די אחריות פון לערנען מיט א גוי ברטנורא

[זאל ער קומען]

Won't your website make gentiles want to kill Jews?
וכו'.

פון די קשיא האב איך זייער מורא געהאט, און כ'האט געברענגט דעם מקור ברוך לגבי די סכנה, און איך האב אויך צוגעשטעלט צו דעם רעיון די מעשים פון נבוזראדן און די מלכות רומי, וואס ס'איז געשען ווען זיי האבן גענומען די הלכה אין די האנט.
אבער נאך אלעם איז עס געווען נאר א הייפאטעטישע מציאות. והיה אויב ס'עט זיך מאכן אז איינער וועט ציען אזעלכע מסקנות פון די ווערטער? ס'איז דאך א שרעק.
און למעשה האט דער תהלים איד קאטאגאריש אפגעפרעגט דעם גאנצן חשש מיט א קאפי פון אן אנדער שטיקל מקור ברוך.

דא אויפ'ן סייט ווערט עס פאקטיש במציאות געפרעגט פון איינעם וואס דרייט זיך אויף דעם סייט, און האט געצויגן אט די מסקנא!
און אויב ס'איז זיי נישט אליין בייגעפאלן, קענען די דומע פלאך-קעפיגע גוים קענען זען די שאלה ברוב פאר והדר!
סא, שרעק!

און דער ענטפער איז:
I think that what the Jewish religion says about Zionists will not be a motivating factor to them.
"איך טראכט"…. ער בלייבט דאך נישט ביים מיינען. ער טוט דאך.
און וואס וועט זיין אז אויב ס'עט מקוים ווערן "אז מ'מיינט נארט מען זיך"? און ס'עט זיך ארויסשטעלן אנדערש?

Non-Jews are motivated by logic that they can relate to, like moralistic condemnation of the Zionists.
איך ווייס אז די נאן-דזשוז ווערן נישט מאוטיוועיטעד דורך לאגיק, ווי די מאראלישע מחאה...
אין בין אין ביזנעס און מארקעטינג, און איך ווייס קליפ און קלאר אז נאן-דזשוז ווערן מאוטיוועיטעד דורך חומרי'דיגע אימאושנס און חי'אישע אורדזשעס, און ס'האט גארנישט צו טון מיט קיין שום מאראל.
ו
ה"י.

[זאל ער קומען]

פון אישי:
נאך א סיבה פארוואס נישט מגלה צו זיין פאר די גוים דעם ענין פארוואס עצם קיום המדינה איז אסור להלכה, ווייל סקען פארגרעסען דעם חילול השם.

ענליך צו דאס וואס דער רבי ברענגט נאך דברי החת"ס בתשו' י"ח לענין אמירה לעכו"ם בשבת, שאם הגוי אינו יודע שזה איסור לעשות בשבת אין להודיעו, ואדרבה זה חילול ה'.
בשלמא בדברים ידועים כמו חילול שבת ושאר איסורי תורה, שידוע לכל אחד שאם יהודי עובר על זה הפשט הוא שהוא פורק עול תומ"צ, אבל על דבר כמו ג' שבועות וגאולה לפני הזמן שאין ידוע לאומות שזה איסור חמור פי כמה מחילול שבת וכל התורה כולה שזהו כפירה בעיקר, אין שום חיוב להודיע להם שהעובר על זה הוא כופר ופורק עול, עיי"ש בדברי החת"ס.

נישט אז אויף דעם דארף מען בויען גאנצע בנינים, און נאכדעם אויב מען וועט לערנען אנדערש פשט אינעם חת"ס, איז נסתר היסוד ונפל הבנין. אבער לראי' בעלמא לדברי רבינו נכון הוא.

[זאל ער קומען]

עוד פון אישי:

ס'איז כלל נישט מוכרח צו לערנען פשט אז עס מיינט פאר די אומות העולם, ואדרבה אז מ'לערנט דורך דעם המשך זעהט מען גאר פארקערט.
דער רבי איז דארט מאריך לסתור הטענה אז ס'איז געווען א הכרח להמלחמה כדי להציל מסכנה, איז דער דער רבי מבאר - ווי ער איז שוין מבאר בארוכה די זעלבע זאך בפנים הקונטרס - אז ניין, די גאנצע מלחמה איז נאר א תוצאה פון די מלוכה וממשלה הטמאה, זאלן זיי נאר אויפגעבן די מלוכה איז דאך נישטא קיין שום מלחמה.
און עס איז נישטא קיין שום היתר צו גיין אין מלחמה עבור אותה המלוכה, ווייל אפילו די מדינה זאל זיך פירן ע"י צדיקים און עפ"י התורה מיט אלע חומרות, איז די עצם קיום המדינה א איסור חמור ונורא, ממילא איז נישט שייך קיין היתר צו גיין דערויף אין מלחמה, אויף דעם קומט אריין דער המשך הדברים אז "עלינו לגלות בפרסום" אז דער עצם קיום המדינה איז באיסור, כלומר און נישט נאר די העברת ועקירת הדת פון די מדינה נאר דער עצם קיום המדינה.
וזה פשוט מאוד שאין שום הבנה לומר אז דער רבי האט געמיינט דא מחדש צו זיין א מורא'דיגן חידוש וואס ער זאגט נישט אין ערגיץ, אז מ'דארף גיין מודיע זיין פאר די אומות התנגדותינו לעצם קיום המדינה, ער רעדט דאך דא בכלל נישט פון די נושא פון מחאה ופרסום דא.

און נאכמער, אפילו די ווערטער וואס ער שרייבט "כמבואר אצלינו בויואל משה" גייט אויך נישט ארויף אויף דעם ענין מחאה, נאר אויפן ענין אז די עצם קיום המדינה איז באיסור, נישט נאר די עקירת התורה, ודי בזה ואין להאריך יותר. שו"ר אז דער-תהלים-איד כבר הרגיש בזה שמ"ש כמבואר בויא"מ לא קאי על הפרסום רק על ההתנגדות לעצם הקיום, אבל מה שהוא מסיק מזה ראי' לדבריו איני מבין כלל.

[פרשיסחא]

הרב זאל ער, איך וועל דא עפעס שרייבן וועגן דעם מיינונג פון וואוידיסלאווער רב זצ"ל אין דעם גאנצן נושא:

וואודיסלאוער רב איז דאך געווען א זעלטענער חכם ופיקח א מין רב פון דעם אלטן דור, א פה מפיק מרגליות וואס איז געווען באוואוסט מיט זיינע מורא'דיגע דרשות און זיין אויסגעשפיצטן מויל.
צווישן אנדערע האט אויך מכהן געווען אלץ סגן יו"ר האחדות הרבנים (אזוי דוכט זיך מיר), און ער האט אויפגעטראטן בראש המדברים ביי יעדן פראטעסט.

זיין קנאות האט דער וואודיסלאווער רב טאקע נישט גענומען פון קראלי, פאר די קריג איז ער געווען א פייערדיגער אגודיסט זייענדיג יח"ל'ס א תלמיד, אזוי ווי עס ווערט מבואר אין איינע פון די בריוון אין נהרי א"ש, זיין קנאות האט ער אפשר גענומען פון זיינע גרויסע רבי'ס רבי שמעון'לע זעליכאווער און רבי מאיר שפירא פון לובלין, אדער פון גזע בית אבותיו למעלה בקודש ביזן אור לשמים שר שלום מבעלזא און נאך.

אנקומענדיג על אדמת אמעריקא האט ער געזעהן אין סאטמארער רב זצוק"ל דער ריכטיגער ממשיך פון זיינע גרויסע רבי'ס פון אינדערהיים, אזוי ווי אנדערע מונקאטשע חסידים אדער שינאווע און קאלשיצע חסידים, און ער איז געווארן שטארק אדוק אין דער סאטמארער רב וואס האט אים כמים הפנים אל הפנים זייער געשעצט, און ער האט אים אויף גשטעלט צו זיין איינע פון זיינע גרויסע גענעראלן אין מערכות הקודש.

