אידישע וועלט פארומס

אנעים זמירות האט געשריבן:איך האב נאר שנעל געבליקט, אבער די עיקר זאכען וואס איך האב געוואלט ענטפערען זעה איך אז good life האט מיך שוין מקדים געוועהן.

אין איין ווארט:
אויב דו ווילסט זיך פארבעסערען דיין מצב איז דער וועג אפען. קיינער האלט דיך נישט אפ. אנשטאט שרייבען ארטיקלען וועגען וואס 'מען' מוז טוהן, טוה דו אליין צום זאך.

---
מענין לענין, צי איז דאס בכלל אמת אז דער מצב הפרנסה היינט איז ערגער פון אמאל? ערגער פון צעהן יאר צוריק? פון דרייסיג יאר צוריק? הונדערט יאר צוריק? פינעף הונדער יאר צוריק?

יא ערגער פין צען און דרייסיג בפירוש יא די לעבען האט געקאסט ביליגער
און דרייסיג יאר צירוק האט מען אויך פארדינט שענער פאר א פשוטע זשאב ווי היינט

אנעים זמירות האט געשריבן:---
מענין לענין, צי איז דאס בכלל אמת אז דער מצב הפרנסה היינט איז ערגער פון אמאל? ערגער פון צעהן יאר צוריק? פון דרייסיג יאר צוריק? הונדערט יאר צוריק? פינעף הונדער יאר צוריק?

האט לכאורה צוטון מיט דעם שמועס איבער ירידת הדורות אויב ס'איז א פאקט אדער איין איינרעדעניש, וכן הכא

ארום און ארום האט געשריבן:איך האב עס נאך נישט אפגעליינט, אבער פאר איך ליין עס וואלט איך ביזדערווייל געוואלט לאזן הערן דעם עולם אפאר נקודות.


בי ענד עידזש האט געדארפט ארויפגיין מיט די וועידזש, ווייל ער האט נישט געטראפן קיין יונגעלייט

אפיסעס וואס זוכן ארבייטערס, טרעפן נישט אזוי כלאחר יד, עס איז גאנץ שווער, ובפרט עקספיריענסד


עס איז א צייכען אז די מצב איז נישט אזוי שלעכט,

בי ענד עידזש האט געצאלט פעניס, און ווען א אינגערמאן דיסייד אז ער גייט ארבעטען, געווענדלעך וועט ער מאכען א חשבון וויפיל געלט ער מיס אריין ברענגען א חודש זיך צי קאווערען, יעצט אויב אן ארבעטסגעבער וועט אים אפפערען 500 דאלער א וואך, ווי אזוי טראכטסטי אז ער קען אפילו אננעמען די דזשאב??? ער וועט דאך אהיים קימען מיט א לאך יעדע חודש.

געלעגער האט געשריבן:דאן זאל די שרייבער שרייבן א שטאט. כלל ישראל באשטייט נישט פון בעיקערטאון ביז סעווען ספרינגס

יאפס, גערעכט

קומענדיגן פראבלעם וויל איך רעדן וועגן וואוינען אונטער'ן מאמעס פארטוך און קיינער גייט נישט אין ערגעץ. מ'ליידט און מ'שלינגט און מען בלייבט זיצן אין די געציילטע ישובים ווי דער ווארעם אין רעטעך... דאס איז גורם אז מען דארף כסדר צובויען נייע בתי מדרשים און מקוואות, נייע מוסדות התורה סיי פאר די אינגלעך און פאר די מיידלעך, וואס נעמט קודם-כל אויף א געוואלד מיט פלאץ, גאנצע בלאקן וועלכע וואלט געקענט גענוצט ווערן פאר דירות. און נאכדעם קאסט עס אפ ימים מיט געלט, עפרות זהב, שוועלע מעלאנעס וועלכע וואלטן געקענט גיין פאר אידן צו ברענגען ברויט אויפן טיש, און העלפן די צדקה קאסעס, אבער עס וועט ליבערשט גיין פאר די בנינים ווי מען קויפט זיך איין "אייביגע זכותים"... און א פול פעידזש עד אין די צייטונג, און צוואנציג פול-פעידזש מזל טוב'ס ווען מען טוט א שידוך.

אריין אינעם דירות פארום...

איך האלט נישט אז א נייע שטעטל וועט שפארן די קאסט פון בויען בניינים, אין די נייע שטעטל וועט מען הערשט דארפן נייע בניינים (אחוץ אויב ער פלאנט צו שיקן אין פאבליק שולע...)

