כך מקבל שכר על הפרישה

[moshele11211]

איזהו (שאלת) חכם....
אפשר הייב איך בכלל נישט אן ??
ושלום (בית) על ישראל

אז די וועסט שטארק בעטן וועל איך מיינען אז די ביסט עס

[קרעמער]

עס רייסט מיר ביים הארץ אז מען האט אזוי שטארק געקענט 'צופיקסן' א היימישן אינגערמאן על לא עול בכפו, איך ווייס אביסל דעם טעם דערפון האבנדיג געשפירט אפס קצהו דערפון מפעם לפעם, און איך בין בטוח אז מען קומט אפ דערמיט אסאך אסאך (זאג 'ראה עניי ועמלי ושא לכל חטאתי', עס איז טאקע ביטער ווי די גאל, אבער מען ווערט דורכדעם אפגעהיטן פון ערגערס ל"ע).

און אזוי ווי אלע שרייבער דא, זעה איך נישט דעם פראבלעם פון קומען מיט א פרישע ניק און טאקע בעגלא ובזמן קריב.

[שטארק זיך]

עס זאגט זיך גרינג קומען מיט א פרישן ניק,
קודם איז מען שויניש אזוי רואיג ווען מען האלט נאך א דורכפאל,
נאכדעם, דארף מען דאך אנהייבן פון פריש אויפבויען דעם אנזעהן ביים ציבור,
והאחרון, דער נייער מנהג המקום פון חושד זיין יעדן נייען ניק מיט כפל וד׳ וה׳, גיבט נישט קיין חשק פאר אזא באטראפענעם.

[בחורהזעצער]

שאלת חכם; איך בין שטארק גערירט געווארן פון דיין ווייטאג, און מיט דעם האלט איך מיט פעדער, אז אזא איינעם דארף מען חוסם זיין.

נאר איך פארשטיי נישט פונקטליך וואס דיין שווער האט יא געוואוסט און וואס נישט, האט ער געוואוסט אז דו האסט א קאמפיוטער און אינטערנעט פאר ביזנעס? מה כל הרעש!! הלמאי אינטערנעט; יא! אייוועלט; נישט!. אויב האט ער בכלל נישט געוואוסט אז דו האסט אינטערנעט? וויאזוי העסטו זיך נאך קענען דרייען אויף אנדערע פלעצער? אויסשפילן און טוהן וואס די ווילסט אונטערען רוקן, קענסטו יעצט אויך?

אויב איז דאס נאר געווען אן אזהרה אז יענער זאל חלילה נישט טוהן אזאנס, דאן קען איך דיר גראטולירן אויף דיין עצה, און ווי עס שיינט וועט עס ברענגן געוואונטשענע רעזולטאטן, און צו זיין אויפן זיכערע זייט שיק אים א לינק!

ווידעראום אויב איז דאס נאר א הכנה צום טויזענסטע תגובה ווי מען גייט אויסשרייען "קאלאווער"? דאן טוה דאס ווי פריער, דער עולם האלט דאס שוין נישט אויס.

אלענפאלס איך וויל דיר מיט דעם פערזענליך באדאנקן פאר דיינע זאכליכע תגובות, האסט אבאנטש צוגעגעבן צום פלאץ, און זאלסט האבן אסאך הצלחה.

[msp]

רבותי
עס טוט מיר זעהר וויי
אז א יונגערמאן פיהלט ער מוז אוועקציען פון אונזער וועלטעל
עס איז נישט נארמאל
אויף אסאך פלעצער בין איך שוין געווען
און איי וועלט איז איינמאהליג
עס איז נישט נאך פארהאן אזא פלאץ
טא פארוואס דארף מען דאס צו שטערען
עס איז נישט צום גלויבען
אדרבה
מיר דארפען בעהטען מחילה
שאלת חכם
זיי מצליח בכל דרכיך

[מי יודע]

והאחרון, דער נייער מנהג המקום פון חושד זיין יעדן נייען ניק מיט כפל וד׳ וה׳, גיבט נישט קיין חשק פאר אזא באטראפענעם.

ס'איז נישט ממש אזוי, ס'איז דא דא גענוג און נאך וואס האבן במשך הזמן געדארפט טוישן ניקס מאיזה סיבה שיהי', און אזוי לאנג ווי זיי טוען נישט וואס איינער האט לעצטענס געטון דא בעניני השקפה וד"ל מאכט מען קיינעם נישט צודרייט

[פאטאקי08]

מי הוא זה ואיזה הוא אשר מלאו לבו לעשות כן?

[דער תהילים איד]

ס'איז דא אזויפיל ניקס וואס איך וואלט געקענט באשטיין צו קענען זייער שווערס נאמבער... פארוואס געשעהט עס אייביג ביי די נישט ריכטיגע פערזאן?

א גרינע פאר דיר.

און צו שאלת חכם: לפי הבנתי איז די אישו פון מער נישט קענען שרייבן דא די פיש-זאפט פון דיין פראבלעם, איך פארשטיי אז די עגמת נפש וואס דו גייסט דורך איז א ביטערע פיל, זאל השי"ת העלפן אז דאס זאל זיין דיין לעצטער עגמת נפש פאר ביאת המשיח, וישא לכל חטאתיו.

[moshele11211]

פארפאסט א ווייטאגליכע ליד אויף די ........ מעשה

גילו גילו ווי ...... ביזטו
שאלת חכם ווי ווייט ביזטו
וואלט גילו קלענער געווען
וואלט שאלת חכם נענטער געווען

[כיצחק]

געלעגער האט געשריבן: ס'איז דא אזויפיל ניקס וואס איך וואלט געקענט באשטיין צו קענען זייער שווערס נאמבער

אפשר קען איינער מיר זאגען וויא עס געפינט זיך א לאנג יעריגער תושב א שר חמשת אלפים וואס זייט זיין תגובה דעם מוצש"ק כחצות בענין בריאות משונות האט מען נישט ג'זעהן פון אים
לבי אומר לי אז עס האט א שייכות מיט א זעלכע בריאות משונות וועם געלעגער מיינט

[פעדער]

ולא זכיתי להבין ! ביטע אביסל מער זאלץ און פעפער...
ווי משונה קען ער שוין זיין, אלס אלטגעזעסענער "שר חמשת אלפים"? ביסטו זיכער אז ס'איז נישט פון קנאה?
ווייל אויב יא, איז זייער גוט!!! זיי מקנא, און מאך דו עס אויך.

[פעדער]

אויב איז דאס נאר געווען אן אזהרה אז יענער זאל חלילה נישט טוהן אזאנס, דאן קען איך דיר גראטולירן אויף דיין עצה, און ווי עס שיינט וועט עס ברענגן געוואונטשענע רעזולטאטן, און צו זיין אויפן זיכערע זייט שיק אים א לינק!

ווידעראום אויב איז דאס נאר א הכנה צום טויזענסטע תגובה ווי מען גייט אויסשרייען "קאלאווער"? דאן טוה דאס ווי פריער, דער עולם האלט דאס שוין נישט אויס.

אלענפאלס איך וויל דיר מיט דעם פערזענליך באדאנקן פאר דיינע זאכליכע תגובות, האסט אבאנטש צוגעגעבן צום פלאץ, און זאלסט האבן אסאך הצלחה.

האסט אזוי זיס געשריבן אז ס'קומט זיך דיר שוין א ריווארד..
איינמאל פאר אלעמאל א פארגעשריטן בילד, פונעם 21 יאר הונדערט ...!
מעג'סט דיך שוין פארגינען א נייע קיבאורד, וועסטו פילפאכיג מער קענען מהנה זיין דעם ציבור...

[שמן למאור]

פעדער זיין יעצטיגע אוועטער ברענגט מער ארויס דעם חלק 'בחור', דיין בילד ברענגט מער ארויס דעם חלק 'זעצער' שבו

[פעדער]

ניין ! מיין בילד ברענגט אויסדרוקליך ארויס ביידע..! ווער דען זיצט ביי א לעפטאפ, און באהאלט זיך זיין פנים ווען מען כאפט א בילד?! אויב נישט קיין בחור?

[שמן למאור]

א בחור באהאלט דאס כגון דא

[פעדער]

כ'האב שטארק גלאכט...שכוח.

[דארפסמאן]

שאלת חכם עס טוט מיר באמת וויי אז די שפירסט אז די מיזסט אינץ איבערלאזען, און איבערהויפט אויף אזא אויפן, איך האב זייער הנאה געהאט פון דיר (אפילו איך האב נישט קאמאנטירט)
איך האף נאר אז מיר וועלן זיך נאך זעין און פריידען


הצלחה וברכה בכל אשר תעשה
הכו"ח בדמעות של צער הק' אברהם דארפסמאן

[סאכדעס]

אוי ואבוי, די הארץ קען זיך נישט בארואיגן, ווער ס'פארשטייט וואס פאר א געשעעניש דא האט פאסירט, דער קען בלייבן פארשטוינט אויף א לענגערע וויילע. בבחי' והאיש משתאה, אן קיין ענדע.

יאך פרוביר צו שפירן די צער פון שאלת חכם, אבער עס זענען נישט דא די ריכטיגע ווערטער זיך צו אויסדרוקן, נישט ווייל עס איז נישט דא די ווערטער, נאר ווייל די צער איז איבער אלע טראכטונגען. עס איז נישט צום באגרייפן די געפילן ווען דער שווער און איידעם טרעפן זיך צוזאם, עס וועט שוין קיינמאל נישט זיין ווי בעפאר.
כ'דארף לויפן

[כיצחק]

ולא זכיתי להבין ! ביטע אביסל מער זאלץ און פעפער...
.

let me try again
אן אלטער תושב גאר א מיושב און א מושלם האט מגיב געווען וועגעו בריאות משונות באקלמים וכו' און זייט דעמאלט האט מען נישט געזעהן זיין .....
ולבי אומר לי אז דאס איז א פועל יוצא פון בריאות משונות ליין נאכאמאל מיין אריגינעלע תגובה אפשר וועסט די כאפען די רמזים

[פרנקל]

מורי ורבותי, אחי ורעי היקרים, שאלת חכם היקר.

גם אני בחלומי בין שוין געוועהן דא אויף דעם )איי(וועלט אין א פריערדיגן גלגול, איך האב געשמאק פארברענגט געשמועסט און געלערנט פארשידענע אינטערעסאנטע עניינים, חכמת החיים, ערפארונג און שרייבן

איך האב שטארק געשעפט און זייער געגליכן דאס פלאץ, איך האב געשאפן א וועלט מיט געשמאקע יונגעלייט חבירים בני גילי וערכי, און אזוי געזיצן על מי מנוחות.....ביז

ביז, איך ווייס נישט וויזוי אייך דאס אראפצולייגן, וויזוי דאס ארויסצוברענגען, איך מיין אז איינער וואס מאכט דאס נישט מיט קען דאס נישט פארשטיין, דאס איז אבער דאס ביטערע מציאות, עס קומט פאר מעשים אשר לא יעשו טאג טעגליך.

איין טאג קריג איך א ידיעה אז א כלי חמישי ווייסט שוין איבער א האלב יאר ווער עס באהאלט זיך אונטער מיין ניק, און מאניטארט פונקטליך יעדעס טריט וואס איך שטעל....באמבע

די אטאם באמבע-א גרופע ניקים וואס באדערט נישט זייער גילוי ארבייטן גאר שווער-און זענען מצליח ליידער, מגלה. צו זיין וואס מער ניקס, מיין חשבון אז אזוי ארום וועט זיין א ניק א פארמערטע צאל נארמאלע מענטשן און ממילא וועלן זיי נישט זיין קיינע יחידישע לוזערס.....די דאזיגע געדאנקן-גאנג איז א באקאנטע מהלך פון מענטשן וואס זענען אין א פראבלעם וואס וועלן זוכן צו פארוואנדלען זייער מצב אלס צרת רבים און אזוי עס מאכן פאר א חצי נחמה. פינטעלע

ווי נאריש דאס זאל זיך הערן, נאך פיל נארישער איז עס ווען עס ווערט פאקטיש אויסגעפירט און עס העלפט זיי גארנישט.....מאכן דעם לאך גרעסער זונקט דאס גאנצע שיף, שטעלן א לייטער אויף יענעםס רוקן ארבעט נאר אויב יענער האלט ביים בלייבן פארבויגן

האב איך אפגעיאגט פון דא, שרייען. דאך אלע שאלת חכם מאך א נייע ניק, מיין תשובה צו דעם איז געוועהן, מיט אזוינע פערד, מיט אזוינע מדות מוזהבות וויל איך נישט זיין אונטער איין דאך, אויב אין פלאץ קען נישט הערשן דאס מינדעסטע מענטשליך רעספעקט איינער צום אנדערן איז א שאד אריינצוקומען

און די פראבלעם איז נישט זאגן פארן שווער, די פראבלעם איז דאס ווילן אליינס וויסן-איך וויל פשוט פאר מיר וויסן- סתם פאר נייגער-ווער איז מיין מיטשמועסער- איך גיי קיינעם נישט זאגן.......רבונו של עולם דו ביזט דאך אויך איינער פון וועם איך באהאלט זיך......פארוואס קענסטו מיך נישט ענדשויען אלס פרנקל פארוואס מוזטו וויסן אז איך בין עכט קרעכצעלע.......תיקו תיקו תיקו

ביזט א נייגעריגער, ווער געוואיר וואס די תרגום טייטשט אויף השקיפה. אבער נישט פרנקלס איידענטיטעט .....און עס איז נישטא צו וועם צו רעדן......

פרעג איך אייך איז נישט געשמאקער צו שמועסן אן פנימער? מיטן פנים האסטו דאך מיר אין שול אדער אין מקוה....פאר א סיבה וויל איך אין שול מיט דיר נישט רעדן, איז פרוביר דא אונטער א פארהאנג וועל איך נישט זעהן דיין לאנגן נאז וועל איך מיט דיר יא פארטוישן א ווארט, מוזטו מיר דא אויך דעם נאז באווייזן, ווי איז שכל,לאגיק ?? פלא

איז כשאלת ועוד לקרא בין איך דא במחתרת ארויסצושרייען מיין ווייטאג מיט אים.....

איצט פרובירטס אלע צוזאמצושטעלן פון וועלכן ניק איך קום !!! עס איז פשוט וויכטיג פארן פאזעל

[בחורהזעצער]

שמן; זעהסט נישט וואס דא האט פאסירט, דער בחור רחמנא ליצלן זיצט ליידער ביים קאמפיוטער, שוין אלעס האט מען שוין, זעהסט ווי עס פעלט אים שוין א חלק פון זיין בארד, זיין פיאות איז דאך אזוי שרעקליך דין, דער אויבערשטער זאל שומר ומציל זיין וואס קומט נעקסט, בסוד סודות בין איך געוואר געווארן אז נעקסט קומט א קראקאדיל!!!
-------
פעדער; יישר כח פאר די קאמפלימענט.

[געלעגער]

פרנקל. מיר האבן ניקס פארשטאנען וואס די מעשה מיט אייך איז געווען. אפשר זענט איר בעסער מסביר? דאס אז דו שפייעסט בלוט זעה איך, אבער די מעשה האב איך נישט פארשטאנען.

[בחורהזעצער]

פשוט און פראסט! מ'איז געוואר געווארן זיין ניק.

נאר ער האט שיין מסביר געווען די דראנג וואס האט געשטופט די יעניגע צו טוהן אזא שענדליכע אקט, נעמליך וועלענדיג מאכן זייער אייגענע צרה פאר א צרת רבים, און דאס וואס זייער נאמען איז באקאנט געווארן איז ווי עס שיינט געווען צוליב פארנאכלעסיגקייט.

פרנקל; אויב נישט גוט פארשטאנען ביטע מערק אן.

[געלעגער]

הייסט דא דרייט זיך א באנדע ניקס וואס לויפן ארום אויפדעקן אידענטיטעטן? זייער סקערי... איך קויף עס נישט.

[שטארק זיך]

הייסט דא דרייט זיך א באנדע ניקס וואס לויפן ארום אויפדעקן אידענטיטעטן? זייער סקערי... איך קויף עס נישט.

הרב פרנקל שטעלט זיך אזוי פאר, אפשר איז ער גערעכט, אפשר נישט.