גליונות און ביהמ"ד, און בשעת דאווענענן

געשמאקע ארטיקלן און בילדער וכדו'

די אחראים: אחראי, געלעגער

איז אויסגעהאלטן אויסצוטיילען לייען מאטריאל פארן ציבור בשעת התפלה??

די וואלן האבן זיך פארמאכט פרייטאג מאי 27, 2011 1:38 pm

יא, אלעס ווי ביז היינט, עס איז נישט קיין שום עוולה
13
35%
נאר תורה קונטרוסים
12
32%
גארנישט, בשעת התפלה דארף דער מענטש זיין פריי נאר צום דאווענענן
12
32%
 
סך הכול שטימען: 37

אוועטאר
מחותן
שר תשעת אלפים
תגובות: 9999
זיך איינגעשריבען אום: דינסטאג נובעמבער 09, 2010 11:39 am

גליונות און ביהמ"ד, און בשעת דאווענענן

תגובהדורך מחותן » מיטוואך אפריל 27, 2011 1:38 pm

איך וויל עפענענן א דעבאטע ביים ציבור בנוגע די נושא, עס איז מעגליך אז איך בין עקסטריעם מיט מיין מיינוג איבער די נושא, איך וויל הערן וואס דער האט צי זאגען איבער דעים

קודם א פראדיקשען:
און יאר תשצ"א גייען רובא דרובא חסידישע אידן אונטער די 30 בכלל נישט דאווענן שבת, און מיט דער צייט וועט מען אויפהערן צי דאווענענן און דערוואכען אויך

און יאר תשפ"א, ד.ה. נאך צען יאר פריער ווי צ"א, גייט בכלל נישט זיין מער צו באקימען אויף די שעלפס קיין חסידישע ספרים, א שטייגער ווי ישמח ישראל/עבודות ישראל/מאור ושמש, אא"וו, אויב ווילט איר אוועק לייגען איינע פון די ספרים פאר איינע פון אייערע קינדער, לויפט און קויפט עס נאך ווי לאנג מען דריקט עס נאך, די ספר הקדוש נועם אלימלך וועט נאך יא זיין צו באקימען, פשוט אלץ די סגולה גערפון. ווייל ווי באוויסט איז עס גרויסע סגולה פאר קימפעטארען, אדער א חולה רח"ל, אד"ג

יעצט צום נושא, האט איר שוין אמאל באטראכט ווי אזוי א היימישע ביהמ"ד זעט אויט אויס פרייטאג צונאכטס בשעת'ן דאווענענן??

איך האב עס שוין אסאך מאל באטראכט, און דא האט איר א באריכט פון מיין ביהמ"ד יו"ט ביינאכט, איבער 80% מענטשן האבן "עפעס" געהאלטן און די הענט בשעת'ן דאווענענן, איינער האלט
א מייענות/מבאר רבותינו/גלגל/מתיבתא אויסגאבע/ייטב לב/התאחדות אבריכים. אא"וו. טייל זענענן שוין מער ערענסטער, און זיי נעמען א ספר. זיי קוקען נישט אריין און קיין גליונות נאר און א ספר,
יעדער דאווענט באמת, אבער ווי לאנג די בעל תפלה לאזט אויס די שטיקליך, אדער זינגט די אל אדון ניגון אדער הלל, דעמלאטס ניצט מען אויס די טייערע מינוטין כדי עס זאל ח"ו נישט זיין קיין
ביטול תורה און נישט גיין ליידיג קיין סקונדע,

איינער ווייסט אפשר, ווען מיר זענענן געווארען אזעלכע גרוסע מתמידים, אז מיר ווילען ח"ו נישט פארברעגן קיין סקונדע אן תורה??

עס איז ידוע, אז ווען דער ברך משה זי"ע איז געווארען סאטמערע רבי, האט ער שטארק פארפירט איבער די דעמלאטס'דיגע משוגעת אז ווען אימער איינער קומט און און שול נעמט ער מיט א ספר צוזאמען מיט א סידור, ער האטג געטענהט אז ווען מען קומט צום דאווענענן קומט מען צום דאווענענן און נישט צום לערנענן, און עס איז א בזוין התפלה וביהמ"ד זיך מיט צו נעמען א ספר צום דאווענענן, ער האט אפילו געהייסן אפשפארען די פאליש ווי די ספרים שענק זענענן געליגען אז מען זאל נישט קעענן נעמען קיין ספר, עס איז געווען אפגעשפארט פאר א פאר וואכען ביז די גבאים האבם אים איבערצייגט אז דאס וויל דער עולם, און דער עולם איז איינגעגעסן דערמיט, און עס איז זייער שווער צו טוישען א ציבור אויף איינמאל,

דעמלאטס האט זיך עס גע'האנדעלט בנוגע מיט נעמען א ספר צום דאווענענן, היינט רעדט זיך בנוגע גאנצטע בלעטער אנגעפילט מיט סיפורי צדיקים, היסטאריע, אינטערסאנטע ענינם און תורה'לך אויף די וואך,
איינער טראכט אז עס אויסגעהאלטן?? הייסט דאס זיך געשטעלט דאווענן פארן היילגיע באשפער?? איז דאס א דאווענן וואס מ'קען אויספויעלן השפעות אויף די ששת ימי המעשה??

