די אחריות פון לערנען מיט א גוי ברטנורא

[שוועמל]

זאל ער,
אפגעזען צי סיז אויסגעהאלטן, אבער א שיינע בעארבעטע תגובה איז עס זיכער.

דוכט זיך ר' יואליש מג"ש זאגט אנדערש ווי דיר.


(אוקיי כאב נאר געוואלט כאפן די 25סטע תגובה סזאל בלייבן אויבן יעדער זאל עס זען. כ'אף נאר מ'וועט נישט מעקן די פריערדיגע..)

[פרשיסחא]

צו אלעמען ערשט, עמיצער שרייבט מיר אין אישי אז דער וואודיסלאווער רב האט געשריבן אין א ארטיקל אין טיימס וואו ער האט שארף ארויסגעשריבן וועגן די שלש שבועות, און איך מיין אז דער וואוידעסלאווער ז"ל האט גוט געוואוסט וואס דער רבי האלט.

ס'קען זיין ער האט גוט געוואוסט וואס דער רבי האלט, אבער ס'מוז נישט זיין אז ער האט דאס געטוען עפ"י הוראתו פון רבי'ן.

אנטשולדיק, אבער דער וואוידיסלאווער רב איז דאך נישט געווען צען יאר אלאט ווען מרן ויואל משה האט געהאט דעם סטראוק...

לגבי דעם עצם ענין, עס דרייט זייך א מעשה, דוכט זיך מיר בשם ר' יודל ראזענבערג פון די סאטמארע קעמפ'ס, אז איינער פון די ערשטע טעג חודש ניסן תשל"ד, איז מרן בעל ויואל משה געזעצן בביתו נאוה קודש, און אין מיטן האבן די ארומיגע אין שטוב געהערט ווי מרן בעל ויואל משה האט געזאגט "ניקסאן וועט פאלן".
קיינער דאן האט נישט פארשטאנען וואס מרן זי"ע מיינט צו זאגן.
דער מעשה האט פאסירט ד' ניסן, און אין חודש תמוז אין יענע יאר האט פרעזידענט ניקסאן געמוזט זיך אפזאגן פון דעם ווייסן הויז, נאך א גאנצע פרשה.
ווי עס שטייט שוין אין די ספרי תלמידי בעש"ט הק' און בפרט איז דער היילגער בני יששכר איז מאריך אין דעם, אז דערשטע צוועלעף טעג איז מכוון אנקעגן די צוועלעף מאנאטן פון די יאר, און טאקע ד' ניסן יענע יאר איז געווען מכוון אנקעגן חודש תמוז.

די סיבה וואס דער רבי איז געווען אזוי ברוגז אויף ניקסאן'ען איז געווען, ווי באלד אז אנהייב פון יענע יאר תשל"ד איז דאך געווען די באקאנטע "יום כיפור מלחמה" צווישן די ציונים און ארומיגע אראבישע לענדער, די ציוניסטישע מדינה איז דעמאלטס געווען זייער דערדריקט פון די פלוצים'דיגע אטאקע וואס די אראבישע מדינות האבן געעפענט אויף איר, און פאר דעם ציוניסטישן מיליטער האט געפעלט אסאך געווער, און דאן האט ניקסאן דער פרעזידענט פון אמעריקא געשיקט א גאנצע רייע פון פליגערס פיל מיט געווער פאר דעם ציוניסטישן מיליטער, און פאר דעם איז מרן בעל ויואל משה איז געווען אזוי ברוגז אויף דעם פרעזידענט ניקסאן, וואס האט זיך געמוזט נאכדעם אפזאגן מיט גרויסע בושות.

[דער תהילים איד]

וועלכע חלק פון מיין תגובה פאלט אוועק? די חלק וואס דו האסט בכלל נישט געליינט?

דו האסט אנגעהויבן מיט עטליכע ראיות אז דער רבי ז"ל אליינס האט אויסגעלאזט אזעלכע פעלער מודיע צו זיין פאר די וועלט אונזער התנגדות. דאס האט געדארפט זיין א ראי' אז דער עצם מודיע זיין איז א "נייע זאך" אשר לא שערום רבותינו.

דאס איז אוועקגעפאלן נאכדעם וואס דו האסט מודה געווען אז מודיע זיין אונזער התנגדות דארף מען טאקע יא, ווייל דער רבי האט זיך קלאר און שארף אזוי אויסגעדרוקט, דיין שאלה איז נאר געבליבן צו מען מעג רעדן פון די "שלש שבועות" אדער אפשר נאר רעדן וועגן שמירת התורה.

וואס זעסטו קלאר אינעם המשך פון דעם שטיקל וואס דו האסט געברענגט?

איך זעה קלאר אז ווען דער רבי האט תשכ"א געשריגן אז מדארף האבן מסי"נ מודיע צו זיין פאר די אומות אונזער שטעלונג, האט ער נישט געמיינט צו זאגן מ'זאל רעדן וועגן שמירת התורה, ווייל דער רבי רעדט דאך דארט וועגן די סכנה פון די התגרות באומות וואס די ציונים ברענגען אויף כלל ישראל.

אויב דארפן מיר זיך פארטיידיקן פון זייער "התגרות באומות" וואס זיי טוען דאך בשם התורה, מיט וואס קלערסטו דאס צו פארטיידיקן? מיט דעם אז די ציונים מאכן ניתוחי מתים? מיט דעם אז בן גריון היט נישט קיין שבת? דאס איז דאך פלעין "נישט גערעדט צו די זאך". ס'איז קלאר פון רבין'ס ווערטער אז ער מיינט צו זאגן מען זאל מודיע זיין אז דער גאנצער עקזיסטענץ פון ציוניזם און פון די מדינה איז נגד התורה און דעריבער האבן די שומרי התורה נישט קיין שייכות צו די התגרות באומות. און אזוי שטייט טאקע אין על הגאולה קלאר "ועלינו לגלות דעתינו בפרסום ובגלוי, כי כל יהודי הרד עם אל ומאמין בהבורא ית' אינו חפץ בממשלתם ובמדינתם, ועצם קיומם מתנגדת לתורתינו הקדושה ומרידה במלכות שמים", והדברים ברורים כשמלה.

סארי, אבער איך האב געפרעגט אויפריכטיג און אפן מיט מראה מקומות, און דו ענטפערסט אין די זייט, ווארפסט אפ מיינע האלבע תגובות אנדעם וואס דו האסט עס דורכגעליינט, און דו ברענגסט גאר ראיות לדברי, און פירסט אויס פארקערט.

די איינציגסטע מראה מקום דיינע איז געווען א מקור ברוך, אין וועלכע עס שטייט נישט דאס וואס דו האסט געזאגט. דער מקור ברוך זאגט אז מ'זאל נישט מגלה זיין "דער סוד" פון די שלש שבועות, די ומפני חטאינו, אבער דער עצם זאך אז מיר ווארטן ביז ביאת המשיח איז קיינמאל קיין סוד נישט געווען.

[דער תהילים איד]

איך וויל מאכן א סך הכל:

1) אין על הגאולה שרייבט די רבי קלאר מ'זאל מודיע זיין להעמים אז "עצם קיומם איז מנוגד לתורתינו הקדושה".

2) אין אנדערע דרשות זאגט די רבי אויך מען זאל מודיע זיין אז די מדינה פארטרעט אונז נישט, און נישט סתם אלס א גוטע זאך נאר "מען וואלט געדארפט האבן מסירת נפש" דערפאר. און טראץ וואס דער רבי איז טאקע נישט מסביר "וויאזוי" מען זאל דאס מודיע זיין, וואס יא אדער נישט צו זאגן, איז אבער לכה"פ איין פלאץ קלאר משמע אז מ'זאל מודיע זיין די עצם התנגדות לקיומם, וויבאלד די רבי באציהט זיך דארט לגבי אראפצונעמען די התגרות באומות.

3) דאס איז אמאל זיכער אפילו לדידך אז דער רבי האט קיינמאל נישט געשריבן אז 'די שלש שבועות זאל מען נישט זאגן', נאר דו ווילסט זיך פלאגן אריינצולערנען פשט אין רבינ'ס ווערטער אז ער האט דאס נישט געהייסן מודיע זיין, כדי עס זאל שטימען מיט'ן מקור ברוך. אבער למעשה רעדט דער מקור ברוך נישט פון דעם, און דערפאר טאקע שטימט דער פריער-דערמאנטער על הגאולה יא מיט'ן מקור ברוך.

