אידישע וועלט פארומס

עס איז מיר געווען אינטערסאנט צי זען א שנאר בריוועל וואס שלמה לייב וויינבירגער פין קר"י האט ארום געשיקט אז מען זאל ביישטייערן 10 דאלער, פאר זיין פלאן איינציפירען איינמאל פאר אלעמאל, די לאנג ערווארטעטע ביליגע חתונה סטאנדערט

איך טראכט אז זיין פלאן וועט זיך בדרך הטבע נישט אויסארבייטען, אין די נאנטע תקופה, בערך א 10 יאר ארום האט עס א בעסערע טשאנס ווי יעצט
{השם ירחם אויב אויב איך בין גערעכט, אבער בדרך הטבע קיקט עס אזוי אויס}

כולי עלמא מודה אז די היינטיגע חתונה סטאנדערט מוז זיך סטאפען ווי אומשנעלסטן, עס איז נישט דא קיין ספוק דערין 101 פראצענט מענטשן האלטן אזוי,
ווייל אפילו די וואס האבן ברייט געלט אין קענענן זיך יא ערלויבען די ברייטע סטאנדערט, ברעכן אויך אונטער פין די געלט גייער טאג טעגליך, ביי א איד א נגיד,
איז א ווינטער מוצ"ש פינקט ווי פורום ביינאכט, ממילא ער וויל שוין אויך מיטען גאנצן הארץ אז די פראבלעם זאל שוין געלעזט ווערן

אבער, עס איז לדעתי דא א גרויסע פראבלעם,
ווי באקאנט איז אונזער דור צי טיילט אין עטליכע שטאפלען, עס איז דא די בעבי בומערס, אין דערנאך איז דא די פערציג יעריגע וואס הייבען יעצט אן חתונה צי מאכען
בערך אזוי איז גייט עס, איז אזוי, די בעבי בומערס האבן שוין חתונה געמאכט רוב פין זייערע קינדער, זיי זענענן שוין אנגעזעצט, ביי זיי איז שוין די ענין פין פשיטת יד
נישט קיין שווערע זאך, ביי זיי איז מוראדיג שווער צי פועל'ן אז פינקט ביי די מזשניק'ס ביי די אינגעסטע קינדער, זאלן זיי זיך ברעכן, אין נישט טיען וואס זיי האבן געטיען ביי
די פריעדיגע קינדער, דהיינו בארגן, בעטען, געלט פינעם ציבור, עס איז דאך א בפירוש גמרא {לויט זיי..} לעולם אל ישנה אדם בין הבנים, ביי זיי איז עס שוין ווי א טראדיציע
אין עס וועט זיין ביטער שווער עס צי טוישען... אויב עס איז בכלל מעגליך.. זיי זענענן שוין אימיונט דערצי

ווידער די אינגעלייט וואס הייבען יעצט אן חתונה צי מאכען. די ערשטע קינדער. זיי האבן נאך עפעס פאר די ערשטע צוויי קינדער, אדער האבן זיי נאך פין ווי צי בארגען פאר
די ערשטע צוויי קינדער, זיי שפירען נאך נישט אויף די אייגענע פלייצעס וואס זייערע עלטערן שפירען נאכן חתונה מאכען פינף זעקס קינדער, ממילא זענענן זיי נאך נישט גרייט
צי מאכען די דראסטישע שניום וואס שלמה לייב וויל איינפירען, ווי למשל, נישט קויפען פורניטשער, נישט מאכען שבת באווארפן/שבע ברכות, נישט קויפן געהעריג האזווער, וכדומה וכדומה
זיי וועלן ערשט זיין גרייט דערצי ווען זיי וועלן גיין געבראכן, פינקט ווי א דור פריער,

פארשטייט זיך אז א יעדע זאך האט א יוצא מן הכלל, אין איך זאג נישט אז יעדער איז אזוי אבער 70 פראצענט מענטשן טראכטען אזוי,
אדער עט-ליסט 60-50 פראצענט מענטשן, ממילא וועט פעלן די ווינט אין קוראזש איינציפירען זיין חתונה סטאנדערט, אין אן דעם אז 80-90 אדער עט-ליסט 75 פראצענט פינעם עולם זאל מיטשטיין דערמיט פינעם ערשטען טאג, וועט עס נישט אדורוך גיין

