קערעסטירער טאג בוך

[אורחים בורחים דורכים]

ווייטערדיגע באריכטען גענומען פון דא:

[אורחים בורחים דורכים]

נאטיצן און באריכטן מהיכלא דמלכא, "רבי ישעי'לעס הויז" אין שטאט קערעסטיר אונגארן יצ"ו, אנגעפירט דורך די בארימטע "הכנסת אורחים קערעסטיר", אין שפיץ פון משפחת רובין שליט"א נכדי רבי ישעי'לע זי"ע, ליינט און האט הנאה.

בס"ד

[אורחים בורחים דורכים]

המשך פון פר' בא

מאנטאג:

צופרי זענען געוועהן עטליכע באזוכער פון לאנדאן און פון מאנטשעסטער, נאכמיטאג איז געקומען הגה"צ ר' אהרן פריעדמאן מ'טענקא א"י שליט"א מיט עטליכע באגלייטער, ווי אויך איז געוועהן מוה"ר מרדכי ואחיו מו"ה אהרן גאלד הי"ו פון די ארגענעזאציע "אבותינו" וועלעכע זענען געקומען פאר עסקנות פאר די בתי חיים, און עס איז געוועהן א מנין מנחה.

נאכמיטאג האט זיך אנגעהויבען אנצוזעהן די ער"ח פארקער –וועלעכע געפאלט אויס אויפדערנאכט-, בין הבאים איז געווען די אחים החשובים, כ''ק אדמו''ר הגה''צ רבי משה שמואל ראטענבערג שליט''א אדמו"ר מ'קאסאן לאנדאן ואחיו כ''ק אדמו''ר הגה"צ רבי ישעי' משולם פייש ראטענבערג שליט''א אדמו''ר מ'ראזלא ביתר, נכדי רביה"ק זי"ע ווי די חשובע רבנים שליט"א האבען געדאווענט מנחה ומעריב –אלעס אינאיינעם איז געוועהן 6 מנינים מנחה מעריב בליעה"ר - און זיי האבען סועד געוועהן און זענען געבליבן אויף לינת לילה אין דעם בנין הכנסת אורחים.

האדמורי"ם מקאסאן לאנדאן און ראזלא שליט"א נכדי רבינו ביי תפילת מנחה אין קוויטל שטוב

[אורחים בורחים דורכים]

אויפדערנאכט האט מען אויפגענומען די ברייט באקאנטע ער"ח קבוצה פון אמעריקע מיט די באטיילונג פון הגה"צ ר' פנחס חיים גרינוואלד שליט"א אבד"ק פאפא מאנסי נכד רבינו, די גרופע איז געוועהן קרוב צו 30 אידן בתוכם הרה"ג ר' שמעון ישראל מייזליש שליט"א בן הגה"צ מ'שאפראן שליט"א, און ווי אויך הרב ר' ישעי' גרויס שליט"א נכד רבינו. עס איז געווארען אנגעפירט דורך מוה"ר פנחס פרענקל הי"ו. מען האט זיך געזעצט צו א ברייטע ווארימע סעודה, וועלעכע האט געדינט פאר א יארצייט סעודה פון הגה"צ ר' רפאל גרויס זצ"ל אבד"ק בערבעשט מחותן פון ר' ישעי'לע זי"ע ומנוח"כ אין אוהל הק', און ביי די יארצייט סעודה האט אויפגעטרעטען הגה"צ די פאפא רב שליט"א מ'מאנסי, און דערנאך האט מען זיי קוואטירט אין דעם הערליכען בנין הכנסת אורחים ד'קערעסטיר אויף לינת לילה.