4) דאס וואס בימי רביה"ק האט מען כמעט נישט אויסגעפירט דעם ענין פון להודיע לאומות איז געווען צוליב וואס מען האט געהאלטן אין יענע צייט אז ס'איז אוממעלגיך לפי מצב הזמן ארויסצוגיין אין די גאס דערמיט, אבער דער רבי האט בשנת תשכ"א זיך אפגערעדט דערויף מיט די טענה אז מען דארף פארקוקן אויף די חשבונות.

5) אין פאקט זעהט מען אז דער וואוידעסלאווער רב האט געשריבן אינעם "פרינציפל עד" קלאר און שטארק וועגן די "שלש שבועות", און ער איז געווען א רב וואס דער רבי ז"ל פלעג זיך דורכרעדן מיט אים בעפאר יעדן פראטעסט, ער האט מיט'ן רבי'ן גערעדט איבער די נושא מער פון סיי וועם, און ער האט זיכער נישט געטוהן אנדערש ווי דער רבי האט געהאלטן, נאר אדרבה, ער האט אויסגעפירט רצון קדשו.

6) אפגעזעהן אז דאס וואס דו שרייבסט אז דער מהלך שטאמט פון נטורי קרתא איז נישט ריכטיג, די התאחדות הרבנים (די אמאליגע) זענען נישט געווען נשפע פון נטורי קרתא, און דער וואוידעסלאווער רב אוודאי נישט... און אפילו הגה"צ מ'מאנטעווידעא ז"ל וואס איז געווען דער מורה דרך פון רבי יושע כ"ץ שליט"א פון נטרונא, איז נישט געווען קיין נטורי קרתא, ער האט אפילו גערעדט קעגן זיי. די מהלך פון נטורי קרתא איז צו גיין איבערבעטן די אראבער, "דאס איז" נטורי קרתא (הרב בעק עכ"פ), אבער די עצם איידיע פון פרסום פאר די אלגעמיינע גאס איז בכלל נישט זייער אויפטרעף.

[דער תהילים איד]

און אין א סייד נאוט - וואס האט רשות פארמעקט צו ווערן - וויל איך צולייגן א קליינע נקודה וואס קוועטשט.

די שיטה וואס הרב זאלער האט אויפגעברענגט איז א שיטה וואס איז ערפינדן געווארן אינעם "דער אוצר", און ווערט אויך אסאך נאכגעזאגט דורך הרב מנשה פילאפף אין די לעצטע יארן.

ילמדינו רבותינו, זענען דען נישט די בני יואל געווען די פייער'דיגסטע שטיצער פון אט די זעלבע סארט פעולות נטרונא פאר לאנגע יארן? קלאר אז יא. ווער דען אויב נישט זיי האבן כסדר דוכגעפירט אפיעל'ס און אקציעס פאר נטרונא, נישט איינמאל און נישט צוויי מאל, נאר פאר לאנגע יארן נאכאנאנד. און כמובן האבן זיי זיך באזונדער ספעציעל סומך געווען אויף הגה"צ מ'מאנטעווידעא ז"ל.

פלוצלינג האט זיך תורת רבינו געטוישט - ווייל נטרונא וויל נישט נעמען קיין שטעלונג אין די סאטמארע פאליטיק? פלוצלינג זענען אלע פעולות "למפרע" געווארן חדשים אשר לא שערום אבותינו? פלוצלינג איז הגה"צ מ'מאנטעווידעא געווארן אויס תלמיד רביה"ק זי"ע?

אתמהה.

[צווייפעל]

נישט ריכטיג, ווען ר' אברהם האט געשריבן זיין בריוו פאר נטורי קרתא (פאר ר' משה בער, אז ער שטיצט די פראטעסטן מיט די אראבער) האט ער קלאר געזאגט אז סקען זיין אז דאס איז נישט אין אין איינקלאנג מיט דעת רביה"ק זצ"ל, אבער דאס איז זיין פערזענליכע מיינונג, (געהערט דעמאלט קראנט) ווי פארשטייט זיך האט די בריוו גארנישט געטוישט פאר בני יואל (בענין ציונות), ר' אברהם איז ווייטער ווער ער איז, נאר אין די נושא האט ער אן אנדערע מיינונג.

(אפשר האט אים איימעצער איבער געצייגט אז ממוז איבער בעטן די אראבער, און אויב נישט איז פיקוח נפש, סא במקום פיקוח נפש האט ער געהאלטן אז ער מעג זאגן זיין מיינונג).
הגם נטרונא איז נישט ממש דאס, ארגינאל איז עס מודיע צו זיין פארן אמעריקאנע גוי, כלאמפערשט פאר אקאדעמיקער, למעשה מיינעך אז ספארט אין יענע דירעקשן אביסל.

[דער תהילים איד]

הגם נטרונא איז נישט ממש דאס, ארגינאל איז עס מודיע צו זיין פארן אמעריקאנע גוי, כלאמפערשט פאר אקאדעמיקער, למעשה מיינעך אז ספארט אין יענע דירעקשן אביסל.

אין וועלכע דיירעקשן? צו רעדן/פראטעסטירן/זיך טרעפן מיט די אראבער??

לא מיניה ולא מקצתיה.

[חסיד נלהב]

און אין א סייד נאוט - וואס האט רשות פארמעקט צו ווערן - וויל איך צולייגן א קליינע נקודה וואס קוועטשט.

די שיטה וואס הרב זאלער האט אויפגעברענגט איז א שיטה וואס איז ערפינדן געווארן אינעם "דער אוצר", און ווערט אויך אסאך נאכגעזאגט דורך הרב מנשה פילאפף אין די לעצטע יארן.

ילמדינו רבותינו, זענען דען נישט די בני יואל געווען די פייער'דיגסטע שטיצער פון אט די זעלבע סארט פעולות נטרונא פאר לאנגע יארן? קלאר אז יא. ווער דען אויב נישט זיי האבן כסדר דוכגעפירט אפיעל'ס און אקציעס פאר נטרונא, נישט איינמאל און נישט צוויי מאל, נאר פאר לאנגע יארן נאכאנאנד. און כמובן האבן זיי זיך באזונדער ספעציעל סומך געווען אויף הגה"צ מ'מאנטעווידעא ז"ל.

פלוצלינג האט זיך תורת רבינו געטוישט - ווייל נטרונא וויל נישט נעמען קיין שטעלונג אין די סאטמארע פאליטיק? פלוצלינג זענען אלע פעולות "למפרע" געווארן חדשים אשר לא שערום אבותינו? פלוצלינג איז הגה"צ מ'מאנטעווידעא געווארן אויס תלמיד רביה"ק זי"ע?

אתמהה.

גוט ארויסגעברענגט, ס'א בושה אז מען קען מלבש זיין אייגענע אינטערעסע ווען עס קומט צו אזעלכע נושאים, און גראדע רבי אברהם זצ''ל אב''ד מאנטעווידעא האט קלאר אנגעזאגט פאר די עסקני ה'וועב סייט אז מען ברויך ניצען אלע פראקציעס אין סאטמאר פאראייניגט נגד קליפת הציוני, אבער ס'דא אזוינע וואס זענען בוחר ווען ער איז יא א תלמיד רביה''ק און ווען נישט.

[שוועמל]

תהלים,
וואס פארשטייסטו נישט, נטרונא האט זיך אפגעטיילט פון נטורי קרתא און גענומען א מער מעסיגע מהלך וואס איז גאנגבאר אפילו לויט רבינו סר מן הדרך פראקציע.
דוכט זיך, זיי מאכן קיינמאל נישט אוועק נטורי קרתא.

[דער תהילים איד]

שוועמל, לא הבנתי.

[שוועמל]

איז נישט. א זשויק וואס מדארף מסביר זיין וכו'..

[צווייפעל]

קיינער איז נישט בוחר ווען ר' אברהם איז א תלמיד און ווען נישט, ר' אברהם אליין האט קלאר געשטעלט אז אין דעם נושא איז ער נישט צוזאמען מיטן רבי'ן אויף איין מיינונג, (לדעתו איז ער א מחמיר).
בני יואל האט קיינמאל גארנישט געהאט מיט נטרונא ספעיצעל, זיי זענען א זעלבסט שטענדיגע פירמע מיט עסקנים און רבנים וואס פארשפרייטן די שיטה קעגן ציונות פאר די גוים.
סאיז דא אין אלע פראקציעס פון סאטמער אידן וואס האבן א געפיל דערפאר, און זיי שטיצען עס.
היות סאיז למעשה א נייע מין זאך, זענען אסאך סאטמארע נישט באקוועם דערמיט, ווענד זיך אויך וואס זיי טוען, (איינמאל האט זיך איימעצער פון זיי באטייליגט .....)
איך פערזענליך, מיט א עכטע סאטמארע קישקע (נאך פון קראלע), קוק עס עפעס בערך ווי א מבצע פון חב"ד צו לייגן תפילין, מאכן בעלי תשובות, עפעס נישט אהער און נישט אהין.
שוועמל, די ארגינעלע רבינו סר מן הדרך אידן זענען היינט צושפרייט איבער אלע טעגלאשע פראקציעס מיט אלע טעגלאשע דיעות.