ענדליך האסטו געעפנט א דעבאטע אין וועלכע איך קען מחולק זיין מיט דיר...
איך האב א לענגערע הסבר פארוואס איך האלט אז ס'קען דייקא יא מצליח זיין, והשטריימל רעוואלוציע יוכיח, אבער כ'האב נישט יעצט קיין צייט פאר קיין אריכות.
ר' שלמה לייב האט ספעציעל ארויסגענומען די קאנטערווערסיאלע חלקים פון זיין נייעם פלאן, דאס וואס ער האט געהערט פון מענטשן אז מ'קען עס נישט דורכפירן. ער האט איבערלאזט נאר א חלק דערפון, וואס רוב מענטשן האבן געזאגט אז מ'קען יא דורכפירן, און ער האט גערעדט צו אלע מיני מענטשן.

איז נישט דער וויינבערגער דער זעלבער וואס האט שוין אמאל איבערגדרייט א שטאט איבער עפארדעבעל חתונות? איז ער אויפגעשטאנען תחית המתים? הלוואי
מאשקע, וואס איז דאס שטריימעל רעוואלוציע?

יא, דער זעלבער וויינבערגער, און ער דרייט נישט איבער פריש, דאס איז נאך א המשך פון דעמאלטס. פארשטייט זיך אז אזא גרויסע פראיעקט דויערט א לאנגע צייט צו פארענדיגן, און יעצט האלט ער ביי די לעצטע שריט ב"ה.
*
דו פרעגסט וואס איז דאס שטריימל רעוואלוציע? לייענסט נישט קיין צייטונגען?

די שטריימעל רעוועלאציע איז א זאך וואס בחורים אליין האבן געמאכט צווישן זיך אין ישיבה, די שטריימלעך פרייזן זענען ארויף אין די לעצטע פאר יאר מער ווי די דירות.., יעדעס יאר מיט בערך דריי אדער פיר הונדערט דאללער, און די בחורים פון עטליכע ישיבות האבן זיך צוזאם גענימען און אינטערגעשריבן אז זיי גייען נישט קויפן פאר זיך מער ווי איין שטריימעל פאר די פרייז פון $1200 די פרייז פון א רעגן שטריימל, אין די צייט וואס די געהעריגע שטריימלעך קאסטן די פרייז פון $3800, פלאס א רעגן שטריימל פאר די אויבערדערמאנטע פרייז,
פארשטייט זיך אז נישט אלע בחורים האבן אינטערגעשריבן, אבער א שטארקע ווינט איז דא, און א גרויסע פראצענט האבן שוין אינטערגעשריבן,

יעצט בנוגע שלמה לייב'ס פלאן האלט איך, ווי מאשקע, אז עס קען זיך זייער גוט אויסארבייטן, און ס'מיז נישט זיין אז יעדע זאך ממש וועט זיך אויסארבייטן וויאזוי ער וויל, עס קען זיין אז עס וועלן בלייבן לעכער דא און דארט, אבער עס וועט דראסטיש רעדעצירן די הוצאת החתונה.

מאשקע האט געשריבן:ענדליך האסטו געעפנט א דעבאטע אין וועלכע איך קען מחולק זיין מיט דיר...

איך האב א לענגערע הסבר פארוואס איך האלט אז ס'קען דייקא יא מצליח זיין, והשטריימל רעוואלוציע יוכיח, אבער כ'האב נישט יעצט קיין צייט פאר קיין אריכות.
ר' שלמה לייב האט ספעציעל ארויסגענומען די קאנטערווערסיאלע חלקים פון זיין נייעם פלאן, דאס וואס ער האט געהערט פון מענטשן אז מ'קען עס נישט דורכפירן. ער האט איבערלאזט נאר א חלק דערפון, וואס רוב מענטשן האבן געזאגט אז מ'קען יא דורכפירן, און ער האט גערעדט צו אלע מיני מענטשן.