אמת, דער וואוידיסלאווער רב האט געהאט א שטארקע נטיה צו די נטורי קרתא, סיי צו די נטורי קרתא אין ארץ ישראל ווי ר' עמרם בלויא און ר' אהרן קאצינעלנבויגן וואס ער האט זיי שטארק מחבב געווען, און אויך צו ר' ישראל יצחק דאמב פון לאנדאן, זיין ידיד נעורים פון יח"ל'ס ישיבה, ביז אזוי פיל אז ער האט זיך אמאל אויסגעדריקט אז ר' ישראל יצחק פארשטייט וואס איז דאס ציונות נאך בעסער ווי דער סאטמארער רב, אזוי, אבער ברבים האט דער וואוידיסלאווער רב נישט געקענט ארויסווייזן ברבים זיין נאנטשאפט צו די נטו"ק, ווייל ווי געזאגט איז ער געווען פון די שטארקע עומדים בראש המדברים אין סאטמאר, און ער האט געטארגן דאס טיטל סגן יו"ר התאחדות הרבנים.

אונטער'ן טיש האט דער וואוידיסלאווער רב אסאך געשטיצט די פעולות פון נטורי קרתא, און דאס איז נישט געווען קיין סוד אין סאטמאר...
איך גלייב אז היינט וואלט ער אויך געהאלטן פון די שטאנדפונקטן פון די פעולות פון נטורי קרתא, און ממילא צו קומען זאגן אז נאר די וואס זענען געקומען פון קראלי, ד.ה. מיט א אנדערע ווערטער אז נאר די וואס זענען געווען צען יאר אלט ווען דער סאטמארער רב האט געהאט דעם סטראוק, נאר זיי פארשטייען ריכטיג דעת קדשו פון דער סאטמארער רב, און נישט גרויסע מענטשן ווי דער וואוידיסלאווער רב, איז דאך ממש א געלעכטער, און אינגאנצן היפך דעתו פון דער סאטמארער רב, וואס האט נישט געהאלטן אז ער שרייבט זיינע ספרים ויואל משה און על הגאולה ועל התמורה נאר פאר חסידי קראלי, אדער בדוקא פאר די וואס דאווענען אין א מחזור דבר"י.

וועגן ר' יוסף בעכער איז א אנדערע זאך אינגאנצן, ער איז געווען אין יענע צייטן פון די הויפט פון די וואס מען רופט זיי אן אין סאטמאר "שחורים", און ער האט שפעטער געטאן אסאך זאכן ביי די אראבער צוזאמען מיט משה הירש, און ער האלט נאך אזוי בדעה נאך עד היום הזה, נאר מיט ר' משה בער בעק גיט ער זיך נישט עפעס אן עצה, און עס איז נישט מיין געשעפט.
אגב, ער איז אסאך יונגער פון ר' משה בער, און ער שטאמט בכלל נישט ון קראלי.

[אנעים זמירות]

מילכיגער ערווענט א שטארקע נקודה וואס לדעתי ווערט גאר אפט פארקוקט. מען איז דן וואס דער סאטמאר רבי האט געזאגט (ווי אויך אנדערע פריערדיגע צדיקים), אהן שוקל זיין צי די מציאות לויט וואס ער האט געזאגט איז נאך געבליבען דער זעלבע.

מו"ר מבאבוב זצ"ל (מהרנ"צ), ווען מען האט איהם אמאל אנגעפרעגט אויף א געוויסען ענין אין קנאות וואס ער האט אנדערש ווי דער קדשו"צ האט געזאגט (עאטש כידוע איז דער מהרנ"צ געוועהן שטארק גענייגט לצד קנאות, נאך זיך ווייקען ביי שפירי דירושלים אין זיין יוגענט). האט ער מסביר געוועהן למה הדבר דומה צו א לונדונער יוד וועלכע ווייסט אז יעדעס יאר אום עשרה בטבת פאסט ער אויס פערטל נאך פינעף ביינאכט. איינמאל האט זיך געמאכט אז יענער איז געוועהן אין אוסטראליע (וואס דארט איז טבת אין זומער און דער טאג איז פיהל לענגער) - היעלה על הדעת אז דער יוד זאל מעגען ווייטער גיין בלינדערהייט כפי מנהגו מדי שנה און אויספאסטען פערטעל נאך פינעף?

געוויס איז די הלכה אלץ געוואנדען אינעם מציאות, און מען דארף אלץ שוקל זיין פון דאסניי אויב עס האט זיך געטוישט.

[זאל ער קומען]

לשלימות אשכול הענוי"ם בדרך אגב מענין לענין, היות איך האב דערמאנט די אינערליכע מחלוקה אין די נטורי קרתא אליין, און הרב יוסף בעכער שליט"א איז דערמאנט געווארן אפאר מאל, און איך האב געלייכט א האנט אויף זיין בריוו אין דער איד, וועל איך עס דא מעתיק זיין.
נישט צו מישן נאכאמאל - ער רעדט בכלל נישט פון שיטת רבינו, נאר פון זיין קוק בשיטת נטורי קרתא.