סעודת הילולא פון הגה"צ אב"ד בערבעשט זצ"ל

[אורחים בורחים דורכים]

הגה"צ אב"ד פאפא מאנסי שליט"א נכד רבינו איז משמיע דברי תורה

[אורחים בורחים דורכים]

נכדי רבינו האדמו"ר מראזלא מיט אב"ד פאפא מאנסי באגריסן זיך

[אורחים בורחים דורכים]

דינסטאג:


באשמורת הבוקר איז די קבוצה ארויף צום ציון הק' אינאיינעם, און אויסגעזאגט תהילים בהתעוררות רב והשתפכות הנפש, די ערשטע מנין האט זיך געשטעלט כוותיקין ווי עס האט מיטגעדאווענט כ"ק אדמו"ר מ'קאסאן לאנדאן שליט"א און נאכדעם איז געוועהן נאך 4 מנינים שחרית,און א ברייטע פת שחרית פאר'ן גאנצען ציבור.

[אורחים בורחים דורכים]

עס האט געווירבלט מיט אידן א גאנצען טאג לכ' ער"ח וואס כסדר האבן זיך געשטעלט מנינים לתפילה און עס איז געוועהן צוגעשטעלט סעודות א גאנצען טאג, און ווי אויך איז געקומען א גרעסערע חבורה פון מאנטשעסטער חסידי בעלזא, עס איז געוועהן אלעס אינאיינעם 9 מנינים מנחה און 8 מנינים מעריב.

נכדי רבינו האדמו"ר מקאסאן לאנדאן מיט הרב אלי' גרויס אין מלוה מלכה שטוב

[אורחים בורחים דורכים]

בתוך הבאים זענען געוועהן עטליכע יונגעלייט מ'עסקני קהילת פאפא פון די שטאט פאפא וואס זענען דארט געווען צום פארברייטען די גרויסארטיגע פאפא נסיעה וואס איז פארקומען מיט די מנהיג העדה כ"ק אדמו"ר מ'פאפא שליט"א ב' אדר יא"צ של הרה"ק ויגד יעקב זי"ע און זיי האבען זיך פאראייניגט מיט הגה"צ אב"ד פאפא-מאנסי שליט"א (וועלעכער איז געקומען מיט די ער"ח חבורה) און געפארען צום ציון הק' פון מהר"ם שיק זי"ע וועלעכע די יא"צ געפאלט ר"ח, און אויפדערנאכט זענען זיי צוריקגעקומען נעכטיגען אין קערעסטיר.

די געווירבל ער"ח

[אורחים בורחים דורכים]

מיטוואך-ר"ח שבט:

עס איז געוועהן 4 מנינים שחרית, בתוכם הגה"צ אב"ד פאפא-מאנסי שליט"א ובני חבורתו, און נאכדעם איז געוועהן א סעודת ר"ח, און נאכען בענטשען,האט מען זיך אהיימגעקערט מיט פילע השפעות טובות.

איבער'ן טאג האבן זיך דורך געדרייט מערערע אידן, צווישן זיי מו"ה יחזקאל פעפערקארן הי"ו נכד רבינו, אויך איז געקומען א קבוצה פון משפחת מיטעלמאן הי"ו אייניקלעך פון מהר"ם שיק זי"ע אויף דעם וועג קיין חוסט צו די יארצייט וואס איז געווען בו ביום, עס האבען זיך געשטעלט 6 מנינים מנחה, ווי אויך א גרעסערע חבורה פון אר"י (ווי זיי האבען משלים געוועהן קריאת התורה ביי מנחה) ביינאכט איז אנגעקומען א קבוצה פון לעלוב'ע חסידים, ובתוכם הרב מרדכי געלבשטיין הי"ו משב"ק פון כ"ק אדמו"ר מ'לעלוב-בית שמש שליט"א וועלעכע איז געוועהן אויף די וועג קיין לעלוב-פולין לקראת די יא"צ פון הרה"ק ר' דוד'ל לעלוב'ער זי"ע, און נאך א קבוצה פון וויזניצער חסידים פון בני ברק– מיט משפחות, וועלכע האבן אלע איבער גענעכטיגט אין דעם בנין הכנסת אורחים.

