האסט געהערט די נייעס?

[שמעלקא זאפטיגער]

מענטשן זענען דאך מענטשן, און אז מ'איז א מענטש קען מען זיך נישט אייביג קאנטראלירן. און אז מ'קען זיך נישט אייביג קאנטראלירן פרעגט מען ווען מ'איז נייגעריג.

שטיי איך אין א ספאט פון אוי לי אם אומר, אוי לי אם לא אומר. וועל איך זאגן, איז האסטו דאך בפירוש געזאגט! איך האב געזען אין דיין תגובה שווארץ אויף בלוי אז דו האסט עס אליין געזאגט, טא עס האט נישט קיין זין צו לייקענען... זאל איך נישט זאגן? איז ער דאך נייגעריג ווי א ווייסעכוואס און ער וועט מיר נישט צורוה לאזן ביז ווילאנג איך וועל נישט שטילן זיין געפערליכע נייגער.

נו שוין, שיין זע איך אויס. מיט אזעלכע פריינד - פלעגן די גוטזאגער מיט די אויסגעדראשענע פאלקס ווערטער שטענדיג זאגן - ווער דארף נאך פיינט?...

***

- זאג נאר שמעלקא, וואו איז דיין שוואגער די לעצטע שטיק צייט? איך הער אז זייט ער איז געפלויגן פון זיין דזשאב שעמט ער זיך ארויסצוגיין פון גאס, איז וואר?

- וואס נאך האסטו געהערט בערקע?

- אז זיין ווייב איז אים נישט מוחל... זאג נאר, דיין שוועסטער איז אויך אזא שארפע ווי דיר? איינמאל מ'טרעט אויפן הינעראויג איז די מעשה פארטיג? בקיצור, סאו וואס טוט דיין שוואגער יעצט?

- האסט דאך יעצט געזאגט, ער שלאגט זיך מיט זיין פלונית'טע, ניין?

- כי כי כי שמעלקא, מאך דיר נישט נאריש, דו ווייסט דאך אז א זאך וואס גייט אריין אין מיר בלייבט דארט. ס'איז אמת אז דער רב האט זיך שוין אריינגעמישט?

- איך זע אז דו ווייסט שוין מער ווי מיר, זיי מוחל מיש א צווייטנ'ס טעפל. איך בין נישט דיין אינפארמאציע צענטער, און בכלל נישט ווייל דיין נאז איז לאנג, קומט דיר צו שמעקן טאביק יעדע צווי מינוט...

- אבער נאר איין זאך זאג מיר שמעלקא...

- זיי מיר געזונט, איך דארף לויפן, הצלחה...

***

- האלאו, חיים, וואס מאכסטו עפעס גוט'ס?

- שמעלקע, וואס איז די מעשה מיט דיר? איך הער עפעס אין כולל אז דו האסט זיך צוקריגט מיט בערקע?

- איך? צוקריגט מיט בערקע? איך ווייס נישט פון וואס דו רעדסט, כאניש קיין אההההנונג... סיריעסלי, וואס גייט פאר?

- עפעס הער איך אז דיין שוואגער מיט דיין שוועגערן פארשטייען זיך נישט, און בערקע האט געוואלט ארויסהעלפן, האסטו אפגעהאקט מיט אים אלע באציאונגען...

- אזוי? וואס נאך האסטו געהערט?

- אז דיין פעטער שמואל נתן איז נישט געזונט, וואס גייט פאר מיט אים?!

- נארישקייטן, ער האט געהאט פיבער, א נייע הצלה מעמבער איז אנגעקומען און אים תיכף אריינגעפירט, ער האט שוין געוואלט פירן אליין א באס...

- אהא, זאגסטו אז גארנישט ערנסט האט פאסירט?

- גארנישט.

- אבער מיין שכן נתנאל פארציילט אז דאקטורים ווייסן נישט וואס ער האט...

- איך הער וואס דו זאגסט, אבער איך ווייס אנדערש.

-שמעלקע, אין א ערנסטע מינוט, האט עס נישט מיט דעם וואס שמואל נתן האט נישט באקומען פון דיין זיידע'ס ירושה?

- וואס פאלט דיר ביי אזעלכע זאכן?!