{במאמר המסגר, עס איז ידוע פאר א טייל מענטשן. די גרויסע ענינים וסגולות וואס עס איז דא מיטען מוטזונגען די פיוט לכה דודי מיטען בעל התפלה, און נישט אויסרעדן און דערמיט, דער מחבר האט צוגעזאגט ענינים נשגבים ברוחנוית ובגשמיות, פאר ווער עס וועט שטיין ביים פויט און עס מיט זונגען, אוך האב נישט קיין אוצר החכמה. צו מאכען קאט און פעסט, אדרבה איינער קען עס אהער ברענגן לטובת הציבור, תביא עליו ברכה}

ועל כולם, וואס זעען אונזעערע קינדער??
אונזענערע קליינע קינדער וואס האבן קיינמאל נישט געזען א נערמאל דאווענענן, וואס לענענען זיך זיי אפ? פארוואס דארף מען קומען און שול?? זיי זענעען אז מען קומט און שול צי ליינען! און דערמיט אויך אביסל צו דאווענן!, זיי זענענן נאר. אז פרייטאגס צו נאכטס קומט מען און שול צו ליינענן די קאמפיין ליטאטאור פון בוני עולם/רופא חולים/ייטב לב/קהל/מוסדות/הצלה/התאחדות אבריכים, אא"וו יעדע וואך א צווייטער, און אין מיטען דאווענט מען אויך אביסל, זיי גייען עס נעמען איין טריט ווייטער ווי אונז, און בכלל נישט דאווענן, אדרבה, קוקטס אויף די קינדער צווישען 8 און 13 יאר, וופיל פון זיי דאווענן? אנשטאט וואס זיי זענענן דאך געוואינט פון חדר אויס אז מען לייגט אריין און זיי כוחות התפלה, און זיין דארפען ווען זיין געוואינט פון א גאנצע וואך צו דאווענענן מיט א ברען, למעשה ווען עס קומט שבת, ווערן זיי אלע אפגעקיליט, ווייל זיי ווייסען אז שבת איז דאס דאווענענן געמאכט צום ליינענן בעיקר,

און לדעתי איז באמת איז נישט קיין שום נפקה, צו מען ליינט א מייענות אדער א קאמפיין ליפלעט קעגן MP3 אדער א קאמפיין ליטאטאור פאר א מוסד, ביידע איז נישט אויסגעהאלטן, איון ביידע איז קעגן דעם רצון השם, און ביידע איז קעגן חינוך, אבער אויב מען קען נאך אפשר פארענטפערן דעם מייענןת מיטען מבאר רבותינו, אז ווי נישט ווי איז עס תורה, {כאט אז רוב מענטשן ליינען נאר די סיפורי צדיקים} קען מען עס אפשר נאך אביסך פארענטפערן, אבער די פלענע P R ליפלעטס. מי היתר להם?? פארוואס ווייל א מוסוד וויל מאכען געלט האבן זיי די רעכט אוועק צו רצח'נן דעם עתיד פון אונזערע קינדער?? פארוואס דארף איך זיין פארנימען בשעת דאווענן און מסביר זיין פאר מיין אינגעל אז בשעת דאווענן קוקט מען נישט קיין בילדער ווי קינדערגארטען אינגליך עסן פרישטיג און ירושלים, אדער ווי קראנקע ליגען און שפיטאל?? ווי האבן זיי די רעכט און חוצפה אויסצוניצען די זמני התפלה פאר זייערע פראפאגאנדע???

