שלא לאהוב את המסית חלק ב'

געדאנקען און התחזקות בעניני עבודת השם

די אחראים: יאנאש,אחראי,געלעגער

אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

שלא לאהוב את המסית חלק ב'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

סוף פונעם מאמר זענען פארהאנען לינקס צו די פריערדיגע מאמרים בענין זה.
------

באלד אין אנהייב ווען איך האב געשריבען חלק א' האב איך אינזינען געהאט צו שרייבען דריי חלקים, מן הכבד אל הקל, אבער דערווייל זענען ב"ה אונטערגעקומען פארשידענע ענינים און איך בין פיהל מער פארנומען ווי דאן, האב איך אלץ אפגעשטופט דעם ארבעט. אצינד, נאכען אויפוואכונג פונעם אשכול, וול איך בעזה"י שרייבען דער צווייטע מאמר, וואס וועט אין איינוועגס ארייננעמען אויך דער דריטע.
אין די שאלה 'וואו שטייט מען טאר נישט רעדען צו א מחלל שבת?', האב איך פריער ארויסגעברענגט דאס ווען איינער איז א מסית איז דא סיי א מצות עשה איהם פיינט צו האבען און סיי א מצות לא תעשה נישט אפצולאזען די שנאה. אויך איז געווארען ארויסגעברענגט דאס די מוני המצוות ברענגען די דינים וויאזוי צו באהאנדעלען א מסית פריער פונעם לאו מען זאל נישט מסית זיין, וואס פון דעם זעהט מען אז נאך איידער מען ווייסט בכלל וואו עס שטייט מען טאר אזאנס נישט טוהן, מוז מען שוין וויסען ארויסצוטראסקענען אזא איינער בשן ועין.

לא'מיר אצינד גיין א טריט ווייטער, זאגאר ווען איינער איז נישט קיין מסית בפועל, נאר ער איז א מחלל שבת באופן פון מרידה ה"י, און ער ווייזט מיט גאוה אז ער לאכט זיך אויס פונעם תוה"ק, מה דינו?
עס איז דא א ווארט פון קדושת לוי, באין מליץ יושר מול מגיד פשע - ווען בלויז א יוד וואלט זיך נאכגעגעבען זיינע תאוות רח"ל און אפילו געזינקען צו גאר א נידעריגע שטאפעל, וואלט נאך אפשר געוועהן שייך מלמד זכות צו זיין אויף איהם, אז ער האט געהאט אזא שווערע יצה"ר נעבעך, און ער האט זיך נישט געקענט מתגבר זיין. ווען אינער פירט זיך אבער אויף באופן פון מרידה און דוקא, דאן קען אפילו דער הייליגע קדושת לוי, סניגורן של ישראל, נישט טרעפען קיין לימוד זכות אויף איהם. אין מליץ יושר מול מגיד פשע – ווען דער שטן איז מקטרג אז יענער טוט א 'פשע', דהיינו במרד ובמעל יודע את רבונו ומתכוין למרוד, דאן איז נישט דא אויף איהם קיין שום לימוד זכות.

אזאנס וואלט דאך יעדער פארשטאנען דאס ווען איינער וואלט כסדר בארעדט און מבזה געוועהן א צווייטען, וועט דער באקריוודעטע'ס זוהן האבען דער פולע רעכט צו פיינט האבען דער יונגאטש, און אומגעקערט, אויב וועט ער נישט ארויסווייזען קיין שום שנאה צו יענעם, וועט עס צייגען דאס ער האט נישט אזוי ליעב זיין פאטער.

ולא תהא כהנת כפונדקית? ווען איינער גייט ארויס במלחמה מיט אונזערע הייליגע טאטע און קעניג, זאלען מיר זיך דען נישט אננעמען פאר איהם? אונז זע'מער נישט גאט'ס 'פאליציי' נאר גאט ב"ה'ס קינדער! ווען איינער טשעפעט מיטען רבש"ע טשעפעט ער מיט יעדער איינער פון אונז, און מיר מוזען דאס אנקוקען לכה"פ אזוי הארב ווי אויב ער וואלט אנגעפראסקעט אונזער מענטשליכע פאטער ברבים אין ביהמ"ד.