הרב מרדכי געלבשטיין שליט"א משב"ק בית לעלוב אין מלוה מלכה שטוב

[אורחים בורחים דורכים]

באישון לילה איז אנגעקומען א חבורה פון אר"י משפחת ראטטער החשובה הי"ו אייניקלעך פון הגה"צ ר' יחזקאל ראטטער זצ"ל בעמח"ס זכרון יחזקאל תלמיד חביב להרה"ק מ'שינאווא זי"ע ומנו"כ בעיר קלויזענבורג, וועלעכע די יא"צ איז אויסגעפאלען בו ביום, ווי עס האט זיי אפגעווארט שיינע געדעקטע טישען ווי מען האט געפראוועט א יארצייט סעודה ווי מען האט פארברענגט א מיט סיפורי צדיקים.


דאנערשטאג:

צופרי איז געוועהן צוויי מנינים שחרית, קודם א מנין ותיקין מיט די לעלוב'ע חבורה, נאכדעם האט זיך געשטעלט דער צווייטער מנין שחרית פון די חבורה וויזניצער חסידים. עס איז געווען א סעודת פת שחרית ווי מען האט שיין פארברענגט מיט סיפורי צדיקים.

ליל ששי אין די שפעטע נאכט שעה'ן זענען אנגעקומען לשבות בצל הקודש, 30 בחורים פון די ישיבה אין ווילרייק-אנטווערפן בראשות דער ראש ישיבה הגה"צ ר' חיים ארי' שפיטץ שליט"א אין הרה"ג ר' ליפא טייטלבוים שליט"א מו"ץ בקהל יטב לב ור"מ בישיבה ווי זיי האבען געפראוועט א סעודת סיום מסכת און דערנאך געבליבען לינת לילה אין די בנין שע"י הכנסת אורחים.

סיום מסכת פון ישיבת ווילרייק בראשות הרה"ג רבי חיים ארי' שפיץ שליט"א ראש הישיבה

[אורחים בורחים דורכים]

.

[אורחים בורחים דורכים]

פרייטאג:

באשמורת הבוקר איז אנגעקומען א חשובע קבוצה פון איבער 60 אידן לשבות בצל הקודש, פון די חבורת נקודה טובה בראשות הרה"צ ר' יעקב משה סאלמענאוויטש שליט"א, -בתוך הבאים האט זיך אנגעזעהן הרבני הנגיד ר' אליעזר שיינער הי"ו- און נאך תפילת שחרית און פת שחרית האט מען זיי פלאצירט אין די בניני שע"י הכנסת אורחים.

אינדערפרי נאך וואס די בחורי חמד פון ישיבת ווילרייק האבן פארברענגט בלימוד התורה אין הייליגן קוויטל שטוב און אין די גרויסע שטוב דערנעבן – בית שלמה -האבן זיי זיך געשטעלט דאווענען בהתעוררות גדולה, און דערנאך זיך געוואשען לסעודת פת שחרית, און געגאנגן שופך שיח זיין ביים ציון הקדוש. ס"ה איז געווען 5 גרויסע מנינים שחרית.

פון די פרייטאג מיטאג שעות האט דאס הייליגע הויז אנגעהויבן צו ווירבלען מיט די פולע געסט בתוכם מוה"ר פנחס פאמפ הי"ו יו"ר ומנהל המוסדות בני יששכר בעיר דינוב-פולין, און צוליב דעם גרויסע פארקער איז די מיטעלסטע גרויסע שטוב פארוואנדעלט געווארן אלץ די טועמי' און קאווע שטוב, ווי עס איז געווען אנגעגרייט ווארימע מאכלים פאר טועמי' במשך דעם גאנצען טאג ביז צום זמן.



שב"ק:

דער שב"ק איז אפגעראכטען געווארן מיט א ריזן ציבור, צוויי גרויסע חבורות מיט נאך אסאך יחידים א סך הכל פון ארום 120 אידן, עס איז געוועהן באזינדערע מנינים סיי פאר די תפילות און סיי צו די סעודות וואס זענען געפראוועט געווארען מיט א שטארקע געהויבענקייט.

