דער שפיאן וואס האט פארראטן די "קעי דזשי בי".

געשמאקע ארטיקלן און בילדער וכדו'

די אחראים: אחראי, געלעגער

גיט
שר חמישים ומאתים
תגובות: 406
זיך איינגעשריבען אום: מיטוואך דעצמבער 27, 2017 9:34 pm

תגובהדורך גיט » דאנארשטאג מארטש 19, 2020 3:19 pm

טוב לי האט געשריבן:א גרויסע ישר כח הרב שמעלקא פאר ביז אהער און א בקשה אויף ווייטער ביטע מיר שטייען און ווארטן


גא"מ

אוועטאר
חוח בין השושנים
שר האלפיים
תגובות: 2153
זיך איינגעשריבען אום: זונטאג מאי 19, 2019 12:30 pm

Re:

תגובהדורך חוח בין השושנים » דאנארשטאג מארטש 19, 2020 3:22 pm

גיט האט געשריבן:
טוב לי האט געשריבן:א גרויסע ישר כח הרב שמעלקא פאר ביז אהער און א בקשה אויף ווייטער ביטע מיר שטייען און ווארטן


גא"מ

גא"מ,
אבער נאכן שטיין און ווארטן אזוי לאנג, האב כ'זיך שוין אראפגעזעצט...

גיימער יעצט ווארטן זיצענדיג אנגעלאנט ווי ביים סדר
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער -להבדיל- א גוט ווארט צו זאגן טו עס ביטע דא.

אוועטאר
טעם וריח
שר האלף
תגובות: 1258
זיך איינגעשריבען אום: מאנטאג יוני 19, 2017 7:33 pm

Re:

תגובהדורך טעם וריח » דאנארשטאג מארטש 19, 2020 4:16 pm

טעם וריח האט געשריבן:בדרך כלל הייב איך אפילו נישט אן צו ליינען זיין סחורה, ווייל חזקה על שמעלקעניו שאינו חוזר לגמור! וויל איך נישט בלייבן אנגעצויגן.. העט ער ענדיגן די גאנצע געשיכטע העמיר דעמאלט איבערליינען סגאנצע...

.

אוועטאר
שמעלקא זאפטיגער
שר שלשת אלפים
תגובות: 3171
זיך איינגעשריבען אום: מאנטאג אוגוסט 15, 2016 3:19 pm
לאקאציע: איינגעטונקען

תגובהדורך שמעלקא זאפטיגער » פרייטאג מארטש 20, 2020 9:53 am

זעקס יאר האט אפגעטיילט צווישן וואסילי און אולעג. זיי זענען געוואקסן אין די מלחמה יארן, און איינע פון די ערשטע מעמוארן וואס אולער גארדייעווסקי איז געווען, וויאזוי עס ווערן געפירט פילע רייעס פון דייטשע קריגס געפאנגענע, דערנידערט, ערשעפט און פארלוירן, איבער די גאסן פון מאסקעווע. געהיטן און געפירט געפאנגענערהייט ווי חיות פון וואלד - א זאך וואס זיי זענען פאקטיש געווען...

אנטאן גארדייעווסקי האט אסאך צוגעשטעלט און גערעדט לאנגע דעמאגאגישע רעדעס פאר די סאלדאטן אינעם רויטן ארמיי און פאר די קאמוניסטישע פארטיי, און האט געפעלט פון דערהיים פאר לאנגע וואכן צוליב דעם.

אולעג האט געלערנט מיט פאלגזאמקייט אלעס וואס די קאמוניסטישע פארטיי האט פארלאנגט מ'זאל קענען און שטודירן. ער האט געלערנט אין די '130' שולע, און דראג אנהייב האט ער באקומען א געשמאק אין די לערנונגען פון היסטאריע און שפראכן.

ער האט געלערנט איבער די גרויסע מעכטיגע 'העלדן' פון קומוניזם, אין די סאוויעטן פארבאנד און פון אינדערויסן, און טראץ וואס סיי וועלכע אינפארמאציע ארום אויסלאנד אדער לענדער נישט אין די סאוויעטן פארבאנד זענען געווען פארנעפלט און פארהוילט, האט אים דאס פארט זייער שטארק געצויגן, און אפשר טאקע ווייל ער האט נישט געהאט קיין פולע אינפארמאציע איבער זיי.

ווען ער איז געווען א זעקס יעריג קינד האט ער אנגעהויבן צו לייענען דעם "בריטיש עליי", א פראפעגאנדע צייטונג וואס די בריטישע אמבעסאדע אין מאסקווע האט ארויסגעגעבן אויף רוסיש כדי צו דערנענטערן ענגלאנד צו די רוסן. ער האט געלערנט די דויטשע שפראך, און ווי אלע האבן ערווארטעט פון אים, האט ער זיך אנגעשלאסן אין דעם "קאמסאמאל", די יוגענט באוועגענג פאר הייסע קאמוניסטן. זייט פאטער פלעגט אהיימברענגען דריי אפיציעלע צייטונגען, און פארליינען פאר די גאנצע משפחה יעדע נאכט די אלע פראפעגאנדע שטיקלעך וואס די קאמוניסטן האבן פארשפרייט.

דערווייל איז די נ.ק.וו.ד. פארוואנדלט געווארן אין די קעי דזשי בי. און אנטאן גארדייעווסקי האט פארגעזעצט דארט צו דינען מיט גרוסי געטריישאפט. די מאמע האט שטילערהייט געהאסט דעם אגענטור וואו איר מאן האט אזוי געטריי געארבעט, און פון מאל צו מאל האט זי גאר שטילערהייט זיך ארויסגעכאפט דא דארט מיט בייסיגע באמערקונגען איבער דעם.