אנשטאטס פרעגען וואו עס שטייט מען טאר נישט האבען צו טוהן מיט אזא פארדארבענע יונג וואס איז פורק עול התורה מיט אן עזות, וואלט מען ענדערש געדארפט מקונן זיין אויפען שפלות הדור דאס אזא יונגאטש קען קומען צווישען פרומע יודען און ער האט נישט מורא מען וועט איהןם צורייסען ווי א פיש. ליידער איז דער הסתר פנים אזוי גרויס, און מיר האבען זיך אזוי דערווייטערט פונעם בורא ית"ש, אז מיר קענען דולדען צו שטיין אין געגענווארט פון אזא רשע, אהנע דעם וואס מיר זאלען איהם שפייען אין פנים.

דער געוועזענע אמעריקאנער פרעזידענט, בוש דער צווייטע, האט געזאגט אין זיין באקאנטע דרשה נאכען טעראריסטישע אטאקע פון דעם עלעפטען סעפטעמבער, "איהר זענט אדער מיט אונז אדער מיט די טעראריסטען!"

א יודיש קינד, מזרע אברה יצחק ויעקב, קען זיין אדער מיטען רבש"ע – און דאן איז ער אוטאמאטיש מיט אלע פרומע יודען – אדער מיט די סטרא אחרא ח"ו. און דער וואס האט זיך אויסגעוועלט זיין חלק ונחלה מיט יענע זייט, ווערט אוטאמאטיש א שונא פאר יעדעס איינציגע פרומע יוד וואס עס גייט איהם נאך אהן אביסעל דעם כבוד שמים.




חלק ג'

דאס אלעס האב איך געשריבען ווען יענער פירט זיך מיט אן עזות און מיט ווידערשפעניגונג, אבער אין ווארהייט, אפילו אויב איז יענער 'בלויז' א מחלל שבת בפרהסיא, איז ער שוין מער נישט ווערט צו שטיין אין די ד' אמות פון א פרומע יוד.

עס האט מיר לעצטענס פארציילט אן אייניקעל פון ר' משה דוד שטראם ע"ה (צאנז – לונדון), דאס כאטש כידוע איז זיין זיידע געוועהן גאר א צוגענגליכע, און האט תמיד געהאט א שמייכעל און א פריינטליך ווארט פאר יעדען יוד, דאך האט ער א מחלל שבת ניטאמאל געקענט קוקען אין פנים. פארצייטישע ערליכע יודען האבען נישט געקענט סובל זיין קיין מחלל שבת בפרהסיא, ווייל אזא איינער איז דאך בגדר מין ואפיקורס יצא מכלל עמך. דער האט זיך אינגאנצען אפגעשניטען פונען הייליגען שטאם, ונכרתה הנפש ההיא.

איז צוריק צום שאלה 'וואו שטייט מען טאר נישט רעדען מיט א מחלל שבת?' דאס שטייט קלאר – און מיר זאגען דאס בכל יום פעמים באהבה – אין די ווערטער פון קרי"ש ואהבת את ה' אלקיך.
דער וואס האט ליעב דעם רבש"ע האט פיינט דעם רשע, וכן איפכא! מען קען נישט מקיים זיין דעם ואהבת את ה', טאמער האט מען אויך ליעב די שונאים פונעם בורא ב"ה, און דער וואס רייסט זיך אפ פונעם שורש איז דער גרעסטע שונא וואס קען נאר זיין. דאס איז נישט בלויז א סברא בעלמא, נאר א בפירוש'ע חז"ל אין בראשית רבה.

אינעם מדרש ווערט געברענגט ווען דער אויבעשטער האט געוואלט געבען די תוה"ק פארען כלל ישראל, האט ער פריער געוואלט וויסען וועמען מיר קענען ארויסשטעלען אלס ערב אז מיר וועלען היטען די מצוות. תחילת האבען די אבות הקדושים פראבירט און דערנאך אנדערע צדיקים, אבער דער אויבעשטער האט קיינער נישט געוואלט אננעמען צוליב פארשידענע סיבות, ביז ענדליך איז דער גורל געפאלען אויף תשב"ר, אז זיי זאלען זיין די ערבים פארען תורה.

