בנוגע ישיבות

געשמאקע ארטיקלן און בילדער וכדו'

די אחראים: אחראי, געלעגער

אוועטאר
טישטוך
שר מאה
תגובות: 227
זיך איינגעשריבען אום: זונטאג מאי 28, 2017 4:13 am
לאקאציע: בכלל נישט דאהי...

בנוגע ישיבות

תגובהדורך טישטוך » מוצ"ש יולי 01, 2017 9:09 pm

פון די צווייטע זייט

געשריבן דורך: טישטוך


"עס איז ממש א בראך, די ישיבות היינט איך זאג דיר ממש נישט צום זאך הערסטו?" בארט מיר מיין חבר דעם אויער בשעתן שלינגען מיין קאווע היינט צופרי אין ביהמ"ד, "מיין חבר דערציילט מיר אז זיין זון לערנט אין ישיבה, און הער א מעשה, עכזאגדיר העסט משוגע ווערן, נעכטן איז ער אנגעקומען אין ישיבה מיט א עם פי טרי וואס האט געהאט ראקבאקס דערויף, דער משגיח דארטן האט אים אהיימגעשיקט מיט בושות פאר די גאנצע ישיבה און ער האלט אים נישט ביים צוריקנעמען, ער האט אויף אין א גאנצער פייל מיט טענות, ממש ווי... ממש ווי אין רוסלאנד!" ביי דעם מאמענט כאפט ער אן מיין האנט אין וועלכן מיין האלב אויסגעטרינקענעם קאווע איז געליגן און ער נעמט זיך עס שאקלען מיט פארמאכטע אויגן "מען מוז זען עפעס צו טון! מען מוז אונטערברענגען די גאנצע ניי געשאפענע חינוך סיסטעם! דו קענסט יענקלען? דו ווייסט אז זיין זון ברוך איז געפלויגן פון ישיבה עטליכע וואכן צוריק, היינט דעליווערט ער פאר א פיצא שאפ! עס טוט מיר אזוי וויי און אלס א דאנק די נייע חינוך סיסטעם!"
איך הייב שוין אן נתפעל ווערן און מיטגעשלעפט ווערן מיט זיין התרגשות, אין מיין קאפ וועבן זיך שוין פלענער וואס צו טון ווען א קליינע מחשבהלע פליט דורך אין מיין געדאנק, ממש א קליין מחשבהלע... איך האב דא געהערט איין מעשהלע וואס איך ווייס ניטאמאל ווי מדויק עס איז און ווי פונקטליך איך האב עס נאכגעהערט, ווען ער דערציילט ווען אזא מעשהאויף מיין רבי וואלט איך עס נישט געגלייבט, איז פארוואס ווען ער דערציילט עס אויף א מענטש וואס איך קען נישט און אויף א בחור וואס איך קען אפילו נישט, פארוואס נעמט עס מיר אזוי איבער?
אלא מאי, עס קומט פון מיין אייגענע ווייטאג, מיין פריוואטע ווייטאג וואס איך האב געהאט זייענדיג א ישיבה קטנה בחורל, איך דערמאן זיך וואס עס האט פאסירט... דער מגיד שיעור איז טאקע נישט געווען גערעכט, אבער היינט ווען איך קוק אביסל פון אן ערוואקסענעם פערספעקטיוו פארשטיי איך אז ער האט אויך געהאט שטארקע טענות אויף מיר דער אומשולדיגער בחורל... שוין אבער לאמיר אריינטראכטן פון דעם משגיחס קוק ווינקל וואס קען מיינען אזא אויפרייס אויף א בחור.
דער ערשטער זאך וואס מען דארף נעמען אין באטראכט אז א משגיח איז געווענליך פון א העכערן סטאנדארט און ער איז בעצם א חשובער פערזענליכקייט, ווי מען קען זען אין די ליטווישע ישיבות וויאזוי מען רעספעקטירט א משגיח, פארשטייט זיך אז עס איז אלס דא אויסנאמען אבער דאס אליין אז ער האט גענומען אויף זיך אזא מין פאך וועלכער גייט אריין בגדר כלי קודש איז ער שוין א גוטער מענטש... אבער לאמיר רעדן אפילו פון א פשוטער משגיח אין א קליינע ישיבה פון פופציג בחורים, א בחור וואס קומט אריין אין ישיבה קטנה איז געווענליך נאך א חדר יונגל, וואס איז א חילוק? פאר א וואך צוריק איז ער געזיצן אין כיתה ט און געכאפט פעטש פון זיין מלמד... א בחור אין ישיבה