א סדר נאכט מיט גאדל.

געשמאקע ארטיקלן און בילדער וכדו'

די אחראים: אחראי, געלעגער

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

א סדר נאכט מיט גאדל.

תגובהדורך פעדער » זונטאג אפריל 01, 2012 7:01 pm

בס"ד (ניגון - אין וויליאמסבורגער גאסן - ר' יו"ט עהרליך )

1 געווען אמאל א בחור נאך א קליינער
געלערנט אין א ישיבה גאר א פיינער
געגאנגען אנגעטוהן צוריסן און צושליסן
בגדים צולעכערט און פארלאטעט
א היט אויכעט, גאר פארשמאטעט
אבער תורה טוט פון זיין מויל פליסן

1 דרייסט איז ער געווען גאר קנאפ
און נאך א שעפסל א תם'לע. אויך אָן טאפ
אייביג נעבעך געוועזן דער שלימזל
מיט פארביסענע ליפן. האט ער געליטן
אויף זיינע נערוון האט מען געריטן
צווישן א סטאדע קעץ. געווען די קליינע מאַזל

2 למשל ווען מ'האט אנהויב זמן געטוהן כאפן
א גוטן פלאץ . אלעס זאל קלאפן
איז דעם בחור'ל נעבעך גארנישט פארבליבן
נאר א ארט אומבאקוועם און צוקוועטשט
אן אלטן טישל אפגעוועטשט
מיט נעגל און ספלינטערס. ער האט זיך גוט צוריבן

2 א היט רינדעכיג א באלי אינגאנצן
דאס כאלאטל טוט פון אלטקייט גלאנצן
פון די טאשן שטעקט ארויס אפאר מאראנצן
די שיך צועפנט מיט א גרויסע מויל
איבעראל א לאך א האָול
ער האט מיט דעם אפ' נישט געקענט טאנצן

3 אויב איז א גביר.
געקומען הערן א שיעור
א פעטע מטבע. הויזנס און רעקלעך פאר יעדעם פארטיילט
א זאָק מיט א לאָך
א רעקל מיט א גרוך
אייביג איז פאר אים דאס ערגסטע, געווארן צוגעטיילט

1 אמאל איז געווען אזא מנהג
ס'איז קיינער דא נישט געווען א מפונק
אין ישיבה איז געוועזן צו עסן מכות מיט פעפער
איז מען געגאנגען עסן טעגליך
צו די מענטשן פון שטאט ווער ס'געווען פארמעגליך
טעג האט עס געהייסן. אזוי אי געווען אין אלע דערפער

1 די בחורים די קלוגע און געריבן
האבן זיך צו די רייכע אויסגעקליבן
זיי האבן געוואוסט וואס טוט זיך אפ אין יעדנס טאפ
וואו עס קאכן זיך די גוטע שפייז
און וואו ס'דא נאר קאשע מיט רייז
ווער עס קאכט אסאך . און ווער נאר א טראפ

2 וואו די באלאבוסטע, איז א גוטע עכט
און וואו זי איז, שלעכטער ווי שלעכט
זיי האבן זיך אויסגעוועהלט די רייכסטע הייזער
אבער אונזער בחור פון בטלנים לאנד
איז געווען אינדעם נושא. גאר ווינציג באקאנט
אייביג אריינגעפאלן צום קארגסטן חזיר
2 ס'איז געקומען די יו"ט פסח.
יעדער צום סדר נאכט עס גרייטצעך
מ'זוכט זיך אויף די גבירים ביים וועם צו עסן
אונזער שמערל. א בראך אויף אים
א טויגניקס. א יחצאל ממש א שעים
יעדער האט דאך פון אים פארגעסן

3 יעדער געשמעקט און דערטאפט
א גוטן הויז פאר זיך פארכאפט
איינער ביים רב. א צווייטער ביים שוחט. א דריטער ביים עושר פון שטאט
אבער אזוי ווי אלע פאלן
איז שמערל אריינגעפאלן
צוזיין ביים גרעסטן עם הארץ. אויף גאט'ס בעראט.

