אנטיסעמיטיזם, אנטי-ציוניזם און אנטי-חסידיזם

[למדן וצדיק]

לעצטנס האט זיך ווידער אויפגעפרישט די קאנטרעווערסיע איבער אנטי ציוניזם צו דאס איז אנטיסעמיטיזם צו נישט וויבאלד פראנקרייך האט אויך אפגעמאכט אנצונעמען די דעפינישאן פון אנטיסעמעטיזם פון די IHRA (די אינטערנעשענאל האלאקאוסט רעמעמבערענס אלייענס).

זייער אסאך פון אונז, ספעציעל סאטמארע חסידים, זענען פארשטייט זיך גאר שטארק קעגן די געדאנק. נטרונא האט ארויסגעשיקט א מעסעדש ווי זיי דערקלערן קלאר אז נישט מיטשטימען מיט די מעשים פון מדנ״י מיינט נישט בכלל אז מ'איז קעגן אידן.

איז קודם סתם צו אויסקלארן די פאקטן. די דעפינישן זאגט בכלל נישט אז נישט מיטשטימען מיט די מעשים פון מדינת ישראל איז אנטיסעמיטיזם. פון וואס מ'רעדט ס״ה איז פון בפירוש דיסקרימינירן קעגן מדינת ישראל ווי למשל א רעגירונגס אינסטיטוציע וואס איז געשטעלט צו האלטן א אויג איבער מענטשן רעכט פארלעצונגען איבער די וועלט און איז למעשה נאר ביזי א גאנצן טאג מיט מדנ״י בשעת ווען ס'דא אנדערע לענדער וואס באגייען סאך ערגערע מענטשן רעכט פארלעצונגען. אין די דעפענישן געבן זיי עטליכע ביישפילן וואס קען אריינגערעכנט ווערן אין אנטיסעמיטיזם און דאס איז איינע פון די ביישפילן.

פון די ביישפילן וואס זיי געבן דארט אויך איז אז זאגן אז אידן האבן נישט קיין רעכט פאר סעלף דעטערמינעישאן וואס דאס איז דאך טאקע אנטיסעמיטיזם ווייל דאס איז למעשה קעגן אידן זעלבסט.

נאך פון די ביישפילן וואס זיי געבן דארט איז אז זאגן אז אידן זענען מער לאיאל צו מדנ"י ווי צו די לענדער פון וואס זיי זענען בירגער, אדער האלטן אידן אחראי פאר די מעשים פון מדנ״י וואס דאס איז דאך למעשה נטרונא׳ס מטרה צו פארשפרייטן. קומט אויס פונקט פארקערט נטרונא וואלט דוקא געדארפט שטארק שטיצן די נייע דעפינישן. און דאס איז טאקע באמת זייער וויכטיג צו פארשפרייטן. וויבאלד איינע פון די עיקר סיבות וואס אידן האבן אזוי געליטן במשך די יארן איז ווייל די גויים האבן געהאלטן אז יעדע איד פארטרעט אלע אידן און די זעלבע זאך היינט צוטאגס ליידן די אידן בעיקר וויבאלד מ'האלט זיי פאראנטווארטליך פאר די מעשים פון מדנ"י.

און אגב, דאס איז וויכטיג צו וויסן איבעראל נישט נאר ביי אידן. מדארף וויסן אז קיין איין מענטש אויף די וועלט פארטרעט נישט א צווייטן. א שווארצער אנטיסעמיט פארטרעט נישט אלע שווארצע, אחמאדינידשאד פארטרעט נישט די איראנע בעפעלקערונג, און די זעלבע זאך טאקע ביי די פאלעסטינער אליין, מחמוד אבאס, די PLO, אדער חאמאס פארטרעטן נישט די פאלעסטינער. און אין פאקט איז דא היינט אסאך פאלעסטינער וואס האבן דוקא זייער ליב מדנ״י און ווילן לעבן בשלום מיט זיי, און פונקט ווי אונז האבן נטרונא איז שוין דא היינט ביי זיי אויך אזעלכע חברה וואס פארשפרייטן איבער די וועלט אז די PLO און אנדערע פארטרעטן זיי נישט און זיי זענען קעגן טעראר, און ווי אויך איז דא פיל מיט איזראעלישע אראבער וואס פארשפרייטן איבער די וועלט אז זיי זענען דוקא זייער צופרידן און אפילו "פראוד" צו זיין איזראעלישע בירגער וכדומה, און דאס איז א חוץ די בעדואינער און די דרוזן וואס זענען פון אלעמאל געווען פריינט פון מדנ"י.

כ'מיין מוואלט געדארפט אפשר מעורר זיין נטרונא אז ממילא זיי ווילן זאגן אז מזאל נישט רופן אנטי ציוניזם אנטיסעמיטיזם וויבאלד אידן זענען נישט קיין נאציאנאליטעט וכו׳ וכו׳. אבער גיין פארשפרייטן ליגנטס פאר די גויים, קודם דאס אליין קען פונקט אזוי ברענגן אנטיסעמיטיזם, און סתם אזוי ברענגט עס זייער אראפ די רעפוטאציע פון די ארגענעזאציע ווייל אפשר טאקע אפאר ראדיקאלע אנטי איזראעל גויים וועלן זיך זייער פרייען צו אזעלכע טוויטס אבער א נארמאלע גוי, ספעציעל א פאליטישאן, אדער סיי וואספארא גוי וואס ווייסט פונקטליך פון וואס מ׳רעדט וועט לכבוד דעם אנקוקן נטרונא ווי סתם נאך א פאנאטישע פאלעסטינע סטייל ארגעניזעישאן וואס זוכט צו פארשפרייטן אויסגעדראשענע פאלעסטינע סטייל שקרים אויף מדנ״י.