- ווייל מיין ווייב האט געהערט פון יאכנע דוואשע אייזקעסטל אז דיין פעטער האט וועגן דעם געליטן א הארץ אטאקע... ער האט גארנישט באקומען פון די ירושה...

- הער אויס, אויב גלייבסטו יעדע נארישקייט, האב איך נישט וואס צו רעדן מיט דיר. ווען דו ווילסט דערן עפעס צום זאך קאל מיר צוריק, איך האב א ביפ, סארי.

***

איך פאר מיר געמיטלעך אויפן באס, און איך הער ווי די צוויי פארנט פון מיר שמועסן.

- נישט צום גלייבן ווי משוגע מענטשן זענען...

- וואס איז יעצט?

- האסט נישט געהערט? שמואל נתן פאפקאוויטש האט נישט באקומען גארנישט פון זיין טאטע'ס ירושה, און ער האט געכאפט א הארץ אטאקע.

- טאקע? איך האב אים היינט געזען אין בית המדרש...

- נישט מעגליך אזא זאך, האסט מסתמא געזען זיין צווילינג ברודער...

- וואס, ער האט א צווילינג?

- לכאורה.

- פארוואס האב איך אים קיינמאל נישט געזען?

- ער דארף לכאורה צו וואוינען אין לאנדאן... בקיצור הער א מעשה, איינע פון זיינע נעפיו'ס, האט זיך געוואלט אננעמען פאר אים, און נישט מער נישט ווייניגער, זיין ווייב האט ערלעדיגט ער זאל פארלירן זיין דזשאב...

- מיינסט עס? און ער האט עס געלאזט בשתיקה?

- עה, די שלום בית איז אויס, איך הער אז דער רב האט געהייסן זיך צו טיילן...

- און?

- שוין, א צווייטער שוואגער, שמעלקא, קענסט אים, דער הויכער מיט די לאנגע בארד... ער האט אנגעהויבן פירן א קאמפיין צו לייקענען אלעס, און איינמאל מ'ווענדט אים אפ האקט ער אראפ טעלעפאונס... בערקע מיט חיים האבן ביידע געהאט אזא מעשה מיט אים, ער איז גארנישט אנדערש ווי זיין אייגענע שוועסטער...

- טאקע???

-יא, ער איז צוקריגט מיט בערקע, מיט חיים, און מיט א האלבע כולל...

***

רבותי, וואס האב איך צו זאגן? וואס האב איך צוצולייגן? מיין שוואגער האט א דזשאב, זיין ווייב פארשטייט זיך ממט אים, מיין פעטער לעבט און לאכט, איך בין מיט קיינעם נישט צוקריגט, און דער עולם איז באזארגט...

#משוגענע וועלט!

[זיכער יא]

[קאטשקע]

#משוגענע וועלט!

אבער נאך ווי...

[טשאלענט]

לכבוד ידידי ערעב שמעלקא'לע האב איך זיך גענומען די מיה זיך איינצושרייבן, און זיך באדאנקען!

גוט געשריבן.

[שמעלקא זאפטיגער]

טענקיא טשולי, לאנג טיים נא סי יא...

און אגב, זאג נאר, האסט געהערט די לעצטע נייעס?

[טשאלענט]

טענקיא טשולי, לאנג טיים נא סי יא...

און אגב, זאג נאר, האסט געהערט די לעצטע נייעס?

נעוואדע!!

אז שמעלקא דרייט זיך שוין צוריק אויף מיין וועלטעלע.....

און איך ווארט שוין אויף די מינוט וואס איך וועל זיך שוין קענען דרייען דא מער...

[נודה לך]

זאג נאר, האסט געהערט די לעצטע נייעס?

נעוואדע!!

אז שמעלקא דרייט זיך שוין צוריק אויף מיין וועלטעלע.....

[וואוילע שעפעלע]

וואו!!... שמעלקא איז צוריק בעטער דען עווער!...