ציפקע צו שמעקדיג, יישר כח פאר'ן ארויף ברענגן די טעמע, נישט קיין נייער טעמע בכלל, אבער מ'וועט אזוי לאנג רעדן ווילאנג ס'וועט בעז"ה נתקבל ווערן על הדעת און ברענגן ממשות'דיגע פעולות למעשה.

איך וועל אננעמען רבי יהושע בן פרחיה'ס מהלך פון "והוי דן את כל האדם לכף זכות" און נישט פארווארפן 'שמעקדיג' פאר זיין אויסדריק בנוגע שטריימליך, ער האט לכאורה נישט געמיינט דאס ווי אזוי רוב פון דא האבן עס געלערענט.

און אזוי ווי א שיינער ציבור דא, וועל איך אויך צולייגן מיינע הערות וואס איז לדעתי נוגע צו טוישן – אמת, ס'איז נישט גרינג אבער דער מצב זאל בלייבן כמו שהיא איז ווייט שווערער.

א) מיט עטליכע יאר צוריק איז אויפגעקומען ר' שלמה לייב וויינבערגער נ"י פון קרית יואל, מיט געניאלע - און מעגליך עקסטרעמע - געדאנקען ווי אזוי צו נידערן די הויכע סטאנדארטן און לעבן במנוחה. איינע פון זיינע רעיונות איז געווען אז אנשטאטס די עלטערן זאלן אויסשטאפירן אלע פון זייער 10-15 קינדער בליעה"ר, זאל יעדע פארפאלק זיך אליין אויסצאלן די גרויסע אויסגאבן, ווי למשל די דיינונג רום פערניטשור וכדו', וועט בסך הכל יעדע פארפאלק קויפן פערניטשור איינמאל!
הגם, עס איז באמת עקסטרעם, איז עס גאר א גוטער איינפאל, פון וואס מ'דארף ערנסט קלערן.

ב) דיין נקודה אז מיר לעבן "משוגענע סטאנדארטן" איז אמת ויציב בכל שטחי החיים, און אויף דעם וועט ווייניג אויסמאכן די אלע תקנות, וואס הגם זיי זענען זייער חשובע תקנות, וועלן מיר משוגעים כסדר טרעפן הינטער-טירלעך ווי אזוי אויסצומיידן די תקנות, כאילו זיי זענען מתוקן געווארן אונז צו מצער זיין, מ'הייבט אן מצמצם זיין ביי חתונות, וועט ער זיך מוזן "אויסגעבן" ביי וואך נאכטן, מ'וועט נישט לאזן מער פראווען די בר מצוה אין קיין טייערע זאלן, וועט מען שוין טרעפן ערגעץ ווי צו ספענדן זיין חבר'ס געלד וואס ער האט איהם בטוב לבו געבארגט עטליכע שעה פריער.
דער פראבלעם הייבט זיך אבער נישט אן ביים שטריימל/בעקיטשע און ענדיגט זיך נישט ביים חתונה מאכן צו אפילו ביי די דירות, דאס איז ליידער א קראנקער און אומאויסגעהאלטענער געדאנקן-גאנג, קראנק פראקטיש גערעדט און אומאויסגעהאלטן אידישלעך גערעדט, דאס אז מ'לעבט א לעבן וואס מ'קען זיך נישט ערלויבן איז פשוט און פראסט נישט אויסגעהאלטן! עס מעג טראגן די שענסטע לשה"ק נעמען פון בטחון וכדו' אבער ס'איז נישט מער ווי אן אנגעגעסענער רגילות פון נישט וועלן מאכן א טויש אינעם לעבן, און בעיקר די מורא אז מענטשן וועלן איהם אנקוקן ווי א 'לוזער' אז ער קען זיך נישט ערלויבן קיין נייעסטע מאדעל קאר, סאמער האוז, קאנטרי, נייער שטריימל יעדע עטליכע יאר, 4-5 אנגעפילטע גראסערי וועגעלעך, וכדו'.
וויפיל אינגעלייט פארן נישט ארויס אויפ'ן זומער, און ווען דו וועסט איהם פרעגן די סיבה דערפון וועט ער דיר אויסרעכענען א גאנצער ליסט פון סיבות אנשטאטס צו זאגן, "ס'איז צו טייער פאר מיר"...
פרוביר צו זאגן פאר דיין חבר, "אנטשולדיגט, אבער איך קען זיך דאס יעצט נישט ערלויבן", ס'טוט וויי איינמאל – צוויי מאל, אבער מ'ווערט צוגעוואוינט, און מ'שפירט א געשמאק אינעם זאגן דעם אמת, דאס לעבן איז געשמאק ווען מ'לעבט מיט אן אמת.