קודם, וואס איז די גרויסע שמחה אז די קענסט שוין מחולק זיין מיט מיר??- דשאסט קידניג

נעקסט, כמוך כמוני וויל איך אויך זייער שטארק אז עס עס זאל אדורוך גיין, איך טראכט נאר אז עס איז נישט די רייט טיימיניג דערפאר
אבער דאס וואס די זאגסט אז ער האט געטוישט זיין גאנצע פלאן, אין ער האט ארויסגענימען די חלקים וואס ער האט געהערט פון מענטשן אז מ'קען עס נישט דורכפירן,
דאס איז שוין נייעס פאר מיר, איך האב נישט געהערט דערפין, די גאס שמיסט נישט דערפין, ממילא קען גאר זיין אז איך בין גאר נישט מחולק מיט דיר,

די שמחה איז פשוט, ווייל דאס איז דאך דער ציל פון א דעבאטע. ביי די פריערדיגע דעבאטע האב איך געמוזט מודה זיין צו דיר, ווייל ביזט דאך געווען גערעכט...
*
די גאס גייט שמועסן דערפון בקרוב, נאכדעם וואס ער וועט ארויסשיקן זיין פלאן אויף די פאסט.
*
מיט דיינע לעצטע ווערטער "ממילא קען גאר זיין אז איך בין גאר נישט מחולק מיט דיר", האסטו אפגע'הרג'עט מיין ערשטע שורה פון די תגובה...

פפםם

איך בין א שטיקל אפיקורס אין דעם וועג וויאזוי די מערכה ווערט געפירט, און איך בין גאר שטארק איבערצייגט אז איך בין 100% גערעכט. (אזויווי אלעמאל...)

א שטריימל רעוואלוציע האט געקענט מצליח זיין ווייל בחורים האבן עס געמאכט, עס האט אויפגעשאסן ווי א באמבע, די בחורים האבן נישט געפרעגט קיינעם. "מיר זענען דא מיט א פארטיגע זאך, ווער עס וויל נישט זאל זיך שטעלן אויפן קאפ". פארשטייט זיך אז דאס שלעפט צו מענטשן.

די מערכה פון "עפארדעבל" ווערט געפירט מיט ציטער און אנגסט, פון וועם ציטערט מען? ליין גוט! מען ציטערט פון דער "יעדער" וואס דער עפארדעבל קומט אראפווארפן, אטא דער "יעדער" פון וואס מען טאר נישט ציטערן, דער "יעדער" האט יעצט די הויפט ווארט ביי די עפארדעבל חתונה פלאן. יעדעס ווארט ווערט געמאסטן און געוואויגן, דאס וועט דער עולם יא זיין צופרידן, דאס נישט. דאס וועט "יעדער" מסכים זיין, דאס נישט.

קאם אן!!!

איך זעה נישט קיין שום פלאן אויף דעם מהלך אז ווען למעשה קומט מען שוין ארויס מיט א רעוואלוציע וואס עס שטימט מיט דער "יעדער" זאל עס קענען מצליח זיין, ווייל נאכאמאל, ווער איז דער "יעדער" וואס גייט אנפאנגן? וויאזוי גייען טויזנטער מענטשן אויפאמאל מסכים זיין צו עפעס ווייל הרב וויינבערגער האט געזאגט די ווארט "אקעי, מען קען שוין פארן"...?

אלא מאי? ערווארטעט ער אנצוהייבן מיט הונדערט "נחשונים". נו? דאס איז נישטא יעצט?

מען ציטערט אזוי פון דער יעדער, און איך (מיט די ניגון פון און איך, לוי יצחק בן שרה סאשע זאגט) שריי אויס: יעדער איז מסכים, מען הערט מיך? יעדער איז מסכים!

מען דארף מאכן א מיטונג פון אטא די הונדערט נחשונים וואס האבן א חתן כלה אין שטוב, יעצט! היינט מיטוואך נאכט! זאל זיך איינער א פעסטע רעדנער אויפשטעלן און מיט הארצרייסנדע בכיות זיך בעטן צו זיי בכל לשון של בקשה! עיני כלל ישראל איליכם תלויית! עטץ זענטס מסכים נאר מען וויל נישט זיין אליין, יעדער איינער פון דא טראגט א געוואלדיגע שווערע פעקל אויף זיין פלייצע, אויב האבן מיר נישט פון אייך היינט נאכט א חתימה איז די זאך פארפאלן לעולם ועד! נו?

די וועג וויאזוי זיי זאלן אויסשטעלן די עפרדעבל חתונה פלאן זאל בכלל נישט זיין געוואנדן אין זיי, מען זאל קומען צו זיי מיט א פארטיגע פלאן. די פלאן זאל זיין אויסגעהאלטן מיט וואס עס איז שייך צו טון במציאות, און נישט מיט וואס "יעדער" איז מסכים.