שטייט דארט אין מדרש דאס ווען יצחק אבינו האט זיך אנגעטראגען צו זיין אן ערב האט דער אויבעשטער איהם געענטפערט, "דו האסט דאך ליעב געהאט דעם וועמען איך האב פיינט, טא וויאזוי קענסטו זיין אן ערב? דער נביא זאגט הלא אח עשו ליעקב וגו' ואת עשו שנאתי, אבער ביי דיר שטייט געשריבען ויאהב יצחק את עשו, קומט אויס אז דו האסט ליעב געהאט מיינע א פיינט, און אלס דעם ביזטו שוין נישט ראוי צו זיין אן ערב פארען תוה"ק."

אוהבי ה' שנאו רע – דאס איז די הגדרה פון אן אוהב ה', טאמער האט ער פיינט דעם רע! ווען א יוד שפייט כביכול אין פנים און לייקענט אינעם אתה בחרתנו; ווען ער ווארפט צוריק די מתנה טובה בבית גנזי ושבת שמה; ווען ער איז מטמא זיין הייליגע נשמה מיט מאכלות אסורות; ווען ער דרייט זיך בריש גלי אהנע קאפעל אויפען קאפ, איז ער א שונא מובהק פונעם בורא כל עולמים, און יעדער וואס האט נאר א ברעקעל אהבת ה' אין הארצען דארף זיך אזוי פארעקלען פון אזא איינעם דאס עס זאל ממש איבלען ווען מען זעהט איהם.

אינעם היינטיגע וועלט איז גאר שטארק אריין אין סטיל דעם קאנצעפט פון ליבערליזם, צו דולדען יעדעם איינעם, און מחשיב זיין יעדע מענטש'ס דעות, אפגעזעהן ווי קרום און מיאוס זיי זענען. א יוד האט אבער אן אנדערע מהלך: מיר האבען נאר איין גאט, איין תורה, איין אמת און מיט דען שטאלצירען מיר. דער וואס איז פורש פון דעם איז פורש מן החיים, און בזוי, משוקץ ומתועב. מיר דארפען איהם דערווייטערען לכה"פ פופציג איילען ווי א נבילה סרוחה, און געדענקען דאס צו זיין באפריינדעט מיט א שונא ה' איז א סתירה צו אהבת ה'.

נאר טאמער מיר שפייען אויס אזא איינעם, און מיר זענען איהם מרחק מיט כלערליי הרחקות, קענען מיר אריינגיין אינעם גדר פון אוהבי ה'.

יה"ר שילמדו תועים בינה, און מיר זאלען שוין בקרוב דערלעבען דעם גרויסען טאג ווען ומלאה הארץ דעה את ה' כמים לים מכסים בביגו"צ בב"א.

---------
היות דער אנדערע אשכול איז געווארען זייער אויסגעברייטערט מיט פארשידענע תגובות, וועל איך ברענגען א לינק צו אלע מאמרים, למען ירוץ הקורא בו.

דער ערשטע מאמר - ברענגט ארויס די סכנה פון באזוכען אפיקורסישע סייטס, און אויך אז בלויז דער גאנצע כלל ישראל איז פארזיכערט מיטען עציד, אבער יעדער יחיד פאר זיך מוז שטענדיג שטיין אויפען וואך ער זאל נישט אוועקפאלען.

דער געפאר פון ליצנות - ווי שעדליך עס איז, און דערפאר איז גאר מסוכן צו באזוכען אין מקומות וועלכע זענען פול דערמיט.

מענה לחכם - תגובה אויף שאץ מאץ'ס תגובה. דערין ווערט נאכאמאל ארויסגעברענגט ווי געפארפול עס איז אפילו איין בליק, און וויאזוי פון אלע אמאליגע מינים ואפיקורסים איז נישט געבליבען קיין זכר בקהל ה'.