ג) דיינע עצות פון "עפענען א ועד" וכדו', איז מיר בכלל נישט געפאלן, צוריק צו דער נקודה, האסט חתונה געהאט, דו ווילסט אז מ'זאל דיך באטראכטן ווי א באזעסענער מענטש וואס מאכט באזעסענע החלטות, טא, וויפיל איז דער שיעור פון דיך דארפן פעמפערן? מ'ברויך דיך נאכלויפן מיט תקנות אויף טריט און שריט כדי דו זאלסט נישט ספענדן געלט אין די וועלט אריין? יעדער דארף אריינקוקן אין זיך און אין זיין באנק/גמ"ח קאנטע, און לעבן מיט א חשבון, נישט א חשבון נאר 'זיין' חשבון, וויפיל ער פארדינט, וויפיל עס קאסט איהם און עס אזוי מסדר זיין און אז עס נישט דא קיין געלט פאר אייסקריעם דאנערשטאג נאכט איז נישט.

ד) בנוגע פרנסות, א שווערע נושא, איך וויל נישט וויי טוהן קיינעם, ווייל עס איז אוודאי דא אידן וואס ארבעטן ביטער שווער און מאכן נאך אלץ נישט גענוג אויף צום לעבן, אבער פון די אנדערע זייט זענען אויך דא אידן וואס האלטן נישט ביים ארבעטן! יא אזוי ווי דו הערסט, עס זענען דא אידן – ארבעט געבער - וואס רעדן זיך אפ אז אינגעלייט היינט זענען פארנומען אויפ'ן טעלעפאן וכדו' און אלעס איז א וויץ, גארנישט נעמען זיי נישט ערענסט, און פארשטייט זיך אז די ארבעט ווערט נישט געטוהן עצהיו"ט, ווי אויך זענען דא אינגעלייט וואס האבן אייגענע ביזנעס, און פאר וואס-ווי-ווען, איז ער שוין "מצליח", קומט און גייט ווען ער וויל, און גיט זיך נישט אפ מיט'ן געשעפט בכל לבו ונפשו, און ער וויינט אוי פרנסה אוי פרנסה...
נאך א נקודה, ס'פאראן אידן וואס אנשטאטס זיי זאלן טוהן ב'פרנסה' זענען זיי עוסק ב'פאסט', דאס פאסט נישט און יענץ פאסט נישט, יענץ שמעקט נישט איהם, דאס שמעקט נישט זיין טאטן צו שווער וכדו', חז"ל זאגן " פשוט נבילה בשוק, ואל תצטרך לבריות" ווען א אינגערמאן וויינט איבער פרנסה ברויך ער זיך פרעגן, "וויפיל בין איך גרייט צו טוהן פאר פרנסה" וויפיל בין איך גרייט אויף צו געבן מיין 'קאמפארט זאון' אדער מיין 'פערזענליכע כבוד' אויף אהיים צוברענגן געלט פאר מיין שטוב.

כ"ז לענ"ד הקלושה...

כרמי, אלע 4 נקידות זענען ריכטיג!

כרמי זייער שיין. מיינע הערות:
א) דוכט זיך אז דאס איז א אלטע געדאנק אין די ליטווישע וועלט.

ג) א וועד מיינט מען וואס וועט פשוט געבן הדרכה וואס דער אינגערמאן האט קיינמאל נישט באקומען, ער האט זיך קיינמאל נישט געלערנט אז געלט וואקסט נישט אויף א בוים, פון ווי זאל ער וויסן לדוגמא אז יעצט ווען ער האט נאך דעם ביסל דרשה געשאנק אז ער דארף עס אוועקלייגן ווייל אין דריי חדשים ארום גייט ער קוים האבן צו צאלן דעם עלעקטעריג ביל? פשוט א' ב', מען דארף נעמען דעם מענטש און אים מסדר זיין אין קאפ ווי אזוי צו רעכנען זיינע הכנסות און הוצאות, סיי טאג צו טאג, און סיי אין די לאנג-ראן, און זען צו עס שטימט. די פראבלעם איז נישט אזוי ווייט ווען ס'איז נישטא די געלט אז מען ספענד עס, די פראבלעם איז סאך גרעסער ווען ס'איז יא דא און מען ספענט עס פאר אן אייזקרעם אנשטאט עס אוועקלייגן פאר סוף יאר אויף ברויט און וואסער. כמדומה ס'איז שוין היינט דא אזעלכע וואס טון דאס.