גדולה איז שוין מער ערוואקסן אבער לאמיר פאקוסירן אויף ישיבה קטנה וואו מען גיבט זיך מער איבער אויף צו בויען דעם בחור, קומט אריין א חדר יונגעלע אין א נייע רוח, א רוח פון לערנען, א רוח פון דאווענען, ער הייבט אן לערנען אליין אן קיין שיעור, ער לערנט בחברותא פאר לענגערע שעות אן קיין ריסעס... ווען ער קומט אריין אין ישיבה און ער איז עובר אויף אפילו איינע פון די קלענסטע תקנות אין ישיבה, שטערט עס פאר דעם משגיח צו בויען די אנדערע בחורים, עס שטערט פון פירן א ישיבה, אין אנדערע ווערטער מען קען נישט דן זיין די עולה און דאס ארויסווארפן מיט די געפיל, מען מוז עס דן זיין מיט א בליק פון דער הייעך, א בליק פון אויבן און נישט זיך לאזן פירן פון די געפילן, אין אנדערע ווערטער א מח שליט על הלב.
דער בחור וואס טוט קעגן איינע פון די תקנות אין ישיבה ברענגט אונטער די רוח וואס דער משגיח פרובירט מיט אייזערנע כוחות אריינצוברענגען אין די בחורים, מען קען דאס נישט פארלייקענען, יא, מען קען זיין אנגעווייטאג, אבער מען קען נישט אפפסלען דעם משגיח מיט ווייטאגליכע געפילן.
יעצט לאמיר אריבערגיין צו ווען א בחור פליט פון ישיבה גדולה, ווי מיר אלע ווייסן איז דער מצב היינט ממש געפערליך אין די גאס, טויזענטער בחורים זענען ליידער נשפע פון די גויישע רוח אין גאס, אין די גויישע רוח איז אריינגערעכנט פילצאליגע זאכן ווי זיך אנטון שיין און זיך אנהערן מיט מאדערנע מוזיק פון די חסידי(אומות העולם)שע זינגערס און פארשטייט זיך די אינטערנעט און דאס אלעס וואס מיר האבן נישט געזען ביי אונזערע זיידעס ואכמ"ל, די אלע זאכן זענען זייער גרינג צו איבערכאפן פון איינער צום צווייטן, דערבער ווען א בחור איז אנגעקלעבט מיט סיי וועלכע מאדע און ער איז אנגעפיקעוועט מיט אלע השקפות פון די אויפגעקלערטע אדער ווי מען רופט עס אויף יודיש די גויישע גאס און עס איז אפילו נאר א ספק אז ער גייט עס משפיע זיין אויף אנדערע בחורים קען מען אים נישט האלטן אין אזא סביבה און ווי מיר אלע ווייסן אז ביי דיני נפשות איז מען אייביג דן לחומרא.
יא, גערעכט, אנשטאט ווארפן דעם בחור צו די הונט און זיך נישט אומקוקן אויף אים דארף מען אים צושטעלן הילף אבער דער פראבלעםאיז אז ווען דער בחור פליט האלט ער ביי זיך אז ער דארף נישט קיין הילף און ער באקומט נאך די שטיצע פון זיינע חברים און אין געוויסע פעלער אפילו פון זיינע עלטערן ווערט ער אויטאמאטיש פארשלאסן און די טויערן אים צו העלפן זענען הערמאטיש פארשלאסן ווייל ווען איינער וויל זיך נישט העלפן קען מען אים נישט העלפן, ב"ה עם ישראל לא אלמן, עס זענען דא גענוג ארגענעזאציעס וואס העלפן בחורים אבער נאר אזעלכע וועלכע זענען גרייט זיך צו העלפן.
איך האב גענומען מיין לעצטע שלונג פונעם קאווע און געענטפערט פאר מיין חבר וועלכער האט נאך געווארט פאר מיין רעאקציע "איך ווייס נישט אלעס און דו ווייסט נישט אלעס,לאמיר זיין פארנומען מיט אונזערע אייגענע פעלערן.
[i]א מענטש האט גארנישט, קען גארנישט, אבער טוט אלעס.[/i]

בארואיגט-אייך
שר חמש מאות
תגובות: 573
זיך איינגעשריבען אום: דאנארשטאג יוני 15, 2017 11:53 am

תגובהדורך בארואיגט-אייך » מוצ"ש יולי 01, 2017 10:08 pm

איך מיין אז די טישטוך איז אביסל שטומפינג........