הרואה סוטה בקלקולה - נאכען שמועה לא טובה אויף אחד מבני החבורה. דערין ווערט ארויסגעברענגט אז א יוד האט נישט דעם רעכט אלעס צו וויסען אדער חוקר זיין.

יזיר עצמו - פארוואס חקירה איז אזוי געפערליך.

מן היין - וואספארא גדרים מען דארף מקבל זיין.

וואס מיינט שטיין ווייט פון אן אפיקורס - גמרא מפורשת ווי שטארק מען מוז זיך דערווייטערען. אויך תוכחת מגולה פאר די ליינער פון ק"ש וועלכע זענען נאכנישט גענצליך דורכגעפוילט, היתכן זיי באזוכען אין אן ארט ווי אויסגעשפראכענע כופרים שרייבען עמטליך.

שלא לאהוב את המסית חלק א' - אן ענטפער אויף מיין געוועזענע פריינד'ס תמימות'דיגע שאלה, "וואו שטייט מען טאר נישט רעדען מיט א מחלל שבת?", נאך איך האב פארטריבען.
אטעטשמענטס
שלא לאהוב את המסית חלק ב.pdf
(56.96 KiB) געווארן דאונלאודעד 334 מאל
לעצט פארראכטן דורך אנעים זמירות אום דאנערשטאג יאנואר 23, 2014 4:42 pm, פארראכטן געווארן 1 מאל.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
אוועטאר
לכאורה
שר עשרים אלף
תגובות: 28043
זיך איינגעשריבן אום: דינסטאג אקטאבער 20, 2009 2:43 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

יישר כח מורינו הבעל דרשן ובעל השקפה נפלא מוה"ר אנעים זמירות שיחי' פאר די דורכדרינגליכע שיעורים בענינים העומדים ברומו של עולם.
א שטולער בחור
שר מאה
תגובות: 123
זיך איינגעשריבן אום: זונטאג יאנואר 01, 2012 5:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך א שטולער בחור »

ייש"כ אנעים.

ליידער קענסטו זיין 'זה זירזו יותר מן הראשון' "שלא תמית כדרך שמת פלוני".

ס'איז קלאר דער שפיץ פון אונזער קאמפף מיטן יצר. און דאס איז אויך זיין אטאמאטישע מאשין געווער. און ער האקט ליידער שטיקער דער חמוץ בגדים. זיין סוף איז אבער נאנט. וואויל פאר די וואס ריייסן זיך מיט עם.

(געשריבן מיט א משומר פילטער. ווען נישט וואלט מיין נייגער מיר געפירט צום קאווע שטיבל, בלי ספק.
א *שטילער בחור כצ"ל
מי חכם
שר ששת אלפים
תגובות: 6329
זיך איינגעשריבן אום: זונטאג מארטש 13, 2011 2:02 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי חכם »

אנעים, אז דו גייסט מיט הלכה, און לכאורה אזוי דארף מען טאקע צו טון (הגם אין הלכה גופא טרעפט מען דאך אויך דער נושא פון יש"ו מיט זיין רבי'ן, אז ער וואלט אים ווען נישט געברויכט מדחה זיין כאטש ער האט געהאט פייגעלעך אין קאפ, און אין בעלז בימים ההם (וכן אייוועלט דהאידנא) וואלט מען שוין דערשמעקט אז ער איז א פארדארבענער און מען ברויך אים ארויסווארפן אבן אחר הנופל, איז דאך אבער אלעס נאר בעפאר ער איז געגאנגען דינען ע"ז. מעגליך אבער פון די רגע ער איז געגאנגען דינען ע"ז ברויך מען אים באמת מדחה זיין כמבואר בפשטות ההלכה ברמב"ם ושו"ע. - איך בין נאר מוסיף אז אנדערע נוצן צומאל א אנדערע סארט לאגיק ווי די גמ', זיי זאגן נאכדעם וואס יענער גייט חלילה דינען ע'ז: "נו זעהסט דאך מען האט אים געברויכט ארויסווארפן, זעהסט דאך ווי פארדארבן ער איז געווען".).