און בעצם וועגן די נושא צו אנטי ציוניזם איז טאקע אנטיסעמיטיזם. קודם כל קיינער זאגט נישט אז סאיז פאקטיש די זעלבע זאך, ניין, סאיז קלאר צוויי זאכן. אנטי ציוניזם איז ווען איינער האלט אדער טוט אומבארעכטיגטע זאכן קעגן מדנ״י, און אנטיסעמיטיזם איז ווען איינער האלט אדער טוט אומבארעכטיגטע זאכן קעגן אידן.

און בנוגע צו אנטי ציוניזם קומט פון אנטיסעמיטיזם. דאס איז א זאך וואס מקען נישט וויסן ווייל קיינער ווייסט נישט וואס טוט זיך ביי יענעם אין הארץ און פארוואס פונקטליך דער גוי אדער אפילו איד האט אפגעמאכט צו זיין אנטי איזראעל.

מיין פערזענליכע הרגשה זאגט מיר אז ביי זייער אסאך גויים ספעציעל ביי די אייראפעישע ווייסע גויים אויב קומט עס נישט דירעקט פון אנטיסעמיטיזם קומט עס עכ״פ פון די זעלבע פלאץ פון ווי אנטיסעמיטיזם קומט. ד״ה די זעלבע סיבות וואס האט געברענגט זיינע זיידעס צו זיין אנטיסעמיטן ברענגט היינט אז זיי זאלן זיין אנטי איזראעל, וויבאלד אנטיסעמיטיזם איז שוין היינט ארויס פון סטייל האבן זיי געטראפן א נייע שעיר לעזאזל - מדנ״י.

בנוסף צו דעם איז דא היינט א נייע זאך. אסאך פון די גויים פילן זיך זייער דערנידערט וואס זייערע זיידעס האבן געטון ביי די האלאקאוסט, און מיטן זיין קעגן מדנ״י ווילן זיי ווי זאגן קוקט׳ס אן די אידן זענען די זעלבע חיות ווי אונז, ווען זיי קומען צו מאכט מאכן זיי אויך דשענאסיידס אויף אנדערע וכדומה. דאס קען מען שוין אסאך מאל זעהן ממש בפירוש ווען מלייענט וואס די אנטי איזראעל חברה שרייבן, סדא אסאך פון די חברה וואס שרייבן עס קלאר ארויס, די מער נארמאלערע וועלן שרייבן למשל "ווי טרויעריג צו זעהן אז די זעלבע מענטשן וואס זענען דורך אזא שרעקליכע האלאקאוסט טוען יעצט די זעלבע זאך צו אנדערע" וכדומה.

עכ״פ פון וואס מ׳רעדט דא איז פון צוויי זאכן וואס יעדע נארמאלע מענטש פארשטייט און האלט אז סאיז אומבארעכטיגט און אומ'יושר'דיג און ס"ה וואס מ'זאגט אז איינס קען אמאל זיין די תוצאה פון די צווייטע.

יעצט צו אונז דארפן שטיצן אזא זאך. יעצט דאס איז זיכער אז דאס וואס זיי שרייבן אז אידן זענען נישט אחראי פאר די מעשים פון די מדינה איז זיכער א זאך וואס אונז דארפן שטיצן. און לגבי די אנדערע זאכן, איז פון איין זייט פאר אונז אינטערסירט נישט די אינטערעסן פון די ציונים און פון מדנ״י ממילא דארף עס אפשר נישט אונז אנגיין. פון די אנדערע זייט קען אויך זיין אז פאר אונז איז דאס דוקא א טובה ווייל למעשה ברענגט אנטי איזראעל העצעס געוואלדטאטן קעגן אידן איבער די וועלט און דער זעלבער גוי וואס פארשטייט נישט די אומ'יושר פון דיסקרימינירן אקעגן מדנ"י פארשטייט אויך נישט אז אידן איבער די וועלט זענען נישט אחראי פאר די מעשים פון מדנ"י. ממילא קען זיין דוקא א טובה פאר אונז יעדע זאך וואס מטוט דאס אפצושטעלן.

וואס איז אבער יא נוגע לענינינו איז אז אונז ליידן פערצופאל לעצטנס פון גאר א ענליכע פראבלעם. יעדער ווייסט אז לעצטנס קומט פאר א געפערליכע העצע קעגן חסידים און אולטרא-ארטאדאקסישע אידן. די פרשה פון הרה״ח ר׳ נחמיה צבי בן דינה און די קאמפיין קעגן די ישיבות איז בלי ספק א תוצאה פון ״אנטי-חסידיזם״. יעצט איז אנטי חסידיזם די זעלבע זאך ווי אנטיסעמיטיזם? קלאר אז נישט. ס'דא אסאך גויים וואס האבן ליב אידן און האבן פיינט חסידים און ווי אויך איז דא ליידער אסאך אידן אליין וואס האבן פיינט חסידים. למעשה וואלט אבער אפשר געווען א גרויסע טובה ווען מקען ווען דערקלערן אז אנטי חסידיזם זאל באצייכנט ווערן ווי אנטיסעמיטיזם. כ'מיין מוואלט געדארפט נעמען א באטראכט אז פונקט ווי די ציונים פירן א קאמפיין צו דערקלערן אנטי ציוניזם אלס אנטיסעמיטיזם דארפן מיר מאכן א קאמפיין צו דערקלערן אז אנטי חסידיזם זאל באצייכנט ווערן ווי אנטיסעמיטיזם.