[חסיד נלהב]

קיינער איז נישט בוחר ווען ר' אברהם איז א תלמיד און ווען נישט, ר' אברהם אליין האט קלאר געשטעלט אז אין דעם נושא איז ער נישט צוזאמען מיטן רבי'ן אויף איין מיינונג, (לדעתו איז ער א מחמיר).
בני יואל האט קיינמאל גארנישט געהאט מיט נטרונא ספעיצעל,
שקר ווי די עבו''ז באזני שמעתי ווי אדער זאלער אדער צווייפעל איך דענק שוין נישט גענוי ווער האט געשריגען פאר מ.. פון נטרונא ווען ער איז געקומען צו א פלאץ וואס האט נישט געשמעקט לויט זיין סאטמארע קישקע, די כפוי טובה'ניק וואס די ביסט, אונז האבען דיר געמאכט פאר א זאך א מציאות און יעצט טוסטו דעס צוריק
זיי זענען א זעלבסט שטענדיגע פירמע מיט עסקנים און רבנים וואס פארשפרייטן די שיטה קעגן ציונות פאר די גוים.
ווי איז דעי פירמע? דר'אוצר?

איך פערזענליך, מיט א עכטע סאטמארע קישקע (נאך פון קראלע), קוק עס עפעס בערך ווי א מבצע פון חב"ד צו לייגן תפילין, מאכן בעלי תשובות,
ווען די רבי האט געזאגט מען זאל מסירות נפש האבען צו פארשפרייטען די תורה מיינונג האסטו אויך געהאט אזא בליק? אדער די קישקע האט דיר דעמאלטס אנדערש געקוועטשט?

עפעס נישט אהער און נישט אהין.
שוועמל, די ארגינעלע רבינו סר מן הדרך אידן זענען היינט צושפרייט איבער אלע טעגלאשע פראקציעס מיט אלע טעגלאשע דיעות.

[דער תהילים איד]

צווייפל, איך צוויפל שטארק צו צווייפל פארשטייט וואס צווייפל האט געשריבן.

[פאטאקי08]

תהלים זייער שיין צונומען די זאך.

[צווייפעל]

תהילים זאגן איז גוט אפי' אן פארשטיין, ווער נאר נישט פארצווייפלט, זיי דיך מחזק און זאג איבער די שטיקלעך פון תהלים.

חסיד נלהב, דיין מעשה קען זיין אמת.
נאך אלץ, דער רבי האט געטון זאכן לשעה, און אוועקגעשטעלט זאכן לדורות, געגרינדעט א התאחדות הרבנים זיך אפצוגעבן מיט אידישקייט, רב טוב פאר פדיון שבויים, און צענדליגע זאכן לדורות, אין דעם ענין פון מלחמה פון ציונות האט דער רבי נישט אוועקגעשטעלט קיין סיסטעם לדורות, אפי' בשעתו יעדעס מאל האט ער שוקל געווען צענדליגע מאל וואס ער האט געטון, און אויך נישט אויף א סיסטעמאטישע וועג, נאר דא אין דארטן.
ווייטער ווען טייל אירע האבן געטון על דעת עצמם איז דער רבי געווען שארף.
סא דאס איז כולי עלמא מודי אז קיין סיסטעם אדער ועד וואס זאל זיך אפגעבן דערמיט האט דער רבי נישט אויפגעשטעלט, און דאס איז כולי עלמא מודי אז די מלחמה מיט ציונות איז געווען ביי אים א הייקעלע זאך.

סא נטרונא איז עפעס א בארדער ליין, טייל ווערן פארכאפט מיט א התלהבות אז ממוז טוען מגייט ראטעווען אידן, (אז איראן זאל אויסקרויזן די היימישע געגענטער....)
בפרט ווען סאיז דא א מלחמה, אדער עפעס א ספעציעלע צייט ווען די אראבער זענען ברוגז, אדער אראפצונעמען דעם חילול ה' וואס די ציונים מאכן, די מיינונג הערט מען היינט פונקט ווי אמאל פון פילע ערנסטע בני יואל.

און טייל אירע הייבן די ברעמען, קרומען מיט די נאז ווען זיי נעמען דעם גליון (נטרונא) און די הענט, כווייס?! עפעס אומהיימליך, פארוואס האט דער רבי נישט געטון אינעם יפוצו (פון רעדן צו די גוים) מער ? און נאך נקודות, מהאט דאס געהערט מתחלה אן אין בני יואל סאיז נישט קיין נייעס.

דער אוצר ליין איך נישט, בין איך נישט קיין בני יואל, סא ווייסעך נישט וואס דארט שטייט, אפשר האט ער טאקע עפעס א פאליטיק מיט נטרונא.
אבער מיט ערענסטע בני יואל האב איך גערעדט.

לעצט פאראכטן דורך צווייפעל אום דאנערשטאג יוני 12, 2014 7:28 am, איין מאל איז עס געווארן פאראכטן

[זאל ער קומען]

היות ס'איז געווארן א שטיקל מישמאש דא, און ס'האט זיך אוועקגעריקט פון וואס איך האב אנהייב געשריבן, וועל איך נאכאמאל בקיצור איבערשרייבן מיינע פוינטס, און היות מ'האלט שוין נאך כמה וכמה תגובות – און ס'איז אויך אריינגעפאלן די נושא פון נטרונא (וואס דאס איז "נישט" געווען די אינישל שאלה) - וועל איך פרובירן ביים מאכן די פוינטס ארויסצוברענגען מער פונקטליך וואס איך מיין, אז כ'זאל נישט דארפן נאכאמאל עקסטער ענטפערן פאר די זעלבע טענות.

למען האמת, אין בין זייער ווייט פון אנגעהערן צו קהלות וואס טייל האבן מיר חושד געווען, סאו לאמיר לייגן פאליטיק אין די זייט ווייל מיין שרייבן האט נישט געהאט קיין שום אגענדע. לעשטס אויס די חסידות-אלערטס און לאמיר רעדן תכלית אין תורה. ביי מיר איז תורת רביה"ק זי"ע ככל התורה כולה, לאמיר מקיים זיין דעם הפך בה והפך בה.

א. ס'איז א נייע זאך אז מ'האט אנגעהויבן מסביר צו זיין פאר די גוים אויך דעם פונקט אז אונז זעמיר קעגן די מדינה מצד ווייל ס'איז קעגן די הלכה. (איך מיין דוקא נישט נאר "נטרונא", נאר אויך אנדערע מוציאי ספרים און ארגאניזאציעס למיניהם, און אויך די וואס האבן אויסגעוועלגערט דעם חיוב ההסבר ביז צו די דריטע-וועלט לענדער און אלע אראבישע פירערס).

ב. כ'האב דערמאנט בדרך אגב, אז ס'קען זיין אז ס'איז געקומען פון א דראנג צו ווייזן די וועלט אז מ'איז געווען גערעכט און מ'איז נישט סתם אלטמאדיש און צוריקגעשטאנענע שרייערס, קען זיין אז די שטופ דערצו איז נישט מצד די גרויסע מצוה, נאר די גוטע געפיל וואס מ'האט.

ג. אויף יעדע מצוה ווערט געפרעגט אין די ספרי הלכה אויף וועמען איז חל די מצוה, אויף א יחיד אדער אויפ'ן ציבור, אויף וועלכע פלעצער, און אין וועלכע צייטן. - דהיינו דאס עצם זיין א מצוה מיינט נאכנישט אז "יעדער" קען זיך "שטענדיג" נעמען מקיים זיין די מצוה.
קליינע לכאורה נישטיגע זאכן קענען זיין כהררים התלוים בשערה, און ביי די מצוה פון מגלה זיין שיטת רביה"ק פאר די גאס, האב איך געשטעלט די שאלה צי ס'איז טאקע אויסגעהאלטן מיט 'איין' דיטעיל, דהיינו ווי ווייט מ'דארף זיי דערציילן. צי אונז דארפן זיי זאגן אויך דעם חלק אז מאכן א ממשלה איז אן איסור פאר ביאת משיח, אדער אז ס'איז קעגן די שלש שבועות, און אז ס'איז דא דערויף א שווערער עונש רח"ל.

