ויצרי מעללי איש; וויאזוי פונקציאנירט דאס?

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

ויצרי מעללי איש; וויאזוי פונקציאנירט דאס?

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

דעם פאלגענדן מאמר האב איך געשריבן אין אן אנטווארט צו חברינו החכם והנבון ״משה פיש״ אין א צווייטן אשכול; ובהיות עס איז קובעת ברכה לעצמה, מפאת דברים היסודיים וואס עס ווערט ארויגעברענגט, עפן איך דא א ספעציעלער אשכול דערפאר.


משה פיש האט געשריבן:הער שטארק זיך.
אודאי רעדן מיר דא פון אידן וואס האבן עפעס פליסיגקייט אין די קעמערלעך וואס רופט זיך מח, און זיי פארשטייען אז ס'איז דא א צייט וואס מ'דארף אפטרעטן און לאזן אנדערע טון וואס מ'דארף. ס'איז מיר שווער צו רעדן אין נאמען פונעם פותח האשכול, אבער פון זיין תגובה האב איך פארשטאנען אז זיין פראבלעם איז פשוט אז זיין ברידער מיינט אז ער פארשטייט און פראבירט צו 'עקטן גרויסע ברודער' וואס גייט מסביר זיין פארן קליינעם וואס מ'דארף טון. אויף דעם ארויף האב איך געשריבן מיינע ווערטער. אדרבא, אויב וועט דער פותח זאגן אז מ'רעדט פון א שווערערע קעיס וואס דער ברידער איז גארנישט אזא גוטער וואס זוכט צו צולייגן א פלייצע פאר זיין אומבאהאלפענע אינגערע ברודער, נאר ער איז אזא איינער וואס רעדט איבעראל און פארשטייט אייביג בעסער ווייל ער אטעמט שוין לענגער די לופט פון דעם עולם, דאן פארשטייט זיך איז די צוגאנג גאר אנדערש.


ר׳ משה, איך וויל קאמענטירן, אבער נישט איידערן ארויסברענגן לשבחך, דיין געשמאקער פעדער, גלייכער געדאנקנגאנג און יסודיות׳דיגער אבזערוואציע.

לענינינו,

ווי מיר ביידע האבן ארויסגעברענגט, האנדלט זיך דא פון א ברודער וועלעכער וויל בעצם ארויסהעלפן, ואטי ברשעי או בשופטני עסקינן?

דעריבער ערלויב מיר נאר זיך אביסל פארברייטערן, ויה״ר שיהי׳ לתועלת.

לויט מיין הבנה בדברי רמ״פ, רופט ער אן דעם ״באוואוסטזיין״ פונעם מח בכינוי ״חדשות״ און דעם ״אונטער-באוואוסטזיין״ מיט׳ן כינוי ״סטארעדזש״, ריכטיג?

יצרי מעללי איש, וויאזוי ארבעט דאס?


איצט לייגט צו ס׳קעפל: אט די צווייחלקים פינעם מח האבן זיך זייערע פארשידנארטיגע תפקידים, וועלעכע איך וועל מסביר בקיצור נמרץ וויפיל עס פעהלט אויס להבנת הענין.

באוואוסטזיין:
פראצעסירט נייע אינפארמאציע, פאסן נייע החלטות, אין א ניסן שאלאכטץ: אלע פונקציעס וואס טוען זיך נאכנישט ״פון זיך אליין״.

אונטער-באוואוסטזיין:
קאנטראלירט די גוסטעס (בד״כ. ביי א גייסטיש געזונטער מענטש שפילט דער באוואוסטזיין אויך א חלק נכבד אין גוסטעס, ואכמ״ל) האלט פראפיילס אויף זיין איווייראמענט, דהיינו מענטשן, פלעצער און זאכן. אין א ניסן שאלאכטץ: אלע פונקציעס וואס טוען זיך יא ״פון זיך אליין״.

א געוואלדיגע, אבער אנגעווייטאגטע דוגמא, געווענליך ווען אידן כמוני דאווענען שמו״ע, ווערט דאס בעיקר געטאן דורך דעם ״אונטער-באוואוסטזיין״, (ביי סלח לנו ווערט מען גערעגט: ״ווער האקט?״) ווען עס קומט אבער א טויש אין רוטין כדוגמת מוריד הטל צו מוריד הגשם, דאן דארף מען צוקומען צום באוואוסטזיין... און ווען מיר באנוצן עס נישט, פארגעסן מיר טאקע ליידער. (וועם עס פארשטייט נישט וואס איך מיין, בין איך מקנה...).

פרעגט איר דאך מיט רעכט, וואס דרייט דער ש״ז א קאפ דא? פאוואליע רבותי, איך קום אט צום פאוינט.

דער ברודער דנן וויל באמת העלפן, די שאלה איז נאר פארוואס, וואס טרייבט אים דא אזוי צו העלפן? אלזא דאס וועט שוין געוואנדן זיין וועמען איר פרעגט...

דער ״באוואוסטזיין״ וועט ענטפערן: ״מבשרך אל תתעלם׳ ווי קען איך שטיין גלייכגילטיג אין א זייט ווען מיין ברודער מוטשעט זיך מיט קינדער האבן״. ווידעראום דער ״אונטער-באוואוסטזיין״ אויב וועט אונז געלונגן (קיין גרינגער עסק...) אים צו אויסדרוקן דעם אמת, וועט ער ענטפערן בלחישה: ״1) עס וועט בוסטען מיין צעקלאפטע עגא, 2) ווייל איך בין בעסער פון אים האב איך יא קינדער ומכלל הן... 3) זיין פראבלעם מאכט מיך זיך שפירן שולדיג, כ׳וויל נישט שפירן שולדיג, 4) א געלעגנהייט אים צו קאנטראלירן...״ ועוד כזה הרבה לטב ולמוטב.

