וואו זענען די עסקנים?

[מאנ-יימער]

אין א דערבענדיגן אשכול האט מען אביסל בארירט די "עסקנים" ווארט און פונקט פאריגע וואך האב איך געליינט אין דער שטערן אן עדיטאריעל פון אשר לעווין וואו ער שלאגט זייער שטארק אפ די טענה איבער די עסקנים פון וואס איך האב הנאה געהאט, ממילא ברענג איך עס דא אראפ להנאת כל הליינערס.

די ארטיקל האב איך באקומען פונעם שרייבער אליינס ממילא איז עס אביסל אנדערש ווי דאס וואס איז ערשינען אינעם אויסגאבע (און אויך איז עס נישט מוגה)


די עסקנים האבן נישט בעסער וואס צו טון? פונקט די קעיס?

בעפאר איך הייב אן די ארטיקל ווי איך וועל שרייבן אביסל איבער זיך זעלבסט און איבער שמועסן וואס איך האב מיט מענטשן, וויל איך זיך קלארשטעלן, מיינע עדיטאריעל רייד ווי איך שרייב איבער זיך, איבער מיינע ערפארונגען, מיינע מיטלעבענישן און קווענקלענישן איז נישט טייל פון א זעלבסט פראמאציע מיסיע ווי איך וויל זיך ארויסשלעפן פון רשות היחיד צו א רשות הרבים ; עס איז נאר א לעגיטימע וועג וואס איך זעה ארויסצוברענגען מיינונגען ווייל דאס לעבן, די חיי יום יום איז די לערנס אנשטאלט פון ווי מען לערנט זיך אסאך. אן אקטיווער מענטש מיט א שטיקל של ראש זעהט איבעראל נייע משמעות'ן און נייע ערפארונגען וואס שענקען אים פרישע פרעספעקטיוון.
דאס איז די סיבה וואס איך בין אסאך מאל א שטיקל מחותן אין מיינע עדיטאריעלס, ווייל – ליבערשט ווי ברענגען פון ספרים וואס זענען דאך שוין דא, מונחת בקרן זוית מי שרוצה ליטול יבוא ויטול – וויל איך באשאפן רעיונות און געדאנקען א יש מאין פון אייגענע ערפארונגען.

איך האב שוין אסאך מאל געהערט פון מענטשן טענות קעגן עסקנים ומנהיגים, און יעצט, ווען אני הקטן בין עוסק פאר פדיון שבויים והצלת נפשות פון א איד אויף וועמען עס איז פארהאן א סכנת מוות, האב איך קלאר געזעהן די טעות וואס איז גורם מענטשן זיך ארומצודרייען מיט אומבאגרינדעטע ווייטאג און אומזיסטע ביטערניש.

איך האב געמאכט א קאמפיין צו ראטעווען א אידיש לעבן, צבי ברוך בן אסתר יהודית, איך בין ארומגעגאנגען צו די גדולי הרבנים, זיי דערציילט די פרטים פון די קעיס און געבעטן זייער חתימה אויף א קול קורא ווי די רבנים פאדערן אויף רחמנים בני רחמנים צו העלפן ראטעווען דאס אידיש לעבן.
(און אינגאנצן בדרך אגב, צו די מענטשן וואס חלומען בהקיץ, און אויף יעדע ארגענאזאציע מיינען זיי "מען שארט גאלד", ניין, מען שארט נישט קיין גאלד, מען דארף שפייען אסאך גאל פאר מען קלויבט צונויף אפאר דאלאר, אייער קנאה איז פשוט אומבאגרינדעט)