די דעפינישן פון אנטיסעמעטיזם פון די IHRA

[צל עובר]

אפאר הערות. אנטיסעמעטיזם מיינט אפילו בארעכטיגטע טענות קייגן אידן, און אודאי מיינט אנטי ציוניזם אויך בארעכטיגטע טענות קעגן די ציונים. רוב היימישע אידן אין אמעריקע וואס איך קען האבן דועל לויעלטי במציאות, עס איז שט קיין בילבול. אנטי ציוניזם קומט לכאורה מער פון די לעפט, די זעלבע לכאורה אויך להבדיל אנטי חסידים. אנטיסעמיטיזם קומט לכאורה בעיקר פון די רייט. די היימישע אידן וואס איך קען פאראורטיילן אלע איראנער פאר אכמעדינידזשאד וכו' די גאנצע ליסט וואס דו רעכנסט אויס וואס מען זאל נישט. בערני איז לכאורה דער גרעסטער אנטי ציוני פון אלע היי פראפייל אמעריקאנער פאליטשענס. די ציונים רייסן יא אראפ אנטי ציוניזם אלס אנטיסעמיטיזם.

[אושר עד]

@למדן טייערע. זייער קלאר ארויסגעברענגט די ענין, ווי א ריכטיגע למדן, אין גוט ארויסגעברענגט געברענגט די צדדים, א גרויסע יישר כח.
איך קוק ארויס אז דאס זאל בלייבן אויפן אויבערפלאך א לאנגע צייט, ווייל מען קען אסאך דיבעיטן אויף דעים, ספעציעל אויב יעדער וועט פרובירען צו רעדען און טראכטען אביסעל מיט א אביעקטיווע בליק.

איבער דעם ענין פון dual loyalty, קלער איך שוין א שטיק צייט, פונקטליך וואס דאס מיינט, און ווען דאס איז א פראבלעם. איך זעה אסאך ביי די גוים, אז זיי טוען זיך גאר שטארק אויף מיט די לאנד פון ווי זיי קומען, (מען זעט דאס גאר שטארק ביי די איטאליענער) סיי מיט זייערע מנהגים, די עסן, סיי זיי לייגען ארויס די פענער. איך האב נאך קיינמאל נישט געהערט קריטיק אויף דעם, אדרבה דאכט זיך מיר אז עס ווערט גאר אנגעקוקט ווי שיינע זאך.

[מחנך ב2018]

בנוגע נטרונא'ס מהלך וויאזוי זיי באהאנדלען די אנטיסעמיטיזם שאלה, וויל איך צולייגן, אז לדעתי איז היינט צוטאגס נטרונא פונקט ווי גאר אסאך וואוילטעטיגע ארגעניזאצעיס וועלכע הייבן זיך אן מיט ריינע כוונות און א קלארע ציל, און ווערן אבער במשך הזמן פארוואנדלט און איבערגעקערט צו א פאליטיש מאנעווירטע ארגעניזאציע מיט שטארק איינזייטיגע אגעדעס און בייגן זיך צום עקסטרעם פונעם פאליטישן ספעקטרום, זיי פארגעסן גענצליך זיך צו האלטן צו זייער ארגינעלע פראפארצן, פארגעסן זייער ארגינעלע צילן און פון תורה-טרייע אידן איז עס אגענדע-טרייע...

איך געב די רעכט צו רעספעקטעבלי דיסאגריען דאס איז בלויז מיין פריוואטע מיינונג נאכן נאכקוקן די ארגעניזאצעי די לעצטע צענדליג יאר, זייערע מעסעדשעס און סטעיטמענטס.

אגב; זינט די ארגעניזאצע איז דאך סאטמאר באזירט איז פארהאן א סאטמארער תורה'דיגע אוטאריטעט וואס איז אחראי אויף די אויטענטישקייט פון די ארגעניזאציע און וועמען עד ווערט אנגעפרעגט יעדע שריט?!

[הענדימען]

נאכן נאכקוקן די ארגעניזאצעי די לעצטע צענדליג יאר

זיי זענען שוין אזוי אלט?

[שמואל בארג]

מיין מיינונג האב איך שוין לאנג געזאגט פאר א נטרונא קאלעקטאר, ווילאנג זיי זענען נישט רעגעסטרירט אלס א פאליטישע ארגאנעזאציע האב איך מורא צו געבן געלט, ס'איז דאך דא געזעצן אלס א ארגאנעזאציע וואס שפילט אין פאליטיק.

איך בין געווען א שטארקע שטיצער פון נטרונא, ערגעצוואו אינצווישן האבן זיי מיר פארלוירן, זיי האבן אנגעהויבן ציען צי לינקע פאליטיק, זיי שעמען זיך נישט צו ציטירן די לינקע אנטי-דת 'פארווערטס', דאס אויפשטעלן א קאמוניסט אין ענגלאנד מסביר צו זיין די פארברעכן פון די ציונים, און נאך אסאך זאכן וואס מ'פלעגט נישט קיינמאל טון אין סאטמאר.