איינע פון די סיבות פארוואס איך האב פיינט ווען מ'קאפיעט אשכולות פון איין פלאץ צום צווייטן איז ווייל דער שרייבער קומט נישט מיט(מיט דעם ניק) און ווען מ'שטעלט א פראגע איז נישטא ווער ס'זאל ענטפערן. ס'איז ווי יענער וואס האט א האטליין און איך האב נישט די מעגליכקייט צוריק צו זאגן מיין מיינונג.. שוין, עניוועי

@משה הקטן
יש"כ פאר די קאמפלימענט. די קרעדיט גייט צום אריגינעלן שרייבער, איך בין נאר דער פאסט טרעגער.

@ מי יודע
ממנו ילמדו, א מענטש דארף מאכן דעם אייגענעם סטאנדארט לויט וויפיל ער קען זיך ערלויבן.

@ אידל מיטן פידל
כהאב פארפאסט וואס האסט געשריבן אבער איך בין זיכער סגעווען א גוטס.

@ פאטאקי
פוי איז נישט קיין גערעדעכטס, זייט אייך מסביר אפשר קענען מיר קומען צו אן עמק השוה.

@ניק ניק
מיר האבן זיך שוין פארמאסטן אין אישי... בקיצור, מרעדט נישט דא פון קיין נושרים, קיינער רעדט נישט פון קעגן מנהגים, ולא על זה אנו דנין

@ ארום און ארום
יתכן אז סאיז דא זשאבס, די נקודה איז אז מיר לעבן אויף א סטאנדארט וואס אפילו מיט א רעלאטיוו גוט באצאלטע זשאב קען מען נישט נאכקומען.

@גוד לייף
א מודה במקצת איז מחויב שבועה...
זאגסט זייער גוט, און קוק ביטע וואס כהאב געשריבן פאר ארום.

@ יהי' כן
ouch!
א וועיק-אפ-קאל און א ווילן ארויסצוהעלפן אנדערע אידן איז נישט קיין גואישע מדה.
שרייען אויף יענעם גוי איז מער גויאיש...
אלנפאלס, דברי חכמים בנחת נשמעין, לאמיר זיך האלטן צו דער טעמע ווי טייערע ליבע ברידערלעך, און נישט שרייען פוי שייגעץ צא טמא איינער אויפ'ן אנדערן ספעציעל בימי בין המצרים.
אדאנק.

@ גביר אדיר
האסטוך ארויפגעכאפט אויף א שלעכט פארשטאנענע ווארט.
דער הייליגער שטריימעל וואס האט געדארפט צו דינען אלס א חסידישע בגד לכבוד שבת און א סמל פון אפגעזונדערטקייט פון גוים מיט א אידישן לבוש איז פארוואנדלט געווארן אין א קאסטבארע פלאנצישע קולטורישע מאדע, מיט שפיצן און סטיילס וכו', בנוסף וואס עס קאסט ימים מיט אידיש בלוט. צאלן צוויי וואכן וועיזשעס שוין פאר א 'ביליגע' שטריימעל איז אן עוון בל יכופר, און ווי געזאגט, דעם שבת דארף מען באשיינען לויט די יכולת.
און לאמיר נישט מישן די יוצרות, א שטריימל איז א הערליכע חסידישע זאך, (איך ווייס אפילו נישט אויב עס קאטעגאריזירט אלס מנהג) אבער בגדי שבת מדינא דגמ' רעדט פון א פריש העמדל לכבוד שבת אדער סיי וועלכער בגד מיוחד פאר שבת ופשוט הוא.
ובנוסף וואס דער שרייבער איז נישט געקומען זאגן אין פאקט אז מזאל נישט גיין מער א שטריימל... בלויז חומר למחשבה אז א מענטש דארף אנציען דעם פאסיק אויב ער האט נישט.
איך מיין איך בין גענוג קלאר, און אלע אנדערע וואס האבן אן אישו מיט די שטריימעל סומאטוכע זאלן ביטע נעמען א תירוץ פון מיין אויבנדערמאנטע ווערטער.