די רעאקציעס פון מענטשן זענען זייער קאלירפול און רייך, ווייכע הערצער רעאגירן מיטן גרעסטן ווארעמקייט און אינטערעסע, און געוויסע ווילן דייקא בודק זיין אין די ציצית פונעם נוטה למות, צו וויסן וועלכע קאמפאוט ער איז זיך נוהג צו עסן אום שבת מברכים. אבער די מערסטע מאדנע רעאקציע וויל איך אדרעסירן:
די רבנים האבן נישט וויכטיגער?
די עסקנים האבן נישט וויכטיגער צו טון?
אלע רבנים נעמען זיך צוזאמען צו טון פאר א קרימינאל, האבן נישט די רבנים קיין בעסערע צוועקן?
און אויב איז איינער מער עלעקוואנט, ווייסט ער וואס די "רבנים" וואלטן ווען געדארפט טון ווען וועלט וואלט געווען וועלט "וואס איז מיט האוזינג, - מען וואוינט אין לעכלעך. וואס איז מיט ישיבות – מען טראסקעט בחורים, בחורים וואלגערן זיך אין די גאסן. וואס איז מיט פרנסה – אזויפיל יונגעלייט דרייען זיך ארום ארבעטסלאז. וואס איז מיט שידוכים – בני ובנות ישראל ווערן פארזעצן ביז די ווייסע צאפ-בארד, און אזוי ארום נישטערט אפיר פון אונטערן טעפיך און מען טרעפט כל מדוי מצרים הרעים, וואס די רבנים-עסקנים וואלטן געדארפט ליבערשט מתקן זיין אין די עטליכע מינוט וואס זיי האבן אונטערגעשריבן א מכתב המלצה פאר א צדקה צוועק.
דאס איז זייער א אפט באנוצטע ביטערניש פראזע "ווי זענען די עסקנים"

לאמיר ערקלערן די געוואלדיגע גערעכטיגקייט פון די טענה:
אני הקטן בין געווארן פארבעטן דורך עלטערע צובראכענע אידן צו ראטעווען זייער קינד'ס לעבן. נאכן ענטפערן אז איך בין גרייט צו הערן איבער די קעיס האט מיר דער פאראורטיילטער זעלבסט גערופן און גערעדט צו מיר שעות, דערנאך דער לויער, אן עסקן וואס קען שוין לאנג די קעיס, דאן האב איך שטודירט די קעיס אליין, און מעורר געווען אידן צו ראטעווען די לעבן.
נאכן מחליט זיין אז מען מאכט א קאמפיין בין איך געגאנגען צו די רבנים צו נעמען זייער הסכמה און הדרכה, און די רבנים האבן מיט ווארעמקייט מחזק ומעודד געווען ; און מיט דעם כח גייען בעלי חסד ארום צו נעמען נדבות און האבן שוין באצאלט א טייל פון די הוצאות פארן משפט.

נו, טענה'ט יעצט דער חכם מכל אדם אז דער רב האט געזאלט מיר זאגן: העי, סטאפ, האוזינג, חינוך, שידוכים, ישיבות, כ'חתמע נישט!
איך האב געזאלט נעמען די מעסעדזש און רופן דעם איד אין טורמע און זאגן: העי, שטארב! מיר האבן וויכטיגערס, האוזינג, חינוך, שידוכים, ישיבות!
די עסקנים און רבנים זענען דאך איינגעשריבן אין א פירמע וואס הייסט "כלל ישראל" און זיי מאכן א פעטע וועידזש. דער קריטיקירער איז א הויפט שעיר-האלדער אין אט די פירמע, און מען דארף אים לאזן אויסוועלן די פראיאריטעטן, טא, אלזא, זייט עוסק אין די צרכים פון די פירמע, כאוות נפשו, לויט זיינע פראיאריטעטן.

דער קריטיקירער, וואס פארשטייט די אמתע צרכים פון די פירמע, האט אויך א שטארקע פאליסי אז ווילאנג מען איז נישט נאכגעקומען די הויפט פראיאריטעטן, די גאר וויכטיגע זאך, זאל מען אלעס איינפרירן און מען זאל נישט טון די ווייניגער וויכטיגע זאכן. ביי אים אינדערהיים איז אויך געוויס אזוי אז פאר זיין ערוואקסענער זון ווערט נישט א חתן פארט ער קיינמאל נישט אויף וואקאציע, מען ארלעדיגט יעדע זאך לויט איר וויכטיגקייט.

