בלאט 1 פון 1

ר' זעליג מרדכי'ס הינדערטער...

געשריבן: פרייטאג נובעמבער 08, 2019 10:14 am
דורך כאניש וואס צו טון
ווער אין שטעטל קען נישט ר' זעליג מרדכי?
יעדער האט שווין עטליעסט געהערט דעם נאמען!

ר' זעליג מרדכי איז די פארנימעסטע פערזאהן אין שטעטל!
חוץ פון זיינע פארצווייגטע געשעפטן איז ר' זעליג מרדכי א פול טיים עסקן.

ר' זעליג מרדכי'ן זעהט מען זיך שטענדיג ארומדרייען פארנומען, זעלטן וואס מ'קען איהם כאפן אויף א רוהיגע מינוט,
אזא 10 - 12 שעה פינעם טאג איז ר' זעליג מרדכי אויפן טעלעפאון.. מיט זיינע קאלעגעס, שותפים, און ביזנעס לייט, מיט רבנים, עסקנים, שדכנים, מנהלים, פאנדרעיזערס, נגידים, אין סתם ציבראכענע יודן וואס קומען צו צו ר' זעליג מרדכי'ס ברייטע עסקנות..

איין אייגענארטיגקייט האט דער ר' זעליג מרדכי,
ר' זעליג מרדכי וואטשט זייער אויף זיין כבוד...
ער ווועט זיך אפי' לאזן קאסטן אפאר רייניש פאר דעם צוועק!

ר' זעליג מרדכי טראגט אזעלכע גרויסע רונדעכיגע ברילן, זיינע נאנטע ווייסן צו זאגן אז די ברילן האבן נישט קיין נאמבער, זיין ווייב האלט אז עס גיבט אסאך צו צו זיין פנים...

איין טאג, ר' זעליג מרדכי מעלדט איין אין שטוב, "קומענדיגע מאנטאג דארף מען פליען קיין אמעריקע", נו... נישט אזא זעלטענע ערשיינונג, מיט ר' זעליג מרדכי'ס פארצווייגטע געשעפטן איז ער שוין געוואונט צו פליען,

איין אינטערעסאנטע מנהג (משוגעת..) האט ר' זעליג מרדכי געהאט, ר' זעליג מרדכי האט קיינמאל נישט געוואלט באָאקן א האטעל צומער, וויפול זיינע נאנטע האבן איהם פראבירט צו מסבר זיין אז ער קען זיך נאך טרעפן אן א פלאץ וואו צו איבערנעכטיגן, האט עס נישט געהאלפן.. "איך בין נישט געבונדן צו קיין שום האטעל" פלעגט ער ברומען, "ווען איך וועל לאנדן, וועל איך דאן באשליסן וואו ס'שמעקט מיר צו איבערנעכטיגן.."

מאנטאג אינדערפרי, ר' זעליג מרדכי האלט שוין נאך פרישטאג, זיין שאפער זיצט שוין פארנט פון זיין הויז, די רענצלעך זענען שוין גרייט, און 'ויסעו'.
12:30, ר' זעליג מרדכי שפאצירט אריין אין ערפארט מיט זיין טאשקע אויפן פלייצע, פארשטייט זיך זיינע 2 אינטערנעשענעל סעלפאונס זענען שוין גרייט, מ'קען דאך נישט לאזן די גאנצע וועלט אויף הפקר..
1:00, ר' זעליג מרדכי זיצט שוין אויסגעצויגן אויף זיין באקוועמע פוירסט קלעסס סיט, און מ'הייבט זיך.

בקוצר, טא מעיק עי לאנג סטארי לאנגער..
נאכן לאנדן ר' זעליג מרדכי מעלדט איין פארן שאפער א נאמען פון א באוואוסטע האטעל, אין צענטער פון בארא פארק,
ר' זעליג מרדכי שפאצירט אריין אינעם האטעל זאגט פארן פראנט דעסק,
"ווייז מיר - זיי מוחל - דעם 'שענסטן צומער' פונעם האטעל"
"איר ווילט דאס ארויסדינגען?"
"יא, אוודאי... אבער נישט פאר איך קען דאס זעהן!"
"המממ... דעמאלטס דארפט איר איינלייגן א 100 טאלער, איינער פון די ארבייטער וואט גיין אייך ווייזן דעם צימער, און אז איר וועט דאס נישט וועלן, באקומט איר צוריק דעם הינדערטער",

פאר ר' זעליג מדרכי איז דאס געשעפט בכלל נישט געפאלן... ס'האט איהם אינגאנצן נישט געפאסט.. אבער ארויס צו וואקן פון דעם האטעל סתם אזוי האט איהם אויך נישט געפאסט,
האט ער באשלאסן איינצוגיין אויפן געשעפט, אבער ער האט שוין פון פאראויס אפגעמאכט 'איך נעם נישט דעם צימער...'