כהיום איז כמעט נישטא קיין חילוק צווישן נטרונא און די ניו יארקע נטורי קרתא, חוץ זיך בפועל שטעלן פיקטשערן מיט די אראבישע שאלן.

[בנציון יאזעפאוויטש]

די חילוק איז 'ריזיג'. נטרונא וועט 'קיינמאל' נישט רעדן פון וואס די ציונים טוען מיט די אראבער. (א.א.וו. זיי וועלן נישט ארויסהעלפן די אראבער צו 'העצן' קעגן די מדינות רציחות א.ד.ג). זיי ברענגן ארויס איינמאל און נאכאמאל אז מיר זענען נישט א טייל פון דעם קאנפליקט. ותו לא מידי. ווען מ'פרעגט הרב שאפירא שליט''א וואס ער האלט וועגן די פאלעסטינער ישראלישער מחלוקה ענטפערט ער מיט א קשיא ''פארוואס פרעגסטו מיך נישט וועגן די מחלוקה פון פאקיסטאן מיט אינדיע?
איך האב 'גארנישט' מיט די ציונים' דאס אלעס.

[מחנך ב2018]

דעמאלט פארוואס האט ער ''אפיציעל'' גענומען א שטעלונג איבער דעם ''איראן דיעל'', ער האט דאך מיט זיי נישט קיין שייכות, דאן ווי קומט ער צו זאגן א דעה צי איראן איז א סכנה צי נישט?!

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...

#היפאקריטיע

[דעפרעסט]

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...

#היפאקריטיע

סימפל שקר. לה היו דברים מעולם.

[בנציון יאזעפאוויטש]

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...

#היפאקריטיע

סימפל שקר. לה היו דברים מעולם.

RT
ניט אמת.

[מי יודע]

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...

#היפאקריטיע

סימפל שקר. לה היו דברים מעולם.

RT
ניט אמת.

אויף וויפיל איך האב שוין געליינט פון נטרונא ווי אזוי זיי שרייבן בנוגע אמעריקא'ס פאליסי מיט מדינת ישראל, מאכט נישט קיין סענס וואס מר. מחנך זאגט

[אומאפיציעל]

איך זעה אז למדן וצדיק און ווארשיינליך נאך אסאך דא האבן בכלל נישט ארויס דעם פראבלעם פון פארבינדן אנטי-ציוניזם מיט אנטי-סעמיטיזם, איז לאמיר עס מאכן גאר אין קורצן.

פאקטיש טוען די סענטימענטן קעגן אידן עקזיסטירן און בליען אויף פיל א גרעסערן און שארפערן פארנעם צוליב די מעשים פון די ציוניסטן, (ווער עס וויל זיך דינגען אויף די פאקט רעד איך נישט צו אים, איך לייג פאר די זאך פון מיין פערספעקטיוו), ביז עטליכע יאר צוריק פלעגט די גאנצע רעטאריק און שנאה פון די אומות העולם ווערן געוואנדן קעגן "אידן" און קעגן די "יודישע מדינה", דאס איז אנגעגאנגען "טראץ" אלע געזעצן קעגן אנטיסעמיטיזם, ב"ה אז נאך די געבענטשטע פעולות פון צענדליגע יארן האט זיך די זאך צוביסלעך געטוישט, און די שנאה און רעטאריק האט זיך אין א גרויסע פראצענט אריבערגערוקט צו ווערן געוואנדן אנטקעגן די "ציונים" אנשטאט קעגן די "יודן" (אסאך לייגן נאך צו אז נישט אלע "יודן" זענען ציוניסטן, און אז מען האט גארנישט קעגן "יודן"), די ציוניסטן האלטן דאס נישט אויס, ווייל קודם כל ווילן זיי האבן אלע אידן אין זייער שיף ואכמ"ל, און נאכמער, ווייל דאס גיט א לייסענס פאר אסאך פון די וואס ווילן זיי קריטיקירן און ארויסקומען עמטליך קעגן זייער מדינה, און ביז היינט האבן זיי זיך אפגעהאלטן נישט ווילנדיג באשולדיגט ווערן אין אנטיסעמיטיזם, אבער אצינד טרעפן זיי דעם וועג וויבאלד זיי קענען קלאר מאכן אז די מדינה מיט יודן איז "נישט איינס", און דערפאר ווילן די ציוניסטישע לאביאיסטן מיט זייער ממשלה פאר יעדן פרייז עוקר זיין דעם געדאנק פון "אנטי-ציוניזם" און אנהאלטן דעם סטאטוס אז רעדן קעגן די ציוניסטישע מדינה מיינט רעדן קעגן "יודן".

טוישן די דעפעניציע פון אנטי-סעמיטיזם טוט צוריק אוועקשטעלן דאס וואס מיר ארבעטן שוין אזויפיל יארן צו מערער זיין - דהיינו אז "אידן" מיט "ציונים" איז "איין זאך", די ציוניסטן מיט זייערע מעשים דאס איז "אידישקייט"!
עס צו שטעלן אין פערספעקטיוו, לאמיר זיך פארשטעלן אז מען וועט אננעמען א רעזאלוציע אז אנטי-טעראריזם איז א מאדערנע ווערסיע פון אנטי-איסלאם...