כאטש וואס די רעגירונג האט נישט ערלויבט צו גלייבן אין גארנישט, און מ'האט געמוזט זיין רעליגיע-פריי, האט די באבע - זיין מאמעס מאמע - געכאפט וואסילי איין נאכט און אין געהיים גע'טובל'ט אין וואסער אין א רוסישע ארטאדאקסישע קירכע. זי האט געפלאנט צו טוען די זעלבע אויך פארן יונגערן אולעג, אבער דער טאטע איז געוואר געווארן דערפון, און זיכער געמאכט אז אזא זאך גייט זיך בשום אופן נישט איבערשפילן,ער האט אראפגעשטעלט א פיס, און קיינער האט זיך מיט אים נישט געזוכט אנצוהייבן...

***

אולעג גארדייעווסקי איז אויפגעוואקסן אין א פאמיליע וואס האט געהאט אין זיך אסאך חלקים, ליבשאפט און אויך זייער קאלירפולע וועליוס. אנטאן גארדייעווסקי האט אפענערהייט געשטיצט מיט מאכט און פעסטקייט דעם קאמוניסטישן פאן, אבער אין זיך איז ער געווען א קליינטשיגער און אומרואיגער מענטש, וואס האט אפטמאל געשפירט זייער שלעכט פאר די געמיינע זאכן וואס ער פירט כסדר דורך, און אויך גענומען אין באטראכט אז איין טאג קען ער פארטיגן זיין לעבן די זעלבע ווי ער פארטיגט כסדר אנדערע מענטשנ'ס לעבן, כאטש זיי זענען אומשולדיג ריין.

זיין ווייב אולעגא איז אידיאלאגיש געווען א הייסע קאמעניסטקע אפענערהייט, אבער זי האט נישט געמאכט קיין סוד אין שטוב אז זי האסט דאס. איר מאמע האט געארבעט אין א רעליגיעזע אנשטאלט און דערפאר איז זי געווען אויף די שווארצע ליסטע פון די קעי דזשי בי. אבער קיינער פון די משפחה האט קיינמאל נישט ארויסגעברענגט זייער געדאנקען אויפן שפיץ צינג, וויסנדיג אז מען קען קיינעם נישט געטרויען און יעדעס ווארט וואס דו זאגסט, אפילו פאר דיין נאענטסטער פריינד אדער קרוב, קען נאכפאלגן מיט א קויל אין קאפ, אן קיין איבעריגן בלינק מיט די אויגן.

שוין פון אלס קינד איז אולעג אויפגעוואקסן מיט דעם אז מ'קען לעבן א דאפלטע לעבן, ליב האבן די מענטש פון ארום זיך, און אין די זעלבע צייט באהאלטן די אמת'ע געפילן וואס שפילן זיך אפ אין הארצן. ביי אים איז געווען א לכתחלה צו זיין אויפן גאס און פון אינדערויסן איין סארט מענטש, אבער פון אינעווייניג עפעס גאר אנדערש, און צומאל אפילו גענוי דאס פארקערטע. און דאס האט טאקע ביי אים פאסירט.

ער האט געענדיגע זיינע לערנונגען און באקומען א זילבערנע מעדאל, מען האט אים געשטעלט אין שפיץ פון די 'קאמסאמאל' באוועגונג, ער איז געווען א פלייסיגער יונג, פארשטענדליך, פעסט אראפגעשטעלט, אטלעטיש, און קיינער האט נישט געהאט קיין ספק אז דאס איז א שטאלצע פראדוקט פון סאוויעט רוסלאנד, איינער מיט וועמען דאס לאנד וועט נאך שטאלצירן.

ער איז געווען א שטארקער כאראקטור, געוואוסט וואס ער וויל טוען און וואס ער האט צו טוען, אבער ער האט אויך פארשטאנען ווי אזוי מען האלט דאס מויל און מען צייגט נישט ארויס די אמת'ע געפילן, גענוי וויאזוי ער איז אויפגעוואקסן, אין שאטן פון געהיימניסן...

***

אין יארע 1953 למספרם האט סטאלין אפגע'פגר'ט. דריי יאר שפעטער, ביי די פארזאמלונג פון צוואנציג פונעם פארטיי, האט זיך אויפגעשטעלט זיין נאכפאלגער ניקיטע כרושטשאוו און ארויסגעלייגט אלע זיינע געמיינע מעשים איפן טיש, סיי אין פריוואטן לעבן און סיי פאר זיינע אייגענע בירגער, מיט גרויס אפשיי.

אנטאן גארדייעווסקי איז געווען שאקירט. פאר אזא אפיציעלע זאך ווי פארדאמען סטאלין אין נאמען פון די סאוויעטן פארבאנד, איז געווען ממש א שרעקליכע קלונגעדיגע פראסק. סטאלין איז געווען די גרונדשטיינער פון זיין אידיאלאגיע און פילאסאפיע. ער האט פאר אים געטוען זאכן וואס איז אים שווער אנגעקומען, און דאס פארשעמונג פון סטאלין איז פאר אים געווען א פערזענליכע פארשעמונג. זאכן אין לאנד האבן אנגעהויבן צו פארן נישט אין די ריכטונג וואס ער האט געוואלט ס'זאל פארן...