לאזער גאלד
שר העשר
תגובות: 13
זיך איינגעשריבען אום: פרייטאג יוני 30, 2017 5:39 pm

תגובהדורך לאזער גאלד » מוצ"ש יולי 01, 2017 10:39 pm

איך האב א פילינג אז מגייט מעקן דא

אוועטאר
געשמאקע ווינטל
שר מאה
תגובות: 121
זיך איינגעשריבען אום: מוצ"ש מארטש 18, 2017 9:06 pm

תגובהדורך געשמאקע ווינטל » מוצ"ש יולי 01, 2017 10:53 pm

ארויסווארפן א בחור פאר'ן האבן אן עם פי טרי איז אן עולה גדולה (ווארט א מינוט)

נאר וואס דען? אויב דער בחור האט שוין א רעקארד אויף זיך פון עולות, איז דאס שוין געווען ווי דער מכה בפטיש.
אבער אויב דער משגיח האט דאס יעצט געזען דער ערשטער מאל און האט פשוט געמיינט אז דער בחור וויל 'אונטערברענגען די ישיבה' און וועגן דעם איז ער ארויס פון די כלים, זאל ער זיך ביטע אביסל בארואיגן, און גיין בהשכל ובדעת.
ווער נישט געפירט דורכ'ן וועטער. אפילו ס'איז פארוואלקנט, רעגנדיג, די זון בראט, די קעלט ציפט, נישטא קיין לופט... דאך, גיב א שמייכל!

אוועטאר
עין טובה
שר שלשת אלפים
תגובות: 3801
זיך איינגעשריבען אום: דאנארשטאג נובעמבער 27, 2014 9:46 pm
לאקאציע: 127.0.0.1
פארבינד זיך:

תגובהדורך עין טובה » מוצ"ש יולי 01, 2017 10:55 pm

קיינער דא איז נישט קיין משגיח צו קענען ענטפערן די צווייטע זייט... און אזויווי דו האסט געזאגט, לאמיר זיין פארנומען מיט אונזערע אייגענע פעלערן...
אבער אלס קליינע הסברה, פונקט ווי דו פארשטייסט אז אין ישיבה קטנה שטערט עס צו פירן א ישיבה, "שטערט עס פאר דעם משגיח צו בויען די אנדערע בחורים" וכדומה, אזוי פארשטיי אויך אז אין ישיבה גדולה איז אויך דא פעלער וואס די הנהלה פארשטייט אז ווען די בחור געפונט זיך אין ישיבה איז עס א גרויסע שאדן.

איך גיי נישט זאגן אז אין יעדע פאל איז די הנהלה גערעכט, אבער יעדע פאל איז א קעיס פאר זוך און מ'קען נישט אפלערנען חדא מתרתי.
...

אוועטאר
געשמאקע ווינטל
שר מאה
תגובות: 121
זיך איינגעשריבען אום: מוצ"ש מארטש 18, 2017 9:06 pm

תגובהדורך געשמאקע ווינטל » מוצ"ש יולי 01, 2017 11:07 pm

עין טובה האט געשריבן:קיינער דא איז נישט קיין משגיח


ווער זאגט דיר? :?: :P
ווער נישט געפירט דורכ'ן וועטער. אפילו ס'איז פארוואלקנט, רעגנדיג, די זון בראט, די קעלט ציפט, נישטא קיין לופט... דאך, גיב א שמייכל!

