לאור דעם ווידאו-קליפ וואס איז ארויס דעם ערב יו"ט איבער'ן מצב העניות אין א"י - וואס איך גלייב א גרויסער עולם האט עס געזעהן - (ס'האט אין אפאר טעג אנגעצויגן היפש אסאך וויאו'ס) וואלט איך געוואלט הערן דעם מיינונג פונעם עולם אויף דעם פחדים'דיגן בילד וואס ווערט אראפגעשטעלט אינעם קליפ. דער ווידאו איז ארויסגעגעבן געווארן דורכ'ן מפעל החסד עונג שבת ויו"ט אין א"י, און איך מוז זאגן אז ס'האט מיר עטוואס אויפגעוועקט מיין באוואוסטזיין, און האט ביי מיר ארויסגע'גנב'עט אפאר שנירלעך טרערן. (טראצדעם וואס כ'ווייס אז דער יונגערמאן איז א שפילער)
צו וויסן פון וואס מ'רעדט, דא איז דער קליפ אויף דראפבאקס:
https://www.dropbox.com/s/ujucm6lzl6qaj ... 7.wmv?dl=0
דער טאטע לערנט מיט'ן קינד - אין בעקגראונד זעהט מען די נאכגעלאזנקייט, די וואנט וואס האט שוין לאנג נישט געזעהן קיין פרישע פארב
דער טאטע דרייט זיך ארום אינגאנצן פאר'דאגה'ט - מערקט די וואנט שאפע, די שווארצע וואנט, די טיר אנע הענטל, די אויסגעשאסענע שויב אויבן
דער יונגל זוכט אן עפל אינעם ליידיגן פרידזשידער - די סצענע וואס האט מיר געגעבן א שטאך אין הארץ
למעשה איך פערזענליך האלט אז דער ליידיגער פרידזשידער איז ליידער א אפטער בילד אין פילע טויזנטער היימען אין א"י. אבער די שאלה איז לגבי די אפגעריבענע ווענט און נאכגעלאזטן מצב פון די דירה, איך האלט אז כמעט קיינער וואוינט שוין היינט נישט אזוי, מאקסימום בארגט מען זיך אן און מ'פעינט אויס די דירה און מ'פרישט אויף יעדע פאר יאר, אבער ווער ווייסט, אפשר אין אונגארישע הייזער זענען יא דא דירות אין אזא נאכגעלאזטן מצב.
איך וואלט געוואלט הערן אויך די מיינונג פונעם עולם איבער דעם.
