אידישע וועלט פארומס

ניק. עס לאנג יא געט די פוינט איי עם פיין

באדינער האט געשריבן:ניק. עס לאנג יא געט די פוינט איי עם פיין

וועלעכע פוינט?

ניק ניק האט געשריבן:

והמבין יבין האט געשריבן:

ניק ניק האט געשריבן:

והמבין יבין האט געשריבן:

ניק ניק האט געשריבן:ב"ה איך וואוין דא אין ווילימאסבורג, רבותי ס'נישט עק וועלט, ס'דא ב"ה צו באקומען דירות סיי פאר רענטל און סיי צו קויפן, יא ס'קאסט טייער ווייל מ'פארדינט דא מער און מ'שפארט זיך אויף פילע אומדירעקטע הוצאות וואס איז דא אין א קלענערע שטאט ווי ווילימאסבורג ואכמ"ל, איך האב ב"ה אסאך חברים און משפחה דא, יעדער פון האט ב"ה נארמאלע מעסיגע דירות ניין ס'נישט קיין פאלאצן זייט ווען זעמיר אונז פריצים וואס דארפן וואונען אין פאלאצן? יא מ'מוטשעט זיך צו דעקן דעם חודש פונקט ווי מ'מוטשעט זיך אין אלע אנדערע שטעט איבער די וועלט, זייערע טאטעס האבן נישט געכפט קיין הארץ אטאקעס, און די מענטשן וואס האבן געמאכט דעם חשבון אז ס'וועט זיך זיי בעסער לוינען ערגעץ אנדערש זענען שוין לאנג געפארן, יעדע יאר מופן 100'טער משפחות קיין אפסטעט, אנדערע ווארטן צו אויף בעסערע אפציעס. ס"ה רעדט מען פון איינצעלנע מענטשן וואס ווייסן נישט וויאזוי צו לעבן מיטן מציאות און לעבן אן א חשבון זיי האבן געכאפט הארץ אטאקעס, האיש אחד יחטא ועל כל העדה תקצוף?
--------------
די עולם האקט
הלשון איז וואס? ס'נישט באקוועם אז עלעוועיטער קומט אריין אין קאך? אין אפסטעט איז אלעס באקוועם? איך קען מאכן א לאנגע ליסט מיט אומבאקוועמליכקייטן אין אפסטעט, ביי יעדען וועגט אן אנדערע אומבאקוועמליכקייט איבער

איך זעה טאקע אז ווען מבאקומט א רעיז הייבטציך די רענט
איך גיי ווערן דיין חאבער וואס קאסט היינט א מעסיגע דירה

וויפיל רום'ס? 5 רומיגע דירה (מעסיג נישט לוגזשערי) לויפט צעווישן 1700 און 2300.

אהא סאו דעס איז פון די פילע אומדירעקטע הוצאות
אין וואס מיינט ביי אייך מעסיג ? איר דארפט נישט ענטפערן מברויך נישט מופן מעברויך נאר א מח וואשונג וואס סימיינט "אקלאזעט" אין וואס ס'מיינט א "דירה" והמבין יבין
#מעסיג

פארווואס נישט ענטפערן? האסט מורא איך וועל צו גוט ענטפערן?
מעסיג מיינט "נישט לוגזשערי", מ'קען זיך געהעריג מסדר זיין, נאר ס'האט נישט די עקסטע באקוועמליכקייטן.
וועגן מוח וואשן דאס זאג איך טאקע מ'טרייעט צו וואשן מוחות מיט הבל הבלים. אז מ'לאזט זיך נישט וואשן די מוח זעט מען אז ס'איז בכלל נישט אזוי געפערליך.

פון אנאנדער אשכול

הלשון האט געשריבן:

ניק ניק האט געשריבן:הלשון יעצט פאנג אן צו זיכן די זעלבע זאך אין קרית יואל, איך קען אייך געבן 2 נומבער'ס פון דירות פארמיטלונג'ס, יו וויל העוו ביג סורפרייזעס
כבוד הרב ניק ניק, עס קוקט אויס ווי דו האסט עפעס אן אגענדע צו פארזיכערן דיין פאקט, אז אין וויליאמסבורג איז נישט דא קיין מאנגל אין דירות, און אז די פרייזן זענען מעסיג...

