צדקה אקציעס, וויפיל איז די שיעור?

געשמאקע ארטיקלן און בילדער וכדו'

די אחראים: אחראי, געלעגער

דריידל
שר חמש מאות
תגובות: 902
זיך איינגעשריבען אום: דינסטאג יולי 07, 2015 2:13 pm

צדקה אקציעס, וויפיל איז די שיעור?

תגובהדורך דריידל » מאנטאג מארטש 20, 2017 2:08 pm

היינט אינדערפרי ביים דאווענען בין איך באפאלן געווארן פון א כוואליע קמחא דפסחא אקציעס, כנהוג. לא ראוי זה כראוי זה. איינער נעמט צאם פאר עניי עירך, א צווייטער פאר עניי א"י, א דריטער פאר די חברי הכולל וואס געהערט צו די זעלבע פארטיי ווי די הנהלת הבימ"ד, א פערדער פאר די מלמדים אין די א"י מוסדות א פינפטער פאר איינגעשטעלטע אין מוסדות וואס זענען נהנה פון קרן הצלה וכו' וכו'. נאכדעם איז עס ווייטער איינגעטיילט לויט די חלוקות וואס מ'טיילט. איינער גיט קיופאנס א צווייטערט טיילט אייער מיט פיש, א דריטער טיילט שיך אין די ליסטע ציעט זיך אן א סוף. און דאס איז חוץ די טעגליכע פושקע קאסטומערס, יעדער מיט זייער חזקה ביי אנדערע חלקים פון דאס דאווענען, און די צענדליגע הכנסת כלה שד"ר'ים (וליתר שאת איז נאך געווען אן 'אשרי ובא לציון' אפיעל).

האט איינער אמאל אריינגעטראכט ווי אוממענטשליך דאס איז צו דרייען א קאפ פאר יודן וואס קומען אין שול דאווענען און לערנען און מ'הערט נישט אויף צו קלאפן פון אלע זייטן. און וואס טוט זיך מיט די פלאקאטן אנגעקלעבטע ווענט איבער געלט אקציעס, איז דאס נארמאל? און ווער רעדט נאך פון די טישן וואס זענען אנגעווארפן מיט ליטעראטור און המלצות, קען מען טאקע נישט גיבן צדקה אן דעם? יא יא, איך ווייס אויך פון די גרויסע מצוה פון גיבן צדקה, און איך גיב ב"ה, אבער מ'קען גיבן די זעלבע צדקה אויף א מער מענטשליכע אופן.

מ'דארף פארשטיין אז יעדע מוסד וואס מאכט א געלט אקציע, צאלט אוועק שווערע געלטער פאר פאנד רעיזינג, און ס'וואלט נישט געדארפט אזוי זיין. איינער וואס שאפט געלט פאר א מוסד האט מיר געזאגט אז א דריטל פון וואס ס'קומט אריין גייט פאר פאנד רעיזינג. טאמער מאכט מען א מיליאן דאלער גייט 333,333.33 אין גארביזש. די סיבה פאר דעם איז ווייל די קאמפעטישאן פון די מוסדות ברענגט אז יעדער וויל זיין ווי מער אויפרייסעריש און מאכן עקסטראוועגאנדע מסיבות צו כאפן מענטשן. טאמער וואלט יעדער געפאקעסט אויף זיין בעיס און נישט געזיכט אריינצוריקן איבעראל, וואלט אסאך אידיש געלט געקענט געניצט ווערן צו העלפן נצרכים ווי איידער אויף פראפעגאנדע.

איך שלאג פאר די פאלגענדע תקנות און במעמד בני העיר וועט עס אי"ה באשטעטיגט ווערן

א. בחורים זאלן בכלל נישט גיין נאך געלט חוץ און אן אויסנאם פאל מיט ספעציעלע רשות פון די וועד העיר

ב. ביים דאווענען ביז אשרי ובא לציון איז באשטימט צו גיין בלויז מיט א פושקע פאר'ן ביהמ"ד און פאר רמבעה"נ (וועלכע מ'וויל, אבער נאר איינס), כנהוג מקדמת דנא.

