איך בין געווארן ''אויפגעקלערט''... ווילט איר אויך ווערן?!

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

נחום וואהלינער
שר האלפיים
תגובות: 2748
זיך איינגעשריבן אום: מיטוואך אקטאבער 21, 2015 4:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך נחום וואהלינער »

הרב דענק און דענק, זענען מיר אפשר א דאפעלטען ניק...
איר שרייבט ממש מיינע מחשבות, שוין פאר עטליכער יאר צוריק האב איך באמערקט אז רוב וואס לויפן נאך די באבאס, מקובלים, משפיעים וכו' זענען פון סאטמארע קרייזן. אין די איינציגסטער הסבר וואס איך האב אנגעקומען איז אז ס'פעלט זיי סיפוק, אין א אידישער נפש ציט אויף העכער ממילא זוכט מען עס און אנדרע פלעצער.
די אלע תשובות וואס מ'האט געשריבן זענען בכלל נישט עולה על דעתי לקבלם [אינטרעסאנט צו באמערקן אז אין גער און ארץ ישראל אין לעצטערע תקופה ווי די רבי איז שטארק פארמאכט, זעהט מען אויכעט זייער אסאך גערעס ויוצאי גער ביי אנדרע פלעצער בפרט ביי משפיעים]
אוועטאר
אדלער
שר חמישים
תגובות: 59
זיך איינגעשריבן אום: מיטוואך אוגוסט 24, 2016 10:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אדלער »

@אוהב שלום דו ביזט א מעכטיגע שרייבער לאז דעם עולם הנאה האבן און ביטע האלט אן די מנהג טוב פון אויסקלארן זאכן.

יישר כח מעומק הלב אויף דיין צייט און הערליכע ארבעט
אדלער בשם כל הקהל הקודש
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

הרב אוהב שלום הערליך שיין!!!
מורא'דיגע נקודות און הערליך ארויסגעברענגט!!

איין קליינע הג"ה אויף א הג"ה:
חביבי האט געשריבן:
וויל וועלן האט געשריבן:זייער שיין געשריבן,

ג. למשל אויב ביי די עלטערנס שטוב הערשט אן אנגעצויגנקייט ערב שבת און למשל הושענא רבה און ביי מיר אין שטוב פרוביר איך צו לייגן א דגוש אז ס'זאל זיין מער א רואיג'ערע אטמאספער מיינט דאס אויך אז איך בין פלאטשיג און איך קוק אראפ מיין טאטע?!


וואס דען מיינט עס?

ווי האט יענער געזאגט; יעדער איז אנגעצויגן אמאל אינדערהיים... ביי איינעם איז עס הושענה רבה ביי א צווייטן איז עס ווען די צוויי יעריגס האט צובראכן א טייערע טשאטשקע...

הושענא רבא איז די גמר דין, און די אלע פארצייטישע צדיקים און אפי' פשוט'ע אידן וואס פלעגן ציטערן מיט אן אימה פאר'ן יום הדין ר"ה און יו"כ, פלעגן אויך ציטערן (הגם אויף א שוואכערע לעוול) הו"ר.
אויך ביים רבי'ן ז"ל איז הו"ר געווען גאר א שטארקע "אנגעצויגנקייט" (לייען: ערנסטקייט).
Get your facts first, then you can distort them as you please.
אוועטאר
קברנה סובניון
שר האלפיים
תגובות: 2234
זיך איינגעשריבן אום: מיטוואך מאי 20, 2015 10:38 am
לאקאציע: אין וויין גארטן

  • ציטיר
  • צו לייגן א דאנק דארפט איר זיין אריינגעלאגט

תגובה דורך קברנה סובניון »

ייש"כ אוהב שלום מורא'דיגע ווערטער און בעיקר אמתדיג
זייער אינטערעסאנט למבקשי האמת
חזק ואמץ ;l;p-
------------------------------------------------------------------------------

הרב חביבי די גאנצע אשכול האט זיך געלוינט פאר די שורה
חביבי האט געשריבן:ווי האט יענער געזאגט; יעדער איז אנגעצויגן אמאל אינדערהיים... ביי איינעם איז עס הושענה רבה ביי א צווייטן איז עס ווען די צוויי יעריגס האט צובראכן א טייערע טשאטשקע...
"ווייל ביי אונז אפילו ווען מען זעט זיך פנים אל פנים מיט'ן עכטן נאמען, ווייזט מען אויך נאר ארויס דעם ניק". (ליפא - אפענע בריוו צו אייוועלט)
אוועטאר
משהזוךמיר
שר חמשת אלפים
תגובות: 5017
זיך איינגעשריבן אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהזוךמיר »

לדעתי האט געשריבן:אוהב שלום, ביסט געוואלדיג.

און אנהייב האב איך געמיינט אז כ'האב וואס צוצולייגן, אבער למעשה שטיי איך מיט די צינג אינדרויסן, (שוין צוריק געלייגט).

זייער קלאר געמאכט אסאך נקודות.

און נאכאמאל, א גרויסער יישר כח

יעצט געליינט די לעצטן ארטיקל. ג"א מצטרף צום קוואוט. מיין צונג איז נאך אינדרויסן. איך בין אינגאנצן בארוישט פון דעם וואס דו האסט אזוי שיין ארויסגעברענגט ממש יעדע נקודה וואס איך האב געוואלט אריינשרייען.