אזוי, און נאר אזוי האט דער שטריימל רעוואלוציע מצליח געווען, און גייט ווייטער מצליח זיין בעזה"י. ווייל בחורים האבן ברוך השם נישט די פראבלעם פון יעדער, זיי פרייען זיך אז עס איז דא א מצב פון זיי, מען באשרייבט עס אין די צייטונגען. און אז דער בחור קומט צום מחותן אז דאס איז די פלאן! אזא שטריימל קויפט מען! איך ציטער נישט פון קיינעם! טאנצט דער מחותן ביזן הימל.

איינער האט געמאכט א גוטן פאינט.

די חתנים האבן געמאכט א רעוואלוציע מיט זייער שטריימל.
מיטן שטריימל גיייט מען יעדן איינציגן שבת ויום טוב
מיט'ן שטריימל גייט מען צו אלע שמחות פון קרובים
און דאס שטריימל טראגן מען יארן לאנג געזונטערהייט

און דאך האבך עטליכע בחורים באוויזן צו שפארן פאר די עלטערן פונעם שוטריימל, פון די אמאליגע 3,500 ביז 12,00

איצט, לאמיר מאכן דעם חשבון פון די קליידער פון די כלה.

די ערשטע איז די טייערע כלה קלייד (גאון בלע"ז)
דאס טראגט מען בערך 8 שעה.
דאס האט מען מער בעז"ה קיינמאל מער נישט אן אויפן גאנצן לעבן
דאס קאסט בערך 2,000 דאלאר, פאר איינמאל טראגן.

פארוואס זאל זיך די כלות נישט אפלערנען פון די חתנים, מיט וועמען זיי גייען אי"ה אויפשטעלן א אידישע שטוב?

ניין מאשקע איך האב עס נישט געזעהן אין קיין צייטונג, אבער פארוואס דייקא שטריימלעך? איז נישט פארשווענדערישע שבת באווארפען און טייערע שבע ברכות'ער א גרעסערע אויסגאבע? א שטריימעל האט מען אן יעדען שבת. ליבערשט זאל מען אנהייבען מאכען תקנות וואס טוט נאר עפעקטען אזוינע הוצאות וואס האט נישט קיין לאנג טערמיניגע ניצען.

אז עס האט אים געדויערט אזוי פיל יארען צו פארענדיגען די פלענער, איז צום האפען עס וועט זיין א דבר השוה לכל נפש און עס זאל געקרוינט ווערען מיט סוקסעס.

נאטורליך, הוא הדבר אשר אלץ ווייסער דיברת,

אבער אז מ'ארבייט שוין אויס א פלאן, ארבייט מען אז די גאנצע באלון זאל פלאצן. און חוץ דעם, דאס האבן די בחורים פאר זיך אליין אפגעמאכט, די אנדערע זאכן ליגט איין די הענט פון זייערע עלטערען.

איך האב שוין געשריבען אין א אנדערען אשכול, אפשר קען מען מחולק זיין . לענ"ד קען מען נאר מאכען א רעועלאציע דורך זיך צוזאם נעמען א גרופע חברים ווי למשל א כיתה אדער ידידים פון א שוהלעכל וכדו', אזעלכע וואס זענען אין די ערשטע פאזע פון טוען שידוכים.
זיי זאלען זיך מאכען תקנות און איינהלטען מיט אנטשלאסענקייט, רייך און ארים, עס וועט ווערען א קול בשוקא און ממנו ילמדו ויעשו.
אז א מאן דהוא שיקט ארויס קונטרסים איז עס נישט אנדערש ווי דער ווינא רב וואס רעדט ביים פרק.

איך וועל פרונירן אריינצולייגן מיינע פאר סענט.

דע פלאן פון עפארדעבאל איז נישט ניי, ווער עס געדענק די ערשטע קונטריסים וואס ר' שלמה לייב האט ארויסגעשיקט, וועט זיכער געדענקן ווי ווירד עס איז געווען,
און יענטץ האט זיך נישט געהאלטן ביים איינגעבן ביים ציבור, וואס ער האט געטוען דורכאויס די צייט איז אזוי, ער איז /געשיקט שליחים צו אלע געגענטן און חסידות'ער
און געשמועסט און דורכגעשמועסט וואס אין ווי אזוי מען קען יא עפעס אויסארבעטן, און דאס האט מען צוזאמען געקליבן, און פון דעם איז ארויסגעקומען די אטא נייע קונטרס.

איז אזוי, איינע פון דו הויפט פראבלעמען איז/איז געווען אז די עלטערן זענען מורא'דיג געטריי פאר זייערע קינדער, אפילו מען האט נישט, מען דארף זיך בארגען, און ליידער פילע מאל
מיינט עס קאטאסראפע, ווי א הארץ אטאקע ה"י.