@פרישער
דו ביזטאך א נחמץדיגער... וכלום נחתום מעיד על עיסו וככרו...

@פליגל
כנ"ל לגביר ויהי'

@ חנוך
יש"כ

@עיטש די איי
ברוך שכוונת.

@פיאניסט
טענקס

@ניק ניק
לעבן אויף א סטאנדארט וואס מקען נישט ערלויבן און דערנאך מתפלל זיין איז ווי תפלה אויף א נס.
ער איז א פשוטער מניח מעותיו על קרן הצבי און זיין ערשטע טריט אין השתדלות איז איינצוימען זיין בוזשעט

@זאל ער קומען
תשובה איז אלעמאל א גוטע זאך, א"ב שטייט דאך פון צדיקים איז ראשי תיבות אלול בא.
אבער מח"כ, דאס הייסט גערעדט צום ענין?!

@צווייפל
אמת ויציב, נישט קיין ספק אז דער גערער רבי וואלט אריינגעקומען מיטן קאפלוטש למעשה, אויב פעלט עס אויס.
און איר האט דעם ריכטיגן תורהדיגן בליק, עניית מעברת על דעת קונו, און חז"ל האבן אנגעקוקט א נצרך לבריות אלס דאס נידריגסטא פארהאנען און ליבערשט עסן סארדינען אום שבת און גיין א דאשיק ווי נעמען געלט פון א צווייטן.

@יהי'
פונקט ווי דער סטאנדארט איז צו גיין מיט א שטריימעל איז דער סטאנדארט אז מקויפט עס נישט אין השבת אבידה...
אדרבה ואדרבה, מי יתן והיה אז מקען איינפירן צו גיין מיט צוואנציג דאלערדיגע בעקיטשעס און שטיריימלעך פון איבעי, וועט מען האבן ביידע וועלטן. אבער וועמען פאפסטו?...

@ געלעגער
דער זאטער פארשטייט נישט דעם הונגעריגן.
געוויס איז דא וואס פארדינען שיין, אבער זיי זענען א קליינע פראקציע, אויב אין די גוישע וועלט וואו סאיז נישטא קיין כוללים, קיין כלי קודש, קיין בנש"ק און מהאט א בעסערע עדיוקאציע איז אויך דאס רוב ארעם שטעל דיך שוין פאר ביי אונז.
רוב עולם בלוטיגט, און אפילו די וואס פארדינען קענען נישט נאכקומען די משוגענע סטאנדארטן, נארמאלע יונגעלייט וואס האבן א ביזנעס לויפן צו גמחים פארן חתונה מאכן. הזאת נעמי?

@אנעים
תמה על חכם כמותך, פאר דעם איז דא אייוועלט? צו זאגן אז אנשטאט שרייבן דערוועגן טו צו דער זאך?!
איך קען דיר דאס צוריקווארפן, אנשטאט האקן אויף בלאגן גיי נישט אריין אין שוין.
אין לך חסד גדול מזו פון ארויסהעלפן אנדערע אידישע קינדער ברוחניות ובגשמיות און אויף דעם איז אייוועלט געשטעלט.
און בכלל, א יחיד קען אין פאקט נישט לעזן דעם פראבלעם דארף מען צו קומען צו א כלליותדיגע טויש ביים רבים ופשוט.
עס איז ביי מיר פשוט אז דיין שטארקע שנאה צו ק"ש -- אויף וועלכן דו ביזט בארעכטיגט צו האבן א מיינונג -- האט דיר געמאכט רעדן אזעלכע דיבורים וואס פיטן נישט דיין פראפייל פון א חכם ונבון.
און בנוגע דיין שאלה צי סאיז ערגער די מצב הפרנסה. איך ווייס נישט קען זייין יא און קען זיין נישט. אבער דער "סטאנדארט" איז אומפראפאציאנאל ערגער און דאס לייגט א ביטער שווערער געוויכט אויף אלעמען.