איסר האטלקי
שר האלפיים
תגובות: 2243
זיך איינגעשריבען אום: פרייטאג יולי 15, 2016 12:37 am
לאקאציע: אין בעסמענט

תגובהדורך איסר האטלקי » מוצ"ש יולי 01, 2017 11:21 pm

זייער שטארק ארויסגעברענגט א צווייטע זייט. עס זענען פארהאן צענדליגער אזעלכע סארט זאכן היינט צוטאגס וואס ביי דעם איז נישט פארהאן קיין איסורים ווי לשון הרע און הוצאות שם רע וכו'. אלע ישיבות איז א מצוה דאורייתא אונטערצוברענגען פארן נישט אננעמען און ארויסווארפן בחורים. אבער ניין, עס איז דא א צווייטע זייט ביי דעם עבירה - וואס איז ביי מאנכע ארגער פון אינטערנעט און גיוס - אויך. מען קען פארשטיין אז עפעס ליגט דא.

און אזוי אויך דארף מען וויסן, אז ווען מען נעמט זיך אן פארן בחור און מען וואלאנטירט צו שימפפן און שעלטן קעגן די ישיבה, וויפיל מען מאכט חרוב אדאנק דעם. עס גיבט פארן בחור הויפנס חיזוק און קאנפידענס אין זיין מערכה'לע, און ער קען שוין מער נישט דולדן דעם ישיבה, אפילו אויב גייט ער צוריקקומען צופיל גייט ער שוין נישט מקבל זיין דארט. ויש להאריך עוד הרבה.

יישר כח גדול טישטוך!!
כתיבה וחתימה טובה לכל בית ישראל, שנה טובה מתוקה ונחמדה!
כ"ד המברך הק' איסר דאורייתא, פה אטליה יצ"ו

אוועטאר
כא כא כא
שר האלף
תגובות: 1061
זיך איינגעשריבען אום: דינסטאג ינואר 31, 2017 5:28 pm

תגובהדורך כא כא כא » מוצ"ש יולי 01, 2017 11:33 pm

זייער גוט געזאגט ר' טישטוך און יישרכח ר' איסר פאר די צוויי וויכטיגע פעניס.
האסטו שוין אמאל געהערט ווי די רויבערס צילאכן זיך...
לאך פון די וועלט
קח''א קארדינעיטאר

אוועטאר
למעלה משבעים
שר תשעת אלפים
תגובות: 9395
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מוצ"ש יולי 01, 2017 11:50 pm

אויב די מעשה איז וואר, ליגט די ענטפער אין די צוויי שורות פונעם פאטער, די ווערטער זענען אים נישט געבויערן היינט ווען זיין זון האט זיך פארשאפט ראק-באקס [פון וואנט טאקע? מן הסתם גוטע! חברים...], און מען האט אים געווארפן, דער זון האט פשטות געהאט א גוטן מלמד קעגן די הנהלת הישיבה, סארי די ניי געשאפענע חינוך סיסטעם... און די פאטער וואונדערט זיך נאך וואס מען וויל פון זיין זון...
טישטוך האט געשריבן:"ער האט אויף אין א גאנצער פייל מיט טענות" "מען מוז אונטערברענגען די גאנצע ניי געשאפענע חינוך סיסטעם! דו קענסט יענקלען? דו ווייסט אז זיין זון ברוך איז געפלויגן פון ישיבה עטליכע וואכן צוריק, היינט דעליווערט ער פאר א פיצא שאפ! עס טוט מיר אזוי וויי און אלס א דאנק די נייע חינוך סיסטעם!"

מי יודע
שר ששת אלפים
תגובות: 6197
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » זונטאג יולי 02, 2017 10:43 am

טישטוך האט געשריבן:דער ערשטער זאך וואס מען דארף נעמען אין באטראכט אז א משגיח איז געווענליך פון א העכערן סטאנדארט און ער איז בעצם א חשובער פערזענליכקייט, ווי מען קען זען אין די ליטווישע ישיבות וויאזוי מען רעספעקטירט א משגיח, פארשטייט זיך אז עס איז אלס דא אויסנאמען אבער דאס אליין אז ער האט גענומען אויף זיך אזא מין פאך וועלכער גייט אריין בגדר כלי קודש איז ער שוין א גוטער מענטש... אבער לאמיר רעדן אפילו פון א פשוטער משגיח אין א קליינע ישיבה פון פופציג בחורים, א בחור וואס קומט אריין אין ישיבה קטנה איז געווענליך נאך א חדר יונגל, וואס איז א חילוק? פאר א וואך צוריק איז ער געזיצן אין כיתה ט און געכאפט פעטש פון זיין מלמד...

