ווארפן האנטוכער א סגולה פאר שידוכים (מי מנוחות - חנוכה)

געשמאקע ארטיקלן און בילדער וכדו'

די אחראים: אחראי, געלעגער

אוועטאר
ענדע צדיק!
שר חמשת אלפים
תגובות: 5925
זיך איינגעשריבען אום: מיטוואך יולי 17, 2013 4:44 pm
פארבינד זיך:

ווארפן האנטוכער א סגולה פאר שידוכים (מי מנוחות - חנוכה)

תגובהדורך ענדע צדיק! » מיטוואך דעצמבער 17, 2014 9:16 pm

ענדע צדיק איז געווען עפעס נישט סתם א בחור. א בחור וואס ברענגט מיט זיך אסאך קאפ וויי פאר די מגי"ש און א גוטע הכנסה פאר די משגיחים...

*
וואס איז היינט די תירוץ...?

אההם.. עעההה... אם אם אםאםם, מיין קוזין האט חתונה עעההה בר מצוה געמאכט נעכטן און און און... מיין חבר האט געזאגט ער גייט מיר אויפוועקן, און כ'האב פארגעסן מיין תפילין בייטל, און די שעמפאו האט געפלאצט און מיין טאש, און און און און...

און וואס???

אהההם, איך בין פארשלאפן...

פאשלאפן? אהער מיט א צוואנציגער!

משגיח, איך האב נישט געטראפן פון וועם צו בארגן... כ'האב נאר קוואדערס... אם.. אפשר קען מען עס אראפהאנדלען? און אויך מארגן גיי איך נישט...

ענדליך נאך 3 שעה זוכן קום איך צום משגיח מיט ס'געלט גרייט. 15 מינוט שפעטער.

משגיח... די משגיח האט געזאגט אז אויב גיי איך נישט פארשלאפן פאר צוויי טעג גיי איך קענען צוריק באקומען די 50'גער וואס איך האב איינגעלייגט פאריגע וואך...?

גייייי שוין אויף דיין פלאץ!!!

סאו ווען די משגיח האט מיר געזעהו האלב 5 פארטאגס ארויסקרוכן ווי פרעה מיט די נאכט קליידער האט ער געשמעקט אז סאמטינג... פישי.

*

איך שטיי אויף צופרי, די חברים ארום מיר אינעם דארמיטארי שלאפן נאך זיס, איי ווי זיס. אלעס איין שטיק פארע. די שטילקייט פון די נאכט איז נאך אין פולן קראפט, די זילבערנע פארטאגס האט נאך ניטאמאל אנגעהויבן שיינען. און איך בין שוין גרייט אויף א מיסיע!

דא דארט הערט מען מען שוין אפאר מתמידישע דאכענעס זיך וואקלען, זייערע נאטורליכע זייגערס הייבן אן קלונגען צום לערנען. און די בורטעשרייען פון די וואס ווערן געשטערט, נאכגעפאלגט מיט א הילכיגן שששששש הייבט אויך אן ווערן ווירקליכקייט.

שטילערהייט שטעל איך אראפ א טריט אינעם טונקעלן צימער, גראד אין... די נעגל וואסער. אופס.

נישט געפערליך, העכסטענס וועט מיין שכן'ס זאקן געוואשן ווערן עטליעסט איינמאל א יאר...

דארט ביים עק צימער ליגט די מתמיד פון ישיבה. יעדן אינדערפרי ווען איך וויש מיר אפ די אייגעלעך מיט די נעגל וואסער, האלט ער שוין נאך לאנטש. געדאווענט געלערנט, און מוחה געווען. דארט נעבן די טיר ליגט א בריסקער תלמיד. נעבן זיין בעט איז אנגעגרייט 4 וועקער זייגער כדי זיכער מאכן אז ער שטייט אויף, אלעס איז שוין אראפגעריקט אויף off אזוי ווי יעדע נאכט, איך גיי שלאפן אסאך שפעטער פון איהם און איך האלט מיר נישט ביים אויפוועקן...