לאמיר לאזן שיטות און אגענדעס אין די זייט. איך האב דערציילט וואס בדידי הוי עובדא. די פרייזן וואס מען האט מיר געבעטן, און וואס מהאט געאפפערט פאר דעם פרייז. איצטער...

- איז דאס אפילו מעגליך צו צאלן?
- הייסט דאס מעסיג? עפארדעבל? אדער הימל-שרייענד?
- אין אנדערע מקומות צאלט מען אויך די פרייז?
- אויב צאלט מען דארט די פרייז, וואס באקומט מען דערפאר? א 1600 סקווער-פיס דירה אויף די אכטע שטאק? מיט א פארטש קאנעקטעד צום שכן?

אנשטאט טעלעפאן נומערן ביטע רעאגיר מיט קאנקרעטע פאקטן...

כבוד ניק ניק פאר די ענטפערסט צו גיט נעם ביטע א שויער (אויב ס'האט א פענסטער )אין זיפקאוד 11211 11206 אין נאכהער העמיר זען די הבלים

ניק ניק האט געשריבן:

באדינער האט געשריבן:ניק. עס לאנג יא געט די פוינט איי עם פיין

וועלעכע פוינט?

.

ס'הערשט א א שרעקליכע צומעשיניש.
איבער די אישו פון דירות אין ווילי ווס. אפסטעיט, אויב מ'דארף יא אדער נישט מופן, די פרייזן פון די דירות פון ווילי ווס. אפסטעיט טענה'ט מען זיך "יעצט" - אקטיוו - דא אין דעם אשכול און דא און דא און דא. איך וואלט דעריבער נישט בכלל מגיב געווען דא נאכמאל, איך גלייך נישט אזויפיל מאל איבערצושרייבן א מיינונג, אבער דער "ניק ניק" האט מיך היפש אנגעדרייט. א וואונדער ווי זאכן וואס מענטשן מאכן מיט טאג-טעגליך קענען ווערן פאדרייט און געלייקענט כשמש בצהריים.

וויפיל רום'ס? 5 רומיגע דירה (מעסיג נישט לוגזשערי) לויפט צעווישן 1700 און 2300.

רב ניק ניק. די קומסט מיט פרייזן וואס זענען נישט געשטויגן און דעפענעטלי נישט געפלויגן. אפגערעדט פון דעם אז אויב איינער זוכט יעצט א 5 רומיגע דירה "קען ער נישט טרעפן". פינטל. די אלע וואס פארדינגן 5 רומיגע דירות האבן וועטינג ליסטעס פון הונדערטער מענטשן! אן קיין שום גוזמא, מ'דארף ניצן שטארקע פראטעקציע צו צאלן דעם הויכן פרייז וואס יענער וויל.

ס'דא ב"ה צו באקומען דירות סיי פאר רענטל און סיי צו קויפן

מיט אזא מין גלייכגילטיקייט? ס'דא צובאקומען רענטלס??
איך האב יעצט געזוכט א דירה פאר א חבר מיינער. חדשים לאנג האב איך געזוכט, ווען איך האב זיך שוין דערוויסט אז דארט און דארט גייט יעצט ווערן עוועליבעל א דירה האט מען דעם יעניגן אראפגעדרייט א קאפ, אבער ער האט אויך געהאט א וועטינג ליסט פון דא ביז בלומענבערג מיט בלויז פראטעקציע מענטשן. און לאמיר צוריקגיין צו די פרייזן. ווען איינער באקומט עס שוין יא, קענסטו נישט טרעפן א נארמאלע אויפגעפיקסטע 5 רומיגע דירה פאר די פרייז פון אונטער 22, די נומער 17 רעדסטו מיסתמא פון מענטשן וואס וואוינען שוין דארט 10 יאר אויף א ליעס. די עוורידזש פרייז יעצט פאר א 5 רומיגע דירה יעצט אין וויליאמבורג איז פון 2300 ביז 2500. דאס זענען זאכן וואס איך האב גערופן און געפרעגט.

יעדער אינגערמאן וואס האט לעצטענס געוואלט דינגן א דירה וועט דיר דערציילן די זעלבע עקספיריענס ווי איך שרייב.

