ביטע וויסן!
שקויעך! האסט מיר מחיה געווען!