1 גאדל פורהמאן האט ער געהייסן
א פערד און וואגן פארמאגט א נייסן.
אבער האט קיין צורת אות נישט געקענט.
א פויער. א פעטעיטע קאפ פארמאגט.
נח מיט זיבן גרייזן געזאגט
און נאכדערצו געהאט צוויי לינקע הענט

1פון זיין גראשן מ'האט נישט געקענט אויסגיין
פון די גרינע פארמאגט גאנץ פיין
איז וואס אי דען אז ער איז נישט קיין איבריגע למדן
ער איז דאך געווען גאנץ פארמעגליך
נו.! וועט עס נישט זיין אזוי אומדערטרעגליך
מיט דעי מחשבות האט שמערל געטוהן דארט לאנדן

2 ערב פסח. שמערל קומט דארט אהן
נאך חצות. אין די שפעטע שעה'ן
ער זעהן גאדלען זיצן דארט אויבן אהן
א גרויסע ריזיגע מצות באקס
גאדל האקט אריין ווי א אקס
זיין גאנצע פנים אין באקס אריינגעטאהן

2 גאדל האט געשיבט און געריפעט
און דערביי מיט די פיס געהאקט און געטופעט
ער איז געווען אזוי טרוד אין די אכילה
ער האט דעם שמערל נישט באמערקט
זיין גאנצע קערפער אין באקס אריינגעשטעקט
ער מוז ענדיגן גאנצע צוויי קילא

3 ענדליך קוים מיט צרות
האט אים איבערגעהאט זיין מרת
דעם בחור'ל פאר אים פארגעשטעלט.
גאדל פון דעם קוועלט.
צום בחור זייער פרייטצעך
וועסט מיר ארויסהעלפן פארשטייטצעך
ס'קומט א שווערע סדר. גאר א שווערע פעלד

1 גאדל האט גלייך גענומען אין האנט
א דאזן מצות. און אים דערלאנגט
גיי וואש דיך האט ער מיט א דיקע שטים באפוילן
ביסטאך אוואדאי הונגעריק
די מצות אריין אין דיר רוק
ער קען ביי שמער'לען אבער גארנישט פויעל'ן

1 שמערל זאגט אים מיט א דרייסט
ערב פסח מ'עסט נישט מצות, ער ווייסט.
די בעלהבית'טע האט זיך אריינגעמישט
א פרישע דיין מיר געטוהן אויסשפראצן
מיין מאן טוט אויך נישט אונטערן אויבן קלאצן
ער פארשטייט אויך אן עסק. האט'זע דארט געקוויטשט

2 אז ער טוט עסן ווייסט ער וואס ער טוט
און אויב ווייסטו וואס איז פאר דיר גוט
זאלסטו זאפארט אויכעט אזוי טוהן
וואס דען זאל איך דיר פיטן.
אפשר א שטיקל חמץ, גאט זאל באהיטן
זי איז אויפגערעגט . דער פנים בלוי און גרין

2 שמערל האט א זאג געגעבן
בארשט מיט קארטאפל רעבעצין לעבן
דאס קען איך עסן יעצט באשטיין
גאדל אין געלעכטער האט אויסגעשאסן
טרערן פון לאכן האבן געפלאסן
בארשט איז דאך חמץ. ווי קענסטו נישט פארשטיין?

3 גאדל האט געטוהן ערקלערן
זיין שטוב וועט טריפה נישט ווערן
וויזוי קענסטו בארשט, מיט קארטאפל באגערן
ער זאגט מיט באדויער
בארשט אדער. לעמאן. יעדע זאך וואס איז זויער
איז חמץ בעין . ער וויל פון גארנישט הערן

1 די בעלהבי'תטע האט געטוהן קוועלן
איר מאנ'ס לומדות טוט איר געפעהלן
גאדל'ס חכמה זי האט גענומען לויבן.
זי האט נישט געשפארט קיין שבחים
אויף איר מאן, דעם גרויסן תלמיד חכם
ארויסגעשריגן זי האט פון אלע שויבן