אבער ס'איז יא געווען אין די ריכטונג וויאזוי זיין זוהן אולער האט עס געוואלט זען. די אזויגערופענע מער מעסיגע דערקלערונג פון כרושטשאוו איז געווען זייער א קורצע און פאלשע, אבער מיט דעם אלעם איז עס געווען א תקופה פון אביסל פארלייכטערונג אין פריוואטע לעבנס און אין צענזור.

טויזענטער פאליטישע ארעסטאנטן זענען אהיימגעשיקט געווארן און מיט גרויס פרייד און געפילן זיך פאראייניגט מיט די בענקעדיגע פאמיליעס; דאס זענען געווען שטורעמישע טעג פאר ווער ס'איז געווען א יוגער רוס, און האט אריינגעבלאזן א גייסט פון האפענונג אז אפשר וועט מען נאך איין טאג גלייכן דעם 'רוסישן גן עדן'.

די גרעניצן פון כרושטשאוו'ס רעפארמען האבן זיך ארויסגעוויזן קלאר מיט גרויס ברוטאליטעט אין יארע 1956, ווען די שיירה פון גרויסע סאוויעטישע טאנקען האבן זיך אריינגעלאזט קיין אונגארן, און מיט גרויס אכזריות דערשטיקט דעם מאסן רעוואלוציע קעגן דעם סאוויעטישן פארבאנד. טראץ די פילע צענזור און פראפעגאנדע וואס איז געווען אויף יעדע ווארט געשריבן אין רוסלאנד, איז פארט אנגעקומען אויף אן אומוועג די גאנצע געשיכטע קיין רוסלאנד, אין די צייט וואס די רעגירונג האט עס פראבירט צו פארהוילן.

די גאנצע ווארימקייט וואס יונגע רוסן האבן געהאט צו כרושטשאוו איז זיך פלוצלינג צערינען, און עס האט אנגעהויבן בלאזן א קאלטע ווינט איבער זיי, א ווינט וואס האט זיי ווי פארפרוירן פאר שרעק...

***

זייענדיג זיבעצן יאר אלט האט מען אנגענומען אולעג אין די "רעגירונג אינסטעטוציע פאר אינטערנאציאנאלע באציאונגען" וואס איז געווען גאר א וויכטיגע זאך אין מאסקווע. דא, אונטער די השפעה פון די פרישע אטמאספערע, האט ער אנגעהויבן צו דן זיין מיט אן ערנסטקייט מיט זיינע חברים וויאזוי מען קען אהערשטעלן פאר די וועלט אז די סאוויעטישע פארבאנד מיט איר קאמוניסטישע אידיאלאגיע זאל באקומען 'א מענטשליך פנים' איבער די וועלט.

דאס איז געווען די עליטע אוניווערזיעט אין די סאוויעטן פארבאנד, וואו אולעג האט געארבעט, איז געווען אונטער די אויסערן מיניסטעריום און איז געווען דער הויפט טרענירונג באזע פאר צוקונפטיגע געטרייע סאוויטעטישע דיפלאמאטן, סייענטיסטן, עקאנאמיסטן, פאליטיקאנטן - און שפיאנען. גארדייעווסקי האט געלערנט דארט היסטאריע, געאגראפיע, עקאנאמיקס, און אינטערנאציאנאלע באציאונגען, פארשטייט זיך אז אלעס איז געווען אויף דעם פארקרומטן וועג פון די קאמוניסטישע אידיאלאגיע.

די אינסטעטוציע האט אויסגעלערנט זעקס-און-פופציג שפראכן, מער ווי סיי וועלכע אוניווערזיטעט איבער די וועלט. קענען גוטע שפראכן איז געווען די בעסטע און פארזיכערטסטע וועג צו אנקומען צו די קעי דזשי בי. און איבערהויפט פאר אויסלענדישע שפיאנאזש רייזעס, א זאך וואס אולעג האט אייביג געשטרעבט צו דערגרייכן.

ער האט געקענט א גוטע דויטש און זיך אויך איינגעשריבן צו לערנען ענגליש, אבער וויבאלד די קלאסן זענען געווען איבערגעפילט האט מען אים אפגעזאגט. "לערן זיך שוועדיש" האט אים זיין עלטערער ברודער - וואס האט שוין געדינט אין די קעי דזשי בי. גע'עצה'ט. "דאס איז די טויער צו גאנץ אייראפע". גארדייעווסקי דער יונגערער האט זיך צוגעהערט צום ברודער'ס עצה, און אזוי האט ער טאקע געטוען.

אין דעם אינסטעטוציעס ביבליאטעק האט אולעג געטראפן עטליכע פרעמדע צייטונגען און אויסגאבעס. און די אלע - כאטש זיי זענען געווען שווער צענזורירט - האבן זיי אים געגעבן א מעכטיגן בליק אויף דעם גרויסן וועלט. שטילערהייט אין געהיים האט ער אנגעהויבן צו לייענען אביסל מער איבער די גרויסע וועלט ארויס פון די סאוויעטישע פארבאנד, עס האט געמוזט זיין אין געהיים, ווייל אז איינער האט זיך צופיל פאראינטערעסירט איבער די אינדערויסנדיגע וועלט האט דאס געצויגן פארדעכטן, און רוב מאל זייער נישט גוט געענדיגט...