ג. אינדערוואכן קען נישט געמאכט ווערן קיין אפיעלס נאר נאך עלינו

ד. 'קמחא דפסחא' איז רעזערווירט בלויז פאר די צדקה קאסע פון די ביהמ"ד ווי ס'ווערט אויסגעטיילט געלט פאר עניים מתפללי ביהמ"ד. אלע אנדערע אקציעס קענען זיך רופן סתם צדקה גדולה

ה. יעדע ביהמ"ד זאל האבן אן 'ארץ ישראל פאנד' אינטער די פירערשאפט פון א ועד, פון ווי ס'וועט ווערן אויסגעטיילט געלט פאר אלע מוסדות אין א"י כפי ראות עיני הועד. גבאי צדקה וועלן געשטעלט ווערן צו צאמנעמען געלט וועכענטליך אדער חודש'לעך און קיין שום אנדערע אקציעס זענען נישט ערלויבט.

ובשם ה' נעשה ונצליח

אוועטאר
טויגליכער איד
שר חמש מאות
תגובות: 626
זיך איינגעשריבען אום: מוצ"ש פאברואר 13, 2016 9:17 pm
לאקאציע: אין אינדעזיין אדער פאטאשאפ

תגובהדורך טויגליכער איד » מאנטאג מארטש 20, 2017 2:11 pm

חס ושלום.

זבחי צדק
שר חמש מאות
תגובות: 855
זיך איינגעשריבען אום: דינסטאג ינואר 10, 2017 7:41 pm

תגובהדורך זבחי צדק » מאנטאג מארטש 20, 2017 2:17 pm

דער מגן אברהם האט שוין פארבאטן אויסצורופן סיי וואס אינמיטן אשרי ובא לציון [עי' סי' קל"ב]

אוועטאר
יאסעלע
שר חמש מאות
תגובות: 572
זיך איינגעשריבען אום: פרייטאג פאברואר 24, 2017 2:50 pm

תגובהדורך יאסעלע » מאנטאג מארטש 20, 2017 2:21 pm

דריידל, איך פארשטיי דיין ווייטאג, מיר גייט מען אויך אויף די נערוון, אבער אז דו ווילסט נישט געבן איז נישט, כאפ נישט צו פון א צווייטן! עס זענען דא ב"ה אידן וואס האבן און ווילן געבן א גאנץ יאר פאר כל הפושט יד, און אז דריידל ווערט צודריידלט דערפון דארפן נישט די ארימע משולחים הונגערן אין די גאסן.
בכביש אל תהיה צודק, תהיה חכם!


ואפילו בהסתרה שבתוך ההסתרה, בוודאי גם שם נמצא השם יתברך, גם אחרי הדברים הקשים העוברים עליך, אני עומד

זבחי צדק
שר חמש מאות
תגובות: 855
זיך איינגעשריבען אום: דינסטאג ינואר 10, 2017 7:41 pm

תגובהדורך זבחי צדק » מאנטאג מארטש 20, 2017 2:23 pm

עפעס א סדר מוז געמאכט ווערן, ווייל ס'יז שוין כלו כל הקונצן... ממש מען קען ניש דאווענען
[אמאל איז עטוואס שטיל געווען צוויי וואכן נאך פורים, ווייל מען איז שוין געווען אויסגעזעקלט, היי יאר, איז עפעס נישט ניכר בכלל בעפאר אדער דערנאך, מען שנארט די זעלבע..]

אוועטאר
יאסעלע
שר חמש מאות
תגובות: 572
זיך איינגעשריבען אום: פרייטאג פאברואר 24, 2017 2:50 pm

תגובהדורך יאסעלע » מאנטאג מארטש 20, 2017 2:24 pm

זבחי צדק האט געשריבן:[אמאל איז עטוואס שטיל געווען צוויי וואכן נאך פורים, ווייל מען איז שוין געווען אויסגעזעקלט, היי יאר, איז עפעס נישט ניכר בכלל בעפאר אדער דערנאך, מען שנארט די זעלבע..]

בכלל נישט, מ'שנארט אסאך מער...
בכביש אל תהיה צודק, תהיה חכם!


ואפילו בהסתרה שבתוך ההסתרה, בוודאי גם שם נמצא השם יתברך, גם אחרי הדברים הקשים העוברים עליך, אני עומד

דריידל
שר חמש מאות
תגובות: 902
זיך איינגעשריבען אום: דינסטאג יולי 07, 2015 2:13 pm

תגובהדורך דריידל » מאנטאג מארטש 20, 2017 2:29 pm

@טויגליכע איד
@יאסעלע

עטץ כאפטס נישט די פאינט. מ'קען גיבן צדקה, די זעלבע ווי יעצט, אבער אן קאפ וויי. פארוואס דארפן הונדרעט בחורים ארום גיין פאר קרן חתנים און יעדער באקומט א קוואדער ווען מ'קען גיבן א גלאטע צוואנציגער פאר די קופה?