ד. אן עקסטערע שאלה קומט צו, צי ס'איז אויך א מצוה צו זאגן פאר די גאס אז די ציונים האבן צוגעכאפט ארץ ישראל פון די אראבער.
האב איך געזאגט אז איך ווייס נישט אויף זיכער און איך פרעג ברבים, ווייל ווען איך לערן די געדרוקטע און געכאפטע ווערטער פון רבי'ן פון א צירקע צוואנציג אקטיווע יארן וואס דער רבי האט געארבעט אויף קעסל און כלים און איז געווען ביזי כמעט נאר מיט די נושא יומם ולילה, טרעף איך נישט קיין איינמאל אז דער רבי זאל עס הייסן, און אויך טרעף איך נישט אז דער רבי זאל עס האבן געטון.

ה. און אויב טרעפט איינער יא עפעס איין פארשטופטע שטיקל וואס מ'קען אויסטייטשן אנדערש, פארשטיי איך אז ס'דארף שטימען מיט אלע אנדערע זאכן וואס דער רבי האט געהאלטן און איין זאגן, נישט עפעס וואס דער רבי האט קיינמאל נישט געזאגט (מחמת ווייל ער איז מכלומר'שט נישט געווען בכוח...).

ו. איך וויל זייער מדגיש זיין איין שטארקע נקודה – ווייל עטליכע מגיבים האבן זיך דא איינגעהאנקערט.
איך האב געפרעגט דעם עולם וואס "די שיטה פון רבין" איז געווען. נישט צי ס'איז בכלל אויסגעהאלטן, און נישט אויב ערליכע אידן בכמה זמנים ובכמה מקומות ובכמה אופנים האבן אזוי געטון.
די נטורי קרתא איז געווען א הייפעלע הייליגע מסירת נפש'דיגע אידן, וואס זענען געשטאנען אויף די פראנט-ליין פון די מלחמה קעגן ציונית למיניהם, און זיי האבן געהאט אסאך גרויסע תלמידי חכמים און רבנים יראים ושלמים וואס זענען געווען בדעה אחת מיט זייער גאנג אין קנאות. איך רייס זיי נישט אראפ בשום פנים ואופן.
איך האב בסך הכל נישט גערעדט פון זיי. נאר פון "די שיטה פון רבי'ן".

איך האב עס געפרעגט ברבים ווייל איך בין א סאטמארער תלמיד, פון די היימישע אידן... כ'בין נישט אויסגעוואקסן – והנה איך בין דא. איך קען זיך פערזענליך מיט'ן שארמאשער רב שליט"א, דער קרעמניצער רב שליט"א, הרב משה בער בעק שליט"א, הרב יושע כ"ץ שליט"א, הרב מנשה פילאפף שליט"א און הרב יוסף בעכער שליט"א, און אויך בין איך נאנט געווען צו רבי אברהם לייטנער זצ"ל, און איך האב פונקט אזוי רעכט עס פרעגן ברבים. איך בין נישט פוגע ח"ו אין קיינעם'ס כבוד, און נטרונא איז א זאך וואס איז אפן צו די גאס, און זיי מעגן זאגן וואס זיי האלטן בשם רבינו, און איך מעג פרעגן איבער דעם צי ס'איז טאקע אינגאנצן אזוי.
מיין שאלה איז נישט געווען צי ס'איז פארגעקומען אמאל אין די היסטאריע דורך א רב בעולם, מיין שאלה איז געווען וויאזוי דער רבי האט געהאלטן. זיי זענען אפן און זאגן און ווייזן וואס זיי פארשטייען און איך בין אפן און איך זאג און ווייז וויאזוי איך פארשטיי.

ז. אין ויואל משה (קוק דעם לשון פון אנהייב די תגובה) ווערט ארויסגעברענגט אז מ'דארף מודיע זיין אין די גאס אז 1) זיי זענען מינים ואפיקורסים, 2) זיי זענען מעביר אידן על הדת, 3) היות די גוים מיינען אז זיי זענען די פארשטייער פונעם אידנטום, און ס'קומט ארויס א מורא'דיגע חילול השם ווען די גאס זעט אז די אידן היטן נישט די תורה, דארף מען לאזן וויסן עולם ומלואו איז די 'אידן' זענען זיך מוסר נפש צו האלטן די תורה.

ח. אין על הגאולה קען פארשטאנען ווערן (און ס'קען אויך פארשטאנען ווערן אז נישט) אז מ'דארף מגלה זיין דעם פונקט אויך אז דער עצם קיום המדינה איז א מרידה במלכות שמים. אויף דעם האב איך געזאגט אז 1) ס'קען זיין אז דער רבי מיינט מפרסם זיין פאר די אידן בעולם, און 2) ס'איז ארויסגעשניטן געווארן דורכ'ן רבי'ן, און ס'איז געווארן נישט-אפראווד דורכ'ן רבי'ן, ס'איז נאר געדרוקט געווארן לאחר פטירתו.

ט. אין אלע תורות, דרשות, און געדרוקטע ספרים טרעפן מיר דעם זעלבן סגנון ווי אין ויואל משה בפנים, און אין ערגעץ נישט ווי מ'קען אריינלערנען אין די הקדמה פון על הגאולה.

י. אז מ'וועט קוקן אויפ'ן למעשה וועט מען נישט טרעפן בחיי רבינו זי"ע קיין שום פראטעסט אדער עני אדערע פראפאגאנדע פאר די גאס אויף דעם פונקט. – און אוודאי איז נישט געווען קיין ארגאניזאציע וואס האט דאס מפרסם און מודיע געווען פאר די גאנצע וועלט סיסטעמאטיש אויף אן אופן אז ס'זאל בלייבן אייביג לייוו.

יא. ווען ס'איז יא ארויסגעגעבן געווארן סיי וועלכע מודעה אין די גאס פאר גוים, איז עס געטון געווארן דורך די התאחה"ר וואו מ'האט דן געווען בכובד ראש אויף יעדעס ווארט, און נישט אז יעדער יחיד האט געקענט גיין איבערדרייען די גאס, און מאכן דערקלערונגען יעדן מאנטאג און דאנערשטאג אן אן איבערזיכט. און דייקא פארקערט, דער רבי האט זייער שארף גערעדט קעגן יעדע אקטיוויטעט וואס איז געטון געווארן אין די גאס אן איינגעהאלטנקייט.
(איי ס'איז געווען א פרעס רעליעס ווי מ'האט דאס אויך אריינגערוקט בין הדברים, האט דאך דאס דער רבי נישט געשריבן, נאר דער וואוידיסלאווער רב. און איך רעד פון רבי'ן).

יב. די מצוה אז מ'דארף מגלה זיין פאר די גאס אז דער עצם קיום המדינה פאר ביאת משיח איז נגד התורה, און דער קאנסעפט אז "יהודי לא ציוני" שטאמט פון די נטורי קרתא. און ר' משה בער בעק שליט"א האט שוין ארויסגעגעבן בערך צען בענדער וואס גייען אין די שטריכן. ערשט נאך די פטירה פון רבי'ן האט עס אנגעהויבן צו שלאגן ווארצלען צווישן די סאטמארע תלמידים וחסידים. לעצטנס איז שוין אנגענומען אז דער רבי האט אזוי געהאלטן. איך בין נישט זיכער דערין.

יג. איך האב צוגעלייגט, אז היות פון רבי'ן איז נישטא קיין בפירוש'ע הדרכה אויף יא, און די וואס טוען עס זענען בסך הכל מחמיר אינעם ענין פון מחאה קען ציונות, האב איך צוגעברענגט פאר ספר מקור ברוך איז דאס איז נישט קיין קינדער שפיל, און ס'קען זיין א גרויסע סכנה רח"ל. און איך האב צוגעשטעלט אלץ א משל דומה דעם ענין פון די עשרה הרוגי מלכות און די מלכות רומי הרשעה, אז דער אויבערשטער זאל שומר ומציל זיין ווען זיי גייען צווינגען די אידן צו האלטן די תורה.

יד. היות ס'איז אן הייקעלער ענין, דארף עס לכאורה אן הכשר, אפילו אויב ס'איז נישט דעת רבינו.

איך טויש גארנישט און איך דריי נישט.