{במאמר המסגור: לערנען אוחה"ק יעדע וואך וואך איז הייליג און טייער, און ח"ו צו מזלזל זיין דעריען, אבאר לעצטענס איז דא איינער וואס זעט אויס ווי ער וויל מאכען א שטיקעל ביזנעס דערפון, אדער אנדערע כוונות, גיט ער ארויס א בלעטעל יעדע וואך מיט מופתים וואס עס איז געשען מיט דא וואס זענענן זיך מקבל מיטען לענענן יעדע וואך אוחה"ק, אפאר וואכען צוריק האט ער געהאט א מעשה, אז איינער איז געווארען אויסגעשפארט פון זיין קאר. און ער האט זיך מקבל געען צי לערנענן יעדע וואך אוחה"ק, און ער האט געעפענט די קאר מיט זיין הויז שליסעל, דער שרייבער איז לכאורה א פיסטער לץ ושקרן, אדער א ריזיגע בעל דימיון , כאטש אז מען גלייבט אז דער אוחה"ק האט געקענט באווייזן אזוינע ווינדער, איז אבער קרוב אל האמת צו זאגען, אז די מעשה 110% שקר. לא עביד הקה"ב למנגי, א נס גלוי שלא כדרך הטבע, }


לדעתי דארף ארויס קומען א פארבאט אז מען טאר גארנישט טיילען אין ביהמ"ד שבת, און זיכער נישט בשעת התפלה, אויב האט מען גענט אנגיין אן די אלע P R קאמפיינס ביז פינף יאר צוריק,
וועט מען שוין אזוי קענענן אויסלעבן ביז משיח'ס טאג, אויב די מתיבתא אדער ייטב לב אדער די מוסדות. ווילען ארויסגעבן א ברעשאור, האבן זיי עס די ברירה צי שיקען אויף די פאסט, מיר מיזען נישט דערלייגען דאס דאווענענן, צפרידען צו שטעלן זייערע P E יועצים

יא, און לדעתי ברענגן די אלע תורה קינטרוסים וואס מען טיילט אויס בשעת התפלה, מער שאדען ווי ניצען, און עס איז צייט עס צי סטאפען

בנוגע מיין צווייטע פראדיקשען, מען זעט שוין היינט כמעט נישט קיין אינגע אינגערמאן עפענענן א חסדיש ספר, רוב עולם לערענט אלעס פינעם קול התאחדתינו, פתגמין קדישין, און פון די לקוטים מיט וואס גלגל איז געבענטשט, פאר א יו"ט האט מען דאך דעם ילקוט מקראי קודש אדער ענליכעס, דערפאר האלט איך אז פאר די קליינע מיעוט וואס לערנען נאך יא און און א חסידש ספר, פאר וועט זיך פשוט נישט לוינען פינציעל, איבער צו דריקען די אלע ספרים

מי יודע
שר ששת אלפים
תגובות: 6343
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מיטוואך אפריל 27, 2011 3:33 pm

מחותן לעבן
איך פארשטיי דיין ווייטאג, אבער דו קענסט נישט טוישן די וועלט
און לאמיר דיר אביסל ערקלערן, ס'איז דא מענטשן וואס קענען נישט איינזיצן, בפרט אין די גרויסע בתי מדרשים ווי דאס דאווענען דויערט לענגער, און די עומדים על משמרת הקודש זאגן אז די גליונות האט שוין איינגעשטילט אסאך מענטשן פון שמועסן.

איך בין שוין העכער די דרייסיג, און דו פארשטייסט ווען איך בין געווען א בחור איז אך נישט געווען די אלע גליונות, איין אויסגעקארגטע פגתמין קדישין געקלעבטע תורות ווער ס'געדענקט, און מיט דעם אלעם איז ביי מיר א טבע שני צו נעמען מיט מיר ביים דאווענען א ספר, און איך נעם נאך היינט א ספר, אפילו ס'איז דא צובאקומען די אלע סארט גליונות, איך האב מיר מיינע ספרים וואס איך האב ליב דורכצולערנען שבתים וימים טובים.
און לעומת זה זענען נאך היינט דא אידן וואס רירן נישט צו צו קיין ספר אדער בלעטל ביים דאווענען, יש ויש, נישט יעדער קען אבער אזוי לאנג איינזיצן.
ביי אונז אין ביהמ"ד איז דא וועכנטליך צוויי גליונות, וויפיל מענטשון קומען אבער מיט דיקע קונטרסים פון 200 זייטן גליונות, ממילא וואס גייסטו מתקן זיין? אז מען זאל נישט טיילן אין ביהמ"ד? ער ברענגט עס אליין מיט זיך פונדערהיים.
און ב"ה לא אלמן ישראל, מיט די אלע גליונות זענען נאך אלץ דא הונדערטער אידן וואס לערנען אין די ספרים, די ספרים וואס איך האב נישט געטראפן אין שאנק פאר 10 יאר צוריק - אויב בין איך אנגעקומען אביסל שפעט - טרעף איך היינט אויך נישט, און די גליונות קומען גוט צוניץ פאר אסאך פראסטע יונגעלייט וואס האבן ווי צו זען א אידיש ווארט נאכצוזאגן פאר די קינדער, און וויפיל די יונגעלייט ליינען אזוי שווער לה"ק און ס'קומט זיי צוניץ די אידישע גליונות.
נאר מיט דעם ביסטו גערעכט, אז די אלע מוסדות פאמפלעטן איז שוין א שטיקל זלזול, בפרט ווען ס'איז נאך באגלייט מיט בילדער, באלד וועט זיך נאך יאווען איינער וואס וועט אויסטיילן אלע צייטונגען און כל העולם כולו'ס אין ביהמ"ד...