אוועטאר
יאצמעך
שר האלף
תגובות: 1264
זיך איינגעשריבען אום: מאנטאג אפריל 13, 2015 4:09 pm
לאקאציע: ביים עם הארץ אין מויל

תגובהדורך יאצמעך » מאנטאג מארטש 20, 2017 2:32 pm

דריידל האט געשריבן:איך שלאג פאר די פאלגענדע תקנות און במעמד בני העיר וועט עס אי"ה באשטעטיגט ווערן


צו רביה''ק מ'סאטמאר זי''ע איז א איד אמאל געקומען מיט אזאליכע תקנות, האט די רבי גענטפערט אז ס'איז שוין א תקנה פון די וועד ארבה ארצות (סדום, ועמורה, אדמה, וצבויים,.........)
אוועטער קרעדיט: בן נון. ריסייז: וואוילע שעפעלע

אוועטאר
יאצמעך
שר האלף
תגובות: 1264
זיך איינגעשריבען אום: מאנטאג אפריל 13, 2015 4:09 pm
לאקאציע: ביים עם הארץ אין מויל

תגובהדורך יאצמעך » מאנטאג מארטש 20, 2017 2:37 pm

דריידל האט געשריבן:@טויגליכע איד
@יאסעלע

עטץ כאפטס נישט די פאינט. מ'קען גיבן צדקה, די זעלבע ווי יעצט, אבער אן קאפ וויי. פארוואס דארפן הונדרעט בחורים ארום גיין פאר קרן חתנים און יעדער באקומט א קוואדער ווען מ'קען גיבן א גלאטע צוואנציגער פאר די קופה?


פארוואס ביקור חולים און רב היללער באקומען נאר איין דאללאר? ווייל נאר איינער קומט,

וואלטן זיי ווען אויך ארום געשיקט פופציג בחורים וואלטן זיי אויך זוכה געווען צו דיין הסכמה פון א גלאטע צוואנציגער.
אוועטער קרעדיט: בן נון. ריסייז: וואוילע שעפעלע

ווי האלט איך דא
שר חמישים
תגובות: 84
זיך איינגעשריבען אום: זונטאג פאברואר 26, 2017 4:49 pm

תגובהדורך ווי האלט איך דא » מאנטאג מארטש 20, 2017 3:21 pm

איינמאל איז געקומען א איד הרה"ק רבי איציקעל מפשעווארסק זי"ע זיך אפרעדען איף די געלט גייער אז מען קען נישט אינזין האבען די דאווענען האט ער אים גענטפערט האסט כאטש א גוטען תירץ...
לגבי די בחורים האט רביה"ק גאזאגט זאלען די בחורים גיין נאך געלט וועלען זיי זיך לערנען אויף די שפעטערע יארן אז מען דארף געבען פאר געלט גייער איך האב מורא אז דו ביסט נישט געגאנגען אלץ בחור נאך געלט....

El Rushbo
שר חמש מאות
תגובות: 583
זיך איינגעשריבען אום: פרייטאג אוקטובער 31, 2014 10:34 am
לאקאציע: Almost Daily on MSNBC...

תגובהדורך El Rushbo » מאנטאג מארטש 20, 2017 3:44 pm

יאסעלע האט געשריבן:דריידל, איך פארשטיי דיין ווייטאג, מיר גייט מען אויך אויף די נערוון, אבער אז דו ווילסט נישט געבן איז נישט, כאפ נישט צו פון א צווייטן! עס זענען דא ב"ה אידן וואס האבן און ווילן געבן א גאנץ יאר פאר כל הפושט יד, און אז דריידל ווערט צודריידלט דערפון דארפן נישט די ארימע משולחים הונגערן אין די גאסן.

דו האסט בכלל א גבול ביז ווי ווייט די זאך מעג גיין ? אפשר אינמיטן די מגילה אויך ?

איך זעה נישט וואס איז wראנג איינצופירן א תקנה אז מ'קען נאר גיין ביי אשרי ובא לציון אדער ביי חזרת הש"ץ וואטעווער...