ר' זעליג מרדכי בליקט אזוי ארויס פון אינטער זיינע רונדעכיגע ברילן, און געט אזא וויש ארויס א געביגלטע הינדערטער פון זיין לינקע קעשענע, און הייבט און נאכצוגיין דעם אייעגעשטעלטן,

פליצלינג גיבט זיך ר' זעליג מרדכי'ס סעלפאון א צוקלינג..
"אוי וויי, כ'מיז נעמען דעם קאל, לאמיך זיך אוועק זעצן אינעם לאבי, און ווען כ'וועל זיין פערטיג וועל איך שוין זעהן דעם צימער.."
למעשה איין פאון קאל ברענגט דאס צווייטע.. אזוי איז ר' זעליג מרדכי געזעסן אויפן פאון פאר 2 מיט א האלב שעה...!

ביז דערווייל ביי די פראנט דעסק..
קומט אן א מעלדונג אז דער וועדשטעבל דיסטריבויטער איז דא מיט א דעלווערי און מ'דארף איהם באצאלן א הינדערטער.
נו דער טראכט נישט קיין 2, נעמט דעם אויסגעביגעלטן הינדערטער וואס ליגט אזוי אויפן טיש, דערלאנגט עס אהין פאר'ן דעסטריביוטער.

דער דעסטריביוטער שפאצירט ארויס פון האטעל, און פונקט באגעגענט ער זיין שכן,
"אָה, כ'בין דיר דאך שילדיג א הינדערטער פאר די עקסטערמינעטאר ווען דו האסט אויסגעלייגט די געלט, פינקט האב איך אויף מיר" און באצאלט עס איהם.

דער שכן איז אויפן וועג אהיים אריין אין זיין לאקאלע גראסערי, ער וועל אויפשרייבן א קאפי, זאגט איהם דער קאשער ר' שמעון זעליג, "דיין באלאנס איז שוין איבער $100 מ'קען מער נישט אויפשרייבן"
דער טראכט 'WOW' ממש השגחה פרטית! און דער גלאטער הינדערטער טוישט פאזיציע, פון זיין טאש צום טעצל אינערן רעדשעסטער.

דער מענעדשער פון גראסערי - וואס האט מיטגעהאלטן דעם ספעקטאל - רופט זיך אן צום קאשער, "שמעון זעליג, מ'איז דיר נאך שילדיג געבליבן א הינדערטער פון פאריגע וואך פיעראלל, נעם דאס.."
20 מינוט שפעטער, דער קאשער באמערקט זיין לענדלארד ר' יוסף שלום אריין וואקן אין גראסערי,
'העי, איך בין דאך איהם נאך שילדיג א הינדערטער פון פאריגע חודש' און די (געוועזענע) גלאטע הינדערטער ווערט פארוואגלט אין דעם לענדלארדס אנגעווארפענעם טאש.

דער לענדלארד, ארויסוואקנדיג פון גראסערי, באגעגענט ער ר' משה זלמן'ען, ר' משה זלמן איז דער גבאי פון די לאקאלע ביהמ"ד,
"ר' יוסף שלום וואס מאכט איר?,"
"ב"ה"
"נו.. וואס טוט זיך מיט דעם הינדערטער וואס מ'האט גע'שנדר'ט 2 וואכן צוריק?"
"אה.. פינקט האב איך אויף מיר יעצט א הינדערטער..."..

דער ר' משה זלמן כאפט זיך גלייך אז ער דארף גיין באצאלן פאר'ן האטעל ווי דער חזן - וועם מ'האט גערופן אויף שבת מברכים - שטייט איין,
פארט צו צום האטעל, לייגט אראפ דעם שוין ציקנייטשטן הינדערטער פארן פראנט דעסק, גלייכט אויס די חשבונות, און שפאצירט זיך ארויס,

5 מינוט שפעטער, אונזער באקאנטער ר' זעליג מרדכי פארענדיגט דעם לעצטן פאון קאל, ער באשליסט 'מ'מיז שוין גיין זוכן א 2'טן האטעל,
ער וואקט צו צום פראנט דעסק און זאגט, "קוק אהער, למעשה דארף איך נישט דעם צימער, געב מיר צוריק דעם הינדערטער, און לאמיך גיין"....

