די אחריות פון לערנען מיט א גוי ברטנורא

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

די אחריות פון לערנען מיט א גוי ברטנורא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

לעצטנס איז געווארן פאפולער – און אפילו א גרויסע מצוה - 'מסביר צו זיין פאר די גאס' די סאטמאר'ע שיטה לגבי ציונות. קען זיין אז ביז היינט האט מען פשוט נישט געכאפט אז מ'קען נוצן דעם אינטערנעט פאר דעם צוועק, און ס'האט די געוואלדיגע בענעפיט אז מ'דארף נישט פייטן מיט קיין שום מידיע אוטלעט צי זיי זאלן יא אדער נישט דעקן די סאטמארע-קנאי'שע זייט פון די מטבע, ווי ס'פלעגט זיין ביי אלע פראטעסטן.

אדער קען זיין אז ס'קומט פון פילן זיך אונטערשטעליג כלפי די פארגעשריטענע וועלט. מ'פלעגט הערן כסדר פון אנדערע מכלומר'שטע 'אויפגעקלערטע' קרייזן: "דעי סאטמארע צוריקגעשטאנענע מענטשן... אייביג שרייען זיי. אייביג זענען זיי מוחה... לאץ ענק שוין אפ. וועקץ ענק אויף. סיז א מציאות און פארטיג." און ס'האט זיך געפארעמט א שטיקל קאמפלעקס, און יעץ אז מ'האט די געלעגנהייט האט מען אנגעהויבן מיט אייפער 'פארשטיין צו געבן' די וועלט, אז אונז זעמער גארנישט צוריקגעשטאנען. אונז זענען ערליכע אידן, און די תורה איז דער וואס לאזט נישט האבן קיין מדינה, און מ'טאר נישט טשעפענען מיט די גוים וכו'.

אפגעזען די סיבה, טרעפט זיך היינט מער אז אידן יראים ושלמים שרייבן אין ענגליש פאר די גאס די גאנצע שיטה מיט אלע קליפערליך, דהיינו אז דאס עצם האבן א מדינה פאר ביאת המשיח אז אן איסור חמור, די שלש שבועות, און די גרויסע עונשים רח"ל וואס קען קומען ל"ע אויב מ'האלט עס נישט איין וכו', מ'דארף נישט מאריך אין דעם ווייל יעדער ווייסט וואס איך מיין.
אין צוגאב צו דעם צוגאנג ווערט געברענגט דער אשלי רברבא רביה"ק זי"ע, ווי ער האט אייביג געהייסן און געשטופט צו גיין אין די גאס און אויסשרייען דעם קול ה' בהדר, אז די גאנצע וועלט זאל וויסן וכו', און ער האט געהייסן מאכן פראטעסטן, ווי שוין אויך באקאנט פאר יעדן דא.
עד כאן הסיפור.

דאס איז דער מציאות בימינו אלה, און אויף דעם האב איך עטליכע שטריכן צוצולייגן, און וישמע חכם ויוסיף לקח, זאל דער אינטעליגענטער עולם צוגעבן כיד ה' הטובה עליהם.

אונז טרעפן אין די היסטאריע כמה וכמה פעמים וואס ס'וואלט לכאורה געווען גאר גלענצענדע געלעגנהייטן פאר רביה"ק צו פושן זיין אגענדע אין די גאס, אבער ער האט צוריק געהאלטן דערפון. אויף געוויסע פעלער קען מען נאך פארענטפערן אז ס'נישט געווען בכדי שיעשו ווייל ס'איז אונטערגעקומען אין איילעניש, אדער ווייל דער רבי האט נישט געהאט אין יענע תקופה דעם ריכטיגן כוח דורכצופירן וכדומה, אבער אסאך פון די געלעגנהייטן האט זיך פארצויגן גאנץ לאנג, און דער רבי האט זיכער יא געקענט איבערדרייען די גאס, אבער מ'האט נישט געהערט פון אים פיפס איבער די גאנצע נושא.

למשל אין יאר תש"ו ווען די רעגירונגען האבן געעפנט אן אויספארשונג קאמיסיע וואס האט געדארפט פעסטשטעלן צי מ'זאל בכלל לאזן די אידישע מלחמה-איבערלעבער האבן אן אייגן לאנד, אדער א יאר שפעטער, תש"ז ווען מ'האט דעבאטירט די נושא אין די יוען, אדער נאך א יאר שפעטער תש"ח, ווען די מדינה איז געגרינדעט געווארן, אזוי ווייטער אין די נאכפאלגענדע יארן, ביי די סיני מלחמה וואס דער רבי האט געקענט ארויסגיין ברחובות עיר, אדער פרובירן צו קאנטאקן לאנד-פירער מגלה צו זיין דעתו אז ס'איז אן איסור פאר א איד צו האבן אן אייגן לאנד וכו' – אבער ער האט עס נישט געטאן.

תשי"ט ווען מדנ"י איז צוויי יאר געווען ביזי מיט'ן כאפן, משפט'ן און אוועקלייגן אייכמאן' האט מען נישט געהערט פון רבי'ן קיין ווארט איבער די גאנצע זאך. עטליעסט נישט ברבים, און אוודאי נישט אין די גאס. די סומעטאכע האט זיך געצויגן כמעט צוויי יאר, און ווען דער רבי וואלט געהאט אין פלאן ארויסצוגיין אין די גאס שרייען אז זיי פארטרעטן נישט כלל ישראל וואלט ער געהאט אסאאאאך געלעגנהייטן, אבער ער האט עס נישט געטון.

אביסל מער סענסיטיוו איז געווען די פרשה פון יאסעלע שוכמאכער ווען דער רבי האט אנגענומען א מויל מיט וואסער און נישט פארדאמט די אקציע און אויך נישט געהאקט אויף די מדינה וואס האט איבערגעלאזט מענגעלע ימ"ש כדי צו קענען כאפן יאסעלע'ן. אוי וואלט מען געקענט מאכן צימעס דערפון... זיי קימערן זיך עכט מיט אידן און אידישע אינטערעסן? זיי ווילן נאר אויסרייסן אידישקייט. קוקט אליין! אבער... דער רבי האט שטארק געמיסט די אפורטוניטי.

בו בזמן האט דער רבי געוויינט און געביטערט ביי זיך אין בית מדרש אויפ'ן מצב אין ארץ ישראל און ספעציעל איבער די שייגעץ-שטיק וואס די ציונים האבן אפגעטאן און געריסן שטיקער פון ערליכע אידן, ווי דער רבי אליין שרייבט אין יענע צייט אין ויואל אין סי' ק"י וז"ל, שעוד בתחלת התייסדותם במשך שנים רבות הרבו במלשינות נוראות על ישראל אצל האומות ודברו עליהם בפני השרים קשות שמסוכנים מאד להאומות וצריכים לגרשם מן הארצות וכו'. וחוץ מזה יש בירורים אמיתיים על כמה פעולות אכזריות שעשו בזה, שדין גרמא בנזקין של כל האסון הנורא וכו'. לגבי מיין פוינט, ברענגט דער רבי זייער קלאר ארויס אז די ציונים האבן אנגעמאכט אומגעהויערע שאדנס פאר כלל ישראל אין די גאס ביי די וועלט רעגירונגען, אבער מיט דעם אלעם האט ער גארנישט געטון צו פיקסן דעם גרויסן און געפערליכן פראבלעם דורך זיי ערקלערן זיין שיטה.

אלא מאי, למעשה איז דאך אבער יא געווען מערערע הפגנות אין די גאס?
נייתי ספר ונחזי, און אז מען ווע נאכקוקן וועט זען אז דער רבי איז געגאנגען שרייען אין די גאס ווען ס'איז געווען א גזירה קעגן די ערליכע אידן אין ארץ ישראל מצד די מדינת ישראל רעגירונג למשל גיוס נות, ניתוחי מתים און חיטוטי שכבי – און דער רבי האט פארשטאנען אז די איינציגסטע וועג אז די ממשלה וועט סטאפן פייניגן ערליכע אידן וועט זיין אויב די וועלט וועט לייגן פרעשור אויף די מדינה.