בס'ד, פסח שני תשס"ב
משום והייתם נקיים מהשם ומישראל הנני בזה להודיע לכל מי שרוצה לדעת דעתנו בנוגע לבלבולי הדעת במחנה של שארית הפליטה. ואשתמש בלשונות שאי אפשר לי להמלט מהם בדברי בנוגע לדברים הללו, והנני כותב הדברים באידיש קצת מפני כמה טעמים.
אזוי ווי א באנדע מופקרים זענען געגאנגען שבת קודש העבר מחלל השם זיין אין וואשינגטאן בפרהסיא לעיני ישראל ולעיני הגוים מיט'ן שבת'דיגן לבוש און מיט טליתים, מוז איך שרייבן צו מיינע ידידים און באקאנטע וואס ווייסן פון אונזערע מעשים אפס קצהו אין די פארגאנגענע פינף און דרייסיג יאר, וועגען די מעשים תעתועים פון דער באנדע מופקרים.
און איך בעט אנטשולדיגונג, ווייל איך קען זיך נישט מצםצם זיין צו שרייבן אין א סדר.
א) ראשית כל איז די עצם זאך פון גיין צוזאמען אין דער גאס מיט גוים בתערובות און אפילו נישט בתערובות, בפריצות שיקסעס און שקצים און אפילו נישט מיט שיקסעס, אן עוולה שאין כמוהו.
ב) מיר האבן א כלל גדול צאי לך בעקבי הצאן. אז רבי עמרם זי'ע און רבי יוסף חיים זצ"ל און אנדערע מנהיגי נטורי קרתא האבן עס קיינמאל נישט געטאן, טארן מיר עס נישט טוען.
ג) ווער עס זאגט נשתנה העיתים, הבל יפצה פיהם. רבי אלחנן ווסרמן זי"ע שרייבט אין כמה מקומות און בפרט אין קונטרס עקבתא דמשיחא כמה פרקים וועגען כלל ישראל בעקבתא דמשיחא, איין פרק הייסט "עצת התורה" און אן אנדערע הייסט "גלות פאליטיק פון אונזערע עלטערען" - ווער עס קוקט דורך די פרקים און אנדערע, זעט בפירוש אז דאס איז נישט דער גאנג. ער שרייבט בפירוש קלאר אז אויב מען ווייסט נישט ווי צו גיין איז צאי לך בעקבי הצאן
[וזה לשונו ממש - בשעת מען לעגט אונז פאר א געוויסען מיטעל זאל מען נאכזעהן אויב אונזערע עלטערען האבן אנגעווענדעט דעם מיטעל דארפען מיר עס אויך טוען. און אויב זיי האבן ניט אזוי געטאן זאלען מיר עס אויך ניט טאן. דער וועג איז דער איינציגער זעכערער. בשעת די זעהסט פאר זיך פארשידענע וועגען און די ווייסט נישט אין וועלכן וועג די זאלסט געהן, געב איך דיר א קלארען סימן צאי לך בעקבי הצאן. די זאלסט באמערקען אין וועלכען וועג די וועסט זעהן אויסגעטראטענע טריט פון דיינע עלטערען דארט זאלסטו געהן. אבער אין א נייע וועג וואו דיינער עלטערען זיינען נישט געגנגען זאלסטו נישט געהן. דאן איז כל ''הדרכים בחזקת סכנה'' אלע וועגען ענטהאלטען א געפאר. די נייע וועגען זיינען פאר דיר געפערליך. בשעת אונזערע חכמים זענען געגאנגען קיין רומי אפשרייען גזירות אויף אידען האבן זיי דורכגלערענט פרשת וישלח די פרשת יעקב מיט עשיו און פון דארט האבן זיי גענומען די ליניעס די וועגען ווי אזוי אומצוגיין. עד כאן לשונו פון רבי אלחנן זי'ע.
ד) רבי יוסף חיים און רבי עמרם זענען געגאנגען צו די גוים צו די אראבער אויף שתדלנות און מען האט זיי געזידלט און נאכגעשריגן אז ''זיי גייען מיט די אראבער''. האבן זיי אבער כאטש געוואוסט אז זיי טוען וואס חז'ל האבן געטאן, צאי לך בעקבי הצאן. אבער קיינמאל נישט מיט די אראבער אין דער גאס אויף דעמאנסטראציעס וכדומה.
ווער עס טוט אזוי טוט פונקט ווי אזוי די רשעים די ציונים אפיקורסים טוען - וואס רבי אלחנן שרייבט אין דעם זעלבן מאמר, אז "זיי מעסטען מאנופעקטאר מיט א ליטער און וואסער מיט א מאס - דאס זענען אונזערע מאדערנע פארפירער וואס פירען כלל ישראל אין קאמפ קעגען רבש'ע. די מעטאדען וואס זיינען אנגעמאסטען פאר די אומות העולם וועלכער זיצען אויף זייער לאנד זיינען גארנישט צוגעפאסט צו דעם אידישען מצב". עד כאן לשונו.
ה) מיר אידען דארפן און מען איז מחיוב צו זיין נייטראל אין דעם קאמף צווישן די ציונים מיט די אראבער. און אפילו פון פשוט'ען שטאנדפונקט קומט אויס בעסער צו פרובירן שתדלנות אויף ביידע צדדים אויפצוהערן הרג'ענען ווען מיר נעמען נישט קיין אפענע שטעלונג קעגן איין צד. בפרט ווען ביידע צדדים באנוצען זיך מיט געווער און הרג'ענען, קענען מיר נישט נעמען קיין צד. ווייל היינט זענען די ציונים שטארקער, וואס וועט זיין ווען דער מצב טוישט זיך און דער אנדערע צד וועט זיין שטערקער?
ו) רבי עמרם האט געשריבן אין א מכתב גלוי (וואס איך האב געדרוקט אין על חומתיך) אז מען דארף אויך באנוצען כבוד און הערצה צו דעם צד וואס וועט דאס דארפן, אבי צו פארמיידן שפיכות דמים. וזה לשונו ממש, "יוצר כח יהודי עולמי שיהי' יוכל להפעיל לחץ פנימי נגד אלה שהמצב פה מסור בידם. לבד הלחץ של האויב והלחץ של הנהלת האו'ם. אלא לחץ מתוך כלל ישראל מתוך כל המוני בית ישראל החסים על חייהם של רבבות נפשות ובו' אולי על ידי זה יהיו יכולים למצא גם דרכי השפעה בדרך זה אצל עם הערבי וימצא מוצא של כבוד מתבוסה זו לאותו הצד שיהי' זקוק לזה". ווי אזוי קען מען אזוי טאן אז מען האט געמאכט א מעשה און געגאנגען צוזאמען מיט איין צד?
אפילו אויפ'ן פשוט'ן שכל'דיגן אופן איז אונז בעסער צו מקיים זיין "חבי כמעט רגע עד יעבור זעם". און איך האב געזעהן דורך די צענדליגער יארן אז מען פירט זיך אויף מיט מער דרך ארץ צו אונזערע שתדלנות ווען מען האלט אונזערע פרינציפען בדרך התורה.
מיר האבן כמה פעמים מוחה געווען אין די בלעטער קעגען די שפיכות דמים און פאר דעם אליין איז מען אונז באפאלן אז מיר זענען אראבער אדער גייען מיט די אראבער. אבער מיר האבן לכל הפחות בינינו געוואוסט - נאך אזוי פיל זיצען און דורכלערנען די סוגיות - אז מיר האבן געטוען די ריכטיגע זאך.
אלע איסורי תורה וועגען גיין מיט די גוים וועל איך נישט שרייבן ווייל הבל יפצה פיהם און אלע זייערע ראיות זענען מלא שטותים וואס אויף אלע קען מען ענטפערן. נאר ליידער איז נישט דא פאר וועמען צו ענטפערן.
ראשית דבר איז דער גיין מיט גוים אזוי פרעמד פון תורה און כלל עסקי ציבור, אז מען וועט ענטפערען וועלן די באנדיטען האבן אנדערע שטותים צו זאגען. ואין קץ לדברי רוח.
איך שרייב דאס אלס איינער וואס האט איבער פינף און דרייסיג יאר עוסק געווען אין עסקני הכלל, און איבער דרייסיג יאר געפארען צו ארצות ערב, און שוין מער ווי זיבן און צוואנציג יאר וואס נסיכי ערב און זייערע צייטונגס שרייבער זענען געקומען צו אונז, און אלס איינער וואס איז געווען בשתדלנות עשרות עשרות פעמים אין יו-ען און בפניהם.
ז) דעם חטא פון גדול המחטיאו יותר מן ההורגו קען מען די באנדע מופקרים נישט מוחל זיין.
די מופקרים טרומפייטערען אז זיי ראטעווען נפשות, וואס דאס איז אויך שקר. אבער לו יצויר אז דאס זאל ח'ו זיין דער איינציגער וועג ח'ו לשיטתם המופקרת, וואס איז מיט דעם גדול המחטיאו אז זיי פארדארבן און פארטרייבן המון בני ישראל הכשרים פון די אמונה מיט זייערע דרכים, וואס דער המון כלל ישראל וואס האלט זיך נאך קעגען די ציונים פארדייען דאס נישט ווייל דער סאטמערער רב זי'ע און אנדערע צדיקים ווי דער קראסנער רב און שאפראנער רב זי'ע, רבי עמרם און רבי יוסף חיים זי"ע וכמותם האבן דאס נישט געטוען?
איך ווייס בבירור גמור בתורת עד דעם דעת פון קראסנער רב שאפראנער רב און סאטמערער רב זי'ע אז זיי זענען געווען דערקעגען. איך קען מעיד זיין בתורת עד פון זיין ביי זיי אינדערהיים רעדן פון די זאכן, און דעם דעת רבי עמרם זי"ע ווייס איך פון בריוו וואס ער האט מיר געשריבן בפרטות.
אז מען קוקט זיך איצטער אן אין די בתי מדרשים די שנאה קעגן אלע אידען וואס מען טראכט אז זיי זענען מיט דער באנדע מופקרים, ווערט מען דערשראקען רח'ל.
און אויב זיי האבן נישט געוואוסט אז דאס וועט זיין די תוצאה זענען זיי דאך מופקרים. און וואס איז מיט תשועה ברוב יועץ, און בפרט דברים הללו וואס אמאליגע פרנסים און רבנים האבן דן געווען מיט תכריכים אויף זיך אנגעטוען און זיך נישט געאיילט צו טוען, מ'איז געזעסן טעג און נעכט ביז מען איז צוגעקומען עפעס טוען. ואל תהי דן יחידי שטייט אין משנה.
האבן זיי מיט זייערע מעשים צוגעברענגט צו דעם שרעקליכן מצב וואס חז'ל זאגען מי שלמד תורה וגו' אבל אין משאו ומתנו באמונה וגו' מה הבריות אומרים עליו אוי לו לאביו שלמדו תורה וגו' כמה מקולקלים מעשיו וגו' רח'ל.
ח) און צו ראטעווען נפשות איז דא אנדערע וועגן פארגעשריבן אין דער תורה, און אנדערע וועגן ווי אזוי צו מפרסם זיין בין ארצות ערב, למשל דורך צייטונג אדווערטייזמענטס, וואס אויף דעם האט דער סאטמערער רב זי'ע זיך געמוטשעט אין ויואל משה און ער איז געווען לחרפות ובזיון פון די ראשי ישיבות וכדומה ווייל ער האט געפסקנט אז מען מעג מפרסם זיין בין אומות העולם דעם דעת תורה נגד הפושעים והכופרים.
ביי כלל ישראל איז מען נישט געגאנגען בכלל אין דער גאסן בין האומות משום למה תתראו און חבי כמעט רגע ועוד ועוד. אידען אין אלע גלות לענדער זענען אפילו נישט געגאנגען מיט טליתים אויף די בעקישעס נאכ'ן דאווענען שבת אינדערויסען.
ט) מען איז געגאנגען שתדלנות ביחידות און אמאל האט מען מקבל געווען די עצה פון מטרוניתא אחת צאו והפגינו בלילה ווען עס איז געווען נגד הדת די גזירות. און דעמאלס וואס האט מען געטוען? געשריגען צום הימל אי שמים הלא בני אב אחד וגו' למה נשתנינו מכל אומה ולשון וגו' והגזירה נתבטלה.
אין קיין שום פאל איז מען נישט געגאנגען שלובי יד ביחד בפרהסיא מיט גוים אויף קיין שום צוועק. אין אבות דרבי נתן שטייט דאך אז מען טאר זיך נישט מתחבר זיין מיט רשעים אפילו לדבר מצוה. עס שטייט נישט א חילוק בין רשעים גוים לרשעים אידן.
י) אויב בחתחברך עם אחזי' פרץ ה' את מעשיך, האט מען נישט געמאכט קיין הבדלים בין רשע מן האומות לרשע פון כלל ישראל. משום איבה מעג מען געבן צדקה צו גוים, האבן די מופקרים געטראכט פון געבן געלד? נאר זיי זאגן, געלד האבן זיי נישט. טוען זיי וואס עס קאסט ביליגער. איז דאס ריכטיג צוליב דעם ווייל עס קאסט ביליגער?
יא) און דער עיקר, ווייל דער אנדערער צד זאגט זיי "דאס דארפט עטץ ווייזן צו גייען צוזאמען מיט אונז" ווער האט זיי אנפארטרויערט כלל ישראל?
היינט זאגן די אראבער "אזוי דארפט עטץ טוען צו ווייזן", און מארגן וועלן זיי זאגן עפעס אנדערש וואס וועט דעמאלס זיין?
יב) מען האט דאך פארמאכט די טיר פון ריכטיגער שתדלנות און די טירן פון אלע שתדלנים. זיי וועלן האבן א תירוץ: קום מיט מיר. און אויב מען זאגט אז דאס קען מען נישט - האבן זיי דאך גרייט ווער עס גייט יא. דארפען זיי שוין נישט טוען קיין טובה.
און בדידי הוה אין תוניסיא בשנת תשמ'ח ווען איך בין געקומען שתדל'ען פארן קיין תימן האט מען מיר געזאגט ''אפשר גייסטו נאכאמאל דעמאנסטרירן מיט אונז אזוי ווי אין שנת תשמ'ב'', ווען בעק וחבריו האבן געטאן די שאנדע דאס ערשטע מאל.
יג) רבי אלחנן שרייבט דאס אין איין מאמר אויף די ציונים אין תרצ'ד, וזה לשונו בסוף המאמר - "דער רעזולטאט פון אזא טאקטיק וועט זיין טאמער וויל זיך די אראבער חלילה מאכן א ביסעל א פאגראם און מען דארף בעטען ענגלאנד איר שוץ, קאנען זיי ענטפערען: איהר האט דאך א רפואה בדוקה ארגאנאזירט פראטעסט-דעמאנסטראציעס וכו'"
יד) רבינו יונה זאגט אין שערי תשובה און אין פירוש על אבות, אז לפעמים זענען דא אידן שומרי תורה ומצות במעשה וואס זענען שונאי השם.
הכותב וחותם
יוסף בעכער

