רמזים אויף תשס"ז

געשמאקע ארטיקלען און באשרייבונגען

די אחראים: יאנאש,אחראי,געלעגער

אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

רמזים אויף תשס"ז

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

ווער עס געדענקט האבן מיר געהאט אין אלט קרעטשמע א שיינעם אשכול אנגעפולט מיט רמזים, ראשי תיבות און גימטריאות, אמת'ע און שמייכלדיגע, אויף שנת תשס"ו וואס איז שוין כמעט עברה עלינו לטובה.
http://masoret.hevre.co.il/hydepark/top ... id=1596335

יעצט וועלן מיר אי"ה ממשיך זיין מיט שיינע רמזים אויף די פרישע יאר וואס ווארט אונז אפ דעם שבת קודש הבעל"ט "שנת תשס"ז".

-----------
תשס"ז איז בגימטריא

ברוך אתה "ה'" [26] מצמיח "קרן ישועה" [641]

-----------

אגב, ווען איר וועט עפענען דעם אויבערשטן לינק, וועט איר אפשר צומישט ווערן, ווייל אין צוגאב צו אלע באקאנטע מעלות פון היידפארק, האט זי עפעס אויפגעטוישט די יוצרות און געקלאפט הושענות מיט אונזערע תגובות, לייגנדיג אויפן ערשטן בלעטל אונטן עטליכע תגובות וואס באלאנגן אויפן דריטן בלעטל!
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

" יאר תשס"ז" - איז בגמטריא - " לחיים ר' קרעמער "
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קען מיר אפשר איינער מסביר זיין לאגיק דאס ענין פון רמזים און גימטריאות?

יא, איך ווייס אז דאס איז איינע פון די ד' דרכים בתורה, פשט רמז דרוש סוד, אבער פארט פארשטיי איך דאס נישט.

למשל, איך וועל טרעפן א רמז אז תשס"ז וועט א גאנץ יאר רעגענען אן א אויפהער, איז וואס איז יעצט? וואס מאכט דאס אויס?
צי למשל אז איך וועל טרעפן א גמטריא אז תשס"ז וועט שנייען אינמיטן זומער, איז וואס איז? וואס וועט זיין? וואס וועט דאס אויסמאכן?
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

געווענליך זענען די גמטריאות ברכות, ווען די ברכות ווערן אריין געמישט אין גימטריאות איז עס פשוט אינטערעסאנטער.
אוועטאר
cano
שר האלפיים
תגובות: 2324
זיך איינגעשריבן אום: מיטוואך יוני 28, 2006 5:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך cano »

ווען איינער וועט דיר זאגען אז תשס"ז איז (גמטריא) תהאי שנת סוף זארעכפעפער וואלט דיך עס אפי' אנגעגאנגען?
ווייל איך טראכט אפשר פון דיר עס זאגען אבער איך וויל קודם וויסען צי עס וועט דיך באדערען
איך מיין צי זאגען ר"ת
לעצט פארראכטן דורך cano אום דינסטאג סעפטעמבער 19, 2006 7:48 pm, פארראכטן געווארן 1 מאל.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

תשס"ז איז בגימטריא "ומתוך צרה" המציאם פדות ורוחה (מען האט עס היינט געזאגט ביי די סליחות ליום שלישי).
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קנאו ;l;p-

מיינסט צו זאגן ודי לחכימא ב'רמיזא'..., נו גוט, כ'פארשטיי דעם רמז...

און דאס איז טאקע דער פשט פון רמזים?
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

ליהוי ידוע:

אז איינער וויל מיר עפעס זאגן זאל עס זאגן אפן און גראב.

איך בין א בטלן איך פארשטיי נישט קיין רמזים..
שוש אשיש בה', תגל נפשי באלקי! (ישעיה סא)
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

א מאדנע רמז האב איך היינט געלערנט אין שבט מוסר (פרק ל'), וזה לשונו: וידוע תדע שקיום המצות תלויים בקיום מצות המילה, וסמך לדבר מ'צות ומ'ילה מתחילין במ"ם, לרמז שקיום המצות תלויים במילה.

ווען איך וואלט געשריבן די ווערטער אין מיינס א תגובה, וואלט זרח'ל געלאכט א גוטס, ניין?
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קרעמער, נעוואדע וואלט איך געלאכט פון דיר, אבער נאך ווי, נישט סתם אזוי...