און די מעסעדזש פאר די גאס איז אלץ געווען 'נאר' אז אידן אן תורה זענען נישט קיין אידן, און היות די ממשלה האלט נישט די תורה, און זיי זענען קעגן שמירת התורה, קענען זיי נישט זיין און זענען נישט די ווארטזאגער פון כלל ישראל. דעץ איט.

דער רבי אליין שרייבט עס קלאר אין ויואל משה סי' קי"ג, הנה לא מסתפק שום אדם כי אותה המלכות מעברת על הדת וחפצה לעקור האמונה וכל התורה כולה וכו' אלא שמפחדים קצת מן העולם, ובודאי שמתושביהם לא היו מפחדים כלל, כי שם הכל תחת ממשלתם והמשטרה שלהם, אלא שאינם יכולים לעשות שם הכל מפחד של חו"ל וממגבית הממון שבחו"ל שבזה תלוי קיומם, גם בושים עדיין קצת מן האומות אם יראו ששומרי התורה מתנגדים להם וכו', ואף שהם מפירין דת וכופרין בכל בפרהסיא, וכל האומות יודעין שבישראל אין תורה ואין אמונה, כי הכל רואין את מעשיהם ודרכם של אותה הממשלה וכו', --- ולכן כשיש צעקה ומחאה בחוץ נגד זה עד ששומעין גם האומות שעדיין יש בישראל שומרי תורה ומצות שנותנים נפשם על התוה"ק ומוכנים ללחום עבור כבוד ה' ותורתו הקדושה, זה להם לבושה וכו', ואין ספק שיש לחשוב אפשרות שיהי' אולי קצת תועלת במחאות כאלה, שימנעו עכ"פ לפעמים מלהרבות כ"כ בגזירות של הפרת הדת וכו'. ועכ"פ חיובא רמיא לזעוק זעקה גדולה ומרה בחוצות וברחובות על חילול השם ותורתו הקדושה באופן נוראה שלא היתה כזאת בישראל מעולם.

דער רבי האט נישט געהייסן מסביר זיין פאר די גאס אז מ'טאר נישט האבן קיין מדינה פאר ביאת משיח, ער האט געהייסן אויסנוצן דעם כוח פון די גאס, אויף כדי צו צווינגען די רשעים צו ביהעיוון כלפי די ערליכע אידן דורך שרייען אין די גאס אז.... א איד אן תורה איז קיין איד נישט.

אין נעקסטן סימן סי' קי"ד, שרייבט דער רבי, כשמלכות ישראל שהם לפי דעת האומות באי כוחם של כל ישראל מתנהגים נגד התורה והאמונה, ואין קול ואין עונה לנגד זה, אלא כל ישראל ששים ושמחים בפני האומות ממלכות של כפירה בכל התורה כולה, ורואין כל האומות שזה דעת כל ישראל כולם לחפוץ רק בארץ ומלוכה אף בלי תורה ואמונה כלל, אין לך בזיון התורה והאמונה יותר מזה, אשר כמוהו לא נהייתה שבעוה"ר החילול השם כזה נורא מאוד, וא"כ הוא חיוב עצום להודיע אף להאומות שעדיין יש תורה בישראל ויש שומרי תורה ומצות בישראל שזועקים נגד הפרת הדת בכל לב ונפש.
מ'דארף שרייען אין די גאס אז --- אונז זענען יא ערליכע אידן מאמינים בה' און אונז האלטן יא די תורה, און אונז וועלן שרייען קעגן די מפירי הדת בכל לב ונפש.

ס'דא א שמועס וואס דער רבי האט געזאגט אין תשי"ח און ס'איז געדרוקט געווארן אין המאור אין יענע צייט, וואס ברענגט אויך ארויס די ספעציפישע נקודה, אז מ'דארף מיר שרייען און מפרסם זיין אז דאס אידיש פאלק איז נישט קיין פאלק אן די תורה, און אז ס'איז דא אידן שומרי תורה ומצוות. ס'איז אן אריכות און מ'קען עס אויסלאזן, אבער למען השלימות וועל איך עס אראפברענגען פאר דעם וואס וויל עס יא זען.
מצוה על כל יחיד ורבים להפגין ולהתריע באיזה אופן שיכול ולעשות כל מה שביכלתו למען כבוד השי"ת המחולל על ידי הציונים, ויש להפגין בכל עת ובכל עדן ובכל מקום לעזור לנו במאבקנו נגד המסיתים והמדיחים מאות אלפי ישראל בכל מיני שמד וכפיה, אחר שאין מוצא ואופן אחר וכו'. מעכשיו אם מסיתים ומדיחים מכריזים בריש גלי לפני כל האומות העולם שעם ישראל הוא חילוני ואינו עם התורה, הרי על אחת כמה וכמה שעלינו להכריז ולהתריע בפני אותן האומות עצמן שפיהם ענה שקר ושעם ישראל הוא רק זה המקיים את התורה הקדושה וכו' כשיש איזה חשש התעה למי שהוא שידמה לו בראותו שאנחנו מחשים ולא מגיבים כלל שכפרנו ח"ו, הרי מצווים אנו למסור עצמינו אפילו למיתה ולהכריז ברבים שהננו מאמינים ומייחדים להשי"ת וכו'. -- כבר ביררנו שההכרזה גופא על אמונתינו הוא חוב קדוש וכו' ועכשיו שהמחאות והזעקה בחוצות אפשר שתהיה בהן תועלת לצוות לציונים שכבר השחיתו והעבירו לשמן ר"ל מאות אלפים מילדי ישראל, לאמר להם הרף, הרי יש לדעת שעל פי ההלכה מחוייב כל אחד ואחד כריב"ז בשעתו וכו' ולזעוק חמס על פשעים הגסים של הציונים. ואדרבה עלינו להשמיע לכל אחד ואחד לדעת שאין הציונים הכלל ישראל והם הם המשחיתים את כרם ה' צבאות, ועם ישראל הנהו זה השומר וחי על תורת ה', ועם ישראל השומר משמרת הקודש אינו אחראי כלל למעשיהם הרעים של הציונים והחפשים למיניהם. ומצווים אנחנו למראה כפירה והפקרות כזו להכריז בחוצות על קשר ישראל להשי"ת ולאורייתא הק' ולהקל מעט את חרפת חילול שמו ית' ע"י הציונים. וזה לא כביר הצהיר שוב הראש שלהם לפני כל נציגי אומות העולם שאין ח"ו לבני ישראל קשר עם התורה הק', ואין לך חילול השם גדול מזה, ובודאי חוב קדוש להכריז לפני אותם אומות העולם עצמם שאין הציונים דוברם של כלל ישראל, וישראל קדושים הם והתורה הק' היא כל חיינו ואורך ימינו, עכ"ל.

נאכאמאל און נאכאמאל די זעלבע פוינט. די ציונים גייען אין די גאס זאגן אז מ'קען זיין א איד אן די תורה, און אונז זענען מחוייב צו לאזן וויסן די וועלט אז דאס איז נישט אמת. זיי קענען נישט זיין די ווארטזאגער פאר ערליכע אידן בכלל, און צו זיין גערעכנט אלץ איד דארף מען יא די תורה, און ס'זענען דא אידן וואס היטן נאך אלץ די תורה.

דער רבי האט קיינמאל נישט מסביר געווען פאר די גאס דעם חלק פון די שיטה וואס ער האט אונז געלערנט. נישט די שלש שבועות, דחיקת הקץ, עליה לחומה, און מרידה באומות.

