מיין טשאטשקעלע שידוך

[ר' יום טוב]

הער זיך איין טייערע פריינד, מיר גייען בעז"ה איין טאג א שידוך טאן בשטומ"צ. טאקע נאך נישט יעצט, אבער חלום'ען מעג מען, נישט אזוי?
נו וויאזוי פאנג מיר אן, וועלכע סארט שידוך איז דאס מערסטע פאסיג פאר אונזער טייערע רייזעלע לעבן?

אזוי צוקוקנדיג וואס דער עוילעם טוט, און נאכפארשנדיג וויאזוי די שידוכים מארקעט לויפט היינט, האבן מיר באקומען אנפלעקט א בילד פון דאס פאלגענדע:

דער מדובר:
ער דארף זיין א יוקל מושלם וברוך כשרון - א מתמיד תמים עפעס גאר ספעשל.
דאס אפרוח שנפתח קינד טאר נישט עלטער ווי ניינצן יאר - ווייניגער איין טאג.
שיעור ג' זאלסטו נישט דערוואגן אפילו אנצוטראגן, נישט קיין נפקא מינא די סחורה.
אפגערעדט שיעור ד' ער מעג זיין דער בעסטער בחור. "שדכן לעבן, מיר זענען אלעס גרייט צו פארקוקן, אבער מיין רייזעלע איז נישט צום פארקויפן!..שטאנען?" [דייעל טאון].
חוץ אויב ער איז אוועקגעפארן זיך עלטערן און קונה שליימע זיין אין עפעס א דריטע וועלט ישיבה 'למצויינים' און "זיי וועילן זיך".
זיין דרגא דארף זיין 'מציון' - אין 'ישיבה-משגיח שפראך'. אפילו ס'האט נישט קיין שייכות און טיילמאל אפילו אין קעגנזאץ צו הנהגת הבית כשרונות.
זיין נאמען האט שוין פיגורירט ערגעץ אין איינע פון די מערכת גליונות.
שכל אין זיין צינגל א פלאס. א מעורבב בין המצרים.
ס'מוז נישט זיין פאסיג צו מיין רייזעלע'ס השגות און נאטורן. פארקערט, דאס ווילן מיר דאך טאקע, אז ער זאל משפיע זיין אויף איר...
דער עיקר אז ער איז א "לערנער", עס מוז נישט זיין ער לערנט בפועל, ער ברויך אבער זיין דער לערנער 'טייפ'.
ח"ו נישט איינער וואס קען אפילו טראכטן יעצט פון גיין ארבעטן. טאר נישט וויסן בכלל וויאזוי צו שפענדן א דאללער.
ער קען זיין דער טיפישער געוועזענער הייפער חיה וואס האט איבערגעדרייט די כיתה אין חדר ליידנדיג אויף עפעס א דיסעבילעטי,
אבער ווען ער איז אויפגעוואקסן האט ער סוקסעספול טראנספארמירט זיין שארפע ענערדזשי-איבערפלוס אין ווייסע-קאלער קריים פראיעקטן.
בקיצור דער איינדרוק פונעם עולם ביי די תנאים וואס שישקען וואספארא קנאקיגע מציאה מיר האבן איינגעהאנדלט דארף געדענקט ווערן פאר א גאנץ לעבן!
די הילכיגע מזל טוב'ס אין שול שבת דארף נאכקומען מיט א "פשש... פשיהא 'שיינע שידוך'...."