צוויי קרי"ש ליינער אשכנז און ספרד, ליגן אויך דארט. 4 לעוואר נעגל וואסער, אלס שאלה פון (נאמען געהיט אין רעדאקציע). אויך מאכט ער זיכער מיר אויפצווועקן 6 מאל פאר סוף זמן קרי"ש. אויך עפעס א ספק..

איך עפן דעם צימער טיר, און באגעגן זיך מיטן נאכט וועכטער/משגיח, ער שטייט ביים וואנט און פרובירט צו קריכן דערויף... משוגע פון די נאכט צופלאצט פונעם שטילקייט, דרייט ער זיך פון רעכטס צו לינקס, פרייענדיג אז א נפש חי' דרייט זיך שוין ארום.

ענדע צדיק, דו?? דו ביסט אויף? עפעס טויג נישט דא...

זיך אריענטירענדיג גראד, גיב איך איהם נישט צופיל אויפמערקזאקייט, איך בין אויף א מיסיע...

ס'גייט געלונגען זאל זיין וואס זאל זיין, דאס יאר גיי איך אויספירן! זאל ער פלאצן!

די הכנות האט מען זיך שנעל צוגעאיילט, איך וויל נישט ציען איבריגע אויפמערקזאמקייט, ווילאנג ס'שטיל דארף מען אריינכאפן, ווען איך שטיי אויף געווענליך איז שוין אלעס פארשטאפט, און די נעגל וואסער בארג, איז שוין העכער ווי דער עווערעסט. איין שלעכטע טריט קען נאך אלעס חרוב מאכן. און איך שפאן מיט פעסקייט אריבער די קארידארן...

די לעקטערס זענען נאך אויסגעלאשן, נאר א בלאסע רויטע עקזיט לייט באלייכט מיר דעם וועג. די פלאר צוווארפן מיט קענדי רעפערס. אינטערסאנט, יעדן טאג מאך איך די וועג אריבער דעם קארידאר יעצט איז אבער אזוי אנדערשט, שטיל.

ס'ערשטע איז די השבת אבידה - קאוט רום אויף די רעכטע זייט. דארט הענגט וועש פון מיין פאטער וואס האט נאך געלערנט אין דעם בנין. בעגס מיט זייף, האנטוכער איינס עלטער פון צווייטען, צובויגענע שירעמעס, נאסע רעגן קאוטס, שאהלן, הענטשעך, בליקס און שטערןס באהאלטן דאבעל רעפט משון עינא בישא. ציגעררעטלעך – וויפל די משגיח האט נאכנישט געטראפן במשך די נאכט זוך. און וואס נישט?!

אויף די לינקע זייט איז די אוצר הספרים. דאס איז א לייברערי פון יעדע סארט שווארצע טעיפ אויף די מארקעט, שימעל, שטויב, דיקע בענדל, סקאטש טעיפ, לעקטער וויייערס און אויך ספרים...

ביים עק פון די האל געפונט זיך די לאנדרי... די גילא וואס איין בחור האט נעכטן גענוצט אנשטאט זייף ליגט דארט פארשעמט... מיט די קלעבעדיגע וועש דערנעבן. איין דרייער איז האלב אויסגעבויגן די טיר נאכדעם וואס זיין באנוצער האט צוגעהאקט די טיר מיט א זעץ, און צופרי האט ער נישט געהאט קיין ברירה נאר אויסבייגן די האלבע מאשין צו טרעפן א העמד פאר זיך. אנגעווארפן מיט גארבידזש בעגס און זאקן.

פונדערווייטענס שפירט זיך א גרוך פון עמאניע מיט אלטע האנטוכער, נאכפאלגנדיג פון א ביטער שארפע בליטש ציפ געמישט מיט כשר זייף. די מקוה!

איך קום אריין און צינד אן די לעקטער, איך קוק מיר ארום רעכטס לינקס, אונטער די בענק ביי די שאוערס, זיכער מאכן אלעס איז ליידיג, די אייז אין בור איז נאך נישט געבראכן, די האנטוכער ליגן נאך שיין צוזאמגעלייגט איינס אויף די אנדערע, ס'קוקט אויס גוט..
איך נעם ארויס מיין שאפינג בעג וואס כ'האב מיר שוין צוגעגרייט פון נעכטן, קוק נאכאמאל ארום צו קיינער זעהט נישט. ניין, ס'שא שטיל, יאלא...