(במאמר המוסגר: אין די השמטות צום על הגאולה ועל התמורה שטייט א לשון וואס קען פארשטאנען ווערן פארקערט, ווייל דער רבי שרייבט דארט: ועלינו לגלות דעתינו בפרסום ובגלוי, כי כל יהודי הרד עם אל ומאמין בהבורא ית' אינו חפץ בממשלתם ובמדינתם, ועצם קיומם מתנגדת לתורתינו הקדושה ומרידה במלכות שמים, כמבואר אצלינו באריכות בספרי ויואל משה, והוא אבן נגף לכל ישראל וכו'. עכ"ל. איז דא אפאר פונקטן צו נעמען אין באטראכט:
1. דער רבי שרייבט נישט בפרסום ובגלוי פאר וועמען! דער רבי האט אויך געוויינט און געשריגן בפרסום ובגלוי ביי זיך אין בית מדרש, און דער רבי האט געוואלט ס'זאל אנקומען איבער די גאנצע וועלט "פאר אלע אידן". אבער נישט פאר די אומות העולם.
2. אפילו אויב דו וועסטו דיך דוחק זיין אז ס'מיינט יא אפילו די גאס, געדענק אז ס'איז געווען פון די השמטות, און ס'איז צוגלייגט געווארן פון די מהדורא קמא נאך די פטירה פון רבי'ן ולאו מר בר רב אשי חתים עליה. האב איך די רעכט צו לערנען אין די ווערטער וויאזוי איך פארשטיי.
3. דער רבי אליין פירט אויס כמבואר אצלנו באריכות בספרי ויואל משה, וואס מיר האבן שוין פריער אראפגעברענגט אז דער רבי האט אויסדרוקליך נישט געהייסן מפרסם זיין פאר די גוים די הלכה אז מ'טאר נישט האבן קיין לאנד, און אויב האט מען יא אפילו עפ"י דרך התורה איז עס בעצם אן איסור. עד כאן המוסגר).

שוין. דער רבי האט נישט געהאלטן אזוי. סאו? איז עס נישט דער רבי. וואס איז? איך טאר נישט גיין א טריט ווייטער? נו וואס איז אזוי געפערליך אז איך וועל עס גיין דערציילן די גוים אויך? זאלן זיי וויסן איינמאל פאר אלעמאל וואסערע גרויסע שקצים די ציונים זענען…

א שטארקע טענה, אבער דא מאכט זיך שוין א פראבלעם. וואס איז שוין ווייטער?

אינעם גליון "דער אוצר" סיון תשע"א ברענגט ער אן העתקה פונעם ספר מקור ברוך אויף שיר השירים, וואס איז מיוחס צו איינעם פון די חכמי ישראל מגולי ספרד זצ"ל (וואס איז געדרוקט געווארן אין קושטא אין שנת של"ו, וואס ער איז מבאר די הארבקייטן פון די השלש שבועות און דעם איסור דחיקת הקץ, אינמיטן די ביאור רעדט ער אויך פון די שבועה שלא לגלות מסתורין לעכו"ם, אז מ'טאר נישט דערציילן פאר די גוים די אידישע פארבארגענישן, שרייבט ער בזה"ל:
ושלא נגיד לאומות למה אנחנו משפילים את עצמינו, ושאר סודות שאמרנו, מפני דרכי שלום, פן יתחכמו גם כן עלינו וישעבדונו יותר מדאי, ויתנו בשרינו לחרב וחנק סקילה ושריפה. ובלי ספק כי הגוים שידעו זה הסוד, הם מבקשים לנו הכליה וההשחתה בכל המקומות אשר עברנו לגור שם. וזהו שאמרו ז"ל אם תגידו הסוד בלי ספק שיהרגו אתכם כאחד הצבאים ואילות השדה ויקחו ממונכם, לפיכך כבוד אלקים הסתר דבר, ואפילו שכבוד מלכים חקור דבר, להלבין כי לא מצד עון אנו גולים, אלא מטעם סתום וחתום, אומרת כנסת ישראל כי יפה לנו העלמת הודעה בסוד זה מגילוייו, פן יסוף כבודינו בחקר וגילוי דבר ביד הרשעים, ע"ש.
שרעקעדיגע ווערטער.

זאל דער אויבערשטער אפהיטן כלל ישראל אז די גוים זאלן נישט אנהייבן מאכן אונזערע חשבונות. נבוזראדן האט זיך אנגענומען פאר די בלוט פאר גדליה בן אחיקם וואס האט געקאכט אין בית המקדש, אן ער האט עס געטון ווי א גוי... און ער האט אויסגע'שחט'ן הונדערטער טויזנטער ערליכע הייליגע קדושים וטהורים אשר כזוהר הרקיע מזהירים.
אדער דער רוימישע קיסר וואס האט זיך אנגענומען פאר די רעכטן פון יוסף הצדיק און האט גע'הרג'ט די צען הייליגסטע אידן ביי כלל ישראל מאז היתה לגוי (אדער כמעט די הייליגסטע. ס'איז א מחלוקה ווער ס'געווען גרעסער במעלה, משה רבינו אדער רבי עקיבא, אבער דארט ערגעץ אויבן און אזוי הויך זענען זיי געווען, אז זיי זענען אויסדערוועלט געווארן אלץ א כפרה פאר דעם חטא).
אך און וויי איז געווען פאר כלל ישראל ווען די גוים האבן זיך אנגענומען פאר די רעכטן פון די בא'עולה'טע אידן. ה' ישמרנו אז זיי זאלן זיין וויסן פון דעם אני מתיר וכו', טוען זיי גאר דעם רצון ה'... רח"ל.

קומט אויס אז דעיס איז נישט סתם אזוי ווי א שיעור פאה, וואס יעדער פרומער קען מחמיר זיין און צולייגן כפי יד ה' הטובה עליו. ס'איז נענטער ווי א שפיל מיט פייער אשר תוצאותיו מי ישורנה.
איז אזוי.

אויב וואלט דער רבי געהייסן אזוי טאן, ניחא. ער איז געווען בקי בכל מכמני תורה, און ער האט נאך געוואוסט און פארשטאנען וויפיל איך ווייס און פארשטיי, און זיין דעת איז מכריע והלכה כמותו. אבער היות אז דער רבי האט דאס קיינמאל נישט געהייסן יא טון, ולא עוד ער האט עס למעשה קיינמאל נישט געטון – הגם ער האט געהאט אסאך געלעגנהייטן, איז דאס לכאורה א לימוד אז מ'זאל עס נישט טון.

און אפילו אויב וועל מיר אננעמען אז ס'איז נישט קיין לימוד אויף נישט צו טאן, גלייב איך אז מ'דארף עטליעסט האבן א שטארקע דעת תורה פון רבנים פוסקים תלמיד רביה"ק און זענען אויסגעקאכט אין זיין דרך, און זיי זאלן פסק'ענען אז מ'מעג און מ'דארף עס טון.

און נאך איין פונקט. אין יענע צייט ביים רבי'ן ווען מ'האט געאישוט פרעס רעליעסעס פאר אין נאך די פראטעסטן זענען די רבנים וואס האבן געקענט ענגליש געזען שבעה נקיים אויפ'ן נוסח און זיכער געמאכט אז מ'זאגט נאר וואס מ'דארף און מ'רעדט נישט וואס מ'דארף נישט, כידוע.

דעמאלט איז עס אריין אין די צייטונג, וואס היום כאן ומחר בגארבידזש, (הגם מ'קען צוקומען דערצו אין לייבערי, אבער ס'איז נישט קיין זאך וואס יד הכל ממשמשין בו), ווידער היינטיגע צייטן ווען מ'לייגט עפעס ארויף אויפ'ן אינטערנעט ימ"ש בלייבט עס לייוו, און יעדער קען צוקומען דערצו מיט א פלעינע סורטש. דארף מען לכאורה נאך מער אכט געבן און ממש זיפן יעדעס ווארט בי"ג נפה, און נישט סתם "מסביר זיין" פאר די גאס וואס ס'לאזט זיך און ווען ס'לאזט זיך.

א קורצע חזרה.
1) דער רבי האט נישט געהאלטן פון דערציילן אלעס פאר די גאס.
2) ס'שיינט אז דער רבי האט דוקא נישט געוואלט מ'זאל עס מפרסם זיין.
3) ס'קען זיין א גרויסע סכנה פאר כלל ישראל, און ס'דארף א שטארקע דעת תורה.
4) ס'בלייבט א לעבעדיגע צוגענגליכע לייוו פיעד לעולם אויף די נעט. דארף מען נאך מער א דעת תורה.