איך רעד נישט אריין אין די גאנצע מעשה דא, אבער א קליינע הגה, זיי מיר נישט מדמה די משגיחים פון אונזערע ישיבות צו די משגיחים פון די ליטווישע ישיבות, ווייל די משגיחים פון אונזערע ישיבות וואס איך קען זענען א גרויס חלק פון זיי טאקע נישט געזיצן א וואך צוריק אין כתה ט' און געכאפט פעטש, נאר פאר 5-6 יאר צוריק, און זיי פארשטייען צו חינוך ווי איך פארשטיי צו דרייוון א באס, און זייער אסאך מאל איז זייער גאנצער ביהעווער א תולדה פון זייערע קינדער'ישע מדות וואס איז נאך נישט אויסגעוואקסן אין אים (איך רעד פון עקספירעינס).

נאכאמאל, איך רעד נישט פון די ספעסיפיש מעשה, דא למשל אויב האט מען גערעדט פאר דעם אין ישיבה דערוועגן און געווארענט, קען קיינער נישט האבן קיין טענות
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

El Rushbo
שר האלף
תגובות: 1140
זיך איינגעשריבען אום: פרייטאג אוקטובער 31, 2014 10:34 am
לאקאציע: Almost Daily on MSNBC...

תגובהדורך El Rushbo » זונטאג יולי 02, 2017 11:08 am

חוץ וואס ביידע טראגן דעם זעלבן טיטול 'משגיח', האבן די צוויי גארנישט אין קאמאן. און אזא איינער וואס הייסט משגיח ביי אונז, וואלט קיינמאל געקריגן א 'משגיח' פאסטן בעולם הליטאי.
אפשר וואלט כדי געווען צו שאפן אזא פאסטן ביי אונז, אבער כהיום איז עס נישטא -עכ"פ אפיציעל-.

איז דא איינער וואס האט געלערנט אין ליטווישע ישיבות אלץ בחור?

איך בין נייגעריג צו דער 'רוח' אין ישיבה איז געווען אזוי קינדעריש ווי ביי אונז.

אוועטאר
לאנדאנער
שר חמש מאות
תגובות: 564
זיך איינגעשריבען אום: דינסטאג אפריל 18, 2017 6:32 pm

אפאר נקודות

תגובהדורך לאנדאנער » זונטאג יולי 02, 2017 11:19 am

1) ווער זאגט דיך עס איז טאקע אזוי געווען דער מעשה אפשר איז עס נאר דאס וואס דער טאטע טענה'ט און דער משגיח האט א אנדערע מעשה אינגאנצן?
2) אפילו אוב דער משגיח זאגט יא אז דאס איז די סיבה אפשר וויל ער פשוט נישט באשמוציגען דער בחור כדי ער זאל ווערן אנגענומען ערגעץ אנדערש?
3) ווייסטו וואס מען קען אלץ טון מיט ראקבאקס?
4) אפשר האט דער MP3 געהאט טריפה'נע ווידיאס? (יא מען קען עס WATCHEN נאר דורך ראקבאקס)
5) אפילו וועסט זאגן אז איז נישט געווען קיין ווידיאס אויף דעם אפשר האט דער בחור ארויסגעשלעפט שנעל דער SD קארטל?
6) אפילו אויב דער SD קארטל איז געבליבן אינעווייניג אפשר ווייסט דער משגיח אז ער האט נאך איינס?
7) אפילו אויב ער האט נישט נאך איינס אפשר ווייסט דער משגיח אז אנדערע בחורים האבן און עס פארט ארום?
8) אפשר איז ראקבאקס א מכת הישיבה און דער משגיח האט געווארנט פארדעם?
9) אפשר פלאנט ער עם צוריקצונעמען און אפאר טעג ער וויל עם פשוט לערנען פאר נעקסטע מאל?