[derech eretz]

איבער וועלכע יוסף בעכער רעדט מען דא, פון לאנדאן?

[זאל ער קומען]

איבער וועלכע יוסף בעכער רעדט מען דא, פון לאנדאן?

יא, מלפנים וויליאמסבורג.

[דער תהילים איד]

זאלער, א יישר כח פארן רעדן 'עטוואס' קורצער צום פינטל.

סך הכל היוצא מדבריך: דער מקור ברוך איז טאקע נישט פארהאן, אין אנדערע ווערטער, ס'איז נישט פארהאן קיין איסור לגלות השלש שבועות פאר די גויים, אבער דאך בלייבסטו מיט א קוועטש אז: 1) "דער רבי האט עס למעשה נישט געטוהן", און אויך 2) "ס'איז משמע מדבריו אז ער האט עס נישט געהייסן טוהן".

יעצט לגבי נקודה נומער 1:

4) דאס וואס בימי רביה"ק האט מען כמעט נישט אויסגעפירט דעם ענין פון להודיע לאומות איז געווען צוליב וואס מען האט געהאלטן אין יענע צייט אז ס'איז אוממעלגיך לפי מצב הזמן ארויסצוגיין אין די גאס דערמיט.

ס'איז יא מעגליך געווען, און דער רבי איז למעשה יא כסדר ארויס, און קיינמאל נישט דאס געזאגט.

ווי דו אליינס האסט געשריבן איז דער מציאות פארקערט, אז דער רבי איז - הלכה למעשה - נאר ארויס לגבי די גזירות. די נקודה אז "די ציונים פארטרעטן אונז נישט" איז דעמאלס ממש נישט ארויסגעברענגט געווארן, עכ"פ כמעט נישט. בלשונך "דער רבי האט כסדר ארויסגעלאזט די געלעגענהייט"... דאס זענען דיינע ווערטער. (און אויף דעם האט זיך דער רבי אפן אפגערעדט בשנת תשכ"א). אם כן, פון וואס ווילסטו דא ארויס לערנען אז ווען דער רבי האט מפרסם געווען אז זיי פארטרעטן אונז נישט האט ער נאר גערעדט אלס זייער "כפירה" אבער "נישט" אלס זיין התנגדות צום קיום המדינה? מען האט דאך ניטאמאל געזאגט אז זיי פארטרעטן אונז נישט! וואו איז דא בכלל פארהאן א מקום פאר אזעלכע פשט'לעך?! און די סיבה פארוואס ס'איז דעמאלס נישט ארויסגעקומען אז זיי פארטרעטן אונז נישט איז זייער קלאר אז מען האט דעמאלס געציטערט וויאזוי דאס גייט אויסזעהן אין די גויאישע גאס. (ס'איז דא דערויף כמה מעשיות צו דערציילן, אבער לאמיר זיך האלטן צו קלארע זאכן וואס יעדער זעהט אליינס).

דער רבי האט בשנת תשכ"א זיך אפגערעדט דערויף מיט די טענה אז מען דארף פארקוקן אויף די חשבונות.

שוין פארענטפערט, דער רבי רעדט זיך אפ אויף די אגודה רבנים.

"די ערליכע מנהיגים"! עכל"ק.

-------------

און לגבי נקודה נומער 2.

ערשטנס, ווילאנג דו האסט נישט קיין איין איינציגע מקור צו באפעסטיגן דיין אייגן-ערפינדענע חשש אז מען טאר נישט מגלה זיין די שלש שבועות, זענען אלע דיוקים בדברי רבינו תורת לאקשן, במחילת כבדוכם.

צווייטנס, די דיוקים זענען בכלל נישט ריכטיג.

דער רבי זאגט מען זאל מגלה זיין אז "זיי פארטרעטן אונז נישט". די ווערטער זענען "אפן" און נישט פארמאכט, כלומר, דאס נעמט אריין "אלעס". ס'נעמט אריין אז זיי זענען כופרים, און ס'נעמט אריין אז זייער עקזיסטענץ איז נגד התורה.