מעגליך אז ס'איז נאר א המשך צו אנדערע אקטיווע אשכולות, אבער היות ס'נישט ממש געבינדן צו יענע שמועסן האב איך באשלאסן עס לייגן עקסטער, און העכסטנס צולייגן אהין א מראה מקום אהער.
זאלער, וואס וועט זיין מיט אפאר דאלער...
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

שפתים יישק. יעדעס ווארט גינגאלד. מעולם בין איך געוועהן קעגען די פעולות פון נטרונא אדער סיי ווער עס וויל מחנך זיין דעם גוי, ווייל דער מציאות איז אז א גוי קעניש פארשטיין קיין ברטנורא. ער נעמט ארויס איין זאך אז אויך פרומע יודען האבען פיינט 'ציונים וועלכע פייניגען די פאלעסטינער', און דאס נוצט ער אלס חלק פון זיין שנאת ישראל. איך וואלט אבער קיינמאל נישט געקענט ארויסברענגען אזוי שיין און קלאר ווי איהר האט, נאכדערצו מיט מקורות און לשונות פונען סאטמאר רבי'ן זצ"ל. כמים קרים על נפש עייפה.

ייש"כ נאכאמאל.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
אוועטאר
הבן_יקיר
שר חמישים ומאתים
תגובות: 309
זיך איינגעשריבן אום: מיטוואך אוגוסט 14, 2013 10:11 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך הבן_יקיר »

א גרויסע יישר כוח, זייער קלאר און שיין ארויסגעברענגט. כה לחי
אוועטאר
א גראם מיט טעם
שר שלשת אלפים
תגובות: 3947
זיך איינגעשריבן אום: דאנערשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

  • ציטיר
  • צו לייגן א דאנק דארפט איר זיין אריינגעלאגט

תגובה דורך א גראם מיט טעם »

הבן_יקיר האט געשריבן:א גרויסע יישר כוח, זייער קלאר און שיין ארויסגעברענגט. כה לחי
פארצייטישער יוד
שר חמש מאות
תגובות: 542
זיך איינגעשריבן אום: דאנערשטאג דעצעמבער 12, 2013 2:24 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארצייטישער יוד »

הבן_יקיר האט געשריבן:א גרויסע יישר כוח, זייער קלאר און שיין ארויסגעברענגט. כה לחי

ביסט א פאסיגער אגענט פאר'ן מוסד הק' נטרונא אפשר זעהסטו אז די בוך אין ענגליש מיט וואס זיי מוטשען זיך אזוי לאנג זאל זיך שוין א ריר געבן און פארשפרייט ווערן פאר די מבקשי ברטנורא.
-פנימי- בלתי מוגה כלל
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

ערשטנס וועל איך זיך באציען צו די על הגאולה (השמטה?) וואס דו האסט געברענגט, און די פשט וואס דו האסט געלערנט.

ועלינו לגלות דעתינו בפרסום ובגלוי, כי כל יהודי הרד עם אל ומאמין בהבורא ית' אינו חפץ בממשלתם ובמדינתם, ועצם קיומם מתנגדת לתורתינו הקדושה ומרידה במלכות שמים, כמבואר אצלינו באריכות בספרי ויואל משה

ווער עס לערנט אפ די ווערטער פארשטייט אז דאס מיינט פרסום לאומות העולם, בלתי שום ספק. ווען מ'רעדט צו אידן דארף מען נישט מפרסם זיין אז "אינו חפץ בממשלתם ובמדינתם", טראכט אריין אין די ווערטער, ס'איז פשוט מאוד.

די אויספיהר "כמבואר אצלינו באריכות בספרי ויואל משה" גייט לגמרי נישט ארויף אויפן ענין פון לגלות (כלומר, אז אין ויואל משה שטייט שוין דער ענין פון 'פרסום לעמים'), נאר פונקט קאפויער. ער זאגט דא אז מען דארף מודיע זיין אז עצם קיומם איז מנוגד לתורתינו הק', און אטע דאס (כלומר, דאס 'התנגדות צו די מדינה') איז ער מציין צום ויואל משה וואו עס איז מבואר אז די מדינה איז אסור עפ"י תורה.

יוצא לי בבירור היפך דבריכם, בלייבט איבער צו פרעגן צו דו קלערסט אז די ווערטער האט עמיצער אליינס אויסגעטראכט.
רבינו שאג בקול גדול וגו'
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

און יעצט לגבי וואס דו זאגסט אז דער רבי ז"ל אליינס האט אויסגעלאזט אזאנע געלעגנהייטן.

ערשטנס, עס איז דאן געווען גאר גאר שווער. פון איין זייט האט די אידישע גאס געבוזשעוועט און געשאהלט מיט די מדינה, און פון די צווייטע זייט האט זיך אידיש בלוט געגאסן דורך די מלחמות מיט די אראבער און יעדע ווארט קעגן די ציונים האט געהייסן אז מען טאנצט אויף אידיש בלוט, און די גויאישע גאס וואלט עס ממש נישט פארשטאנען, עכ"פ ס'איז געווען כמעט אוממעגליך.

צווייטנס, אז מען קוקט אין רבינ'ס ווערטער ביים כינוס כללי תשכ"א זעהט מען אז ער האט טאקע געהאלטן אז מען טוט עס נישט גענוג. והא לך דבריו הק':
... תוכן הדברים איז, דעס געפאר פונעם כלל ישראל איז ווייל מ'זאגט אז די וואס זענען נישט קיין שומרי תורה און די וואס זענען כופרים דיא זענען די מנהיגי ישראל, די אומות ווערן פארפירט דורך זיי און באקומען דעם שנאת ישראל, איינס פון די גרעסטע מצות העט געווען, מיטן גרעסטן מסירת נפש "מ'זאל קאנען מודיע זיין פאר די אומות אז זיי זענען נישט די פארטרעטערס פון כלל ישראל, יודען שומרי תורה האבן מיט זיי קיין שייכות" מסירת נפש פאר דעם צו האבן העט מען געדארפט, נאר בעוה"ר מ'האט דאך מורא פאר'ן דור, טאמער זאגט דאס איינער זענען דאך די ערליכע מנהיגים לוחם דערקעגן מיט תירוצים שונים

יוצא לנו אז דער רבי האט יא געהאלטן אז מען וואלט עס געדארפט בעסער און קלארער מפרסם זיין, נאר די וואס האבן דאס געדארפט אויספירן האבן געטענה'ט אז ס'איז נישט מעגליך וכדו'.

איך וועל אויך צולייגן וואס דער רבי האט געזאגט ביים אסיפת הרבנים תשי"ח, ולש"ק:
איז דאס איינס פונעם גרעסטען חוב (לצאת ולמחות כנגדם בחוצות), אויסערדעם איז נישט דא עפעס אנדערשט... דעס איינציגע מיטל איז מ'זאל גיין צום גוי, און מ'זעהט ס'טוהט זיי וויי, נישט פאר גארנישט, כאטשיג זיי ווייסן גאנץ גוט אז די אמעריקאנער רעגירונג וועט זיך נישט גיין שלאגען פארן דת, נאר ווייל ... ס’פאסט זיי נישט, זיי ווילן מ'זאל זאגן ביי די גוים ער איז א יוד ... דאס איז דער גאנצער חשבון זייערער, איז דאס דעס איינציגע מיטל.
אויסער אלעמען העט עס געוועהן א געוואלדיגע זאך אז די אומות העולם זאלן וויסען אז זיי פארטרעטן נישט דעם כלל ישראל, יודען שומרי תורה זענען אנדערשט ...

דא זעהט מען ווידער בבירור אז דער רבי רעדט פון צוויי באזונדערע ענינים, איינס צו דערשרעקן די ציונים, און "באזונדער" להודיע להעמים אז די מדינה פארטרעט נישט כלל ישראל.