יא ס'קאסט טייער ווייל מ'פארדינט דא מער

איך שיק דיר אין אישי די נומער פון מיין בעה"ב און ביטע זיי אים מודיע דעם פאקט וואס ווי עס שיינט ווייסט ער נישט דערפון. אפגערעדט פון דעם אז ס'איז שווא ושקר, דער עוורידזש אינגערמאן מאכט נישט קיין דאללער מער אויפן געהאלט אין ווילי ווי דער אינגערמאן אין מאנסי אדער קרית יואל. אבער לי יהא אז די ביסט יא גערעכט, ווילסטו מיר זאגן אז ס'איז פראצענטואל טאקע אזוי. די טייערע דירות לויטן העכערונג פון די וועידזש??

יעדער פון האט ב"ה נארמאלע מעסיגע דירות ניין ס'נישט קיין פאלאצן זייט ווען זעמיר אונז פריצים וואס דארפן וואונען אין פאלאצן?

איך האב לכתחילה געטראכט אז די ביסט ב"ה געבוירן געווארן אין א משפחת הנגידים, אבער מיט די שורה האב איך דאס קאנפערמירט.. אמער, אלע דיינע משפחה מיטגלידער וואוינען פיין... שמייכל אין זייט.
פאלאצן?!! זאג, דער קרית יואל'ער אינגערמאן אדער דער אינגערמאן וואס וואינט אין בלו-פיעלד אין מאנסי וואוינט אין א פאלאץ?? אינגעלייט אין אפסטעיט וואוינען פשוט ווי פריצים, מיט שוואוילטאג'ן און רייכקייט אין פאלאצן און מיר אין וויליאמסבורג וואוינען נארמאל ווי מענטשן אין מעסיגע "נארמאלע" דירות.. - מיר גייען זיך אויף דעם נישט איינ'טענה'ן אי"ה. מ'זעמער נישט אין כיתה ג'.

יא מ'מוטשעט זיך צו דעקן דעם חודש פונקט ווי מ'מוטשעט זיך אין אלע אנדערע שטעט

און איך דארף דא שרייבן אז יעצט איז טאג, אפילו 'ניק ניק' שרייבט אז ס'איז חצות הלילה??? וויפיל ארטיקלן פון צייטונגען און בלאגס ברויך איך אהער ברענגען אז ניו יארק סיטי בכלל און ברוקלין בפרט איז פון די טייערסטע געגענטער אין אמעריקע?? רבי. מ'מושטעט זיך דא צו דעקן דעם חודשליכן בודזשעט אסאך אסאך מער ווי מ'מוטשעט זיך אין מאנסי און אין מאנראו. פרעג משפחה און פריינט אין אפסטעיט.

יעדע יאר מופן 100'טער משפחות קיין אפסטעט, אנדערע ווארטן צו אויף בעסערע אפציעס

ריכטיג!

ס"ה רעדט מען פון איינצעלנע מענטשן וואס ווייסן נישט וויאזוי צו לעבן מיטן מציאות און לעבן אן א חשבון זיי האבן געכאפט הארץ אטאקעס, האיש אחד יחטא ועל כל העדה תקצוף?

ראנג אין ערשטע דעגרי.
מ'רעדט פון הונדערטער און הונדערטער משפחות וואס זענען פאר'נאר'ט און האלטן אז מ'קען נישט וואוינען ערגעץ אנדערש. זיי זיצן און זיפצן, ס'איז זיי זייער שווער צו צאלן די רענט יעדן חודש, זיי קענען נישט דעקן דעם בודזשעט, זיי האבן נישט קיין אנונג וויזוי זיי גייען חתונה מאכן קינדער. זיי צאלן יעצט א מארגעדזש מיט גרויס שוועריגקייטן און ווילן נישט טראכטן וואס עס גייט פאסירן ווי מ'גייט אנפאנגן צאלן אויך טעקס (בערך אן אלף א חודש פאר א קאנדאו) זיי שטיפן שווער דאס לעבן, אבער פונקט ווי אנדערע קרענק איז דא די קרענק פון "וואוינען אין וויליאמסבורג". און ליידער, רבים וטובים זענען דערמיט דייאגנאזירט..

איך קען מאכן א לאנגע ליסט מיט אומבאקוועמליכקייטן אין אפסטעט

דו מאך מיר נישט קיין ליסטעס. די אומבאקוועמליכקייטן פון אפסטעיט זאל די אידן וואס וואוינן אין אפסטעיט שרייבן. און עז לאנג זיי רעדן זיך נישט אפ, זיי זענען צופרידן מיט זייער אפסטעיט לייף - ווידעראום די וויליאמסבורגער רעדן זיך יא אפ און זענען אומציפרידן פון די וויליאמסבורגער לייף סטייל - איז יש דברים בגו.