איך נעם א פאק האנטוכער, אריין אין זאק, און מיט איין אטעם בין איך שוין געווען אינדרויסן! פיין, א גוטע התחלה...

די ערשטע שטאפלען פונעם פלאן הייבן אן ווערן, איך וועל איהם ווייזן!

פון דארט בינעך מיטן זאק געגאנגען גראד צום שמות באקס אין בעק פון בית מעדריש דארט אונטער די גאנצע הויפענעס שמות און אויסגעפולטע געטשידטע בחינות האב איך באהאלטן דעם זאק, דא וועט זיכער קיינער נישט זוכן.

אנגעצויגן, אויף שפילקעס, מיט שוין צוביסענע נעגל בינעך געזעצן ביים שיעור, די פיס מיינע האבן זיך געווארפן און געשאקעלט שנעלער וואו די הארץ באכעס.

גלייך נאכן דאווענען בינעך אראפ צום קאך, די פלאן איז וואו פאלגענד: איך וועל זאגן אז איך קום פון די לאנטש רום און ס'נישטא גענוג לעפלעך... חאחא די גוי וועט מיר געבן א באקס, און ס'וועט זיין מיינס.

אומר ועושה מיט א מינע פון תמימות ווי א בחור פון 'חברת מתמידים מבקשי ה'' גיי איך צו צום פעסטער, א טונקל הויטיגער שניידט טאמעטאס מיט די... בלויזע הענט!

אוי! רבוש"ע...

עקסקיוזמי... לעפלעך. איי ניעד לעפלעך. יא נאו, לעפלעך. און מיט די האנט שפראך פרוביר איך צו ריפלעיסן די אפריקאניש.

חאחאחא .. ס'געלונגען, איך האב די לעפלעך אין באזיס, יא יא, איך וועל געוואונען!

ביים פארמיטאג פארלערנען בין איך היינט געזעסן ס'גאנצע צייט. היסטאריע פאר זיך. פארזינקען אין די מחשבות און זיסע דמיונות, איי ווי גוט וועט זיין, די מנהל וועט נישט וויסן אפי' אויף וועם צו בלאזן!

נאך אפאר פעקלעך טישא דארף איך מיר איינהאנדלען, עטליכע שאכטלעך קאלער פעיפער, און דזשאב וועל דאן!

ביי נאכמיטאג שיעור האבעך שוין נישט געקענט שלאפן. בריוון זענען ארום געפארן אין די גאנצע כיתה, יעדע פאר מינוט האט זיך א צווייטער אויפגעוועקט ווען די שכן האט איהם געווינקען אז איך שיק איהם א בליץ פאסט... מיין סטאק פעיפערס וואס ווערט אין א געווענליכע טאג באנוצט אויף שרייב ארבעט, איז אויסגעלאפן נאך פאר וואס ווען. איך האב נאכגעמאלן די מגי"ש, די בחורים, דער בריסקער מיט'ן פינגער אויף ארויף פרעגנדיג א לעכעירע?!.

צוויי עף 99'ס, צוזאמגעשטעלט פון א בחינה בכתב און א התעוררות צעטל וואס איינער האט אויסגעשפרייט אינמיטן די נאכט אין ביהמ"ד, זענען אומערווארטעט ארויסגעפלויגן פון מיין טיש... און די מגי"ש האט זיך פיינעלי אויפגערעגט, "ענדע צדיק גיי ארויס"!

פיין, עס ארבעט זיך אויס... איך בין אויפן וועג צום בית כסא... קיינער זעהט סיי ווי נישט, איך גיי נעמען אפאר ראלס טישא און צושניידן.