א חבורה פון ארום 40-50 אידן מ'קהל שמן למנחה נאדיפאלא – לעיקוואוד בנשיאות הגה"צ ר' שאול שמחה פריעדמאן שליט"א רב הקהילה, מיט זיין איידעם הרב ישראל האגער שליט"א בן הגה"צ אב"ד וויזניץ מאנטריאל שליט"א, נכד רבינו זי"ע וועלכע האבן שובת געווען אין דעם נאנטן שטעטל "טערצאל" האבען שב"ק צופרי אריינגעוואקט קיין קערעסטיר כדי צו דאווענען בביתו נאווה קודש, נאכען דאווענען איז צוגעגרייט געווארן א גרויסארטיגער קידושא רבא מיט ווארעמע מאכלים ווי דער רב שליט"א האט אויפגעטרעטען מיט דברי תורה. דערנאך האבן זיי געדאווענט מנחה מיט קריאת התורה און צוריק געגאנגען צו זייער אכסניא קיין "טערצאל".

עס זענען געוועהן עטליכע מנינים מנחה שבת נאכמיטאג, נאכפאלגענדיג מיט באזונדערע של"ס אין אלע צימערן פון הויז, ווי יעדע חבורה האט געפראוועט באזונדער מיט זייער ראש החבורה.


מוצש"ק:

תיכף נאך הבדלה האט מען כמנהג קערעסטיר צוגעשטעלט סעודת מל"מ פון דאסניי, אנגעהויבן צו קאכן און באקן פרישע מאכלים און חלות פאר בערך 200 אידן.

הרב פנחס פאמפ הי"ו יו"ר מוסדות בני יששכר דינוב, פוילן ביי הבדלה

[אורחים בורחים דורכים]

עס איז פארגעקומען 3 באזונדערע מל"מ'ס. חבורת נקודה טובה, ישיבה ווילירייק, קהל שמן למנחה, וועלעכע זענען געפראוועט געווארען מיט סיפורי צדיקים און זמירות שירות ותשבחות.

מלוה מלכה דורך קהל שמן למנחה נאדיפאלא

unnamed (11).jpg (42.38 KiB) געזען 1104 מאל

[אורחים בורחים דורכים]

די רקודין נאך מל"מ דורך קהל שמן למנחה נאדיפאלא

unnamed (12).jpg (25.23 KiB) געזען 1100 מאל

unnamed (13).jpg (26.16 KiB) געזען 1100 מאל

[אורחים בורחים דורכים]

באישון לילה בשעה 3:00 זענען אנגעקומען די לאנדאן'ער אידען וואס זענען געקומען ספעציעל צו פארן צו מלוה מלכה בביתו נאווה קודש פון ר' ישעי'לע זי"ע, וועלעכע איז שוין באקאנט היינט צוטאגס דא אין די שפאלעטנעס פון די "קערעסטירער טאג בוך" אלס א וועכענטליכע ערשיינונג, זייענדיג שוין די פערדע מל"מ די וואך. איז עס פריש צוגעשטעלט געווארען מיט פריש געדעקטע טישען, און נאך געהויבענע שעות איז מען געבליבען נעכטיגען אין די הערליכע בנין הכנסת אורחים.

מלוה מלכה דורך ישיבת ווילרייק בראשות רמ"י הישיבה הרה"ג ר' חיים ארי' שפיץ און הרה"ג ר' ליפא טייטלבוים שליט"א מו"ץ בקהל יטב לב אין אנטווערפן

unnamed (14).jpg (51.47 KiB) געזען 1077 מאל

[אורחים בורחים דורכים]

פר' בשלח

זונטאג:

צופרי האבן זיך געשטעלט 4 מנינים שחרית, און אין די פארמיטאג שעות איז אנגעקומען א קבוצה תלמידי וחסידי סאטמאר בראשות הגה''צ ר' חיים צבי טייטלבוים שליט"א אב"ד סיגוט-וומסב"ג וועלכער זענען געווען אויף שבת אין שטאט צאנז (זיי האבען געזאלט אנקומען צו מלוה ד'מלכה נאר צוליב אן עקסידענט אויפ'ן הויפט שאסיי פון פוילען קיין אונגארען זענען זיי געזעצן אין טרעפיק עטליכע שעות און געשפעטיגט און הערשט אנגעקומען אין די פארמיטאג שעות) און זיך געוואשען צו א סעודה און געזינגען זמירות למלוה דמלכה אזוי ווי מ'האט זיך געפירט אין צאנז, (זמירות מוצש"ק איז געזינגען געווארן זונטאג צופרי). עס האבן אויפגעטערעטען דער רב שליט"א. און הרה''ג ר' יושע געלב שליט"א מו''ץ בקהל יטב לב וומסב"ג.

הגה"צ אב"ד סיגוט וומס"ב שליט"א ביים סעודה אין מלוה מלכה שטוב

unnamed (15).jpg (43.08 KiB) געזען 1074 מאל

unnamed (16).jpg (42.49 KiB) געזען 1074 מאל

[אורחים בורחים דורכים]

איבער'ן טאג זענען געוועהן אסאך קבוצות. פון אר"י, לאנדאן, און חסידי סקווירא זייענדיג אויף'ן וועג אהיים פון לשבות בצל רבם האדמו"ר מ'סקווירא שליט"א. בתוכם הרה"ג ר' יוסף ישראל אייזענבערגר שליט"א דומ"ץ סקווירא, און הרה"ג ר' יצחק גדלי' יוסף שטערנבערג שליט"א רב דביהמ"ד משכן יוסף ב'מאנסי און מען איז געבליבען -נאכען סעודת ערב, און מנחה מעריב- אויף לינת לילה אין דעם בנין הכנסת אורחים

ביינאכט איז געקומען פון שטאט לעלוב -נאך'ן פראווענען א געהויבענעם שבת דארט- א גרופע לעלוב'ער אייניקלעך ובראשם הרה''ג מענדל גאלד שליט"א אב''ד לובלין חתן הרה''ק ר' שמעון מ'לעלוב זצוק''ל, ווי זיי האבען מיטגעדאווענט מנחה מעריב און נאכען סועד זיין האט מען גענעכטיגט אין דעם בנין הכנסת אורחים.



מאנטאג:

צופרי איז געוועהן צוויי מנינים שחרית, בהשתתפות בני הרה"צ ר' אברהם משה קרויס שליט"א אב"ד שפתי חן ד'טאפילטשאן-מאנסי, און הרה"ג ר' מענדל גאלד שליט"א הנ"ל -וועלעכע האבען גענעכטיגט די פארגאנגענע נאכט- נאכפאלגענדיג מיט א פת שחרית ווי מען האט פארברענגט מיט סיפורי צדיקים, איבער'ן טאג זענען געוועהן אידן פון אר"י און פון לאנדאן, און ווי אויך האט זיך אנגעזעהן מו"ה ר' שלום אליעזר פרענקל הי"ו גזבר ד'קהל יטב לב וומסב"ג, עס איז געוועהן 3 מנינים מנחה און 2 מנינים מעריב.



דינסטאג:

צופרי איז געוועהן עטליכע מנינים שחרית פון די אידן וואס האבען גענעכטיגט.פארמיטאג איז געקומען א קבוצה בעלזא חסידים בראשות הרה"ג ר' מאיר לעווי שליט"א דומ"ץ בעלזא בני ברק, בתוכם א אייניקעל פון מו"ה ר' גרשון ענגעל הי"ו (נכד להרה"ח ר' שלמה ענגל הי"ד מ'טאקאי) ווי זיי האבען סועד געוועהן און נאכדעם געדאווענט מנחה מיט גרויס התעוררות, ווי אויך איז געקומען א קבוצה פון חסידי וויזשניץ אר"י.