אבער אז דו הייבסט אן מיט משלים און דוגמאות, מאך דעם משל אביסל אנדערש, נישט ווי איינער עפעס א פרעמדער שונא גייט דאס טון, נאר ווי דיין ברודער א קינד צו דיין טאטן טוט דאס, און דיין פאטער איז ווי פארשטענדליך זייער בצער און בכעס, דאך איז עס זיין קינד און ער האט אים נאך אלס זייער ליב, און ער וואלט דיר דאנקבאר געווען א גאנץ לעבן אויב דו קענסט עפעס מאכן מיט דעם ברודער באיזה אופן שהוא ער זאל צוריק קומען עטוואס.
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃
אוועטאר
derech eretz
שר ארבעת האלפים
תגובות: 4478
זיך איינגעשריבן אום: דאנערשטאג אוגוסט 04, 2011 3:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך derech eretz »

אזוי קלאר קען נאר אנעים!
יישר כח.
גם העובד ד' ועוסק בתורה מן ההכרח שיעסוק גם במעט דר"ך אר"ץ - מאור ושמש פ' בחוקותי
אוועטאר
סיגוט
שר חמש מאות
תגובות: 534
זיך איינגעשריבן אום: פרייטאג נאוועמבער 18, 2011 11:11 am
לאקאציע: אין מארמאראש

  • ציטיר
  • צו לייגן א דאנק דארפט איר זיין אריינגעלאגט

תגובה דורך סיגוט »

מי חכם האט געשריבן:אנעים, אז דו גייסט מיט הלכה, און לכאורה אזוי דארף מען טאקע צו טון (הגם אין הלכה גופא טרעפט מען דאך אויך דער נושא פון יש"ו מיט זיין רבי'ן, אז ער וואלט אים ווען נישט געברויכט מדחה זיין כאטש ער האט געהאט פייגעלעך אין קאפ, און אין בעלז בימים ההם (וכן אייוועלט דהאידנא) וואלט מען שוין דערשמעקט אז ער איז א פארדארבענער און מען ברויך אים ארויסווארפן אבן אחר הנופל, איז דאך אבער אלעס נאר בעפאר ער איז געגאנגען דינען ע"ז. מעגליך אבער פון די רגע ער איז געגאנגען דינען ע"ז ברויך מען אים באמת מדחה זיין כמבואר בפשטות ההלכה ברמב"ם ושו"ע. - איך בין נאר מוסיף אז אנדערע נוצן צומאל א אנדערע סארט לאגיק ווי די גמ', זיי זאגן נאכדעם וואס יענער גייט חלילה דינען ע'ז: "נו זעהסט דאך מען האט אים געברויכט ארויסווארפן, זעהסט דאך ווי פארדארבן ער איז געווען".).

אבער אז דו הייבסט אן מיט משלים און דוגמאות, מאך דעם משל אביסל אנדערש, נישט ווי איינער עפעס א פרעמדער שונא גייט דאס טון, נאר ווי דיין ברודער א קינד צו דיין טאטן טוט דאס, און דיין פאטער איז ווי פארשטענדליך זייער בצער און בכעס, דאך איז עס זיין קינד און ער האט אים נאך אלס זייער ליב, און ער וואלט דיר דאנקבאר געווען א גאנץ לעבן אויב דו קענסט עפעס מאכן מיט דעם ברודער באיזה אופן שהוא ער זאל צוריק קומען עטוואס.