ויה"ר שיתקבל תפלתינו ברחמים וברצון לפני אדון כל

אגב, האב איך געזען דעם יו"ט פסח אז דער לאנגיעריגער "ממעיינות התאחדותינו" האט אפגעשפארט ביז... די קומענדיגע מודעה
האט דאס אפשר מיט מחותן'ס התעוררות?
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

אוועטאר
פריילאך
שר האלפיים
תגובות: 2567
זיך איינגעשריבען אום: דאנארשטאג דעצמבער 10, 2009 8:45 am

תגובהדורך פריילאך » מיטוואך אפריל 27, 2011 5:14 pm

מחותן לעבן, 110 פראצענט גערעכט אז עס גייט שוין ארויס פון יעדען פראפארץ, אבער מאידך גיסא ווי מי יודע זאגט, איז די הלל נישט אזוי לאנגווייליג מער...
מען זאגט לחיים און מ'איז פריילאך, און מען גייט א קאראהוט

אבי.גערעדט
שר האלף
תגובות: 1048
זיך איינגעשריבען אום: זונטאג דעצמבער 13, 2009 12:07 pm

תגובהדורך אבי.גערעדט » מיטוואך אפריל 27, 2011 5:22 pm

גראדע, אז מ'רעדט שוין. ביי א זיצונג צווישן די ראשי קהילה אין קהל יטב לב קרית יואל איז געווען א ערנסטע דיון איבער די גליונות, איך ווייס נישט צו עס איז עפעס געבליבן צו נישט, אבער זיי זענען ערנסט באזארגט דערוועגן

מי יודע
שר ששת אלפים
תגובות: 6343
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מיטוואך אפריל 27, 2011 5:40 pm

דאכט זיך אז אין סאטמאר וומסב"ג אויף הופער סט. טיילט מען שוין נישט גליונות ביים דאווענען, נאר ביי ויכולו

קען עס איינער קאנפירמען?
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

אוועטאר
פריילאך
שר האלפיים
תגובות: 2567
זיך איינגעשריבען אום: דאנארשטאג דעצמבער 10, 2009 8:45 am

תגובהדורך פריילאך » מיטוואך אפריל 27, 2011 5:44 pm

אין שיכון סקווירא, ווערן די צעטליך פארטיילט נאכן דאווענען שוין יארן.
מען זאגט לחיים און מ'איז פריילאך, און מען גייט א קאראהוט

אוועטאר
jkup50
שר האלף
תגובות: 1077
זיך איינגעשריבען אום: מאנטאג אוגוסט 09, 2010 2:45 pm
לאקאציע: איך וואלט אויך געוואלט וויסן!!

תגובהדורך jkup50 » מיטוואך אפריל 27, 2011 6:05 pm

איך דענק בבין אמאל געווען אויף א שמחה און פאפא וומ"ס האט מען אריין געברענגט די גליונת נאכן דאוונען
איך מיין אז סאיז דא ליידער א גרויסע עולם וואס אן די גליונת וואלטן זיי נישט געוויסט וועלכע פרשה סגייט
יאנקעל די פופציגער

אוועטאר
איזעי
שר האלף
תגובות: 1533
זיך איינגעשריבען אום: מאנטאג פאברואר 21, 2011 5:30 pm
לאקאציע: אויפן שטאק

תגובהדורך איזעי » מיטוואך אפריל 27, 2011 6:55 pm

מחותן, איך בין הונדערט פראצענט מסכים מיט יעדעס ווארט, און איך וואונדער זיך פארוואס מיין שטימע איז די ערשטע אין דעם ריכטונג, לכאורה וואלט שוין געדארפט זיין כאטשיג דריי פיר שטימען אז עס טויג נישט בכל אופן.

אוועטאר
זושאלע
שר חמישים ומאתים
תגובות: 398
זיך איינגעשריבען אום: מוצ"ש יולי 31, 2010 5:09 pm

תגובהדורך זושאלע » דאנארשטאג אפריל 28, 2011 1:44 pm

פריילאך האט געשריבן:אין שיכון סקווירא, ווערן די צעטליך פארטיילט נאכן דאווענען שוין יארן.

וכן הוא אין אלע (?) סקווירא שטיבלאך איבער די גארער וועלט.
שכל קומט מיט די יארן...