די סוב-טאטעל איז:
אין ווילאמסבורג זענען די דירות פרייזן נישט עפארדעבעל. איך פשוטער ארבייטער קען נישט עפארדען צו קויפן א דירה אין ווילאמסבורג פאר די פרייז פון 750 טויזענט טאללער. אבער אין אפסטעיט איז עס יא עפארדעבל. איך מיין אז איך קען עפארדען צו קויפן א דירה פאר 350-400 טויזענט טאללער. און ס'רוב פשוטע בירגער אין וויליאמסבורג זענען אויף די זעלבע מצב ווי וואס איך שרייב דא.

(איי.. ווען איך בין ווען א שרייבער פון פאך אויס.. נו שוין, אנדערע וואלטן דאס בעסער ארויסגעברענגט, נו, כ'קען נאר וואס איך קען)

ביסטו גיט!!!

אזוי קלאר!!

צייטליך, אזוי צו די זאך, שארף און צום פינטל, WOW.

הרב ניק-ניק, איר זענט לעצטנס געווארן געברעינוואשד אז "נאך א מזל בלומינבערג איז געווארן אויס", כווייס נישט דורך וועמען... דו"ק ותשכח.

פארן ראש הקהל איך האף מיט אזא הסברה וועט ווערן הבנה מיט א איי

צייטליך פיין געשריבן

וועגן וועידזשעס איז ער גערעכט, בדרך כלל אין קרית יואל צאלט מען ווייניגער פאר א ארבעטער ווי אין וויליאמסבורג (און פאר א מיידל סעקרעטערי אסאך ווייניגער), אבער נישט ווייל מען צאלט ביליגער רענט, נאר וועגן די דימענד פאר דזשאבס איז העכער ווי אין וויליאמסבורג

--

איך האלט אז ניק ניק איז גארנישט געברעינוואשד, ער האט נאר ליב צו מאכן לעבעדיג, ביזדערווייל איז עס געלונגען מיט סוקסעס... אויך א מהלך..

צייטליך האסט מיר ארויסגענומען די ווערטער פון מויל, נישט ממש ווייל איך וואלט עס נישט אראפגעשריבן מיט אזא זאפט אבער אטא דאס בערך האב איך געוואלט זאגן.

אגב די פרייז פאר 5 רומיגע דירה איז שוין היינט ביי 2500-2700, פאר 2300 קען מען טרעפן אפשר א קליינע 5 רומיגע דירה אין וואס מ'דארף נאך אויפפיקסן אליינס.

---
דער עולם קנאקט

און אויף סקילמאן צווישן מירטל און פארק גייט אי"ה א פארפאלק צאלן $3100 א חודש פאר א פינף רומיגע דירה וואס איז ניטאמאל טויזנט סקווער פוס גרויס, נאך א געלונגענע ליציטאציע צווישן אפאר אידן

שנאפס האט געשריבן:
וועגן וועידזשעס איז ער גערעכט, בדרך כלל אין קרית יואל צאלט מען ווייניגער פאר א ארבעטער ווי אין וויליאמסבורג (און פאר א מיידל סעקרעטערי אסאך ווייניגער), אבער נישט ווייל מען צאלט ביליגער רענט, נאר וועגן די דימענד פאר דזשאבס איז העכער ווי אין וויליאמסבורג

ריכטיג. כ'האב עס געוואלט צולייגן. דהיינו, אז ביי די פרויען און מיידלעך איז יא דא א חילוק. אבער ביי אינגעלייט, אפילו אויב עס זאל זיין א חילוק איז דאס מיט א קליינע מינדערהייט (תהילים איד, איך צאל דיר ביליגער??? אבערוואס!...) און זיכער מאכט דאס נישט אויס לגבי די פרייז חילוק פון א דירה אין ווילי VS קר"י.