אויף וועם ווערט געפסק'עט אין רמב"ם פ"ה מדיני מסית ה"א וז"ל:
המסית אחד מישראל בין איש בין אשה הרי זה נסקל אע"פ שלא עבד המסית ולא המוסת עבודת כוכבים אלא מפני שהורהו לעבוד בין שהיה המסית הדיוט בין שהיה נביא בין שהיה המוסת יחיד איש או אשה או יחידים מיתתו בסקילה.
ועיי"ש ה"ד וז"ל:
מצוה ביד המוסת להורגו שנאמר ידך תהיה בו בראשונה להמיתו וגו' ואסור למוסת לאהוב את המסית שנאמר לא תאבה לו ולפי שנאמר בשונא עזוב תעזוב עמו יכול אתה עוזב לזה תלמוד לומר ולא תשמע אליו ולפי שנאמר ולא תעמוד על דם רעך יכול אי אתה עומד על דמו של זה תלמוד לומר ולא תחוס עינך ואסור למוסת ללמד עליו זכות שנאמר ולא תחמול ואם ידע לו חובה אינו רשאי לשתוק ממנה שנאמר ולא תכסה עליו ואזהרה להדיוט המסית מנין שנאמר וכל ישראל ישמעו וייראו.
(קרעדיט: שאץ מאץ באשכול הנסגר)
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

דער אויבעשטער האט פארגעהאלטען יצחק פאר ליעב האבען זיין אייגענעם זוהן.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
אוועטאר
לכתחילה אריבער
שר עשרים אלף
תגובות: 20191
זיך איינגעשריבן אום: זונטאג מאי 09, 2010 7:20 pm
לאקאציע: למטה מעשרה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכתחילה אריבער »

שטארקע און ריכטיגע רייד.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש
אוועטאר
הערליך
שר שלשת אלפים
תגובות: 3426
זיך איינגעשריבן אום: מיטוואך אפריל 13, 2011 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הערליך »

מעט מן האור דוחה הרבה מן החושך, שטארקע דיבורים וואס באלייכטן די אויגן אין דעם וימש חושך׳דיגן זמן ווי מיר געפונען זיך.
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

זייער שטארקע רייד. עס איז אמת אז די ליניע פון ווען מ'דארף פראבירן צוריק צו ברענגען ביז ווען מ'דארף איינעם אויסשפייען איז אביסל צומישט. אבער דאס אמאל זיכער, אן אפענע מסית דארף מען אויסשפייען און פיינט האבן.
ווי אנעים האט עס אזוי שיין מסביר געווען סיי אלס געפיל און סיי אלס הלכה
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

געלעגער האט געשריבן:זייער שטארקע רייד. עס איז אמת אז די ליניע פון ווען מ'דארף פראבירן צוריק צו ברענגען ביז ווען מ'דארף איינעם אויסשפייען איז אביסל צומישט. אבער דאס אמאל זיכער, אן אפענע מסית דארף מען אויסשפייען און פיינט האבן.
ווי אנעים האט עס אזוי שיין מסביר געווען סיי אלס געפיל און סיי אלס הלכה


דארף מען קודם טרעפען דיני קירוב רשעים אין חז"ל און אין רמב"ם...

וואסי איז זיכער איז די הוראה אז מען טאר זיך נישט מתוכל זיין מיט א מומר ישראל ווייל כש"כ דפקר טפי.
---

ייש"כ פאר אלע מגיבים, בפרט לכאורה פאר די שיינע טיטלען. (כאטש לב יודע מרת נפשו איזעס דאך געשמאק צו הערען...)
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
אוועטאר
חסיד נלהב
שר האלף
תגובות: 1127
זיך איינגעשריבן אום: מאנטאג דעצעמבער 23, 2013 1:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסיד נלהב »

געלעגער האט געשריבן:זייער שטארקע רייד. עס איז אמת אז די ליניע פון ווען מ'דארף פראבירן צוריק צו ברענגען ביז ווען מ'דארף איינעם אויסשפייען איז אביסל צומישט. אבער דאס אמאל זיכער, אן אפענע מסית דארף מען אויסשפייען און פיינט האבן.
ווי אנעים האט עס אזוי שיין מסביר געווען סיי אלס געפיל און סיי אלס הלכה



וואסי שייך צו זיין צומישט דא?
אז איר האט א חשש אמשוכי אבתרי' אידאך מב' אז מען ברויך זיך דערווייטערן בתכלית