די משפחה:
'באלעבאטיש' א מאסט. תורה וגדולה בקרן זווית.
דער ראש המשפחה אויף אן עקזעקעטיווע פאזיציע ביי די ארבעט, און אויך א בכבוד'דיגע קאפ-דרייעניש אין שול.
ער האט ארויס די תכסיסי הכללים זיך צו פירן מיט די קאליווער סטאנדארדן ווי אזוי עס פאסט בנימוס,
אבער נאכמער ווייסט ער וויאזוי צו מאכן יענעם שפירן אז מען פארשטייט נאך נישט גענוי די לעצטע סודות אפ-טו-דעיט מנהגים.
ער קען באווייזן קבצנות אן לאזן סיי וועלכע פינגער אפדריקן...
ער ווייסט גענוי וועלכע שפראך צו וועם רעדן, און זיין צינג ווערט רויט פון לעקן.
אויב ער זעלבסט איז נישט א בר הכי, אבער ער האט א פריערדיג קינד פארקויפט פאר א בונה ומקים וואס האט שוין 'באגאשעט' א האלבן שטאט איז אויך אקעי.
נישט פארגעסן אז די 'טרים' פון די מאדעל קאר קען אויך אין געוויסע פעלער צולייגן אביסל ספייס,
אבער בלויז דאס אז זיי פאפן ארום די גאס מיטן אנטוען די קינדער 'מעטשינג' איז שוין היינט נישט גענוג מאסגעבנד.
'יחוס' האט היינט א נייע גרינע באדייט, אבער בלויז אויב ס'קומט באגלייט מיט א סארט אומהיימליכן עקסלוסיוון קנייטש.
א פארט-טיים מרביץ תורה איז אקעי, בתנאי אז די גאס שושקעט מיט עפעס א געלט-זיידע אדער געהיימניספולע ירושה.
בדוחק גדול אין פאל מען מוז פארקוקן, קען מען רעדן פון עפעס א ריטייערטן (ארבעטסלאזן בלע"ז) איש מכובד,
אדער איינער פון א אנדערע שטאט וואס זיין נאמען איז ווילד-פרעמד ביי די היזיגע ציוויליזאציע איז אויך אן איזי-וועג-ארויס אפשען.
אבער סתם א לאקאלער מחיה-וכלכלה ארבייטער איז זיכער נישט אין האנט צו נעמען, דערצו אויב די גאנצע שטאט ווייסט זיין פשטות'דיגן צושטאנד..


איז שדכן לעבן, זייט מוחל און טראגט מיר נישט אן קיין 'יאנטשי' שידוכים פון א צו 'פלעינע' משפחה. וואס הייסט פלעינע? עם...מממ.. דו ווייסטוואסיכמיין.
מיר דארפן א 'שיינע' משפחה פאר אונזער רייזעלע. מיר ווילן א אכטצן יעריג צאציק, איך קענען נישט קומען א טאג נאכן שידוך אין שול און "מזל טוב ר' יאנטעב !!, אוואו לערנט דער חתן? וואס!! אין... שיעור דאלעט.???..."

[קענדי'ס]

נאטעד
מען האט פארשריבן און די ביכעלע
הערסט שוין אויס? ווייל לעצטע וואך און שוהל האסטו מיר געזאגט אז זי איז נאך זייער אינג
נאר 17.9

[פליגל]

דער מאכט מיר דא יאנטעף אינדערוואכן...

[א נייער]

אנטשולדיגט פארן איבער האקן דיינע חלומות, אבער עס איז נישט דא אזא בחור מיט דע אלע מעלות וואס דו זוכסט.....

[looking forward]

די טאפשיניינטין האט זיך פיין אנגעהויבן.
גאר גוט.

[עבודת_הבורא]

אלס איינער וואס טוט אין די ליין קומט מיר נישט צו שמייכלען מיט דיין ארטיקל, דיין ארטיקל איז געוואלדיג גוט ארויס געברענגט די גאנצע פראבלעם פארוואס שידוכים זענען היינט אזוי שווער, נישט קיין מאנגל אין שדכנים איז דער פראבלעם, ווען מענטשן וואלטן געווען אביסל מער אויפן און אויפריכטיג מיט זייער מציאות אין די מארקעט וואלטן געווען מער שדכנים, מען קען אין די נושא נאך אסאך שרייבן, אפילו איינער וועט טראכטן אז ער איז נישט אזוי ווי ר' יום טוב לייגט עס אראפ, וויל איך אייך זאגן, עס מיז נישט זיין אזוי פינקטליך ווי ער שרייבט, עס איז דא אין דעם אסאך דרגות וואס די צד השוה שבהם מען שאצט זיך מיטן/אדער דעם קינד איבער, און מען שאצט אינטער גיטע זאכן צילוב מינערוויכטיגע נארישקייטן.