צייטליך האט געשריבן:

שנאפס האט געשריבן:
וועגן וועידזשעס איז ער גערעכט, בדרך כלל אין קרית יואל צאלט מען ווייניגער פאר א ארבעטער ווי אין וויליאמסבורג (און פאר א מיידל סעקרעטערי אסאך ווייניגער), אבער נישט ווייל מען צאלט ביליגער רענט, נאר וועגן די דימענד פאר דזשאבס איז העכער ווי אין וויליאמסבורג

ריכטיג. כ'האב עס געוואלט צולייגן. דהיינו, אז ביי די פרויען און מיידלעך איז יא דא א חילוק. אבער ביי אינגעלייט, אפילו אויב עס זאל זיין א חילוק איז דאס מיט א קליינע מינדערהייט (תהילים איד, איך צאל דיר ביליגער??? אבערוואס!...) און זיכער מאכט דאס נישט אויס לגבי די פרייז חילוק פון ווילי VS קר"י.

אינגערלייט און קר"י הייבן אן ביילייפיג ארום 12 טאללער א שעה!

שנאפס האט געשריבן:און אויף סקילמאן צווישן מירטל און פארק גייט אי"ה א פארפאלק צאלן $3100 א חודש פאר א פינף רומיגע דירה וואס איז ניטאמאל טויזנט סקווער פוס גרויס, נאך א געלונגענע ליציטאציע צווישן אפאר אידן

?????????

מאכט אבער ליידער סענס.

איך האב מיטגעהאלטן א מעשה 2-3 וואכן צוריק. א חבר מיינער האט פארדונגען אן אפארטמענט, געשריבן געהעריג קאנטראקט מיט א אינגערמאן. עטליכע טאג שפעטער איז געקומען א צווייטער און עס געוואלט דינגען, הערענדיג אז יענער האט שוין א קאנטראקט האט ער אנגעטראגן עקסטערע 10 אלפים! אז מ'זאל ברעכען קאנטראקט מיט יענעם און דאס גיבן פאר אים. קרעדיט גייט פארן לענדלארד וואס איז נישט פארלוירן געווארן פארן דאללער (סארי, צען טויזענט דאללער) און געהאנדלט ווי א מענטש.

צייטליך האט געשריבן:

שנאפס האט געשריבן:
וועגן וועידזשעס איז ער גערעכט, בדרך כלל אין קרית יואל צאלט מען ווייניגער פאר א ארבעטער ווי אין וויליאמסבורג (און פאר א מיידל סעקרעטערי אסאך ווייניגער), אבער נישט ווייל מען צאלט ביליגער רענט, נאר וועגן די דימענד פאר דזשאבס איז העכער ווי אין וויליאמסבורג

ריכטיג. כ'האב עס געוואלט צולייגן. דהיינו, אז ביי די פרויען און מיידלעך איז יא דא א חילוק. אבער ביי אינגעלייט, אפילו אויב עס זאל זיין א חילוק איז דאס מיט א קליינע מינדערהייט (תהילים איד, איך צאל דיר ביליגער??? אבערוואס!...) און זיכער מאכט דאס נישט אויס לגבי די פרייז חילוק פון א דירה אין ווילי VS קר"י.

פון אייוועלט איז נישט קיין ראיה, זיי צאלן ביליג פאר א ווילי אינגערמאן אויך...

צייטי, "טייערער" האסטו געוואלט שרייבן.. איא?

ניק ניק האט געשריבן:

זאלץוואסער האט געשריבן:איך מעג איבערפרעגן פון וואס מ'רעדט דא?

איז די שאלה טאקע צו די דירות פראבלעם עקזיסטירט?

יא מעגסט פרעגן און מיין ענטפער איז אז יא ס'איז דא א פראבלעם אבער ווייט ווייט נישט ווי דער עולם צייטונגען און בעלי דרשנים לייגן עס אראפ! ס'נישט דא קיין מגיפה אין שטאט ס'נישט עק וועלט מ'מאכט עס ערגער ווי ס'איז

דו האסט א גאר אינטערסאנטן פאזיטיוון צוגאנג צו די זאך. מיין שאלה איז צו דער צוגאנג איז ביי יעדע זאך? אדער נאר דא?

לאמיך פארשטיין!

א פראבלעם ווערט נאר א פראבלעם אויב ס'איז א מגיפה?

ווען חתונה געהאט קאפלעך דארפן דינגען האטעל רום'ס ווייל מ'מוז וואוינען אין וומ"ס.

ווען גאנצע משפחות דארפן זיך ארויסציעהן סובפינעד דורכן קאורט, און האבן נישט וואו צו גיין.

ווען א דירה קאסט 150% פון די אינקאם.