רצון טוב
שר האלף
תגובות: 1367
זיך איינגעשריבען אום: מיטוואך מארטש 02, 2016 3:12 pm

תגובהדורך רצון טוב » מאנטאג מארטש 20, 2017 4:02 pm

יאצמעך האט געשריבן:
דריידל האט געשריבן:איך שלאג פאר די פאלגענדע תקנות און במעמד בני העיר וועט עס אי"ה באשטעטיגט ווערן

צו רביה''ק מ'סאטמאר זי''ע איז א איד אמאל געקומען מיט אזאליכע תקנות, האט די רבי גענטפערט אז ס'איז שוין א תקנה פון די וועד ארבע ארצות (סדום, ועמורה, אדמה, וצבויים,.........)


זייער צום פוינט
פרעג נאר די תקנות מאכער'ס צו ווען זייער בלוט זאל ווען חלילה ליגן בסכנה, און עטליכע רחמנות'דיגע הערצער וועלן זיי צוליב טון און קלייבן נדבות צו ראטעווען זייערע לעבנ'ס צו דעמאלטס וועלן זיי אויך איינפירען תקנות,
אדער ווען 'יענער' איז די נצרך פאלט ביי די געוואלדיגע המצאות.

אוועטאר
משהזוךמיר
שר שלשת אלפים
תגובות: 3907
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » מאנטאג מארטש 20, 2017 4:11 pm

יאצמעך האט געשריבן:
דריידל האט געשריבן:איך שלאג פאר די פאלגענדע תקנות און במעמד בני העיר וועט עס אי"ה באשטעטיגט ווערן


צו רביה''ק מ'סאטמאר זי''ע איז א איד אמאל געקומען מיט אזאליכע תקנות, האט די רבי גענטפערט אז ס'איז שוין א תקנה פון די וועד ארבה ארצות (סדום, ועמורה, אדמה, וצבויים,.........)

אזא מעשה איז געווען ביי איינער פון די תלמידי המגיד. ווען ער איז געווארן רב האט ער זיך אויסגענומען מיט קהל אז זיי זאלן זיך אלעס אליין דורכקומען, און אים זאל מען אינוואלוון נאר ווען מ'וויל מאכן א נייע תקנה. איינמאל זענען זיי געקומען מיט עפעס אזא תקנה, האט ער געזאגט ''כ'האב דאך געבעטן אז איר זאלט מיר פרעגן נאר ביי נייע תקנות!'', ווען זיי האבן געזאגט אז עס איז א נייע תקנה, האט ער זיי מסביר געווען אז אין סדום איז שוין געווען די תקנה...

גראדע אין בית מדרש גבוה דלעיקוואוד איז יא דא אזא תקנה קעגן גיין נאך געלט 'אין בית מדרש' בשעת'ן סדר הלימוד. (די איינציגסטע אויסנאם איז חינוך עצמאי....)
כאפצעם האט געשריבן:העלטקעיר איז אין דר'ערד, מענטשן קרעכצן פון די הויעכע פרימיומס, אינשורענס מארקעטס ברעכן אונטער.



CLUES פאר די וואס זוכן מיר

חלהדעקל
שר חמש מאות
תגובות: 862
זיך איינגעשריבען אום: דינסטאג יוני 09, 2015 4:44 pm

תגובהדורך חלהדעקל » מאנטאג מארטש 20, 2017 4:22 pm

משהזוךמיר האט געשריבן:
יאצמעך האט געשריבן:
דריידל האט געשריבן:איך שלאג פאר די פאלגענדע תקנות און במעמד בני העיר וועט עס אי"ה באשטעטיגט ווערן


צו רביה''ק מ'סאטמאר זי''ע איז א איד אמאל געקומען מיט אזאליכע תקנות, האט די רבי גענטפערט אז ס'איז שוין א תקנה פון די וועד ארבה ארצות (סדום, ועמורה, אדמה, וצבויים,.........)

אזא מעשה איז געווען ביי איינער פון די תלמידי המגיד. ווען ער איז געווארן רב האט ער זיך אויסגענומען מיט קהל אז זיי זאלן זיך אלעס אליין דורכקומען, און אים זאל מען אינוואלוון נאר ווען מ'וויל מאכן א נייע תקנה. איינמאל זענען זיי געקומען מיט עפעס אזא תקנה, האט ער געזאגט ''כ'האב דאך געבעטן אז איר זאלט מיר פרעגן נאר ביי נייע תקנות!'', ווען זיי האבן געזאגט אז עס איז א נייע תקנה, האט ער זיי מסביר געווען אז אין סדום איז שוין געווען די תקנה...