חזק ואמץ!!
Get your facts first, then you can distort them as you please.
נחום וואהלינער
שר האלפיים
תגובות: 2748
זיך איינגעשריבן אום: מיטוואך אקטאבער 21, 2015 4:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך נחום וואהלינער »

הרב אוהב האסט אנגעכאפט א שטארקע נקודה מיט די רב/רבי קוגל. איך טענה שוין לאנג אז א גרויס חלק פונעם היינטיגע צומישענעישן אין אפילו פראבלעמען שטאמט פון דעם.
חוץ פון אונגארין און א חלק גאליציע איז טאקע נישט גיווען כמעט קיין רבי'ס וואס האבן זיך געפירט ברבנות ס'איז כמעט גיווען ווי א סתירה, אין אפילו די מקומות ווי די רביים האבן גיהאט די מגידות וכל שאר חניכא דאית לי' און זיי האבן גיהאט די לעצטע ווארט בעניני הכלל איז עס אויך נישט צוגעגאנגען בדרך רבנות, ס'איז גיווען מער אזא מלכות/כבוד זאך, די עיקר האבן זיך מטפל גיווען די רבנים ודיינים בכל עיר וכרך כפי גדלו וקטנו.
אוועטאר
קברנה סובניון
שר האלפיים
תגובות: 2234
זיך איינגעשריבן אום: מיטוואך מאי 20, 2015 10:38 am
לאקאציע: אין וויין גארטן

  • ציטיר
  • צו לייגן א דאנק דארפט איר זיין אריינגעלאגט

תגובה דורך קברנה סובניון »

כ'האב צאמגעשטעלט די גאנצע ארטיקל פון אוהב שלום אויף א PDF
כווייס נישט וויאזוי מ'לייגט עס ארויף
הילף ביטע
לעצט פארראכטן דורך קברנה סובניון אום מיטוואך נאוועמבער 02, 2016 10:57 pm, פארראכטן געווארן 1 מאל.
"ווייל ביי אונז אפילו ווען מען זעט זיך פנים אל פנים מיט'ן עכטן נאמען, ווייזט מען אויך נאר ארויס דעם ניק". (ליפא - אפענע בריוו צו אייוועלט)
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

דרוק אויף "שרייב תגובה",(נישט שנעלע תגובה) שלעפ אריין די פייל אין די קעסטל וואו מ'שרייבט תגובות קוק אונטן צו עס איז אדורך. אויך יא מסדר. אויב נישט פרעג נאכאמאל.
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

אויס ס׳ארבעט נישט א שלעפ עס אריין צו דראפבאקס און שטעל ארויף א לינק
סוף מעשה במחשבה תחילה.
מה אנו
שר חמישים ומאתים
תגובות: 262
זיך איינגעשריבן אום: זונטאג סעפטעמבער 18, 2016 2:31 am

פשטות! וואס איז דאס?‎

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה אנו »

שלום עליכם יודן קודם כל יישר כח אוהב שלום, דו האסט אנגערורט א העכסט אקטועלע אבער פארט פארשווייגטע נושא, איך בין נישט קיין מומחה אין כתיבה בכלל און יודיש טייפן בפרט לכן אבקש סליחה על אריכות הלשון.
ראשית כל לדעתי האט דיין אשכול אזוי נושא חן געווען מטעם די אמתדיגקייט שבו, מען שפירט נישט אינעם פעדער קיין שום אנגעגעסנקייט, גערעגשאפט, אגענדע וכדו׳ וואס מען איז געוואונט צו שפירן ווען רובא דרובא מענטשען רעדן אדער שרייבן איבער דעם נושא, נאר פשוט א קלוגער איד שמועסט זיך אויס ווי אזוי ער זעהט א זאך היינט אנדערש אדער בעסער געזאגט פינקט פארקערט ווי ווען ער איז יונגער געווען. אויב איך מעג וועל איך אביסל אויסקלארן וואס אקוראט דער נושא איז דא.
אוהב שלום רעדט נישט פון איינעם וואס איז סתם אן אומבאלערנטע פארלאשענע נשמה ה׳י וואס כדי זוך צו בארואיגן זיין געוויסן נעמט ער זיך לאכן פון הוריו ומוריו אין פינעם ״קאראפטעד סיסטעם״ .... ניין מיר רעדן נישט פון איהם ער דארף א באזונדער אשכול והנה למעשה לאמיר גיין גראד צום ״שרייבער׳ס״ נושא און נישט צום גרויסן ציבור וואס האט נישט פינקטליך געכאפט וואס כבוד הרב אוהב שלום האט גאוואלט

קודם כל אוהב שלום ליבער איך האב מיר געזעהן אין יעדען ווארט דיינעם ממש איך האב אויך געהאט די נסיעות אין דיין איצטיגער מסקנה איז הייליג אמת איך דענק ווי דיר א מילליאן פראצענט פעריאד!
איך וואלט אבער יא געוואלט ערווענען און בעטען כ״ת צו שרייבן וואו הייבט זיך די אויפגעקלערטקייט אן ? היות אז אונזער טבעיים און מהלך המחשבה איז היבש בנמצא היינט, און פיל גייען נישטערן און זיכן, און הייבן אן זייער יונגן לעבען מיט דעם הרגש אז מיינע עלטערען אין רעב׳ס זענען נעבעך געווען א באנדע ...... און נישט יעדער כאפט זיך אויף אזוי ווי כבוד הרב אוהב שלום, אשר על כן איז זייער וויכטיג צו זעהן וואס איז די הויפט סיבה אז א בחור, יונגערמאן זאל בכלל אנפאנגן א סלקא דעתך אז ער וויל עפעס מער אין טיפער פון זיין פאטער, צו איז נישט דא א בחינה במקצת פון אבל אשמים אנחנו, טאקע יא אויף אונזערע חשוב׳ע מחנחים פון די מ׳ און נ׳ יארן לאמיר גוט זוכן און טרעפן ווען און פארוואס הייבט דער בחור׳ל אן צו לאכן אדער מער איידל געזאגט וויניגער ארויף קוקן הוריו ומוריו