שמואל בארג
שר האלף
תגובות: 1789
זיך איינגעשריבען אום: דאנארשטאג פאברואר 18, 2016 6:44 pm

תגובהדורך שמואל בארג » זונטאג יולי 02, 2017 11:35 am

מעשה שהי':

א בחור איז ארויסגעריקט געווארן פון א ישיבה דער תירוץ פונעם משגיח צום טאטן איז געווען ער שטייט אויף שפעט און ער האלט זיך נישט צו זמנים.

דער טאטע האט אנגעהויבן פירן א מערכה אדירה אקעגן די ישיבה בכלל (איינע פון די גרעסטע חסידישע ישיבות באמעריקע) און אקעגן דעם משגיח בפרט, מיינס א חבר אן איש החינוך און א נאנטער משפחה מיטגלידער פונעם משגיח האט אים אטאקירט ביי א משפחה שמחה איבער דעם פאל, דער משגיח האט אים מגלה געווען וואס עס איז 'באמת' געליגן אונטערן זריקה און ער האט אים צוגעלייגט "ווען דער טאטע ווייסט ווען וואס עס גייט פאר וואלט ער נישט געוואוסט וואו זיך אהינצוטוהן, עס וואלט נישט געווען לתועלתו ולתועלת הבחור, דער טאטע וויל נישט וויסן".

דאס איז א גבורה פון א משגיח צו אריינכאפן פיילן און זיך האלטן דאס מויל.

El Rushbo
שר האלף
תגובות: 1140
זיך איינגעשריבען אום: פרייטאג אוקטובער 31, 2014 10:34 am
לאקאציע: Almost Daily on MSNBC...

תגובהדורך El Rushbo » זונטאג יולי 02, 2017 12:00 pm

טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.

אוועטאר
דונש
שר האלף
תגובות: 1460
זיך איינגעשריבען אום: מיטוואך ינואר 25, 2017 3:23 pm
לאקאציע: שבתדיגע זמירות

תגובהדורך דונש » זונטאג יולי 02, 2017 12:05 pm

על ראשבא

ביי געוויסע איז סך געזונטער אז דער פאטער זאל דייקא נישט וויסן וואס מיט זיין גייט פאר,

אבער אין נארמאלע אומשטענדען איז דייקא יא גוט אז דער טאטע ווייסט.
זוכט איר דוי?

אוועטאר
משה מאשקאוויטש
שר חמש מאות
תגובות: 839
זיך איינגעשריבען אום: מוצ"ש דעצמבער 05, 2015 2:47 pm

תגובהדורך משה מאשקאוויטש » זונטאג יולי 02, 2017 12:07 pm

El Rushbo האט געשריבן:טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.

און אויך אויב ער וויל אויסערליך נישט וויסן, דאך וויל ער (און דארף ער) וויסן...

די נושא איס א שווערע און דורכגעקייעטע נושא. אבער אין איין ווארט לויט מיין מיינונג:

ווען ישיבות וואלטן ווען געווען אוועקגעשטעלט לשם שמים מיטן ציל אויפצובויען דורת און חיילות להשם ולתורתו, וואלטן אלע טענות אויף ישיבות גערעכט געווען, אבער וויבאלד די סיסטעם אז בכלל נישט געוואנדן אין דעם און די כונה איז אין פאקט (יא, פאקט) גענצליך אנדערש, קען מען קיין טענות נישט האבן.

אביסל שארף, אבער עס איז בלויז #מיין מיינונג
הלואי ווען איך קען ווען טוישן מיין ניק נאמען, כ'וואלט עס שוין לאנג געטוהן...

שמואל בארג
שר האלף
תגובות: 1789
זיך איינגעשריבען אום: דאנארשטאג פאברואר 18, 2016 6:44 pm

תגובהדורך שמואל בארג » זונטאג יולי 02, 2017 12:21 pm

El Rushbo האט געשריבן:טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.


ווייל אין דעם פאל וואס עס האט זיך גערעדט פון א 19 יעריגער בחור וואס דער טאטע וואלט נישט געקענט ארויסהעלפן, עס וואלט בלויז געקאסט זיין געזונט און קאמיוניקאציע און שליטה אויף זיין תכשיט.

El Rushbo
שר האלף
תגובות: 1140
זיך איינגעשריבען אום: פרייטאג אוקטובער 31, 2014 10:34 am
לאקאציע: Almost Daily on MSNBC...