-------

אגב, נישט אלע דוגמאות דיינע זענען ריכטיג. למשל פרשת יוסעלע, דארט איז נישט שייך געוען צו שרייען אין די גאס, ווייל לפי חוקות הגוי האבן די חרדים פשוט גע'קידנעפ'ט דאס קינד! מער ווי שווייגן האט מען נישט געקענט...
לעצט פארראכטן דורך דער תהילים איד אום דינסטאג יוני 10, 2014 7:17 pm, פארראכטן געווארן 1 מאל.
רבינו שאג בקול גדול וגו'
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

און די דריטע און לעצטע טייל איז, לגבי די פראטעסטן. דו פרעגסט פארוואס מען האט נישט גערעדט דעמאלס וועגן די מדינה.

באמת איז שוין דעי קושיא פארענטפערט געווארן דא אין די פריערדיגע תגובה, נאר דא דארף מען קלארמאכן אז ביי פראטעסטן איז דער עיקר ציהל געווען צו דערשרעקן די ציונים זיי זאלן נישט קענען אויספירן זייערע גזירות.

דו האסט שוין נאכגעברענגט די אויסצוגן וואו דער רבי איז מסביר אז די ציונים שרעקן זיך נאר אביסל פון זייער "אידישע פנים" אין די וועלט, און לולא זאת וואלטן זיי שוין געטוהן דאס ארגסטע.

סוי דאס איז קלאר אז די פראטעסטן האבן געדינט דעם ציהל צו גיין דוקא קעגן "די גזירות", אבער מאידך גיסא איז פארהאן א באזונדערע זאך להודיע לכל העולם אז די מדינה פארטרעט אונז נישט ווייל זיי זענען נגד התורה.
רבינו שאג בקול גדול וגו'
אוועטאר
הבן_יקיר
שר חמישים ומאתים
תגובות: 309
זיך איינגעשריבן אום: מיטוואך אוגוסט 14, 2013 10:11 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך הבן_יקיר »

בנוגע פרשת יוסעלע, איך האב אמאל געהערט אז די רבי האט נישט ניחא געווען די גאנצע קידנעפינג
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

עוד רגע אדבר... כ'וויל ציטירן איין שטיקל און מגיב זיין:
זאל ער קומען האט געשריבן:אינעם גליון "דער אוצר" סיון תשע"א ברענגט ער אן העתקה פונעם ספר מקור ברוך אויף שיר השירים, וואס איז מיוחס צו איינעם פון די חכמי ישראל מגולי ספרד זצ"ל (וואס איז געדרוקט געווארן אין קושטא אין שנת של"ו, וואס ער איז מבאר די הארבקייטן פון די השלש שבועות און דעם איסור דחיקת הקץ, אינמיטן די ביאור רעדט ער אויך פון די שבועה שלא לגלות מסתורין לעכו"ם, אז מ'טאר נישט דערציילן פאר די גוים די אידישע פארבארגענישן, שרייבט ער בזה"ל:
ושלא נגיד לאומות למה אנחנו משפילים את עצמינו, ושאר סודות שאמרנו, מפני דרכי שלום, פן יתחכמו גם כן עלינו וישעבדונו יותר מדאי, ויתנו בשרינו לחרב וחנק סקילה ושריפה. ובלי ספק כי הגוים שידעו זה הסוד, הם מבקשים לנו הכליה וההשחתה בכל המקומות אשר עברנו לגור שם. וזהו שאמרו ז"ל אם תגידו הסוד בלי ספק שיהרגו אתכם כאחד הצבאים ואילות השדה ויקחו ממונכם, לפיכך כבוד אלקים הסתר דבר, ואפילו שכבוד מלכים חקור דבר, להלבין כי לא מצד עון אנו גולים, אלא מטעם סתום וחתום, אומרת כנסת ישראל כי יפה לנו העלמת הודעה בסוד זה מגילוייו, פן יסוף כבודינו בחקר וגילוי דבר ביד הרשעים, ע"ש.

ווער האט דאס מחדש געווען אז אונזער ווארטן אויף די גאולה דורך משיח צדקינו גייט אריין אין "לגלות מסתורין לעכו"ם"? די קריסטן ווייסן דאס נישט?? וואס עפעס.

דער מקור ברוך רעדט פון א אנדערע נקודה, ער רעדט פון דעם "מפני חטאינו", דאס איז מיר זענען געשטראפט פון השי"ת צו דארפן ליידן פון די גויים וכו', דאס אז אויב א גוי וויל אונז הרג'נען איז דאס א עונש פון הימל ווייל מיר זענען נישט ערליך, און מיר טארן אפילו נישט אויפשטיין להשיב לחורפינו דבר ווייל מיר דארפן זיך משפיל זיין אין גלות, דאס טאר מען נישט מגלה זיין, ווייל דאן וועלן דאס די גויים חלילה אויסנוצן און פייניגן די אידן. והבן.
רבינו שאג בקול גדול וגו'
אוועטאר
חסיד נלהב
שר האלף
תגובות: 1127
זיך איינגעשריבן אום: מאנטאג דעצעמבער 23, 2013 1:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסיד נלהב »

תהלים ;l;p- זייער שיין צונומען די זאך.
זאגט איר האט עס געהערט פון א פייערדיגער חסיד
שטארק זיך
שר שבעת אלפים
תגובות: 7783
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

איך וויל גראטולירן דעם פותח האשכול פארן ווייזן דעם וועג וויאזוי צו שרייבן קאנטראווערסיע אויף רעספעקטפולן אופן, לשם ולתפארת.

לעצם הענין:

עס איז לגמרי נישט אזוי פשוט ווי איר זאגט עס. והא ראיה:
אין די צייטונגס רעקלאמעס אויף אנגלית, וואס דער רבי פלעג אריבערגיין ווארט ביי ווארט מיט בארימטע רבנים וגאונים - ווי הג"מ אביגדור מיללער זצ"ל און יבלחט"א, הג"מ מאיר וועבערמאן שליט"א לרפו"ש. פלעג יא שטיין דער ענין פון ציונות גרידא.

ווער עס האט א פאקסימיליא זאל ביטע פאוסטן.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

שטארק זיך, איך מיין איר האט א טעות. אינעם טיימ'ס עד (דוכט זיך ביי די בריכה) האט מען נישט געשריבן וועגן ציונות זעלבסט נאר וועגן די רדיפת הדת.

אבער דאס אלעס איז שוין לכאורה מבואר געווארן בדברי לעיל.
רבינו שאג בקול גדול וגו'
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

על ראשון ראשון. נישט איינער האט עס אויסגעטראכט ח"ו, נאר דער רבי האט נישט געגעבן זיין חותם דערויף. ס'אידעך למעשה ארויסגעפאלן…

עס איז אן אומשטרייטבארער פאקט אז אין ויואל משה, על הגאולה, דברי יואל, די געדרוקטע העתקות, און אין די פריוואטע טעיפס וואס זענען לעת עתה נתפרסם געווארן, איז נישטא אזא מצוה מפרסם צו זיין פאר די אומות אז דער עצם קיום המדינה איז מנגדת לתורתינו. נאר וויבאלד די מדינה פירער זענען מסיתים ומדיחים און די מדינה פירט אן א מאסיווע שמד אקציע קעגן די תורה, און זיי זאגן בפירוש אז מ'קען זיין א איד אן די תורה, מוז מען מפרסם זיין פאר די וועלט אז דאס איז שקר, ועי' בהראי' שמביא רבינו מדברי הרמב"ם שמבואר כן.

דער רבי האט די דאזיגע מצוה פון להודיע לאומות נישט מקיים געווען, נישט בכתב און נישט בעל פה, נישט דורך פראטעסטן און נישט דורך מאמרים אין די צייטונגען אדער אין די ראדיא.
חוץ מזה, בחיי רבינו האט מען נישט געהערט דערפון. ס'איז נישטאמאל געווען א מדובר דערפון. אויך נאכ'ן רבי'נס פטירה האבן די גדולי הרבנים מנהיגי היהדות החרדית דאס נישט געטאן.