ביטע ליין און זיי מגיב דעתך

לדעתי איז דאס נישט סתם ווען א שארף בחור׳ל הייבט אן טועם זיין א טיפער פארשטאנד בלימוד או בענייני עבודה און ער זעהט פלוצלונג זיין טאטענ׳ס ארימען דעת, און מחשבת זלזול הייבט אן צו נאגן, ניין און נאכאמאל ניין לויט מיין קליינע אנקעטע איז מיר אויסגעקומען אז איז דא אפאר נקודות וואס זענען קודם גורם דעם מחשבת זלזול זאל זין אריינזעצן אין דעם גוט קעפל, און דעער מחשבה והחלטה שטיפט און יאגט איהם צו גיין זוכן לומדות, מחשבה, עבודה, אד׳ג והיות דער יסוד פון זיינע ידיעות און הורעוואניע איז אבער געבויעט אויף דעם זלזול, איז יעדע נייע זאך וואס ער לערנ׳ט ווערט באלד נאך א קויל אויף זיינע עלטערען, און ברען שטאף פאר זיין גיאות, ממילא קען ער טאקע לערנען און עוסק זיין אין די טיפסטע און הייליגסטע עניינים אבער זיין יראת שמים וואקסט נישט.

די נקודות פון וואס איך רעד איז גאנז היימיש און באקאנט און מען הערט דאס כסדר נאר מיט שינוי נסחאות וחילופי גרסאות זה בכה וזה בכה

מאכן פונעם טפל אן עיקר מיט א הפלא׳דיגן אומנות סיי בענייני הלכה סיי בענייני עבודה, ממש דורעכ׳ן גאנצן יודישען קאלענדער איז מען נישט נאר נישט פארנומען מיט די עומקי וטעמי המצוות והזמנים, נאר מען קומערט זיך קוים מיטן פשוט׳ן אמונה אינעם בורא עולם, אין מען איז גאנץ ווייניג אינעם פשוטן טעם ביסוד קיום המצוות,