פאר מיינע צוויי "בעסטע" פרענדס - מיט זיי פלעג איך אלס שטיין מיט א שאהל ביי 3 בעלאו זיראו ביי די טיר אינדרויסן מיט א ציגרעטל, וואס איך ווייס נאך היינט נישט פונקטליך וויאזוי מען נוצט. און מיט זיי פלעג איך טרונקען די נעגל וואסער אין וואלד קיינער זאל אונז נישט כאפן, צו זיך אפגיסן די מים אחרונים 'העכערן' טיש - האב איך שוין אויך מגלה געווען דעם סוד. אבער נישט אנפערטרויענדיג דעם ריזיגן אוצר וואס איך האב שוין. אויך אז מיין שפיצל איז שוין אט אט פארטיג! – האב איך זיי געזאגט, און אז די אפוינטעמענט וואס איך האב ביי לאנטש איז עכט א וויזיט ביי די טוי סטאר, ווי איך גיי איינקויפן די קאלער פעיפער.

Wow” די מנהל גייט שעלטן" זאגט מיר מיין חבר גערשי.

ווייסט - זאגט יענקי – די ראש הישיבה איז פשוט א אומפאגינער ער וויל נישט מיר זאלן חתנים ווערן! וואס גייט איהם אן צו לאזן ווארפן אויף דער וואס צינדט די מנורה?! סתם מיר זאלן צאלן נאך אפאר יאר שכר לימוד?!

ס'איז פאר מעריב, די משגיח עפנט אויף די מקוה, און די גאנצע ישיבה שטופט זיך אריין אויפאיינמאל, יעדער נעמט איין האאק, די מער פעשליכע נעמען איינס אהאלב, מען קען שיעור דערשטיקט ווערן. א ספעציעלע ממונה מטעם ההנהלה איז געשטעלט געווארן ביי די האנטוכער קיינער זאל ח"ו נישט פרובירן ארויסצושווערצן איינס. איך גיי אדורך, ווען א צינישע שמייכל פארמירט זיך אויף די באקן... חחח ער מיינט נעבעך אז איך קען איהם נישט אויסשפילן...

ענדע, איך מיין מעגסט שוין זאגן פאר יעדעם - זאגט מיר גערשי – ס'גייט זיין פאן היינט!

חברה! – רוף איך אויס אין די הייסע בור ווען די משגיח זעהט נישט - היינט קומט עקשאן! עטס וועטס נישט גלייבן, איך האב איהם גוווט אויסגעשפיעלט!

צוביסלעך ווערט ליידיגער די בחורים יאגן זיך ארייצוכאפן נאך א הייליג שטיקל קדושת לוי פאר מעריב, און די גבאי שטייט שוין דארט ביי די מנורה צורישנדיג די קנייטלעך, ווען די ראש הישיבה שטייט נעבן איהם, מיט שפיזיגע אויגן אויפן ארום.

פעניענדיג אין מקוה מיט מאכן די פיאות און דערציילן די נייעס, כאפ איך מיר אז עס איז שוין היפש שפעט. מען דארף זיך צויאגן.

איך לויף ארויס פון מקוה מיט נאסע צופלאטשקעטע פיאות (קיינער זאל נישט כאפן..). מיט איין אטעם פליה איך צו מיין אוצר, ארויף אויף די פלייצע, געגאנגען, יעצט קומט עס...

מיט א בארג האנטוכער אויף די פלייצע, א זאק טישאוס, און צושניטענע קאלערפעפערס אין אלע טאשען. דריי ראולס אין איין האנט, און א באקס לעפלעך אין די צווייטע, שטורעם איך אריין אין ביהמ"ד!!! העעעעייייי!

תָּמִיד יִמְלוֹךְ עָלֵינוּ לְעוֹלָם וָעֶד וְעַל כָּל מַעֲשָׂיו... שששששש...

טאךטאךטאך "ועל הניסים"!

ב-ז-י-ו-נ-ו-ת!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
א גראם מיט טעם
שר שלשת אלפים
תגובות: 3824
זיך איינגעשריבען אום: דאנארשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

תגובהדורך א גראם מיט טעם » מיטוואך דעצמבער 17, 2014 9:51 pm

איך האב עס געליינט אין מי מנוחות, איך מיז דיר זאגען צדיק'ל, יעצט וועסטו מיזען באווייזען נאכאמאל,א שלל פון זכרונות מימי בחרותי האסטו ערוועקט,און דער פאנטש ליין איז עי וואן!!!!
ווילט איהר אויסגראמען אייער טאטע ביי מצוה טאנץ?
זיכט איר א פאסיגע פאום מיט צו שיקען מיט א מתנה?
מיר קענען עס צושטעלען פאר אייך,
ווי אויך שרייבען מיר גראמען פאר דיננערס, זינגערס ועוד,
שיקט אן אישי אדער אימעיל צו gram.mit.tam@gmail.com