טא, ווער פון די צוויי איז גערעכט? דער תי׳ איז אז זיי זענען ביידע גערעכט, בסך הכל א דוגמה פון דעם פשוט׳ן סטאנדארט פון אנשים פשוטים אין עשיית המצוות, מ׳מיינט גוט אבער ס׳איז נעבעך אנגעלייגט מיט פניות ופגמים, וואס וועלן נתקן ווערען בעזר השם ווען מיר וועלן תשובה טוהן, דער רע וועט דאן אנידערפאלן, בלייבן וועט נאר די מצווה וואס איז נצחי.

איצט אזוי, וואלט דער ברודער ״באוואוסטזיניג״ געווען וואספארא מגונה׳דיגע נייגונגן עס שטייען אונטער דעם דראנג, וואלט ער געוואוסט וויאזוי זיך צו האנדלן, וואו איין און וואו אויס. נישט חלילה צופיל אריינשטופן די נאז וכו׳. אבער ועכשיו שלא זכינו, ער מיינט נעבעך אז ער מיינט דעם ברודער, ער ווייסט נעבעך נישט אז ער איז פארבלענדעט פון געמיינע נייגונגן וואס ער מיינט ער באזיצט בכלל.

וועט ״גארנישט״ נאר אן איידעלע דירעקטע קאנפראנטאציע.

(רבותים, אויב האט איר נישט פארשטאנן, ליינט איבער נאכאמאל, שהרי בזה תלוי הרב יותר ממה שתשערו)
לעצט פארראכטן דורך שטארק זיך אום מאנטאג יאנואר 09, 2012 2:34 pm, פארראכטן געווארן 3 מאל.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
חשמל
שר חמישים ומאתים
תגובות: 404
זיך איינגעשריבן אום: דאנערשטאג סעפטעמבער 08, 2011 6:04 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חשמל »

פארשטיין אזוי קלאר דעם ענין איז איין זאך, און עס אזוי קלאר ארויסברענגען אויף פאפיר איז א צוויטע זאך,
איך בין מער נתפעל פון די צוויטע חלק!
אוועטאר
דער תהילים איד
שר ששת אלפים
תגובות: 6438
זיך איינגעשריבן אום: זונטאג יולי 26, 2009 9:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער תהילים איד »

איך ווייס נישט צו איך גיי מיטשטימען אז דער "אונטער-באוואוסטזיין" פון אן עלטערן ברודער וואס 'נעמט קעיר..' גייט געווענליך ממש אויף אזוי ווייט, אבער צוערשט א ווארט צו דעם אשכול:

Wow!
רבינו שאג בקול גדול וגו'
gamyuchad
שר חמישים ומאתים
תגובות: 304
זיך איינגעשריבן אום: דינסטאג נאוועמבער 01, 2011 9:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך gamyuchad »

דערמאנסט מיך פון ירושלמי פרק ב' דברכות, איינער פון די אמוראים זאגט, "מחזיק אנא טיבותא לרישי דכד הוה מטא מודים כרע מגרמיה" סובקאנשעסלי/אונטערן-באוואוסטזיין/סטארעדזש האט זיך עס פון זיך אליין געבוקט.

לענין.
די גמרא זאגט ר' יהודה בן בתירה האט געזאגט פאר ר' עקיבא, "בין כך ובין כך אתה עתיד ליתן את הדין, התורה כיסיתו ואתה מגלנו".
אמת וואס דו זאגסט. בעוה"ר מחמת כובד הגלות אין מעשינו בשלימות. אבער הנסתרות לה' אלקינו.

זאגסטאך אזוי גוט.
בסך הכל א דוגמה פון א מצוה גדולה, נעבעך אנגעלייגט מיט פניות ופגמים, וואס וועט נתקן ווערען בעזר השם ווען מיר וועלן תשובה טוהן, דער רע וועט אנידערפאלן, בלייבן וועט נאר די מצווה וואס איז נצחי.
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

דער תהילים איד האט געשריבן:איך ווייס נישט צו איך גיי מיטשטימען אז דער "אונטער-באוואוסטזיין" פון אן עלטערן ברודער וואס 'נעמט קעיר..' גייט געווענליך ממש אויף אזוי ווייט, אבער צוערשט א ווארט צו דעם אשכול:

Wow!

איך האב הנאה סיי פון דיין קאמפלימענט, און - אויב מעג מען אזוי זאגן - נאכמער פון דיין הערה.

די שיינקייט פון דיין הערה איז ביי מיר, אז דאס גופא איז דאס קאמפליצירטקייט פונעם ״אונטער-באוואוסטזיין״. עס איז אזוי פארנעפלט און צעמישט, אדער בעסער געזאגט, פארשטאפט. אז דער מענשט ווייסט נאר וואס עס טרייבט אים, ווען עס באטרעפט אים די אזוי זעלטענע ״מאמענט פון אמת״.

און איך גיי דיר נישט זאגן אז יעדער ווערט געטריבן פון די זעלבע נייגונגן, בכלל נישט. נאר ״הכל לפי מה שהוא האדם״. ווארום יעדער ברנש ווערט געבוירן מיט א צאל נייגונגן וועלעכע פארמען אויס זיינע מידות, לטב ולמוטב, ווען ער וואקסט אויף. טא, נישט יעדער ליידט אויף שררה אדער עצלות/עצבות וכו׳, אבער יעדער האט זיך זיין זעקל נייגונגן ספעציעל געפארעמט פאר זיין תועלת ברוחני ובגשמי, און ווי מער מען ארבעט אויף די מידות, אלס מער ריין זענען די מעשים.

דריי נקודות דארף מען געדענקן:
1) אין די הייליגע ספרים (מהראשונים עד אחרוני תלמידי בע״ש, ובאופן חריף ביותר בס׳ יושר דברי אמת) אז מען דארף טוהן וואס מען קען בתשובה ומעשים טובים טראץ און צוליב די אלע פניות וכתמים, בתקוה אז סוף סוף וועט מען צוקומען צו וואס מען דארף. בקיצור מיר טוען וואס מיר קענען, פון שלימות וועט שוין דער רבוש״ע מסדר זיין.

2) לעומת זה, אלץ האבן די אויגן אפן און זיין גרייט צו הערען אז מיר טוען זאכן עטוואס אומריכטיג, אזוי ארום נישט קאליע צו מאכן.

3) חלילה וחלילה זיך לאזן אריינגעשלעפט ווערען אינעם בלאטע פון צוריק טראכטן אויף יעדע זאך, צי ס׳איז יא געווען ריין צי נישט, דאס איז מתוקן און קען חלילה ברענגן צו דעם אז מ׳זאל אנקומען צו ווערן בגדר שוטה שפטור מכל המצוות. (האמת אגיד, כ׳האב געקווענקלט אולי נישט צו עפענען די נושא אזוי ברייט משום חשש זה... מיין ״אונטער-באוואוסטזיין״ האט אבער אויסגעפירט מטעמים כמוסים...)

והא רחום יכפר...
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

גם יחד, גאר א פיינע צושטעל, וכעין זה רבות בדברי חז״ל.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
צעיר באלפי ישראל
שר חמישים ומאתים
תגובות: 317
זיך איינגעשריבן אום: דאנערשטאג יאנואר 07, 2010 12:54 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צעיר באלפי ישראל »

מסוכן צ"ל.

שטארק זיך, יש חיבורים מפרי עטך בנושאים הללו?

אם התשובה הוא כן, מה הם?

ואם לאו, מדוע לא, למה תמנע טוב מבעליו?
gamyuchad
שר חמישים ומאתים
תגובות: 304
זיך איינגעשריבן אום: דינסטאג נאוועמבער 01, 2011 9:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך gamyuchad »

שטארק זיך.
קוקסט אויס צו זיין גייסטיש געזונט ב"ה. איך האב זייער הנאה צו ליינען וואס איר שרייבט.
איך האב געזען אמאל אין איינע פון די ערשטע ספרי תלמידי בעש"ט הק' וועגן דעם ענין כ'האב ליידער פארגעסן וואו ס'שטייט, אבער בערך, אז א איד דארף זיך גוט אדורכטון את נפשו, צו פארשטיין זיין מהות און זיינע נטיות, זיך פונקטליך ארויסהאבן כל תכונת נפשו, דאס טייטשט אז כדי צו זיין א ערליכע איד מוז ער משרש זיין בתוך עמקי לבבו און אויפפאסן אויף זיינע מחשבות און מעשים וואס עס ליגט אונטער דעם, טאקע פארדעם צו וויסן יעדע זאך וואס ער טוט, פארוואס ער טוט דאס און וואס זיין כוונה פנימית איז. און נאר נאכן הארעווען זיך אמת'דיג צו קענען, וועט ער קענען בע"ה מתקן זיין זיינע מדות, וואס כפי המבואר בר' חיים וויטאל, וברמ"ק, ובהגר"א ובצעטל קטן ועוד הרבה עד אין שיעור וערך. איז דאס תכלית בריאת האדם.
דאס איז דברים פשוטים, און יעדער ווייסט וועגן תיקון המדות. אבער יענער צולייגט עס שטארק מיט אסאך דיטעיל. והשי"ת יחזיר לי אבידתי.
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

צעיר באלפי ישראל האט געשריבן:מסוכן צ"ל.

שטארק זיך, יש חיבורים מפרי עטך בנושאים הללו?

אם התשובה הוא כן, מה הם?

ואם לאו, מדוע לא, למה תמנע טוב מבעליו?

מסוכן, ריכטיג... דערמאנט מיך וואס יענער האט געזאגט חזקה על (פיל אריין דיין פעיוואריט...) -שאינו מוציא מתחת ידו דבר שאינו מסוכן...

לעצם הענין צו שרייבן?

מ׳טוט דערינען, מ׳קומט נישט אן.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

gamyuchad האט געשריבן:שטארק זיך.
קוקסט אויס צו זיין גייסטיש געזונט ב"ה. איך האב זייער הנאה צו ליינען וואס איר שרייבט.
איך האב געזען אמאל אין איינע פון די ערשטע ספרי תלמידי בעש"ט הק' וועגן דעם ענין כ'האב ליידער פארגעסן וואו ס'שטייט, אבער בערך, אז א איד דארף זיך גוט אדורכטון את נפשו, צו פארשטיין זיין מהות און זיינע נטיות, זיך פונקטליך ארויסהאבן כל תכונת נפשו, דאס טייטשט אז כדי צו זיין א ערליכע איד מוז ער משרש זיין בתוך עמקי לבבו און אויפפאסן אויף זיינע מחשבות און מעשים וואס עס ליגט אונטער דעם, טאקע פארדעם צו וויסן יעדע זאך וואס ער טוט, פארוואס ער טוט דאס און וואס זיין כוונה פנימית איז. און נאר נאכן הארעווען זיך אמת'דיג צו קענען, וועט ער קענען בע"ה מתקן זיין זיינע מדות, וואס כפי המבואר בר' חיים וויטאל, וברמ"ק, ובהגר"א ובצעטל קטן ועוד הרבה עד אין שיעור וערך. איז דאס תכלית בריאת האדם.
דאס איז דברים פשוטים, און יעדער ווייסט וועגן תיקון המדות. אבער יענער צולייגט עס שטארק מיט אסאך דיטעיל. והשי"ת יחזיר לי אבידתי.

רב גם יחד, א שטארקע הערה. בפשטות מיינט איר נקודה נומער דריי אין אנטווארט צו תהלים איד.

אוודאי דארף א איד דרינגליך אדורכטוהן זיינע טרייבענדע מאטיוון, אבער מסתבר איז אז יעדער מענטש דארף זיין רעאליסטיש מיט זיך און ווייסן צו ער איז שוין גרייט צו אמת׳דיג קאנפראנטירן זיינע שוואכקייטן, אפשר וועלמיר מער מאריך זיין דערויף מיט די צייט.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
משה פיש
שר העשר
תגובות: 31
זיך איינגעשריבן אום: דאנערשטאג אוגוסט 12, 2010 3:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה פיש »

געערטע שטארק זיך, איך קען נישט אנפאנגען צו ענטפערן אן דיר קודם גראטולירן אויף דיין פעדער און מח וואס דו לייגסט אריין אין א תגובה. דיינע הנחות זענען הערליך און אמת'דיג, איך האף אז מענטשען פארשטייען און דערליינען די טיפקייט וואס ליגט אין די ווערטער.

יעצט צום ענין, גראדע האב איך נישט געוואלט אריין גיין אין די דקות'דיגע חילוקים וואס דו ברענגסט דא, אבער אז דו שלעפסט מיך וועל איך מיך לאזן דערשלעפן ביז א געוויסע מאס און פראבירן דורך צוטון די זאך מיט א קלארע פארשטאנד.


לאמיר אנפאנגען אזוי, מיט די חלק פון די מח וויאזוי ער ארבעט זענען מיר ביידע מסכים און אויף דעם איז ניטאמאל שייך זיך צו קריגען.
אונזער חילוק כאפט און די צוגאנג ווען א 'ברודער' רעדט וואס מ'בעט אים נישט.

לאמיר פארשטיין אביסל, וואס איז דאס 'ברודער נאנטשאפט?' לאמיר נעמען א משל, ווען מ'הערט אז עס האט ליידער פאסירט א טראגעדיע ביי איינעם וואס מ'קען נישט. די רעאקציע וועט זיין; אוי נעבעך ברוך דיין האמת. ביז צען מינוט געדענקט יענער ניטאמאל אז ער האט דאס געהערט. (אויסער פארשטייט זיך אויב די טראגעדיע איז עפעס אויסטערליש, דאן גייט עס ארייו טיפער ווייל וואו ווייניגער מ'הערט פון אזא געדאנק ווערט עס טיפער איינגעקריצט.. א באזונדערע שמועס) ואס טוט זיך אבער אויב דער וואס איז נעבעך אוועק וואוינט אויף די זעלבע גאס, דאן איז די קרעכץ טיפער און ס'גייט מער אריין. יעצט א שטאפל ווייטער, אויב דער איז איינער וואס זיצט מיט דיר אויף איין באנק אין שול.. אה, דאן ציפט עס געפערליך.. דאס הייסט וואו נענטער די פראבלעם איז צו דיין הארץ אלס מער אפעקטירט עס דיר.

יעצט, א ברודער איז פון די נענסטע צו דיין הארץ וועגן אפאר סיבות, קודם איז ער נאנט צו דיר ווייל ער וואוינט אינאיינעם מיט דיר אין איין דאך. וואס דאס אפילו ער זאל נישט זיין דיין ברודער נאר א שטיף ברודער איז ער נאנטער צו דיר וואו א שכן וואס וואוינט אויף דיין שטאק. און א ברודער וואס איז דיין פלייש און בלוט איז ער פי כמה נענטער צו דיין הארץ. און זיינס א פראבלעם איז דיינס פראבלעם.

וואס דארף מען מער פון דעם אז די נאנטשאפט פון א טאטע צו א קינד איז אויסטערליש. און די כבוד וואס מ'דארף מכבד זיין א טאטע און א ברודער ליגן אין איין פסוק.
אבער איך פארקריך שוין פון די נושא.

איז וואו איך קוק עס אן, ווען א ברודער קומט העלפן מיט א פראבלעם אדער ווען ער מיינט ער קומט העלפן איז עס נישט ווייל זיין באוואוסטזיין זאגט אים אז ער גייט יעצט ווייזן עלטערקייט אדער עגא. איך וואלט עס אראפגעלייגט פארקערט וואו דיר.
אונטער זיין באוואוסטזיין וואס דאס רופט זיך 'די אמת'ע סיבה' וויל ער העלפן זיין ברודער ווייל ער איז זיין ברודער! און דאס איז א נאטירליכע שטופ וואס שרייט צו אים "דיין ברודער דארף הילף, זעה וואס דו קענסט טון". און וואו געזאגט, די נאטירליכע נאנטשאפט איז נישט אזאך וואס מ'דארף ארבעטן אויף זיך. דאס איז נאטירליך יעדע מענטש האט ליבט און זארגט זיך אויף זאכן וואס זענען נאנט צו אים.

אבער. דא קומט א גרויסע אבער.. געוויסע ברודער האבן גענומען די נאנטשאפט און עס איבערגעדרייט אויף וואו דו רופסט ער "איגאו, עלטער, געלונגענער, וכו' וכו'" אבער דאס איז א פעולה וואס מ'האט געטון מיט די נאטירליכע נאנטקייט און פארפאטשקעט ביידים. און אטא דאס וואלט איך געלייגט אויפן שטאפל פון "באוואוסטזיין" דאס הייסט ער האט גענומען זיינע געפילן מיט וואס ער איז באשאפן געווארן און ער האט עס פארדרייט מיט זיינע שלעכטע מידות.

און אויף דעם בויט זיך די חילוק וויאזוי מ'האנדעלט מיט א ברודער. אויב איז דער ברודער נארמאל און נאטירליך און ער מיינט ער העלפט ווייל זיין 'אונטערן באוואוסטזיין' דיקטירט אים אזוי, דאן וואלט איך געניצט מיין גאנג פון אים שיקן די איידעלע רמז אז דאס איז נישט זיין פעלד. אויב רעדט מען אבער פון א ברודער וואס האט פארדרייט די יוצרות און פון אידישע/נאטירליכע געפיל האט ער עס פארטוישט מיט אייגענע נגיעות און ער נעמט די הילף -וואס דערקוטשעט אים צו געבן- און ער ניצט עס אויף זיך זעלבסט בויען דאן דארף ער די מעסעדזש קורץ און שארף. "יעצט איז נישט די ריכטיגע צייט זיך אויפצובויען אויף מיינע פלייצעס".

פארשטייסט וואס איך שרייב הער שטארק זיך?
אוועטאר
leiby
שר שלשת אלפים
תגובות: 3911
זיך איינגעשריבן אום: זונטאג נאוועמבער 16, 2008 11:08 pm
לאקאציע: צווישן אידן

  • ציטיר
  • צו לייגן א דאנק דארפט איר זיין אריינגעלאגט

תגובה דורך leiby »

שטארק זיך האט געשריבן:
gamyuchad האט געשריבן:שטארק זיך.
קוקסט אויס צו זיין גייסטיש געזונט ב"ה. איך האב זייער הנאה צו ליינען וואס איר שרייבט.
איך האב געזען אמאל אין איינע פון די ערשטע ספרי תלמידי בעש"ט הק' וועגן דעם ענין כ'האב ליידער פארגעסן וואו ס'שטייט, אבער בערך, אז א איד דארף זיך גוט אדורכטון את נפשו, צו פארשטיין זיין מהות און זיינע נטיות, זיך פונקטליך ארויסהאבן כל תכונת נפשו, דאס טייטשט אז כדי צו זיין א ערליכע איד מוז ער משרש זיין בתוך עמקי לבבו און אויפפאסן אויף זיינע מחשבות און מעשים וואס עס ליגט אונטער דעם, טאקע פארדעם צו וויסן יעדע זאך וואס ער טוט, פארוואס ער טוט דאס און וואס זיין כוונה פנימית איז. און נאר נאכן הארעווען זיך אמת'דיג צו קענען, וועט ער קענען בע"ה מתקן זיין זיינע מדות, וואס כפי המבואר בר' חיים וויטאל, וברמ"ק, ובהגר"א ובצעטל קטן ועוד הרבה עד אין שיעור וערך. איז דאס תכלית בריאת האדם.
דאס איז דברים פשוטים, און יעדער ווייסט וועגן תיקון המדות. אבער יענער צולייגט עס שטארק מיט אסאך דיטעיל. והשי"ת יחזיר לי אבידתי.

רב גם יחד, א שטארקע הערה. בפשטות מיינט איר נקודה נומער דריי אין אנטווארט צו תהלים איד.

אוודאי דארף א איד דרינגליך אדורכטוהן זיינע טרייבענדע מאטיוון, אבער מסתבר איז אז יעדער מענטש דארף זיין רעאליסטיש מיט זיך און ווייסן צו ער איז שוין גרייט צו אמת׳דיג קאנפראנטירן זיינע שוואכקייטן, אפשר וועלמיר מער מאריך זיין דערויף מיט די צייט.

אה דא רעדט מען אביסל מיין שפראך, מ'זעמיר גרייט צו הערן נאך,
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.
אוועטאר
DotCom
שר חמש מאות
תגובות: 686
זיך איינגעשריבן אום: זונטאג נאוועמבער 23, 2008 10:29 pm
לאקאציע: אין גלות

  • ציטיר
  • צו לייגן א דאנק דארפט איר זיין אריינגעלאגט

תגובה דורך DotCom »

ווילאנג אלע חילוקי דעות וועלן זיך אויסגלייכן וויל איך אבער בעטן מיינע אינגערע געשוויסטער, אויב רעד איך אמאל טאטישע ווערטער צו ענק פליז גיוו מי א פאנטש אין די פעיס אן קיין שום איידעלע קאנפראטירונגען אדער רמזים, אזוי ווי אונזערע עלטערע געשוויסטער זענען צו מיר וויל איך נישט זיין קיין איין מינוט צו ענק.
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

ערעב משה, זייער שיין צעלייגט, איך מיין אז איך דערהער דעם מקום המחלוקה, איבער דעם שפעטער אביסל אי״ה...

א נקודה נאר,

מן הסתם זענען פאראן חברים וואס האבן באמערקט פונעם מהלך פון מיינע ווערטער, אז דער ״באוואוסטזיין״ נעמט אן די פונקציעס פון פונעם ייצר טוב; ווידעראום דער ״אונטער-באוואוסטזיין״ שטעלט זיך אוועק ווי דער ייצר הרע.

זייט וויסען אז דאס איז נישט מיינע חידושים, עס איז מבואר אין די ראשונים אז עס איז דא צוויי סארטן ייצרים, איינער איז א מלאך דאס צווייטע איז סארט איז א חלק פון אונזער וועזן (נזר הקודש בראשית פרשה ז׳, ועיין גם יערות דבש) בספרי חסידות (תניא, לקומ״ה ועוד, ולפניהם המקובלים) איז מבואר אז דער יצר הרע שבגוף איז שוכן בנפש הבהמי בדם חלל השמאלי שבלב וואס דאס איז דער כח המדמה, ווידעראום דער ייצר טוב שבגוף איז בעיקר דער דעת, דער כח השכלי

און, וזה העיקר, לויט ווי די ספרי מוסר, ומקורם בחז״ל לייגן אראפ דעם כח המדמה איז גאנץ קלאר אז זיי צילן דאס וואס מיר רופן דא דעם ״אונטערן-באוואוסטזיין״, און דער כח השכלי דער ״באוואוסטזיין״.

איז אזויי, אוודאי איז דער אמת׳ר רצון וואס דער שכלי וויל; עס ווערט נאר פארדרייט דורך דעם ייצר הרע, והו הוא המדמה.

קצרתי מחמת האדר נרבונים להאריך..
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
והוא פלאי
שר האלפיים
תגובות: 2754
זיך איינגעשריבן אום: זונטאג אוגוסט 23, 2009 3:18 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך והוא פלאי »

יש לי שני הערות
א' למה מדברים רק מהתת הכרה של האח המבוגר, וכי התת הכרה של האח הצעיר הוא נקי, משום שהוא מזוכך ע"י יסוריו?
ב' בענין מקורותיו של שטארק זיך בדברי חז"ל והראשונים, שאלתי הוא אם מצא את הדברים בראשונים, או מצא את הדברים בשאר ספרים (חיצונים) ואחר כך מצא את זה בראשונים

ועכשיו לענין יצה"ר ויצ"ט, יש ויש בספרים
כידוע דברי היש"מ, אודות שני היצה"ר, החלל השמאלי, והמלאך, וידוע מה שמיישב, ויש עוד ישובים בספרי חסידות
אולם כמדומה על יצ"ט יש ג"כ שני הבחינות, נפש השכלי, והמלאך, וכו'
למה זה תשאל לשמי...
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

והוא פלאי, ביסט נאך דא?

ווייל דאס איז א היט נ׳ ראן...

פארפאלן, מ׳מוז זיך וויסענדיג מאכן, דער איז גוט מעיר... וואס טוט זיך מיט׳ן אינגערן ברודער... א זאך וואס געהער אפשר אין ערשטן אשכול...
א תירוץ אויף דעם האב איך געשריבן אין דאט-קאמ׳ס ברודער אשכול, הגם נישט ממש דער מציאות.

די צווייטע הערה איז שוין אביסל פערזענליך... ער פרעגט ווי עס האט זיך אנגעהויבן מיט די מקורות פון חז״ל צי ביכער. . .

לאז מיך נאר זאגן, אז די זאכן זענען אמת׳דיג מקוריות׳דיג, הגם מ׳האמיר אביסל הציץ געווען יארן צוריק, והשם הטוב יכפר..
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
שמו
שר ארבעת האלפים
תגובות: 4954
זיך איינגעשריבן אום: מאנטאג אקטאבער 31, 2011 12:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמו »

שטארק זיך, ביסט מעכטיג שטארק, און ממש די שטארקסט זיך און אנדערע, קיינמאל פריער נישט געזעהן די נושא אזוי קלאר, ביסט א מזכה את הרבים, זיי ממשיך ווייטער, ווייל ס'איז זייער לערנבאר, און זייער וויכטיג פאר די חיי היום יומית.
אגב והוא פלאי, כתוב חכמה בגוים תאמין, כך שאין נ"מ גדול היכן ראה זאת, בפרט כשיש לזה שורש גם בספרים קדושים, (אולי התת הכרה דוחה למצוא הפגמים שבדברים האמיתיים כדי שלא לקבלו? ואולי שגיתי?)
כשמ"ו כן הוא

סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינען https://act.webull.com/nt/1tSOfvYQhs4K/

גם אני נקי עם נטפרי
אוועטאר
מר. פאטאשאפ
שר שלשת אלפים
תגובות: 3283
זיך איינגעשריבן אום: דאנערשטאג מארטש 25, 2010 9:16 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך מר. פאטאשאפ »

שטארק זיך האט געשריבן:והוא פלאי, ביסט נאך דא?
ווייל דאס איז א היט נ׳ ראן...

;l;p-
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

שמו האט געשריבן:שטארק זיך, ביסט מעכטיג שטארק, און ממש די שטארקסט זיך און אנדערע, קיינמאל פריער נישט געזעהן די נושא אזוי קלאר, ביסט א מזכה את הרבים, זיי ממשיך ווייטער, ווייל ס'איז זייער לערנבאר, און זייער וויכטיג פאר די חיי היום יומית.
אגב והוא פלאי, כתוב חכמה בגוים תאמין, כך שאין נ"מ גדול היכן ראה זאת, בפרט כשיש לזה שורש גם בספרים קדושים, (אולי התת הכרה דוחה למצוא הפגמים שבדברים האמיתיים כדי שלא לקבלו? ואולי שגיתי?)

שמו, א הארציגן יישר כח פאר די חיזוק,

להערה, איך וואלט נישט אוועקגעמאכט והוא פלאי׳ס נקודה אזוי כלאחר יד, בכדי צו קענען נעמען פון די חכמי הגוים בדברים הנוגעים אל הנשמה, איז נישט קיין קינדער שפיל.

למעשה געלויבט הקדוש ב״ה האב איך געהאט א גוטער ערליכער מדריך בנושא, צו וועמענס מהלך איך פרוב זיך צו האלטן.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
משה פיש
שר העשר
תגובות: 31
זיך איינגעשריבן אום: דאנערשטאג אוגוסט 12, 2010 3:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה פיש »

געערטער שטארק זעך, וואו ווייט דארפסטו קריכן פאר אזאנע דברים פשוטים?
איז דאס דען נישט קיין פסוק חומש 'כי ייצר לב האדם רע מנעריו'? דאס הייסט אז ביז די דרייצן איז די מענטש אונטערן רשות פונעם ייצר הרע און ער בויט אים דאס 'אונטערן באוואוסטזיין' ווען מ'ווערט דרייצן יאר דארף די 'באוואוסטזיין' זיך אויסשלאגן מיט די אלע אינפארמאציע און טבעיות וואס די אונטערן 'בטוואוסטזיין' האט צוזאמגענומען די לעצטע פאר יאר.
אין אנדערע ווערטער, א מענטש ווערט געבוירן מיט שלעכטע נייגונגען און דאס גייט אים פירן און טראגן פון די טאג וואס ער איז געבוירן ביז ווען ער וועט נישט אויסרייסן און מאכן די גוטע זאכן פאר זיין טבע שני. טייטש אזוי, א מענטש נייגט צו שלעכטס. לאמיר נעמען א משל א מענטש וואס האט א שוואכקייט מיט גניבה, יעצט ווען ער זעהט א חפץ וואס גליסט אים צו נעמען, זיין מח וועט אים דיקטירן אז ער זאל דאס טון און פון אונטערן באוואוסטזיין וועט קומען צו פליען אלע אינפארמאציע וואס ער דארף האבן צו קענען אויספירן די גניבה. אויב אבער מאכט ער אפ אז ער וויל מער נישט גנב'ענען. ער מאכט אפ ער טוט תשובה. וואס געשעט איז אז דאסמאל גייט ער טאקע נישט גנב'נען אבער דאס מיינט נישט אז די קומענדיגע מאלער גייט האבן די אפציע צן גנב'נען גייט אים זיין מח נישט שטופן דערצו, קלאר אז יא, אונטערן באוואוסטזיין ווייסט ער דאך אז ער איז געשלאגן מיט גניבה און יעצט קן ער כאפן א גוטן פישל. אויב גייט ער זיך נאכאמאל ברעכן גייט ער ווידער האבן זיך געבראכן אבער ווייטער נישט געטוישט די אונטערן באוואוסטזיין, הערשט נאך פערציג מאל וואס מ'טוט דאס, דאן טוישט מען די 'דיפאלט סעטינג' זאגט די צעטיל קטן.

אבער דאס איז מיט זאכן וואס די טבע קומט צו ציען צו שלעכטס, משא"כ זאכן וואס די טבע איז גוט, למשל מכבד זיין טאטע מאמע אדער וואו מיר האבן פריער גערעדט פון וועלן העלפן א ברודער דאס אלעס ליגט אין די 'אונטערן באוואוסטזיין' ווייל דאס איז פשוט א טבעיות. וזה פשוט.
אוועטאר
שמו
שר ארבעת האלפים
תגובות: 4954
זיך איינגעשריבן אום: מאנטאג אקטאבער 31, 2011 12:38 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמו »

שטארק זיך האט געשריבן:להערה, איך וואלט נישט אוועקגעמאכט והוא פלאי׳ס נקודה אזוי כלאחר יד, בכדי צו קענען נעמען פון די חכמי הגוים בדברים הנוגעים אל הנשמה, איז נישט קיין קינדער שפיל.

למעשה געלויבט הקדוש ב״ה האב איך געהאט א גוטער ערליכער מדריך בנושא, צו וועמענס מהלך איך פרוב זיך צו האלטן.


ברגע שמצאת זאת בספרי קדמונינו אין זה כבר בעי' לכאו',
ואגב אם יש לך כזה קלארקייט בזה, למה אינך יוצא לרחוב להיות פסיכילוג ולעשות 100$ לכל רבע שעה
ואם אתה עושה כן, אז הנני לברכך בברכת עלה והצלח, תעזור להרבה אנשים ותעשה הרבה כסף, ואל תשכח ליתן לי המעשר געלט.
כשמ"ו כן הוא

סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינען https://act.webull.com/nt/1tSOfvYQhs4K/

גם אני נקי עם נטפרי
אוועטאר
גלגן
שר חמישים
תגובות: 61
זיך איינגעשריבן אום: מאנטאג נאוועמבער 07, 2011 5:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך גלגן »

wow! קעניינע הארע וואס איך זעה דא, א טיפן יישר כח פאר די מגיבים ובפרט פארן בעל אכסניא הרב שטארק זיך, און פאר זיין קאלעגע הרב משה פיש, מיר באלעקן זיך די פינגער,

יעצט צום ענין וואס הרב שטארק זיך האט געברענגט בנוגע דער באוואוסטזיין דאס איז דער יצר טוב, און דער יצר הרע דאס איז וואס דער מענטש טראכט נישט אפען, נאר אונטערן באוואוסטזיין, מיין איך אז סאיז גלייך צו ברענגען וואס ווערט מבואר אין ספר התניא,

קודם כל יעדער איד וויל במעמקי לבו, דינען דעם רבונו של עולם, אפי' דער גרעסטער קל שבקלים, אדרבא, ווען א רשע וויל אמאל שלעכטס טוהן, קען ער עס טוהן אפי' מיט מער רשעות, מיט מער פארביסנקייט, און ער כאפט זיך גארנישט אז דאס קומט ווייל ער וויל פארשטאפן די אינערליכע געפילן, וואס לאזן איהם נישט אפ, די געפילן וואס קוועלן צו זיין הארץ דוקא פון ריינע מחשבה, מחשבה וואס טראכט אביעקטיוו, מחשבה וואס זעהט די זאך ווי סאיז נישט ווי מוויל סזאל זיין, ווי מוויל זאל זיין, מיין איך דא, דאס וואס איז אפגעטייטש אפען אין זיין הארץ, דאס וואס ער זעהט קלאר, דהיינו מיט'ן תניא'ס שפראך, דאס וואס ער וויל בהתגלות לבו, און זיינע אפענע געפילן, און רצונות וואס וויל דוקא נישט טראכטן פראבירן עס צו טוהן מיט א שנעלקייט, און מיט מער האס, מיט מער פארביסנקייט כדאי נישט צו זיך צוצוהערן צו זיינע טיפענישן.

דהיינו לכאורה איז די זאך פארקערקט, באהאלטן וויל דער מענטש דינען דעם רבונו של עולם, אפען נישט, נאר דאס איז ביי יעדן אנדערש, ביי צדיקים ווילן זיי דאס אויך אפען, בינונים ווילן נאר באהאלטן, אבער פאלגן נאר דעם באהאלטן שטענדיג, רשעים פאלגן דעם אפען, וכו' עיין בדבריהם.

נאכן שרייבן די שורות זעה איך אז ספעלט אויס צו אנהייבן פון א אנדער סדר, הרב שטארק זיך איר זאגט אז דער אונטערן באוואוסטזיין איז דער יצר הרע, און דער באוואוסטזיין איז דער יצר טוב,
איין מינוט, וואס מיינט ביי אייך יצר הרע, יצר טוב,
ווי איך ווייס ביז יעצט יצר הרע מיינט די כוחות וואס ליגט אינעם מענטש וואס רעדט איהם צו שלעכטס, יצר טוב די כוחות וואס ליגט אינעם מענטש וואס רעדן איהם צו, צו טוהן גוטס,
איז וואו איז שייך צו מגדיר זיין אז די חילוק אין נפש האדם, דער אונטערן באוואסטזיין אלס איין פון די צוויי, און אזוי אויך דער באוואוסטזיין,
ס'איז לכאורה יעדן מאל עפעס אנדערש, ווען ער טוהט גוטס איז דער באוואסטזיין צו טוהן גוטס, און דעמאלט קען זיך באהאלטן פניות פונעם צד הרע, און ווען ער טוהט שלעכט איז אויפן באוואוסטזיין איז דער יצר טוב, און טיף אינטערן באוואוסטזיין טראכט ער צו טוהן גוטס.

אקעי מען וועט ממשיך זיין בלי נדר אנאנדערס מאל.

אנטשולדיג די תגובה איז געשריבן אביסל צומישט, איך האב עס געשריבן נאך א איבערגעשטרענגטע טאג ארבעט, און מיין מח איז יעצט לגמרי נישט קלאר, מיר האפן אז איר וועט פארשטיין וואס איך וויל ארויסברענגען, און נאכאמאל א ספעציעלן דאנק פארן ספעציעלן אשכול, דער געדאנק דערפון איז וואונדערבאר,
עטס מעגטס מיר גלייבן; מיין ווארט איז מער ווערט ווי מיין אינטערשריפט....
שטארק זיך
שר שבעת אלפים
תגובות: 7784
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

רב גלגן, לייענט ביטע איבער די ביז היצטיגע תגובות, וועלן ס׳רוב נקודות פארענטפערט ווערן,

ולהוי ידוע, וואס דער בעל התניא זאגט איבער׳ן רצון אמיתי, מיינט ער פיל טיפער ווי אונטער׳ן באוואוסטזיין, בתוך תוכיות הנפש... איך וויל אי״ה צו דעם אויך אנקומען.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
גלגן
שר חמישים
תגובות: 61
זיך איינגעשריבן אום: מאנטאג נאוועמבער 07, 2011 5:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך גלגן »

ווי איך זעה, ווען מען רעדט דא פון אונטערן באוואוסט זיין, באציט מען זיך בעיקר צו דעם וואס הרב משה פיש רופט און סטארידזש, און ווי סווערט נתבאר שפעטער אין זיינע תגובות וועט אלעמאל אין די סטארידש ליגן מער פון די שלעכטע געדאנקען, און די שלעכטע רצונות,

און אנדערע ווערטער, ביי יעדע פעולה פונעם מענטש איז דא אויף דעם וואס ער כאפט זיך דערויף, און סאיז דא וואס ער כאפט זיך גארנישט וואס זענען זיינע אמת'ע מאטיוון, און בעצם וואלט געווען א מעגליכקייט אז גאר זאלן זיינע אמת'ע מאטיוון זיינע גוטע, און גאר בעסערע, ער כאפט זיך נישט למשל ווייל ער איז נישט עומד אז ער איז בעצם גרעסער און בעסער אז ער זאל זיין בארעכטיג אויף צו טוהן דעם גוטס מיט א נאטורליכקייט,

אבער איר מאכט דעם חשבון אז פשוט היות אין דעם סטארידש ליגט מער פון די נישט גוטע געדאנקען, און ווי הרב פיש ברענגט דעם פסוק כי יצר לב האדם רע מנעוריו, איז ממילא אויטאמאטיש אז געווענליך וועלן די געדאנקען וואס איז איינגעקריצט אין איהם זיין פון די נישט גוטע,

אין איין ווארט, דאס וואס דער אונטערן באוואסטזיין איז די נישט גוטע, איז נישט בעצם, נאר במקרה, פשוט ווייל פון דעם האט דער מענטש געווענליך מער

האב איך ריכטיג פארשטאנען, הרב שטארק זיך?
עטס מעגטס מיר גלייבן; מיין ווארט איז מער ווערט ווי מיין אינטערשריפט....
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

ש"ז;
נישט פונקטליך פארשטאנען, קענסט מאכן א משל מיט א קאמפיוטער?

און זיי מסביר דעם "יצרי מעללי איש" ביטע.

משה;
דו פרעגסט גוט הרב שטארק זיך אז די זאך איז פארקערט לכאורה, ווייל די ברודערשאפט ליגט סייווי אונטערן באוואוסטזיין.
לע"ד וואלט איך געזאגט אז ביידע זענען גערעכט, די "אונטערן באוואוסטזיין" קען ווערן צעטיילט אין נאך חלקים, עס איז דא שלא בהתגלות, עס איז דא טבע שני וכו'. דעריבער קען זיין אז די עצם ברודערשאפט איז איין חלק און די מידות א צווייטער חלק.
שוש אשיש בה', תגל נפשי באלקי! (ישעיה סא)
שרייב תגובה

צוריק צו “דעת הקהל”