ר' זעליג מרדכי האט גראדע באמערקט אז דער הינדערטער איז היפש ציקנייטשט געווארן אין די צווי - דריי שעה, אבער האט נישט געוואוסט וויפול חובות זענען אפגעצאלט געווארן מיט דעם איינעם הינדערטער זיינעם...

אויף דעם האט דוד המלך ע"ה געזונגען:

יצא אדם לפעלו ולעבדתו עדי ערב
מה רבו מעשיך ה' כלם בחכמה עשית !!!

געשריבן: פרייטאג נובעמבער 08, 2019 10:37 am
דורך חוח בין השושנים
זייער געשמאק אראפגעלייגט!
זעט אויס אז אויך ווען מען "האניש וואס צו טון"
קען מען אסאך אויפטון...

געשריבן: פרייטאג נובעמבער 08, 2019 10:46 am
דורך שלמה מולכו
זייער זאפטיגע געשמאקע שפראך,
טענק יו.

געשריבן: פרייטאג נובעמבער 08, 2019 11:23 am
דורך טעם וריח
;l;p- ;l;p-

געשריבן: פרייטאג נובעמבער 08, 2019 11:57 am
דורך שמארטיקל
;l;p- שטארק שטארק...
יישר כח!

געשריבן: פרייטאג נובעמבער 08, 2019 12:22 pm
דורך הויעך
זייער שיין
אז די האסט טאקע נישט וואס צו טוהן שרייב נאך

געשריבן: פרייטאג נובעמבער 08, 2019 12:30 pm
דורך אלט מאנרא
הנאה געהאט
שכח

געשריבן: מוצ"ש נובעמבער 09, 2019 8:46 pm
דורך חושב מחשבות...
:smile:

געשריבן: מוצ"ש נובעמבער 09, 2019 11:16 pm
דורך שאהן הענניטי
אינטערסאנט, און ציענד באשריבן.

דאס איז דאך פשט פון האנדלען אויף קרעדיט.

געשריבן: זונטאג נובעמבער 10, 2019 7:51 am
דורך פאקטען
לאמיר שוין נישט רעדן פונעם הינדערטער... דעם זעליג מרדכי'נען האסטע אזוי גוט ציקנייטשט.. איך מיין אראפ געלייגט.
זע זיך צו באגעגענען מער מיט אים..

גוט געזאגט!

געשריבן: זונטאג נובעמבער 10, 2019 7:58 am
דורך קרייסלער
געהערט אמאל ווי דער מגיד מישרים ר׳ פייבל קליין שליט״א לייגט אראפ די מעשה מיט אנדערע דעטאלען אז א גאנצע שטעטל האט אפגעצאלט זייערע חובות איבערנאכט

געשריבן: זונטאג נובעמבער 10, 2019 8:10 am
דורך צוקער וואסער
שמארטיקל האט געשריבן:;l;p- שטארק שטארק...
יישר כח!

געשריבן: זונטאג נובעמבער 10, 2019 9:59 am
דורך א נייער
גאנץ גלאט געפארן דער הונדערטער.
;l;p- שכוח גוט אראפ געלייגט.

געשריבן: זונטאג נובעמבער 10, 2019 10:58 am
דורך וויכטיג מאכער
די מעשה איז שקר! קודם כל האטער נישט געהייסן זעליג מאטכע, נאר מאטכע זעליג...

און מאטכע זעליג איז נישט געפארן קיין אמעריקא, נאר פון אמעריקא, ער איז געפארן קיין ענגלאנד...

און...

חחח, יעצט כאפעך אז איך בין אריינגעפארן אין דעטאלן פון א קאנצעפט... מיינסט טאקע אז 'כאניש וואס צו טוהן?'

דער אמת איז אז כאשוין געהערט דעם קאנצעפט כמה פעמים, נאר אזויווי דער האט נישט וואס צו טוהן, לייגט ער עס אראפ מיט ענדע זאפט!

יו ראק!

געשריבן: זונטאג נובעמבער 10, 2019 11:14 am
דורך א גולם
;l;p-

געשריבן: זונטאג נובעמבער 10, 2019 12:30 pm
דורך פערדס מיניסטער
:grin: :grin:

געשריבן: זונטאג נובעמבער 10, 2019 3:03 pm
דורך הילולא דצדיקיא
זייער באלערנט

זיך מיר יעצט דעם הונדערטער