מחשב האט געשריבן:ביז אהער וועגן די תוכן. אבער ס'איז אויך זייער וויכטיג צו לייגן א דגוש אויף די "אופן" הלימודים. מ'זאל עס איבערגעבן אויף א וועג אז דער בינוני בחור זאל זיין צוגעשמידט צו זיין פלאץ מיט נייגער, נישט ער זאל זיך דארפן ציפן צו בלייבן אויף. און יא, מ'מעג האבן א באורד אין ישיבה אויך.. ששש... אלע גרויסע יוניווערסיטיס לערנט מען מיט באורדס. מיט וויזשועלייזט די קאנצעפטן. היינט איז שוין דא א גאנצער פעלד וויאזוי צוצוגיין צו לימודים. שוין דא אסאך קורסעס אויף דעם. אלע מחנכים פרטיים ווייסן שוין אלע אופנים וויאזוי מ'דארף צונעמען קאנמפעצירטע טעקסט. צוטיילן די מעשה, די טעם, די חידוש, וכדומה וכדומה. שוין צייט דאס צו אימפלעמענטירן אין די מעינסטירעם.
ותן לחכם ויחכם עוד.
לענ"ד האסטו דא געמאכט א לעפט טירן. יעדע זאך וואס מען וויל אימפאטירן פון 'זיי', דארף אן אויסשליסליכע דעת תורה מיט א געוואלדיגע פקחות צו קענען דעסיידן. די זאכן זענען נישט פשוט. דא האסטו א שטיקעל דוגמא, טאקע לגבי דעם ענין.
PBS, א עדיוקעישענעל טעלעוויזשן סטעישן פאר קינדער, האט געמאכט א סטאדי. זיי האבן פארהערט קינדער וואס קוקן זייער סטעישן, קעגן קינדער וואס קוקן נישט, און עס האט זיך אויסגעשטעלט אז די קינדער וואס קוקן PBS האבן טאקע אסאך מער ידיעות! געהעריג אויפגעוויזן אז עס לוינט זיך צו געבן פאר קינדער צו קוקן PBS!
איז געגאנגן א חכם, און געמאכט די זעלבע סטאדי, אבער מיט א קנייטש. ער האט ארויסגעפרינט א צעטל וואס באשרייבט א שטיקל היסטאריע און עס געגעבן צו ליינען פאר די זעלבע גרופעס פון קינדער. נאך דעם האט ער זיי געגעבן א טעסט אויף דעם. עס האט זיך אויסגעשטעלט אז די קינדער וואס וואטשן PBS, האבן געהאט אן ערענסטן 'הארד טיים' צו ארויסנעמען אינפארמעישן פון א פאפיר וואס זאכן שטייען שווארץ אויף ווייס. קיין שום קאלער און קיין שום 'וויזשיועלייזן'. משא"כ די קינדער וואס קוקן ווייניג טעלעוויזשן, האבן עס געקענט אסאך בעסער. אין אנדערע ווערטער, די קינדער וואס מען האט זיי אלעס געוויזשיועלייזד, האט מען אינגאנצן געדעמעדזשד. זיי האבן טאקע אביסעל מער ידיעות, אבער יעדע ידיעה וואס איז נישט אויף זייער סקרין, וועלן זיי זיך קיינמאל נישט לערנען.
ובא ללמד על הכלל כלו יצא. אונזער חינוך היינט צוטאגס שטייט נאך אלס מיילען ווייטער ווי יעדע סארט חינוך אין די גוי'שע גאס. אויב איך וויל פארבעסערן, איז עס נאר פון היימישע מקורות, מער מוסר, מער געשמאק אין יודישקייט, וכדו'. אבער קוקן אויף די אלגעמיינע פעלד פון חינוך ווי אזוי צו צוגיין צו לימודים? קיינמאל! וויי וועט זיין ווען אונזערע תלמידים וועלן ענדלען אין זייערע ר"ל.