עס איז מיר שווער מאריך צו זיין, אבער איך מיין אז די נקודה איז קלאר.

נאך א נקודה, אזא דעקלעראציע קען פארשווערן פאר ערליכע אידן צו קענען ריכטיג און אפן פארדאמען די ציוניסטישע מדינה מיט זייערע מעשים תעתועים אזוי ווי מען דארף.

דיסקלעימער! איך ברענג דא נאר ארויס מיין בליק אויף "דעם ענין", איך בין נישט דא יעצט צו נעמען א שטעלונג אדער מסביר זיין איבער סיי וועלכע "פעולה" פון "סיי וועלכע ארגאניזאציע".

[מצלמה]

ס׳איז שקר צו זאגן אז נטרונא גייט אין די פוס-טריט פון נ.ק.

אבער למעשה האט נטרונא געטאן אינטרעסאנטע זאכן, מיט׳ן אריינגעבן ״אמיקא בריעפ׳ס״ צום סופרים קאורט קעגן מדינת ישראל, וואס שמעקט מיט פאליטישע אגענדעס.

מעגליך אז זיי האבן געהאט דערויף א באפעל פון רבנים, אינטרעסאנט איז עס.

גראדע האט אויף סאטמאר אויך אמאל געטאן ענליכע אפיציעלע פאליטישע מאנעוורס אינעם עבר.

[קאנסילמאן]

מיינע עטליכע הערות אין די נושא

1) ציונים ברענגען אנטיסעמעטיזעם, אבער א גוי וואס איז אנטי-ציוני איז אויך א אנטיסעמיט, וויפיל נטרונה וועט פראבירען צו לערנען מיט די גוים "ויואל משה" וועלן זייי עס קיינמאל נישט פארשטיין.

2) נטרנה איז פארפארען פון זיין א ארג צו פארשפרייטען דעם רבין'ס שיטה ביז אז זיי זענענן געווארען דשאסט נאך א לינקע פאליטישע ארג וואס פארדאמט אלעס וואס קומט פון א רעכטען און פארהייליגט יעדען לינקען אנטיסעמיט, זיי האבן פארהייליגט דעם ענגלישען אנטיסעמיט קארמען (אגנפז"נ), זיי האבן פארהייליגט יעצט דעם מוסלמענער קאנגראספרוי אנטיסעמיט, אלעס וואס איז לינק איז גוט און אלעס רעכט איז פראבלעמאטיש,

נטרונה איז בעסעקלי געווארען די "האפינגטן פאוסט אויף אידיש" לגבי אלע ענינים וואס האט מיט די מדינה און אידישקייט.

[עסן פאר אידן]

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...
#היפאקריטיע

סימפל שקר. לה היו דברים מעולם.

רט

[מחנך ב2018]

איך וועל נישט יעצט אריינגיין אין גאנצע סאמוטוכא ארום דער איראן דיל, אבער ווער עס האט מיטגעהאלטן דאן די נייעס דענקט ווי נטרונא האט אפיציעל געפירט א שפיציגע מערכה אנטקעגן דעם אמעריקאנעם פרעזידענט פארן זיך דערוואגן צו צוברעכן דעם איראן דיל... נטרונא איז דאן ארויסגעקומען מיט ליפלעטן און סטעיטמענטס זיך אננעמענדיג פארן געוועזענעם פרעזידענט אבאמא אנקעגן דעם איצטיגן פרעזידענט, נטרונא האט נאך געהאט די העזה צו באשילדיגן ביבי פארן זיך רייצן מיט די אמעריקאנע פרעזידענט ווען בשעת מעשה האבן זיי זיך גאר גערייצט אנטקעגן די איצטיגע אדמיניסטראציע...

#היפאקריטיע

סימפל שקר. לה היו דברים מעולם.

RT
ניט אמת.

אויף וויפיל איך האב שוין געליינט פון נטרונא ווי אזוי זיי שרייבן בנוגע אמעריקא'ס פאליסי מיט מדינת ישראל, מאכט נישט קיין סענס וואס מר. מחנך זאגט

קום אריין מיט נאך אפאר ניקס אפשר וועסטו ווערן גערעכט...

[שטיגליץ]

אפאר הערות. אנטיסעמעטיזם מיינט אפילו בארעכטיגטע טענות קייגן אידן, און אודאי מיינט אנטי ציוניזם אויך בארעכטיגטע טענות קעגן די ציונים..

לאו דווקא, די דעפיניציע פון אנטיסעמיטיזם מיינט פיינט האבן דעם איד בלויז ווייל ער איז א איד, פונקט ווי ראסיזם מיינט דיסקרימינירן אקעגן א מענטש בלויז ווייל ער קומט פון א געוויסע ראסע.

אויב איינער צושלאגט זיך מיט א טונקל הויטיגן איבער א פארקינג ספאט, אפילו ער צומזיקט דעם שווארצן און מען ברויך איהם אריינפירן, איז ער נישט קיין ראסיסט, חוץ אויב מען קען אויפווייזן אז די גאנצע מחלוקה איז געווען באזירט אויף ראסע.