דיין מהלך אז מען זאל נאר זאגן אז זיי זענען כופרים, דאס איז א "פרט". ווען דער רבי זאל וועהן אליינס זאגן דעם פרט וואלט איך געזאגט "אין בכלל אלא מה שבפרט", אבער אז דער רבי זאגט בלויז "מודיע זיין אז זיי פארטרעטן אונז נישט" ליגט דא אלעס. וואו ליגט דא די נקודה אז זיי זענען כופרים?? וואס האט דען 'פארטרעטערשאפט' מיט'ן ענין פון "כופרים" מער ווי מיט "איסור המדינה"?

דו באפעסטיגסט דיין "פשט" מיט דעם וואס דער רבי זאגט כסדר אז ס'איז א חילול השם אז כופרים פירן כל ישראל. דו פארזעהסט אבער אז דער רבי האט פונקט אזוי ארויסגעברענגט אז די התגרות באומות פון די ציונים ברענגט א סכנה אויף כלל ישראל! סוי אויב לערנען פשטים אין די ווערטער "זיי פארטרעטן אונז נישט", האסטו קלאר ביידע פשטים, סיי ווייל זיי זענען כופרים (כי זה חילול השם), און סיי ווייל זיי מאכן התגרות באומות (כי עצם המדינה ומלחתותיהם הם התגרות נגד התורה).



און יעצט לאמיר גיין צום על הגאולה.

די השמטה פון על הגאולה האט דער רבי נישט געשריבן בכתב ידו פונקט ווי האלב פונעם ספר, נאר עס איז געשריבן געווארן לויט די ווערטער וואס ער האט באפוילן צו שרייבן. לויט ווי עס שטייט צוגעשריבן אין על הגאלה איז דער השמטה געווען "מפיו יקרא", און עס איז ארויסגעפאלן פון די ערשטע מהדורא צוליב די געיעג ארויסצוקומען וואס פריער. זעה:


אויב זאלסטו וועלן זאגן אז רבי יוסל - אדער ווער - האט משקר געווען און אליינס געשריבן די ווערטער, מוז דאס קומען מיט עפעס א הסבר פארוואס זיי האבן באשלאסן צו פארראטן דעם רבי'ן און צולייגן די דאזיגע בלעטער. עס רעדט זיך פון עטליכע בלעטער על הגאולה וואס ס'איז נישט פארהאן דארט גארנישט וואס עמיצער זאל האבן א נגיעה דאס אויפצוטראכטן, און אדרבה, ווי געזאגט איז אויף דעם נקודה פון מודיע זיין אונזער התנגדות למדינה געווען גרויסע נגיעות אויף פארקערט.

און לגבי דיין פשט אז די רבי מיינט דארט "מפרסם זיין פאר אידן", איך ווייס נישט וויאזוי מען קען אפילו לערנען אזא פשט.

דער רבי רעדט דארט פון די התגרות באומות וואס די ציונים מאכן מיט זייערע מלחמות און דערמיט זענען זיי אחראי אויף אידיש בלוט, און די רבי ווייטאגט וויאזוי דאס קען זיין אז אויך אידן זענען מצדיק זייערע מעשים, כאילו ס'איז מלחמות עפ"י תורה, און אויף דעם זאגט ער "ועלינו לגלות דעתינו בפרסום ובגלוי כי כל יהודי הרד על קל ומאמין בהבוי"ת אינו חפץ בממשלתם ובמדינתם ועצם קיומם מתנגדת לתורתינו הק' ומרידה במלכות שמים כמבואר אצלינו באריכות בספר ויואל משה". פשט איז קלאר אז דער רבי זאגט אז קעגן דעם וואס ליידער זענען פארהאן אידן וואס זענען מצדיק זייערע מעשים, דארף מען מגלה זיין פאר די אומות אז ניין, ערליכע אידן דארפן נישט די מדינה ווייל ס'איז קעגן די תורה.

פאר אידן איז מען מפרסם אז "א מדינה איז אסור", נישט אז "ערליכע אידן אינם חפצים בהמדינה".

פאר אידן איז מען "מפרסם/מסביר דער טעם האיסור", נישט "לגלות דעתינו". ס'איז ניטאמאל קיין פשט.


-------------

יוצא לנו אז לויט'ן רבי'ן איז טאקע פארהאן צוויי סארט נקודות און פעלער פון פרסום לעמים אז די מדינה פארטרעט אונז נישט. 1) לגבי די גזירות רעדט מען פון זייער כפירה, 2) לגבי די התגרות באומות רעדט מען פון זייער עקזיסטענץ.

גענוי דאס איז נטרונא!


(סייט נאוט'ס: איך גיי נישט אנהייבן א וויכוח איבער דיינע מאטיוון אדער איבער דער אוצר, כ'האב געשריבן וואס איך ווייס און נישט וואס איך טראכט, אבער ס'איז נישט נוגע למעשה. אזוי אויך טוה איך זיך אנטשולדיגן אז איך פארמאג דא נאר איין ניק, און איך קען נישט 'שפילן קיינדנעס' מיט איין ניק און זאגן דאס איבריגע מיט א צווייטע, ממילא האב איך געשריבן סיי די פאקטן און סיי די פערזענליכע תמיהות מיט'ן זעלבן ניק. איך בין טאקע נישט קיין "אינטעליגענט-שפילער", אבער איך האב מקבל געווען פון מיינע רבי'ס אז פון אמת דערלייגט מען נישט, וד"ב).

[זאל ער קומען]

ברעיקינג ניוז!!!

אפריון נמטי פאר אלע מגיבים אין דעם אשכול. איך האב נארוואס באקומען אין אישי אז "נטרונא" האט ערהאלטן א גאנצער טויזנטער אין א דירעקטע רעזולטאט פון דעם שמועס!

ברוך השם אז מ'האמיר אויך א שותפות אין די מלחמה לה' בעמלק.

בלייבט נאר איבער צו האפן אז דער טויזנטער - און אלע מיליאנען וואס גייט נאך קומען א דאנק דעם - וועט גענוצט ווערן נאר אויף שרייבן די הונדערט פראצענטיגע אויסגעהאלטענע ענינים, און נישט די פאר פונקטן וואס קען זיין א שאלה צי מען מעג שרייבן פאר די גאס דערפון.

[לכתחילה אריבער]

WOW!!

דאס אז די גאנצע זאלער איז א קאנספירעסי פון נוטרונא, וועלט איך נישט געחלומט!! גוד דזשאב!

[לכתחילה אריבער]

לגוף הענין נאכען איבערגיין די טייערע ווערטער פון די חבירים, קומט מיר אויס אזוי.

די רבי האט נישט געהאלטן פאר קיין פראבלעם צו זאגן פאר די גוים אלעס, אפי' פון די שבעות. דאס נעמעך פון עטליכע ראיות. איינס וואס עס שטייט אין על הגאולה - אפי' עס איז נאר איין מאל, און אפי' עס איז ביין ערשטן מאל ארויס געפאלן\ארויסגעשניטן, ווייל אויב איז עס א דבר אסור, וואלט עס נישט אריין אפיק איין מאל צווישען אלע רבינ'ס ספרים, עס וואלטן געווען גענוג וואס וואלטן שוין דעמאלס פארפירט.

די צווייטע ראיה איז די וואדעסלאווער עד, וואס אויב וואלט עס געווען בניגוד צום רבין, וועלטן גענוג פארפירט, עס זענען געווען גענוג אפ' אין די פירערשאפט וואס ווען זיי זענען געקומען אין 47 און מען האט זיי געצימבלט, וואלטן זיי גערן געלייקענט די גאנצע שיטה, נאר וואס קען מען טאן אז די רבי האט זייער קלאר געשריבן זיין שיטה, און זיי האבן נישטגעקענט אינגאנצען אפווישען, אבער אזא זאך וואלטן זיי זיך צוגעכאפט.

פון די צווייטע זייט, קוקט מיר אויס ווי עס איז נישט קיין "מוז" עס צו פארציילן פאר די גוים - כאטש מען קען מיט דעם אויפטאן אפשר - ווייל כ'זעה אז למעשה האט עס די רבי נישט גענוצט אויף למעשה.