גראדע אין בית מדרש גבוה דלעיקוואוד איז יא דא אזא תקנה קעגן גיין נאך געלט 'אין בית מדרש' בשעת'ן סדר הלימוד. (די איינציגסטע אויסנאם איז חינוך עצמאי....)


כפי המובא איז די מעשה געווען אין בארדיטשוב מיטן הייליגן קדושת לוי.
1 + 1 = חלה דעקל...

אוועטאר
משהזוךמיר
שר שלשת אלפים
תגובות: 3907
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » מאנטאג מארטש 20, 2017 4:25 pm

כ'האב אויך אזוי געדענקט - און געשריבן, אבער וויבאלד איך בין נישט געווען זיכער האב איך עס פארמעקט.

#ב''ה דער זכרון דינט מיר נאך...
כאפצעם האט געשריבן:העלטקעיר איז אין דר'ערד, מענטשן קרעכצן פון די הויעכע פרימיומס, אינשורענס מארקעטס ברעכן אונטער.



CLUES פאר די וואס זוכן מיר

זבחי צדק
שר חמש מאות
תגובות: 855
זיך איינגעשריבען אום: דינסטאג ינואר 10, 2017 7:41 pm

תגובהדורך זבחי צדק » מאנטאג מארטש 20, 2017 4:29 pm

ס'איז אלעס שיינע מעשה'לעך, אבער באמת גערעדט
איז דען רעכט פאר געלד גייער צו באלמוטשען אזוי, אז מען זאל כמעט נישט קענען דאווענען??
עס איז דאך נישט ממש מעגליך צו געבן פאר א יעדן איינעם, אלעס האט דאך א שיעור
דארף טאקע דאס דאווענען אויס זעהן ווי א באלאגערונג פון שנארערס יעדן טאג?,
טעגליכע 'ברשות הגבאים' אפיעלס אינמיטן אשרי ובא לציון אדער ביים יום, [כאילו איינער ווערט נאך נתעורר פון די נאכאנאנדיגע טעגליכע פזמונים וכו' וכו' וכו'...]
איז אמאל אויך אזוי געווען דער מנהג? ביים קדושת לוי האט עס טאקע אזוי אויס געזעהן??
ווער רעדט נאך די נייע מנהג פון 'באהענגען' און באווארפן די שוהל מיט אלע קאלירן צעטלעך, פיקטשערס פון וויינעדיגע קינדער און קראנקע מענטשן אין שפיטעלער, ריזיגע בילל באורדס ביי יעדע אדורכגאנג, אז ממש ס'דאכציך כאילו איך בין יעצט אין טרעין סטעישאן...., האט דאס פשט????
כ'האב אמאל געהערט א גוט זאגער זאגן פאר איינעם, אנטשולדיגט כ'האב אייך שוין געגעבן, יענער ענטפערט, מעשה תלמיד חכם, נו שטייט דאך 'נתן תתן אפילו מאה פעמים'... ענטפערט ער עם, אין הכי נמי, אבער ס'שטייט דאך נישט הלוך תלך מאה פעמים....

נעכטיגן טאג
שר חמישים
תגובות: 81
זיך איינגעשריבען אום: דאנארשטאג נובעמבער 12, 2015 5:45 pm

תגובהדורך נעכטיגן טאג » מאנטאג מארטש 20, 2017 4:39 pm

דריידל האט געשריבן:@טויגליכע איד
@יאסעלע

עטץ כאפטס נישט די פאינט. מ'קען גיבן צדקה, די זעלבע ווי יעצט, אבער אן קאפ וויי. פארוואס דארפן הונדרעט בחורים ארום גיין פאר קרן חתנים און יעדער באקומט א קוואדער ווען מ'קען גיבן א גלאטע צוואנציגער פאר די קופה?


ער וועט געבן איינמאן א חודש (אדער גאר איינמאל א יאר) א צוואנציגער פאר די קופה, דערווייל קאסט אים דאס אסאך מער און פארדעם וויל ער איינפירן תקנות, און דאס איז טאקע די סיבה נישט איינצופירן קיין תקנות..