@כרמי
א) א יחיד קען נישט טוישן דעם רבים. נאר א רבים קען טוישן דעם רבים. גרויסע רביס מיט אסאך קראפט מוטשען זיך איינצושטעלן פיל מעסיגערע תקנות ווי יענע. דער עולם האלט נישט דערביי ועל זה ידוו כל האייוועלטיסטן והקאווע שטיבליסטן והקרעטשמעריסטן וכל אשר בשם ישראל יכונה מדן ועד באר שבע.
ב)שפתיים קישאק, אדער נאדיר א גרינער, וויאזוי דו גלייכסט בעסער...
ג) איך האלט אויך אז שמעקעדיג איז נישט פראקטיש מיט דער נקודה. מסתמא רעדט ער אויף א בחינה פון ווען ווערלד וואלט געווען ווערלד און מי יתן והי'
ד) מסכים. שטארקע רייד. איך בין באקאנט מיט דעם פענאמען פון פוילע מענטשן. לענ"ד איז עס טאקע ווייל אין די אלגעמיינע וועלט אויב ארבעטסטו נישט ביזטו נישט מן הישוב בכלל, ביי אונז איז דא א געוויסגע אקסעפטענס אפילו מארבעט נישט ממילא איז דער דראנג נישט אזוי גרויס ודוק.

@למעלה
איי ווי גערעכט...
איך שעם מיך היינט צוריקצוקוקן אויף מיין געדאנקענגאנג פון די ערשטע פאר יאר נאך דער חתונה.
אין שנה ראשונה האב איך מיך געקויפט אן אוצר החכמה פאר צוויי טויזנט דאלער, כהאב נישטאמאל געהאט דעם פשוטן זיניגן לאגיק אז מיין פרוי וועט ארבעטן פינף וואכן צו באצאלן די לוקסטריעזע טשאטשקע. איך קען נישט פארשטיין ווי איך האבן גענומען 2 טויזנט בלוטיגע דאלער און עס אראפגעפלאשט.

@געלעגער
דיין קרעדיט... ביזט צופרידן?

טייערע ברידער, נייס מיטינג יו אלל.

@ציפקע,נישט פארשטאנען

האסט געבעטן דער כותב זאל אדרעסירן דעם עולם, וכך עשיתי אנשטאט בבחי' זכין לאדם שלא בפניו מיט א שעפ לעפל.
קלאר?

די שנעלסטע מיטל צו שפארן געלט, קויפט ווי ווינציגער פערטיגע עסן, אזוי ווי די אידן אין די כ"ף יארן, איידער עס איז געוועזן חלב ישראל יאגורט און געוויס נישט קיין גרייטע אייער סאלאט וכדו' וואס קאסט בערך צען מאל די פרייז ווי היימיש געמאכט, דו"ק ותשכח.

געלעגער האט געשריבן:@ציפקע,נישט פארשטאנען

כ'אב נאר געמיינט אז דאס'ז א ק/פ פון ערגעץ, לויט די לאאאאאנגע דעטאלירטע אפענטפערונג קוקט'ס נישט אויס אזוי.

כ'האלט זיך נאך ביי מיינס, אונטער די שריפט ליגט א גיפט.
יעדער פאר זיך זאל זיך נעמען אין די האנט אריין און קויפן א ביליגערע שטריימל לויט זיין בודזשעט, צי שרייבן "מבטל זיין בגדי שבת" צייגט מיר אז דא איז דא א גיפט אונטער דעם.

ציפקע האט געשריבן:און בכלל, א יחיד קען אין פאקט נישט לעזן דעם פראבלעם דארף מען צו קומען צו א כלליותדיגע טויש ביים רבים ופשוט.

@כרמי
א) א יחיד קען נישט טוישן דעם רבים. נאר א רבים קען טוישן דעם רבים. גרויסע רביס מיט אסאך קראפט מוטשען זיך איינצושטעלן פיל מעסיגערע תקנות ווי יענע. דער עולם האלט נישט דערביי ועל זה ידוו כל האייוועלטיסטן והקאווע שטיבליסטן והקרעטשמעריסטן וכל אשר בשם ישראל יכונה מדן ועד באר שבע.

