אלה זכרונות חוח...

געשמאקע ארטיקלן און בילדער וכדו'

די אחראים: אחראי, געלעגער

אוועטאר
אזוי גאר!
שר חמישים ומאתים
תגובות: 482
זיך איינגעשריבען אום: מוצ"ש מארטש 25, 2017 7:13 pm
לאקאציע: עולם השפל

Re: אלה זכרונות חוח...

תגובהדורך אזוי גאר! » דאנארשטאג מארטש 26, 2020 7:57 pm

די ערשטע 2 בלעטער פון חוח'ס זכרונות בחנם
ליינטס און האטס הנאה

חוח'ס זכרונות חלק א'
לעצט פאראכטן דורך אזוי גאר! אום זונטאג מארטש 29, 2020 12:13 pm, מאל פאראכטן געווארן 1 סך הכל.
שלח, שלח, רפואה שלימה, רפואה שלימה, לחולי עמך.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

שיער מחיה מתים געווען

תגובהדורך חוח בין השושנים » פרייטאג מארטש 27, 2020 11:52 am

בערך אין תש"נ זעמיר געפארן קיין מאנסי צו א הכנסת ספר תורה. זייענדיג דארט מיט א דרייווער, האבן אונז געוואלט טרעפן דעם בית החיים וואו דער סקולענער רבי זצ"ל ליגט.

כ'געדענק אזוי פיל אז מ'איז געווען אויבן פון א בארג, ווארשיינליך קארנער פיליס אדער ריטא, און רוט 306. אונזער דרייווער האט אפגעשטעלט א עלטערע פרוי און איר געפרעגט דיירעקשאנס. האט זי געענטפערט: מאך דא א רעכטס און פאר אראפ אראפ אראפ אראפ אראפ אראפ אראפ...

פון דעמאלטס איז געווארן א נייער ווארט אין משפחת חוחים'ס לעקסיקאן. אנשטאט 'גראד' זאגט מען: אראפ אראפ אראפ אראפ אראפ אראפ אראפ...

דארט אויפן פעלד זענען געווען אנגעלייגט פיל שטיינדלעך, און מיין יונגערער ברודער האט געשאסן שטיינער בשעת מיינע עלטערן האבן געדאווענט ביים ציון. נישט קענענדיג אים אפשטעלן, האט מיין מאמע אים געסטראשעט: 'אויב וועסטו נישט אויפהערן, וועלן די טויטע ארויסקומען'...


ביטע שרייבן הערות בלויז אינעם אשכול וואס איז אנגעצייכנט אין מיין חתימה. א דאנק.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

וישתחו לעם הארץ

תגובהדורך חוח בין השושנים » פרייטאג מארטש 27, 2020 11:57 am

אין ישיבה, אינמיטן א טענה'ריי, האט א בחור געוואלט ווייזן אז על פי הלכה איז מותר זיך צו בוקן צו א בשר ודם. נו, וויאזוי ווייזט מען עס אויף? מיט א מעשה רב! דער בחור האט זיך תיכף אויסגעשטרעקט בפישוט ידים ורגלים פאר מיר, און דערמיט 'אויפגעוויזן' אז ס'איז מותר לכתחילה.

עס האט מיר געדויערט א שטיקל צייט געוואויר צו ווערן, אז ס'איז אסור מן התורה זיך צו בוקן בפישוט ידים ורגלים אויף א שטיינערנע פלאר אפילו לשם ה', אויסער אין די עזרה.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

ברוך משנה הבריות

תגובהדורך חוח בין השושנים » פרייטאג מארטש 27, 2020 12:18 pm

האסטו אמאל געהערט ווי איינער מאכט די ברכה 'משנה הבריות' מיט שם ומלכות? איך יא.

צוויי אנטווערפענער בחורים ביי אונז אין ישיבה, אין ירושלים, פלעגן זיך כסדר ארומ'טענה'ן ווער פון זיי ס'איז מער מאדנע אדער משוגע. בעצם איז עס געווען א אינטערעסאנטע חקירה, היות איך אליין האב ביז היינט נישט א קלארע ענטפער דערויף...

איינמאל איז איינער פון זיי געווארן אזוי בייז אויפן צווייטן, פאר זיין חוצפה פון 'נישט וועלן אנערקענען זיין מאדנעקייט', אזש ער האט זיך אויפגעשטעלט און געמאכט אויף אים א ברכה בשם ומלכות: ברוך אתה ה' אלקינו מלך העולם משנה הבריות! ער האט נישט געזאגט ה' אלקינו (ווי די קליינע קינדער ווען זיי זענען עולה שמחת תורה...) נאר ארויסגעזאגט דעם שם ה' ווי ביי א שהכל.

דער 'מברך' האט זיך מיט-די-צייט שטארק אויסגעמענטשלט און איז היינט צוטאגס א מנהל אין א חדר.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

ה' למבול ישב?