ער האט זיך אנגעהויבן צוצוהערן צו אינטערנאציאנאלע סטאנציעס אין די שפעטע נאכט שעות, ווי די בי.בי.סי. אדער 'אמעריקען וואויס', טראץ וואס ס'איז געווען פארמאכט און פארשטאפט אין אלע ראדיא מאשינען און קאנאלן וואס די סאוויעטישע צענזור האט ארויפגעלייגט, אבער ער האט געטראפן א וועג דאס צו הערן, און צוביסלעך צוביסלעך האט ער אביסל מער אנגעהויבן צו דערשמעקן א קליינער גערוך פון וואס עס טוט זיך אפ איבער די גרויסע וועלט, ארויס פון זיין מעכטיגע 'גן עדן'...

***

ער איז אבער געגאנגען אביסל צו ווייט. א ביסל פון זיין מאמעס סקעפטיזם צום קאמוניסטישן מהלך האט זיך ווייזט אויס אגנעקלעבט מיט אים. איין טאג האט ער פארגעשריבן א רעדע וואס האט ארויפגעברענגט מיט א תמימות די פרייהייט און דעמאקראטיע, א זאך וואס ער האט בכלל נישט פארשטאנען במציאות, און נאר געקענט נאכזאגן ווי עפעס וואס איז בלויז א טעאריע אויף פאפיר...

ער האט רעקארדירט זיין רעדע, און געגעבן צו הערן פאר זיינע קאלעגעס די סטודענטן. "דו ביסט נישט נארמאל אולעג" האבן זיי אים כמעט פארשטיינערט. זיי זענען אלע געווען דערשראקן צום טויט. "דו מוזט זאפארט פארניכטן דעם רעדע און מער אין לעבן נישט טראכטן אזעלכע זאכן, און זיכער נישט זאגן מער"... ער האט זיך אויך דערשראקן צום טויט דערפון, און באלד פארניכטעט דעם רעדע, אנשטאט דעם האט ער שנעל געמאכט א גאר עקסטרעמיסטישע רעדע אין לויב פון די קאמוניזם.

אבער ער האט וואויל געוואוסט אז אפילו אין דעם אינסטעטוציע איז אויך דא פיל מיט אויגן און אויערן פון די קעי דזשי בי. און ער האט זיך געוואונדערט ווי לאנג עס גייט נעמען ביז מען וועט אים שטעלן ביי א וואנט און שיסן צום טויט...

--

פארזעצונג קומט אי"ה.
א טייל פון די פרוכט וואס מען ניצט צו מאכן זאפט זענען עפל, מאראנץ, טאמאטע, אנאנאס, גרייפפרוכט, גוואווע, מאנגא, קאווענע, זשורעכלינע, וויינטרויבן, לימענע און גרינע לימענע.

אוועטאר
חוח בין השושנים
שר האלפיים
תגובות: 2153
זיך איינגעשריבען אום: זונטאג מאי 19, 2019 12:30 pm

Re: דער שפיאן וואס האט פארראטן די "קעי דזשי בי".

תגובהדורך חוח בין השושנים » פרייטאג מארטש 20, 2020 11:50 am

כ'זע אז דער עולם האט נישט קיין ווערטער וויאזוי ארויסצוברענגען זייערע געפילן פון דאנק פארן רבי'ן ר' שמעלקא,
אויב אזוי וועל איך נעמען די מייק:
יישר כוח ר' שמעלקא, באמת נישטא קיין ווערטער!!
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער -להבדיל- א גוט ווארט צו זאגן טו עס ביטע דא.

אוועטאר
בלעכענער פנים
שר חמש מאות
תגובות: 717
זיך איינגעשריבען אום: דאנארשטאג אפריל 04, 2019 12:51 pm
לאקאציע: כ'ווייס באמת נישט..

Re: דער שפיאן וואס האט פארראטן די "קעי דזשי בי".

תגובהדורך בלעכענער פנים » פרייטאג מארטש 20, 2020 11:51 am

חוח בין השושנים האט געשריבן:כ'זע אז דער עולם האט נישט קיין ווערטער וויאזוי ארויסצוברענגען זייערע געפילן פון דאנק פארן רבי'ן ר' שמעלקא,
אויב אזוי וועל איך נעמען די מייק:
יישר כוח ר' שמעלקא, באמת נישטא קיין ווערטער!!

יאסל קעניג
שר מאה
תגובות: 146
זיך איינגעשריבען אום: זונטאג ינואר 05, 2020 5:28 pm

Re: דער שפיאן וואס האט פארראטן די "קעי דזשי בי".

תגובהדורך יאסל קעניג » פרייטאג מארטש 20, 2020 1:05 pm

חוח בין השושנים האט געשריבן:כ'זע אז דער עולם האט נישט קיין ווערטער וויאזוי ארויסצוברענגען זייערע געפילן פון דאנק פארן רבי'ן ר' שמעלקא,
אויב אזוי וועל איך נעמען די מייק:
יישר כוח ר' שמעלקא, באמת נישטא קיין ווערטער!!

גא"מ
מלך שהשלום שלו

שמו
שר שלשת אלפים
תגובות: 3051
זיך איינגעשריבען אום: מאנטאג אוקטובער 31, 2011 12:38 pm

Re: דער שפיאן וואס האט פארראטן די "קעי דזשי בי".

תגובהדורך שמו » פרייטאג מארטש 20, 2020 2:06 pm

דער פארט פיין
ייש"כ שמעלקא גיי אן

האסט א זכות און בארוהיגן דעם עולם, ושכרך הרבה מאוד
כשמ"ו כן הוא

טוב ה' לכל
שר חמש מאות
תגובות: 678
זיך איינגעשריבען אום: דאנארשטאג יולי 04, 2019 7:17 pm

תגובהדורך טוב ה' לכל » פרייטאג מארטש 20, 2020 3:07 pm

אמת'ע מעשה אדער א נאוועל? נאכנישט געליינט.