אבער וואס טוט מען נישט פאר די קינדער, נאכדערצו ווען עס איז פון די יונגערע, זענען די עסקנים אויפגעקומען אז מען ברויך אנפאנגען מיט זיי, ד.ה. מיט די חתנים און כלות,
און אז זיי וועלן מסכים זיין נישט אלעס צו האבן, נאך מער, זיי וועלן זאגן לא מיט אן א' וימאן, איך וויל נישט קיין איבעריגע געלד אויסברענגעריי, וועט די זאך אויטאמאטיש ווערן געסעטלט,
ווייל דו עלטערן ע"פ רוב טוען דאך עס נאר פארן קינד, און אזוי האט מען נישט קיין פראבלעם מיט חבירים שכינים וכד' ווייל מען האט דאך א גוטע תירוץ, מייו בחור/כלה לאזט נישט, צו וויל נישט.

איי וועט עטץ דאך אלע ברימען, וואס האט די שטריימעל רעוואלוציע מיט ר' ש"ל? האב איך פאר אייך גרויס נייעס, אז ער איז די גאנצע גרינדער פונעם רעוואלאציע. און אזוי האט ער געטעסט דעם עולם,
און ב"ה עס האט זיך זייער גוט אויסגענומען ביים עולם, מען זעהט אז דער עולם האלט דערביי, 'ען מען, און מען וועט גיין ווייטער,

ובעזרת השם נעשה ונצליח.

און נאך איין ווארט (צו דיר, גרויזאמער, בעיקר):
ער האט שוין יא נחשונים! און נישט הונדערט, נאר אסאך מער! ווען שלמה לייב וויינבערגער נעמט זיך עפעס אונטער, פירט ער עס אויס!

נאטורליך האט געשריבן:ניין מאשקע איך האב עס נישט געזעהן אין קיין צייטונג, אבער פארוואס דייקא שטריימלעך? איז נישט פארשווענדערישע שבת באווארפען און טייערע שבע ברכות'ער א גרעסערע אויסגאבע? א שטריימעל האט מען אן יעדען שבת. ליבערשט זאל מען אנהייבען מאכען תקנות וואס טוט נאר עפעקטען אזוינע הוצאות וואס האט נישט קיין לאנג טערמיניגע ניצען.

סא'יז נאטורליך צו כאפן וואס מ'קען און דאס נוצן פאר אן התחלה, אויב שטריימלעך האט אויסגעזעהן דורכפיהרבאר דארף מען דאס נעמען אלס אן עקזעמפל וכך הוה וממנו ילמדו וכן יעשו.
דער חידוש ביי די שטריימליך איז געווען אז בחורים (נישט חתנים) אפי' פון פארמעגליכע שטיבער האבן אינטערגעשריבען אז זיי וועלן זיך צושטעלן צום רעוואלאציע, נאך די חתונה קען שוין יעדער קויפן וואס מ'וויל דער עיקר איז דער סטאנדארט זאל זיין עפארדעבל.

עס איז גאר א חשובע זאך, איך בין עס שטארק מוקיר.
וועלכע בחורים מעג איך פרעגען? איז עס סאטמאר? פשוט פאר אינטערסאנטקייט.

אנגעהויבן האט עס סאטמארע ישיבה און קרית יואל, און עס האט זיך אריבערגעכאפט צו 6 אנדערע ישיבות און אויך סאטמאר וויליאמסבורג.

און מיינע צוויי צענט איבער דער נושא איז אזוי:
קודם, צום אלעם ערשט בין איך ביי דער מיינונג, אז איינער וואס מאכט נאך נישט חתונה קיין קינדער, אזוי ווי מיר אלע, רעדן פון דעם ענין בלויז פון ידיעה און נישט מציאות אויס. רעדן פון אן ענין וואס מ'קען דאס בלויז טעארעטיש, קוקטט מיר פאר אזוי ווי איינער וואס האט דורכגעלערנט גוט הלכות שחיטה, ער קען יעדן תג וקץ, אבער ער האט נאך קיין בהמה פאר זיינע אויגן נישט געזען און חלף און זיין לעבן נישט געהאלטן אין דער האנט. כלומר, ער קען אריינרעדן אינעם הלכה'דיגן חלק פון דער נושא, ווייל דארט איז ער וואו אין דערהיים, ווי א תלמוד חכם, אבער בעת עס רעדט זיך פונעם פאקטישן חלק פון שחיטה, צו דעם דארף מען שוין זיין א פאקטישער שוחט נישט קיין תלמוד חכם. דאס זעלבע איז ביי די חתונה פלענער, מיר קענען רעדן און רעדן, אויפקומען מיט איינפעלער וואו און וואס צו שפארן, ס'זאגט זיך גרינג, אבער אלעס ביז ס'קומט צום פאקטישן חלק, וואס דאס מיינט אין אונזער פאל - ווען מען הויבט אן אין פאקט חתונה צו מאכן קינדער און מ'שפירט דאס אויף די אייגענע הויט.

