די אמעריקאנע קאנסטיטוציע

[אומאפיציעל]

אזוי ווי עס ווערט אסאך גערעדט וועגן די קאנסטיטוציע דא אויפן וועלטל, האב איך געקלערט עס איבערצוזעצן אויף אידיש.

איז אזוי, איך וועל שרייבן א ווערטערליכע איבערזעצונג, די בעסטע וואס איך קען, אבער איך וועל לאזן אנדערע ערקלערן וואס די זאכן באדייטן (חוץ אויב איך וועל האבן צייט און געדולד)

[align=center]פארווארט[/align]

מיר די מענטשן פון די פאראייניגטע שטאטן, כדי צו פארמירן א מער פערפעקטע פאראייניגונג, שאפן יוסטיץ, פארזיכערן פרידליכקייט איבערן לאנד, צושטעלן שוץ פאר דעם ציבור, פאראויסשטופן דעם טובת הכלל, און פארזיכערן די בענטשונגען פון פרייהייט פאר זיך אליינס און אונזערע דורות, טוען מיר פארארדענען און שאפן די דאזיגע קאנסטיטוציע פאר די פאראייניגטע שטאטן פון אמעריקא.


[align=center]ארטיקל 1[/align]

[align=center]סעקשאן 1[/align]

אלע געזעצמאכענדע כוחות וואס ווערן דא איבערגעגעבן, זאל ליגן אין א צוזאמענקום (קאנגרעסס) פון די פאראייניגטע שטאטן, וואס זאל באשטיין פון א סענאט און א הויז פון פארטרעטער.


[align=center]סעקשאן 2[/align]

קלאוס 1
די הויז פון פארטרעטער זאל ווערן צוזאמענגעשטעלט פון מיטגלידער אויסגעוועלט יעדע צווייטע יאר דורך די מענטשן פון די פילע סטעיטס, און די וויילער אין יעדע סטעיט זאלן האבן די קוואליפיקאציעס וואס פאדערט זיך פאר די וויילער פון די צאלרייכסטע אפטיילונג פון די סטעיט געזעצהויז.

קלאוס 2
קיין מענטש זאל נישט זיין קיין פארטרעטער וואס וועט נישט האבן דערגרייכט צו די עלטער פון פינף און צוואנציג יאר, און זיין זיבן יאר א בירגער פון די פאראייניגטע שטאטן, און וואס וועט נישט, אין די צייט וואס ער ווערט ערוועלט, זיין א איינוואוינער פון די סטעיט אין וועלכע ער וועט ווערן ערוויילט.

קלאוס 3
פארטרעטער און דירעקטע שטייערן זאל ווערן צוטיילט צווישן די פילע סטעיטס וואס קענען ווערן טייל פון די פאראייניגונג, לויט זייערע פארגלייכבארע נומערן, וואס זאל ווערן באשטימט דורך צולייגן צו די פולע נומער פון פרייע פערזאנען, אריינגערעכנט די וואס זענען געבונדן צו דינען אנדערע פאר א טערמין פון יארן, און אויסשליסנדיג אינדיאנער וואס ווערן נישט באשטייערט, דריי פיפטלעך פון אלע אנדערע מענטשן. די פאקטישע אפציילונג זאל ווערן געמאכט אין די דריי יאר נאך די ערשטע זיצונג פון די צוזאמענקום (קאנגרעס) פון די פאראייניגטע שטאטן, און אין יעדע נאכפאלגענדע טערמין פון צען יאר, אין אזא אופן ווי זיי וועלן דורכן געזעץ דירעקטירן. די נומער פון פארטרעטער זאל נישט זיין מער ווי איינס פאר יעדע דרייסיג טויזנט, אבער יעדע סטעיט זאל האבן ווייניגסטנס איין פארטרעטער. און ביז אזא אפציילונג וועט ווערן געמאכט, די סטעיט פון ניו העמפשור זאל זיין בארעכטיגט צו אויסקלויבן דריי, מאסעטשוסעס אכט, ראוד איילענד און פראווידענס פלענטעישאנס איינס, קאנקטיקעט פינף, ניו יארק זעקס, ניו דזשורסי פיר, פענסעלוועניע אכט, דעלוועיר איינס, מערילענד זעקס, ווירדזשיניע צען, נארט קאראליינע פינף, סאוט קאראליינע פינף, און דזשארדזשיע דריי.