1 גאדל האט גענומען מאכן א פלאן
מ'דארף מאכן כרפס. וואס העט דא זיין?
ער איז זיך שואל עצה. מיט ר' שמערל
קענסט נעמען קארטאפל אדער רעטעך
פראדל, זאגט גאדל, פאר איר. איך בעט'דיך
שייל אפ קארטאפל. א בארג א גאנצע שטח

2 פראדל א ריזיגע הויפן געטוהן אפשיילן
גענוג פאר א מחנה סאלדאטן אויסטיילן
גאדל נעמט ווידער פון ר' שמערל עצות.
וויזוי מאכט מען די חרוסת
א גאנצן פאס. אדער ארבע כוסות
שמערל ווייסט נישט . ער ציהט מיט די פלייצעס

2 פראדל! שרייט גאדל הייזעריג
ער פאנגט שוין אהן צו ווערן, בייזעריג
לויף צום רב . פרעגן וויזוי חרוסת מ'מאכט
אוי א קלאג האט מיר געטראפן
פראדל איז צום רב אריבערגעלאפן
אנגעגרייט חרוסת אויף טעג אכט.

1 גאדל טוט ווייטער לייגן לחץ
וויזוי, גרייט מען, רחצה מיט יחץ
שמערל זאגט . דאס איז נישט קיין זאכן צוגרייטן
אויף כורך אבער נעמט מען חריין
גאדל פירט אים אין א צימער אריין
א גאנצע בארג חריין טוט דארטן שטיין

1 גאדל הייסט אים צו רייבן אנהייבן
ער האט געשוויצט נישט צום גלייבן
אזויפיהל חריין האט ער דארט געריבן
אז אפ' אויב מ'זאל נאר בלויז
עסן חריין גאנץ פסח דורכאויס
וואלט פארן, גאנצן שטאט זיכער פארבליבן

2 גאדל זאגט אים . דאס ביסל.
וועסטו אנרייבן אינעם גרויסן שיסל
ס'איז פאר שמערל געווארן פינסטער אין די אויגן
באין ברירה זיך ארויפגעשארצט די ארבל
די פינגער זיך צושניטן ס'טוט אים בלוטן
פון די אויגן טוט רינען . ווי א ברונען

2 קוים, איז געווארן די זמן
גאדל אין הויז, קומט אריין
אינעם גרויסן קיטל זיך געטוהן איינהילן
אויפ'ן קאפ דעם יו"ט'דיגן דאשעק
זעצט זיך אוועק מיט'ן גאנצן חשק
מ'קען דעם הייליגקייט אין די לופט פיהלן

3 מ'ברענגט אריין מצות דריי
גאדל ארבעט שווער מיט זיי
צוויי מצות איז נאך געווען גאנץ כמעשה
די דריטע אבער צובויגן
צוקארטשעט . ס'איז געפלויגן
ס'איז עפעס נישט געשטאנען גראד. וואס טוט מען מה נעשה?

1 גאדל פארשוויצט . ער טוהט זיך מיעהן
דער כהן-מצה אבער וויל נישט איינרועהן
גאדל כאפט די כהן. צום וואנט געט עס א טראסקע
די מצה האט זיך צופיצלט גלייך
גאדל אטעמט רואיגער אסאך
פראדל. ברענג. א צווייטע כהן . געט ער א פסק'ע

1 אבער אויך די צווייטע כהן
האט אים ווייטער געטוהן ענויען
ווידער א טראסקע. ער האט אים אוועקגעשמיסן
גאדל האט אזוי צוקנאקט
א צען כוהנים . ביז ער האט א גוטן געפאקט
א לייטישע כהן. איז זיך געלעגן אויפ'ן טאקט.