איינער וואס איז א "סאטמארער" קען אויב אזוי ווייטער אנגיין מיטן שב ואל תעשה, און עס נישט נוצן, און אפי' זאגן אז ער טוט אזוי ווייל למעשה האט עס די רבי נישט גענוצט. ממילא קומט אויס אז אפי' ער האט אזוי געשריבן איין מאל, דאס אז ער האט עס נישט גענוצט זאגט אסאך, אוין ווילאנג מען ווייסט נישט קלאר פארוואס ער האט עס נישט גענוצט, איז עס א "טעם כמוס" און מען קען עס נישט אפווענדן.

און פון די צווייטע זייט קען איינער עס יא נוצן, און מען קען נישט זאגן עס איז בניגוד צו דעת רבינו צו נוצן. ווייל ער שרייבט עס אליין, און מען זעהט נישט קיין עקסטערע התנדגות נישט פון רבין אליין, און נישט פון די ארומיגע מענטשען, צו די וואס האבן עס יא גענוצט - אינצווישען זיי גאר נאנטע תלמידים וחסידים - . ממילא קען אזא איינער ווייטער טענה'ן אז ער טוט נישט בניגוד. און אפי' אפשר בהסכמה צוליעב די איין מאל, וואס עס ווערט יא דערמאנט.

און אויך וויכטיג צוצולייגן, אז עס קוקט טאקע אויס ווי די מקור ברוך מקור איז א טעות, ממילא האמער נישט קיין מקור אויף לאיסור.

כנל"ד, נאכען דרוכליינען, און איבערקלערען.

[מילכיגער]

מילי מן הסתם האבעך עס שוין געשריבן אין אנדערע אשכולות.

אמת אז די פאליטיקאנטען אין אמעריקע חנפנ'ן די מדינה, און איינער וואס רעדט א ווארט איז אין א ערענסטע סכנה מיט זיין בענקל (נישט איבעראל, אבער אסאך פלעצער), אבער דו ביסט מודה אז עפעס אנטיסעמעטיזעם איז נאך דא אין אמעריקע, דאס אז די פרא ציונים געווינען וואלן, קען נאך זיין אז 149 מיליאן גוים פון די 300 מיליאן זענען אנטי-מדינה.

קומט נטרונא און זאגט, אזי די אנטיסעמעטיזעם וואס איז יא דא אין אמעריקע איז אין א גרויס חלק וועגן די מדינה. דאס מיינט נישט אז מען גייט מאכען אויף אידן א גירוש ח"ו, און אויך מיינט נישט אז די פאליטיקאנטען גייען אויפהערן שטיצן די מדינה, וויי די אנטיסעמיטן זענען ווייניגער ווי די רוב ב"ה.

קודם כל די נומערן מוז זיין מער. אויף א DIVISIVE אישו וועלן נישט אלע פאליטישנס קלאטשן ווי משוגע ווען ביבי רעדט אין קאנגרעסס. סא ס'איז מער א 65/35 זאך.

צווייטנס והעיקר. אז לו יהיבנא אז ס'איז אמת וואס דו זאגסט מאכט נאך אלס נישט קיין סענס די העדליין "ראשי הציונים גייען אן מיט זייער התגרות באומות" פארן האלטן א דרשה ווי ער אגריט מיט גאנץ קאנגרעס און האלב אמעריקע.

נאכאמאל. התגרות איז אסור אפילו צו איין גוי און נישט נאר פאר די מדינה (!) מיין נקודה איז ווי OUT OF WHACK ער ליינט די וועלט וואס דאס נעמט ביי מיר פשוט אוועק פון דעם טראסט אז די חברה קענען ארבייטן מיט א סטראטעגיע לרוח הימים.

נאך א משל? גיין צו אחמעדיכחעיגכעגחעיגלחעזאד. אפגעזען פון די גאנצע וויכוח צו די רבי האט געהאלטן פון גיין מיט אראבער מיט די מכתב חזרה און אלעס ארום. וואס זאגט עס אויף די פאליטישע סקילס זייערע? אין א צייט ווען די וועלט האט געציטערט פון אים און עכ"פ אין אמעריקע איז ער געווען ארכי שונא נומערו אונא האט ער געהאלטן אז אמעריקאנע גוים גייען דאס אנקוקן גינסטיג? (און מיר רעדן דאך נישט דא פון נטו"ק ביי וועם ס'שוין לאנג מותר זיך מתגרה צו זיין מיט אלע גוים אין די וועלט חוץ מיט אראבער...) די איינציגע לימוד זכות איז אז ער האט געטרינקען די אייגענע COOL-AID אז דער אמעריקאנער גוי באקומט א שטארקע שנאה ווען ער ליינט וועגן איראן ווייל דאס דערמאנט אים די סכנה וואס די ציונים האבן אריינגעלייגט די וועלט (עפעס אזוי) און ממילא ער גייט דערמאנען דעם גוי אז ער איז נישט שולדיג.

בקיצור. איך ליין כסדר די אנאליזן זייערע און איך בין פשוט נישט פארקויפט פאר זייערע אנאליטישע סקילס. אפשר ווען חילי אדער מידער (שיר פארגעסן וויכי...) גיבן ארויס די נטרונא זאכן וואלט איך געווען צופרידענער...

אין דאס איז אלעס א פרט אין מיין כלליות'דיגע אבזערואציע אז אפגעזען פון וואס דער רבי האט יא אדער נישט געהאלטן מוז מען זיין AWARE מיט די מציאות און אויף דעם צופאסן די מערכה נישט פארקערט.

אוילי ירחם אז דער עולם וועט גיין אין דעם דיירעקשן דא מיין איך אז ס'וועט זיין זייער אינטערעסאנט

[לכתחילה אריבער]

אויף נטורי קרתא רעד איך נישט היצט.

און כ'בין מסכים מיט דיין 35\65 צוטיילונג. רוב האבעך נישט געמיינט דוקא 51\49.

די נקודה איז, אז פון די 300 מילאן אמעריקאנע לאמיר זאגן 10 מילאן זענען יא אזעלעכע, פארשטייט זיך אז קיין פאליטיקאנט וועט נישט קוקען אויף זייער זייט. אבער ווען ביבי רעדט, קען ער אויך רעדן נארמאל, אדער רעדן רייצעריש.

און כאטש - ווי שוין געשריבן אין אנדערן אשכול - איך האלט אז אבאמא האט זייער נישט ריכטיג באנדעלט די מידל איסט בכלל און ביבי'ן פערזענדליך בפרט, און די איזרעליס און ביבי האבן - אלס דזשיאפאלעטיקס (נישט מצד די תורה) - אלע רעכטען צו בלאזן און זיך קריגען מיט אבאמא, איז האלטן א "אויפרייצערישע" דרשה אין קאנגרעס - נישט שטרענג פאלעסי, נאר היפט רעטאריק און שטעכעדיג - א "רייץ" מיט די 10 מיליאן אמעריקאנע אנטעסעמיטן!

עס לייגט אידן אין א סכנה, ווייל די 10 מילאן זענען עלול אויף אסאך, טאקע נישט אלע, אבער עס דארף זיך מאכען איין "טימעטי מעקוועי" סטייל טעראריסט, און כ'וויל אפי' נישט טראכטען וואס ער קען אפטאן ר"ל.

איי ביבי האט א רעכט צו רעדן און קאנגרעס? יא ער האט א "רעכט", און איז אפשר אפ' "גערעכט", אבער נישט דער וואס איז גערעכט איז אלס די געווינער. און קודם האט ער די מעגליכקייט צו זאגן מער א איינגעהאלטענע דרשה, און צווייטענס ווען ער האלט אזא דרשה און די 10 מילאן - וואס האלטן סיי ווי אז אידן פירן די וועלט - זעהן ווי די קאנגרעסלייט מאכען דעם "כשם שאני רוקד" מיטן גאנצען פראכט, ווערן זיי אויפגערייצט. און ווי געשמוסט אפי' ביבי האט א "רעכט".

סא אויב א "נטרונא" איד, איז דערשראקען פון די 10 מיליאן, און זאגט אז "ביבי רייצט זיך מיט די גוים", קענסטו נישט זאגן עס איז "שטותים". עס איז א ווירקליכע פאקט, און א לעגעטימע שרעק.