די זעלבע מיט אנטיסעמיטיזם, אויב א איד ל"ע באגנבט א גוי און דער גוי האט איהם פיינט, מאכט עס איהם נאכנישט קיין אנטיסעמיט, וה"ה אויב סיי צושלאגן זיך איבער א פארקינג ספאט אדער א שאפינג וועגעלע אין וואל מארט.

[מחנך ב2018]

2) נטרנה איז פארפארען פון זיין א ארג צו פארשפרייטען דעם רבין'ס שיטה ביז אז זיי זענענן געווארען דשאסט נאך א לינקע פאליטישע ארג וואס פארדאמט אלעס וואס קומט פון א רעכטען און פארהייליגט יעדען לינקען אנטיסעמיט, זיי האבן פארהייליגט דעם ענגלישען אנטיסעמיט קארמען (אגנפז"נ), זיי האבן פארהייליגט יעצט דעם מוסלמענער קאנגראספרוי אנטיסעמיט, אלעס וואס איז לינק איז גוט און אלעס רעכט איז פראבלעמאטיש,

נטרונה איז בעסעקלי געווארען די "האפינגטן פאוסט אויף אידיש" לגבי אלע ענינים וואס האט מיט די מדינה און אידישקייט.

אמת יעדעס ווארט

[מחנך ב2018]

אפאר הערות. אנטיסעמעטיזם מיינט אפילו בארעכטיגטע טענות קייגן אידן, און אודאי מיינט אנטי ציוניזם אויך בארעכטיגטע טענות קעגן די ציונים..

לאו דווקא, די דעפיניציע פון אנטיסעמיטיזם מיינט פיינט האבן דעם איד בלויז ווייל ער איז א איד, פונקט ווי ראסיזם מיינט דיסקרימינירן אקעגן א מענטש בלויז ווייל ער קומט פון א געוויסע ראסע.

אויב איינער צושלאגט זיך מיט א טונקל הויטיגן איבער א פארקינג ספאט, אפילו ער צומזיקט דעם שווארצן און מען ברויך איהם אריינפירן, איז ער נישט קיין ראסיסט, חוץ אויב מען קען אויפווייזן אז די גאנצע מחלוקה איז געווען באזירט אויף ראסע.

די זעלבע מיט אנטיסעמיטיזם, אויב א איד ל"ע באגנבט א גוי און דער גוי האט איהם פיינט, מאכט עס איהם נאכנישט קיין אנטיסעמיט, וה"ה אויב סיי צושלאגן זיך איבער א פארקינג ספאט אדער א שאפינג וועגעלע אין וואל מארט.

ער האט געמיינט צו זאגן מיט ''בארעכטיגטע טענות'' קעגן אידן, נישט אז זיי פאלגן נישט קיין טרעפיג רעגולאציעס און נישט אז זיי שמירן פיטער אויף ביידע זייטן פונעם ברויט, די רעדע איז, פון טענות קעגן אידן וואס זענען אייגנטליך באזירט אויף אויפריכטיגע פאקטן, לדוגמה, אז אידן פירן די עקאנאמישע וועלט - א פאקטאר וואס איז רעלאטיוו ריכטיג, אדער אז איזראעל לעבט אויפן חשבון פון אמעריקאנע שטייער צאלער, דאס זענען היבש אמת, אבער פאר איז אנטיסעמיטיזם דאס ארויסצושטעלן אלס א טענה קעגן דעם איד.

[למדן וצדיק]

אפאר הערות. אנטיסעמעטיזם מיינט אפילו בארעכטיגטע טענות קייגן אידן, און אודאי מיינט אנטי ציוניזם אויך בארעכטיגטע טענות קעגן די ציונים. רוב היימישע אידן אין אמעריקע וואס איך קען האבן דועל לויעלטי במציאות, עס איז שט קיין בילבול. אנטי ציוניזם קומט לכאורה מער פון די לעפט, די זעלבע לכאורה אויך להבדיל אנטי חסידים. אנטיסעמיטיזם קומט לכאורה בעיקר פון די רייט. די היימישע אידן וואס איך קען פאראורטיילן אלע איראנער פאר אכמעדינידזשאד וכו' די גאנצע ליסט וואס דו רעכנסט אויס וואס מען זאל נישט. בערני איז לכאורה דער גרעסטער אנטי ציוני פון אלע היי פראפייל אמעריקאנער פאליטשענס. די ציונים רייסן יא אראפ אנטי ציוניזם אלס אנטיסעמיטיזם.

אנטיסעמעטיזם און אנטי ציוניזם זענען ווערטער וואס האבן נישט קיין בעה"ב און יעדער קען עס אויסטייטשן ווי אזוי ער וויל. די אנטי ציוניזם פון וואס די IHRA דעפינישן פון אנטיסעמעטיזם רעדט איז בפירוש דיסקרימינירן אקעגן מדנ"י. און באמת ווערט דארט בכלל נישט דערמאנט די ווארט אנטי ציוניזם וואס דארט שטייט ס"ה איז אז דיסקרימינרן אקעגן מדנ"י קען זיין א ביישפיל פון אנטיסעמעטיזם.

און יא דאס וואס כהאב געשריבן אז אחמאדינידשאד פארטרעט נישט אלע איראנער וכו' האב איך געוואלט טאקע דאס אויפקלערן פאר אונז היימישע אידן.