אביסל טיפער
שר האלף
תגובות: 1139
זיך איינגעשריבען אום: מוצ"ש ינואר 11, 2020 8:09 pm
לאקאציע: לאנדאן 1933

Re: דער שפיאן וואס האט פארראטן די "קעי דזשי בי".

תגובהדורך אביסל טיפער » פרייטאג מארטש 20, 2020 5:22 pm

יישר כח
ווילט איהר פארדינען קעשבעק ווען איהר קויפט אנליין דריקט דא

"און פארגעסט נישט אז תורה איז די בעסטע סחורה"

Gevald Geshrigen
שר שלשת אלפים
תגובות: 3080
זיך איינגעשריבען אום: דאנארשטאג דעצמבער 29, 2011 10:41 pm

Re:

תגובהדורך Gevald Geshrigen » זונטאג מארטש 22, 2020 11:42 am

טוב ה' לכל האט געשריבן:אמת'ע מעשה אדער א נאוועל? נאכנישט געליינט.


א אמתע מעשה שלא היה

אוועטאר
j718
שר חמישים ומאתים
תגובות: 381
זיך איינגעשריבען אום: מאנטאג אפריל 18, 2016 3:14 pm
לאקאציע: אין בוידעם

Re:

תגובהדורך j718 » מאנטאג מארטש 23, 2020 12:16 pm

שמעלקא זאפטיגער האט געשריבן:מ'גייט אי"ה ממשיך זיין. נישט זארגן.



קודם א גרויסע יישר כח פאר די ערשטע פאר חלקים,

ביטע זייט ממשיך ווי שנעלער ווייל מיר דארפן עס האבן זיך צו באראגן פון די קאראנע פאניק!
עס וואלט געדארפט זיין א דאנק קנעפל
צו קענען מיט א דרוק מיט א קנעפל צושטימען און מחזק זיין וואס א צווייטער האט געשריבן.
האלט איר דען נישט אזוי?
זיכער יא!
דאן רופט זיך אן דא: אנקעטע:
א דאנק קנעפל אנקעטע

אוועטאר
שמעלקא זאפטיגער
שר שלשת אלפים
תגובות: 3171
זיך איינגעשריבען אום: מאנטאג אוגוסט 15, 2016 3:19 pm
לאקאציע: איינגעטונקען

Re: Re:

תגובהדורך שמעלקא זאפטיגער » מאנטאג מארטש 23, 2020 12:18 pm

Gevald Geshrigen האט געשריבן:
טוב ה' לכל האט געשריבן:אמת'ע מעשה אדער א נאוועל? נאכנישט געליינט.


א אמתע מעשה שלא היה


א אמת'ע מעשה. נישט קיין נאוועל.
א טייל פון די פרוכט וואס מען ניצט צו מאכן זאפט זענען עפל, מאראנץ, טאמאטע, אנאנאס, גרייפפרוכט, גוואווע, מאנגא, קאווענע, זשורעכלינע, וויינטרויבן, לימענע און גרינע לימענע.

לייפציק
שר חמש מאות
תגובות: 608
זיך איינגעשריבען אום: מיטוואך סעפטעמבער 14, 2016 5:55 pm

Re: דער שפיאן וואס האט פארראטן די "קעי דזשי בי".

תגובהדורך לייפציק » מאנטאג מארטש 23, 2020 12:27 pm

אין מילים!
א גרויסען שכח.

אוועטאר
שמעלקא זאפטיגער
שר שלשת אלפים
תגובות: 3171
זיך איינגעשריבען אום: מאנטאג אוגוסט 15, 2016 3:19 pm
לאקאציע: איינגעטונקען

תגובהדורך שמעלקא זאפטיגער » מאנטאג מארטש 23, 2020 1:06 pm

ווי עס איז דער סדר פון געווענליכע מענטשן, האט אויך גארדייעווסקי אנגעהויבן צו זען דעם עבר פון א נייעם בליק, וואס ער האט באקומען מיט זיין ערפארונג, און טראכטן אז ער האט אייביג געהאלפן פאר די קערנדלעך פון די מרור צו וואקסן, און גלייבן אז זיין גורל איז עפעס אריינגעקריצט אין זיין כאראקטור. אבער ס'איז נישט אזוי געווען. אלס א סטודענט איז ער געווען א הייסער קאמוניסט וואס האט געוואלט דינען דאס לאנד אין די קעי דזשי בי. רייען, גענוי ווי זיין טאטן און ברודער.

די רעוואלוציע אין אונגארין האט געהאלטן געשפאנט זיין יונגע דמיון-קראפט, אבער ער איז נישט געווען קיין רעוואלוציאנער. ער האט נאכאלץ געשפירט אלס א טייל פון די אידיאלאגיע און שיטה פון קאמוניזם, אבער מיט דעם אלעם האט אים א שטיקל געפיל אנגעהויבן צו קיצלען און קוועטשן אינעווייניג אין הארץ צווישן אירע קלאפענישן, א זאך וואס איז געווען ביי פילע פון די סטודענטן אין זיינערצייט.