תגובהדורך חוח בין השושנים » פרייטאג מארטש 27, 2020 6:18 pm

אין תשנ"ה האט זיך ביי אונז אין ישיבה פארשפרייט דער 'ילקוט ראובני' וואס זאגט אז אין ה' אלפים תש"ס גייט קומען א מבול וכו'. יעדער איז געווען אויף דערמיט.

מיין טאטע זז"ג איז דעמאלטס פונקט געפארן קיין ארץ ישראל און באזוכט ביי הצדיק ר' יעקב מאיר שעכטער שליט"א און נאך מקובלים, ער האט זיי בשליחותי (נגד רצונו...) געפרעגט וועגן דעם ילקוט ראובני. אלע האבן געענטפערט אז עס האט גארנישט מיט אונז. ס'מיינט נישט א מבול אויפן עולם הזה.

ווען כ'האב געברענגט די נייעס אין ישיבה, האב איך דריי טעג געהאט בחורים וואס זענען מיר געקומען אויספארשן פונקטליך וואס יעדער מקובל האט געזאגט. זעט אויס אז כ'האב דערמיט צעפלאצט זייער באבל, זיי וואלטן בעסער געוואלט הערן אז מ'דארף פינף יאר בויען א תיבה...
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

נישט געקומען אויפן וועלט צו לעקן האניג...

תגובהדורך חוח בין השושנים » דינסטאג מארטש 31, 2020 10:19 am

אין די לעצטע מינוט איז מען צוריקגעלאפן צו כאפן דעם מאווי-פראדזשעקטאר, כדי צו קענען פאראייביגן דעם גרויסן מאמענט, ווי דער דריי יעריג יונגל גייט זאגן שיין די א'ב' און לעקן די האניג.

מ'שערט אים אפ און ס'אנטפלעקן זיך די שיינע פיאה'לעך, מ'פארוויקלט אים אינעם טלית און מ'גייט אין חדר אריין. מ'צינדט אן דעם מאווי מאשין, און דאס ריכטיגע הייבט זיך אן... דאס יונגעלע ווארפט זיך אראפ אויפן ערד, שרייעט און וויינט, שטויסט און זעצט, בקול רעש גדול.

ס'העלפן נישט קיין תחנונים, קיין צוגעזאגעכצער, קיין לאליס אדער מתנות. דער דריי יעריגס וואויעט און פארפירט, און האלט נישט ביים נאכגעבן.

תכלית הדברים, מיין ברודערל זז"ג האט קיין א'ב' נישט געזאגט, דער מלמד האט עס געזאגט אנשטאט אים. קוים האט ער זיך געלאזט איינבעטן צו לעקן די האניג. דער עיקר איז אז מ'האט אים 'אין חדר געפירט'... פאר די זיידעס האט מען פארציילט אז ער איז געווען צוקער-זיס ביים זאגן די א'ב', כדי שלא לבייש...
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

אויפגעדעקט די באהאלטענע אפיקומן

תגובהדורך חוח בין השושנים » דינסטאג מארטש 31, 2020 10:40 am

אנגעהויבן ישיבה קטנה אין א מזל'דיגע שעה. א ישיבה וואס איז געווען א קיבוץ גליות פון אלע חדרים. ממילא האבן רוב בחורים נישט געקענט איינער דעם צווייטן פון פריער.

איין בחור איז דארט געווען, וועמען כ'האב יא געקענט. ער האט געהאט א לאנגע ליסטע פון 'פריוואטע' נעמען, אבער האט זייער נישט געגליכן דעם פאקט. א שטייגער ווי דאס.

ער איז מיר געקומען בעטן, אז כ'זאל קיינעם נישט דערציילן אז ער האט מער פון איין נאמען. אפי' אויף זיין תפילין בייטל האט ער נאר ארויפגעלייגט איין נאמען. פרעג איך אים: וואס גייסטו טון ווען מ'רופט דיך אויף? זאגט ער: כ'גיי נאר זאגן איין נאמען.

פאר א סיבה האט זיך עס מיר נישט גוט געלייגט אויף מיין יונגען מוח. כ'האב געהאלטן אז ס'איז עפעס א איסור, כאטש כ'האב עס נישט געקענט גענוי אנטאפן. בינעך צוגעגאנגען צום 'גבאי', א ריזיגער שיעור ג' בחור, און אים דערציילט בסוד סודות אז יענער בחור האט א באנטש נעמען, כאטש ער לייקנט עס.

דעם קומענדיגן יום הקריאה, האט יענער צדיק, בזכותי, באקומען אן עלייה, מיטן גאנצן שם המפורש. אויב וואלט מען געקענט מאכן א מי שפרע נאכן עולה זיין, וואלט ער מיר זיכער אינזין געהאט מיט א גרויסע... כ'מיין ער איז נאך ברוגז אויף מיר ביז היינט. והוא רחום יכפר.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

די גאנצע תורה בעל פה!

תגובהדורך חוח בין השושנים » דינסטאג מארטש 31, 2020 2:21 pm

ווען כ'בין געווען אין כיתה ג', האט מיין מלמד אריינגעברענגט א חסיד'ישן איד (כ'ווייס נישט ווער ס'איז געווען) און אים פארגעשטעלט פאר אונז אלס קאמפאוזער פון ניגונים.

