איך דארף אינטערנעט "שלא" לצורך פרנסה, מעג איך?

[נו שוין]

נניח איך בין א אינגערמאן ביים ארבעט פון 9-5 , איין זייטל קען איך עקסעסן, די ביזנעס זייטל, די איבריגע איז געשלאסן, די פאלגנדע דארף געטוען ווערן שלא לצורך פרנסה.

1. קויפן שיך פאר ביליג פאר די קינדער.
2. קויפן א קליידל פאר ביליג פאר די קליינע מיידל.
3. באצאלן טשעיס, סיטי, וכו, וכו קרעדיט קארדס.
4. האלטן מיין פערסאנאל באנק חשבונות.
5. באצאלן עלעקטאריק , געז און טעלעפאון ביל
6. אויפסיינן פאר העלטה אינשורענס
7. טרעקן א פעקל געשיקט דורך יו פי עס
8. טשעקן טרעפיק, וועיז.
9. דעוועלאפן בילדער פאר ביליג.
10. זוכן אינפארמאציע איבער געזונטהייט ענינים.
11. אינפארמאציע איבער א הויז צו קויפן (צו וואוינן, נישט אינוועסמענט).
12. טשעקן מיין טעקס רעטורן סטאטוס.

די ליסטע גייט ווייטער און ווייטער, נאר אנגעכאפט וואס סאיז בייגעפאלן אויפן מינוט, איז, מעג איך האבן א סמארט פאון אדער אינטערנעט שלא לצורך פרנסה? אדער די אלע פריוויליגיעס זענען נאר פאר די וואס קענען נוצן די אינטערנעט אין די צייט פון ארבעט, דהיינו 9-5, און די אלע וואס קענען נישט טוען די אלע אויבערדערמאנטע זאכן בשעתן ארבעט טארן נישט.

[why_not]

פרעג א רב.

[שלך לחמך]

האסט מיר געשטעלט אין פלאץ... (נקודה למחשבה)

[זבחי צדק]

דער אשכול גראבט אונטער די פונדאמענטן פון אייוועלט....
מנהלים, נעמטס קעיר פון אים..

[בענקעל]

דער אשכול גראבט אונטער די פונדאמענטן פון אייוועלט....
מנהלים, נעמטס קעיר פון אים..

אויף צו קענען פרעגן אט די שאלה, האסטו נישט אויסגערעכנט.

[משהזוךמיר]

נקודה למחשבה, ש'כח נו שוין פאר'ן גיין פתיחה.

לאמיר גיין א סטעפ ווייטער. לאמיר זאגן אז דער ענטפער איז ניין. וואס איז מיט איינער וואס דארף עס יא לצורך פרנסה (צב"ש ער/זי ארבעט פונדערהיים), מעג ער עס נוצן אויף אנדערע זאכן אויך, אדער מעג ער נאר טאקע פאר די ארבעט (און אייוועלט דארף זיך פארמאכן....)?

[זיבען און אייכציג]

1. קויפן שיך פאר ביליג פאר די קינדער.
2. קויפן א קליידל פאר ביליג פאר די קליינע מיידל.
3. באצאלן טשעיס, סיטי, וכו, וכו קרעדיט קארדס.
4. האלטן מיין פערסאנאל באנק חשבונות.
5. באצאלן עלעקטאריק , געז און טעלעפאון ביל
6. אויפסיינן פאר העלטה אינשורענס
7. טרעקן א פעקל געשיקט דורך יו פי עס
8. טשעקן טרעפיק, וועיז.
9. דעוועלאפן בילדער פאר ביליג.
10. זוכן אינפארמאציע איבער געזונטהייט ענינים.
11. אינפארמאציע איבער א הויז צו קויפן (צו וואוינן, נישט אינוועסמענט).
12. טשעקן מיין טעקס רעטורן סטאטוס

וועל מיר צולייגען נאך עטליכע:
13. געבן צדקה פאר א וויכטיגע צוועק אויף Charidy.com/ gofundme
14. געבן צדקה פאר קופת העיר צו ווערן געבענטשט דורך אלע גדולים.
15. נעמן קאוטשינג אדער טעראפי סעשאונס אויף skype
16. פארברענגען אנגענעמליך אויף ווירטואלע ערליכע פארומס
17. ליינען די דבר יום ביומו אדער אנדערע היימישע אויסגאבעס אין בית...
18. רעזערווירען א קאר רענטעל
19. הייערן א Uber
20. רעזערווירען א וואקאציע; האטעל, פלייט, און אלע באדערפענישען.

[why_not]

האט איינער שוין אמאל געעפנט א אשכול אויף א שאלה אין הלכות שבת? אדער אין יורה דעה??

די שאלה באלאנגט פאר א רב אדער א דיין!!

[נו שוין]

האט איינער שוין אמאל געעפנט א אשכול אויף א שאלה אין הלכות שבת? אדער אין יורה דעה??

די שאלה באלאנגט פאר א רב אדער א דיין!!

יא זייער אסאך אשכולות דא איבער הלכות שבת און יורה דעה, ענדערש פרעגט די מנהלים ווי עס באלאנגט.

[נו שוין]

רבותי אז מקען נישט ענפערן מוז מען נישט מגיב זיין, אטאקירן איז נישט קיין מצוה.

[משהזוךמיר]

האט איינער שוין אמאל געעפנט א אשכול אויף א שאלה אין הלכות שבת? אדער אין יורה דעה??