והשנית, דער גאנצער קאנצעפט פון מודיע זיין פאר די אומות כנ"ל, איז געקומען פון אנשי נטורי קרתא, וואס זענען בארעכטיגט צו האבן אן אייגענע מיינונג. צוביסלעך האט זיך עס אריינגעגליטשט במחנה סאטמאר בשנות תש"מ און ארויף נאך פטירת רבינו, ווען ס'איז געווארן א הפקר וועלט ספעציעל אין דעם הינזיכט, און מ'האט נישט געפרעגט קיין הנהגת רבנים אויף די מלחמה קעגן ציונות, מאיזה טעם שיהיה. צו זאגן אז דאס איז דעם רבי'נס דעת תורה, איז א גרויסע שאלה. נישט ער שרייבט עס, און נישט ער האט אזוי געטאן למעשה.

והשלישית, דו אליין ביסט מעתיק מדברי רבינו בכינוס כללי, "ווייל מ'זאגט אז די וואס זענען נישט קיין שומרי תורה און די וואס זענען כופרים דיא זענען די מנהיגי ישראל, די אומות ווערן פארפירט דורך זיי און באקומען דעם שנאת ישראל, איינס פון די גרעסטע מצות העט געווען, מיטן גרעסטן מסירת נפש "מ'זאל קאנען מודיע זיין פאר די אומות אז זיי זענען נישט די פארטרעטערס פון כלל ישראל, יודען שומרי תורה האבן מיט זיי קיין שייכות." דאס איז דאך ממש נאכאמאל די זעלבע נקודה, זענען נישט קיין שומרי תורה, זיי זענען כופרים, אידן שומרי תורה האבן מיט זיי נישט קיין שייכות.

והרביעית, נניח פרשת יאסעלע, האסט מיר געכאפט… כ'האב אבער געברענט עטליכע משלים, די אייכמאן אקציע? די סיני מלחמה? די מלחמת ששת ימי האפילה? און וואס זאגסטו לגבי אנדערע הונדערטער אקציע וואס די ציונים האבן אנגעשמירט כלל ישראל מיט וויסטע שנאת ישראל - נישט אין מלחמה צייטן - אין די צוואנציג יאר וואס דער רבי איז יא געווען שטארק אקטיוו?

והחמישית, איך האב נישט געפרעגט פארוואס מ'האט נישט גערעדט ביי די פראטעסטן פון די מדינה. די שאלה איז געווען פארוואס מ'האט נישט געמאכט קיין פראטעסט אדער א פארזאמלונג, אדער א פיקעטינג (געדענקסט נאך?…) אדער א לאנגס און א ברייט אין דער טיימס, אדער סיי וועלכע אנדערע פארעם אדער מאניפעסטאציע בכתב אדער בעל פה? אתמהה.
דאס וואס איך שרייב טרעפט מען אול אווער, אבער דיין פונקט טרעפט מען ממש נאר אין דעם שטיקל אין די ארויסגעשניטענע הקדמה. אפשר זאגט איך למוד סתום מן המפורש?
זאלער, וואס וועט זיין מיט אפאר דאלער...
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

דער רבי האט געשריבן אז מ'דארף מפרסם זיין אז די מדינה פארטרעט נישט כלל ישראל. אוודאי. איך שרייב אויך אזוי. אבער די שאלה איז א גאנצע צייט -- פארוואס?
ווייל די מדינה איז קעגן די שלש שבועות?
אדער ווייל די מדינה איז נגד שמירת התורה?
ווייל די מדינה איז גוזר גזירות?
ווייל די מדינה פירער זאגן אז מ'קען זיין א איד אן די תורה?

דער חילוק פון דעי ענטפערס זענען כרחוק מזרח ממערב.
און דאס איז מיין גאנצע נקודה.

די היינטיגע קאמפיינס ווערן על פי רוב געפירט דורך בעלי בתים, חשוב'ע אידן יראים ושלמים. אבער פארוואס איז נישטא מיט זיי קיין איין פערזענליכער אנערקענטער רב מתלמידי רבינו?
א פאקט איז, אז עד היום הזה שטייען אלע רבנים שליט"א תלמידי רבינו אין א זייט (חוץ יחידים) און האבן זיך נישט צוגעשטעלט צו דער מצוה לפרסם אז די עצם קיום המדינה איז קעגן די שלש שבועות.

איך נעם נישט קיין שטעלונג אין זייער מערכה. איז זאג נאר אז דאס איז שיטת נטורי קרתא, אבער צי דעיס איז "שיטת הרבי מסאטמאר" איז די שאלה. און מיר קוקט עס אויס אז נישט.
לעצט פארראכטן דורך זאל ער קומען אום דינסטאג יוני 10, 2014 7:55 pm, פארראכטן געווארן 1 מאל.
זאלער, וואס וועט זיין מיט אפאר דאלער...
אוועטאר
חסיד נלהב
שר האלף
תגובות: 1127
זיך איינגעשריבן אום: מאנטאג דעצעמבער 23, 2013 1:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסיד נלהב »

זאל ער קומען האט געשריבן:חוץ מזה, בחיי רבינו האט מען נישט געהערט דערפון. ס'איז נישטאמאל געווען א מדובר דערפון. אויך נאכ'ן רבי'נס פטירה האבן די גדולי הרבנים מנהיגי היהדות החרדית דאס נישט געטאן.
דער קאנצעפט איז געקומען פון אנשי נטורי קרתא, וואס זענען בארעכטיגט צו האבן אן אייגענע מיינונג. און צוביסלעך האט זיך עס אריינגעגליטשט במחנה סאטמאר. אבער צו זאגן אז דאס איז דעם רבי'נס דעת תורה, איז א גרויסע שאלה. נישט ער שרייבט עס, און נישט ער האט אזוי געטאן למעשה.

והשנית, דער גאנצער קאנצעפט פון מודיע זיין פאר די אומות הנ"ל, איז געבוירן געווארן אין סאטמאר, בשנות תש"מ און ארויף נאך פטירת רבינו, ווען ס'איז געווארן א הפקר וועלט ספעציעל אין דעם הינזיכט, און מ'האט נישט געפרעגט קיין הנהגת רבנים אויף די מלחמה קעגן ציונות, מאיזה טעם שיהיה.

די 'נקודה' איז היבש וואר, והא ראי' מתחילתו איז דאס שטיצען א סייט וואס זאל כסדר מודיע זיין דאס אפשיי פון כלל ישראל צום עצם קיום המדינה נאר געקומען מהגה'צ מ'מאנטעווידעא זצ''ל וואס האט שטארק געקעמפט דערפאר מיט געלט און בגופו זיך מטריח געווען צו העלפן דער געדאנק, וכידוע איז ער היבש אנדערש געגאנגען במלחמתו נגד ציונות ווי די מהלך ביים רבי'ן וואס מען האט שטארק נאך געקענט זעהן ביי הגה''צ רבי נ''י מ'אבני שלמה, וואס ער האט זיך יא שטארק געהיטען איבער יעדער סארט פירסום צו 'דאס' האט טאקע די אותו צדיק וקדוש געטון בחיים חיותו, אדער ס'נאר אזא היציג געשעפט.

אבער אויף למעשה כהיום ווען ס'דא ווינציג וואס טוען בכלל אין די סאבדזשעקט און מער ווייניגער איז יעדער פארנימען מיט זיין לעקעך און ברוינפען, און עס איז דא וואס טוען בדיעה צלולה אין די נושא און האלטען פאר די אויגען טייער מורשת רבינו הק' זצ''ל.

ועוד אז למעשה ווען עס קומט צו ערקלערן פאר די וועלט די פראבלעם וואס אידען האבען מיט גיין אין מיליטער, מיזטו היינט אנקומען צו דעי מיטלען צו קעמפן נגד די רשעי הדור.
פארפאלען ווען די רבי האט געלעבט איז נאך די מציאות פון א אינטערנעט וועלט נישט געווען.
זאגט איר האט עס געהערט פון א פייערדיגער חסיד
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

זאל ער קומען האט געשריבן:והחמישית, איך האב נישט געפרעגט פארוואס מ'האט נישט גערעדט ביי די פראטעסטן פון די מדינה. די שאלה איז געווען פארוואס מ'האט נישט געמאכט קיין פראטעסט אדער א פארזאמלונג, אדער א פיקעטינג (געדענקסט נאך?…) אדער א לאנגס און א ברייט אין דער טיימס, אדער סיי וועלכע אנדערע פארעם אדער מאניפעסטאציע בכתב אדער בעל פה? אתמהה.