תגובהדורך El Rushbo » זונטאג יולי 02, 2017 12:33 pm

שמואל בארג האט געשריבן:
El Rushbo האט געשריבן:טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.


ווייל אין דעם פאל וואס עס האט זיך גערעדט פון א 19 יעריגער בחור וואס דער טאטע וואלט נישט געקענט ארויסהעלפן, עס וואלט בלויז געקאסט זיין געזונט און קאמיוניקאציע און שליטה אויף זיין תכשיט.

ס'איז עפעס וואס ווענדט זיל ביי יעדן פאל באזונדער, אבער 'געווענליך' קען מען מגלה זיין דעם אמת למחצה לשליש ולרביע, אויב נישט פארן טאטן, כאטש פאר א נאנטע קרוב.

איך רעד נישט אריין, נאר ס'איז אויפפאלנד.

ערעב משה. איך בין נישט זיכער פון וועלכע אנדערע ציהל דו רעדסט, אבער ביי די גרויסע, חסידישע, עסטעבלישמענט ישיבות, איז נישט דא קיין 'עליטע' חשבונות וואס אינפעקטירט די קלענערע ישיבות.

יאיר גאלד
שר חמש מאות
תגובות: 503
זיך איינגעשריבען אום: פרייטאג אפריל 21, 2017 3:16 pm

תגובהדורך יאיר גאלד » זונטאג יולי 02, 2017 12:45 pm

שמואל בארג האט געשריבן:
El Rushbo האט געשריבן:טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.


ווייל אין דעם פאל וואס עס האט זיך גערעדט פון א 19 יעריגער בחור וואס דער טאטע וואלט נישט געקענט ארויסהעלפן, עס וואלט בלויז געקאסט זיין געזונט און קאמיוניקאציע און שליטה אויף זיין תכשיט.

אזוי ווי אין האלב צו אפילו רוב פעלער אויף וואס מען ווארפט היינט. א טאטע קען פיל מאל בלויז צולייגן זאלץ צו די וואונדן און זיך עסן אויפן -צומאל אומשולדיגן - בחור, און עס קען קאסטן גאר טייער.
איך ווייס א פאל ווען מען האט צוויי בחורים געווארפן אינאיינעם. איין טאטע האט מען געזאגט די סיבה און פארן צווייטן האט מען נישט געזאגט. דער טאטע וואס האט געוואוסט, האט אפגעהאקט מיטן זון, ער איז געפארן קיין מיר ווען דער טאטע האט אויפגעגעבן אויף אים און ער איז געגאנגען צוגרינד, היינט זוכט ער נאך א שידוך. דער צווייטער האט דער טאטע נישט געוואוסט, ער האט זיך שיין געסעטעלט אין א צווייטע ישיבה ווי דער טאטע האט אים אריינגעשטעלט, און איז היינט א סוקסעספול בן תורה אינגערמאן.
די משגיחים קענען בעסער די סעטואציע ווי 99 פראצענט טאטעס היינט, ליידער.

א חשובער היינטיגער ראש ישיבה האט מיר אמאל געזאגט, קינדער קענען היינט די טאטעס בעסער ווי די טאטעס קענען די אייגענע קינדער!! והנה אמת נכון הדבר.

[איך רעד נישט אלס משגיח אדער ראש ישיבה, נאר אלס איינער וואס איז געווארפן געווארן פון ישיבה פאר ווייניגער פון אכט יאר צוריק, נישט זאגנדיג פאר מיין טאטע פארוואס.
פארוואס טענה'סטו דיך מיט מיר? זעסטו דען נישט אז כ'הייב נישט אן צו וויסן וואס כ'רעד?!

אההה, ווייל דו ווייסט אויך נישט וואס דו רעדסט!

שמואל בארג
שר האלף
תגובות: 1789
זיך איינגעשריבען אום: דאנארשטאג פאברואר 18, 2016 6:44 pm

תגובהדורך שמואל בארג » זונטאג יולי 02, 2017 12:49 pm

יאיר גאלד האט געשריבן:
שמואל בארג האט געשריבן:
El Rushbo האט געשריבן:טאקע א גבורה.