קלאוס 4
ווען ליידיג געווארענע ערטער טרעפט זיך אין די פארטרעטערשאפט פון סיי וועלכע סטעיט, די עקזעקיוטיוו אויטאריטעט דארטן זאל ארויסגעבן א באפעל פון וואלן צו ערפולן אזעלכע ליידיג געווארענע פלעצער.

קלאוס 5
די הויז פון פארטרעטער זאל אויסקלויבן זייער פארזיצער און אנדערע אפיציעלן, און זאלן האבן די אויסשליסליכע מאכט פון אימפיטשן.


המשך יבא אי"ה

[ממה נפשך]

Wow דו ביסט גוט! איך וואלט זייער הנאה געהאט צו ליינען דיין איבערזעצונג. כהאב שוין געליינט די אמעריקאנע קאנסטיטושען אבער חזרה (נאכדערצו אין מאמע לשון) שאדט נישט

[חיימ'ל]

א געוואלדיגע זאך! ס'איז נישט נאר וויכטיג צו פארשטיין די נייעס, נאר טאקע ווייל מיר אלס איינוואוינער דארפ'ן מיר דאס וויסן.

אגב, ס'איז כדי אז די ערשטע דריי ווערטער 'מיר די מענטשן' זאלט איר היילייטען ווייל דאס איז כידוע א וויכטיגע סימבאל.

[אומאפיציעל]

איך טראכט צו דער עולם פארשטייט טאקע וואס דא שטייט, אדער מען דארף מסביר זיין כדי עס זאל זיין פארשטענדליך און אינטערסאנט.

אויב איז דא א ציבור וואס וויל מען זאל ערקלערן וואס דא שטייט, און וואס דאס מיינט, און וואס די אונטערליגענדע כוונות דערפון זענען געווען (א שיעור אויף די קאנסטיטוציע סעיף ביי סעיף), זאל מען זיך אנרופן, אויב וועט זיין א גרויסע פארלאנג מעגליך אז איך וועל עס טון. איך נעם זיך אבער נישט אונטער צו ענדיגן די גאנצע

[מאכט סענס?]

יא, אויב מען קען מסביר זיין וואלט געווען א געוואלדיגע זאך. אבער אויב נישט דאן כאטשיג ענדיג דאס צו.
ישר כח

[האסט נייעס]

יא, אויב מען קען מסביר זיין וואלט געווען א געוואלדיגע זאך. אבער אויב נישט דאן כאטשיג ענדיג דאס צו.
ישר כח

גא"מ

[נא_שכל]

איך טראכט צו דער עולם פארשטייט טאקע וואס דא שטייט, אדער מען דארף מסביר זיין כדי עס זאל זיין פארשטענדליך און אינטערסאנט.

אויב איז דא א ציבור וואס וויל מען זאל ערקלערן וואס דא שטייט, און וואס דאס מיינט, און וואס די אונטערליגענדע כוונות דערפון זענען געווען (א שיעור אויף די קאנסטיטוציע סעיף ביי סעיף), זאל מען זיך אנרופן, אויב וועט זיין א גרויסע פארלאנג מעגליך אז איך וועל עס טון. איך נעם זיך אבער נישט אונטער צו ענדיגן די גאנצע

קודם ענדיג ביטע די גאנצע אן קיין ביאורים, נאכדעם קען מען זיך נעמען צו די ביאורים, ס'קען זיין זייער אינטערסאנט

יישר כח!

[פאראינטערסירט]

זייער א גוטע געדאנק!

לענ"ד אזויווי נא שכל, קודם א טרוקענע איבערזעצונג, נאכדעם א ביאור,

נ.ב. אויב דו קענסט ביטע אריינלייגען אין די ערשטע תגובה די גאנצע קאנסטיטוציע, אזוי העט מען קענען ליינען די גאנצע אין איין המשך,

[אומאפיציעל]

איך האב נאכנישט איבערגעזעצט די גאנצע, עס איז נישט אזא לייכטע ארבעט. איך וועל עס מוזן טון צוביסלעך. נאכדעם קען מען עס מאכן פאר א פי.די.עף. די גאנצע צוזאמען.

איך וועל בעז"ה אזוי טון, קודם די גאנצע איבערזעצן, און דערנאך וועט מען פרובירן צו ערקלערן אויף מאמע לשון וואס דא טוט זיך.

אבער איך דארף פיד בעק, איך וועל נאר האבן א שטופ צו שרייבן אויב דער עולם וועט זיך לאזן הערן.