אלא-וואטדען? אז דער שבט מוסר זאגט א רמז בין איך דאס מקבל, כמו שהוא, ווייל ער איז דער "שבט מוסר", משא"כ ווען קרעמער זאגט עס, לאך איך דערפון אין גרויסן, ווייל ער איז נישט דער "שבט מוסר"...

און ווייסטע וואס קרעמער; אפשר טאקע ביסטו מיר מסביר דעם שטיקל שבט מוסר, ווייל מילה און מצות הויבן זיך אן מיט א מ"ם, וועגן דעם איז דאס תלוי איינס-אין-צווייטן?, ועוד, און וואס איז מיט מצות מצה למשל?

וואס איך קען יא פארשטיין אביסל איז, אויב למשל דער שבט מוסר ברענגט דעם געדאנק פון א מדרש וכדו' און דערנאך לייגט ער דאס אריין אין א רמז דאן קען איך אביסל פארשטיין, אבער אז דער רמז זאל זיין דער מקור דאס פארשטיי איך נישט.

און ווייסט וואס כ'וועל דער זאגן, אז דאס איז דער חילוק צווישן זארעכ'לען און קרעמער'ן:
זארעכ'ל "מוז" נישט אלעס פארשטיין און קרעמער "וויל" נישט אלעס פארשטיין...
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

זארעכפעפער האט געשריבן:קרעמער, נעוואדע וואלט איך געלאכט פון דיר, אבער נאך ווי, נישט סתם אזוי...

אלא-וואטדען? אז דער שבט מוסר זאגט א רמז בין איך דאס מקבל, כמו שהוא, ווייל ער איז דער "שבט מוסר", משא"כ ווען קרעמער זאגט עס, לאך איך דערפון אין גרויסן, ווייל ער איז נישט דער "שבט מוסר"...

און ווייסטע וואס קרעמער; אפשר טאקע ביסטו מיר מסביר דעם שטיקל שבט מוסר, ווייל מילה און מצות הויבן זיך אן מיט א מ"ם, וועגן דעם איז דאס תלוי איינס-אין-צווייטן?, ועוד, און וואס איז מיט מצות מצה למשל?

וואס איך קען יא פארשטיין אביסל איז, אויב למשל דער שבט מוסר ברענגט דעם געדאנק פון א מדרש וכדו' און דערנאך לייגט ער דאס אריין אין א רמז דאן קען איך אביסל פארשטיין, אבער אז דער רמז זאל זיין דער מקור דאס פארשטיי איך נישט.

און ווייסט וואס כ'וועל דער זאגן, אז דאס איז דער חילוק צווישן זארעכ'לען און קרעמער'ן:
זארעכ'ל "מוז" נישט אלעס פארשטיין און קרעמער "וויל" נישט אלעס פארשטיין...


דיין גאנצע תגובה איז היבש פארשטענדליך, אויסער די לעצטע שורה, וואו דו פרובירסט מאכן א חילוק צווישן זרח'ל און קרעמער.

ווער האט דיר געזאגט אז עס עקזיסטירט בכלל א חילוק צווישן זיי, און אויב יא, וואס איז פשט פון דעם דאזיגן צווישנשייד?
אוועטאר
cano
שר האלפיים
תגובות: 2324
זיך איינגעשריבן אום: מיטוואך יוני 28, 2006 5:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך cano »

קרעמער האט געשריבן:
זארעכפעפער האט געשריבן:קרעמער, נעוואדע וואלט איך געלאכט פון דיר, אבער נאך ווי, נישט סתם אזוי...

אלא-וואטדען? אז דער שבט מוסר זאגט א רמז בין איך דאס מקבל, כמו שהוא, ווייל ער איז דער "שבט מוסר", משא"כ ווען קרעמער זאגט עס, לאך איך דערפון אין גרויסן, ווייל ער איז נישט דער "שבט מוסר"...

און ווייסטע וואס קרעמער; אפשר טאקע ביסטו מיר מסביר דעם שטיקל שבט מוסר, ווייל מילה און מצות הויבן זיך אן מיט א מ"ם, וועגן דעם איז דאס תלוי איינס-אין-צווייטן?, ועוד, און וואס איז מיט מצות מצה למשל?