אוועטאר
געלעגער
שר עשרת אלפים
תגובות: 11885
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » דאנארשטאג אפריל 28, 2011 11:03 pm

אויך פון די זאכן וואס בקט שכלי פארשטיי איך נישט. נו שוין, נישט אלעס מוז איך פארשטיין

your friend
שר חמש מאות
תגובות: 606
זיך איינגעשריבען אום: מאנטאג נובעמבער 09, 2009 3:53 pm

תגובהדורך your friend » זונטאג מאי 01, 2011 12:34 am

נתן דוב האט געשריבן:[quote=

חוץ בחצרות הקודש - וואס מען לערענט פארן דאווענען..

אלס איינער וואס געפינט זיך א יעדע שיינע שבת ויו"ט אין סקווער, טוה איך איינזעהן אז דיין חתימה מיט דיין תגובה זענען גאר קיין קרובים נישט!

אוועטאר
יואל ווייס
שר האלף
תגובות: 1118
זיך איינגעשריבען אום: מיטוואך ינואר 28, 2009 9:25 am
לאקאציע: אין גוטע הענט, ב"ה

תגובהדורך יואל ווייס » זונטאג מאי 01, 2011 12:39 am

מי יודע האט געשריבן:דאכט זיך אז אין סאטמאר וומסב"ג אויף הופער סט. טיילט מען שוין נישט גליונות ביים דאווענען, נאר ביי ויכולו

קען עס איינער קאנפירמען?

מען לייגט פרייטאג ארויס די גליונות אין 13 הופער, נעבן די מקוה.
__________________________________
This signature was intentionally left blank

אוועטאר
מאשקע
מ. ראש הקהל
תגובות: 12565
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » זונטאג מאי 01, 2011 2:30 am

מיין פרענד, גיב אכטונג אין וואס דו בייסט אריין...
An article a day keeps the babies away

אוועטאר
משיח
שר האלפיים
תגובות: 2665
זיך איינגעשריבען אום: מיטוואך יולי 22, 2009 1:09 pm

תגובהדורך משיח » זונטאג מאי 01, 2011 12:39 pm

ס'איז לכאורה נישט זייך צו סטאפן די גליונות.

די איינציגע זאך וואס מ'קען לכאורה טוהן איז דאס וואס ס'איז דערמאנט דא אז אסאך גרויסע בתי מדרשים טוען - ובתוכם די ביהמ"ד ווי איך דאווען - אז די בלעטער ווערן ארויסגעלייגט הערשט נאכן דאווענען.



מחותן האט געשריבן:במאמר המסגור: לערנען אוחה"ק יעדע וואך וואך איז הייליג און טייער, און ח"ו צו מזלזל זיין דעריען, אבאר לעצטענס איז דא איינער וואס זעט אויס ווי ער וויל מאכען א שטיקעל ביזנעס דערפון, אדער אנדערע כוונות, גיט ער ארויס א בלעטעל יעדע וואך מיט מופתים וואס עס איז געשען מיט דא וואס זענענן זיך מקבל מיטען לענענן יעדע וואך אוחה"ק,

ראשית, ער גיבט נישט ארויס א בלעטעל מיט מופתים, ער גיבט ארויס א בלעטעל מיט מאמרים פון צדיקי הדורות בנווגע לערנען אוהחה"ק, מאמרים בנוגע דעם איש אלקים ר' חיים ן' עטר זי"ע ותורתו, און דער בלעטעל ערהאלט "אויך" סיפורים וואס מענטשן שיקן אריין וואס זיי האבן אליינס בייגעוואוינט דורך דעם וואס זיי לערנען אוהחה"ק.

שנית, דער איינער פון וועם דו רעדסט וואס גיבט עס ארויס האט נישט קיין שום ביזנעס כוונות, און קיין שום אנדערע כוונות, ער וויל בלויז מפיץ זיין תורת חיי"ם, און אנווארימען אנדערע אידען צו טוהן דאס וואס חסידישע אידען פלעגן אלץ טוהן בכל מקומות מושבותיהם, לערנען און הארעווען אינעם ספר הקדוש אור החיים.
ביודעי ובמכירי קאמינא, דער האט נישט קיין שום כונות אנדערש ווי וואס איך האב דא געשריבן.