ועוד ועוד

איז עס כלל נישט א פראבלעם? אדער איז עס נישט קיין מגיפה? (ב"ה עס איז טאקע נישט קיין מגיפה, דאס איז א דקדוק און טייטש פראבלעם)

ועל כולם: ווען ס'איז דא א וועג וויאזוי גרינגער צו מאכן, און מ'קען ראטעווען אידן וואס האבן שוין פארלוירן דאס געזונט אויף דעם פראבלעם (מגיפה?) און מ'טוט עס נישט צוליב אומוויכטיגע אדער אפשר יא וויכטיגע אבער מינדערוויכטיגע אומבאקעוועמליכקייטן, איז נישט ווערד מ'זאל מעורר זיין דערויף? איז נישט פאסיג אז מ'זאל טוהן דערין און העלפן אידן זיך גרינגער מאכן?

...

לאמיך דיר א ווארט פרעגן:

ווען שליסל געלט איז געווען די פראבלעם (דו ווייסט וואס דאס איז אפילו?) איז עס דען געווען א מגיפה? סך הכל האט מען גערעדט פון אפאר דאללער... דו געדענקסט אפשר די קול קורא'ס פון די רבנים? די איסורים? די חרמות וקנמות? אפשר קענסטו מיר זאגן פארוואס דאס איז א קלענערע מגיפה, ווען מ'בעט אנשטאט 10 טויזנט דאללער שליסל געלט, 3 טויזנט דאללער רענט?

ווען אין דער אלטער היים איז געווען א פראבלעם מיט מייקרי שער, און אין די תשובות ספרים זעה מיר ווי מ'האט געהאלטן ביים אסר'ן עסן פיש אויף שבת, אדער קויפן אתרוגים פאר סוכות, אלעס צוליב מייקרי שער, איז עס דען געווען א מגיפה? פארוואס האבן אונזערע רבי'ס אזוי געפייערט און געשריבן אזוינע שארפע תשובות דערוועגן?

סך הכל איז יעצט דא א גרויסער פראבלעם ווען אין 3 סקווער מייל מוזן וואוינען 100 טויזנט משפחות און מ'קען נישט זיך רירן, מ'האט נישט קיין געלט צום לעבן, מ'מאכט חתונה קינדער ווערט נאר דער לאך גרעסער, איז נישט צייט צו טוהן עפעס תכלית דערצו?

וויליאמסבורג וועט נישט ווערן איסטסייד אבער אויב וועלן נאר די וואס קענען יא מופן קיין מאנסי לעיקוואד, מאנראו, בלומיגבורג, וכו', וועט דאס דען נישט געבן אביסל א שאקל אויף דעם יקרות? ווען די בוי מייסטער און קרקע אייגענטומער ווייסן אז ס'איז דא נאך א אפציע פון אוועק מופן, פליען נישט די פרייזן ארויף מיט אזא צובראכענעם קאנראל שטעקן. ודי בזה.

זאלץוואסער, געוואלדיג!

ס'איז ליידער א מגיפה און א פראבלעם!

צייטליך האט געשריבן:

שנאפס האט געשריבן:
וועגן וועידזשעס איז ער גערעכט, בדרך כלל אין קרית יואל צאלט מען ווייניגער פאר א ארבעטער ווי אין וויליאמסבורג (און פאר א מיידל סעקרעטערי אסאך ווייניגער), אבער נישט ווייל מען צאלט ביליגער רענט, נאר וועגן די דימענד פאר דזשאבס איז העכער ווי אין וויליאמסבורג

ריכטיג. כ'האב עס געוואלט צולייגן. דהיינו, אז ביי די פרויען און מיידלעך איז יא דא א חילוק. אבער ביי אינגעלייט, אפילו אויב עס זאל זיין א חילוק איז דאס מיט א קליינע מינדערהייט (תהילים איד, איך צאל דיר ביליגער??? אבערוואס!...) און זיכער מאכט דאס נישט אויס לגבי די פרייז חילוק פון א דירה אין ווילי VS קר"י.

נאכן שרייבן מיין פריערדיגע תגובה זעה איך אז איך בין דא אין א געווירבל פון גוט שרייבערס וואס האבן שוין מער ווייניגער ארויסגעברענגט מיינע פאר נקודות. איך וויל נאר מוסף זיין לגבי די וועידזשעס.