וואס איך קען יא פארשטיין אביסל איז, אויב למשל דער שבט מוסר ברענגט דעם געדאנק פון א מדרש וכדו' און דערנאך לייגט ער דאס אריין אין א רמז דאן קען איך אביסל פארשטיין, אבער אז דער רמז זאל זיין דער מקור דאס פארשטיי איך נישט.

און ווייסט וואס כ'וועל דער זאגן, אז דאס איז דער חילוק צווישן זארעכ'לען און קרעמער'ן:
זארעכ'ל "מוז" נישט אלעס פארשטיין און קרעמער "וויל" נישט אלעס פארשטיין...


דיין גאנצע תגובה איז היבש פארשטענדליך, אויסער די לעצטע שורה, וואו דו פרובירסט מאכן א חילוק צווישן זרח'ל און קרעמער.

ווער האט דיר געזאגט אז עס עקזיסטירט בכלל א חילוק צווישן זיי, און אויב יא, וואס איז פשט פון דעם דאזיגן צווישנשייד?

איך פאנג אן צי טראכטען אז עס באלאנגט דא

איך האב נאר א חשד איך דארף עס נאך איבערטראכטען צי עס קען אפי' זיין אמת
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

זעץ דיך אנידער, קרעמער, נעם א קאווע, לייג צו קאפ און הער גוט איין, כ'על דער פרובירן שיין מסביר צו זיין.

זארעכ פרעגט: קען מיר איינער מסביר זיין דאס ענין פון רמזים?

קרעמער ענטפערט [נישט]: איך האב געזען א מאדנער רמז אין שבט מוסר וכו'. ווען איך זאל ווען דאס זאגן מדעת עצמי, וואלט זארעכ חוזק געמאכט דערפון.

זארעכ פרעגט צוריק: אבער וואס איז דער ענין פון רמזים?

קרעמער ענטפערט [נישט]...

איז אזוי. פארשטייט זארעכ, אז דער פשט דערפון איז אז קרעמער "וויל" נישט וויסן און פארשטיין דער ענין פון רמזים, דער עיקר ס'דא א רמז און געגאנגען ווייטער, משא"כ זארעכ וויל יא וויסן און פארשטיין דער ענין פון רמזים, און טאמער זאגט מען אים נאך א רמז פון א פריערדיגן גדול איז ער דאס מקבל כמו שהוא, אבער ער בלייבט נאך אלס ביי די קשיא. איי פארוואס איז דער דאס מקבל? ווייל ער "מוז" נישט אלעס פארשטיין, און אויב איז דאס אזאך פון פריערדיגע איז מען דאס מקבל. און אפי' מען פארשטייט נישט, א קשיא מעג מען האבן אבער מסקנא'ס טאר מען נישט פירן...
אבער בכלל נישט וועלן טראכטן און פארשטיין, דאס גיבט נישט נאר ביי די וואס "ווילן" נישט וויסן און טראכטן.

קאפטשו?
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

זארעכ'ל טייערער, איך פארשטיי דיך לגמרי נישט, ( איך האף ס'וועט דיר נישט באדערן אז איך מיש מיך אריין אום געבעטן ) דו זאגסט דאך אליין אז דו ווייסט פון אזא זאך ווי פרד"ס, זאג נאר וואס סוד איז ווייסטו יא? ס'איז נאריש צו זאגן אז מ'פארשטייט נישט עפעס פארוואס ס'איז אזוי, אין די צייט וואס מ'ליגט בכלל נישט דערין, לאמיר דיר געבן א משל, איך פארשטיי נישט צו ספארטס, איך קען טאקע זאגן אז איך פארשטיי אינגאנצן נישט דעם ענין, איך קען אויך זאגן אז איך פארשטיי נישט די אלע וואס ליגן דערין, ( הגם ס'איז נאריש אזוי צו זאגן, משום אל תדין ) אבער איך קען נישט פרעגן, אויף א חלק פון די געים פארוואס ס'איז אזוי, די זעלבע איז להבדיל מיט רמזים, פונקט ווי ס'איז דא א דרך הפשט און א דרך הדרוש איז דא א דרך הרמז, ס'איז דא פארשידענע זאכן וואס זענען מרומז אין די תורה, און יעדער לפי דרכו, פראבירט אפיר צו טרעפן רמזים, דער בעל הטורים, איז די גאנצע זאך, גימטריאות, וואס איז א גימטריא, ווען צוויי ווערטער זענען די זעלבע גימטריא, איז איינס מרומז אונעם צווייטן, נאך עפעס שווער?
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

איך הער, זייער גוט געזאגט און אצינד לאמיר גיין א טריט ווייטער.