און יעצט וועל איך צולייגן נאך אפאר פונקטן פאר די חשוב'ע מגיבים.
ישר כוח פאר מערערע אידן פון אונזער וועלט וואס האבן מיר קאנטאקטעד אין אישי. זיי האבן אויסגעדרוקט זייער הנאה, און געגעבן חיזוק והתחזקות, ווייל - ווי איינער שרייבט - שוין 'יארן' וואס עס טוט אים וויי דער ענין, און תהיל"ת אז איך האב געשריבן דערפון.
אויך האבן אנדערע מיר פארגעווארפן היתכן איך שרייב זאכן וואס קען צוברעכן די גוטע פעולות פון כמה עסקנים וואס ארבעטן במסירת נפש צו צושפרייטן דעם דבר ה' ברחובות עיר.
איך קום נישט האקן אדער אונטערהאקן ח"ו קיין שום עסקן אדער ארגאניזאציע וואס טוט מלאכת שמים לויט זייער בעסטע פארשטאנד, אבער היות איך בין אויך א מחותן ביי דעי חתונה, אין האב אויך געלערנט און געהערט די דברות קודש פון רבי'ן זי"ע, און איך פארשטיי מתוך הכתוב והמפורש אנדערש ווי זיי, בין איך אט דעיס שואל דא: צי איז דעיס געווען דעת רבינו.
אפגעזען צי יא צי ניין קען יעדער ווייטער אנגיין מיט זיין עבודת הקודש כפי שיטתו והכרתו, איך מיין אבער אז קיינער – ממש קיינער – גייט נישט געבן קיין קלענערע נתינות פאר די וואוילטעטיגע צוועקן אויב זיי וועלן נאר מפרסם זיין די חלקים וואס דער רבי האט מפרסם געווען, און טון דאס וואס זיכער געווען די שיטה פון רבי'ן, און נישט דעם חלק וואס איז מעגליך נישט געווען.

לאמיר פרובירן מסביר זיין אלע מיספארשטענדענישן כמה דמטי לידי.

טו. איין תגובה האט געזאגט אז די "ערשטע יארן" (לכאורה ביז'ן רבי'נס פטירה) היות די גאנצע וועלט האט זיך זייער געפריידט און מיטגעלעבט מיט די מדינה איז נישט געווען קיין מעגליכקייט ארויסצוברענגען פאר די גאס אונזער שיטה.
נישט ריכטיג, ווייל למעשה האט דער רבי דעמאלט אויך געזאגט און געטון אלעס וואס ער האט געוואלט. ער איז נישט געווען קיין שיפעלע-זיבעלע און פארלייגט די הענט. פארקערט, ער האט איבערגעדרייט די וועלט על פיה, און ער איז סייווי געווען אפגעפרעגט אין די מאדערנע גאס (און אין די ציוני'סטישע גאס) צוליב דעם, פארוואס האט ער פונקט די איינע נקודה נישט 'געהאט כיין כוח' צו פארסירן? ודי בזה.

טז. ער שרייבט אז היות דעמאלט האט זיך געגאסן אידיש בלוט ביי די מלחמות מיט די אראבער, איז ווען דער רבי וואלט גערעדט דעמאלט קעגן די ציונים וואלט עס געקענט מיינען אז ער איז מסכים דערצו.
פליז... אויב וואלט געווען א מצוה מסביר צו זיין פאר די גאס אז די עצם מדינה איז שלא כנגד התורה, וואלט דאך דעמאלט געווען די "בעסטע" געלעגנהייט ארויסצוגיין און דערציילן פאר די גאס איז די אלע מלחמות קומט נישט פון די ערליכע אידן, נאר פארקערט די גאנצע מדינה איז א גרויסע שייגעץ-שטיק, און ס'איז נישט אונז.
אויב ביי די היינטיגע אינטיפאדאס פארשטייען עס די גוים, וואלטן זיי עס פונקט אזוי געקענט פארשטיין דעמאלט ביי די סיני מלחמה, די זעקס טאגיגע מלחמה, אדער עטליעסט ביי די יום כיפור מלחמה ווען די ניסים האבן שוין נישט אזוי גוט געארבעט ווי פאר דעם.

יז. ער שרייבט אז דער רבי האט זיך אפגערעדט אז מ'טוט נישט גענוג, און ער ברענגט דעם לשון. נו לאמיר א קוק טאן וואס דער רבי זאגט דארט:
"דעס געפאר פונעם כלל ישראל איז, ווייל מ'זאגט, אז די וואס זענען נישט קיין שומרי תורה, און די וואס זענען כופרים, די זענען די מנהיגי ישראל. די אומות ווערן פארפירט דורך זיי, און באקומען דעם שנאת ישראל. איינס פון די גרעסטע מצות העט געווען, מיט גרעסטן מסירת נפש, מ'זאל קאנען מודיע זיין פאר די אומות, אז זיי זענען נישט די פארטרעטערס פון כלל ישראל, יודן שומרי תורה האבן מיט זיי קיין שייכות. מסירת נפש פאר דעם צו האבן, העט מען געדארפט, נאר בעוה"ר מ'האט דאך מורא פאר'ן דור. טאמער זאגט דאס איינער, זענען דאך די ערליכע מנהיגים לוחם דערקעגן מיט תירוצים."
קודם כל, איך קוק און איך זע נישט ווי דער רבי רעדט זיך אפ אויף זיך און זיינע מענטשן אז מ'טוט נישט גענוג. איך זע ווי דער רבי זאגט "טאמער זאגט עס איינער" דהיינו ער ווארפט פאר די אנדערע גדולי ישראל אין יענע צייט אז מ'לאזט אים אליין, און אויב גייט ער שוין יא עפעס טון רייסט מען אים שטארק אראפ, ווי ס'איז געווען נאך די וואשינגטאן פראטעסט תשי"ח.
והשנית, קוק אויף די קלארע דיבורים! ער הייסט נישט דערציילן אז די מדינה איז אן איסור און מיט דעם זענען זיי נישט אויסגעהאלטן. מ'דארף נאר זאגן אז זיי זענען נישט די פארטרעטערס פון כלל ישראל, און ערליכע האבן נישט קיין שייכות מיט זיי. און נישט מער. איז דאס גאר א ראי' לדברינו.

חי. ער שרייבט אז היות די עיקר ציל פון די פראטעסטן נאר געווען צו דערשרעקן די ציוני'סטישע רעגירונג מבטל צו זיין די גזירות האט מען נישט גערעדט דעמאלט קעגן די מדינה. נו אויב איז דאס די איינציגסטע סיבה, פארוואס האט מען נישט געקענט טרעפן קיין שום געלעגנהייט אין די דרייסיג יאר וואס דער רבי האט געלעבט נאך הקמת המדינה מפרסם צו זיין דעי חלק אויף אנדערע וועגן?

יט. וועגן 'דעם' בין איך צוגעקומען צו א מסקנא איז דאס איז טאקע נישט געווען די שיטה פון רבי'ן. נישט ווייל הרב מנשה פילאף שליט"א האלט אזוי, און נישט ווייל "דער אוצר" האט אזוי געשריבן.

כ. פארוואס דער רבי האט אזוי געהאלטן, ווייס איך נישט, אבער איך קען אויך לערנען פשטים על זה הצד.
דער רבי אליין שרייבט אסאך אז ס'דא זמנים וואס מ'דארף זיך באהאלטן, הצפינו עצמיכם, חבו כמעט רגע עד יעבור זעם. און דער רבי איז טאקע שטיל געווען אין אסאך זמנים וואס אנדערע האבן געהאלטן איז דייקא דעמאלט דארף מען ארויסקומען אין די גאס און דערקלערן איז אונז זענען נישט די ציונים.

כא. איינער האט ערווענט אז הגה"צ ממאנטעווידעא ז"ל האט אזוי געהאלטן. לאמיר זאגן אז ס'איז ריכטיג, האט דאך קעגן דעם הגה"צ מאבני שלמה ז"ל נישט אזוי געהאלטן. קומט אויס אז די הלכה איז נאכנישט געהעריג אויסגעקאכט צווישן די תלמידי רבינו זעלבסט, נו פארוואס זאל מען זיך אריינלייגן אין א שאלה ווען מ'קען טון דאס וואס כו"ע מודי אז דער רבי האט זיכער געוואלט?

כב. אויך איז דערמאנט געווארן אז גאר נאנטע תלמידים פון רבי האבן באגלייט און באגלייטן די פילע לייסטונגען פון נטרונא אויף יעדן טריט אן שריט. איך וויל גראדע פרעגן אויף דעם, פארוואס באהאלטן זיי זיך? פארוואס טאקע זאלן נישט ארויסקומען זאגן אז דער רבי האט געהאלטן אזוי ווייל... (און איך על נישט דארפן אליין לערנען, פארשטיין, און פרעגן דא קשיות…).