דרך אגב, איך האב אמאל געדאווענט אין א גרעסערע ביהמ"ד פורים צייט און עס איז געווען אהן א שיעור געלט גייערס, נאכן דאווענען האבעך געפרעגט דעם שמש דארט צו מען קען מאכן א תקנה אז עס מעגן גיין נאר כך וכך צדקה זאמלערס, האט מיר דער שמש געענטפערט אז נאר די וואס זענען אויפגעוואקסן אין סאטמאר האבן די פראבלעם, רוב מתפללים האבן נישט די פראבלעם...

מענין לענין, אין די ביהמ"ד ווי איך דאווען איז איינגעפירט אז מען קען נישט מאכן קיין אפיעלס ביז נאך קדיש תתקבל.

מי יודע
שר חמשת אלפים
תגובות: 5143
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מאנטאג מארטש 20, 2017 5:03 pm

נעכטיגן טאג האט געשריבן:
דריידל האט געשריבן:@טויגליכע איד
@יאסעלע

עטץ כאפטס נישט די פאינט. מ'קען גיבן צדקה, די זעלבע ווי יעצט, אבער אן קאפ וויי. פארוואס דארפן הונדרעט בחורים ארום גיין פאר קרן חתנים און יעדער באקומט א קוואדער ווען מ'קען גיבן א גלאטע צוואנציגער פאר די קופה?


ער וועט געבן איינמאן א חודש (אדער גאר איינמאל א יאר) א צוואנציגער פאר די קופה, דערווייל קאסט אים דאס אסאך מער און פארדעם וויל ער איינפירן תקנות, און דאס איז טאקע די סיבה נישט איינצופירן קיין תקנות..

דרך אגב, איך האב אמאל געדאווענט אין א גרעסערע ביהמ"ד פורים צייט און עס איז געווען אהן א שיעור געלט גייערס, נאכן דאווענען האבעך געפרעגט דעם שמש דארט צו מען קען מאכן א תקנה אז עס מעגן גיין נאר כך וכך צדקה זאמלערס, האט מיר דער שמש געענטפערט אז נאר די וואס זענען אויפגעוואקסן אין סאטמאר האבן די פראבלעם, רוב מתפללים האבן נישט די פראבלעם...

מענין לענין, אין די ביהמ"ד ווי איך דאווען איז איינגעפירט אז מען קען נישט מאכן קיין אפיעלס ביז נאך קדיש תתקבל.

איך קען נישט רעדן קעגן גיין נאך געלט ווייל די רבי ז"ל וכו', אבער ס'איז כלו כל הקיצין די געלט גייערס, נישט מ'קען נישט אינזין האבן, אין די סיזענעל טעג קען מען פלעין נישט דאווענען, פרייטאג צופרי מ'זאגט ידיד נפש, און 25 בחורים מארשירן אריין נאך געלט אין א מנין וואס האט אפשר 20 מתפללים, איך האב שוין א מנהג פרייטאג צו דאווענען ביז ברוך שאמר אין א צווייטע שטיבל, אזוי עוואיד איך די ראש אוערס, אזוי אז די הולכי נמושות פארדינען, ווייל איך טייל געלט, אבער נישט ווען איך האב א מנין מיט אויסגעשטרעקטע הענט
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

דריידל
שר חמש מאות
תגובות: 902
זיך איינגעשריבען אום: דינסטאג יולי 07, 2015 2:13 pm

תגובהדורך דריידל » מאנטאג מארטש 20, 2017 5:21 pm

מאנכע האבן א שוואכקייט צו די סוגיא און קענען נישט טראכטן גלאטיג. מ'קען אלעס דן זיין און אויסשמועסן אבער ביטע נישט מאכן איין גרויסע קוגל.
לאמיר גיין צושטאטלעך