דרך הדרוש והפשט איז דאך קלאר (הגם דרך הדרוש דארף א שטיקל ביאור אבער נישט דא דאס פלאץ פאר דעם, ועוד חזון), און פארשטענדליך דרך הסוד איז דאך א סוד, נו, סודות התורה איז דאך נישט געגעבן געווארן פאר יעדן, אפשר ווען כ'על זיין א בן ארבעים לבינה, אבער דער דרך הרמז פארשטיי איך נישט, וואס מיינט דאס? וואס איז פשט דערפון? וואס קומט דאס צו זאגן? יעדער קען זיך טרעפן עפעס א רמז'ל אדער א גמטריא וואס אים שמעקט...

למשל נעם קרעמער'ס רמז, בשם שבט מוסר, מיט די מ"ם'ס. ווייל ביידע ווערטער, מילה און מצוה, הויבן זיך אן מיט א מ"ם, דעריבער ווענדן זיך אלע מצות אין מצות מילה. קענסטו מיר דאס אפשר מסביר זיין:

1. ווייל ביידע הויבן זיך אן מיט א מ"ם דעריבער ווענדט זיך די מצות התורה אין מילה? (עס קען זיין אז געווענדט זיך טאקע איינס אין צווייטן, אבער נישט מכח ווייל ביידע הויבן זיך אן מיט א מ"ם)

2. אנדערע מצות התורה וואס הויבן זיך אן מיט א מ"ם זענען אויך אין דעם כלל?
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

ס'איז לכאורה נישט שייך צו פרעגן אזא קשיא, ווייל למשל ביי א מסורה, קען זיך אויך אמאל מאכן, ( איך מיין אז אין בעל הטורים איז עס היבש מאל אזוי, איך בין נישט זיכער,) אז מ'ברענגט נאר אראפ די זעלבע פאר זאכן אויף וואס מ'קען דערפון מאכן מטעמים ווידער די אנדערע וואס ס'שטומט נישט לאזט מען ארויס, די זעלבע מיט רמז, ס'ווענדט זיך אויף וואס דער יעניגער וויל ברענגען א רמז, און אז ס'געלונגט און ס'שטומט איז דאך גוט, גראדע דער שבט מוסר, איז מיר אויך זייער שווער צו פארשטיין, אפילו בדרך רמז, ס'קען זיין צוויי זאכן, איינס אז מ'דארף קוקן פאר דעם און נאכדעם, וואס ער שרייבט, אסאך מאל קען זיין אז במשך פונעם גאנצן שטיקל איז ער מער מסביר זיין מהלך, אויך קען זיין אז עפעס חסר מן הספר, איך ווייס נישט וואס, אבער אמאל מיט איין ווארט וואס ס'פעלט קען אלעס ווערן פארענטפערט, נאך איין זאך קען מען זאגן אז ס'פעלט גארנישט, און אויך פאר דעם און נאכדעם שרייבט ער גארנישט עפעס וואס זאל קלארער מאכן די ווערטער, און מיט ווייטאג זאגן אז לא זכינו להבין די הייליגע ווערטער פונעם שבט מוסר, וואס ער שרייבט אויף איין פלאץ אז א מחבר ספרים דארף מאכן זיכער אז אלעס וואס ער שרייבט אין זיין ספר זאל ער מקיים זיין, וואס איך בין זיכער אז עטליסט דער וואס האט דאס געשריבן ער האט זיכער מקיים געווען אלעס וואס ער שרייבט אין זיין ספר, און פון דארטן קען מען זען וואספארא געהויבענער מענטש ער איז געווען, ממילא קען גאנץ זיכער זיין אז ס'איז דא עפעס וואס ער שרייבט און אונז קליינע קעפ קענען נישט פארשטיין.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

איך הער

איך האלט שוין מיט דיר ערגעץ אויף א וועג. דעם רמז פון שבט מוסר, זע איך, פארשטייסטו אויך נישט.
און יעצט אביסל צום ענין פון דיינע ווערטער. לאמיך דיר אביסל מסביר זען מער באריכות וואס איך פארשטיי נישט דא.