אוועטאר
green
שר האלף
תגובות: 1552
זיך איינגעשריבען אום: מאנטאג אפריל 22, 2013 12:49 pm
לאקאציע: בין השמים ובין הארץ

תגובהדורך green » מיטוואך דעצמבער 17, 2014 9:54 pm

ענדע, יאפ איינס בעסער פונעם צווייטן זאפטיגס

אוועטאר
לכתחילה אריבער
שר עשרת אלפים
תגובות: 19985
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך דעצמבער 17, 2014 10:00 pm

wow איז דאס אראפגעשטעלט!!

טייערע אויסדריקען און אפשאצונגען!! חחחח!

פיין געשמייכעלט!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש

אוועטאר
מיסטעריעז
שר שבעת אלפים
תגובות: 7359
זיך איינגעשריבען אום: פרייטאג אוגוסט 13, 2010 2:54 pm

תגובהדורך מיסטעריעז » מיטוואך דעצמבער 17, 2014 10:10 pm

יוא האב איך מקיים געווען דעם בנפול אויביך תשמח...
גוט געלאכט פון דיינע בושות

אבער זאג
די סגולה איז נישט געלונגען, די פוטער אויפן קאפ האסטו געהאט, נו וויזוי ביסטע ע חתן געווארן? (זאג מיר נישט אז דו בחור'סט נאך...)


-
געליינט על מי מנוחות

אוועטאר
ניק ניק
שר האלפיים
תגובות: 2415
זיך איינגעשריבען אום: דאנארשטאג ינואר 20, 2011 8:17 pm

תגובהדורך ניק ניק » מיטוואך דעצמבער 17, 2014 10:57 pm

חחחחחחחחחחחחחחחחחחח איך קען נישט דאווענען שמו"ע ביי יעדע סוף ברכה צו'חחח'עך מיר נאכעמאל פון דיר..
אל תסתכל בספעלינג אלא במה שיש בה.
הק' נ'חמן י'עקב ק'אהן המכונה ני"ק.

אוועטאר
נישט
שר האלף
תגובות: 1183
זיך איינגעשריבען אום: דאנארשטאג מאי 01, 2014 8:14 pm
לאקאציע: יסודו מעפר, וסופו לעפר

תגובהדורך נישט » מיטוואך דעצמבער 17, 2014 11:20 pm

יוש איז דעס גוט

זיך עטליכע מאל צולאכט

אפטימיסט
שר האלף
תגובות: 1215
זיך איינגעשריבען אום: מאנטאג אוקטובער 15, 2012 10:51 pm

תגובהדורך אפטימיסט » דאנארשטאג דעצמבער 18, 2014 12:06 am

זעהר גוט ענדע! מורא'דיגע הומאריסטישע שפראך און געדאנקן!

אוועטאר
לכאורה
שר עשרת אלפים
תגובות: 12807
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » דאנארשטאג דעצמבער 18, 2014 1:17 am

פיינע שריפט דאס. נאר נייגעריג וויפיל פראצענט איז אמת און וויפיל פיקציע?
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
ניק ניק
שר האלפיים
תגובות: 2415
זיך איינגעשריבען אום: דאנארשטאג ינואר 20, 2011 8:17 pm

תגובהדורך ניק ניק » דאנארשטאג דעצמבער 18, 2014 2:21 pm

לכאורה האט געשריבן:פיינע שריפט דאס. נאר נייגעריג וויפיל פראצענט איז אמת און וויפיל פיקציע?

וויאזוי ער האט אראפגעמאלן א ישיבה, דאס איז די אמת'ע בילד פון א ישיבה געווענטליך
אל תסתכל בספעלינג אלא במה שיש בה.
הק' נ'חמן י'עקב ק'אהן המכונה ני"ק.