זאל השי"ת "האלטן די רעכטע האנט".

[מילכיגער]

זייער גוט געענטפערט.

איז אויב אזוי די שאלה וואס אלץ ער האט געזאגט וואס אי אזוי אויפרייצעריש. טאמער האט ער געזאגט נאר ״ירושלים גייט אייביג בלייבן אונזערס״ צו ערגער.

דהיינו. טאמער למשל זאל א איד זיך אויפשטעלן און האלטן א דרשה קעגן גיבן רעכטן פאר תועבה׳ניקעס האט ער אקטיוו אויפגערעגט די האלב אין אמעריקה וואס האלטן פארקערט. סאיז דאך זייער הייס. יעצט טאמער ביבי האלט א דרשה ווי ער רייסט אראפ אבאמא פארן נישט באמבארדירן איראן האט ער אויך אויפגערעגט האלב אמעריקה וואס האלטן זייער שטארקע פארקערט.

משא״כ אויב האט ער נאר גערעדט פון די טיפיקל בלא בלא וואס אפילו דער אמעריקאנער גוי וואס האלט נישט מיט אים זעט נישט וואס איז ראנג און די גאנצע פראבלעם איז ווייל די אנטיסעמיטן האלטן עס נישט אויס איז משה דוד ניעדערמאן וכדומה פונקט אזוי שולדיג פארן בעטן געלט פאר מוסדות הגם די טיטשער יוניאנס האלטן עס נישט אויס.

דו קענסט ענטפערן פשוטער. אז סאיז התגרות מיט אבאמא וואס איז די סימבאל פון די ״אומה״. אבער נישט דאס שרייבט ער דאך.

[לכתחילה אריבער]

אויב הייבט נישט די תורה זיך אויפשטעלען קעגן תועבה ביסטו 100 פראצענט גערעכט אז א איד טאר עס נישט טאן.

און נישט קיין נפק"מ "ווואס ער האט געזאגט" ער האט זיך גערייצט מיטן נאר דארט זיין און באקומען די פייערדיגע אויפנאמע, און דאס וויל נטרונא אפווארפן. כ"ש אויב ער האט למעשה גערעדט רייצערישע רייד.

בעטן הילף פאר מוסדות איז שוין א עקסטערע ענין פון למא תתראו און ווי ווייט דאס גייט. און דאס איז א עקסטערע שמועס וואס א איד מעג "פארלאנגען" אין גלות, און וויאזוי. אבער די "מדינה" איז פיל מען א "ברענעדיגע" אישא, אז אפי' כ'ווועל זאגן אז אנדערע זאכען מעג מען בעיטן, ווייל יעדע "נארמאלע אביעקטיווע" מענטש פארשטייט עס, איז די מדינה נאכאלס אנדערשט, ווייל עס איז א זייער "האט באטטען" אישא.

[מילכיגער]

פונקט ווי דיר גלייך איך נישט צו גיין אין סוירקלס און איך שטעל אפ א וויכוח איינמאל ביידע וויסן שוין וואס דער אנדערער האלט... איך האלט נאך נישט דארט.

פארוואס איז עס א האט באטן פון דעם פערספעקטיוו פון זשאן פיקלסאוס פון אקלעהאמע? איך אגרי קלאר אז ער האט זיך גערייצט מיט אבאמא מיט זיין עצם דארט זיין און דאס איז גענוג אסור. אונזער חילוק איז לגבי דעם העדליין אז ביבי זייט אן שנאת ישראל ווי ער פרובירט מיר צו זאגן אז זשאן איז יעצט געווארן מער צורייצט. דארט כאפ איך לגמרי נישט. ביי למשל 65% איז ביבי גערעכט אין אלעם פשוט משנאת המוסולמענער און ביי די אנדערע האט ער אויך דא גארנישט געזאגט יעצט ספעציעל זיי אויפצורעגן. ווי דו האבט געשריבן איז די עיקר פראבלעם די 10% וואס ווערן צורייצט אייביג ווען א איד בעט עפעס. איז שייך אויף דעם דעם אויסדרוק "ביבי רייצט זיך מיט אמעריקע"?

חוץ דעם פארשטיי איך נישט די חילוק צווישן מוסדות מיט די מדינה לויט די סברא אז יעדע זאך וואס רעגט אויף די עקזיסטינג שונאי ישראל איז התגרות. ועוד חזון למועד זאללסט מיר עס מסביר זיין. (מוז נישט זיין ער"ש...)

ווי אויך טאמער ביזטו אין וואלט איך אפרישיעט א קאמענטאר אויף מיין עיקר טענה דא.

טשאבעס

[לכתחילה אריבער]

מ'וועט דארפן זיין וווייטער נאך שבת, ווייל עס איז שפעט, אבער איין ווארט.

למשל פראגראמען, וועט קיין צד נישט זאגן "די אנדערע צד זענען רוצחים". זיי זאגן סך הכל, עס איז נישט ריכטיג, פאבליק סקול איז די וועג אא"וו.

ביי די מידל איסט, שרייט יעדע זייט אז די צווייטער איז א אכזר, און א מערדער, א רוצח פון אומשולדיגע ווייבער און פיצלאך קינדער, ממילא איז עס א "האט באטטען" אישא. און די "פעשאנס" לויפן זייער הויך, אזש ביז "טימעטי מעקוועי" ח"ו.

[צווייפעל]

מילכיגער, און לכתחילה יישר כח!
די רירסט שוין כמעט אן די נושא וואס מיך שטערט פון נטרונא, (כרעד נישט יעצט אז איך האלט נישט אז סאיז די גרויסע מצווה אזוי סאך צו רעדן צו די גוים, נניח אז סאיז אקעי, אבער דאס שטערט מיך) ביי זיי איז די מדינה א ארגענעזאציע, זיי האלטן נאך אינמיטן ערייכן א לאנד, און אין אמעריקע לעבן נאר יענע צען מיליאן מענטשן פון וועם 'לכתחילה' רעדט.

די אלע זאכן פון רש"ב וכדו' זענען טאקע אזוי געווען, ארגענעזיציעס אין א גוי'איש לאנד, סא די שטעלונג איז געווען קלאר, מיר האבן נישט קיין שייכות דערמיט, מיר ווילן זיין גוטע בירגער פון דעם לאנד, משא"כ די מדינה איז היינט א מציאות, זיי זענען אויף געהאקטע צרות פון די אראבער פון אלע זייטן, און סאיז עכט נישט דא קיין געהעריגע עצה פאר די מיטל מזרח קריזיס.

סא ווען ספאלן די ראקעטן אין דרום, שרייט נטרונא אז די מדינה איז שולדיג, ווען די ציונים פייטן, שרייט נטרונא אז די מדינה איז שולדיג, ווען איראן סטראשעט, איז ווייטער דא א ארטיקל, ווען די ציונים שרייען צוריק זענען זיי ווידער ברוגז.

און סאיז אמת, די ציונים זענען אין אלעם שולדיג, און קיין עצה איז טאקע נישטא, השי"ת ירחם, אבער וואס זאגסטו פארן גוי? די ציונים זאלן נישט פייטן פאר זייער קיום, נישט די לינקע און נישט די רעכטע זענען גוט, אלזא וועל איך צוענדיגן מיט א קשיא וואס א גוי האט מיך אמאל געפרעגט ביי א פראטעסט, "לאמיר זאגן אז די קלערסט אויף אלע פינף מיליאן מענטשן פון איזראעל אז זיי זאלן האלטן אזוי ווי דיר, און זיי ווילן דאס פיקסן, וואס זאלן זיי יעצט טון?

ענטפער איך אים די סאטמארע תי', זאלן זיי זיך ברעכן קאפ אין וואנט, איך וויל נאר אז די זאלסט וויסן אז איך בין געווען דערגעגן פון אנהייב, און די פראבלעמען זענען נישט מיינע, פרעגט ער סא, פון דיין זייט זאל אמעריקע אויפהערן צו שטיצן די מדינה, און די מענטשן פון די מדינה זאלן .......? וואס ביסטו יעצט דא פארנט פון די .........?