ס'איז דא אזא זאך ווי מדרשים, מדרשים פליאים און מסורה'ס וואס דאס איז דברי חז"ל, פון די אלע מדרשים ומסורות זענען פאראן אזעלכע וואס זענען פשוט, מען פארשטייט וואס חז"ל זאגן, מען פארשטייט וואס חז"ל ווילן דערמיט. ווידער איז דא אזעלכע מדרשים ומסורת, וואס זענען יוצאים מפי חז"ל אבער ס'איז ליידער קשה להבינם, דבריהם סתומים, במובן הפשוט פארשטייט מען נישט וואס זיי ווילן. נאכמער, טייל מאל געפונען מיר אזעלכע פליאים בדברי חז"ל, אז לפי ראות העין המגושם קוקט דאס אויס ווי ממש איין ווארט קלעבט נישט צום צווייטן, און אויף אזעלכע דברי חז"ל זענען געקומען רבותינו הק' מימות עולם און דאס מבאר געווען, געזאגט דערויף חי' וביאורים, און ווי דו ווייסט אודאי די ווערטער פון ישמח משה וואס ער שרייבט אויף די אלע מדרשים פליאים אז: "ומצוה גדולה ליישבם".

דערנאך איז פארהאן אן ענין פון רמזים. פשוט פשט פון רמז מיינט אז אין די און די ווערטער אויב מען איז זיך גוט מתבונן קען מען זען דערין א דערהער צו דעם און דעם ענין, ועיי' בגמרא תענית ט' ע"א. יעצט איז אזוי, למשל אז מיר האבן א פסוק וואס דער פסוק זאגט עפעס אן ענין, און דער בעל הטורים קומט און ער לייגט צו אז מען קען אין די ווערטער פון דעם פסוק טרעפן עפעס שמץ דערהער פון דעם ענין וואס שטייט נישט בפי' אין פסוק, איז דאס זייער פארשטענדליך וואס ער וויל דערמיט, ס'טייטש ער האט געטראפן אין פסוק אז אפשר קען מען ארויסנעמען פון פסוק אויך דעם און דעם ענין.

דאס איז איין מהלך פון רמזים, נאך דעם איז דא נאך מהלך פון רמזים ווי א שטייגער דער שטיקל "שבט מוסר", אדער ווי א שטייגער וואס – להבדיל - קרעמער טוט, ער טרעפט זיך רמזימ'לעך אין שנת תשס"ז. וואס זאגט דאס? וואס מיינט דאס? וואס האט א שייכות דער ווארט תשס"ז צו זיינע רמזמ'לעך? ועוד ועוד?.

דאס זעלביגע פארשטיי איך טאקע נישט גימטריאות, ודו"ק.

וזאת למודעי, איך מיין נישט ח"ו דאס אוועקצומאכן, איך וויל פשוט פארשטיין, תורה היא וללמוד אני צריך. איך ווייס אויך אז ס'געווען צדיקים וואס האבן געזאגט תורה אויף דעם מהלך, למשל צדיקי בית קאסוב-וויזניץ, זייערע ספרים אהבת שלו', תורת חיים, זענען פול מיט דעם מהלך, און נישט נאר זיי פיל אנדערע צדיקים פלעגן אויך ניצן דעם מהלך אבער ווי געזאגט תורה היא וללמוד אני צריך.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

זארעכ;

דו האסט מיר גאר שלעכט פארשטאנען. די סיבה פארוואס איך ענטפער נישט אויף דיין שאלה, איז ווייל עס איז אזא דבר פשוט, ווי איך_הער האט עס מסביר געווען אויפן שפיץ גאפל. דהיינו, וואס מיינט רמז? רמז מיינט אז דאס איז איין אופן וויאזוי מען קען אפלערנען די הייליגע תורה. און פונקט ווי יעדער מאן דהו האט רעכט אריינצולערנען א "פשט" אין די תורה, און פלעכטן אן אייגן פשט'ל, האט יעדער תלמיד ותיק א רעכט מרמז צו זיין אין די תורה וואס אים שמעקט און געפעלט, און דאס ווערט אנגערופן "דרך הרמז".