אבער צינישקייט אין א זייט געלייגט, ווי נאריש איז די דאזיגע צוגאנג וואס מען הערט אפט פון הדיוטים קופצים בראש, קעגן רבנים און אקטיווע אידן. "ווי זענען די עסקנים?" ווי ביסטו? טוה די עפעס!
עס איז נישט פארהאן קיין עקסקלוסיוו קלוב וואס הייסט "רבנים-עסקנים" און וזר לא יתערב בשמחתנו, עס איז א דעמאקראטיע פון "מאת כל איש אשר ידבנו לבו תקחו את תרומתי" יעדער איד וואס וויל עפעס טון, איז וועלקאם טו די קלאב!

די פסוק אין ירמיה שעלט גאר אפ "אורו מרוז על אשר לא באו לעזרת ה' בגיבורים" פארשאלטן זאלן זיין די מענטשן פון מרוז וואס זענען נישט געקומען צו הילף, עזרת ה' בגיבורים"
עס איז נישטא קיין כח עליון, א רעגירונג אדער מוסד וואס איז אחראי איבער כלל ישראל'ס פירערשאפט, עס איז א וואלונטירישע הנהגה, ווי יעדער וואס זוכט צו טון גוטס, נעמט קוראזש און טוט!
ווער פון די רבנים, עסקנים אדער אנשים פשוטים איז מחליט צו עוסק זיין בצרכי ציבור און נישט זיין איינגעשפארט תחת גפנו ותאנתו, עבודתו, תורתו אדער פרנסתו, טוט אזוי, איין רב איז מחליט צו עוסק זיין אין שלום בית, איין עסקן טוט אין שידוכים, איין טייערער איד טוט אין מקרב זיין בחורים, און געוויסע זענען מחליט צו שטיין און קריטיקירן אז עס איז דא וויכטיגערס...
פון מיין ערפארונג זאג איך קלאר אז די רשות הרבים איז אפען פאר פעולות. רבנים זענען זייער ווארעם צו יעדע נייע אינציאטיוו, און ישראל קדושים הם ווילן העלפן אין יעדע גוטע זאך!
און לגופו של טענה: עס איז דא וויכטיגערס. קודם כל, יעדער האט זיין נטיית הלב צו וואס איז ביי אים וויכטיג, איינער האלט אז האוזינג איז וויכטיגער ווי שידוכים, און איינער האלט אז מזכה זיין דעם עולם אין א זהירות אין כשרות איז וויכטיגער ווי האוזינג.
אבער די טענה איז מופרך מיסודו, ווייל זאל מען יעצט אלעס איינפרירן ביז אפאר גרויסע פראבלעמען זענען געלעזט?
אדער אלעס געלעזט, אדער זיך גענצליך אויפלעזן? איז נישטא קיין דריטע לעזונג?
די מענטשן וואס האבן טענות, מיינען אז בשבילי נברא העולם, די דאזיגע מענטשן זענען די וואס שרייען "ווי איז דער מקוה איד" ווען זיי גליטשן זיך אויס אין מקוה, אנשטאט איינפאך נעמען א גענוצטע האנטוך און אפווישן א בלאטע.
די דאזיגע מענטשן וועלן אפירנעמען דעם שמש ווען זיי טרעפן א טישו, אבער חלילה נישט אנשטרענגען זייער געפלעגט, געצערטלט קערפערל.
די זעלבע מענטשן ווייסן וואס עסקנים דארפן טון און שרייען א וויי געשריי "ווי זענען די עסקנים".

דער זיידע פון אלע טראבל-מעיקערס, קורח האט געשריגן "כל העדה כולם קדושים, ומדוע" האבנדיג טענות, קריטיק און עצות ; בשעת ווען פינחס, נחשון בן עמינדב און כלב בן יפונה האבן אויך נישט געפרעגט, אבער אנשטאט קריטיקירן, איינפאך געשפרינגען אין וואסער, געכאפט א שווערד אדער זיך ארויסגעשטעלט קעגן א צעיושעטע מחנה, אויף די אייגענע האנט אין שווערע צייטן.
עס איז דא מענטשן וואס זענען פאסיוו, זיי שטייען און קוקן, דאן מענטשן וואס זענען אקטיוו, און מענטשן וואס שטייען און קריטיקירן. שטעל דיר צו צום קאראהוד פון אקטיוויזם, העלף די וועלט בכל אופן שהוא, אבער אויב ווילסטו נישט זיין אקטיוו, זיי כאטש פאסיוו און שטיי נישט אין וועג!