יכול להיות אז ס'איז שווער זיך אליין ספראווען מיט'ן מצב, אבער א יחיד קען נישט און ברויך נישט טוישן א רבים!
נאכמאל, דאס ווארט "מ'ברויך" זאגט 'מען' שוין יארן, אויב וויל ציפקע אז זיין "געוואלד" זאל זיין ריכטיג געניצט, ברויך יעדער ביי זיך מאכן א געוואלד און נישט ווארטן אויף קיינעם, דאס איז באמת א יחיד'ס פראבלעם, ס'טייטש, נישט דער רבים פאלט אריין אין די קאטעגריען פון די פראלעמען, ס'איז נאר געווארן אזא שוידערליכער מצב אז זייער אסאך יחידים שטעלן זיך צו צו אנדערע יחידים אא"וו, ווען יעדער יחיד פאר זיך איז עס דן בכובד ראש, מיט אן אמת, ווי האלט איך, וואס קען איך, וואס קען איך נישט, וואס מעג איך און וואס נישט, וואלטן אסאך אדער גאר אלע פראבלעמען געשניטן געווארן בעז"ה.

אוודאי איז עס א חשובע זאך ווען א "פובליק פיגור" טוט עפעס למעשה פאר'ן ציבור, אבער דאס איז זיין פערזענליכער מצוה און האט קיין שום שייכות מיט דיר, דו ברויכסט טוישן דיין מצב און קיינער דארף דאס נישט טוהן פאר דיר. אויב וועט מען ווייטער זיצן און זיך ווארימען ווילאנג "מ"וועט טוהן און אפילו פארהאלטן רבנים/עסקנים וועט עס בלייבן אזוי ווי ס'איז יעצט, ניין, ס'וועט גיין ווייטער און ארגער.

כ'האב נישט געליינט די ארטיקל, און פארשטייט זיך נישט קאמאנטירט.

אבער פארדעם אליינס וואס יעדעס מאל איינער ברענגט אן ארטיקל ווערט א "ק"ש V אייועלט" פארמעסט, אלע "מייז און לייז" קומען ארויס פון די לעכער, פארדעם אליין טאר מען גארנישט ברענגען פון דארט אהער! (אפגעזעהן פון די אנדערע טעמים.)

עס פארגרוילט דאס לעבן!!

לכתחילה אריבער האט געשריבן:כ'האב נישט געליינט די ארטיקל, און פארשטייט זיך נישט קאמאנטירט.

אבער פארדעם אליינס וואס יעדעס מאל איינער ברענגט אן ארטיקל ווערט א "ק"ש V אייועלט" פארמעסט, אלע "מייז און לייז" קומען ארויס פון די לעכער, פארדעם אליין טאר מען גארנישט ברענגען פון דארט אהער! (אפגעזעהן פון די אנדערע טעמים.)

עס פארגרוילט דאס לעבן!!

100%

איך מיין אז אסאך איז דער שליסל ביים עזרת נשים, מענער וואלטן שוין לאנג אויפגעגעבן די אלע זאכן, ווארום ביי מענער גילט דער כלל געלט, פרויען זענען אנדערש, און 1+1 איז ביי זיי בכלל נישט קיין צוויי, ביי זיי גילט נישט אזוי שטארק דעם כלל אז מען האט נישט האט מען נישט, על כל פנים נישט אזוי שטארק ווי מאנפערזאנען פארשטייען דאס. איך גלויב אפילו נישט אז מען קען דאס טוישן.
סתם גראדע, מען רעדט אז אינגעלייט זאלן זיך לערנען פאכן, כ'בין סתם אינטערסירט צו הערן וויאזוי דאס קען העלפן דעם מצב, כ'זעע ביזדערווייל נישט אז דער לערנעריי זאל עפעס העלפן, אדער אז דאס העדר ה'לערנעריי זאל זיין דער אורזאך פונעם פראבלעם.

לכתחילה אריבער האט געשריבן:כ'האב נישט געליינט די ארטיקל, און פארשטייט זיך נישט קאמאנטירט.

אבער פארדעם אליינס וואס יעדעס מאל איינער ברענגט אן ארטיקל ווערט א "ק"ש V אייועלט" פארמעסט, אלע "מייז און לייז" קומען ארויס פון די לעכער, פארדעם אליין טאר מען גארנישט ברענגען פון דארט אהער! (אפגעזעהן פון די אנדערע טעמים.)

עס פארגרוילט דאס לעבן!!

א בעסערע און מער פראקטישע עצה וואלט געווען, פשוט דאס נישט צו פארוואנדלען אין א קינדערישע געפעכט נאר זיך האלטן צו דער נושא, אזוי קען מען מקבל זיין דעם אמת ממי שאמרו און נישט דארפן אריינשטעקן דעם קאפ אין זאמד מחמת איזה טעם שהוא, ופשוט הוא.