2 יעצט אבער האט זיך אנגעפאנגען ריכטיג
די שווערע ארבעט. זייער וויכטיג
וויזוי אויסצושטעלן די קערה
זרוע בימין וביצה בשמאל
גאדל'ס מח האט נישט פארטראגן דעם עול
ער האט זיך ארומגעדרייט ווי א מייזל אין איר נארע

2 ער האט זיך געדרייט ווי א שלאנג
רעכטס. און לינקס. אויפ'ן טיש . אויפ'ן באנק
זיך איבערגעזעצט אויף אלע פלעצער
ווען שמערל וואלט זיך נישט אריינגעמישט
וואלט גאדל געבליבן אינגאנצן צוחישט
און ענדליך איינגערוהט דעם אלטן זעצער

3 דער קידוש אריבער כמעשה
די הגדה געווארן א נאסע
שמערל האט די קשיות שנעל געפרעגט פון עם
גאדל האט די הגדה אפגעפליקט
מיט די ווערטער זיך דערשטיקט
ער האט די ציינער נעבעך שיער פארלוירן פונדעם

1 גאדל האט מיט די פיס. געקלאפט צום ביט
ס'דאכצעך אים מיט'ן פערד ער פליהט
הע העפ. וויאו. וויאו. ברומט'ער
שמערל האלט זיך די בויך פון געלעכטער
די קושקעס קאפויער. נאך א רגע ברעכט'ער
גאדל'ס עם הארצות. האלט אים גוט אונטער

1 מיטאמאל. געט גאדל א זעץ
די משפחה איז זיך צושפרינגען ווי א כאפטע קעץ
ער האט א קשיא. גאר באמסטיש
ס'שטייט מעשה ברבי. אליעזר ורבי.
יהושע מיט א רבי. ר' טרפן מיט א רבי
עקיבה אהן א רבי. פארוואס? פרעגט ער סארקאסטיש

2 פארוואס האט יעדער איינער רבי'ס
עקיבה אבער האט נישט. ס'שטימט נישט עפעס.
גאדל האט עס נישט געקענט אראפשלינגען
פלוצלונג ווערט גאדל מיד ווי א בער
אזא לאנגע הגדה. איך קען נישט מער.
א גוטע עצה טוט אים אין קאפ קלונגען

2 ער זאגט א געדאנק גאר א גראדע
מ'וועט יעצט דעם צווייטן העלפט הגדה
שוין אפזאגן. און אפרייסן אויך
פטור אראפ אן עול פון קאפ
דערנאך וועט מען ברענגען דעם גרויסן טאפ
און זיך לאזן וואויל גיין. ווי מען ברויך

3 גאדל האט גענומען באווייזן
געמאכט קילאמעטער'דיגע שפרייזן
די כי לעולם חסדו'ס, אראפגעשלונגען מיט צען טויזנט גרייזן
מיט'ן אחד מי יודע, שיער נישט דערשטיקט
מיט חד גדיא זיך דערקוויקט
דאן . האט ער א שווער אפגעאטעמט . שוין געענדיגט!

1 אויפ'ן טיש אוועקגעשטעלט דריי
תשעה קבין'דיגע כוסות אין א ריי
די הענט געריבן . ער גרייט זיך צום מלאכה
אריינגעשאקלט אין האלז איינער נאך די צווייטער
ולקחתי. והצלתי הויעך שרייט'ער
די ארבע כוסות ערלעדיגט מיט הצלחה

1 מ'האט זיך געוואשן. די מצה צו בייסן
גאדל אויף שמערל הייבט אהן צו כעס'ן
ער הערט ווי שמערל זאגט המוציא לחם
די שייגעץ איינער שרייט ער רויט
לחם. איז חמץ. ס'מיינט דאך ברויט
קענסטאך נישט לערנען. דו טיפש מרחם!

2 גאדל האט זיך אריינגעגאסן
א כוסה זעקס און ניינציגער. אין גארגל געפלאסן
א קלאפ אריין געטוהן ווי קיינמאל גארנישט
א צווייטע . א דריטע . די אויגן פארריסן
און מיט א שטיק פיש פארביסן
מ'וואלט מיט דעם געקענט א געזונטן פויער. מי'מית'ן

2 די וויין און בראנפן. נישט געווען לריק
זיין פנים געווארן רויט ווי א בוריק
די אויגן פון שיכרות האבן אים געגלאנצט
ער האט זיך תיכף אויסגעצויגן
און זיך פארמאכט די אויגן
גענומען כראפן ווי א געשטאפטע גאנז