די נצרכים - האב איך שוין געשריבן אז מיט ווייניגער טומל און פראפעגאנדע וועלן זיי מאכן מער. רוב מענטשן האבן א חשבון וויפול צדקה זיי ווילן געבן און זיי וואלטן געגעבן די זעלבע אן אן אקציע. למשל, אין ביהמ"ד ווי איך דאווען קומט כמעט גארנישט אריין פון פארקויפן עליות אינדערוואכן און אפילו שבת ביי מי שברך גיבן אסאך מענטשן פינף אדער צען דאלער, א ליצנות. פארוואס איז דאס? ווייל די ביהמ"ד מאכט א מלוה מלכה צו אן אנדערע אקציע און מ'דארף דאך געבן דעמאלטס גיט מען שוין א גאנץ יאר גארנישט ווייל איך גיב דאך ביים מל"מ. איי וועסטי פרעגן פארוואס טאקע מאכט מען א מל"מ ווען מ'קען זיך שפארן די טירחה און קאסטן? איז די תירוץ אז אן די מצב וועט מען נישט גיבן ווייל אנדערע צוועקן שרייען איבער מיט זייער דראמאטישע פראפעגאנדע.
די זעלבע איז מיט אלע צוועקן. מ'גייט נאך געלט פאר די מוסדות אין ירושלים, בני ברק בית שמש, קינדערגארטן, חדר, ישיבה קטנה, ישיבה גדולה, כולל, קמחא דפסחא פאר מלמדים, קרן הבנין. מענטשן גיבן נישט מער ווייל מ'קומט צוואנציג מאל אינטער אנדערע נעמען. נאר אנשטאטס אריינווארפן געלט אין וואנט פושקע וועט מען עס געבן ביי די אקציע. און אפילו ס'קומט יא אריין מער געלט אזוי, גייט דאך אוועק אזוי סאך פאר יעדע באזינדערע אקציע אז ס'איז יצא שכרו בהפסד, ביג טיים.

שטערן פון דאווענען - איך רעדט נישט פון רוחניות אז מ'קען נישט אינזינען האבן, נאר סטריקטלי גשמיות. אסאך מאל בין איך צעמישט געווארן פון די געלט גייער וואס נעמען זיך רעדן אריין אין אויער און איך געדענק נישט ווי איך האב געהאלטן. זענען דא בעלי תפילות וואס דאווענען שנעל און מ'קען פשוט נישט מיט האלטן. און טאמער יאגט מען זיך אין די ארבעט אדער ווי אימער איז נישט יושר צו באלעסטיגן און אויפהאלטן דאס דאווענען. און בכלל איז אן אפמיטשעניש צו דארפן יעדע מינוט אריינשטעקן די האנט אין טאש אויסזיכן די קוואדער. די אלע מימרא'לעך וואס מ'ברענגט פון סאטמאר רב צו פון אנדערע איז געזאגט געווארן ווען ס'איז נישט געווען א טעגליכע ערשיינונג צו גיין אין די מאסן אזוי ווי היינט צוטאגס.

אוועטאר
farshlufen
שר עשרת אלפים
תגובות: 17681
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג מארטש 20, 2017 5:33 pm

לענד"נ אז יעדע (פרומע) תירוץ אויף נישט צו געבן קומט נישט פון יצר טוב, ס'איז באמת שווער צו מקיים זיין יעדע סעיף קטן אין הלכות צדקה, עכ"פ טענות ורעומות אויף געלט גייער טאר מען נישט האבן, איי ס'שטערט? מ'לייגט אראפ דאס געלט אויפן טיש בבחינת ר' אבא הוה צייר זוזי בסודריה ושדי לאחוריה וממצי נפשיה ביני עניי [ומצלי].
סימן דלא ידע כלום, שבוחי.

אוועטאר
אומאפיציעל
שר חמישים ומאתים
תגובות: 402
זיך איינגעשריבען אום: דאנארשטאג פאברואר 16, 2012 4:24 pm

תגובהדורך אומאפיציעל » מאנטאג מארטש 20, 2017 6:31 pm

מיינע צוויי סענט.

עס איז נישט שייך צו זאגן פאר א נצרך "דו קענסט נישט גיין דא נאך געלט" דאס איז א סדומ'ע תקנה ווי דערמאנט.

פאר מוסדות וכדו' איז שוין יא שייך צו מאכן תקנות

מען קען מאכן א תקנה "ווען" מען מעג גיין נאך געלט, כמה בתי מדרשים האבן אזעלכע סארט תקנות. א גרויסער אדמו"ר האט מיר אמאל אפגעשטעלט אינמיטן גיין נאך געלט - אינמיטן ליינען מאנטאג אדער דאנערשטאג, ער האט מיר געהייסן ווארטן, נאך גלילה האט ער מיר געגעבן פינף דאללער, און געזאגט אז עס איז נישט אויסגעהאלטן צו גיין נאך געלט ביים ליינען.. ומאז בין איך אין זיינע בית המדרש (א ריזיג ביהמ"ד מיט אסאך מנינים) נישט געגאנגען ביים ליינען נאך געלט. האדמו"ר מ'וויזניץ פלעג נישט געבן ביז נאך אשרי ובא לציון