איך זאג דיר דאך אז דער רבי אליינס האט זיך אפגערעדט דערויף:
דער תהילים איד האט געשריבן:
... תוכן הדברים איז, דעס געפאר פונעם כלל ישראל איז ווייל מ'זאגט אז די וואס זענען נישט קיין שומרי תורה און די וואס זענען כופרים דיא זענען די מנהיגי ישראל, די אומות ווערן פארפירט דורך זיי און באקומען דעם שנאת ישראל, איינס פון די גרעסטע מצות העט געווען, מיטן גרעסטן מסירת נפש "מ'זאל קאנען מודיע זיין פאר די אומות אז זיי זענען נישט די פארטרעטערס פון כלל ישראל, יודען שומרי תורה האבן מיט זיי קיין שייכות" מסירת נפש פאר דעם צו האבן העט מען געדארפט, נאר בעוה"ר מ'האט דאך מורא פאר'ן דור, טאמער זאגט דאס איינער זענען דאך די ערליכע מנהיגים לוחם דערקעגן מיט תירוצים שונים

דאס הייסט אז דער רבי האט יא געוואלט מען זאל אזוי טוהן בחייוו, און עס האט אים געשטערט פארוואס מען טוט עס טאקע נישט! און איך האב שוין פריער מסביר געווען פארוואס דאס איז נישט געשעהן.
רבינו שאג בקול גדול וגו'
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

זאל ער קומען האט געשריבן:דער רבי האט געשריבן אז מ'דארף מפרסם זיין אז די מדינה פארטרעט נישט כלל ישראל. אוודאי. איך שרייב אויך אזוי. אבער די שאלה איז א גאנצע צייט -- פארוואס?
ווייל די מדינה איז קעגן די שלש שבועות?
אדער ווייל די מדינה איז נגד שמירת התורה?
ווייל די מדינה איז גוזר גזירות?
ווייל די מדינה פירער זאגן אז מ'קען זיין א איד אן די תורה?

יעצט הער איך א אנדערע נקודה! דו פארשטייסט שוין יא אז מען דארף מודיע זיין להעמים, טראץ וואס ביז תש"מ האט מען עס נישט אויסגעפירט (און דא פאלט אראפ בערך האלב פון דיין ערשטע תגובה), נאר דו האסט א שאלה צו מען דארף זאגן די "שלש שבועות" אדער עפעס אנדערש.

גוטע שאלה! יעצט לאמיר עס דורכלערנען אינאיינעם.

צו אלעמען ערשט, עמיצער שרייבט מיר אין אישי אז דער וואודיסלאווער רב האט געשריבן אין א ארטיקל אין טיימס וואו ער האט שארף ארויסגעשריבן וועגן די שלש שבועות, און איך מיין אז דער וואוידעסלאווער ז"ל האט גוט געוואוסט וואס דער רבי האלט.

צווייטנס, לויט דיין מהלך אז די גאנצע הודעה לעמים זאל זיין נאר "ווייל זיי זענען נגד שמירת התורה", שטימט נישט דעם רבין'ס ווערטער תשכ"א וואו מען זעהט קלאר אז דער פראבלעם איז די "התגרות באומות":
איך האב פריער נישט געברענגט די גאנצע, כוועל עס יעצט צולייגן:

ל"ע זיי מיט זייערע מעשים היינט אויכעט "די מאראקאער יודען" קול דמי אחינו צועקים! ס'קומט בריעף רייסענדיגע בריעף ס'האט זיי געקאנט זיין גוט, ס'איז דארט א מלכות של חסד, און זיי (די ציונים) ארבעטן אהן "רעוועליציאנען" און ברענגען זיי אריין אין די גרעסטע סכנה, און ס'שטייט לא תעמוד על דם רעך! און מ'שווייגט! מ'זאל גוט קוקן הארווען זיי אין אמעריקע אויך אהנצוארבעטן "אנטיסעמיטיזעם" אזוי ווי זיי האבן געהארוועט אין יוראפ מ'דארף גרויס רחמים אז זיי זאלן עס נישט חלילה דערגרייכן, ווארן מיט עזות און מלשינות קען מען חלילה אלעס דורכזעצן, מ'זאל גוט קוקן עט מען זעהן, איך וויל נישט שמועסן קיין סאך פאליטיק.

... תוכן הדברים איז, דעס געפאר פונעם כלל ישראל איז ווייל מ'זאגט אז די וואס זענען נישט קיין שומרי תורה און די וואס זענען כופרים דיא זענען די מנהיגי ישראל, די אומות ווערן פארפירט דורך זיי און באקומען דעם שנאת ישראל, איינס פון די גרעסטע מצות העט געווען, מיטן גרעסטן מסירת נפש "מ'זאל קאנען מודיע זיין פאר די אומות אז זיי זענען נישט די פארטרעטערס פון כלל ישראל, יודען שומרי תורה האבן מיט זיי קיין שייכות" מסירת נפש פאר דעם צו האבן העט מען געדארפט, נאר בעוה"ר מ'האט דאך מורא פאר'ן דור, טאמער זאגט דאס איינער זענען דאך די ערליכע מנהיגים לוחם דערקעגן מיט תירוצים שונים

מיט'ן המשך הדברים זעהסטו זייער קלאר אז דער רבי האלט אז כדי צו ווערן אפגעשוינט פון זייער התגרות באומות דארף מען מודיע זיין להאומות אונזער התנגדות.

יעצט ווען מען רעדט פון די נושא פון התגרות באומות קענסטו נישט קומען מיט אזא פשט אז מען דארף בלויז זאגן אז זיי היטן נישט די תורה. די התגרות קומט דוקא יא מיט די תורה! זיי שרייען אז די לאנד איז זייער'ס! אברהם אבינו! מורשת לנו מאבותינו! וכו' וכו' מיט אלע מזרחיסטישע (און אגעדיסטישע) קאפ שטיקעס וואס שטייען לצידם. דא מוזטו זאגן קלאר אז די האלטסט אז די גאנצע מדינה איז נגד התורה און דערפאר זענען מיר אפגעשאקלט פון זייער התגרות באומות.

קלאר?
רבינו שאג בקול גדול וגו'
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

דער תהילים איד האט געשריבן:צו אלעמען ערשט, עמיצער שרייבט מיר אין אישי אז דער וואודיסלאווער רב האט געשריבן אין א ארטיקל אין טיימס וואו ער האט שארף ארויסגעשריבן וועגן די שלש שבועות, און איך מיין אז דער וואוידעסלאווער ז"ל האט גוט געוואוסט וואס דער רבי האלט.
אטעטשמענטס
Capture.JPG
רבינו שאג בקול גדול וגו'
שטארק זיך
שר שבעת אלפים
תגובות: 7783
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

הוא אשר דברנו,
דאטום?
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
מאגר
שר חמש מאות
תגובות: 527
זיך איינגעשריבן אום: מאנטאג מאי 12, 2014 5:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאגר »

עפעס א מעשה איז דא וואו דער רבי זצ"ל האט פערזענליך געשיקט א בריוו מיט ר' סענדר ע"ה צום ירדן קעניג ?

דאכט זיך א ווינטער פרייטאג נאכמיטאג.

די אלס ווייסער זאלן עס לינקן.
אוועטאר
זאל ער קומען
שר האלף
תגובות: 1955
זיך איינגעשריבן אום: דינסטאג אקטאבער 04, 2011 12:25 am
לאקאציע: בעיקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך זאל ער קומען »

דער תהילים איד האט געשריבן:יעצט הער איך א אנדערע נקודה! דו פארשטייסט שוין יא אז מען דארף מודיע זיין להעמים, טראץ וואס ביז תש"מ האט מען עס נישט אויסגעפירט (און דא פאלט אראפ בערך האלב פון דיין ערשטע תגובה), נאר דו האסט א שאלה צו מען דארף זאגן די "שלש שבועות" אדער עפעס אנדערש.