אין קרית יואל איז דא א חילוק אין וועידזשעס אין עווערעדזש נאר ביי די אינגעלייט גראד נאך די חתונה, און ביי אומעקספיריענסד מיידלעך. ביי די איבריגע איז כלל וכלל נישטא קיין חילוק...

איך קען דיר צייגן ווייבלעך אין קרית יואל וואס פארדינען דריי מאל וויפיל די עווערעדזש וויליאמסבורגע ווייבל פארדינט. (איך רעד נישט פון אויסנאמעס, איך רעד פון א שיינע צאל אזוינע)

און איך בין געקומען צו א החלטה: ניק ניק ארבייט פאר א בויער אין קרית יואל!!! נישט געקענט מאכן א בעסערן קאמפיין!!! קאדאס

wow wow wow
הרב צייטליך, האסט מיך נישט צוגעגרייט צו אזא תגובה, און נאך מיט אזא שארפקייט.... אבער לגופו של ענין זאגסטו אז די ווילסט דיך נישט טענה'ן, איך וויל אויך נישט איך האב שוין ציפיל צייט געפלאשט אויף די נושא, אבער לאמיר געבן איין טיפ וואס וועט שוין אפווארפן האלב פון דיין תגובה.
איך האב קיינמאל געזאגט אז ס'איז בכלל נישט דא קיין דירות פראבלעם אין וויליאמסבורג און אז ס'איז נישט ביליגער צו וואוינען אין קרית יואל, איך האב די ביידע זאכן קיינמאל געזאגט, די גאנצע וואס איך האב געזאגט איז אז מ'טרייבט שטארק איבער, און די טרייבסט אויך איבער, אויב איינער איז מיר גרייט צו צאלן קען איך צאמנעמען און אהער ברענגען קלארע בייווייזן וואס איז נישט מעגליך אפצופרעגן, ביז דערווייל קיפ אפ וויט יור מישין צו שרייען אז מ'צאלט אין ווילימסבורג 5000 דאלער פאר פיצילע דירות (לשון בעל דרשן אחד) בלא בלא בלא... און ווער ס'וויל גלייבן וואס "יעדער" זאגט און נישט אליין מאכן ריסורזש, זאל גלייבן געזונטערהייט.

-----------
זאלצו האקט
דיין איזז צו לאנג פאר מיר צו ליינען יעצט, צום ווידער זען מארגן אי"ה

נישט קיין מגיפה ח"ו; עס איז א געזונט פראבלעם; מען עסט זיך דאס געזונט.

ניק דו קריכסט אין וואנט אריין.

זאג, וואו וואוינסטו?

די קעפל פון די אשכול איז: פארוואס מופן פון וויליאמסבורג?

אינטערסאנט אז קיינער האט נאך נישט אויסגעשמועסט איינס פון די שטארקע סיבות פארוואס מ'דארף מופן, ווייל אלע גדולי ישראל האבן געהאלטן אז מען דארף זיך אוועקציען פון די ישיבת כרכים קשה מטעם אידישקייט און עס איז א מצוה צו פאלגן דעם דעת גדולי ישראל.

א איד האט מיר אמאל מסביר געווען אז ס'קען נישט זיין אז דער סאטמארער רבי זצ"ל האט געגרינדעט א שטעטל אז בחורים וואס ווערן דארט א איידעם זאלן זיך דארט באזעצן, ווייל לויט ווי מ'ווייסט האבן נאך דאן בכלל נישט געוואוינט קיין שווערס אין זיין שטעטל, ער האט עס פשוט געעפנט אז תלמידיו וחסידיו זאלן זיך אהינציען, און דאס האט אנגעהאלטן א שטיק צייט ביז עס איז געבליבן נאר פאר איידעמער. היינט צו טאגס צוליב דעם פראבלעם פון דירות ציען זיך יא אסאך עלטערע יונגעלייט ארויס קיין קרית יואל.
די זעלבע איז מיט אלע אנדערע ישובים וואס גדולי ישראל האבן מייסד געווען, סקווירא, טאהש, נייטרא, שיכון כתר אין מאנסי אא"וו.

לענינינו, פארוואס מופן פון וויליאמסבורג? ווייל אזוי איז געווען דער דעת תורה פון די גדולי ישראל וואס זענען געקומען קיין ניו יארק נאכ'ן קריג.