3 פראדל קומט אריין
ברענגען פאר איר מאן
די הייסע יויך. מיט די קניידלעך. אזוי גרויס ווי טאבעס
גאדל שלאפט אוועק
צו גארנישט געט קיין העק
ער איז יעצט . ערגעץ דארט . ליום שכולו שבת

1 גאדל וויל זיך נישט דערוועקן
דעם טישטוך כאפט אהן ביי ביידע עקן
אויפ'ן בענקל. שנארכעט און ער כראפעט
ער חלומ'ט ווי ער, פארטצעך אויפ'ן פערד
גארנישט ער זעהט, גארנישט ער הערט,
מיט זיין וועגעלע. אויפ'ן ראוד גאלאפעט

1 פלוצלונג. האט ער זיך א ציה געטאהן
די טישטוך נאך, ער כאפט שטארק אהן
פון זיין מויל הערט זיך א געשריי
ער האט דעם טישטוך אראפגעצויגן
אלעס פון טיש אראפגעפלויגן
די כוסות. די זופ. די לייכטער זיך צובויגן

2 ס'איז געווארן א טשולנט אינגאנצן
הכל בכול פון טיש אראפגעטאנצן
פראדל האט גענומען מאכן קולות
גאדל פארטיפט ווייטער בשינה
ער חלומ'ט ער איז אין א וואלד אין כינע
ער ווייסט נישט וואס טוטצעך אים ווייטער וואויל'איז

2 ענדליך די אויגן ער האט אויפגעריסן
פארוואס איז טונקל? וויל ער וויסן
פראדל עפנט א מויל מיט טויטע קללות
דו פויער האסט מיך אינגאנצן פארשרפה'ט
די רעטאריק. אויף די העכסטע טענער פארשארף'עט
גאדל שרייט צוריק. מאך נישט קיין בהלות.

2 גאדל וויל נאך ווייטער שלאפן.
פראדל שרייט. דו שיכור גיי פאפן.
שווייג! האט גאדל איר מיט כעס באפאלן
פראדל שרייט. האסט אלעס געמאכט א חורבן
דעם גאנצן סדר האסטו מיר פארדארבן
און יעצט . מאכסטו ווידער שוין סקאנדאלן

3 די גאנצע שטאט געקומען
זיך איינזאמלען גענומען
א ריח פון וויין. נאפט און יויך. האט געשלאגן אין קאפ.
מ'האט זיך איבערגעקאצקעט שיער
אויף די צובראכענע געשיר
די גאנצע סדר איז פאר שמערל געווען איין גרויסע פלאפ

3 שמערל האט אפגעיאגט
שנעלער איידער עס טאגט
מיט א דאנק הייבט ער אויף די הענט צום הימל
שקויעך שטארקער גאט.
אויסגעלייזט מיך . ער האט
פון דעם דאזיגן ביטערן גלות. און דעם טימל.
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

שטארק זיך
שר ששת אלפים
תגובות: 6169
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג אפריל 01, 2012 8:32 pm

אה, דער גאלדענער פעדער האט זיך דא אריינגעכאפט? אפשר פארבלייבסטו דא אביסל, ברוך שובך :mrgreen:

גיימער לעזן..
What's your MO? mine is
8373
-the KOLBE index
Know - Go - Show - GROW

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » מאנטאג אפריל 02, 2012 7:58 am

אההה
פעדער
שלום עליכם!
האסט געהערט וועגען השמחה אשר במעוננו?
חכלילי עינים מיין ולבן שנים מחלב

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

תגובהדורך פעדער » מאנטאג אפריל 02, 2012 8:08 am

נאופ! פון וואס אזאנס רעדט זיך עס?
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » מאנטאג אפריל 02, 2012 8:29 am

מיין ערשטער אייניקעל צו מזל....
חכלילי עינים מיין ולבן שנים מחלב

אוועטאר
מכטי1
שר חמשת אלפים
תגובות: 5201
זיך איינגעשריבען אום: מאנטאג ינואר 17, 2011 5:34 am
לאקאציע: צוווישען ערליכע אידען

תגובהדורך מכטי1 » מאנטאג אפריל 02, 2012 9:44 am

שכוח פעדער, דאס האב איך געמיינט "גאדל ביים סדר"!