מיטאג צייט איז געווארען אפגעראכטען א שיינע רייכע עלעגאנטע שבע ברכות פאר חבורת מהמקובל הרה''צ רבי שמואל ארי' עקשטיין שליט''א פאר א חתן מרדכי ישראל אורליק הי"ו אחד מבני החבורה, וואס זיי זענען ספעציעל געקומען פון א"י פראווענען די לעצטע ש"ב אין ר' ישעי'לעס הייליג הויז נאכ'ן געהאלפן ווערן אין קערעסטיר. עס האט באשיינט, דער ראש החבורה הרה"צ רבי שמואל ארי' עקשטיין שליט"א הנ"ל און ווי אויך הינוקא מ'לעלוב שליט"א מ"מ אביו כ"ק אדמו"ר מ'לעלוב-ביתר זצוק"ל, עס איז געוועהן גאר א הערליכע מסיבת מריעים, ווי מען האט שיין פארברענגט בשירה ובזמרה ובמחולות, לכבוד שמחת חתן וכלה. דאן האט מען געדאווענט מנחה מעריב, און נאכדעם ארויף לציון הק' און א חלק געסט זענען געבליבען נעכטיגען אין די בנין הכנסת אורחים.

שיין אנגעגרייט צום שבע ברכות

IMG-20180123-WA0024.jpg (83.94 KiB) געזען 1026 מאל

[אורחים בורחים דורכים]

ראש החבורה הרה"צ המקובל רבי שמואל ארי' עקשטיין שליט"א טרעט אויף ביים שבע ברכות

unnamed (18).jpg (53.82 KiB) געזען 1069 מאל

[אורחים בורחים דורכים]

די חבורת "דברו אלי" ביים שבע ברכות, ווערט געזעהן האדמו"ר הינוקא מלעלוב שליט"א

unnamed (19).jpg (50.83 KiB) געזען 1066 מאל

[אורחים בורחים דורכים]

ספעציעלע ברכת מזל טוב לכ' שמחת השבע ברכות

unnamed (17).jpg (51.61 KiB) געזען 1025 מאל

[אורחים בורחים דורכים]

כחצות הלילה איז געקומען א גרויסע קבוצה פון ירושלים, מען האט געדאווענט מעריב, און דערנאך זיך געזעצט צו א סעודת ערב, סך הכל איז געוועהן 4 מנינים מעריב


מיטוואך:

צופרי נאך שחרית איז אנגעקומען א גרופע פון חברי איחוד הצלה פון אר"י, ווי זיי האבען פארברענגט אין הייליג הויז און סועד געוועהן און מתפלל געוועהן מנחה אין דעם הייליגן קוויטל שטוב, און עס איז געוועהן א חבורה פון לאנדאן בתוכם הרה"ג ר' שמואל ישעי' ווייסמאן שליטא נכד רבינו, שפעטער נאכמיטאג האט מען אויפגענומען מיט כבוד הרה''צ רבי ישעי' רובין שליט''א אבד"ק קערעסטיר וומסב"ג וועלעכער איז שוין געקומען אין פארברייטונג צום גרויסען שבת שירה הבעל"ט, עס איז געוועהן נאך א מנין מנחה נאכפאלגענדיג מיט מעריב. ס"ה איז געווען 3 מנינים מנחה.

[אורחים בורחים דורכים]

אש''ל.jpg (49.32 KiB) געזען 1055 מאל

[אורחים בורחים דורכים]

פאלגט נאך ווייטערדיגע באריכטען אין די נאנטע טעג, דא אין די אשכול

צו זיך אויפשרייבען כדי צו באקומען די נייעס אויף אימעיל, ביטע שיקט א אימעיל צו:
[email protected]

[אורחים בורחים דורכים]

(נישט אין סדר פון טאג בוך, א מודעה פון חצר אין די יעצטיגע מינוטען)

IMG-20180304-WA0034.jpg (173.73 KiB) געזען 952 מאל