[קאנסילמאן]

וואףף איז דאס א ארטיקעל, געהאט א ברייטע מילצן אויסשטויס.

שאץ מאץ ביטע קום אריין קלאר.

[עבודת_הבורא]

ווי זעסטו דא שאץ מאץ

[קאנסילמאן]

ער איז טאקע נישט דא, וועגן דעם האב איך אים אריינגערופן.

שאץ האט שוין זייער אסאך געשריבען איבער די נושא אויף פארשידענע אופנים.

[האסט נייעס]

זייער זיס !

[ענדע צדיק!]

איך רייס מיר פאר געלעכטער דא.

[וזרח השמש]

פון ר' בערל טויבער זאגט מען נאך, אז היינט א בחור וואס איז ממש א מושלם ברויך גיין פאר העלפ. ווייל סאמטינג פישי עבאוט-איט

נ.ב. און א יישר כח פאר ר' יום טוב פארן אריינקומען אזוי אבנערמאל קלאהר!.

[nmi]

מפי הרב מלאך. ווען א מענטש זיכט אן איידעם ברויך ער אן "חיים".
דהיינו. פארן שידוך זאל ער זיין א ר' חיים קניעווסקי. לערנען 24 שעה א מעת לעת.

נאכן שידוך זאל ער זיין א ר' אברהם חיים נאה. א בעסרע ת"ח.

נאך די חתונה זאת ער זיין א חיים יענקל. ער זאל מוחל זיין און דיין ארבעטן. נישט קוואקן אין כולל...

[זייער קלוג]

איך וואלט זיך פארגינט א שמייכל אבער ליידער איז דאס די מציעות


הא הא הא די ביסט פיינע נייעס

[נו גוט נו שוין]

טענקס יאמטי!!

[שטאלצער יוד]

מפי הרב מלאך. ווען א מענטש זיכט אן איידעם ברויך ער אן "חיים".
דהיינו. פארן שידוך זאל ער זיין א ר' חיים קניעווסקי. לערנען 24 שעה א מעת לעת.

נאכן שידוך זאל ער זיין א ר' אברהם חיים נאה. א בעסרע ת"ח.

נאך די חתונה זאת ער זיין א חיים יענקל. ער זאל מוחל זיין און דיין ארבעטן. נישט קוואקן אין כולל...

מער פונקטליך:
פאר דעם שידוך: א ר' חיים קנייבסקי
צו די חתונה זאל ער זיין א ר' חיים נאה...
און נאך'ן חתונה א ר' חיים עוזר...

[משהלע]

פיינע נייעס

[חושב מחשבות...]

אנטשולדיגט פארן איבער האקן דיינע חלומות, אבער עס איז נישט דא אזא בחור מיט דע אלע מעלות וואס דו זוכסט.....

[בערל קראקאווער]

הַא וואס? דו לאכסט?

איך וויין, ס׳איז נעבעך אזוי אמת, יעדע׳ס ווארט.

ר׳ יאנטעוו לייגט עס אייזן אראפ מיט אלע פרטים.

[געריבענער סוחר]

זאג נאר ר' יומטי דו זוכסט א ''איידעם''? אדער א ''מאן'' פאר דיין טאכטער? הא? זאג אויס דעם ריינעם אמת.

ווער איז דער פרישער אינגערמאן דארטן ר יוםטוב? וואס הייסט? דו ווייסט נישט? דאס איז דאך ''מיינס'' אן ''איידעם'' ער מאכט א פיינעם רושם, הא?

מעכטיג צולייגט!!

[געריבענער סוחר]

.