אוועטאר
געשמאקער
שר האלף
תגובות: 1497
זיך איינגעשריבען אום: זונטאג אוגוסט 10, 2008 7:27 pm
לאקאציע: נישט צום געפונען

תגובהדורך געשמאקער » מאנטאג אפריל 02, 2012 9:59 am

ווי קויפט מען אזא פעדער?

אלעס שאקעלט זיך ארום מיר, מיין גאנצע קאווע האטצעך אויסגעגאסען,

קיפ או אפ
מיט דעם אלעם, א שמייכעל קענסט די נאך אלץ געבען ....

קויפט איר אויף איבעי? ביטע ניצט דעם לונק.
זה נהנה וזה לא חסר

אוועטאר
סיגוט
שר חמש מאות
תגובות: 524
זיך איינגעשריבען אום: פרייטאג נובעמבער 18, 2011 11:11 am
לאקאציע: אין מארמאראש

תגובהדורך סיגוט » מאנטאג אפריל 02, 2012 11:13 am

קרעדיט: מנחם מענדל

avrmar
אנשי שלומינו
תגובות: 6
זיך איינגעשריבען אום: זונטאג נובעמבער 22, 2009 5:51 pm

תגובהדורך avrmar » דינסטאג אפריל 03, 2012 11:13 am

סיגוט האט געשריבן:קרעדיט: מנחם מענדל

תלמיד המחכים את רבו, נאך שענער ווי די מקור.
און ווען ס'זינגט זיך, הא, ממש עונג יו"ט.

אוועטאר
למעלה משבעים
שר תשעת אלפים
תגובות: 9775
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » דינסטאג אפריל 03, 2012 1:19 pm

פעדער בתפארתו!!!!! ממש אין מילים!!!

אוועטאר
סביב העולם
שר שלשת אלפים
תגובות: 3787
זיך איינגעשריבען אום: זונטאג נובעמבער 27, 2011 1:05 pm

תגובהדורך סביב העולם » דינסטאג אפריל 03, 2012 2:28 pm

למעלה משבעים האט געשריבן:פעדער בתפארתו!!!!! ממש אין מילים!!!

;l;p- ;l;p- ;l;p- ;l;p- ;l;p- ;l;p- ;l;p- ;l;p- ;l;p- ;l;p- ;l;p- ;l;p-
AROUND THE WORLD AROUND THE CLOCK
ארום די (איי) וועלט - רונדע דעם זייגער

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

תגובהדורך פעדער » דינסטאג אפריל 03, 2012 4:18 pm

avrmar האט געשריבן:
סיגוט האט געשריבן:קרעדיט: מנחם מענדל

תלמיד המחכים את רבו, נאך שענער ווי די מקור.
און ווען ס'זינגט זיך, הא, ממש עונג יו"ט.

דאס אז דו האסט געברויכט אפירקראצן דיין אור אלטן ניק בכדי מיר אפצודאנקן, איז מיר נאך ס'גרעסטע כבוד וואס שייך. ס'נעמט אסאך קוראזש, ווי אויך ווייזט דאס אז די קאמפלימענטן ווארפן זיך נישט ביי דיר אונטערן טיש. נאר איין פראגע - וואס איז די בושה צו דאנקן מיט דיין איצטיגע ניק?
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

אוועטאר
מכטי1
שר חמשת אלפים
תגובות: 5201
זיך איינגעשריבען אום: מאנטאג ינואר 17, 2011 5:34 am
לאקאציע: צוווישען ערליכע אידען

תגובהדורך מכטי1 » דינסטאג אפריל 03, 2012 4:47 pm

סיגוט האט געשריבן:קרעדיט: מנחם מענדל

אפשר האט איינער די באשרייבונג פון מנחם מענדל???

avrmar
אנשי שלומינו
תגובות: 6
זיך איינגעשריבען אום: זונטאג נובעמבער 22, 2009 5:51 pm

תגובהדורך avrmar » מיטוואך אפריל 04, 2012 7:01 am

פעדער האט געשריבן:
avrmar האט געשריבן:
סיגוט האט געשריבן:קרעדיט: מנחם מענדל

תלמיד המחכים את רבו, נאך שענער ווי די מקור.
און ווען ס'זינגט זיך, הא, ממש עונג יו"ט.