אויב נישט נאר סתם אזא דערשלאגענער בחור'ל וכדומה נעבעך דאן זאלט איר אים ארויסווייזען דער גרעסטער מאס אהבה וקירוב
זאגט איר האט עס געהערט פון א פייערדיגער חסיד
אוועטאר
חסיד נלהב
שר האלף
תגובות: 1127
זיך איינגעשריבן אום: מאנטאג דעצעמבער 23, 2013 1:41 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסיד נלהב »

לדעתי !! לדעתי !!
אנשטאט זיצען דא און אנרעכטן פילע אשכולות אצינד שוין דער אכטער, צו עס איז יא מותר צו נישט מותר אהינצוגיין, וואס בדרך הטבע שטארקט דאס דעם באזיך אין ביידע ערטער הן דא און הן דארט איז לכאורה א בעסערער אויסוואל אז יעדע ציבור פון כלל ישראל אפגעזעהן אשכנזים צו ספרדים חסידים צו ליטאים קנאים צו חונפים ומתחברים לרשעים רעכטע צו לינקע פרומע צו בעל בתי'שע אלע אהנ'ע אויסנאם זאלען אינאיינעם אויפהאלטען א שטאב פון געצאלטע און געשולטע ניק נעימ'ס וואס זאלען זיך נעמען צו זייערע ביינער

סתם אראנדזשירען מחאות דא אינדרויסען פין זייער פאלאץ קענסטו דאך שוין פארלאזען אויף די אלע דרשות הרבנים הגאונים שליט''א וואס האבען שוין אויפגערודערט א וועלט נגדם

אויב ווילסטו דייקא אויפען אינטערנעט זיי פארדאמען טו עס בשלימות, נעם אינטער א קאמפיין פון מגייס זיין א שטאב פון געצאלטע געשולטע שרייבער גענצליך צו צולייגען דעי מתחכמים און אפיקורסישע אנגעליינטע מסיתים, אז נישט קענסטו מאכען נאך פילע כינוסי כלל ישראל און עס וועט ווייטער האלטען ווי מען האלט.


נ.ב. אלס א שליח אהינצושיקען די שרייבעריי רופט אהן פרא-קליק וואס האבען א שטאב פון שבת גויים פאר אזוינע פעלער
זאגט איר האט עס געהערט פון א פייערדיגער חסיד
אוועטאר
מאנ-יימער
שר עשרת אלפים
תגובות: 10560
זיך איינגעשריבן אום: מיטוואך דעצעמבער 14, 2011 10:36 am
לאקאציע: אויפן וועג ארויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנ-יימער »

חסיד, מ'שרייבט נישט כדי זיך צו נעמען צו זייערע ביינער נאר צו מחזק זיין אונזערע ביינער.

יישר כח אנעים פאר דיינע קריסטאל קלארע ווערטער.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

חסיד נלהב האט געשריבן:לדעתי !! לדעתי !!
אנשטאט זיצען דא און אנרעכטן פילע אשכולות אצינד שוין דער אכטער, צו עס איז יא מותר צו נישט מותר אהינצוגיין, וואס בדרך הטבע שטארקט דאס דעם באזיך אין ביידע ערטער הן דא און הן דארט איז לכאורה א בעסערער אויסוואל אז יעדע ציבור פון כלל ישראל אפגעזעהן אשכנזים צו ספרדים חסידים צו ליטאים קנאים צו חונפים ומתחברים לרשעים רעכטע צו לינקע פרומע צו בעל בתי'שע אלע אהנ'ע אויסנאם זאלען אינאיינעם אויפהאלטען א שטאב פון געצאלטע און געשולטע ניק נעימ'ס וואס זאלען זיך נעמען צו זייערע ביינער

סתם אראנדזשירען מחאות דא אינדרויסען פין זייער פאלאץ קענסטו דאך שוין פארלאזען אויף די אלע דרשות הרבנים הגאונים שליט''א וואס האבען שוין אויפגערודערט א וועלט נגדם

אויב ווילסטו דייקא אויפען אינטערנעט זיי פארדאמען טו עס בשלימות, נעם אינטער א קאמפיין פון מגייס זיין א שטאב פון געצאלטע געשולטע שרייבער גענצליך צו צולייגען דעי מתחכמים און אפיקורסישע אנגעליינטע מסיתים, אז נישט קענסטו מאכען נאך פילע כינוסי כלל ישראל און עס וועט ווייטער האלטען ווי מען האלט.