כג. ס'דא וואס טענה'ן (אין אישי) אז היות זיי טוען, און קיינער האט נישט געטון, על כן זאל כאטש זיין דעיס. ולא עוד, קוק וועסטו זען וואו ווייט זייערע אקטיוויטעטן זענען געווען סוקסעספול, מיט העכער הונדערט טויזנט מענטשן האבן שוין געהערט וואס זיי האבן צו פארקויפן.
ס'איז א זייער שטארקע טענה כל זמן איך פארשטיי אז מ'מעג און מ'דארף עס טון. אבער אויב פארשטיי איך אז דאס איז קעגן דעת רבינו, קומט אויס וואס מער מענטשן ס'קומען אהין אלס גרעסער איז די עולה. און דערפאר רעד איך דערפון.

לעצט פאראכטן דורך זאל ער קומען אום דאנערשטאג יוני 12, 2014 12:57 am, פאראכטן געווארן 2 מאל בסך הכל.

[זאל ער קומען]

אויב בין איך גערעכט מיט מיין פארשטיין דברי רבינו, דארף מען כסדר אויסשרייען ברבים אז זיי זענען כופרים און נישט די פארשטייער פון כלל ישראל, און אז ס'דא אידן שומרי תורה ומצוות במסירות נפש.
אויב וועט זיך מאכן – און ליידער מאכט זיך עס - אז די ממשלת הציונים מאכן גזירות אויפ'ן ערליכן אידנטום רח"ל היל"ת, דעמאלט וועט מען דארפן מאכן פראטעסטן, און מ'וועט דארפן און איין וועג אויך אויסשרייען דעם חלק אויך, אז אונזער פאלק איז נישט קיין פאלק אן תורה, און א איד אן שמירת התורה והמצוות איז א פושע ישראל וכו' – ספעציעל פאר די אידן די משתתפים ביים פראטעסט.
און מיר וועלן אויך פארשטיין אז ווען ס'איז א שעת מלחמה, צי אזא ווי מלחמת לבנון אדער די אינטיפאדאס, זיצט מען אינדערהיים און רעדט נישט קיין ווארט. מ'איז מקיים דעם לכו והצפינו עצמיכם.

אבער אויב אונז וועלן אפלערנען שיטת רבינו אז די גוים דארפן וויסן און פארשטיין פונקטליך אלע פרטי הדינים, און דאס וואס דער רבי האט עס נישט געטון רעגלמעסיג איז געווען ווייל ער האט נישט געהאט קיין כוח, אבער למען האמת דארף מען עס יא מקיים זיין במסירת נפש לכל אדם בכל מקום ובכל זמן, דארפן דאך דאס "אלע" פעלקער פארשטיין – נישט נאר די פארגעשריטענע לענדער. און על אחת כמה וכמה די פעלקער וואס זיי אליין ליידן זיך צאם פון די ציונים און האבן נאך די מערסטע פיינט די אידן דארפן דאך זיכער פארשטיין אז אונז זענען נישט פון די פושעי ישראל. אונז רודפ'ן נישט די אראבערס.

אויב אזוי דארף מען דאס ארויסווייזן פאר די גאנצע וועלט כדי יעדער זאל עס וויסן און פארשטיין, און נישט נאר עס שרייבן סתם אזוי אין ארטיקלען וואס נישט יעדער זעט און פארשטייט.
אויב דאס איז אמת, איז זעלבסט פארשטענדליך אז כדי צו ווייזן פאר די אראבישע וועלט איז ס'איז נישט סתם אזוי פוסטע גערעדעכצער און ליידיגע חנופה, נאר אונז מיינען עס אמת'דיג ממש ווי א חלק התורה, דארף מען אראפגיין לייגן בלומען אויפ'ן פגר פון אראפאט און ארויסווייזן מיטלייד מיט די שווערע פארלוסט פון אלע רוצחים וואס ליידן נעבעך צאם פון די ציונים.
ווי הרה"צ רבי משה בער בעק שליט"א שרייבט אין זיין קונטרס דרך ההצלה: "הציונים הורגים ומכים בהם באכזריות נוראה, הורגים צעירים וילדים ונשים בלי שום משפט, ושוברים ידיהם ורגליהם, ומוציאים אנשים מבתיהם, והורסים הבתים עם כל אשר שם עד היסוד, והם נשארים בלי קורת גג, ובעירום ובחוסר כל... וכל העולם רועש וצועק על גודל האכזריות שהציונים עושים, שלא נעשה דוגמתו אלא ע"י ההיטלעריסטן".

ממש מ'דארף זאגן און דערציילן פאר די גאנצע וועלט אז די ציונים טוען מיט די אראבער דאס וואס היטלער ימ"ש האט געטון מיט די אידן.

און דאס דארף מען דייקא און ספעציעל בזמן וואס די אראבער ליידן זיך אזוי צאם פון די ציונים. און אויב מ'גייט האקן אויף די ציונים אין איראן – וואס זיי ליידן דאך די מערסטע פון די ציונים - דארף מען אהין פארן און מיטשטיין מיט זיי, צו ווייזן פאר די וועלט במסירות נפש ממש אז אונז זענען נישט קיין ציונים, נאר אידן.

און מ'קען נישט קוקן אויף דעם אז דער איראנער פרעזידענט לייקענט אפ דעם האלאקאסט בכלל, און רעד צאם און שעלט אלע אידן בפרט, און מיט דעם אלעם דארף מען אים נאכדעם האלזן און קושן ממש באהבת אחים ורעים.

וואס קען מען טון? מ'דארף דאך דערציילן פאר די וועלט און קלאר שטעלן אז אונז זענען נישט די ציונים, און אונז האבן פיינט די ציונים כדין אפיקורסים, און איך דארף סימפאטיזירן מיט יעדן רוצח אדער סתם גוי טמא וואס האט אויך פיינט די ציונים.

דאס איז נישט קיין ווערטל. דאס איז א פאקטישע דירעקטע תוצאה פון די שיטה, ווייל איינס האט געברענט דאס צווייטע.

איז דאס טאקע שיטה פון רבי'ן?

אין מושיען של ישראל ח"ג ברענגט ער - לגבי אן אנדערע נושא- די מעשה וואס דער רבי שרייבט אין ויואל משה ח"ב ס' ק"ח. אז נאך פאר דער רעיון הציוני איז אויף געקומען, איז געווען אן התעוררות פון נעמען עובדי אדמה זאלן אויף ארבייטן שטחים אין אר"י. עס זענען געווען פארמישט אויך גדולים וואס האבן געמיינט נאר לשם שמים, אבער די גדולי עולם האבן מורא געהאט דערפאר.

ברענגט דער רבי פון הגה"צ ר' עקיבא יוסף בעהמ"ח ס' לב העברי ז"ל וואס ער אליין שרייבט אין די פתיחה פון זיין ספר שמרו משפט וז"ל אין שנת תר"ל האב איך מיך ארויס געלאזט קיין אר"י און איך האב מיך אפגעשטעלט אין סיגוט ביים גאון וצדיק בעל ייטב לב זצ"ל וואס ער האט אויפגעשטורעמט א וועלט קעגן מיר. ער האט גערעדט צו מיר מיט ענווה יתירה כאילו איך וואלט געווען דער רב און ער דער תלמוד, און ער האט מיר געזאגט, וואס טוסטו? וואס פעלט דיר? אויב דו דארפסט א רבנות וועל איך דיר געבן כרצונך, און ער האט אויסגערעכט דריי פיר פלעצער וואו ער קען מיר געבן זיך אויס צו וועלן, און ער וועט עס ערלעדיגן, און איך האב אנגעהויבן זאגן תירוצים, אבער איך האב מיך נישט געקענט געהעריג ארויסרעדן מיין הארץ. אפשר ווי חז"ל זאגן, ראה ראיתי, אני ראיתי ראי' אחת והוא ראה שתי ראיות, וצפה למרחוק זצ"ל.

כלל גדול, ווי נאר ער האט געזען אז איך גיי אים נישט אויסהערן, האט ער געלאזט וויסן אין די גאנצע געגנט און וואו ער האט נאר געהאט אן השפעה, אז ווער עס העלט מיר פארן קיין אר"י איז א מחזיק לעוברי עבירה, און איך האב געמוזט אנטלויפן פון די גאנצע געגענט אויף בערג און טאל, און פערד און צופיס ביז איך בין אריבער דעם גרעניץ זיבנבערגן, עכ"ל.

איז דער רבי מוסיף, דאס האט ער אליין געשריבן וואס עס האט פאסירט ביים זיידן דער ייטב לב, און עס איז באוואוסט אז דער זיידע איז געווען א חובב הארץ מאוד, זיין שווער טאלטשובער רב זצ"ל, וואס איז געווען שפעטער רב אין צפת, איז געפארן ווייל ער האט אים אזוי געצה'ט, און ער אליין האט געטראכט צו פארן נאר ער האט געזען אז מ'דארף אים שטארק אין חוץ לארץ און ער קען נישט פארן. און קוק ווי שטארק ער האט געטוען וואס מעגליך אז ר' עקיבא יוסף זאל נישט פארן קיין אר"י, ווייל ער איז געגאנגען מיט די רעיון פון מאכן קאלעאניעס, כאטש ער האט געמיינט לש"ש אבער ער האט געהאט א גרויסן טעות, טעות גדול ונורא.