והנה החודש הראשון איז דער הייליגער יו׳ט פסח לאמיר זיך אמתדיג באקלערן צו האט מען בעיקר עוסק געווען בענייני אמונה ויר׳ש וואס דער יו׳ט דארף אונז צו לערנען אדער הערט מען נאר אז ביי אונץ מישט מען זיך נישט! ביי געציל עסט מען יע פיש צו נישט? לעבעדיגע צו דערהאגעטע ? א מומע הייסט זיך מישן ? קאווע? ציקער? מ׳האט גענומען דאס גאנצע נשמה פונעם יו׳ט אין דאס אריינגעלייגט אין א זייטיגען ענין פון חומרות און מנהגים, און אויך בנוגע ההלכה דא זעהט ער זיין טאטן מדקדק זיין אויף ער׳פ מצות דוקא רחיים של יד אבער דא דער אכילת מצה פאר חצות האט עקספייערד, שבועות איז מתן תורה? פנים בפנים ? טהרה עליונה? שתי הלחם? ניין אויף זיין ביינאכט, נישט רעדן ביז כתר, און יא דער גרויסארטיגער מיליכיג פארטי, ראש השנה, קבלת מלכותו? חידוש המלוכה? נישט ממש רונדיגע בארכעס, ווייסע טיכלעך, געקעסטעלטע לאקשן , סימנים, ארומלויפן ס׳גאנצע שטאט אנוואונטשען לשנה טובה, דאוואנען ביז זייגער זעקס,, סוכות מאכט מען פיל א גרעסערן מצב פון די אושפיזין ווי איידער פונעם חג האסיף ווי אויך איז דא א גאנצע שומחה צו עסן דייקא ווען עס גיסט אין יא מיר זענען הדיוטים חנוכה ווייסן אפילו די קליינווארג שוין אז מען דארף קוקן אויף די לעכט א האלבע שעה, אבער טבע צו השגחה פרטיות, חכמת חיצוני אדער חכמת התורה, פון דעם רעדט נאר עפעס אזוי בעקיפין אויב ס׳קומט פונקט אויס צו פארענטפערן דעם הייליגען בית יוסף׳ס קשיא, וכהנה וכהנה איז מען פארנומען אגאנץ יאר מיט די טפלים וואס יעדער ענין אדער מנהג האט טאקע א פשט, א טעם, אין אוודאי איז עס אן ענין של קדושה, אבער ס׳איז עפעס געווארן אז פון דעי ענינים מאכט מען א גאנצן עיקר און א טראסק און פון יסודי הדברים מאן דכר שמי און איך רעד נישט פון פון יסודות פון כתבי אר״י איך רעד פשוט פשט אין א מצוה, אין א שבת, אין א יו׳ט, געבויעט אויף חומש רש״י רמב׳ן אד״ג דברים המתקבלים על לב השומע פון דעם דערמאנט מען נישט קיין ווארט! איך מיין אז דו פארשטייסט וואס איך וויל, יעצט אזוי דא הייבט שוין יא דער של ראש צו דריקן הזאת נעמי? דאס איז כי הוא חכמתכם ובינתכם ? ער הייבט אן צו פרעגן אמאל בפה וביותר בלב וואס גייט דא פאר?? באלד הייבן די עלטערען אדער צו וועם אימער ער ווענדט זיך צו גיין אויף אפענסיוו ״נא דו רעדסט אויף מנהגי ישראל ? דו ווייסט ווי מען קען אנקומען? דו ווייסט ווער האט געפרעגט אזאלעכע קשיות ? און יא פיפיאשע רבי האט קלאר געזאגט אז נאר מיט מייערן צימעס און קרעפלעך וועלן מיר דעם גואל ברענגען״, דער בחור הערט ער שווייגט אבער ניין ער איז נישט איבערצייגט, ער איז נישט צופרידן, זיין שכל לאזט נישט מודה זיין אז פאר דעם זענען זיך שמים וארץ צאמגעלאפן ביים מעמד הנבחר, ממילא ווען דער בחור טרעפט זיך מיט סיי וועלכע הבנה בין בספרי הפשט כגון העמק שאלה, מלבי׳ם, רש״ר הירש וכד׳, בין בספרי ביאורי החסידות הייבט ער אן צו פילן א טעם, אן אור, א געשמאק און יא דער מחשבת זלזול גריבלט זיך ווייל שוין יארן וואס ער זוכט דאס ער. שפירט מען האט אים עפעס געפעללשעוועט
נאך א פרט איז זייער מצוי ביי אונץ אז נישט נאר ער זעהט דעם טאט׳ן א חוסר הבנה, נאר פון די אנדארע זייט זעהט ער ווי זיין טאטענ׳ס התלהבות און חיצוניות איז א מייליאן ליכטיארן ווייט פון זיין פנימיות, וואס שטיפט מיין טאטע? אונץ חסידים ווייסן זייער וויאזוי נאכצומאכן, ער ציעט׳צעך אן דעם רעשוואלקע און פאפירט ביי מזמור שיר ליום השבת אדער דעקט זיך מיטן טלית ביי שבח, והנה ער איז רבי ר׳ מילך אליין, ער וויינט ווי די רבי האט געוויינט, טאנצט ווי און ווען די רבי האט געטאנצן, און איז אנגעצויגן הושענא רבה ווייל די רבי איז געווען אנגעצויגן, און דער בחור זעהט דאס עפעס פאר א נאקעטע זאך, ער פילט זיך נישט קאמפארטעבל דערמיט, עס האט אים נישט קיין חן, ער האלט עס איז פאלש, און יא ער קוקט עס אראפ וויל נישט דאס מיינת תמימות, מ׳קען זיין א תמים און קענען חובת הלבבות.. וליבי אומר לי אז דערפאר וועסטו טרעפן ביי אונץ פיל מעהר מיט דעם אויפגעקלערט אישו ווי ביי די פשוט׳ע אשכנזישע אידן, פארוואס? וויל ביי זיי א פשוט׳ע יוד איז טאקע פשוט ער פליט נישט אין הימל, א שבת סעודה איז א שיינע משפחה פארברענג (אדער אפילו א שלש סעודות.. ) נישט א רבישע טיש שפול ער פארגלייזט נישט די אויגן ביי קידוש און קנייטש נישט דעם שטערן ביי די פיש קריספי חלה און קאטשעניו און אזוי איז ער אגאנץ יאר און פון די אנדערע זייט איז ער היבש יסודות׳דיג און הלכה׳דיג אן די אלע ענינים ומנהגים און אפילו די מנהגים שרובם לפי הרמ׳א מאכן זיי
אבער נישט אזא ריזיג עסק פון דעם, און דער בחור זעהט א טאטן וועם ער פארשטייט, ער אסאסיעט מיט איהם. נישטא קיין טויזענט קשיות, און אפילו ער הייבט אן טרעפן מעהר, איז דאס נישט געטריבן דורך א זלזול,צום אויספיר לדעתי זיין פארנומען מיט די טפלים אויף אן אופן קבע און קיינמאל קיין פשוט׳ע יסודות און נאכדערצו זיך אוועקשטעלן פיל פיל העכער ווי מען האלט באמת גייט נישט ארבעט׳ן צווישן פשטות און טפשות איז א חוט השערה אבער די מרחק איז כרחוק מזרח ממעריב און ביי די אמאליגע אינגערישע יודן זענען יסודות געווען אלף ליידער נאכן קריג זענען מטושטש געווארן היות נאר דאס יוגנט איז פארבליבן אן קיין געהעריגן אישיות׳דיגן מורה דרך ממילא תתתכל בתלמידי ר׳ מיכאל בער ז״ל ותתבונן וד׳ל ודו׳ק
נאך א נקודה איז ראסיזם אינז זעמער היימיש!!! און א קנייטש היטל וואס דאוונט שבת אכטע, מעג קענען ש״ס און פוסקים און זיך מוסר נפש זיין על קלה כבחמורה, אבער סארי ביסט פארט נישט היימיש ביסט צווייט קלאסיג (דער ענין איז אין די לעצטע צענדליג יאר בעסער) די עטטיטוד איז א קיללער ווייל מען וואקסט אויף אין מען זעהט דעם טעות לייקנט מען ביז ארויף ה׳י
איז ממילא זייער וויכטיג צו געדענקען אז דעם פשוט׳ן מהלך איז זייער שיין און גוט אבער עס מיז זיין יסודות׳דיג, הלכה׳דיג, אויסגעהאלטן, און אוודאי אמת׳דיג, נישט פארדרייען יוצרות מיט זייטיגע אדער אפילו מיט העכערע זאכן וואס באלאנגט נישט צום פשוט׳ן יוד,
אזוי אויך נקודה ב׳ מאכט נישט דעם מצב פון ״אונזער דרך״ ״היימיש״ אד״ג, זשאסט לעב און פיר דיך וואו אונזער דרך, רעדט נישט אזויפיל דערפין, און יא ״ציטער פון אפילו א ״פיטזי עבירה׳ אזוי ווי די רבי ז״ל יודן, ווער געדענקט ווען ביי אונזערע טאטע׳ס איז אנקומען צו א מנין מנחה וואו דער בעל תפלה האלט ביי תנו רבנן, שוין געהייסן זיך מיטגעכאפט?? אוי ווי קומט מען אן צו זייער יראת שמים! מי יתן והיה
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

''מה אנו'' דו מאכסט פון אונז ''זעמל מעהל'' ''רחיים של יד''
די ביזט הייליג גערעכט
אבער צו דאס איז די סבה? יש לדון ע''ז
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
אוועטאר
טשאלענט
שר ארבעת האלפים
תגובות: 4017
זיך איינגעשריבן אום: זונטאג אוגוסט 07, 2016 3:34 pm
לאקאציע: אין טשאלענט טאפ

משנה זיין

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשאלענט »

ערשט יעצט אנגעקומען צו דעם אשכול און א גרויסן יישר כח הרב אוהב שלום, האסט מיר אויפגעקלערט....

