אלד וויליאמסבורג האט געשריבן:רב היפאקריט די ביסט זייער גערעכט אבער נאכמער אומגערכט, קיין פאקטישע\פראקטישע פלאן האסטו נישט פארגעשלאגן
קודם שלום עליכם רעב אלד וויליאם, שוין לאנג נישט געשמועסט, וויאזוי איז די וועטער ביי אייך?
איך האב געפרעגט א שאלה מער ווי פארגעשלאגן א פלאן, אין איין ווארט איז מיין שאלה "פארוואס הייסט דער אדער יענער א גוטער בעל מכשיר?" פארוואס? מאן גברא רבה קא מסהיד עליה?
אלד וויליאמסבורג האט געשריבן:א רב איז נישט קיין קאמפיוטער און ארבעט נישט מיט קיין אלגאריטעם פארגעשריבן דארך ביל געיטס, סאיז דא זייער אסאך שיקול הדעת אינוואלווד, וואס ווילסטו ער זאל דיך פארלייגן א טשארט נ"ט בר נ"ט פלאס אינו בן יומו איקוואלס הפסד מרובה, עירוי כלי ראשון מיינאס כבוש כמבושל איקוואלס בדיעבד, ס'ארבעט נישט אזוי. אפילו א פשוטע זאך ווי א משגיח תמידי איז תלוי בשיקול הדעת, אין איין פלאץ האב איך מיטגעהאלטן ווי מען האט אויפגענימען אן ארבעטער אין א פעקטארי נעבעך א קאליקער בחור וואס איז שוין געווען עטוואס אויפן וועג צוריק, מעג מען אים לאזן אנצינדן פייער אליינס, סאיז געווען דיני איסור והיתר צוזאמען מיט דיני נפשות. יעדער משגיח וואס איז אביסל א בר דעת קען דיר אויסרעכענען טויזנטער אזעלכע זאכן.
ומשום כך איז זייער שווער פאר א רב המכשיר ארויסצושטעלן זיינע פרינציפן אין פאבליק.
פארשטיי איך נישט פונקטליך אייער שטעלונג, ווען איך פרעג דעם דיין א שאלה קען ער מיר מסביר זיין אז דאס איז א שך אדער א ט"ז, אדער אז ער האט אזוי מקבל געווען פון זיינע רביס ביי אזא פאל. וואס איז אנדערש מיט כשרות?
אבער מיין שאלה איז נישט דאס געווען, נאר, פארוואס איז דער שטענזלביסקר רב שליט"א אנגענומען צו זיין א גוטער בעל מכשיר? ווייל אזוי זאגט ער? אדער זיין שכן אדער קרוב טראגט אים ארום? פשוט עלובה עיסה?
און פארגעסט נישט, אלע ווייסן צו זאגן אז מען דארף א מומחיות פאר אזא פאזיציע, נישט נאר דארף מען קענען לערנען, טא, וואו איז זיין כתב קבלה? און פון וועם?
אלד וויליאמסבורג האט געשריבן:אין דעם אנדערן אשכול האט איינער דערמאנט חברה מבקשי הכשרות פון מאנסי, בשעתו האט ר' הערשל פריעדמאן זיין אינטערוויאט אויף קול מבשר, אזא פארקריפלט צוגאנג איז ממש נישט שייך, למשל זיי האבן ארויסגעלייגט רעקמאנדעישאנס אויף בעקעריס, און ער איז מסביר דארט די פראבלעם פון נעמען חלה פון ספאנדש קעיק, און אשר על כן איז די חשובסט בעקערי די וואס נעמט חלה צוויי מאל פאר די קעיק איז געבאקען און נאכדעם נאכאמאל, און והא ראי' די עדה החרדית טוען אויך אזוי וכו', מען דארף דאך האבן אביסל שכל דאס איז נאר חלת חוץ לארץ, וואס מען מעג עסן און נאכדעם מפריש זיין, גייסטו נעמען א עקסטרעמע משוגעת פון א בעקערי און אים מאכן טאפ רעיטעד, און מארגן מוזן אלע בעקעריס נאכטאנצן איינעמס שגעון, ווייל אויב נישט וועלן זיין צווייטע קלאס.
נישט אינגאנצן מענין שאלתינו, אבער לענין תשובתך וועל איך מגיב זיין אז דע שיגעון איז אולי עטוואס בעסער ווי די איצטיגע סעלף קאנטארלד אינדאסטרי. אדרבה, חברה מבקשי כשרות וועט מעורר זיין איבער חומרות אין חלה, און דער רב זאל ביטע ענטפערן אז היות ס'איז חלת חו"ל ברויך מען נישט מחמיר זיין. (אגב מען דארף נישט אביסל שכל, מען דארף פשוט ווייסן...)