ציפקע האט געשריבן:

לכתחילה אריבער האט געשריבן:כ'האב נישט געליינט די ארטיקל, און פארשטייט זיך נישט קאמאנטירט.

אבער פארדעם אליינס וואס יעדעס מאל איינער ברענגט אן ארטיקל ווערט א "ק"ש V אייועלט" פארמעסט, אלע "מייז און לייז" קומען ארויס פון די לעכער, פארדעם אליין טאר מען גארנישט ברענגען פון דארט אהער! (אפגעזעהן פון די אנדערע טעמים.)

עס פארגרוילט דאס לעבן!!

א בעסערע און מער פראקטישע עצה וואלט געווען, פשוט דאס נישט צו פארוואנדלען אין א קינדערישע געפעכט נאר זיך האלטן צו דער נושא, אזוי קען מען מקבל זיין דעם אמת ממי שאמרו און נישט דארפן אריינשטעקן דעם קאפ אין זאמד מחמת איזה טעם שהוא, ופשוט הוא.

קען זיין.... אבער אזוי ווי דאס געשענט נישט, איז מיין פלאן בעסער.

ציפקע האט געשריבן:@אנעים
תמה על חכם כמותך, פאר דעם איז דא אייוועלט? צו זאגן אז אנשטאט שרייבן דערוועגן טו צו דער זאך?!
איך קען דיר דאס צוריקווארפן, אנשטאט האקן אויף בלאגן גיי נישט אריין אין שוין.
אין לך חסד גדול מזו פון ארויסהעלפן אנדערע אידישע קינדער ברוחניות ובגשמיות און אויף דעם איז אייוועלט געשטעלט.
און בכלל, א יחיד קען אין פאקט נישט לעזן דעם פראבלעם דארף מען צו קומען צו א כלליותדיגע טויש ביים רבים ופשוט.
עס איז ביי מיר פשוט אז דיין שטארקע שנאה צו ק"ש -- אויף וועלכן דו ביזט בארעכטיגט צו האבן א מיינונג -- האט דיר געמאכט רעדן אזעלכע דיבורים וואס פיטן נישט דיין פראפייל פון א חכם ונבון.
און בנוגע דיין שאלה צי סאיז ערגער די מצב הפרנסה. איך ווייס נישט קען זייין יא און קען זיין נישט. אבער דער "סטאנדארט" איז אומפראפאציאנאל ערגער און דאס לייגט א ביטער שווערער געוויכט אויף אלעמען.

איך בעט דיך זעהר, איך קריטיקיר נישט צוליב דער מקור נאר צוליב דער תוכן. אם אין אני לי מי לי, דער פה"א איז נישט געקומען אויפטוהן נאר פארלאנגען 'מען' זאל טוהן. ר' יוד, עס איז נישט דא קיין 'מען' וואס איז איינגעשטעלט ביים כלל ישראל צו טוהן. יעדער יחיד איז פאראנטווארטליכט זיך אליין צו פארבעסערען זיין מצב, און נישט נאכגיין דעם שטראם אויב פירט עס נישט צום ריכטיגען פלאץ. אויב ער וויל אויפטוהן פארען ציבור איז ער מכובד צו גרינדען אזא ועד.

קיין איין ארגעניזאציע האט זיך נישט געעפענט ווייל איינער האט פארשטאנען אז 'מען' דארף טוהן, נאר ווייל איינער האט פארשטאנען אז ער דארף טוהן.


לגבי פרנסה, איז מיר כמעט ברור אז עס האט זיך גארנישט געטוישט. איך בין אינעם עולם הפרנסה שוין 12 יאר, און אינעם דורכשניט איז נישט געוועהן קיין שינוי. יא אמאל האב איך זיך מער געמוטשעט און אמאל ווייניגער, אבער דאס איז נישט מיט קיין trend נאר א צייט אזוי און א צייט אזוי.

ווען איך בין געוועהן אין חדר זענען פון מיין כתה געוועהן עלטערען וועלכע האבען זיך מער געמוטשעט און עלטערען וועלכע האבען זיך ווייניגער געמוטשעט. היינט צו טאגס אין מיין זוהן'ס כתה (25-30 יאר שפעטער), איז בערך דער זעלבע.

וע"ע געלעגער'ס וואו זענען די עסקנים?

@ציפקע חחח פארן זאטער טיטל. כאילו איך פאנטש נישט יעדן צופרי און ארבעט ביז אין די נאכט אריין..