איך באלאנג אויך צו די סאטמארע קהילה אדער חסידות אדער שטאט וויאזוי דו ווילסט עס רופן... און עס פלעגט מיר אויך שטערן עטליכע פראגן וואס פון צווישן דיינע שורות איז מיר עס שטארק קלאר געווארן.

איך האב נאר געוואלט אנרירן א קליינע נקודה'לע באותו ענין דאס איז וואס מאנכע רופן אן משנה זיין, און מיט אוהב'ס קלארע רייד קען מען עס זייער גוט פארשטיין, נאר איך וויל בעטן יעדן אז פארן מגיב זיין זאל מען גוט אדורך ליינען בעמקות מיינע ווערטער בבחינת יותר מה שקראיתי לפניכם כתוב כאן, און נאר דערנאך מגיב זיין כדי עס זאל נישט ארויסקומען קיין עגמת נפש! (טאמער קענסטו נישט מעיין זיין דאן לאז איבער ביטע די תגובה און פארמייד עגמת נפש יישר כח!)

רביה"ק איז געווען דער צדיק אמת און וואו פריער ארויסגעברענגט האט ער געהאט א שיטה פון צאנז \ בעלז \ חתם סופר און נאך וואס באמת זענען אלע מכוון לדבר אחד מיט געוויסע קליינטשיקע שינויים.

היינטיגע צייטן ווען חשכו המאורות, און דער צדיק אמת איז שוין ליידער נישט בתוכינו און מיר האבן א ספק דארפן מיר זיך ווייטער פירן בדרך רביה"ק און קוקן וואס וואלט ער געטון בבחינת חכם עיניו בראשו (חת"ס) און עס אויספירן אויפן היינטיגן מעגליכקייט, למשל בימי רביה"ק איז נישט געווען קיין סמארט פאון'ס אבער טאמער ווילן מיר פירן היינטיגע צייטן א מלחמה קעגן סמארט פאון'ס וועלן מיר קוקן וואס ער האט געטוהן בימיו (טעלעוויזיע) און מיר וועלן עס טוהן לויטן היינטיגן מציאות (גיין בכל התוקף) די זעלבע מיט ציונות ואבזירייהו און נאך און נאך.

אבער עס זענען דא וואס האבן דעם טעות אז גיין בדרך רביה"ק מיינט עסן דעם זעלבן קוגל פרייטאג צונאכטס און זינגען דעם זעלבן כל מקדש, אוודאי איז א שיינע זאך צו זינגען דעם רבינ'ס ניגון און עס וועקט אויף די געפילן פון ווער עס געדענקט ווען די רבי פלעגט עס זינגען, אבער נישט דאס מיינט משנה געווען, און ווען מען שטעלט זיך אויף אזעלכע קלייניגקייטן וואס האט גארנישט מיט אידישקייט (און וואו געזאגט אויבן אז מען זעט אז מען איז ב"ה נישט משנה קקיצו של יו"ד פון די ערענסטע מנהגים און אלע אנדערע זאכן מיינט עס אז מען איז אויף די ריכטיגע רעלסן) דאן מאכט מען אז מען זאל אנקוקן רביה"ק מיט אזא בליק ווא אוהב פלעגט עס אנקוקן (נא.... אל תזכור לנו...), און עס מאכט אויך קאלט ווען עס קומט צו ערענסטע זאכן.

איך זאג נישט אז מען טאר נישט זינגען דעם ניגון אדער אנטוהן דעם זעלבען קאליר בעקיטשע, אבער טאמער דרייט מען איבער דעם ביהמ"ד ווייל דער בעל תפילה האט געזינגען א שיין שטיקל ביי הלל (אויסער הים ראה און עינים להם) וואס דער רבי פלעגט נישט זינגען און מען רופט דאס אן משנה זיין האט עס ח"ו נאכדעם אן השפעה אויף די דורות אז זיי זאלן מזלזל זיין דערין...

אני צריך לקצר מפני חוסר הפנאי
איך האף אז דער עולם וועט פארשטיין מיינע ווערטער ריכטיג און נישט אננעמען פאלש!
טשאלענט גמח!

ווען איך בין געווען אינגער פלעג איך זאגן:
די לעבן איז צו ערנסט צו נעמען אזעלכע נארישקייטן פערזענליך,
אבער היינט בין איך שוין שוין געקומען צום שכל און איך זאג:
די לעבן איז צו נאריש צו נעמען אזעלכע ערנסטע זאכן פערזענליך
פרומער יוד
שר העשר
תגובות: 29
זיך איינגעשריבן אום: דינסטאג אוגוסט 16, 2016 4:42 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרומער יוד »