די שאלה באלאנגט פאר א רב אדער א דיין!!

האסט שוין אמאל געקוקט אין ביהמ"ד דקהלתינו?

יא, הונדערטער נושאים אין הלכה זענען שוין געווארן דורכגעטון אויף אייוועלט.

נ.ב. נישט אז מ'דארף נישט פרעגן פאר'ן האבן אינטערנעט, אבער דער טעארעטישער (להלכה) חלק דערפון איז יא אין פלאץ אויסצושמועסן, כאטש נישט אויף למעשה.

[why_not]

גערעכט, אנטשולדיג פארן איבערהאקן דעם אשכול.

[טראבל מעיקער]

איך האב אמאל געהערט א מעשה....
א איד וואס טוט מיט בעלי תשובה​ האט געהאט אן איי פאון.. ס'איז געווען מיט א גוטע פילטער... בקיצור איין טאג געפונט מען אויס אז איינע פון די קינדער האבן אויסגעפינען א וועג וויאזוי צו עס אויסמיידן אין ליידער זיך אנגעזען מיט כל דבר אסור... איז ער געגאנגען צו זיין רבי די משגיח רבי מתתיהו סלמון לרפו"ש אין זיך באקלאגט אז פארוואס ס'איז געשען... ער האט עס נאר געהאט אויף צו טוהן פאר אידישקייט אין געהאט א גוטע פילטער.... האט ער איהם געזאגט האסט געהאט דארט אפשר זאכן פאר באקוועמליכקייט אויך?... האסט געהאט טשעיס באנק? האסט געהאט אמעזאן? ועוד ועוד... נו וואס זאגסטו אז ס'איז נאר געווען לצורך פרנסה...?

עס כאפט א שרעק.


נקודה למחשבה

[רצון טוב]

די רבנים זאגן:
א סמארטפאון שלא לצורך פרנסה איז נישט גוט

[חיימ'ל]

די וואס האבן עס לצורך פרנסה מעגן עס אויך נוצן פאר אנדערע זאכן מתורת מגוי, משא"כ די וואס דארפן עס נישט לצורך פרנסה האבן זיי נישט דעם מגוי

מ'האקט

[פאקטען]

דאכט זיך די שאלה דא איז אויף אינטערנעט, די סמארטפאון איז מוקצה מחמת גופו

[בלעטל]

מה בין ריוח שנקרא פרנסה לבין מניעת הפסד שנקרא לא לצורך פרנסה. וצ"ע

[נו שוין]

דאכט זיך די שאלה דא איז אויף אינטערנעט, די סמארטפאון איז מוקצה מחמת גופו

ווי דען? אינדערהיים? נאכאמאל מרעדט פון איינעם וואס האט נישט קיין אפיס.

בלעטל האקט.

[פאקטען]

אויף דעם האט שוין די רבי געפסקנט אז מזאל האבן א טעבלעט אין קאר

[חיימ'ל]

דאכט זיך די שאלה דא איז אויף אינטערנעט, די סמארטפאון איז מוקצה מחמת גופו

נו, אויב די סמארטפון איז מוקצה מחמת גופו, איז דאך די קאמפיוטער מוקצה מחמת מקומו, נישט אזוי?

[קאמפיוטער עקספערט]

האט איינער שוין אמאל געעפנט א אשכול אויף א שאלה אין הלכות שבת? אדער אין יורה דעה??

די שאלה באלאנגט פאר א רב אדער א דיין!!

נישט סתם א רב אדער א דיין נאר ער זאל זיין א קלוגע און עס איז בעסער אז ער קען א ביסעל דעם מענטש און זיין מצב

[El Rushbo]

א דאנק נו שוין פארן גיין פתיחה.

ס'מאכט דעם עולם דא פיהלן אביסל היפאקריטיקעל, אבער ענדערש לאמיר ארויסלייגן די געפיהלן און זיך אויסקלארן ווי איידער עס אונטערדרוקן.

[אשלג]

א פשוטע לעזונג:
לייגט ארויף אויף איבעי צו פארקויפן אן אלטע קלייד אדער וואס נישט. אזוי אידאך עס שוין לצורך פרנסה וועט איר פטור ווערן פון אייער הארץ געדרענגענישן

[זאכליך]

ווענטזיך וועם די פרעגסט.

לויט געוויסע מעג מען אפילו טעקסט מעסעדזש נישט האבן, און לויט זיי אויב די פרנסה פארלאנגט אינטערנעט באנוץ איז ליבערשט נישט גיין ארבייטן ווי צו נוצן די אינטערנעט.

נאכדעם איז דא א שיטה אז אפילו די נוצט אינטערנעט פאר פרנסה טארסטו עס נישט נוצן פאר זאכן וואס מ'קען זיך אן עצה גיבן אן דעם.

אבער לענ"ד מיינט די מיעוט פון לצורך פרנסה נישט נאר אינקאם נאר סיי וועלכע וויכטיגע באנוץ.

[מים שלנו]

מיינט איר אז א רב/דיין וואס האט נאכנישט גענוצט די אלע סארט כלים קען מאכען א עד שתגיע למקומו?

דאס זעלבע שאלה איז אויך פארקערט קען א רב/דיין וואס האט נאכנישט געזען דאס מינדעסטע קליפ פארשטיין וואס מקען אלץ זעהן ?

איך האב אמאל פראבירט מסביר זיין פאר א ערענסטע מגיד שיעור וואס אייוועלט איז, איך האלט נישט ער האט עס געכאפט...