איך האב דירעקט צוגעברענגט די ווערטער פונעם שבט מוסר, וואס זענען א דירעקטע ציטאט פונעם ספר וואס איז נוגע צו דעם ענין, נישט פארדעם און נישט נאכדעם איז עס מער מבואר (גראדע, זאגט ער יא א געדאנק, אז א מ"ם פתוחה איז ווי א "מ'פתח" א שליסל צו די תורה, עיין שם), און ער רופט דאס אן א "סמך" צו אן ענין וואס ער וויל ארויסברענגן, הגם, דו קענסט מ'רמז זיין מ'יליאן מ'ער ווערטער וואס הייבן זיך אויך אן מ'יט א מ"ם, אבער "א רמז איז א רמז".

אין קורצע דיבורים: איך האב געהאלטן אז די קשיא ברויך נישט קיין תירוץ, נישט אז "וויל" ח"ו נישט וויסן קיין תירוץ, אדרבה, איך בין נאך אזוי מאמין בתמימות ווי דיר אין די רייד פון די פריערדיגע, אזוי ווייט, אז איך הייב ניטאמאל צו פרעגן די קשיא וואס דו ערלויבסט זיך יא צו פרעגן: וואס איז דאס רמז?
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קרעמער

כ'גלויב אז דיין לעצטע תגובה איז געשריבן געווארן איידער דו האסט געזען מיין תגובה צו איכהער'ן.

בנוגע דיין לעצטן פערעגראף האסטו נאר שטערקער געמאכט מיינע דיבורים. דו ביסט א מאמין מיט אזא תמימות אז דו פרעגסט מיטאמאל די קשיא, זאג נאר בדברי רש"י ותוספ' ביסטו אויך אזא מאמין בתמימות? דאס הייסט א מאמין בתמימות?

נאר וואס דען, עס איז בעסער נישט צו טראכטן און פרעגן, ווי איידער צו פרעגן און בלייבן קשיא ביז עס וועט דיר אונטערקומען א גוטן תי', און ביז דעמאלט צו זיין א מאמין בתמימות און מקבל דברי קדמונים אפי' מען פארשטייט דאס נאך נישט לעת עתה...
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

די ערשטע אני מאמין דיינער ("כ'גלויב אז דיין לעצטע תגובה איז געשריבן געווארן איידער דו האסט געזען מיין תגובה צו איכהער'ן") איז אמת.
אוועטאר
cano
שר האלפיים
תגובות: 2324
זיך איינגעשריבן אום: מיטוואך יוני 28, 2006 5:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך cano »

אויב ווילט עטס א ראי' צום שבט מוסר די רמב"ם איז מבאר איך מיין ביי הלכות מילה אז די טימטם הלב וואס ווערט אראפ גענימען מיט מצוות מילה ערמעגליכט א מענטש מקיים צו זיין מצוות

איך האב נישט קיין איינונג וואו אזוי איך קען עס נאכקיקען סאו טאמער איינער וויל מיר נישט גלייבען פיל פרי טא דא איט
דיסקליימער: ווען איך מאך א ספעלינג טעות, איז דאס נישט דיירעקט, עס פשוט א טעות.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

דאס שרייבט דאך דער שבט מוסר דארט אויפן פלאץ, נישט אויף דעם איז דער נידון דא.
אוועטאר
cano
שר האלפיים
תגובות: 2324
זיך איינגעשריבן אום: מיטוואך יוני 28, 2006 5:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך cano »

א קיי
דיסקליימער: ווען איך מאך א ספעלינג טעות, איז דאס נישט דיירעקט, עס פשוט א טעות.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

תשס"ז איז בגימטריא וואס מען האט געזאגט ביי די היינטיגע סליחות:

כי כל לב דוי וכל ראש לחלי
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

קרעמער זיסער;

דו ציטערסט מיר אויף מיט דיינע ראשי תיבות וואס זענען פלעין שרעקעוודיג. קודם 'ומתוך צרה', נאכער קומסטו מיר מיט 'כי כל לב דוי וכו'.

מיין טרייסט איז דאס וואס רש"י הק' זאגט אויף ונושנתם: אז דער רבוש"ע האט פארטריבן די אידן צוויי יאר פריער כדי די צווייטער העלפט פסוק זאל נישט דארפן מקויים ווערן. דאס זעלבע איז דא אויכעט, נאך א מזל אז האסט נישט געשריבן 'כי כל לבב דוי' כמו שאומרים בניסוח .

והקב"ה יצילנו מתוך ששון ושמחה במהרה
שוש אשיש בה', תגל נפשי באלקי! (ישעיה סא)
שרייב תגובה

צוריק צו “היימישע קרעטשמע”