מה אנו האט געשריבן:איך וואלט אבער יא געוואלט ערווענען און בעטען כ״ת צו שרייבן וואו הייבט זיך די אויפגעקלערטקייט אן ? היות אז אונזער טבעיים און מהלך המחשבה איז היבש בנמצא היינט, און פיל גייען נישטערן און זיכן, און הייבן אן זייער יונגן לעבען מיט דעם הרגש אז מיינע עלטערען אין רעב׳ס זענען נעבעך געווען א באנדע ...... און נישט יעדער כאפט זיך אויף אזוי ווי כבוד הרב אוהב שלום, אשר על כן איז זייער וויכטיג צו זעהן וואס איז די הויפט סיבה אז א בחור, יונגערמאן זאל בכלל אנפאנגן א סלקא דעתך אז ער וויל עפעס מער אין טיפער פון זיין פאטער, צו איז נישט דא א בחינה במקצת פון אבל אשמים אנחנו, טאקע יא אויף אונזערע חשוב׳ע מחנחים פון די מ׳ און נ׳ יארן לאמיר גוט זוכן און טרעפן ווען און פארוואס הייבט דער בחור׳ל אן צו לאכן אדער מער איידל געזאגט וויניגער ארויף קוקן הוריו ומוריו


אל כבוד הרב "מה אנו"
זייער א גיטע נקודה ערווענט, לעניית דעתי אלס איינער וואס איז אויך אדורך די סטעד"ש, ביי מיר האט זיך עס בערך אזוי געפארעמט, פין שטוב אויס געזעהן א ערליכע אידישע לעבן אבער למשל שבת ביים טיש האט מען מער ווייניגער ארום גערעדט פין הוויות העולם הזה כגון געלט, פאליטי"ק, וכדומה. אין ווען איך בין אבער דערווארימט געווארען פין א מגי"ש וכדומה, האב איך אנגעהויבען ציען מיין חינוך ממקום אחר אין פאר שטייט זיך מזלזל זיין אין די עלטערן,
בקיצור אין איין ווארט דער פראבלעם הייבט זיך אן ווען דער בחור איז זיך אליינס מחנך אין פנימיות פין אידישקייט דעמאלטס הייבט זיך אן א מקום לזלזל באבותיו,
אזוי זעט עס מיר אויס!!!!
אוהב שלום
שר חמישים ומאתים
תגובות: 414
זיך איינגעשריבן אום: פרייטאג אקטאבער 28, 2016 5:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב שלום »

לכבוד הרב 'מה אנו': איין ליין דיינע איז מיר זייער געפאלן, ווען כ'הער עס פריער וואלט איך עס זיכער געניצט. וזה הוא::
-------------------צווישן פשטות און טפשות איז א חוט השערה, אבער דער מרחק איז כרחוק מזרח למערב-------------------

לכבוד הרב טשאלענט: כ'ווייס נישט וואס דו האסט אזוי מורא געהאט אז דער עולם וועט דיר נישט פארשטיין, זאגסט דאך אזא גלייכע חילוק יסודי.!!
איינער וואס נאכצומאכן דעם רבינ'ס פרעזענליכע הנהגות קומט פאר דעם רבי'נס יסודות'דיג כללים טיט פשוט קעגן דעם רבי'נס רצון..!!
אדרבה פרעגט אייך נאך, דער רבי האט קיינמאל נישט געהאלטן פון 'נאכמאכן' סתם לשם 'נאכמאכן' און אוודאי אז ער האט אזוינ'ס קיינמאל נישט פארלאנגט. דעם רבי'נס יסוד בנוגע מסורת האבות איז קיינמאל נישט באשטאנען פון קיינע פרטיות'דיגע מנהגים (כ'רעדט נישט וויאזוי דער האט זיך פרעזענליך געפירט, כ'רעדט בלויז לגבי וויאזוי ער האט זיך געפירט בעניני הכלל ). עס איז בלויז געווען געבויט אויף יסודות ביהדות וואס דאס האט זיך געוואנדן לפי רוחות הזמן, ולדוגמה, האט דער רבי פארלאנגט אז מען זאל במוסדות סאטמאר לערנען א לימוד בתנ''ך וויבאלד דאס ווערט שוין נישט באניצט דורך די משכילים לקנטר. ויש עוד להאריך ואכ''מ.
"איך שרייב אויף אייועלט וואס איך האב ליב צו שרייבן; נישט וואס דו האסט ליב צו לייענען". עכל"ק. הקטן כ"ק אדמו"ר מאוהב שלום שליט"א. פה אייוועלט יצ"ו.
אוועטאר
איך בין
שר חמישים
תגובות: 76
זיך איינגעשריבן אום: מאנטאג מאי 13, 2013 3:18 pm
לאקאציע: אין די וועלט ווי יעדער איינער

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך בין »

דא האט איר pdf
אטעטשמענטס
עס איז היינט א וועלט פון שרייבעריי.pdf
(149.72 KiB) געווארן דאונלאודעד 335 מאל
אינטערסירט און אלעם
אוועטאר
שמו
שר ארבעת האלפים
תגובות: 4954
זיך איינגעשריבן אום: מאנטאג אקטאבער 31, 2011 12:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמו »

ייש"כ איך בין, פאר די פי די עף

און כמובן ייש"כ אוהב שלום פאר'ן שרייבן די רייכע מאטריאל
כשמ"ו כן הוא

סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינען https://act.webull.com/nt/1tSOfvYQhs4K/

גם אני נקי עם נטפרי
אוועטאר
נערישער אינגרמאן
שר חמישים ומאתים
תגובות: 327
זיך איינגעשריבן אום: מיטוואך יולי 20, 2016 11:11 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נערישער אינגרמאן »

אוהב שלום האט געשריבן:אדרבה פרעגט אייך נאך, דער רבי האט קיינמאל נישט געהאלטן פון 'נאכמאכן' סתם לשם 'נאכמאכן' און אוודאי אז ער האט אזוינ'ס קיינמאל נישט פארלאנגט

פאר איטרעסאנטקייט: איך האב געהערט פון אן אלטן חסיד אז ער האט געלערנט מיט זיין חברותא אינעם קליינעם בה"מ פאר מעריב הלכות קר"ש אז מ'לייגט די האנט אויף די אויגן, האט זיך אנגעהויבן א טענה'ריי צו דער רבי לייגט יא אדער נישט די האנט אויף די אויגן, איז באשלאסן געווארן אז מ'וועט ווארטן אויף מעריב צו זעהן וואס דער רבי טוט.