דאס אז דו האסט געברויכט אפירקראצן דיין אור אלטן ניק בכדי מיר אפצודאנקן, איז מיר נאך ס'גרעסטע כבוד וואס שייך. ס'נעמט אסאך קוראזש, ווי אויך ווייזט דאס אז די קאמפלימענטן ווארפן זיך נישט ביי דיר אונטערן טיש. נאר איין פראגע - וואס איז די בושה צו דאנקן מיט דיין איצטיגע ניק?

וואס זאל איך טאן אז כדי צוריק אריין אין קרעטשמע נאך אזוי לאנג נישט טרנקען, האב איך געדארפט הערן די גראמען און שפעטער פראבירען צו איך קען עס אליינט אויך. :wink:
אז מ'טרונק א גלעיזל (בפרט אזוינס), ווערט מען אן אנדערע מענטש, און די אנדערע וויל אויך טרונקען, און ווערט נאך אמאהל אן אנדערע מענטש, וכן על זה הדרך....

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

תגובהדורך פעדער » מיטוואך אפריל 04, 2012 8:09 am

viewtopic.php?p=105123#p105123
אט האט איר די לינק צום מקור הסיפור.
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

אוועטאר
leiby
שר שלשת אלפים
תגובות: 3905
זיך איינגעשריבען אום: זונטאג נובעמבער 16, 2008 11:08 pm
לאקאציע: צווישן אידן

תגובהדורך leiby » מיטוואך אפריל 04, 2012 8:21 am

פעדער דיין שפראך איז מתוק,
שרייב נאך.
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.

אוועטאר
ים רויבער
שר האלף
תגובות: 1932
זיך איינגעשריבען אום: דאנארשטאג פאברואר 03, 2011 2:13 pm

תגובהדורך ים רויבער » דאנארשטאג אפריל 05, 2012 11:12 am

באשעפער אין הימל, פון וואנעט נעמט מען אזא שפראך
פעדער, איך האף אז יו אר העיר טו סטעי
כא כא כא האבן זיך די רויבער צולאכט (מנחם מענדל)
pirate.ivelt@gmail.com

אוועטאר
מאנ-יימער
שר עשרת אלפים
תגובות: 10552
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » דאנארשטאג אפריל 05, 2012 11:22 am

ים רויבער האט געשריבן:באשעפער אין הימל, פון וואנעט נעמט מען אזא שפראך
פעדער, איך האף אז יו אר העיר טו סטעי

טו סטעי? ער שטייט שוין אזוי לאנג, א בענקל ביטע?
כאפ א בליק
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

תגובהדורך פעדער » פרייטאג אפריל 06, 2012 9:02 am

מאן יימר , רויבער האט געמיינט איך בין ניי..? איך מיט רויבער גייען נאך צוריק גאר א לאנגן היסטאריע. מיר געדענקען זיך נאך פון יענע צייטן.
דא איז געלעגן טיפערס. :wink:
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

אוועטאר
שאץ מאץ
שר האלפיים
תגובות: 2885
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תגובהדורך שאץ מאץ » פרייטאג מארטש 22, 2013 1:31 pm

דאס איז א מורא'דיג שטיקל,
קען אפשר איינער מאכן פון דעם א פי די עף?

אוועטאר
שנאפס
שר עשרת אלפים
תגובות: 15205
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מאנטאג מארטש 25, 2013 9:55 am

למעלה משבעים האט געשריבן:פעדער בתפארתו!!!!! ממש אין מילים!!!
kraitchmah עט גימעיל

באקומט סטאקס בחנם


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 12 געסט