יענער איד, וועלכער האט -זעט אויס- נישט געהאט א הסברה וואס א מלמד דארף האבן, האט געפרעגט: "ווער פון די קלאס קען אלע פרשיות אויסנווייניג?"

כ'געדענק ווי כ'האב דעמאלטס געטראכט: "איך קען אפילו נישט גאנץ פרשת בראשית אויסנווייניג (ביז קאפיטל ד' האב איך יא געקענט!), וויאזוי קען זיין אז א כיתה ג' יונגל זאל קענען אלע פרשיות אויסנווייניג?" דאך האב איך געזען ווי פיר-פינף יונגלעך הייבן אויף די האנט! כ'האב געשוימט אין הארצן: "ליגנערס! וועמען ווילט עטץ איינרעדן?"

און דער איד האט אנגעהויבן אויסלערנען א ניגון אויף די פרשיות: בראשית, נח, לך לך, וירא וכו'. ערשט יעצט האבעך געכאפט אז ער מיינט בלויז די נעמען פון די פרשיות...

ווען יענער איז ארויס, האט א האלבע כיתה גע'טענה'ט צום מלמד אז דער מנגן האט נישט גוט מסביר געווען זיין שאלה, און נאך אסאך קינדער האבן געקענט די נעמען פון די פרשיות.

דעם ניגון געדענק איך נאך עד היום, אבער כ'ווייס נישט וועמענ'ס דאס איז. ווען מ'וועט אי"ה האבן אביסל צייט, וועט מען מאכן נאטן דערפון און עס דא פובליצירן.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

טשייעלד לעיבאר...

תגובהדורך חוח בין השושנים » דינסטאג מארטש 31, 2020 10:09 pm

קינדער זעמיר געווען, ווען די מאמע האט פון צייט צו צייט אהיימגעברענגט א פרישע שיפמענט פון ווייסע העמדער. אסאך צענליגע העמדער אויפאמאל.

אונז האבן עס געדארפט ארויסנעמען פון די פלאסטיקס, און ארויסציען די נאדלעך און קארדבאורדס (פון הינטערן קאלנער). פארנט פונעם קאלנער, אויפן אויבערשטן קנעפל איז געווען א פלאסטישע שלייף, אזעלכע ווי די לולאות פון די חומש, און מ'האט עס געדארפט פארזיכטיג ארויסנעמען. ביי די נאדלעך האבן מיר קינדער געדארפט זייער אכטונג געבן, ווייל אויב ס'מאכט א 'טשעפע' אינעם העמד (א פאדים צוציעט זיך), קען מען עס מער נישט פארקויפן.

דאס אלעס איז געליפערט געווארן מעבר לים. כדי ס'זאל זיך נישט דערקענען ביי די עינא בישא אז ס'איז סחורה וואס שטייט צום פארקויפן, האט מען אלעס צעעפנט, ס'זאל אויסזען ווי א בחור האט זיך מיטגעברענגט איין העמד פאר יעדן טאג פונעם זמן...

נאכן ענדיגן אלעס צוגרייטן, האט מען אלעס פארפאקט מסודר'דיג אין רענצלעך. מיין דזשאב איז געווען אויסצוטרעפן ווי מער סגולות, זיי אויפשרייבן אויף צעטלעך, און זיי אריינשטעקן אין די טאשן פון די גרויסע רענצלעך. כ'פלעג קביעות'דיג שרייבן: ואת האנשים אשר פתח הבית הכו בסנורים וגו', אמתלאי בת כרנבו, לוי יצחק בן שרה סאשא.

פון ארום 120 רענצלעך, זענען נאר די לעצטע 3 געכאפט געווארן, און מ'האט געצאלט קנס דערויף. זעט אויס אז די קמיע מומחה האט מער נישט געארבעט ביי אונז. א שאד אז ר' ישעי' ב"ר משה'ס סגולה איז נאכנישט 'געבוירן' געווארן דעמאלטס...
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.

חוח בין השושנים
שר האלף
תגובות: 1575
זיך איינגעשריבען אום: זונטאג מאי 19, 2019 12:30 pm

משיח איז אויפן וועג

תגובהדורך חוח בין השושנים » דינסטאג מארטש 31, 2020 11:15 pm

כ'בין אמאל אריינגעקומען ביי הפסקה אין מלמדים שטוב [=מנהל'ס אפיס], נאך פסח תשנ"ד. האב איך געהערט ווי איין מלמד פרעגט זיינע קאלעגעס: און אויב ער דרייעט זיך יא ארויס פון זיין קרענק, וועט עטץ גלייבן אז ער איז משיח? אויף דעם איז דער ענטפער געקומען (כאטש פון טייל מלמדים): יא.
אויב האסטו אויף מיר פאראיבל, טענות, מענות, א ויצעקו צו מאכן, א שטאך צו געבן, א קשיא צו פרעגן, אדער א גוט ווארט צו זאגן טו עס ביטע דא.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 9 געסט