לדעתי, איז דאס איינע פון די דורכפעלער פון דעם הרב וו"ב, דער ערפינעדער פונעם פלאן. היות ער איז נאך א יונגערמאן, און ער שפירט דאס נישט אויף זיינע אייגענע הויט, דעריבער האט ער ארויסגעריקט אומעקצעפבארע פלענער, ער האט געשאסן אויף רעכטס און לינקס נישט נעמענדיג אין באטראכט וואס יא און וואס נישט, וואס דאס האט צום סוף געפירט זיינע פלענער צו א דורכפאל.

זאג, דו ווייסט מיין יארגאנג אז דו רעדסט אזוי ברייט?

זארעכפעפער האט געשריבן:
לדעתי, איז דאס איינע פון די דורכפעלער פון דעם הרב וו"ב, דער ערפינעדער פונעם פלאן. היות ער איז נאך א יונגערמאן, און ער שפירט דאס נישט אויף זיינע אייגענע הויט, דעריבער האט ער ארויסגעריקט אומעקצעפבארע פלענער, ער האט געשאסן אויף רעכטס און לינקס נישט נעמענדיג אין באטראכט וואס יא און וואס נישט, וואס דאס האט צום סוף געפירט זיינע פלענער צו א דורכפאל.

דער הרב וו"ב ווי יונג ער זאל זיין איז ער געווען דער ערפונדער פון מנוחת הנפש, און ער טוט שוין און די ענין פון חתונה מאכן אן ערך פון 10 יאר, מיט טויזענטער מענטשן שוין געהאנדלט איבער דעם נושא פון חתונה מאכן, און ער ווייסט היבש וואס טוט זיך און דעם נושא.

דאס וואס די זאגסט אז "ער האט געשאסן אויף רעכטס און לינקס נישט נעמענדיג אין באטראכט וואס יא און וואס נישט", איז נישט ממש אזוי , ווען ער האט געשיקט דעם רעפערענדום דאס איז נישט געווען זיינע פלענער, נאר ארויס געברענגט אלע אפשין'ס וואס עס איז דא און זעהן וואס דער עולם וויל. און יעצט ב"ה ווייסט ער שוין פונקטליך וואס דער עולם פארלאנגט און ער נעמט גאר גוט און באטראכט וואס יא און וואס נישט.

וואלדעק:
האב איך דען מחולק געווען אין דעם אז איז געווען דער גרינדער פון די אלע פלענער? איך האב בלויז ארויסגעברענגט אן אפשאצונג פארוואס זיינע פלענער זענען דורכגעפאלן. זאגסט אז ער האט זיך דורך גערעדט מיט פרישע מענטשן און דאס קומענדיגע וועט יא דורכגיין, קען זיין, לאמיר האפן, ונזכה ונחיה.

איך פערזענליך בין נאך עטוואס סקעפטיש דערצו, מחמת מיין אויבנדערמאנטער טעם, נעמליך, ער האלט נאך נישט אין די יארן. ער מעג הערן עצות פון צענדליגער מענטשן קומט דאס נאך אבער נישט צו צום פאקט פון דאס צו שפירן אויף די אייגענע הויט.

ווען דאס זאל למשל אנפירן אן עלטערער אינגערמאן, און אפי' מיט ווייניגערער עקספירענס פון זיך דורך רעדן מיט אזויפיל מענטשן, וואלט די זאך גאר אנדערש געפארן.

1. די שטריימל רעוואלוציע איז קלאר נישט קיין בחור'ישע אקציע (ווי 'גרויזאמער' וויל עס אראפמאלן), עס איז געשטופט און געפירט געווארן פון די הויכע אינסטאנצן (איינער שרייבט דא פון ר' של"וו, איך ווייס א פאל וואו ר' משה דייטש פון קרן עזר האט עס געפירט), הכלל, עס איז ווארשיינליך אן אינטעגראלע טייל פונעם אלגעמיינעם פלאן אראפצוברענגן די הויכע חתונה קאסטן, שריט ביי שריט, שיך ביי שיך.