נ.ב. אלס א שליח אהינצושיקען די שרייבעריי רופט אהן פרא-קליק וואס האבען א שטאב פון שבת גויים פאר אזוינע פעלער


איך האב נישט קיין אהנונג וואס איהר ווילט, אבער אלענפאלס ייש"כ פאר נאכאמאל ארויפשטופען דעם אשכול.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
אוועטאר
שמעלקא טויב
שר חמשת אלפים
תגובות: 5396
זיך איינגעשריבן אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא טויב »

אפשר קען איינער מאכן א פי די עף פון אלע ארטיקלן וועלעך עס קענען ליינען?
הק' שמעלקא טויב
נו"נ להחסיד המפורסם רבי שלום טויב ע"ה
[email protected]
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

רובם האבען שוין א פידיעף במקומם.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
josh
שר חמישים
תגובות: 73
זיך איינגעשריבן אום: דאנערשטאג אקטאבער 15, 2015 2:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך josh »

קען איינער פליז לייגן די לינק צי חלק א אויף די נושא?
אוועטאר
אנעים זמירות
שר ארבעת האלפים
תגובות: 4693
זיך איינגעשריבן אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אנעים זמירות »

אינ'ם פתיחת האשכול צום סוף זענען פארהאנען לינקס.
א מענטש קען זיך טועה זיין.
ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

מיינע שיעורים
josh
שר חמישים
תגובות: 73
זיך איינגעשריבן אום: דאנערשטאג אקטאבער 15, 2015 2:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך josh »

אנעים זמירות האט געשריבן:אינ'ם פתיחת האשכול צום סוף זענען פארהאנען לינקס.

איך טרעף עס נישט. אפשר ברענגסטו מיך עס אהער ביטע?
אוועטאר
לוי יצחק
שר ארבעת האלפים
תגובות: 4362
זיך איינגעשריבן אום: מוצ"ש דעצעמבער 01, 2012 11:20 pm
לאקאציע: זאג אמר רבי בנימין...

  • ציטיר
  • צו לייגן א דאנק דארפט איר זיין אריינגעלאגט

תגובה דורך לוי יצחק »

א דאנק פאר אלע וואס טוען אונז אפדעיטן כסדר.
josh
שר חמישים
תגובות: 73
זיך איינגעשריבן אום: דאנערשטאג אקטאבער 15, 2015 2:06 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך josh »

לוי יצחק האט געשריבן:http://www.ivelt.com/forum/viewtopic.php?forms=0&t=18479
thank you so much
אוועטאר
אויסגערעכנט
שר ששת אלפים
תגובות: 6858
זיך איינגעשריבן אום: מאנטאג אוגוסט 10, 2015 9:50 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויסגערעכנט »

אנגעקומען דורכן חתימה, גאר פיין געשריבן.
אוועטאר
מאכט סענס?
שר חמישים ומאתים
תגובות: 450
זיך איינגעשריבן אום: מיטוואך יאנואר 11, 2017 3:28 pm
לאקאציע: בין תנור לכיריים

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאכט סענס? »

יעצט אנגעקומען דא דורך די חתימה. שוין אויך געליינט אביסל פון די לינקס אויבן. אזאלכע אמת'ע און ריכטיגע ווערטער! גאר גוט.
edge
שר העשר
תגובות: 28
זיך איינגעשריבן אום: זונטאג פעברואר 01, 2015 5:30 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך edge »

יישר כח אנעים פאר די טרעפליכע ווערטער.

א מחלל שבת אבער נישט בפהרסי׳ און נישט קיין מסית מה דינו?
שרייב תגובה

צוריק צו “אז נדברו”