אין עלטער פון ניינצן יאר האט גארדייעווסקי אנגעהויבן צו לויפן אין ווייטע שטרעקעס. ער האט געשפירט אז עפעס שטופט אים צו גיין פאראויס, און אז ער איז אין א פארמעסט מיט זיך אליינס, ווי ווייט זיינע מעגליכקייטן דערגרייכן אים. ער איז געווען זייער א ציוויליזירטער און מעורב בין הבריות, א הויכער שיינער בחור'ל מיט הערליך געקעמטע האר און עטוואס ווייכע געזיכט שטריכן, וואס האלט נאנט צו זיך דאס ארומיגע געזעלשאפט.

אין זיינע רואיגע צייטן איז זיין געזיכט גראדע געווען זייער שרעק-ווארפענד און אויסטערליש פחד'דיג, אבער ווען ער האט געהאט אין זיך א שטיקל הומאר און געזאגט עפעס, האט זיין געזיכט אויפגעלאכטן פון איין מינוט אויפן צווייטן. צווישן מענטשן איז ער געווען פרייליך און לעבעדיג, אבער עפעס איז געווען ביי אים הארט און ווייט פון יעדעם'ס אויגן. אולעג איז בכלל נישט געווען איינער וואס שפארט זיך אליינס איין, אבער פארט האט ער זייער געגליכן צו זיצן אליינס.

זייער זעלטן האט מען געהערט פון אים איבער זיינע געפילן. גאר אסאך כוחות האט ער אינוועסטירט פאר זיין קערפער, ער איז שעות ארוכות געלאפן איבער די גאסן פון מאסקווע און אירע פובליק פארקס, נישט נאר פאר איבונגען, נאר בעיקר צו זיין ער אליינס, מיט זיינע טיפע מחשבות, אן דעם וואס איינער זאל אים שטיין אין וועג.

איינער פון די געציילטע סטודענטן וואס זענען געווען נאנט מיט אולעג אין דעם תקופה, איז געווען סטאניסלאוו קאפלאן, וואס מ'האט גערופן סטענדא. ער האט אויך ליב געהאט די ספארטס, און איז געווען פון די גוטע לויפער אינעם אוניווערזיטעט. סטענדא איז געווען א טשעכעסלאוואקישער, וואס איז געקומען לערנען אין מאסקווע ביי דעם גרויסן אוניווערזיטעט פון די קעי דזשי בי.כדי זיך צו טרענירן, נאכן באקומען א הויכע אקאדעמישע טיטל פון די קארל אוניווערזיטעט אין פראג.

קאפלאן האט געהאט אן ענליכער מהלך המחשבה ווי אולעג. זיין אינדעוועדואליזם איז נאכנישט דערשטיקט געווארן אזוי ווי אסאך אנדערע וואס האבן פארמעקט זייער אנוועזנהייט צום קאמוניסטישן אידיאלאגיע. ער איז געווען א יאר עלטער פון אולעג און האט זיך געלערנט צו זיין א מיליטערישער איבערזעצער, א ליבעראלער מיט א טיפע מהלך המחשבה וואס האט געברענגט צו ערנסטע פראגעס און ספיקות איבער קאמוניזם.

ווען ער האט אפן געזאגט זיין מיינונג פאר אולעג אונטער א שמועס, איז דער לעצטער ממש צעשטורעמט און דערציטערט געווארן, אז ער וואגט זיך דאס צו ארויסזאגן פון מויל. אבער דאס האט זיי נאך מער דערנענטערט, און די צוויי האבן זייער אסאך פארברענגט אינאיינעם.

***

נאך א מענטש וואס האט געהאט א געוואלדיגע איינפלוס אין אולעג'ס לעבן, איז געווען זיין געשעצטער ברודער וואסילי. וואסילי זעלבסט האט געהאלטן טיף אינמיטן די טרענירונגען צו זיין אן "אומלעגאלער", דאס הייסט א סאלדאט אין דעם ריזן ארמיי פון די געהיימע אגענטן איבער די וועלט, אין פיינטליכע טעריטאריע אדער אין אנדערע לענדער וואס זענען נישט געווען אונטער די סאוויעטן פארבאנד.

די קעי דזשי בי. האט פארמאגט צוויי סארט שפיאנען אינדערויסן פון אירע סאוויעטן גרעניצן. איין סארט זענען געווען אזעלכע וואס האבן געארבעט אונטער אן אפיציעלן נאמען, למשל אלס דיפלאמאטן פאר די סאוויעטישע פארבאנד, פארשטייער פון קאמוניסטישן פארטיי, קאנסלערישע הויכראנגיקע באאמטע, מיליטערישע באאמטע, קולטור עקספערטן, זשורנאליסטן צי צייטונגס-לייט, אדער ביזנעסלייט.

אט די אלע האבן געהאט דיפלאמאטישע באשיצונג און דערפאר איז נישט געווען קיין לעגאלע אדער געריכטליכע מאכט זיי אפצושטעלן פון די שפיאנאזש דינסט, און דערפאר האט מען זיי גערופן די "לעגאלע אגענטן". נאר ווען עס איז געווען הארטע באווייז אז זיי האבן שפיאנירט, האט מען זיי אויך גארנישט געקענט טוען מער ווי ארויסגעבן א סטעיטמענט אז "זייער פערזענליכקייט איז נישט באוויליגט און אומפאסיג", און מ'האט זיי געקענט צוריק פארטרייבן קיין רוסלאנד.

די צווייטע סארט זענען געווען די "נע-לעגאלס" ווי די רוסן האבן עס גערופן, די "אומלעגאלע". זיי האבן נישט פארמאגט קיין שום לעגאלע אפיציעלע פאזיציע, און האבן על פי רוב געטראגן פאלשע דאקומענטן אונטער פאלשע נעמען, און זיך אריינגעמישט אין די באפעלקערונג, פון וואו זיי האבן דורכגעפירט שפיאנאזש ארבעט. אין די מערב ווערן די סארט אגענטן אנגערופן "אגענטן אן קיין אפיציעלע דעקונג"...