וואס איז פשט אז דער משגיח וויל נישט מגלה זיין דעם אמת פארן טאטן? איך מיין אז א יעדע טאטע וואלט ווען געוואלט וויסן דעם אמת אפגעזעהן ווי ווייטאגליך דאס איז.


ווייל אין דעם פאל וואס עס האט זיך גערעדט פון א 19 יעריגער בחור וואס דער טאטע וואלט נישט געקענט ארויסהעלפן, עס וואלט בלויז געקאסט זיין געזונט און קאמיוניקאציע און שליטה אויף זיין תכשיט.

אזוי ווי אין האלב צו אפילו רוב פעלער אויף וואס מען ווארפט היינט. א טאטע קען פיל מאל בלויז צולייגן זאלץ צו די וואונדן און זיך עסן אויפן -צומאל אומשולדיגן - בחור, און עס קען קאסטן גאר טייער.
איך ווייס א פאל ווען מען האט צוויי בחורים געווארפן אינאיינעם. איין טאטע האט מען געזאגט די סיבה און פארן צווייטן האט מען נישט געזאגט. דער טאטע וואס האט געוואוסט, האט אפגעהאקט מיטן זון, ער איז געפארן קיין מיר ווען דער טאטע האט אויפגעגעבן אויף אים און ער איז געגאנגען צוגרינד, היינט זוכט ער נאך א שידוך. דער צווייטער האט דער טאטע נישט געוואוסט, ער האט זיך שיין געסעטעלט אין א צווייטע ישיבה ווי דער טאטע האט אים אריינגעשטעלט, און איז היינט א סוקסעספול בן תורה אינגערמאן.
די משגיחים קענען בעסער די סעטואציע ווי 99 פראצענט טאטעס היינט, ליידער.

א חשובער היינטיגער ראש ישיבה האט מיר אמאל געזאגט, קינדער קענען היינט די טאטעס בעסער ווי די טאטעס קענען די אייגענע קינדער!! והנה אמת נכון הדבר.

[איך רעד נישט אלס משגיח אדער ראש ישיבה, נאר אלס איינער וואס איז געווארפן געווארן פון ישיבה פאר ווייניגער פון אכט יאר צוריק, נישט זאגנדיג פאר מיין טאטע פארוואס.]


אמת'דיגע ווערטער.

אוועטאר
אומאפיציעל
שר חמישים ומאתים
תגובות: 491
זיך איינגעשריבען אום: דאנארשטאג פאברואר 16, 2012 4:24 pm

תגובהדורך אומאפיציעל » פרייטאג יולי 07, 2017 1:51 pm

יעצט מיטגעהאלטן דעם זמן א בחור איז געפלויגן פון א ישיבה, און ער האט געוויינט בדמעות שליש אז זיין טאטע מאכט אים דאס טויט אינדערהיים, ב"ה עס האט זיך למעשה געסעטלט. אבער אפט מאל איז דא עלטערן אן שכל, מען טאר נישט אלעמאל אלעס פארציילן פארן טאטן.

און איך קען אייך אויך זאגן ביודעי ובמכירי, געווענליך ווען מען ווארפט א בחור איז דאס א בילד-אפ פון אסאך זאכן, נישט פון איין עולה (אויסער אויב די עוולה איז גאר א גרויסע).

אוועטאר
טישטוך
שר מאה
תגובות: 227
זיך איינגעשריבען אום: זונטאג מאי 28, 2017 4:13 am
לאקאציע: בכלל נישט דאהי...

למעשה בלייבט...

תגובהדורך טישטוך » זונטאג יולי 09, 2017 5:33 pm

וואס עס איז זיכער און קיינער האט זיך נישט געשטעלט דערויף איז אז עס אטיז למעשה פארהאנען א צווייטע זייט.
[i]א מענטש האט גארנישט, קען גארנישט, אבער טוט אלעס.[/i]

פראהביטש
שר חמש מאות
תגובות: 600
זיך איינגעשריבען אום: דאנארשטאג יוני 15, 2017 7:01 pm

תגובהדורך פראהביטש » דינסטאג יוני 04, 2019 12:29 am

IMG-20190603-WA0001.jpg
IMG-20190603-WA0001.jpg (39.35 KiB) געזעהן 239 מאל


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: Kosher Travel, Zeltzer, מצא און 19 געסט