יענער נאכט האט די רבי געלייגט זיין האנט אויף די אויגן פון אינמיטן אהבת עולם ביז אינמיטן ואהבת, אין בדרך כלל האט ער טאקע נישט געלייגט, נעמט ער ארויס אז דער רבי האט געוואלט ווייזן אז "מאך מיר נישט נאך".
איוולת אדם תסלף דרכו ועל ה יזעף לבו (משלי י"ט ג')
אוועטאר
farshlufen
שר שלשים אלף
תגובות: 35246
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

כבוד הרב "אוהב שלום" נאט אייך א פוילישע תורה אויף די וואכעדיגע סדרה עה"פ ויחל נח איש האדמה
אטעטשמענטס
Capture.JPG
Capture1.JPG
Capture1.JPG (14.88 KiB) געזען 3516 מאל
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

איך בין האט געשריבן:דא האט איר pdf

דאנקע שיינעם @איך בין
צום פוינט
שר חמש מאות
תגובות: 500
זיך איינגעשריבן אום: דינסטאג יאנואר 05, 2016 2:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צום פוינט »

כבוד הרב "אוהב" יישר כח
דו האסט שיין אראפ געלייגט די נקודה אבער די האסט פשוט פארגעסן צו מאכן א מסקנא
היות מיר וואוינען אין א אוגארישע שטעטל [סארי רומענישע] אן קיין חסידישע רבי לאמיר אלע כאפן א פיאקער און פארן צו א רבי קיין ברסלב, חב"ד, מוסר, קבלה וכו' פארוואס זאלן מיר בלייבן אויבערלענדער אידן ???
;l;p- ;l;p- ;l;p- :grin: :grin: :grin:
אוהב שלום
שר חמישים ומאתים
תגובות: 414
זיך איינגעשריבן אום: פרייטאג אקטאבער 28, 2016 5:00 pm

מעשה רב..!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך אוהב שלום »

אין ''דער איד'' פר' נח, האב איך פונקט באמערקט אז אין די סעריע ''שיחתן של אבות'' וואו עס לויפט אצינד א שמועס וואס איז אפגעהאלטן געווארן מיט הרה''ח ר' אהרן פאלאק, דערציילט דארט ר' אהרן א העכסט מערקווירדיגע אינהאלטסרייכע שמועס וואס דער רבי זי''ע האט געהאט מיטן סקווירער רבי'ן, און א חלק פון די תוכן איז ספעציעל כדי צוצילייגן צו אונזער שמועס. די פאלגנדע ציטאטן פונעם שמועס קען דינען אלס א שטאנדהאפטיגע יסוד לגבי פילע נושאים, אבער מיר ווילן דאס בעיקר ניצן בלויז אלס אן א הוכחה אויף אונזער שמועס דלעיל.

מיר וועלן דאס צוטירן מיטן לשון וויאזוי דאס שטייט אין 'דער איד'.

מענין לענין האט זיך אנטוויקלט א שמועס איבער 'חסידות' און 'התנגדות'. דער רבי האט געזאגט דערוועגן אז היינט צוטאגס איז שוין נישטא קיין גרויסע חילוק צווישן חסידות און התנגדות, און האט אנגעגעבן א טרעפליכן משל אויף דעם ענין: אמאל איז געווען אין א שטאט צוויי עשירים, מ'האט אבער נישט געוואוסט גענוי וויפיל געלט זיי פארמאגן, און ווער פון זיי ס'איז א גרעסערע עושר. איינמאל האט אויסגעבראכן א שריפה וואס האט אפגעברענט די גאנצע שטאט ה''י, אריינגערעכנט די פארמעגן פון די צוויי עשירים. הערשט דאן האט מען אנגעהויבן צו דערקענען דער חילוק צווישן די צוויי געוועזענע עשירים. איין עושר איז געבליבן בעירום ובחוסר כל און נישט געהאט אפילו קיין שטיקעל לאכול לחם, ווידער דער צווייטער עושר כאטש זיין פארמעגן פון שטאט האט אפגעברענט, פונדעסטוועגן האט ער נאך געהאט עפעס איבערבלייבענישן פון זיין רייכטום איבער אנדערע שטעט, ווי איינצוקאסירן חובות פון מענטשן פון אנדערע ערטער, און דא גלייכן, און אזוי ארום האט ער כאטש געהאט אויף ברויט צום לעבן. ערשט דאן האט מען איינגעזען למפרע אז דער צווייטער עושר איז געווען פיל א גרעסערע עושר ווי דער ערשטער.

דאס זעלבע - האט דער רבי אויסגעפירט - איז לגבי חסידות און התנגדות, סיי ביי די חסידים און סיי ביי די מתנגדים זענען געווען גרויסע צדיקים וקושי עליון, און ווער האט דעמאלט געקענט מעסטן וועלכער דרך איז בעסער? נאר יעצט ווען סיי די חסידות און סיי די התנגדות איז שוין ליידער אפגעברענט, קען מען זעהן ווער עס איז אבער געבליבן מיט ברויט צום לעבן. פון די אלע ריכטיגע מתנגדים פון יענעם דור איז ליידער נישט געבליבן קיין שם ושארית -- דער רבי האט צוגעגעבן: די אלע היינטיגע מתנגדים שטאמען שוין פון חסידים.... --משא''כ פון די חסידים איז נאך עפעס געבליבן, אה''נ אז קיינע עשירים האבן מיר שוין טאקע נישט, אבער דאס ביסל ברויט אויף צום לעבן דאס האבן מיר נאך פון חסידות..!!