דער רבי ברענגט אויך, אז דער שינאוווא רב זצ"ל אין זיין בריוו האט אויך דערמאנט דעם רעיון פון קאלאניעס, און האט זיי געשאלטן קללות נמרצות.

און דער רבי איז מאריך דארט, אז די צדיקים האבן געהאט א ווייטן בליק, כאטש אסאך האבן געמיינט לשם שמים אבער וויבאלד פון דעם קען ארויסקומען שלעכטס - ווי עס איז טאקע געווען - טאר מען נישט.

דאס איז זיכער די שיטה פון רבי'ן.

[מחותן]

שיינע שריפט מר, זאל ער קימען, כה לחי.

ביסט אבער אביסל אומפאשטענדליך ווייל אין איין שורה זאגסטו אז די רבי ז"ל איז דער מכריע און די נושאים, אבער תוך כדי דיבור זאגסטע אז די ביסט א תלמיד און א מקבל פון עטליכע וואס זאגען און טיען - בעבר ובהווה - בינגוד לדעת רבינו זי"ע, א טייל האבן טאקע די פראבלעם פון וואס דו האסט דערמאנט פון מאכען אייגענע יחידישע אקציעס. און עטליכע פון דיין ליסט זענענן בכלל נישט קיין תלמידים פינעם רבין ז"ל {דאס דערמאנט מיר פון די נייע -אלטע מנהג ביים מצווה טאנץ גראמען אז ווען אימער מען איז מספיד איינעם וואס איז העכער די 55 זאגט מען אז ער איז געווען א תלמיד חביבי פינעם רבין זי"ע}

צום נושא האשכול, איך וויל דיר ארויסברענגן א נקודה פארוואס ביסט נישט גערעכט, עס איז וואויל באוויסט אז יעדער אין סאטמער שטיצט נטרונא, פון - ביי אלע פון זיי הרהג"צ - ר' מרדכי דוד קאהן ביז ר' זלמן לייב פילאפ, פון ר' מיילך לאנדא ביז ר' שלמה לייב וויינבערגער, פון ר' מאיר אליעזר פר"מ ביז ר' נחמן שטויבער, פון ר' נפתלי בלומענפעלד ביז ר' געציל בערקאוויטש - שליט"א אלע שטיצען נטרונא, זיי ווייסען די שיטה און זיי שטיצען עס.. בסך הכל איז דא נאר איין פאליטישע ארעם פון סאטמער שטיצט עס נישט צילוב אנדערע סיבות אבער דאס מאכט נישט אויס לגבי די ארגענאציע, און די שטיצע פון אלע ת"ח שטעלט נטרונא אלץ די ארקענטע ארגענאזציע נגד נגע הציונות..

בנוגע השגחה, עס איז נישט דא נאך אזא קהלה וואס איז דור ששופט את שופטיו אזוי ווי סאטמער, יעדער אין סאטמער איז א ידען ות"ח אין די ד' חלקים בשו"ע, אין עקספערט בשיטה והשקפה, קענסט זיכער זיין אז נטרונא האט די בעסטע השגחה.. ווי נאר זיי וועלן מאכען א טעות וועט זיין ליילכער מיט מודעות קעגן זיי, דאס הייסט גאר א גיטע השגחה.

לעצט פאראכטן דורך מחותן אום דאנערשטאג יוני 12, 2014 12:42 pm, פאראכטן געווארן 5 מאל בסך הכל.

[שטארק זיך]

מחותן כהאב הנאה פון דיין קיצור הלשון...

איין הרהגה"צ פאר אלע די חשוב'ע תלמידי חכמים... און ניטאמאל א באלעבאטישע ר' פאר איטליכן באזונדער....

[מחותן]

ביסט גערעכט, און פאראכטען..

[מילכיגער]

איך רעד דערווייל נישט אריין אין די עצם דיון.

הרב זאל ער. עצה טובה קמ״ל צו קאנדענסירן אביסל מער דיינע תגובות. געווענליך איז די הנחה אז טאמער קען מען נישט ארויסברענגען די נקודה אין 3 סעיפים לוינט זיך נישט אנצוהייבן...(חוץ ווען נישט). די עניינים זענען זייער הייקל לכל הדעות און טאמער נאר מיט אזעלכע לאנגע דרשות ברבים קען מען מסביר זיין איז דא נישט דאס פלאץ.

עוד אחת אדברה. ביטע ממשיך זיין די שיינע שמועס אן אטאקירן די מאטיוואציעס פון צד שכנגד.

[דער תהילים איד]

א גוט יאר הרב זאלער.

אז דו וועסט קוקן וועסטו זעהן אז איך האב ביי אלע מיינע תגובות ארויסגענומען די "פינטעלעך" פון דיינע לאנגע תגובות און אזוי דאס ערקלערט, כדי מען זאל קענען זעהן וואס די נושא איז, אין וואס זענען מיר מחולק, און ווער איז גערעכט.

דו ביסט יעצט געקומען מיט א תשובה, לא די וואס דו האסט זיך נישט באצויגן צו מיינע ענטפער'ס בקצרה, האסטו פשוט איבערגעשריבן דאס פריערדיגע מיט נאך א לענגערע לשון, אין די צייט וואס יעדע איינציגע פונקט איז שוין געווארן אפגעוואנדן.

איך האב נישט מער וואס צו ענטפערן ווי ציטירן מיין פריערדיגע.

איך וויל מאכן א סך הכל:

1) אין על הגאולה שרייבט די רבי קלאר מ'זאל מודיע זיין להעמים אז "עצם קיומם איז מנוגד לתורתינו הקדושה".

2) אין אנדערע דרשות זאגט די רבי אויך מען זאל מודיע זיין אז די מדינה פארטרעט אונז נישט, און נישט סתם אלס א גוטע זאך נאר "מען וואלט געדארפט האבן מסירת נפש" דערפאר. און טראץ וואס דער רבי איז טאקע נישט מסביר "וויאזוי" מען זאל דאס מודיע זיין, וואס יא אדער נישט צו זאגן, איז אבער לכה"פ איין פלאץ קלאר משמע אז מ'זאל מודיע זיין די עצם התנגדות לקיומם, וויבאלד די רבי באציהט זיך דארט לגבי אראפצונעמען די התגרות באומות.

3) דאס איז אמאל זיכער אפילו לדידך אז דער רבי האט קיינמאל נישט געשריבן אז 'די שלש שבועות זאל מען נישט זאגן', נאר דו ווילסט זיך פלאגן אריינצולערנען פשט אין רבינ'ס ווערטער אז ער האט דאס נישט געהייסן מודיע זיין, כדי עס זאל שטימען מיט'ן מקור ברוך. אבער למעשה רעדט דער מקור ברוך נישט פון דעם, און דערפאר טאקע שטימט דער פריער-דערמאנטער על הגאולה יא מיט'ן מקור ברוך.

4) דאס וואס בימי רביה"ק האט מען כמעט נישט אויסגעפירט דעם ענין פון להודיע לאומות איז געווען צוליב וואס מען האט געהאלטן אין יענע צייט אז ס'איז אוממעלגיך לפי מצב הזמן ארויסצוגיין אין די גאס דערמיט, אבער דער רבי האט בשנת תשכ"א זיך אפגערעדט דערויף מיט די טענה אז מען דארף פארקוקן אויף די חשבונות.

5) אין פאקט זעהט מען אז דער וואוידעסלאווער רב האט געשריבן אינעם "פרינציפל עד" קלאר און שטארק וועגן די "שלש שבועות", און ער איז געווען א רב וואס דער רבי ז"ל פלעג זיך דורכרעדן מיט אים בעפאר יעדן פראטעסט, ער האט מיט'ן רבי'ן גערעדט איבער די נושא מער פון סיי וועם, און ער האט זיכער נישט געטוהן אנדערש ווי דער רבי האט געהאלטן, נאר אדרבה, ער האט אויסגעפירט רצון קדשו.