[א צווייטע מאל הער איך ווי א גוי פרעגט איינעם, סא די ווילסט אז די מדינה זאל זיך פירן מיט שאריא געזעצן? הענגן און שטיינערן? ווי ביזטו געבוירן אין אמעריקע? אין וועלעכע סקול ביזטו געגאנגען? אדער צוויי גוים צווישן זיך, די מענטשן זענען די וואס האבן געווארפן שטיינער שבת אויף אונזער קאר ביי די לעצטע וויזיט אין א"י.]

ממילא קוק איך אן נטרונא ווי עפעס א מאדנע קאמפאני, ער רעדט צום היינטיגן גוי, און זאגט אים אז יעדע פאליטישע מאוו פון די מדינה איז נישט גוט, די מדינה איז נישט גוט, ברויך אינטערגיין, ווי אויך קלערט ער אויף פארן אמעריקאנעם גוי, אז אידן האלטן אז איראן טאר מען נישט אויפרעגן [און בוש ?], איך וואלט אים געזאגט ר' איד, דער גוי ווייסט נישט פונקטליך וואס די ווילסט פון אים, לערן אים נישט אויס די שיטה... זאג אים אז סהאט גארנישט מיר דיר, די בעטסט אויף משיח און פארטיג.

כמיין אז לעצטנס ווערן זיי (נטרונא) אביסל בעסער אבער...... נאך אלץ נישט מיין טעיסט........(רב תהלים מיר האבן אן אנדערע טעיסט, ווארשיינליך עסן מיר אנדערע פלייש אויך... )

ווארט שוין קוים אויף נאך שבת חילי זאל צוריק קומען, און אונז ווייטער מסביר זיין.

גוט שבת.

לעצט פאראכטן דורך צווייפעל אום פרייטאג יוני 13, 2014 5:57 pm, פאראכטן געווארן 5 מאל בסך הכל.

[פשוט'ער אידל]

פאר אפאר יאר צוריק איז איד ארויס געקומען מיט'ן ילקוט אמרים ויואל משה און געמאכט א שטורם איבער גאנץ ארץ ישראל ביי טויזענטער אידן, כאטש וואס ס'איז נישט אפ-טו-דעיט מיט די היינטיגע מצבים. אינטערסאנט איז אז אין די זעלבע צייט לויפט אויך א טוויטער פיעד מיט'ן זעלבן שטריך און גאנג בשיטה ווי נטרונא, און ס'האט בסך הכל אפאר טויזנט אראבישע פענס.

"
וואס מיינסטו צו זאגן דערמיט,

און אגב, אויב פארשטיי איך פון וועלכע טוויטער פיד דו רעדסט, (TRADITIONALJEWS@)פון זייערע צוויי א האלב טויזענט (!) טוויטס האבן זיי נאך "קיינמאל" דאכט זיך דערמאנט די שלש שבועות, און אויך נישט הרינו מתיר את בשרכם, איז וואס קוועטשט דיר?

[פארצייטישער יוד]

WOW!!

דאס אז די גאנצע זאלער איז א קאנספירעסי פון נוטרונא, וועלט איך נישט געחלומט!! גוד דזשאב!

א גרויסע יישר כוח, זייער קלאר און שיין ארויסגעברענגט. כה לחי

ביסט א פאסיגער אגענט פאר'ן מוסד הק' נטרונא אפשר זעהסטו אז די בוך אין ענגליש מיט וואס זיי מוטשען זיך אזוי לאנג זאל זיך שוין א ריר געבן און פארשפרייט ווערן פאר די מבקשי ברטנורא.

איך מיט א פארצייטישע שמעק האב גלייך געזעהן אין זאלער אן אגענט פאר נטרונא

ייש''כ פאר'ן שאפען נאך א טויזענטער פאר די חשובע פעולות, אפשר גייסטו אויך אין די בתי מדרשים ארויסהעלפן די קאמפעינס קוקסט אויס זייער צום זאך.

[זאל ער קומען]

WOW!!

דאס אז די גאנצע זאלער איז א קאנספירעסי פון נוטרונא, וועלט איך נישט געחלומט!! גוד דזשאב!

א גרויסע יישר כוח, זייער קלאר און שיין ארויסגעברענגט. כה לחי

ביסט א פאסיגער אגענט פאר'ן מוסד הק' נטרונא אפשר זעהסטו אז די בוך אין ענגליש מיט וואס זיי מוטשען זיך אזוי לאנג זאל זיך שוין א ריר געבן און פארשפרייט ווערן פאר די מבקשי ברטנורא.

איך מיט א פארצייטישע שמעק האב גלייך געזעהן אין זאלער אן אגענט פאר נטרונא

ייש''כ פאר'ן שאפען נאך א טויזענטער פאר די חשובע פעולות, אפשר גייסטו אויך אין די בתי מדרשים ארויסהעלפן די קאמפעינס קוקט אויס זייער צום זאך.

שמעק נאכאמאל...

[פארצייטישער יוד]

האסט שוין ערלעדיגט נאך אן אלף'ל, גיי אהן מיט די עבודת הקודש
כה לחי!

[סטראשעלע]

אז מרעדט דא פון די דרשה ביים כינוס כללי ט' סיון תשכ"א (ולמס' May 24 1961) איז כדאי צו זען א דוקאמענט פון א פעולת הצלה וואס דער רבי האט פארארבעט דעמאלץ אין יענע תקופה,
דער דאטום איז may 17 1961, אויפן אידישן לוח איז עס ב' סיון ד' במדבר תשכ"א
ותן לחכם ויחכם עוד

עטעטשמענטס

[דער תהילים איד]

אופס, כהאב שיעור פארגעסן פון די דעבאטע... יישר כח פארן אויפברענגען די אשכול.

איך וויל זיך עפענטליך באדאנקען פאר ידידינו הרב זאלער, וואס לזכותו איז די סוגיא אזוי שיין אויסגעקלארט געווארן. איך האב די אין רוב נקודות שוין געהאט אליינס מעיין געווען, אין גרויסן טייל אויך ברבים דא אויפן וועלטל, אבער אצינד מיין איך אז ס'איז ארויסגעקומען א קלארער דבר השלם בשיטת רבינו.

-----

נאך איין ווארט צו די מגיבים: מילכיגער האט אויפגעברענגט א צווייטע נושא לגבי ווי ווייט ביבי'ס התגרות גייט באמת, פאליטיש גערעדט. איך האב אסאך צו ענטפערן, אבער לדעתי איז בעסער צו דעבאטירן יעדע אזא פאל בשעת עס פאסירט, וואס דאן זענען די פרטים בעסער אין זכרון. איך זעה דא קלאר אז מען פארגעסט זייער שנעל... און איל גיי נישט קענען יעצט אפירזוכן מקורות אויף אלעמען.

לכתחילה ידידי, האסט געמאכט א קאנקלוזשן אז דער רבי האט נישט געהאט דערקעגן אבער אויכנישט אליינס געטוהן דערין. מ'האט אויבן געשמועסט באריכות אז דער רבי האט הלכה למעשה בכלל נישט געקענט אויספירן צו רעדן צו די גאס איבער דעם וואס די ציונים "פארטרעטן נישט כלל ישראל". וואס טוט זיך אבער מיט די קלארע דברות קודש בכתב ובעל פה פון רבי'ן אז מען זאל טוהן דערין, כאטש וואס מען האט עס בשעתו נישט אויסגעפירט/נישט געקענט אויספירן? געדענק אז די טרייסט פון רבי'ן איז געווען אז די "מחאות קעגן די גזירות" רופן שוין אטאמאטיש אויך אויס אונזער התנגדות, כידוע המשל אז א טאטע שרייט נישט אויף א קינד אין די גאס, אבער פארט האט די רבי געהאלטן אז דאס איז נאכנישט אלעס, ער האט געוואלט מען זאל גיין ווייטער און "מיט מסירת נפש" אויסרופן אז די ציונים פארטרעטן אונז נישט (וואס ווי געשמועסט קען מען דאס אויסרופן אויף 2 אופנים, געוואנדן פון וועלכע נושא מען רעדט).