מחותן האט געשריבן:אפאר וואכען צוריק האט ער געהאט א מעשה, אז איינער איז געווארען אויסגעשפארט פון זיין קאר. און ער האט זיך מקבל געען צי לערנענן יעדע וואך אוחה"ק, און ער האט געעפענט די קאר מיט זיין הויז שליסעל, דער שרייבער איז לכאורה א פיסטער לץ ושקרן, אדער א ריזיגע בעל דימיון, כאטש אז מען גלייבט אז דער אוחה"ק האט געקענט באווייזן אזוינע ווינדער, איז אבער קרוב אל האמת צו זאגען, אז די מעשה 110% שקר. לא עביד הקה"ב למנגי, א נס גלוי שלא כדרך הטבע, }


ס'שטייט נישט אז ער האט זיך מקבל געווען צו לערנען אוהחה"ק, ס'שטייט אז ער האט געהאט יעדע וואך א שיעור אין אוהחה"ק, אין איין וואך ווען ער האט געוואלט פארן צום שיעור האט ער געכאפט אז די שליסל איז אין קאר, וכו'.

[במאמר המוסגר: איך נעם נישט קיין אחריות אויף די מעשה, ס'הערט זילך טאקע ווי אן אינטערעסאנטע מעשה, ס'קען זיין ס'איז געווען אביסל אנדערש ווי יענער האט דאס דערציילט, איך ווייס נישט. אבער עטליכע אנדערע מעשיות ווייס איך אז ס'איז אמת.
צדיקים פלעגן זאגן אז אסאך גרויסע ישועות און סגולות ליגן אין דעם ספר.]
Professional bookkeeping for your small business
benyomin@thebookkeepingpro.com | 347-708-2079

אוועטאר
מחותן
שר תשעת אלפים
תגובות: 9999
זיך איינגעשריבען אום: דינסטאג נובעמבער 09, 2010 11:39 am

תגובהדורך מחותן » זונטאג מאי 01, 2011 3:13 pm

ייש"כ פאר אלע מגיבים

מי יודע האט געשריבן:ביי אונז אין ביהמ"ד איז דא וועכנטליך צוויי גליונות, וויפיל מענטשון קומען אבער מיט דיקע קונטרסים פון 200 זייטן גליונות, ממילא וואס גייסטו מתקן זיין? אז מען זאל נישט טיילן אין ביהמ"ד? ער ברענגט עס אליין מיט זיך פונדערהיים.




עס איז נישט קיין פראבלעם, ווייל מיין כוונה איז געווען בעיקר אז די סיסטעם טויג נישט, די פאקט אז עס איז איינגעשטעלט דא דאווענענן, אז עס גייט האלב צו ליינען און האלב צום דאווענענן, און מיט די ענפענטליכע שטיצע פון אלע בתי מדרשים וכד' דאס האלט איך איז א סכנה צום עצם ענין התפלה

געלעגער האט געשריבן:אויך פון די זאכן וואס בקט שכלי פארשטיי איך נישט. נו שוין, נישט אלעס מוז איך פארשטיין


וועלכע זייט פארשטייסטו נישט, פארוואס נישט, אדער פארוואס יא {אדרבה אויב דו האלסט אנדער זיי מיר עס מסביר}

מי יודע האט געשריבן:דאכט זיך אז אין סאטמאר וומסב"ג אויף הופער סט. טיילט מען שוין נישט גליונות ביים דאווענען, נאר ביי ויכולו

קען עס איינער קאנפירמען?


וומסב"ג רב שליט"א פון הופער לייגט אריין געוואלדיגע כוחות און תפלה, ער האלט כסדר דרשות און ער איז כסדר מעורר דערויף, דערפאר איז פארשטענדליך אז ער זאל נעמען שריט דערקעגן

אוועטאר
יואל ווייס
שר האלף
תגובות: 1118
זיך איינגעשריבען אום: מיטוואך ינואר 28, 2009 9:25 am
לאקאציע: אין גוטע הענט, ב"ה

תגובהדורך יואל ווייס » זונטאג מאי 01, 2011 4:11 pm

ווי איך האב געהערט, זענען די גבאים פון ועד מורא מקדש פון א גאר-גרויס ביהמ"ד שטארק דערפאר אז די גליונות זאלן אנהאלטן, זאגנדיג אז דאס האלט שטיל די שמועסערס.
ועוד, עס זענען דא אינגעלייט וואס עפענען נישט קיין ספר משבת לשבת, אזוי זעען זיי כאטש א אידיש ווארט אין די גליונות.
(מפי השמועה)
__________________________________
This signature was intentionally left blank

אוועטאר
זארג_נישט
שר מאה
תגובות: 185
זיך איינגעשריבען אום: מאנטאג נובעמבער 29, 2010 3:49 pm

תגובהדורך זארג_נישט » זונטאג מאי 01, 2011 4:32 pm

אינאמ'תן אריין, לדעתי וואלט אין יעדע בית המדרש געדארפט זיין 1-2 גליונות, ווייל עס זענען פארהאן אינגעלייט וואס זענען א גאנצע וואך פארפלאגט על המחיה ועל הכלכלה, און איך רעד נישט פון א ליידיג-גייער, נאר פון אזא איינער וואס ער האט טאקע יעדע נאכט א שיעור גמרש"י - גפ"ת, אבער צו חסידישע ספרים און מעשיות פון צדיקים וכו' האט ער נישט קיין צייט אריין צו קוקען.