און לאמיר ענדיגן מיט די מורא'דיגע ווערטער פון תנא דבי אליהו פרק ט' בין גוי ובין ישראל, בין איש ובין אשה, בין עבד ובין שפחה, הכל לפי מעשה שעושה כך רוח הקודש שורה עליו" – נישט קיין חילוק דיין אפשטאם, דיין טיטול, אויב טוסטו גוטע זאכן וועסטו האבן רוח הקודש, מען דארף נאר טון!

[לכתחילה אריבער]

ווי איז עס ערשינען? עס איז אביסעל צומושט. כאטש כ'פארשטיי דעם פארעלעל, אבער ער שרייבט צוויי ענינים. איינ'ס נישט צו האבן קיין טענה אז מען נעמט א געוויסע אישא איבער די אנדערע. און די צוויייטע פארוואס איז נישטא קיין עסקנים אויף די אנדערע זאכען.

[געלעגער]

העי, דאס איז מיין ליין!
www.ivelt.com/forum/viewtopic.php?forms=0&t=16799

דזשאסט קידינג. יישר כח פארן ברענגען

[מאנ-יימער]

ווי איז עס ערשינען? עס איז אביסעל צומושט. כאטש כ'פארשטיי דעם פארעלעל, אבער ער שרייבט צוויי ענינים. איינ'ס נישט צו האבן קיין טענה אז מען נעמט א געוויסע אישא איבער די אנדערע. און די צוויייטע פארוואס איז נישטא קיין עסקנים אויף די אנדערע זאכען.

יא ער רעדט פון ביידע טענות, די פאראלעל? פשוט די זעלבע נושא.

בעיקר איז מיר געפאלן די צוויי פאראגראפן וואס נעמט אריין ביידע פראגן.

פראגע איינס וואו זענען די עסקנים.

די עסקנים און רבנים זענען דאך איינגעשריבן אין א פירמע וואס הייסט "כלל ישראל" און זיי מאכן א פעטע וועידזש. דער קריטיקירער איז א הויפט שעיר-האלדער אין אט די פירמע, און מען דארף אים לאזן אויסוועלן די פראיאריטעטן, טא, אלזא, זייט עוסק אין די צרכים פון די פירמע, כאוות נפשו, לויט זיינע פראיאריטעטן.

פראגע צוויי, פארוואס זענען זיי פארנומען מיט אנדערע ענינים ווען ס'איז דא וויכטיגערס.

דער קריטיקירער, וואס פארשטייט די אמתע צרכים פון די פירמע, האט אויך א שטארקע פאליסי אז ווילאנג מען איז נישט נאכגעקומען די הויפט פראיאריטעטן, די גאר וויכטיגע זאך, זאל מען אלעס איינפרירן און מען זאל נישט טון די ווייניגער וויכטיגע זאכן. ביי אים אינדערהיים איז אויך געוויס אזוי אז פאר זיין ערוואקסענער זון ווערט נישט א חתן פארט ער קיינמאל נישט אויף וואקאציע, מען ארלעדיגט יעדע זאך לויט איר וויכטיגקייט.

[לכאורה]

יישר כח פארן ברענגן, איך זעה ממש נישט די אלע סארט אויסגאבעס ב"ה.

איך האב באמערקט איין גאר שטארקע שרייבערישע ליניע אינעם ארטיקל:

אדער אלעס געלעזט, אדער זיך גענצליך אויפלעזן? איז נישטא קיין דריטע לעזונג?

אביסל קריטיק אויך... די פאלגנדע איז די שוואכסטע ליניע, איך האף די רעדאקטארן האבן פארבעסערט דעם שפראך.

דער זיידע פון אלע טראבל-מעיקערס, קורח

חכמים הזהרו בדבריכם.

