מיין שכן האט געהאט א מיידל

[yankelshister]

"יאנקל" קלינגט דאס ווייב מיטוואך נאכט; פאר דו קומסט אהיים קענסטו אפשר אריינסטאפען אין גראסערי?
מ'האמיר דאך געשמוסט אז מען גייט איינקויפן אלעס פארן וואך ביים דארנעשטאג'ן ארדער?
יא, אבער ווייסט דאך אונזער שכינים זעקלוויטש האבן געבוירן דעם דריטן מיידל נאך פיר אינגלעך (ס'כאפט א גרויסע נפקא) און איך האב אנגעטראגן צו מאכן סאפער מארגן. איך דארף נישט קיין גרויסע זאכן, נאר צוויי עי קארן סקוואשעס, דריי גראבע מיירן, צוויי סעלערי העדס, א באנטש סעלערי, און עפעס גוטס. (כאילו איך ווייס נישט אז עפעס גוטס מיינט א מיליכיגע אייז קרים, פראבירן זאל איך אהיימקומען מיט א פעקל ליקעריש).


פארשטייט זיך אז די ווייב הייסט פאלגט מען אן צוויי מאל טראכטן, שלום בית איז דאך נישט קיין קלייניגקייט, אב"ע סברא ואב"ע קרא. אב"ע סברא, פראביר נאר צו פארגעסן. ואב"ע קרא, איש אמו ואביו תראו ק"ו לאשתו כמבואר. עכ"פ שלעפ איך מיך צום געשעפט, פארשטייט זיך אליינטס אז קיין עי קארן סקוואש איז נישט געווען בנמצא, ווען יא וואלט זי מיר דאס נישט געהייסן קויפן. אעפ"כ לא פוילאלטי, ווי נישט ווי גיי איך דאך אויך הנאה האבן פונעם פרישן וועטשערע פאר א טויש, נא אויב אזוי מעג איך דאך אביסל שוויצן, נישט אזוי? מרובה מידה טובה, איך האב געהאפט אז איך וועל עס געפונען ביים נעקסטן געשעפט, זעלבסט פארשטענדיג איך האב נישט, נאר נאך א פיר-פינעף געשעפטען האב איך ענדליך ג'נמצאט מה שיגעתית.


שלעפ איך מיך אהיים מיט מיין בזיעת אפיכ'דיגן גוף דערווארגען ווי די זון ביים סוף הליקוי, עטליסט זאל מיין עזר'ל וויסן ווי גוט זי האט צוגעטראפן, כ'גלייב שווער אז נאך אפאר מענער וואס וואלטן זיך אזוי מוסר נפש געווען. נישט ח"ו אריינצופאלן אין גאוה, דאך איז גוט אז דער אמת זאל געזאגט ווערן.


דארנעשטאג האמיר אביסל ממעט געווען פונעם געווענדליכן טשאלענט מיטאג, כדי להשאיר הנייר חלק מיטן חשבון צו לאזן דעם מאגן ליידיג פארן יד המלכ'דיגער נאכטמאל. אזא בחינה פון התירו תחילתן משום סופן, מען מעג דאך אביסל ממעט זיין בתענוג למען ספות הרוה את הצמאה, אזא פיינעם סעודה מעג דאך קומען לתאבון. גענדיגט ארבעטן פינעף דרייסיג, שנעל געלאפן מנחה מעריב'ן, נאך אזא סעודה'לע וועט זיך נישט אזוי גרינג ארויסשלעפן פון דערהיים.


ועני ואביון מגוזלו, קום איך אן אהיים אויסגעהונגערט ווי אן אפרוח שנולד ביום טוב, דער גערוך אינעם האלוועי האט מיך שוין צענומען די גלידער. אהה... מי מלל ומי פלל וואספארא סעודה עס קומט, לאנג לעבן זאל דעמעקראטיע און פלאצן זאלן אלע מתנגדים. טו מעיק עי שארט סטארי שארטער אסיים מעין הפתיחה, אן אריינגיין אין עקסטערע פרטים; טוביה חטא וזיגוד מינגד, מיין שכן האט געהאט א מיידל און איך באנדאש...


#ווען_סאמטינג_איז_טא_גאד_טא_בי_טרא...

[ציפקע]

[אויבער-חכם]

גאר גוט...
געשמאק צו זעהן ווי אנדערע ליידן אויכט מיינע קאשמארן

[טריסקער]

יענקל שוסטער ווי אייביג... האבעך אויסגעפלאצט אין א היסטערישע געלעכטער.

איבער אלעם האט מיר געכאפט ס'לעצטע שורה:

טו מעיק עי שארט סטארי שארטער אסיים מעין הפתיחה, אן אריינגיין אין עקסטערע פרטים; טוביה חטא וזיגוד מינגד, מיין שכן האט געהאט א מיידל און איך באנדאש...

ס'גאנצע מעשה קורץ און שארף מיט א הילכיגן געלעכטער נאכגעפאלגט...

[מטעמים]

פיין געלאכט. נהניתי מאוד.

[בא שבת בא מנוחה]

שטארק.. גאר שטארק.... פיין געלאכט

[טיפיקעל]

גיט געזאגט מיט א פיינע פאנטש ליין!


וואס איז טאקע געשען?

[קליינטשיגער]

באנדאש........!!!!!!

יענקל איז גאר גוט, אווי אלעמאל

[קאמפיוטער עקספערט]

געוואלדיג
ווער רעדט נאך פון די מליצות און אויסדרוקען

[וואדקע]

פיין פיין...

[דריידל]

א זיס פעדער'ל

[שאהן הענניטי]

הנאה געהאט

[tech yid]

פיינע נייעס...
האסט אנגעהויבן מיין טאג מיט א שמייכל

[דונש]

אוי איז דאס א גוטע פאנטשליין, איך בין פארגאנגען אין א געלעכטער!

[ויתן לך]

מיין ווייב פרעגט מיר פארוואס איך לאך, וואס זאל איך זאגן...

[עין טובה]

געוואלדיג
ווער רעדט נאך פון די מליצות און אויסדרוקען

גא"מ

[האסט נייעס]

זייער גוט

[שמועסער]

יאנקל יאנקל, שוין העכסט צייט צו פארמאכן דאס שוסטעריי און זיך אריינלייגן אין שרייבעריי..
זיסע זיסע לשונות!

ביים באנדאש האב איך אויסגעפלאצט

[יונה]

חחחחח גוט גוט, זעהר זעהר נאע געהאט.

[פטיש]

א געשמאקע פעדערל

[ראפאט קראמפלי]

אן ארטיקל בעסער אוואו א גוט שטיקל באנדאש...

[שמואל בארג]

איי זאגט איר גוט, זיס.

[מיגו]

גאר גוט און גאר זיס

און מזל טוב צו דיין שכן...

[ענדע צדיק!]

זיס און שמייכלדיג. האסט א פיינעם פעדער!

[ווערעצקי]

יאנקל.png (63.58 KiB) געזען 2474 מאל

אוי יאנקל יאנקל, ס'שפעט אין די נאכט, דאס לעכטעלע גייט שוין באלד אויסברענען....

געוואלדיג.... ר' יאנקל!!!