מיר דערויף בלויז צולייגן: ודפח''ח ודוק. והוא הדין לגבי דעם רבינ'ס פשטות'דיגע מהלך וועלכע האט זיך במשך השנים איבערצייגט צו זיין דאס מערסטע אפעקטיוו..!!

ווייטער דעם המשך השיחה, וואס דער רבי האט געזאגט פאר'ן סקווירער רבין:

דער רבי האט דאן נאכגעזאגט בשם זיין טאט'ן דער הייליגער קדיו''ט, אז צו דערציילן מופתים פון א רבי'ן איז א געמיינט זאך. כאטש דער קדיו''ט האט שטענדיג גערעדט מיט אן אש להבה פונעם הייליגן דברי חיים זי''ע, פונדעסטוועגן האט ער אלץ בלויז גערעדט פון זיין עבודת ה' און נישט פון קיין מופתים.
דער רבי האט אויך דערמאנט אז סתם נאכצומאכן א רבי'ן אדער א טאט'ן, אן קיין שום חשבון, איז אויך נישט קיין ריכטיגע זאך...ועי' שם שסיים עם דברים של השינאווער רב: ''איך פיר זיך פונקט ווי דער טאטע, דער טאטע האט קיינעם נישט נאכגעמאכט, און איך מאך אויך קיינעם נישט נאך...''

ברוך שכוונתי.!
"איך שרייב אויף אייועלט וואס איך האב ליב צו שרייבן; נישט וואס דו האסט ליב צו לייענען". עכל"ק. הקטן כ"ק אדמו"ר מאוהב שלום שליט"א. פה אייוועלט יצ"ו.
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

א געשמאק צו ליינען דיינע ווערק
להודיע
שר שלשת אלפים
תגובות: 3080
זיך איינגעשריבן אום: דינסטאג מאי 27, 2014 11:09 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך להודיע »

יש סיפור על הגאון ר' משה שפירא שהוא ממש המשך לדברים הנ"ל.

ניגש איזה אברך להגרמ"ש עם הספר אילת השחר להגראי"ל שטיינמן שליט"א על התורה והראה לו דברים שכתוב על יוסף הצדיק, שכנראה לא עולים בקנה אחד עם הדברים הנלמדים בבית מדרשו של הגרמ"ש. כוונתו של האברך לא היתה זדונית אבל היתה מהולה בשמץ של התנשאות.

אמר לו ר' משה, אני יכול להגיד לך דבר אחד, אם יוסף הצדיק יכנס כאן לחדר, אני ואתה, נקום לכבודו, ואילו הגראי"ל יתעלף
סידיראם
שר האלפיים
תגובות: 2191
זיך איינגעשריבן אום: דאנערשטאג דעצעמבער 03, 2015 1:04 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סידיראם »

פרומער יוד האט געשריבן:
מה אנו האט געשריבן:איך וואלט אבער יא געוואלט ערווענען און בעטען כ״ת צו שרייבן וואו הייבט זיך די אויפגעקלערטקייט אן ? היות אז אונזער טבעיים און מהלך המחשבה איז היבש בנמצא היינט, און פיל גייען נישטערן און זיכן, און הייבן אן זייער יונגן לעבען מיט דעם הרגש אז מיינע עלטערען אין רעב׳ס זענען נעבעך געווען א באנדע ...... און נישט יעדער כאפט זיך אויף אזוי ווי כבוד הרב אוהב שלום, אשר על כן איז זייער וויכטיג צו זעהן וואס איז די הויפט סיבה אז א בחור, יונגערמאן זאל בכלל אנפאנגן א סלקא דעתך אז ער וויל עפעס מער אין טיפער פון זיין פאטער, צו איז נישט דא א בחינה במקצת פון אבל אשמים אנחנו, טאקע יא אויף אונזערע חשוב׳ע מחנחים פון די מ׳ און נ׳ יארן לאמיר גוט זוכן און טרעפן ווען און פארוואס הייבט דער בחור׳ל אן צו לאכן אדער מער איידל געזאגט וויניגער ארויף קוקן הוריו ומוריו


אל כבוד הרב "מה אנו"
זייער א גיטע נקודה ערווענט, לעניית דעתי אלס איינער וואס איז אויך אדורך די סטעד"ש, ביי מיר האט זיך עס בערך אזוי געפארעמט, פין שטוב אויס געזעהן א ערליכע אידישע לעבן אבער למשל שבת ביים טיש האט מען מער ווייניגער ארום גערעדט פין הוויות העולם הזה כגון געלט, פאליטי"ק, וכדומה. אין ווען איך בין אבער דערווארימט געווארען פין א מגי"ש וכדומה, האב איך אנגעהויבען ציען מיין חינוך ממקום אחר אין פאר שטייט זיך מזלזל זיין אין די עלטערן,
בקיצור אין איין ווארט דער פראבלעם הייבט זיך אן ווען דער בחור איז זיך אליינס מחנך אין פנימיות פין אידישקייט דעמאלטס הייבט זיך אן א מקום לזלזל באבותיו,
אזוי זעט עס מיר אויס!!!!


I agree 100%
EXCLUSIVE COUPONS ON AMAZON FOR YOU NOW!!!!! http://amzn.to/2tHqNZZ
אוועטאר
נו גוט נו שוין
שר עשרת אלפים
תגובות: 12231
זיך איינגעשריבן אום: דינסטאג אוגוסט 07, 2018 12:33 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו גוט נו שוין »

איטלעכע מאל ווען מ'רעדט ארום פון נשתכח, קומט מיר אין זכרון דעם אשכול האמער אים געפונען....
שרייב תגובה

צוריק צו “דעת הקהל”