אוועטאר
kyshtiper
שר שלשת אלפים
תגובות: 3028
זיך איינגעשריבען אום: דאנארשטאג אפריל 11, 2013 4:31 pm

תגובהדורך kyshtiper » דאנארשטאג דעצמבער 18, 2014 3:38 pm

יוש איז דאס גוט געשריבן!

נישט דא קיין איין חלק וואס איז נישט גוט געשריבן!

WE WANT MORE LIKE THIS
דו בעט און בעט ווייל דער טאטע הערט דיך אויס
(מיכאל שניטצלער - א נקודה'לע)

אוועטאר
קנאפער ידען
שר עשרת אלפים
תגובות: 11391
זיך איינגעשריבען אום: זונטאג ינואר 06, 2013 10:06 pm
לאקאציע: וואו ג-ט וויל
פארבינד זיך:

תגובהדורך קנאפער ידען » דאנארשטאג דעצמבער 18, 2014 4:18 pm

אזאנס משוגע, ביז גאר! האסט מיר אויפגעפלאצט אויף א נישט נארמאלער פארנעם. מיר צוריקגעשליידערט צו די יארן ווען עס האט זיך געבאכערט [העי! עס איז נאכנישט אזוי לאנג צוריק....] אין ישיבה, די טאקטיקן אין די מהלך המחשבה אזוי פונקטליך!!!

א ריזיגע יישר ענדע! דאס האסטו נאך געהאט צייט אחוץ'ן אנהויבן און פירן דער גאנצער מי-מנוחות פראיעקט? וויאזוי מאכסטו דאס?
נישט אייביג קום איך אן צו אלעס, אויב איינער האלט איך קען בייהילפיג זיין אין עפעס קען מער מיר קאנטעקטן אין טשעט אדער אימעיל gilyoinois@gmail.com
-----------
זה נהנה וזה לא חסר, קויפט איר אמאל אויף עמעזאן גייט צו עמעזאן דורך דעם לינק: www.amazon.com

אוועטאר
רייזענדער
שר חמישים ומאתים
תגובות: 255
זיך איינגעשריבען אום: מאנטאג יולי 29, 2013 11:42 am
לאקאציע: אינטערוועגנס

תגובהדורך רייזענדער » זונטאג דעצמבער 21, 2014 11:44 pm

סגולה אהער, סגולה אהין, א סגולה צו דערמינטערן אביסעלע די מילצן איז דאס זיכער...

פליז נעם שוין אוועק די האנטוכער פון דאנעט, ס'גערוך שטיקט מיר...דו האסט מיר אנגעכאפט בעל כורחי ביי די הערנער און אריינגעשליידערט גלייך אינעם אויסגעריבענעם ישיבה בילדונג אריין, צוריק אריין אינעם בחורישע פארייכערטע כאלעטל מיטן די שידוכים אמביציעס באגלייט...

ענדע, עי גרעיד דזשאב, און א וואונדערבארער ענדע!

אוועטאר
יאפין
שר האלף
תגובות: 1441
זיך איינגעשריבען אום: דינסטאג פאברואר 24, 2009 8:12 am

תגובהדורך יאפין » מאנטאג דעצמבער 22, 2014 2:57 am

העי ענדע, ס'מוז זיין אז מיר האבען געלערענט איו איין ישיבה, האסט עס אזוי גוט אראפגעלייגט אז מען פיל ט זיך ממש אין דעם.
משנכנס אדר מרבים בשמחה

אוועטאר
אנעים זמירות
שר שלשת אלפים
תגובות: 3931
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » מיטוואך דעצמבער 24, 2014 7:22 pm

זייער זיס און פריילעך אראפגעלייגט. א גרויסען ייש"כ.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
געלעגער
שר עשרת אלפים
תגובות: 11944
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » זונטאג דעצמבער 28, 2014 2:37 pm

קומען מיר זיך יעצט באדאנקן פאר די הנאה וואס מיר האבן געהאט שבת ביים ליינען דעם ארטיקל. אויסערגעווענליך גוט

אוועטאר
סביב העולם
שר שלשת אלפים
תגובות: 3789
זיך איינגעשריבען אום: זונטאג נובעמבער 27, 2011 1:05 pm

תגובהדורך סביב העולם » זונטאג דעצמבער 28, 2014 2:38 pm

קנאפער ידען האט געשריבן:אזאנס משוגע, ביז גאר! האסט מיר אויפגעפלאצט אויף א נישט נארמאלער פארנעם. מיר צוריקגעשליידערט צו די יארן ווען עס האט זיך געבאכערט [העי! עס איז נאכנישט אזוי לאנג צוריק....] אין ישיבה, די טאקטיקן אין די מהלך המחשבה אזוי פונקטליך!!!