יעצט קומט א שבת'דיגע סעודה, וויל ער דאך עפעס נאך זאגען פאר די קינדערלעך, איז קען ער אפשר זיך נעמען פארלערנען די גמרא וואס ער האט געלערנט די גאנצע וואך ביינאכט?, וואס זאל ער איבערגעבן פאר זיינע קינדער?, ווייסט ער פשוט נישט ווי אנצוהייבן קוקן. יעצט אז ס'דא א גליון האט ער פון ווי נאך צוזאגען, וועגן דעם איז מבטל זיין אינגאנצען דעם רעיון נישט בארעכטיגט לענ"ד, אבער וואס יא, א יעדע זאך וואס איז נישט נוגע צו דעם ספעציפישען תועלת (אריינגערעכנט חסידות און פארטיי) דארף ווערן ארויסגענומען מכל וכל.

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » זונטאג מאי 01, 2011 4:38 pm

זארג_נישט האט געשריבן:אינאמ'תן אריין, לדעתי וואלט אין יעדע בית המדרש געדארפט זיין 1-2 גליונות, ווייל עס זענען פארהאן אינגעלייט וואס זענען א גאנצע וואך פארפלאגט על המחיה ועל הכלכלה, און איך רעד נישט פון א ליידיג-גייער, נאר פון אזא איינער וואס ער האט טאקע יעדע נאכט א שיעור גמרש"י - גפ"ת, אבער צו חסידישע ספרים און מעשיות פון צדיקים וכו' האט ער נישט קיין צייט אריין צו קוקען.

יעצט קומט א שבת'דיגע סעודה, וויל ער דאך עפעס נאך זאגען פאר די קינדערלעך, איז קען ער אפשר זיך נעמען פארלערנען די גמרא וואס ער האט געלערנט די גאנצע וואך ביינאכט?, וואס זאל ער איבערגעבן פאר זיינע קינדער?, ווייסט ער פשוט נישט ווי אנצוהייבן קוקן. יעצט אז ס'דא א גליון האט ער פון ווי נאך צוזאגען, וועגן דעם איז מבטל זיין אינגאנצען דעם רעיון נישט בארעכטיגט לענ"ד, אבער וואס יא, א יעדע זאך וואס איז נישט נוגע צו דעם ספעציפישען תועלת (אריינגערעכנט חסידות און פארטיי) דארף ווערן ארויסגענומען מכל וכל.



ס'וואלט געווען א גוטע פלאן אז אין בי ענד עיטש זאל מען טיילן גליונות ביי די ארבעט........ ואידך פירושא זיל גמור

אוועטאר
איזעי
שר האלף
תגובות: 1533
זיך איינגעשריבען אום: מאנטאג פאברואר 21, 2011 5:30 pm
לאקאציע: אויפן שטאק

תגובהדורך איזעי » זונטאג מאי 01, 2011 5:23 pm

עס איז ריכטיג אז די גליונות זענען א גוטע זאך, אבער לכל זמן ועת, אזוי ווי יהיה כן האט שוין געשריבן,
די בעסטע זאך איז, אז מען שטעלט ארויס די גליונות שבת ביינאכט סוף דאווענען, און מען נעמט עס צוזאם פארן צופרי דאווענען, ביי אין כאלקינו קען מען עס פריש ארויסלייגן.
דאס אז עס מאכט שטיל די שמועס'ערס, איך קען נישט אלע אידן אין אלע בתי מדרשים, אבער אויף וויפיל איך האב ערפארונג, געווענליך די וואס שמועסן אינמיטן דאווענען ווערן נישט פארשטילט מיט גליונות. עס איז לויט מיין שאץ נישט מער ווי איינס צווישן צוואנציג מענטשן וואס צוליב די גליונות האלטן זיי זיך אפ פון צו שמועסן ביים דאווענען, עכ"פ איך קען נישט אזעלכע.
זאת ועוד, אז די מענטשן וואס רעדן נישט ווען זיי האבן גליונות צו ליינען, האבן נאך געווענליך אין זיך גענוג מאס ערנסטקייט אז ווען מען איז זיי מעורר צו זיין שטיל, ווערן זיי שטיל, קען זיין אז דער גבאי האט ווייניגער ארבעט מיט שטיל מאכן אזוי, אבער לדעתי (מיט מיין קליינעם שכל) איז יצא שכרו בהפסדו, עס נעמט אוועק דעם קאפ פון אסאך אסאך ערנסטע אידן פון דאווענען (וואס אן די גליונות וואלטן זיי "געדאוונט" און אזוי איז זייער קאפ אינם גליון, און קוים וואס זיי טראכטן וואס זיי זאגן).