[שמו]

ייש"כ הרב אומאפציעל
אפשר אזוי וועל איך וויסן וואס מיינע רעכטן זענען

[אומאפיציעל]

[align=center]ארטיקל 1 המשך[/align]


[align=center]סעקשאן 3[/align]

קלאוס 1
די סענאט פון די פאראייניגטע שטאטן זאל ווערן צוזאמענגעשטעלט פון צוויי סענאטאר'ס פון יעדע שטאט, אויסגעוועלט ביי די דארטיגע געזעצהויז, פאר זעקס יאר. און יעדע סענאטאר זאל האבן איין שטימע.

קלאוס 2
תיכף נאכן זיך צונויפזאמלען אין רעזולטאט פון די ערשטע וואלן, זאלן זיי ווערן צוטיילט ווי אייניג מעגליך אין דריי קלאסן. די זיצן פון די סענאטארן פון די ערשטע קלאס זאל ווערן אויסגעליידיגט ביים אפלויף פון די צווייטע יאר, פון די צווייטע קלאס ביים אפלויף פון די פערטע יאר, און פון די דריטע קלאס ביים אפלויף פון די זעקסטע יאר. אזוי אז איין דריטל קען ווערן ערוועלט יעדע צווייטע יאר. און אויב ליידיג געווארענע זיצן מאכן זיך דורך רעזיגנאציע, אדער אויף אן אנדערע אופן, דורכאויס די פויזע פון די געזעצהויז פון סיי וועלכע שטאט, דער אנפירער (עקזעקיוטיוו) דארטן קען מאכן צייטווייליגע באשטימונגען ביז די קומענדיגע זיצונג פון די געזעצהויז, וואס זאל דאן אנפולן אזעלכע ליידיגע זיצן.

קלאוס 3
קיין מענטש זאל זיין א סענאטאר וואס וועט נישט האבן דערגרייכט דעם עלטער פון דרייסיג יאר, און זיין ניין יאר א בירגער פון די פאראייניגטע שטאטן, און וואס וועט נישט, ווען ערוועלט, זיין אן איינוואוינער פון די שטאט פאר וועלכע ער וועט ווערן אויסגעקליבן.

קלאוס 4
דער וויצע פרעזידענט פון די פאראייניגטע שטאטן זאל זיין דער פרעזידענט פון די סענאט, אבער זאל נישט האבן קיין שטימע, אויסער אויב זיי וועלן זיין אייניג צוטיילט.

קלאוס 5
די סענאט זאל אויסקלויבן זייערע אנדערע אפיציעלן, און אויך א צייטווייליגע פרעזידענט, אין די אפוועזנהייט פון דעם וויצע פרעזידענט, אדער ווען ער וועט איבערנעמען די אפיס פון די פרעזידענט פון די פאראייניגטע שטאטן.

קלאוס 6
די סענאט זאל האבן די אויסשליסליכע מאכט צו פארהערן אלע אימפיטשמענט'ס. ווען מען זיצט פאר דעם צוועק, זאלן זיי זיין אונטער שבועה אדער דערקלערונג. ווען דער פרעזידענט פון די פאראייניגטע שטאטן ווערט פארהערט, זאל דער הויפט ריכטער אנפירן, און קיין מענטש זאל ווערן באשולדיגט אן די צושטימונג פון צוויי דריטל פון די מיטגלידער אנוועזנד.

קלאוס 7
אורטיילן אין פעלער פון אימפיטשמענט זאלן נישט גיין ווייטער ווי ארויסנעמען פון אפיס, און דיסקוואליפיקאציע אנצוהאלטן און צו הנאה האבן פון סיי וועלכע אמט פון עהרע, פארטרויליכקייט, אדער פארדינסט, אונטער די פאראייניגטע שטאטן. אבער דער באשולדיגטער זאל נאך אלץ זיין פאראנטווארטליך און אויסגעשטעלט צו איינזעצונג, געריכטליכע פארהערן, אורטיילן, און שטראפן, לויטן געזעץ.

המשך יבא אי"ה

[האסט נייעס]

אונטער אלע ווערטער וואס שטייט בויט מען גאנצע שטעט

שכח
הנאה געהאט עס צוליינען מיר קוקן ארויס אויף ווייטער

[פרוביר אויך]

שכח
הנאה געהאט עס צוליינען מיר קוקן ארויס אויף ווייטער

[רינדעכיג]

מיר ווארטן אויף נאך

[שמו]

מיר ווארטן אויף נאך

גא"מ

[אויף איין פעידזש]

איך טשעק אריין יעדע פאר שעה צו זיין אויב איר שפאנט ווייטער
שכח

[יש ברירה]

תמשיך!

