די בלעיד"י פינגע"ר.

[ר' יום טוב]

צווישן די אומאויפהערליכע פייפערייען פון די רעגיסטער און די רוישיגע געזעמל פון די נערוועזע יענטעס האב איך שווערליך באוויזן אדורכציפירן מיין פסח וועגעלע אין געוועלב, טראכטנדיג וואס נאך איך האב אפשר נישט אויסגעלאזט פון מיין יערליכע פסח ליסטע שוין צום צווייטן פסח ארדער. און אט שמייכל'ט אראפ גראד צו מיין נאז די אלאמען באקאנטע פסח פראדוקט, המכונה "לעידי פינגער" אדער ווי די פירמעס האבן עס קורא שם געווען "בעיבי פינגער" צו פארמיידן דאס געשעפטסמאן פון דארפן שטיין מיט א מעדשיק מארקער ערב פסח און מעקן דאס ווארט "לעידי", נאכן אפשפרעכן עין הרע פאר אן אפותיקי ביי די ארגאנעזירער פון די מאסיווע עצרת מחאה ליל בדיקת חמץ.

ווי נאר איך האב דערזען די בעיבי פינגער'ס איז דאס גלייך אריינגעפלויגן אין מיין קארעטע בשין ועין. נישט איינס. נאר עטליכע, אלס נקמה פארן פארגעסן אזא וויכטיגע פסח פראדוקט. און דערנאך האמיר דאס איינגעטוישט אויף א גאנצע גרויסע באקסל דערפון. (ס'קומט טאך אויס ביליגער, ניין?)

נאכן צאלן און ארויסגיין פונעם באלאגאן, האב איך געהאט מער צייט צו טראכטן. פארוואס האב איך דאס געקויפט? איך האב נישט געקענט דערגיין די אורזאך דערצו. די גאנצע זאך איז דאך נישט אין מויל צו נעמען. ערוואקסענע - מען מישט זיך נישט. קינדער - זיי האבן דאך נישט ליעב די גאנצע געמויטזעכטס. איר ווייסט וואס פאסירט איינמאל עס קומט אין בארירונג מיטן צינג.? פעך.

אה! ס'קען זיין די סיבה איז אז איך האב דאס געזען ביי מיין טאטן. די מחשבות פירן מיך צוריק א צירקע דרייסיג יאר. ווען מיר האבן אויסגעפאקט די פסח ארדער אלס קינדער און געטראפן דארט א לאנגע פריידיגע געקעסטלטע שאכטל פון די וואונדערליכע "לעידי". זינט דאן איז אריין אין די ביינער אז אינעם פסח ארדער קומט א "לעידי"! פארוואס? ווייל עמיצער ברויך דאך שטעל-פארטרעטן די משרתת וועלכע איז מיסטעריעז פארשווינדן זינט ראש חודש ניסן העעל"ט.....

נאך עפעס פלעגן מיר טרעפן אין מיין טאטנ'ס פסח ארדער. א באטל ווישי וואסער. דאס איז געווען פאר די "שוי". קיינער האט דאס נישט געטרינקען, אבער דאס האט מיין טאטע געזען ביי זיין טאטן ע"ה, עד סוף על הדורות. און טאקע דא איז דאס פלאץ צו פארשרייען די פירצה פון טוישן די ווישי וואסער צו פלאסטיק באטעל. די ארגיאנעלע וואס מען קויפט פסח דור אחר דור איז בלויז די גלאזירטע פלעשל!

שטעלט אייך פאר, אז איך וויל היינט צוטאג ארויסגעבן די לעידי פינגער אלס אן ערשטמאליגן ערפונדענעם פסח פראדוקט. וואלט דאס אפילו געהאט איין איינציגע קונה?....

אט אזוי ארבעט די היימישע מארקעט. ווי א לעידי פינגער.

[איש האשכולות]

[Horizontal]

[געריבענער סוחר]

ר' יום טוב דאכצעך אז מיין באקס איז נאך צוגעמאכט, ווילסט עס אפקויפן פון מיר? 20% אראפ שטייצעך.

[אויפגעפרישט]

vichywater.jpg (40.75 KiB) געזען 2228 מאל

[הענדימען]

בשעת'ן אוועקפאקן האבעכמעך אזוי גענומען 3 שטיק. געמאכט א ברכה. אריינגעביסן און שנעל אראפגעלייגט די איבעריגע

[נו וואדע]

בשעת'ן אוועקפאקן האבעכמעך אזוי גענומען 3 שטיק. געמאכט א ברכה. אריינגעביסן און שנעל אראפגעלייגט די איבעריגע

ווייסעך ניש וויזוי איר שרייבט נאך דא , ווייל מיר ווייסן אז איינער וויל באגיין זעלבסטמארד איז איינע פון די עצות, אריינבייסן אין 3 לעידי/בעבי פינגער בינאזאם און ער העט זיכער שטארבן פון חנק......

א גלעזל וואסער העט ניטאמאל לייזן העלפט פונעם פראבלעם, אזוי האמיר בקבלה

[הענדימען]

נעה. איך האב נאר אריינגעביסן אין איינס

אגב. וואסי פשט פונעם "ב" אינעם קעפל?

[איד'ל מיטן פידל]

נעה. איך האב נאר אריינגעביסן אין איינס

אגב. וואסי פשט פונעם "ב" אינעם קעפל?

פרובירן זאלער אן א ׳ב׳.. דער אשכול באקומט א שלאס ביז משמרת קומט אראפ פאר אונטערזיכונגען..

[טאטע זיי מיר מוחל]

אגב. וואסי פשט פונעם "ב" אינעם קעפל?

[בעריש'ל]

איי איי איי!

דו האסט נישט פרובירט לעידי פינגערס מיט מילך.

נאסטאלגיע אויפן העכסטן שטאפל.

[בעריש'ל]

די ריכטיגע סחורה.

[נכד]

בערישל! וואו האסטו דאס פארשאפט?

א איד האט זיך געבעטן אויב איך קאן אים דאס ארלעידיגן אויף יו״ט. נישט געפינען אין ערגעץ.

[לכאורה]

ווער וואגט זיך אפצושפעטן פון מיינע ל. פינגערס? איך ערנער מיך שוין עטליכע מעת לעת פון זיי... שטייצעך מיט מילך אין א טעלער צודריקט

[בערל קראקאווער]

ר׳ יאנטעל האט פיין בארבעט די קלעביגע געמוזעכט׳ס.

בד״וו ווער קומט אויפפיקן די באקס מיט וואס איך בלייב שטעקן יאר איין, יאר אויס, כ׳מיין איינער זאל עפענען א גמ״ח פאר די פינגערלעך.