די קעי דזשי בי. האט איינגעפלאנצט הונדערטער פון די סארט אומלעגאלע אגענטן איבער די גאנצע וועלט, וואס האבן זיך אהערגעשטעלט ווי פשוט'ע אומשולדיגע בירגער, זיי האבן זיך אויסגעמישט מיט דעם אלגעמיינעם באפעלקערונג, און זענען געווען באהאלטן אפצוטוען פארשידענע שפיאנאזש ארבעט ווען עס פעלט זיך אויס. ווי יעדע שפיאן האבן זיי אויך געזאמלט אינפארמאציע און איינגעשפאנט אנדערע געהיימע אגענטן צו טוען פארשידענע שפיאנאזש ארבעט פארן סאוויעטן פארבאנד.

עס זענען געווען אויך "איינגעשלאפענע אגענטן" וואס האבן סתם אזוי געפירט א לעבן אין א פרעמד לאנד אן קיין שום שפיאנאזש אקטיוויטעטן, און ווען עס האט זיך אויסגעפעלט האבן זיי זיך אנגערוקט פון וואו זיי זענען און ארויסגעהאלפן אין לאקאלע אקציעס וואו מ'האט געדארפט מער מענטשן קראפט. זיי זענען אייביג געשטאנען אויף הויכע אלערט אין פאל עס ברעכט אויס אן אפיציעלע הייסע קריג פון דעם קאלטן קריג, זאלן זיי פון אינעווייניג אין די מערב לענדער קענען אנזייען כאאס, פאניק, פארשפרייטן פאלשע קלאנגען, און פארשטייט זיך דינען אלס קראנטע אינפארמאנטן פון די מצב אין לאנד.

די אלע 'אומלעגאלע' האבן געדינט אונטער די ראדארן און דערפאר האט מען זיי נישט געקענט אפיציעל פינאנצירן מיט געלטער און אפאראטן פון די סאוויעטישע פארבאנד ווייל דאס האט זיי געקענט אויפדעקן, די זעלבע האט מען זיי נישט געקענט פארבינדן מיט די אפיציעלע מיליטערישע אדער דיפלאמאטישע קאנאלן ווייל דאס וואלט ארויסגעגעבן זייער אידינטיטעט. פון די אנדערע זייט האבן די 'אפיציעלע' געדארפט זיין צען מאל מער פארזיכטיג וויסנדיג אז מען קוקט זיי נאך, און זיי האבן געמוזט באהאלטן און פארשטעקן יעדע סארט סימן אדער רמז וואס די קאנטער-שפיאנאזש אגענטן אין לאנד קענען זיך ארויף ארויפכאפן.

אין יעדע אמבעסאדע פון די סאוויעטישע פארבאנד איז געווען א ספעציעלע "רעזידענטורא", א ביורא פון די קעי דזשי בי. וואו עס האבן געארבעט אפאר קעי דזשי בי. אפיצירן וואס יעדער פון זיי איז געווען פארשלייערט אין א געוויסע 'אפיציעלע' פאזיציע, אבער עכט איז זייער ארבעט געווען אונטער דעם הויפט "רעזידענט" פון דעם אמבעסאדע, און מ'האט אים געמוזט פאלגן אלע זיינע באפעלן און ארדערס.

די קאנטער-שפיאנאזש אגענטן פון די מערב האבן געהאט איינע פון די מיסיעס, צו געוואר ווערן ווער איז אן עכטער דיפלאמאט, און ווער איז בעצם א שפיאן. אבער צו אנטדעקן די 'אומלעגאלע' איז געווען פיל פיל שווערער.

***

אין אט דעם דינסט פון 'אומלעגאלע' האט זיך וואסילי דער ברודער פון אולעג טרענירט צו ווערן אקטיוו. אין 1960 איז ער טאקע געווארן אן אפיציעלער ארבעטער דארט, וואו ער האט פארציילט פאר זיינע אפיצירן אז ער האט א ברודער וואס קען אסאך פרעמדע שפראכן, און עס וואלט געווען א גוטע זאך אויב ער ווערט אויך אריינגענומען אין דעם סארט 'אומלעגאלע' דינסט.

אנהייב פון יארע 1961 איז אולעג גערופן געווארן צו א געשפרעך, און דערנאך האט מען אים געהייסן גיין צו א געביידע נאנט צו די קעי דזש. בי. הויפטקווארטיר אינעם דזשערדזשינסקי סקווער. איינע פון די מענטשן דארט האט אים דארט אינטערוויואט אויף דויטש, און דערנאך געגעבן א קאמפלימענט אז ער קען זייער גוט די שפראך, מיט אלע אירע סלענגס, און ער איז פאסיג דערצו. פון די מינוט און ווייטער איז ער געווארן א טייל פון די געהיים דינסט. ער האט נישט געבעטן אריינצוקומען דארט - ס'איז בכלל נישט געווען אן ארט וואו מ'קען זיך איינגעבן אז מ'וויל ארבעטן פאר זיי, ער איז אויפגענומען געווארן דורך די קעי דזשי בי. דורך די איין וועג וואס איז געווען אריין צום אגענטור: מ'האט אים אויסגעקליבן דערפאר.