[אויסגערעכנט]

זייער שיין, מיר קוקן ארויס אויף נאך

[יהודי]

שכח
הנאה געהאט עס צוליינען מיר קוקן ארויס אויף ווייטער

[פאקטען]

זייער אינטערעסאנט, קיינמאל געטראכט אז איך גיי זיך זעצן לערנען קאנסטיטוציע

האלט אן

[פאראינטערסירט]

איך טשעק אריין יעדע פאר שעה צו זיין אויב איר שפאנט ווייטער
שכח

[יאסעלע]

איך וויל מיר אפיציעל באדאנקען פאר אומאפיציעל און בעטן ווייטער צו ממשיך זיין, עס קומט דיר א גוט ווארט: סופער דופער געוואלדענע!

[אומאפיציעל]

איך פריי זיך צו זעהן און הערן אז דער עולם האט הנאה און קוקט ארויס אויפן המשך, אלזו וועלן מיר ממשיך זיין בעז"ה.


[align=center]ארטיקל 1 המשך[/align]

[align=center]סעקשאן 4[/align]

קלאוס 1
די צייטן, פלעצער און אופן פון האלטן די וואלן פאר סענאטארן און רעפרעזענטאטן, זאל ווערן פארגעשריבן אין איטליכע שטאט ביי די דארטיגע געזעצהויז, אבער די קאנגרעס מעג צו יעדע צייט דורכן געזעץ מאכן אדער פאררעכטן אזעלכע רעגולאציעס, אויסער וואס אנבאלאנגט די פלעצער פון אויסקלויבן סענאטארן.

קלאוס 2
די קאנגרעס זאל זיך צונויפקומען ווייניגסטענס איינמאל יעדע יאר, און אזא צוזאמענטרעף זאל זיין אין די ערשטע מאנטאג פון דעצעמבער, אויסער אויב זיי וועלן געזעצליך באשטימען אן אנדערע טאג.


[align=center]סעקשאן 5[/align]

קלאוס 1
איטליכע הויז זאל זיין דער ריכטער פון די וואלן, אומקערונגען און קוואליפיקאציעס פון זיינע אייגענע מיטגלידער, און א מערהייט פון איטליכן זאל זיין א באגנוגעדע פארזאמלונג צו מאכן ביזנעס, אבער א קלענערע צאל קען אפשטופן פון איין טאג אויף די צווייטע, און זיין אויטאריזירט צו באצווינגען די באטייליגונג פון פעלענדע מיטגלידער, אויף אזא אופן, און אונטער אזעלכע שטראפן ווי איטליכע הויז קען אוועקשטעלן.

קלאוס 2
איטליכע הויז קען באשליסן די כללים פון אירע פראצעדורן, באשטראפן אירע מיטגלידער פאר אומארנטליכע אויפפירונג, און, מיט די איינשטימונג פון צוויי דריטל, אויסשאפן א מיטגליד.

קלאוס 3
איטליכע הויז זאל האלטן א דזשורנאל (פנקס) פון אירע פראצעדורן, און פון צייט צו צייט פובליצירן אזאנס, אין אויסנאם פון אזעלכע חלקים וואס קענען נאך זייער מיינונג פאדערן געהיימניספולקייט, און די יא'ס און ניין'ס פון די מיטגלידער פון יעדע הויז אויף סיי וועלכע פראגע זאל, אויפן ווילן פון א פינפטל פון די אנוועזנדע, ווערן אריינגעשטעלט אין די דזשורנאל.

קלאוס 4
קיין איינע פון די הייזער, דורכאויס די סעסיע פון קאנגרעס, זאל, אן די צושטימונג פון די אנדערע, אפשטופן פאר מער ווי דריי טעג, אדער צו סיי וועלכע אנדערע פלאץ פון די אין וועלכע די צוויי הייזער וועלן זיצן.

המשך יבא אי"ה

[יהודי]

יעדע ארטיקל הייסט א אמענדמענט?


א גרויסע ישר כח פאר די נייע

[קעלנער]

יעדע ארטיקל הייסט א אמענדמענט?


א גרויסע ישר כח פאר די נייע

ניין. אמענדמענט מיינט פארעכטוגען, די ארטיקלען זענען די אריגיניאלע קאנסטיטוציע, און די אמענדמענטס זענען צוגעלייגט געווארן נאכדעם.