וועלכע אשכול האסטו געליינט?
איך האב געמאכט באלד און געברענגט שטיקלעך, אלעס וואס איך האב געשריבן איז געווען דאס, אז מ'דארף טאקע שרייען אין די גאס, אבער נאר דאס און נישט דאס.
וועלכע חלק פון מיין תגובה פאלט אוועק? די חלק וואס דו האסט בכלל נישט געליינט?

דער תהילים איד האט געשריבן:צו אלעמען ערשט, עמיצער שרייבט מיר אין אישי אז דער וואודיסלאווער רב האט געשריבן אין א ארטיקל אין טיימס וואו ער האט שארף ארויסגעשריבן וועגן די שלש שבועות, און איך מיין אז דער וואוידעסלאווער ז"ל האט גוט געוואוסט וואס דער רבי האלט.

ס'קען זיין ער האט גוט געוואוסט וואס דער רבי האלט, אבער ס'מוז נישט זיין אז ער האט דאס געטוען עפ"י הוראתו פון רבי'ן.

דער תהילים איד האט געשריבן:צווייטנס, לויט דיין מהלך אז די גאנצע הודעה לעמים זאל זיין נאר "ווייל זיי זענען נגד שמירת התורה", שטימט נישט דעם רבין'ס ווערטער תשכ"א וואו מען זעהט קלאר אז דער פראבלעם איז די "התגרות באומות": איך האב פריער נישט געברענגט די גאנצע, כוועל עס יעצט צולייגן:
"איינס פון די גרעסטע מצות העט געווען, מיטן גרעסטן מסירת נפש "מ'זאל קאנען מודיע זיין פאר די אומות אז זיי זענען נישט די פארטרעטערס פון כלל ישראל, יודען שומרי תורה האבן מיט זיי קיין שייכות".
מיט'ן המשך הדברים זעהסטו זייער קלאר אז דער רבי האלט אז כדי צו ווערן אפגעשוינט פון זייער התגרות באומות דארף מען מודיע זיין להאומות אונזער התנגדות.

וואס זעסטו קלאר אינעם המשך פון דעם שטיקל וואס דו האסט געברענגט?

דער תהילים איד האט געשריבן:יעצט ווען מען רעדט פון די נושא פון התגרות באומות קענסטו נישט קומען מיט אזא פשט אז מען דארף בלויז זאגן אז זיי היטן נישט די תורה. די התגרות קומט דוקא יא מיט די תורה! זיי שרייען אז די לאנד איז זייער'ס! אברהם אבינו! מורשת לנו מאבותינו! וכו' וכו' מיט אלע מזרחיסטישע (און אגעדיסטישע) קאפ שטיקעס וואס שטייען לצידם. דא מוזטו זאגן קלאר אז די האלטסט אז די גאנצע מדינה איז נגד התורה און דערפאר זענען מיר אפגעשאקלט פון זייער התגרות באומות.
קלאר?


סארי, אבער איך האב געפרעגט אויפריכטיג און אפן מיט מראה מקומות, און דו ענטפערסט אין די זייט, ווארפסט אפ מיינע האלבע תגובות אנדעם וואס דו האסט עס דורכגעליינט, און דו ברענגסט גאר ראיות לדברי, און פירסט אויס פארקערט.
זאלער, וואס וועט זיין מיט אפאר דאלער...
שתוקא בתרין
שר חמישים ומאתים
תגובות: 362
זיך איינגעשריבן אום: מוצ"ש נאוועמבער 16, 2013 11:01 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שתוקא בתרין »

זאל ער קומען האט געשריבן:
דער תהילים איד האט געשריבן:צו אלעמען ערשט, עמיצער שרייבט מיר אין אישי אז דער וואודיסלאווער רב האט געשריבן אין א ארטיקל אין טיימס וואו ער האט שארף ארויסגעשריבן וועגן די שלש שבועות, און איך מיין אז דער וואוידעסלאווער ז"ל האט גוט געוואוסט וואס דער רבי האלט.

ס'קען זיין ער האט גוט געוואוסט וואס דער רבי האלט, אבער ס'מוז נישט זיין אז ער האט דאס געטוען עפ"י הוראתו פון רבי'ן.

טעות גמור! עס מוז יא זיין! דא רעדט מען נישט פון עפעס א זייטיגע קליינע נקודה, וואס אפשר איז עס קיינמאל נישט אויסגעקומען צו רעדן דערפון, דא רעדט מען דאך פונעם עצם היסוד פון די פראטעסטן און ארטיקלען.
אוועטאר
מחותן
שר עשרת אלפים
תגובות: 10102
זיך איינגעשריבן אום: דינסטאג נאוועמבער 09, 2010 11:39 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחותן »

זאל ער קומען (ווער, משיח?) קודאס פאר דיין הערליכע תגובה און שיינע שריפט.
תהילים איד, קודאס פאר דיין צום פוינט ענטפער.

זאל ער קומען, איינע פון דיינע שטארקע ראיות איז: ווי זענענן רוב רובם די תלמידי רבינו זי״ע, פארוואס שטייען זיי אין די זייט?

עס איז גראדע זייער א גיטע טענה, איך וועל דיר אבער אנווייזען אז זע דא אינעם אשכול ״עצרת תפילה אין וואל סטריט נגד גזירת גיוס״ (גיי עטליכע בלעטער אהין און צירוק) האבן די אלע רבנים פון וועם דו רעדסט געהאלטען אז מען טאר נישט גיין צום פראטעסט וויבאלד מען איז נישט מוחה קעגן די עצם מדינה נאר קעגן א גזירה, און דארט האט תהילים איד גאר געדארפט שווער ארבייטען מסביר צו זיין פארוואס מען מעג גיין צו א פראטסט ווי מען איז בכלל נישט מוחה נגד קיום המדינה נאר קעגן א איינצעלע גזירה.

עיין שם און וועסט זען ווי מען טענה׳ט דא היפך ווי די מציאות דארט.
ולכאורה פשוט אז דאס וואס די תלמידי רבינו ז״ל האבן געפסקנט ביים עצרת איז א שטארקע מעשה רב בשבח פעולת נטרונא.
אוועטאר
חסיד נלהב
שר האלף
תגובות: 1127
זיך איינגעשריבן אום: מאנטאג דעצעמבער 23, 2013 1:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסיד נלהב »

גראדע איז פון דארט א שטארקע הוכחה לטענת זאל ער קומען, ווייל אז די ביסט מעיין דארט איז דער תהלים איד שטארק מוכיח אז דעת רבינו איז געווען צו לוחם זיין מיט די ''עצם גזירה'', און מען האט געברויכט זיכען אמתלאות שונות פארוואס יעצט זאל סאטמאר נישט גיין צוזאמען, קוקט אויס אז ביסודו איז די מטרת המחאה געווען מער אויף די 'ספעציפישער גזירה'.

אבער צוריק צום נושא קוקט אויס פון זאלער אז ער איז נישט באקאנט אין די פאקט אז גאר נאנטע תלמידים פון די סאטמארע רבי האבען באגלייט אויף טריט און שריט די פעולות נשגבות פון די נטרונא ארג. צו משמיע זיין די מיינונג פון תורה טרייע אידען פאר די וועלט, און דערפאר האט עס ב''ה א שטארקע הערצה בקרב תלמידי וחסידי סאטמאר.

דא האסטו א קליינע דוגמא ווי די היינטיגע איגנט בעהט זיך צום ארג. זיי זאלען ממשיך זיין מיט נאך פעולות וואס איז נחוץ פאר'ן היינטיגען איגנט אשר לא ידע את יוסף א איד בעט זיך צו נטרונא אויפען נייעם בוך.
זאגט איר האט עס געהערט פון א פייערדיגער חסיד
שרייב תגובה

צוריק צו “דעת הקהל”