א ריזיגע יישר ענדע!
AROUND THE WORLD AROUND THE CLOCK
ארום די (איי) וועלט - רונדע דעם זייגער

יאנקעלע קליגער
שר האלפיים
תגובות: 2823
זיך איינגעשריבען אום: דינסטאג אפריל 30, 2013 5:18 pm

תגובהדורך יאנקעלע קליגער » זונטאג דעצמבער 28, 2014 2:58 pm

גרעפיק האמיר געוואוסט קענסטע,גראמען ווייס מיר שוין אויך פון לאנג,
און יעצט ווער מיר געוואר אז הומער קענסט אויך! און פונדערווייטענס זע איך אז היסטאריע קענסטו אויך,
געוואלדיג! קיפיראפ!
די ארטיקעל מיט אירע אויסדריקען איז צום באלעקן האסט מיך צוריק גשלעפט אביסל צו די אלד גוד טיימס,
ייש"כ ענדע צדיק
ענדע צדיק! האט געשריבן:פאר מיינע צוויי "בעסטע" פרענדס - מיט זיי פלעג איך אלס שטיין מיט א שאהל ביי 3 בעלאו זיראו ביי די טיר אינדרויסן מיט א ציגרעטל, וואס איך ווייס נאך היינט נישט פונקטליך וויאזוי מען נוצט.
העי! דו, זיי נישט אזוי פארזעצט,
עפעס א לחלוחיות גוטסקייט איז אראפגערונען צו דיר אויך, אז דו וועסט עס איינזען וועסטו אנהייבן שפירן אז אך טוב וחסד ירדפוני.

אוועטאר
הענדימען
שר האלפיים
תגובות: 2699
זיך איינגעשריבען אום: פרייטאג אוקטובער 27, 2017 11:14 am

תגובהדורך הענדימען » מוצ"ש דעצמבער 01, 2018 8:43 pm

נא. ס'גייט קומען נאך חתנים דאס יאר?
"מען טאר נישט זיין נארמאל, נארמאל מאכט משוגע"
קרעדיט @בבל בשם אלעזר לאנדא

The truth is the truth, even if no one believes it.
A lie is a lie, even if everyone believes it.

קרעדיט: ממש אזוי אינספערעישאנאל quotes

זייער קלוג
שר חמש מאות
תגובות: 580
זיך איינגעשריבען אום: זונטאג סעפטעמבער 23, 2018 4:30 am

תגובהדורך זייער קלוג » מוצ"ש דעצמבער 01, 2018 11:50 pm

הענדימען האט געשריבן:נא. ס'גייט קומען נאך חתנים דאס יאר?

די מיינסט עכט אז עס איז א סגולה צו ווערן א חתן איך בין אויכט אמאל געווען אין ישיבה עס איז א תירוץ פאר די בחורים
אתה חונן בעט מען נאכאלץ

אוועטאר
הענדימען
שר האלפיים
תגובות: 2699
זיך איינגעשריבען אום: פרייטאג אוקטובער 27, 2017 11:14 am

תגובהדורך הענדימען » מוצ"ש דעצמבער 01, 2018 11:59 pm

צו צינדן און ווערן באווארפן איז א סגולה (בשם ר' איציקל פשעווארסקער)

און ווארפן איז א מנהג

אסאך זענען געהאלפן געווארן
"מען טאר נישט זיין נארמאל, נארמאל מאכט משוגע"
קרעדיט @בבל בשם אלעזר לאנדא

The truth is the truth, even if no one believes it.
A lie is a lie, even if everyone believes it.

קרעדיט: ממש אזוי אינספערעישאנאל quotes


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: יקר מציאות און 5 געסט