כ'כאפ נישט פונקטליך ווי ס'קומט אריין דא ווי א גרויסע אנטי ציוניסט בערני סענדערס איז. כ'ווייס נישט צו מ'קען אים בכלל אנגערופן אן אנטי ציוניסט דאס ווענד זיך ווייטער ווי אזוי מ'טייטשט אפ אנטי ציוניזם, אנטי ציוניזם קען אריינרעכענען פון איינער וואס האלט אז אידן האבן בכלל נישט קיין רעכט פאר סעלף דעטערמינעשאן ביז איינער וואס איז סתם קעגן די היינטיגע רעכטע רעגירונג אין מדנ"י. סיי ווי אזוי איז ער זייער ווייט פון צו זיין א ראדיקאלע אנטי ציוניסט בכלל, און איז אויך ווייט נישט דער גרעסטער אנטי ציוניסט אין קאנגרעס. ס"ה האט ער אפאר מאל באצייכנט די אקטיוויטעטן פון מדנ"י אין עזה קעגן חאמאס אלס אומפראפארציאנאל. פון די אנדערע זייט האט ער אסאך מאל דוקא אויסגעדריקט שטיצע פאר די מלחמות פון מדנ"י קעגן חאמאס. די גרעסטע אנטי ציוניסט אין קאנגרעס איז די נייע ערוועלטע פאלעסטינע קאנגרעס פרוי, נאך איר זענען די אנדערע נייע ערוועלטע קאנגרעס פרויען די מוסלימענע פון סאמאליע און די סאציאליסט פון קווינס און פון זיי ביז בערני סענדערס איז א ריזיגע מהלך.

און ווי אויך פונקט ווי מ'דארף וויסן אז מדנ"י פארטרעט נישט אלע אידן דארף מען אויך וויסן אז איין ציוני פארטרעט נישט אלע ציונים און אז דו האסט אמאל (אדער יא אדער נישט) געטראפן איינער וואס האט געזאגט אז בארעכטיגטע טענות קעגן מדנ"י איז אנטיסעמעטיזם מיינט נישט אז אלע ציונים האלטן אז די סארט אנטי ציוניזם, אויב ס'קען בכלל אנגערופן ווערן אנטי ציוניזם, איז אנטיסעמיטיזם.

[למדן וצדיק]

איך זעה אז למדן וצדיק און ווארשיינליך נאך אסאך דא האבן בכלל נישט ארויס דעם פראבלעם פון פארבינדן אנטי-ציוניזם מיט אנטי-סעמיטיזם, איז לאמיר עס מאכן גאר אין קורצן.

פאקטיש טוען די סענטימענטן קעגן אידן עקזיסטירן און בליען אויף פיל א גרעסערן און שארפערן פארנעם צוליב די מעשים פון די ציוניסטן, (ווער עס וויל זיך דינגען אויף די פאקט רעד איך נישט צו אים, איך לייג פאר די זאך פון מיין פערספעקטיוו), ביז עטליכע יאר צוריק פלעגט די גאנצע רעטאריק און שנאה פון די אומות העולם ווערן געוואנדן קעגן "אידן" און קעגן די "יודישע מדינה", דאס איז אנגעגאנגען "טראץ" אלע געזעצן קעגן אנטיסעמיטיזם, ב"ה אז נאך די געבענטשטע פעולות פון צענדליגע יארן האט זיך די זאך צוביסלעך געטוישט, און די שנאה און רעטאריק האט זיך אין א גרויסע פראצענט אריבערגערוקט צו ווערן געוואנדן אנטקעגן די "ציונים" אנשטאט קעגן די "יודן" (אסאך לייגן נאך צו אז נישט אלע "יודן" זענען ציוניסטן, און אז מען האט גארנישט קעגן "יודן"), די ציוניסטן האלטן דאס נישט אויס, ווייל קודם כל ווילן זיי האבן אלע אידן אין זייער שיף ואכמ"ל, און נאכמער, ווייל דאס גיט א לייסענס פאר אסאך פון די וואס ווילן זיי קריטיקירן און ארויסקומען עמטליך קעגן זייער מדינה, און ביז היינט האבן זיי זיך אפגעהאלטן נישט ווילנדיג באשולדיגט ווערן אין אנטיסעמיטיזם, אבער אצינד טרעפן זיי דעם וועג וויבאלד זיי קענען קלאר מאכן אז די מדינה מיט יודן איז "נישט איינס", און דערפאר ווילן די ציוניסטישע לאביאיסטן מיט זייער ממשלה פאר יעדן פרייז עוקר זיין דעם געדאנק פון "אנטי-ציוניזם" און אנהאלטן דעם סטאטוס אז רעדן קעגן די ציוניסטישע מדינה מיינט רעדן קעגן "יודן".

טוישן די דעפעניציע פון אנטי-סעמיטיזם טוט צוריק אוועקשטעלן דאס וואס מיר ארבעטן שוין אזויפיל יארן צו מערער זיין - דהיינו אז "אידן" מיט "ציונים" איז "איין זאך", די ציוניסטן מיט זייערע מעשים דאס איז "אידישקייט"!
עס צו שטעלן אין פערספעקטיוו, לאמיר זיך פארשטעלן אז מען וועט אננעמען א רעזאלוציע אז אנטי-טעראריזם איז א מאדערנע ווערסיע פון אנטי-איסלאם...

עס איז מיר שווער מאריך צו זיין, אבער איך מיין אז די נקודה איז קלאר.