די טעג פון אולעג גארדייעווסקי אינעם אוניווערזיטעט האבן שוין געהאלטן ביי אירע לעצטע ווען ער איז געשיקט געווארן קיין מזרח בערלין פאר זעקס חדשים, וואו ער איז געשיקט געווארן צו אן ארבעט וואס האט געזאלט אים צוגעבן ערפארונג אלס אן איבערטייטשער אינעם רוסישן אמבעסאדע...

--

פארזעצונג קומט אי"ה.
א טייל פון די פרוכט וואס מען ניצט צו מאכן זאפט זענען עפל, מאראנץ, טאמאטע, אנאנאס, גרייפפרוכט, גוואווע, מאנגא, קאווענע, זשורעכלינע, וויינטרויבן, לימענע און גרינע לימענע.

אביסל טיפער
שר האלף
תגובות: 1139
זיך איינגעשריבען אום: מוצ"ש ינואר 11, 2020 8:09 pm
לאקאציע: לאנדאן 1933

Re: דער שפיאן וואס האט פארראטן די "קעי דזשי בי".

תגובהדורך אביסל טיפער » מאנטאג מארטש 23, 2020 2:43 pm

א גרויסע יישר כח!
ווילט איהר פארדינען קעשבעק ווען איהר קויפט אנליין דריקט דא

"און פארגעסט נישט אז תורה איז די בעסטע סחורה"

פארשעי חסיד
שר מאה
תגובות: 183
זיך איינגעשריבען אום: דינסטאג ינואר 14, 2020 8:14 pm

Re: דער שפיאן וואס האט פארראטן די "קעי דזשי בי".

תגובהדורך פארשעי חסיד » מאנטאג מארטש 23, 2020 2:45 pm

יישר כח פארן אונז ארויסנעמען פון גלות אביסל!!

אוועטאר
j718
שר חמישים ומאתים
תגובות: 381
זיך איינגעשריבען אום: מאנטאג אפריל 18, 2016 3:14 pm
לאקאציע: אין בוידעם

Re: דער שפיאן וואס האט פארראטן די "קעי דזשי בי".

תגובהדורך j718 » מאנטאג מארטש 23, 2020 2:59 pm

א ריזיגן יישר כח נאר דער אייבערשטער קען דיר באצאלן
עס וואלט געדארפט זיין א דאנק קנעפל
צו קענען מיט א דרוק מיט א קנעפל צושטימען און מחזק זיין וואס א צווייטער האט געשריבן.
האלט איר דען נישט אזוי?
זיכער יא!
דאן רופט זיך אן דא: אנקעטע:
א דאנק קנעפל אנקעטע

ab frid
שר חמישים
תגובות: 66
זיך איינגעשריבען אום: זונטאג יולי 14, 2019 3:16 pm

Re: דער שפיאן וואס האט פארראטן די "קעי דזשי בי".

תגובהדורך ab frid » מאנטאג מארטש 23, 2020 5:36 pm

געוואלדיג! אור בתוך החושך

אוועטאר
פאטאקי08
שר עשרת אלפים
תגובות: 11477
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

Re: דער שפיאן וואס האט פארראטן די "קעי דזשי בי".

תגובהדורך פאטאקי08 » מאנטאג מארטש 23, 2020 6:57 pm

א דאנק אייך ;l;p- ;l;p-

balkishron
שר חמישים ומאתים
תגובות: 265
זיך איינגעשריבען אום: דינסטאג ינואר 04, 2011 2:05 pm
לאקאציע: ביים גמרא

Re: דער שפיאן וואס האט פארראטן די "קעי דזשי בי".

תגובהדורך balkishron » מאנטאג מארטש 23, 2020 6:59 pm

Is this a true story?
איך בין טאקע א בעל כשרון, אבער מיינט נאך נישט אז איך פארשטיי אלעס...

אוועטאר
חוח בין השושנים
שר האלפיים
תגובות: 2153
זיך איינגעשריבען אום: זונטאג מאי 19, 2019 12:30 pm

Re: דער שפיאן וואס האט פארראטן די "קעי דזשי בי".

תגובהדורך חוח בין השושנים » מאנטאג מארטש 23, 2020 8:24 pm

balkishron האט געשריבן:Is this a true story?

ער זאגט אז יא
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער -להבדיל- א גוט ווארט צו זאגן טו עס ביטע דא.

טוב לי
שר העשר
תגובות: 14
זיך איינגעשריבען אום: דינסטאג ינואר 22, 2019 12:51 am

Re: Re:

תגובהדורך טוב לי » מאנטאג מארטש 23, 2020 9:43 pm

:
Gevald Geshrigen האט געשריבן:
טוב ה' לכל האט געשריבן:אמת'ע מעשה אדער א נאוועל? נאכנישט געליינט.


א אמתע מעשה שלא היה

;l;p-

שאהן הענניטי
שר האלפיים
תגובות: 2721
זיך איינגעשריבען אום: פרייטאג יוני 15, 2012 12:07 pm

Re: דער שפיאן וואס האט פארראטן די "קעי דזשי בי".

תגובהדורך שאהן הענניטי » דינסטאג מארטש 24, 2020 7:17 am

Thanks so much, love it

ab frid
שר חמישים
תגובות: 66
זיך איינגעשריבען אום: זונטאג יולי 14, 2019 3:16 pm

Re: דער שפיאן וואס האט פארראטן די "קעי דזשי בי".

תגובהדורך ab frid » דינסטאג מארטש 24, 2020 5:33 pm

שמעלקא דערעוילעם ווארט אויף פארזעצונג?!


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט