"צפון!" שרייט די טאטע, "חיים'ל, זאג שיין צפון". צפון, מ'נעמט אפיר דעם באהאלטענעם אפיקומן און מ'עסט עס פאר חצות...
אוי וויי!!! ווי ליגט די אפיקומן... איך זעה עס נישט!!! איך האב עס דא באהאלטן, פארפירט חיים'ל'ס טאטע. חיים'ל קומט צו לויפן מיט איין שמחה, טאטי, איך האבעס געגאנוועט, איך געבעס צוריק אבער איך וויל זאלסט מיר קויפן א "לעלו"... יא, א "לעלו" אזוי ווי משה'לע'ס טאטע האט, ער איז א "צאלע" איך וויל אזא "לעלו"... ווען איך גיי זיין א טאטע גייעך זיין א עכטע "צאלע".
נו , אז חיים'ל בעט, העמער אריבער גיין צו משה'לעס הויז און זעהן וואספארא "צאלע לעלו'ס" משה'לע'ס טאטע האט.
ביי משה'לע'ס טאטע אין הויז האט מען זיך אויך פריער געזעצט צום סדר, ב"ה אלעס קלאפט, משה'לע'ס טאטע זיצט אויפן היסב בעט און צוטיילט די מיטעלסטע מצה, און ווי נאר משה'לע מיט זיינע געשוויסטער האבן גע'פסק'ט אז די שטיקל איז די גרעסערע העלפט, און דאס גייט מען אוועקלייגן פאר אפיקומן, איז צו זייער שמחה נישט געווען קיין גרעניץ. משה'לע האט שוין אנגעפאנגען צו וועבן פלענער וויאזוי ער גייט גנב'ענען דעם אפיקומן אנא דעם וואס זיין טאטע זאל אפילו באמערקן, און נאכדעם וואס ער גייט בעטן פאר אפיקומן.
"מגיד!" רופט משה'לע'ס טאטע אויס, משה'לע זאגט שיין "מגיד מ'זאגט די הגדה פון הא לחמא עניא..."
ענדליך מ'גייט שוין פרעגן די קשיות, משה'לע איז זייער פרייליך, די לעצטע פאר יאר, זינט ער איז שוין גרויס און ער קען שוין אליין פרעגן די קשיות, איז זיין טאטע קיינמאל נישט געווען אינדערהיים ביי מגיד, אלעמאל איז ער געלאפן אויף א הצלה קאל, און ער האט נאר געהערט פון אנדערע קינדער אז זיי האבן געפרעגט שיין די קשיות פון זייער טאטע ביים סדר, אבער ער האט נאכנישט געהאט די זכיה דערצו. און טאקע פארדעם האט פארגאנגענע יאר די גאנצע משפחה צוזאמען געבעטן פאר "אפיקומן" פון זייער טאטע אז ער זאל מער נישט ארויסגיין אינמיטן די סדר צו א קאלל, און טאקע לכבוד דעם האט זיך משה'לע היינט אראפגעלייגט פאר אפאר שעה צו קענען זיין אויסגערוהט. א קלייניגקייט? ער גייט פרעגן די פיר קשיות פון זיין טאטע אליין! און דערווייל האט זיין טאטע געהאלטן ווארט, דעריבער איז צו משה'לע'ס שמחה נישט געווען קיין גרעניץ! מ'האלט שוין דא! ער גייט שוין פרעגן די קשיות פון זיין טאטע.
"נו, משה'לע הייב אן טאטע לעבן", זאגט משה'לע'ס טאטע. משה'לע שפרינגט אויף און גלייך שלעפט ער זיך ארויף אויפן בענקל מיט א שמחה און ער הייבט אן: טאטע לעבן, איך וויל דיר.....
פפפפפפפפיייייייייייייףףףףףףףףףףףףףףףףףףףףף.....! א פייף האט איבערגעהעאקט אונזער משה'לע'ס זיסע קול'כל... מ'הערט ווי די דיספעטשער שרייט "עני יוניט עוועילעבל... אלערדזשיק ריעקשן... קאוד וואן..." אוי וויי געוואלד!!! א קינד שטיקט זיך, ער קען נישט אטעמען, און דאס קינד וואוינט בלויז 2 הייזער אוועק!!! נישט דא וואס צוטראכטן, משה'לע'ס טאטע הייבט זיך אויף, לאזט אלעס איבער אונטער זיך, און מיטן קיטל לויפט ער ארויס צו זיין קאר, כאפט זיין עקוויפמענט און לויפט ראטעווען א אידיש קינד.
ס'שוין דורך 5 מינוט, און משה'לע שטייט נאך אלץ אויפן זעלבן פלאץ, ער האט נאך גרייט זיין שבכל הלילות פינגער... ער קען נישט נישט גלייבן וואס ס'האט אקורשט פאסירט. איז זיין טאטע טאקע נישט דא? איז זיין טאטע טאקע ארויסגעלאפן???
זייענדיג א קינד פון א מעמבער אין די 'חברה הצלה' ווייסט ער שוין אז זיין טאטע קען צומאל אוועקלויפן אינמיטן א שבת'דיגע סעודה, אפילו אינמיטן שמועסן מיט אים, אדער אינמיטן דאווענען, און אפילו אינמיטן שופר בלאזן איז זיין טאטע שוין ארויסגעלאפן, ער איז שוין היפש געוואוינט דערצו, ער ווייסט אז מ'טאר נישט וויינען, זיין טאטע ראטעוועט מענטשן, ער טוט א גרויסע מצוה, אבער אזאנס? כאבעם דאך געבעטן פאריאר פאר אפיקומן אז ער זאל נישט גיין, און ער האט געזאגט אז ער גייט פראבירן נישט צו גיין, און איך האב מיך גוט איינגע'חזר'ט די 4 קשיות כדי מיין טאטע זאל זעהן אז איך קען עס גוט, איך האב מיך אראפגעלייגט שלאפן נאכמיטאג צו זיין גוט אויסגערוהט, און דא... אזאנס???
דריי שעה שפעטער ווען משה'לעס טאטע האט אראפגעשטיגן די טרעפ פונעם אמבולאנס און געמאכט זיין וועג צוריק צו זיין שטוב, פראבירט ער צו הערן פון פענסטער וואס דארט טוצעך, וואס טוהען די קינדער? וואס טוט משה'לע? ער הייבט אן ארויפצוגיין די טרעפ צו זיין הויז, ס'איז שטיל... ער שטייט שוין אונטער די טיר, ס'איז שטיל... ער מאכט אויף די טיר... זיין הארץ צוגייט אים, ער פיהלט ווי ער מוז רופן הצלה... ער קען עס נישט צוקוקן, זיין משה'לע וועלעכער איז שוין איבעגעמידעט שטייט ביי זיין מאמע'ן און וויינט האלב שלאפענדיג "טאטי האט מיך צוגעזאגט אז ער גייט נישט ארויסלויפן" און... ער וויינט... משה'לע'ס טאטע קען דאס נישט צוקוקן.
ס'האט גענומען עטליכע שעה פאר משה'לע'ס טאטע זיך צו בארואיגן, ער האט טאקע שיין בארואיגט זיין משה'לע, און צוגעזאגט אז מארגן גייט ער עם אויסהערן די קשיות. אבער טיף אינערליך איז ער זייער צוטראגן. פון איין זייט דאנקט ער און לויבט דעם אייבערשטן אז ער האט זוכה געווען צו ראטעווען א אידיש קינד! א קלייניגקייט? געראטעוועט א איד ממות לחיים ממש!!! אבער פון די אנדערע זייט טוט עם וויי אז די שענסטע צייט פון יאר אויף וואס די קינדער קוקן אזוי ארויס, "די סדר נאכט" האבן זיינע קינדערלעך נישט זוכה געווען צו פראווען אינאיינעם מיט זייער טאטע. ער איז זייער צושאקלט.
טייערע אידן. לאמיר נאר אריינקלערן, וואס האט משה'לע'ס טאטע דא געטוהן? ער האט אוועקגעגעבן זיין נחת, די גאנצע האראוואניע וואס ער האט אריינגעלייגט די לעצטע פאר טאג זיך צוצוגרייטן צום סדר נאכט, ער האט געלערענט ספרי קודש, מדרשים ער זאל האבן וואס צו דערציילן פאר זיינע קינדער, דעם והגדת לבנך, ווי אויך די פארגעניגן פון זיינע קינדער און פון זיין משפחה, אלעס האט ער אוועקגעגעבן. פאר וועם? נישט פאר זיך, און נישט פאר "יענעם" נאר פאר "אייך"!!
אסאך מאל ווען מ'הערט א הצלה קאר פארן צו א קאל טראכט מען צו זיך, נעבעך, וואס איז שוין ווייטער געשעהן צו "יענעם" איד? דער "יענער" איז אזא רחמנות! און ווען ס'קומט צו געבן געלט פאר הצלה טראכט מען די זעלבע. יא! הצלה ראטעוועט "מענטשן" יעדן טאג, איך האב אליינס געזעהן א עקסידענט ווי זיי זענען דארט געווען. נעעעבעעעעך, "יענער"... אנטשולדיגט, ס'איז א טעות! נישט "יענער"! אמת, דאס מאל איז עס נישט געווען ביי אייך אין שטוב, אבער וויפיל מאל א יאר לויפט דער זעלבער וואלאנטיר ראטעווען "אייער" משפחה מיטגליד, עלטערן, געשוויסטער צו קינדער.
לאמיר נאר אריינטראכטן וויזוי ס'קוקט אויס ווען א מענטש קויפט זיך א הויז. מען איז פארנומען און מען מאכט זיכער אז ס'דא א גוטע "מעינטענענס קאמפאני", די מעינטענענס פירמע גאראנטירט אז ווען די עלעוועיטער צוברעכט זיך ווערט עס געפיקסט "די נעקסטע טאג", און טאמער א פייפ קראכט, אה, דאס איז שוין אן "עמערדזשענסי". ביז "2-3 שעה" איז א פלאמבער דא! וויפיל מער וואלט איר געצאלט אז דער פלאמבער זאל זיך אונטעריאגן אין זיין דא אין 3 מינוט פאר די וואסער קען אנמאכן שווערע שאדענס? וויפיל וואלט איר באצאלט אז אייער "מעינטענענס קאמפאני" זאל זיין אויסשטאפירט מיט די בעסטע "עקוויפמענט" צו קענען פארעכטן אלע פראבלעמען גענוג שנעל?
ר' איד, סטאפ! שטעלט אייך אפ! טראכט אריין גוט פאר איין מינוט! ווען אייער קינד צוקלאפט זיך, אדער עימיצער שפיהרט זיך נישט אזוי גוט און מ'דארף תיכף ומיד האבן די "מעינטענענס קאמפאני" ווי לאנג געדויערט פאר זיי צו זיין דארט, "1 מינוט"??? און טאמער ס'פאסירט - ס'זאל נישט פאסירן - עפעס מער א ערענסטע זאך זענען זיי דא אין "סעקונדעס"?? וויפיל וואלט איר געצאלט פאר אזא געשיקטע "מעינטענענס קאמפאני"?
פאר אייער הויז באצאלט איר שווערע געלטער פאר "מעינטענענס" יעדע חודש, וויפיל באצאלט איר פאר די "מעינטענענס" פון אייער גוף? פון אייער הארץ? פאר אייער געזונט? איז דען פארהאן נאך איין "מעינטענענס קאמפאני" וואס איז גרייט 24 שעה, 7 טעג א וואך, 365 טעג א יאר?? די "עמערדזשענסי ריפעיר" סטעף איז גרייט יעדע סעקונדע פונעם יאר און קומען אן צו הילפס רופן אין "געציילטע סעקונדען"! וויפיל וואלט איר געצאלט פאר אזא "מעינטענענס קאמפעני"??
"חברה הצלה" איז די "מעינטענענס קאמפאני" פאר "אייער" געזונט! זיי שטייען גרייט על כל צרה - ס'זאל זיך נישט מאכן - 24 שעה א טאג, 365 טאג א יאר, ערב'ס, מוצאי'ס, פורים, פסח, הושענה רבה. נישט דא קיין איין סעקונדע פון יאר וואס זיי זענען נישט גרייט! רעב איד, מאכט אייך דעם חשבון און מאכט זיכער אז "אייער" "מעינטענענס קאמפאני" איז גרייט מיט די בעסטע עקוויפמענט "אייך" צו סערווירן!! מ'זאל עס נישט דארפן.
קומט ארויס ווייזן שטיצע פאר משה'לע'ס טאטע וואס איז א וואלאנטיר פאר "אייער" "מעינטענענס קאמפאני", ער גייט אייך אפווארטן ביים דינער, ער וויל ענקער חיזוק, ער וויל זעהן ווי איר ווייזט אים ארויס שטיצע, און איר זאגט עם "איר זענט דא פאר "אונז" ווען "אונז" דארף מער אייך, דא האט איר מיין שטיצע דא האט איר מיין יערליכע "מעינטענענס" שעיר, איר קענט גיין קויפן נייע "עקוויפמענט" צו קענען ראטעווען "מיך" אדער א צווייטן איד, מ'זאל נישט דארפן.
אכטונג תושבי וויליאמסבורג. קומט ארויס "היינט" נאכט, דאנערשטאג פרשת בהר אין זאל פון "ראוז קעסטל", מחזק צו זיין משה'לע'ס טאטע. און שיקט ענקערע פרויען זונטאג פרשת בחוקתי מחזק צו זיין משה'לע'ס מאמע... קויפט וויפיל ראפעלס איר קענט, מעגליך אז איר וועט געוואונען א "לעלא פאר חיים'ל"...נ.ב. אויב קענט איר נישט זיך פערזענליך באטייליגן, קענט איר נאך אלץ
קויפן ראפפעל'ס אנליין דורך קליקן אויף די לינק.