נאך א נקודה, אזא דעקלעראציע קען פארשווערן פאר ערליכע אידן צו קענען ריכטיג און אפן פארדאמען די ציוניסטישע מדינה מיט זייערע מעשים תעתועים אזוי ווי מען דארף.

דיסקלעימער! איך ברענג דא נאר ארויס מיין בליק אויף "דעם ענין", איך בין נישט דא יעצט צו נעמען א שטעלונג אדער מסביר זיין איבער סיי וועלכע "פעולה" פון "סיי וועלכע ארגאניזאציע".

דו האסט ווארשיינליך בכלל נישט געליינט וואס כ'האב געשריבן. די גאנצע זאך וואס דו ווייטאגסט דא אזוי איז ווי כ'האב שוין געשריבן פערצופאל איינע פון די זאכן וואס די נייע דעפעניציע שטעלט קלאר. די נייע דעפעניציע שטעלט דוקא קלאר אז ציונים מיט אידן זענען צוויי זאכן.

איינע פון די ביישפילן פון אנטיסעמעטיזם וואס זיי געבן דארט איז האלטן אידן פאראנטווארטליך פאר די מעשים פון מדנ"י און ווי אויך שרייבן זיי קלאר אז נארמאלע בארעכטיגטע קריטיק אויף מדנ"י איז קלאר נישט קיין אנטיסעמעטיזם. און ווען סאיז טאקע נישט בארעכטיגט זעה איך טאקע נישט די פראבלעם פון דאס אפהאלטן. כ'פארשטיי אז פאר אונז דארף אפשר נישט אנגיין ווען מען דיסקרימינירט אקעגן מדנ"י בערך ווי ס'דארף אונז אפשר נישט אנגיין ווען מען דיסקרימינירט קעגן שווארצע, אבער ס'דארף אונז אויך נישט אנגיין ווען זיי טוען פעולות אפצושטעלן די דיסקרימינאציע קעגן זיי.

פארשטייט זיך אליין אז די דעפעניציע פארשווערט בכלל נישט פאר ערליכע אידן צו קענען אפן פארדאמען מדנ"י מיט זייערע מעשים, לא מיני' ולא מקצתי'.

[דריידל]

און אגב, דאס איז וויכטיג צו וויסן איבעראל נישט נאר ביי אידן. מדארף וויסן אז קיין איין מענטש אויף די וועלט פארטרעט נישט א צווייטן. א שווארצער אנטיסעמיט פארטרעט נישט אלע שווארצע, אחמאדינידשאד פארטרעט נישט די איראנע בעפעלקערונג, און די זעלבע זאך טאקע ביי די פאלעסטינער אליין, מחמוד אבאס, די PLO, אדער חאמאס פארטרעטן נישט די פאלעסטינער.

אויב איך מעג צולייגן,

און נטרונה פארטרעט בלויז זייערע מעמבערס, נישט די אומאפהענגיגע חרדישע אידנטום

[בנציון יאזעפאוויטש]

און אגב, דאס איז וויכטיג צו וויסן איבעראל נישט נאר ביי אידן. מדארף וויסן אז קיין איין מענטש אויף די וועלט פארטרעט נישט א צווייטן. א שווארצער אנטיסעמיט פארטרעט נישט אלע שווארצע, אחמאדינידשאד פארטרעט נישט די איראנע בעפעלקערונג, און די זעלבע זאך טאקע ביי די פאלעסטינער אליין, מחמוד אבאס, די PLO, אדער חאמאס פארטרעטן נישט די פאלעסטינער.

אויב איך מעג צולייגן,

און נטרונה פארטרעט בלויז זייערע מעמבערס, נישט די אומאפהענגיגע חרדישע אידנטום

זיי פארטרעטן נאך אזויפיל די תורה מיט איר פאלק ווי נתני' פארטרעט.

[דריידל]

און אגב, דאס איז וויכטיג צו וויסן איבעראל נישט נאר ביי אידן. מדארף וויסן אז קיין איין מענטש אויף די וועלט פארטרעט נישט א צווייטן. א שווארצער אנטיסעמיט פארטרעט נישט אלע שווארצע, אחמאדינידשאד פארטרעט נישט די איראנע בעפעלקערונג, און די זעלבע זאך טאקע ביי די פאלעסטינער אליין, מחמוד אבאס, די PLO, אדער חאמאס פארטרעטן נישט די פאלעסטינער.

אויב איך מעג צולייגן,

און נטרונה פארטרעט בלויז זייערע מעמבערס, נישט די אומאפהענגיגע חרדישע אידנטום

זיי פארטרעטן נאך אזויפיל די תורה מיט איר פאלק ווי נתני' פארטרעט.

די פאינט איז אז קיינער פארטרעט נישט קיינעם חוץ אויב איינער שטעלט א צווייטן אלץ זיין ספאוקסמאן. די וואס זענען מעמבערס אין נטרונה און זענען אבוויעסלי מסכים מיט זייער אידעלאגיע ווערן פארטרעטן דורך זיי. די וואס האבן געוואוט פאר נתני' און ווילן אין אלץ ספאוקסמאן ווערן פארטרעטן דורך אים.

[בנציון יאזעפאוויטש]

גערעכט. כ'ברענג נאר ארויס די ווייטאג אז דער מחלל שבת בפרהסי נתני' רעדט אין נאמען פון אונז אידן