6) אפגעזעהן אז דאס וואס דו שרייבסט אז דער מהלך שטאמט פון נטורי קרתא איז נישט ריכטיג, די התאחדות הרבנים (די אמאליגע) זענען נישט געווען נשפע פון נטורי קרתא, און דער וואוידעסלאווער רב אוודאי נישט... און אפילו הגה"צ מ'מאנטעווידעא ז"ל וואס איז געווען דער מורה דרך פון רבי יושע כ"ץ שליט"א פון נטרונא, איז נישט געווען קיין נטורי קרתא, ער האט אפילו גערעדט קעגן זיי. די מהלך פון נטורי קרתא איז צו גיין איבערבעטן די אראבער, "דאס איז" נטורי קרתא (הרב בעק עכ"פ), אבער די עצם איידיע פון פרסום פאר די אלגעמיינע גאס איז בכלל נישט זייער אויפטרעף.

[דער תהילים איד]

איין איינציגע נקודה האסטו יא מוסיף געווען און זיך באצויגן מיך אפצופרעגן, און דאס וועל איך ציטירן און רעאגירן:

יז. ער שרייבט אז דער רבי האט זיך אפגערעדט אז מ'טוט נישט גענוג, און ער ברענגט דעם לשון. נו לאמיר א קוק טאן וואס דער רבי זאגט דארט:
"דעס געפאר פונעם כלל ישראל איז, ווייל מ'זאגט, אז די וואס זענען נישט קיין שומרי תורה, און די וואס זענען כופרים, די זענען די מנהיגי ישראל. די אומות ווערן פארפירט דורך זיי, און באקומען דעם שנאת ישראל. איינס פון די גרעסטע מצות העט געווען, מיט גרעסטן מסירת נפש, מ'זאל קאנען מודיע זיין פאר די אומות, אז זיי זענען נישט די פארטרעטערס פון כלל ישראל, יודן שומרי תורה האבן מיט זיי קיין שייכות. מסירת נפש פאר דעם צו האבן, העט מען געדארפט, נאר בעוה"ר מ'האט דאך מורא פאר'ן דור. טאמער זאגט דאס איינער, זענען דאך די ערליכע מנהיגים לוחם דערקעגן מיט תירוצים."
קודם כל, איך קוק און איך זע נישט ווי דער רבי רעדט זיך אפ אויף זיך און זיינע מענטשן אז מ'טוט נישט גענוג. איך זע ווי דער רבי זאגט "טאמער זאגט עס איינער" דהיינו ער ווארפט פאר די אנדערע גדולי ישראל אין יענע צייט אז מ'לאזט אים אליין, און אויב גייט ער שוין יא עפעס טון רייסט מען אים שטארק אראפ, ווי ס'איז געווען נאך די וואשינגטאן פראטעסט תשי"ח.
והשנית, קוק אויף די קלארע דיבורים! ער הייסט נישט דערציילן אז די מדינה איז אן איסור און מיט דעם זענען זיי נישט אויסגעהאלטן. מ'דארף נאר זאגן אז זיי זענען נישט די פארטרעטערס פון כלל ישראל, און ערליכע האבן נישט קיין שייכות מיט זיי. און נישט מער. איז דאס גאר א ראי' לדברינו.

דו אליינס האסט געזאגט איינמאל און נאכאמאל אז בימי רביה"ק האט מען בכלל נישט מודיע געווען פאר די גאס אונזער התנגדות צו די מדינה, ביי אלע פראטעסטן האט מען נאר גערעדט פון די גזירות, און אפילו ביי אזעלכע פעלער ווי פרשת יוסעלע וכו' האט דער רבי נישט אויסגענוצט די געלעגנהייט וכו'. (וזה נכון כנ"ל וכדלהלן).

יעצט ציהסטו צוריק? יעצט שרייבסטו אז דער רבי האט עס יא געטוהן, נאר ער האט זיך אפגערעדט אויף די "אגודה", און דו לערנסט אריין א פשט אז "די ערליכע מנהיגים" מיינט די רבי די אגודה. אלעס פארוואס? כדי עס זאל שטימען מיט א "מקור ברוך" וואס עקזיסטירט נישט?

ס'איז זייער קלאר אז די רבי האט געוואלט אז אויסער 'די גזירות' זאל מען אויך מודיע זיין 'די התנגדות' פאר די וועלט, און דאס וואס מ'האט נאר מודיע געווען די גזירות איז געקומען צוליב וואס די אייגענע מענטשן האבן נישט געוואלט, מען האט געציטערט פאר די פנים פון סאטמאר "אין די גויאישע גאס" אין א תקופה וואס אלע האבן געוויסט אז ס'איז א פייט צווישן "אידן און אראבער", והבן כי קצרתי.

און ווי געזאגט, ביי די דאזיגע דרשה רעדט די רבי פון די ציוניסטישע התגרות באומות וואס ברענגט א סכנה אויף אלע אידן און דעריבער איז דא א חוב להודיע וגו', און דעריבער איז דער פשט'ל אז מ'זאל נאר מודיע זיין אז זיי זענען כופרים זייער א שוואכע, ווייל די התגרות באומות גייט דוקא בשם התורה, און די איינציגסטע וועג ארויס איז נאר מודיע צו זיין אז טאקע די התגרות באומות איז נגד התורה, כלומר, "שלש שבועות".

-----------------------

להוספה: אין איינע פון די צענדליגער אישי'ס וואס איך קריג, האט מיר איינער געשריבן אז ס'איז געווען אמאל א אינטערוויו פון רבי'ן ז"ל צו א גויאישע צייטונג ביי א געוויסע פרשה, און דארט זעהט מען אז ביים סוף האט יענער געפרעגט דעם רבי'ן "וואס האלט איר וועגן די מדינה בכלל, דערפאר אדער דערקעגן?", און דער רבי ענטפערט "מיר זענען דערקעגן", און דאן רופט זיך אן רבי ליפא פר"מ ז"ל צום רעפארטער "איר קענט פרעגן נאר נאך איין פראגע"! ווייל ער איז קענטיג געווארן אנגעצויגן און באזארגט פון דעם אז די גויאישע צייטונגען וועלן שרייבן אז דער רבי איז קעגן די עקזיסטענץ פון די מדינה, און דאס וואלט פארפלעקט סאטמאר ביי אלע פאליטישאנס און אזוי ווייטער.

איך גיי אי"ה פרובירן געוואויר צו ווערן צו מען קען דאס פארשפאן.

[דער תהילים איד]

יעצט צום "יסוד".

דער גאנצער יסוד וואס האט געדארפט ברענגען הרב זאלער צו קלערן אז אפשר טאר מען נישט דערציילן די שלש שבועות פארן גוי, נאר בלויז זאגן אז די ציונים זענען כופרים, איז דאך נישט געקומען מתוך שיטת רבינו, דער רבי האט קיינמאל נישט מזהיר געווען אז די פרסום זאל גיין נאר אזוי און נישט אזוי, נאר וואזשע דען? "דער אוצר" וחביריו האבן לעצטנס ערפינדן א 'מקור ברוך' וואס שרייבט אז מען טאר נישט מגלה זיין די שלש שבועות פאר די גויים! נו, קען דאך נישט זיין אז דער רבי איז געגאנגען קעגן א מקור ברוך, דארף מען לערנען פשטים און ערפינדן אז דער רבי האט נאר געלאזט דאס אבער נישט יענס.

יעצט וועל איך ברענגען דעם מקור ברוך, וכל בר בי רב וואס וועט דאס אפערלנען וועט זעהן אז לא מיניה' ולא מקצתי', דער "שיטת המקור ברוך" איז קיינמאל נישט געבוירן געווארן.. .

איך האב שוין גלייך אנהייב געשריבן, נאר ביים זעהן זאלער'ס אויסצוג אליינס, אז ס'איז משמע זייער קלאר אז דער מקור ברוך רעדט פון מגלה זיין דער ענין פון "עונש הגלות", דער "מפני חטאינו", אבער די פאקט אז מיר זענען אין גלות איז קיינמאל קיין סוד נישט געווען.

יעצט האב איך באקומען א גאנצע אויסשניט וואו מען זעהט כמו שאמרנו מיט נאך א הוספה, אז מען טאר נישט מגלה זיין פאר די גויים דעם סוד אז מיר זענען אין גלות כדי זיי זאלן אונז באדינען און מיר זאלן זיך משלים זיין צו ווערן די כהני ה', ווייל דאס וועט ברענגען זייער צארן, עיי"ש. תמצית דבריו איז אז מען טאר נישט מגלה זיין "דעם סוד וואס ליגט אונטער די שלש שבועות".

נסתר היסוד ונפל הבנין.

עטעטשמענטס

לעצט פאראכטן דורך דער תהילים איד אום דאנערשטאג יוני 12, 2014 2:30 pm, פאראכטן געווארן 3 מאל בסך הכל.