אלד וויליאמסבורג האט געשריבן:די אמת איז די גאנצע ווערים משוגעתן ליידער קומט פון אזעלכע משוגעים וואס מאכן א טומעל, און קיין איין רב המכשיר וויל זיך נישט אריינלייגן אין א קראנק בעטל, רוב ווערים חומרות זענען באמת מותר מן הדין קיינער וויל זיך נישט ארויסשטעלן מתיר זיין קיינער וויל נישט הייסן די קל, איך האב געהערט א דרשה פון א רב המכשיר ווי ער האט אטאקירט א צווייטן רב המכשיר פארוואס ער גיט א הכשר אויף וויילד סעלמאן, והרי הרב וואזנער האט אינטערגעשריבן א צעטל אז מען טאר נישט, בשעתו האב איך נישט געקענט פארשטיין, התורה מנחת בקרן זוית דער רב האט רעכט פונקט ווי רוב רבנים וואס האלטן נישט אז דאס איז א פראבלעם, וואספארא מין אטאקע איז דאס? נאר וואס דען מארגן וועט דער רב זיך נישט זיכן קיין צרות, און מיט דעם אלעם ווען סקימט אים אינטער די שאלה בין תנור וכיריים וועט ער מתיר זיין, און ער איז גערעכט אויך, און ער קען דאס נישט דיסקלאוזן..
יש לדון בכ"ז, ואולי עוד חזון למועד. אבער לענינו ענפערט עס נישט קיין סאך. איר מיינט אוואדע נישט צו זאגן אז דאס איז פשוט זייער א טריקי אינדוסטרי און מען קען נישט פארציילן די סודות פון חדר... אבער נניח אז ס'איז אזוי זאל ער מיר קודם ווייזן זיין דיפלומה... אבער דא עקא אז אין כזה דבר
אלד וויליאמסבורג האט געשריבן:יא די סייד עפעקט איז אז יעצט ווייסטו נישט קיין חילוק צווישן ווער סאיז גוט און ווער נישט, דאס איז א ערענסטע באג און סאיז דערווייל נישטא קיין פיקס צו די פראבלעם.
איר זעט דאס אלס סייד אפעקט פון איבערגעטריבענע חומרות? עפעס לייגט זיך דאס נישט אויפן שכל. אבער נניח אז יא, איך זע דאך אז מען ווייסט יא ווער ס'איז גוט און ווער נישט, און פרעג טאקע מנא לן הא? פון וואנעט ווייסט מען דאס?
אלד וויליאמסבורג האט געשריבן:איך וועל דיר געבן א זייטיגע דוגמא, אין וומסב"ג איז געווען א באוויסטע פרשה פון א רעסטוראנט וואס האט איינגעזאלצן זיין רב המכשיר ובניו צוליב וועלן אראפנעמען די הכשר אין די צייט וואס דער אייגענטומער איז געווען פארוויקלט אין א שמוציגע פרשה, ווען די רב המכשיר האט א בוק מיט רולס קען דער רשע מאכן ציפקע צרות, דער שופט וועט זיין דער גאנצער מחליט אויב דער רב המכשיר מעג אראפ נעמען א הכשר, אזוי אז סאיז מפה להויזנטאש איז די זאכן פיל מער קאמפליצירט.
די דאזיגע שורה האט מיך בשעתו געמאכט שפרינגען.. אזויצוזאגן. ערשט איז עס ניטאמאל ריכטיג, ווען אינעם בוק פונען מכשיר שטייט אז אויב א איד פירט זיך נישט ערליך פארלירט ער זיין נאמנות, איז עס נישט דעם שופט'ס ענין מער. זאת ועוד, אינעם קאנטראקט צווישן דעם געשעפט אין דער בעל המכשיר (וואס עקזעסטירט אפשר נישט) קען שטיין אז דער רב מעג פאר סיי וועלעכע סבה מסיר זיין די השגחה און קיינער קען אים נישט האלטן פאראנטווארטליך, פאר מער פרטים זאל ער גיין צום עו"ד אויסארבעטן א שטר וואס וועט ארבעטן בדיניהם, אווי מען טוט אין וועלכע עס איז אנדערע אינדוסטרי
אבער לאמיר זיך וואגן צו פרעגן א פשוט'ע שאלה, דער אדער יענער רב, וואס זענען זיינע קרידענשלס? וויאזוי איז ער בין יום ללילה געווארן א גוטער בעל מכשיר? איך מיין נישט ח"ו דעם אדער יענעם פערזענליך, אבער דאס איז שאלה אויף יעדן בעל מכשיר זאל עס זיין אויף פראדוקטן אדער אויף געשעפטן, פארוואס פארלאזט זיך דער עולם אויף זיי? פארוואס?
און דא קום איך צו וואס איך קלער איז דער ווייטאגליכער אמת, א בעל מכשיר כדי ער זאל זיין אנגענומען דארף ער זעהן ווי מער געשעפטן זאלן זיין אונטער זיינע פליגלען און איר וועט דאן האבן איין ברירה, אדער קענט איר בלייבן הונגעריג... צא ובדוק, אלע גוטע הכשרים גיבן השגחה אויף לעבנסוויכטיגע פראדוקטן, און דאס איז דער עיקר שליסל פאר א גוטער הכשר... ווי מער געשעפטן און אדער ווי מער פראדוקטן און לכתחלה מילכיגס אדער פליישיגס, נישט קיין ליקעריש(...)
לדעתי איז כשרות דורך א קהלה יא א שטיקל שליסל, אבער איך האב נישט די כח עס צו איינפירן און נישט די צייט זיך צו מסביר זיין
האבזשע מיר א כתיבה וחתימה טובה