2. איך פארשטיי נישט זארעכ'ן ווי געהעריג, פונקט ווי איינער וואס האט נישט קיין קינדער ל"ע קען אנפירן די ארגעניזאציע בוני עולם, אזוי קען א יונגערמאן (הגם ער איז כלל נישט 'יונג') אנפירן מיט א חתונה פלאן. מען מוז נישט האבן פיזיש דורכגעגאנגען א הארץ אטאקע צו וויסן אז עס טוט וויי און אנווענדן אלע מיטלן דאס צו פארמיידן.

3. איך וואלט פארגעשלאגן אז די רעוואלוציע זאל זיך ווייטער ציען צו 'פורניטשור'. פערזענליך, האלט איך ביים נעמען א האק און צוהאקן אלע מיינע צען-צוואנציג טויזענט דאלער'דיגע שטאפיר 'מעבל', אויב זאלן ארויסקומען אפארדעבל, שטאנדהאפטיגע, דויערהאפטיגע, שענקלעך וואס וועלן איינגעפירט ווערן אלס סטאנדארט ביים היימישן עולם. איך וועל מיט מיינע 'טשיינע קלאזעט' און 'ארמאר' ברעטער אונטערהייצן דעם פייער אויף ליע קארנער בעדפארד וואו אלע וויליאמסבורגער פאנאטיקער וועלן קענען קומען אריינשליידערן זייערע לוקסעריעזע פורניטשור וואס האבן פארשטאפט זייערע עלטערן'ס אדערן בעת זיי האבן אנגעשטאפט די איטאליענער פאבריצירער'ס טאשן.

קרעמער, פארברען זיי נישט איך בעט דיך. ניץ עס פאר די סוכה ברעטער אדער פאר'ן קומענדיגע עבודה זרה שייטעל פייער.

וואס אזוי שווער צו פארשטיין. צו וויסן וואו און וואס צו שפארן, וועלכע זאך מ'קען אויסמיידן ביים חתונה מאכן און וועלכע זאך נישט, מוז מען דאס קודם שפירן אויף די אייגענע הויט. מען דארף דאס האבן דורכגעגאנגען פיזיש צו קענען ריכטיג אפשאצן איזה מהן עדיף, ומי קודם למי.

למשל איינע פון זיינע איינצוימונגען איז געווען, מ'זאל נישט רופן אלע געשוויסטער צו שבת שבע ברכות. זאל ער מיר אנטשולדיגן, דער קלימאקס פון א יודישע שמחה איז אלעמאל געווען דאס השתתפות פון א משפחה, ווער דען זאל זיך באטייליגן אין א אידישע שמחה אז נישט די משפחה? וואס דען איז פשט פון א שמחה אויב נישט השתתפות המשפחה? דאס קומט גאנץ זיכער ווייל ער איז נאך נישט געווען קיין מחותן...

במקום ווען מ'רעדט פון שפארן זאל ער רעדן פון זאכן וואס קאסטן באמת אין די תוהומות אריין, און זענען באמת איבעריג. למשל, א גראמער. אן אריינצוגיין אין דאס אומוויכטיקייט דערפון, וואס רוב באטייליגטע האבן נישט קיין געדולד דערצו, און אפי' די מחותנים זעלבסט אויך נישט, אבער וואס איז דען שלעכט אז מ'נעמט איינעם זאל אויסגראמען, פאר ח"י צאל, פון א צעטל, די כגפן פורחת, מיט אסאך יודיש נחת, ציען דעם קייט, געזונטערהייט, וכו' וכו'. נאך וואס מוז מען צאלן פאר דעם שווענדערישן מעשוגאס טויזנט צו צוויי טויזנט דאלער? ווער האט הנאה דערפון? וואס בלייבט דערפון ממחרת החתונה?

און אזוי ווייטער איז דא צענדליגע און צענדליגע זאכן, וואס בשעת מ'מאכט חתונה שפירט מען דאס פיזיש ווי שווערע צענדליגע טויזנטערס ווערן פארשווענדעט פאר שטותים והבלים, וואס דאס וואלט מען פיל גרינגער געקענט צוימען.