[גרויזאמער]

אשר לעווין ווי אייביג זייער גוט און תוכנ'דיג.

די "ווי'ס" שטעכן מיך געפערליך. וואו זענען די עסקנים ווען מען דארף זיי?

איך קען דולדן ספעלינג מיסטעיקס אויפן קאמפיוטער אבער נישט אין אן אויסגאבע, לאמיר האפן ס'נישט אריין אזוי.

וואו איז א לשון "איפה", און ווי איז א לשון "כמו"

[ידיד]

זייער גוט און שטארק ארויסגעברענגט! יישר כח מאן יימער פארן אהערברענגן.

גרויזאמער, ער שרייבט אז דאס איז נישט מוגה.

[מייקראסאפט]

געליינט אין שטערן, יא די זיידע ליניע איז דארט געווען...

[מאנ-יימער]

ווי איז עס ערשינען?

אין "דער שטערן" פון חודש אלול.

העי, דאס איז מיין ליין!
viewtopic.php?f=3&t=16799

דזשאסט קידינג. יישר כח פארן ברענגען

שוין געקלערט אמאל אז מען דארף אפשר אנשטעלן די סיסטעם עס זאל נישט ערלויבן קיין דאפעלטע קעפלעך.

[אליעזר גרינפעלד]

זייער גוט און שטארק ארויסגעברענגט! יישר כח מאן יימער פארן אהערברענגן.

גרויזאמער, ער שרייבט אז דאס איז נישט מוגה.

[ידיד]

די "ווי'ס" שטעכן מיך געפערליך. וואו זענען די עסקנים ווען מען דארף זיי?

איך קען דולדן ספעלינג מיסטעיקס אויפן קאמפיוטער אבער נישט אין אן אויסגאבע, לאמיר האפן ס'נישט אריין אזוי.

וואו איז א לשון "איפה", און ווי איז א לשון "כמו"

געטשעקט אין 'דער שטערן', אלע "ווי"ס זענען געטוישט געווארן צו "וואו", קענסט שלאפן רואיג.

[זאלץוואסער]

הערליך געשריבן, כדרכו פון ר' אשר.

און דער עיקר וואס איך נעם ארויס פון דעם גאנצן ארטיקל דא, איז "מאן יימר האט קאנעקשאן'ס"!!!

פארוואס שיקט מיר ר' אשר נישט קיין ארטיקלען? איך דארף קוואליפיצירן???

[מאנ-יימער]

ער האט דיר געשיקט א וויירוס פאריגע וואך האסטו עס נישט געהאלטן ביים נעמען, נו וואס נאך ווילסטו?

[זאלץוואסער]

גערעכט איז גערעכט! די זאכן שיקט ער מיר יא!

(האסט באמערקט אז איך האב געענדיגט יעצט י"ב חלות אום שבת גערעדט - 1200 תגובות! ס'פאסט ווען זאלסט שרייבן עפעס א באגריסונג... איך וועל ווארטן)

[maybeeynot]

'

(האסט באמערקט אז איך האב געענדיגט יעצט י"ב חלות אום שבת גערעדט - 1200 תגובות! ס'פאסט ווען זאלסט שרייבן עפעס א באגריסונג... איך וועל ווארטן)

מזל טוב זאלצי צו די י"ב חלות אבער פון דיר דארף מען 12.000 ארטיקאלן נישט תגובה'[quote="זאלץוואסער"]

[ווינקל]

יישר כח פארן ברענגן די אויפריכטיגע רייד!

[אנעים זמירות]

ראשית כל א belated ייש"כ פאר'ן פוה"א אויף זיינע ריכטיגע רייד.

אגב, אינ'ם וואכיגען סדרה (מקץ) טרעפען מיר ווי יעקב אבינו האט פארגעהאלטען די שבטים, "למה תתראו?"

ערקלערט דער ספורנו אז ער האט זיי געפרעגט פארוואס קוקט יעדער אויפ'ן אנדערען און ווארט 'יענער' זאל גיין קויפען עסען, אנשטאט אליין טוהן צו דער זאך.