די אלע צעטלעך איז נישטא קיין עצה, פארפאלן דאס ארבעט, אנדערש קומט נישט אריין די געלט

און ווען עס זאלן נישט קומען פופציג בחורים וואלטסטו נישט געגעבן קיין צוואנציגער... רעד זיך נישט איין

אסאך מענטשן האבן נישט קיין סכום קבוע וויפיל זיי ווילן געבן, זיי געבן לויט וויפיל מאל מען קומט צו זיי, און לויט וויפיל זיי האבן אין טאש, וגם אני בתוכם. א קרוב מיינער וואס טיילט אסאך אוועק פאר צדקות האט מיר אמאל געזאגט "ווער עס בעט דער באקומט".

------
עצה טובה, פאר די אלע וואס ווערן נערווירט, ביטע גייט אריבער דאווענען אין א מנין קבוע אין א קלענערע ביהמ"ד'של וועט מען אייך נישט אזויפיל שטערן

ווי האלט איך דא
שר חמישים
תגובות: 84
זיך איינגעשריבען אום: זונטאג פאברואר 26, 2017 4:49 pm

תגובהדורך ווי האלט איך דא » מאנטאג מארטש 20, 2017 6:37 pm

אן אנדערע עצה איז דאווען אין די ערשטע מנין ווען די חברה שלאפען

אוועטאר
סטרונעס
שר חמישים
תגובות: 54
זיך איינגעשריבען אום: דאנארשטאג סעפטעמבער 01, 2016 5:22 pm

תגובהדורך סטרונעס » מאנטאג מארטש 20, 2017 6:43 pm

מען פארציילט, אז צו רביה"ק מ'סאטמאר זי"ע איז אמאל אריינגעקומען איינע פון די אנגעזעהנע בעה"ב מיט די טענה, און זיך אויס געדריקט אז מ'שטערט מיר מיין דאווענען, האט אים די רבי א קוק געגעבן מיט א שטרענגע בליק - וואס האט דעם איד שוין געמאכט חרטה האבן אויף זיין פראגע - און אים געזאגט, דיין דאווענען? פון וואנט ווייסטו בכלל וויאזוי מען באטראכט דיין דאווענען אין הימל? ווען עס איז ארומגענומען מיט צדקה, האט דיין דאווענען מיט די ביסל כוונה אפשר עפעס א טעם

דריידל
שר חמש מאות
תגובות: 902
זיך איינגעשריבען אום: דינסטאג יולי 07, 2015 2:13 pm

תגובהדורך דריידל » מאנטאג מארטש 20, 2017 7:06 pm

די אויסגעדראשענע מעשה'לע מיט אלע גרסאות איז נישט רעלאווענט. ערשטענס ווייל די רעדע איז נישט איבערדעם אז מ'קען נישט מכוון זיין נאר פשוט ס'נערווירט צו ווערן געשטערט יעדע צוויי מינוט פון נאך א שנארער'. צווייטענס איז מען אמאל נישט געגאנגן אזוי סאך ווי היינט, קען זיין אז היינט וואלט סאטמאר רב אויך מסכים געווען אז מ'דארף מאכן א גבול.

ר' יום טוב
שר חמש מאות
תגובות: 548
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » מאנטאג מארטש 20, 2017 7:23 pm

די פראבלעם איז נישט אזוי ווייט אז א בחורל גייט נאך געלט ביים דאווענען. וואס עס שטערט מיך, איז די אלע שיינע אידן מיט קלינגעדיגע צוועקן וואס איך בין פארפליכטעט אין קארנער צו גיבן א נתינה שיש בו ממש, ווען נישט ווער איך (אין מיין דמיון...) אפגעשטעמפלט אלס לא לנו אדער נצרך.

טראכט איין מינוט. זאל צוקומען דער שיינער איד וואס קען דיך פון ערגעץ פאר עפעס א וויכטיגע קמחה דפסחה צוועק, וויאזוי פילסטו ווען דו זאגסט א פשוט'ע אין לי.

די ערפארענע געלט גייערס זענען מלומד אנצושטעלן דעם ערנסטע פנים מיט א געוויסע אראטארישע מינע וואס מאכט שווער דאס אפזאגן.

דאס מאכט דאס דאווענען אן אפקומעניש.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 10 געסט