אזא זאפטיגס שוין לאנג נישט פארזוכט

[סאדאם חוסעין]

שמעלקא דו ווייסט נישט אלעס דיין שוואגער רעדט דיר איין באבע מעשיות, איך ווייס יא אז עס איז הויעך יו"ט דארט

[קאמפיוטער עקספערט]

גוט!
אבער איך זעה אז צום סוף לייקענסטו נישט די ירושה חלק זעהט אויס אז דאס איז יא אמת

[שמעלקא זאפטיגער]

שמעלקא דו ווייסט נישט אלעס דיין שוואגער רעדט דיר איין באבע מעשיות, איך ווייס יא אז עס איז הויעך יו"ט דארט

ווייס איך שוין ווער ס'געזעסן פארנט פון מיר אויפן באס אויכעט...

[שמעלקא זאפטיגער]

גוט!
אבער איך זעה אז צום סוף לייקענסטו נישט די ירושה חלק זעהט אויס אז דאס איז יא אמת

וואס ירושה ווען ירושה? זיידי לעבט געהעריג...

[פאקטען]

זיידי לעבט??? שמעלקא לעבט!!!
ער לעבט אויף אלע באקן!!!

צאקער....

[סאדאם חוסעין]

גוט!
אבער איך זעה אז צום סוף לייקענסטו נישט די ירושה חלק זעהט אויס אז דאס איז יא אמת

וואס ירושה ווען ירושה? זיידי לעבט געהעריג...

יוש וואס פארשטייסטו נישט מען רעדט פון עלטער זיידי, ער האט געלאזט צוואה אז אלס בליבסטע אייניקעל זאל טאטי אלעס ירש'נען, און היות טאטי/שווער לעבט נישט, גייט עס אריבער אטוימאטיש צו אונז,

[כא כא כא]

לץ איינער
למעשה פארוואס ביסטו געווארן רויט ווען מ'האט דיך געפרעגט וועגן דיין שוואגער????

[עירמאנט'ער]

חחחח סארא וועלטעל מיר 3ען זעך
שמעלקא-דער-זאפטיגער

[מטעמים]

כשמו כן תהלתו, זשאב וועל דאן.

[בוידעם]

שמעלקא איז דע מען!

פאנטאסטיק !!

[האסט נייעס]

שכח...
איך ווארט שוין לאנג אויף אזעלכע גוטע נייעס...

ווי עס שרייבט זיך אונטער @האסט(געהערט)נייעס
---
בד"וו
שכח פאר אלעמען.... אינוז האבן דיך צוריק מיטן גאנצן קראפט
פארזעצונג מיט די מעשה, א שיינע ארטיקל די וואך, האסט געהערט די נייעס, וכו'

[שמן]

זיס ווי ציקער יעדע שורה. קיפ איט אפ שמעלקע

[יאסעלע]

שמעלקא, וואס פארשעמסטו מיר ברבים? קיינער דארף נישט וויסן אז איך וויל שוין אליין דריוון א "צאלע באס" מיט לעלאוס...



וואס איז נייעס...

[אלט מאנרא]

שמעלקא איז זאפטיג

[eller]

wow wow wow
דאס איז איינס אין דער וועלט ..
דו ווילסט אונז פשוט ווייזען וואס מיר האבן געמוסט ביז יעצט ? ! שוין האסט עס באוויזען ...
מער לאזען מיר דיר נישט ארויס פון דא און ביטע געב אונז ווייטער פון דיינע אויסטערלישע געשמאקע און זאפטיגע סחורה ...
וועלקאם בעק שמעלקע !

[וויל זיין גוט]

דו ביסט זייער אונטערשטעליג, זיי האלטן שוין נאכן גט, און שמעלקא איז שוין געפלויגן פון כולל, די ירושה האט איינער אונטער געצינדן אז קיינער זאל עס נישט קענען האבן.

יעדנפאלס א גרויסן יישר כח פארן ארויסברענגען אזוי גוט די 'לאנגע נעזער' פאלק.

[שמעלקא זאפטיגער]

דו ביסט זייער אונטערשטעליג, זיי האלטן שוין נאכן גט, און שמעלקא איז שוין געפלויגן פון כולל, די ירושה האט איינער אונטער געצינדן אז קיינער זאל עס נישט קענען האבן.

יעדנפאלס א גרויסן יישר כח פארן ארויסברענגען אזוי גוט די 'לאנגע נעזער' פאלק.

בעל דמיון בתפארתו...