יקוםפרקן
שר חמישים ומאתים
תגובות: 392
זיך איינגעשריבען אום: זונטאג ינואר 30, 2011 4:03 pm

תגובהדורך יקוםפרקן » זונטאג מאי 01, 2011 5:46 pm

ליינענדיג האב איך זיך דערמאנט די באוואוסטע מעשה ווען א תלמיד פון הרב יודא סעגאל זצ"ל האט אמאל אריינגעשריבן זיין נאמען ביי אתה חונן אין זיין רבינ'ס סידור כדי דער רבי זאל אים אינזינען האבן. דערנאך האט ער חרטה געהאט פאר די חוצפה זיינע און ער איז געגאנגען איבערבעטן דעם רבי'ן און מיט וואונדער האט דער רבי אים געזאגט כ'וועל אייך זאגן דעם אמת אז כ'האב דאס גארנישט באמערקט. עכל"ק
האבנדיג די זכי' צו זען וויאזוי דער צדיק האט געדאווענט שמונ"ע א לאנגע צייט, און טייטלען יעדעס ווארט, קען מען פארשטיין אז ער האט נישט אפילו געקוקט אויף די זייטן פונעם בלעטל.
מיין כוונה איז בלויז ארויסצוברענגען אז ווען מען דאווענט ערליך באמערקט מען (און עס אינטערעסירט) נישטאמאל וואס עס טוט זיך אויף די זייט.

ועוד אחד אדבר אז די גבאים זאלן זען צוצושיקן שיינע בעלי תפלה, דאס העלפט פיל צו אז דער עולם זאל מיטדאווענען.

אוועטאר
שוועמל
שר עשרת אלפים
תגובות: 14181
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג מאי 01, 2011 5:56 pm

אין מיין שול ווערן די בלעטער אויסגעלייגט ער"ש, דער גבאי ווען ער קומט כאפט ער דעם גאנצן ווינקל מיט בלעטער און א שליידער אין שמות אריין.

עפ"ר ווערט דאס באנוצט אלס שיפן און עראפלאנען פאר די קינדער, וועט ער האבן ווייניגער צו קלינען מוצ"ש.
שוש אשיש בה', תגל נפשי באלקי! (ישעיה סא)

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » זונטאג מאי 01, 2011 6:03 pm

ווייס איך פון איינעם ועלכער נעמט זיי צאם און שליידערט עס אריין אין ב.... ביהמ"ד, פארוואס? ווייל זיי זענען געווען די ערשטע אויפציקומען מיט די משוגעת פון שבת תורה בלעטלעך אין שול......

אוועטאר
ווארד2007
שר חמישים ומאתים
תגובות: 478
זיך איינגעשריבען אום: דאנארשטאג אפריל 30, 2009 2:25 pm
לאקאציע: אין אייגן זעקל

תגובהדורך ווארד2007 » זונטאג מאי 01, 2011 6:05 pm

יהיה כן האט געשריבן:ווייס איך פון איינעם ועלכער נעמט זיי צאם און שליידערט עס אריין אין ב.... ביהמ"ד, פארוואס? ווייל זיי זענען געווען די ערשטע אויפציקומען מיט די משוגעת פון שבת תורה בלעטלעך אין שול......

לאו דוקא
אפשר וועלטליך, אבער באזונדער איז דאך שוין יארן לאנג געווען די פתגמין קדישין, איך געדענק נאך פון די מ' יארן
ווי לאנג ס'גייט דיר גוט!, פארגיס נישט יענעם'ס בלוט!
ווייל פון הימל דארט אויף דיר מען קוקט!, און דיין קומענדיגער דור קען נאך זיין אפגעריקט!
(קרעדיט: מיכאל שניצלער)

אוועטאר
געלעגער
שר עשרת אלפים
תגובות: 11885
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » זונטאג מאי 01, 2011 6:17 pm

מחותן דו בעטס אז איך זאל זיך מסביר זיין? איך וועל! און איך וועל פראבירן צו זיין איינגעהאלטן, פארגיב מיר אויב גיי איך ארויס אביסל פון די גלייזן.

לאמיר אנפאנגן אזוי. יעדע מענטש איז באשאפן געווארן מיט א בחירה. א בחירה טייטש אז מ'גיט פאר א מענטש בוחר צו זיין בין טוב לרע. און ווען איך שרייב אז מ'גיט פאר א מענטש מיין איך נישט אז מ'גיט פאר מיר בוחר צו זיין מיין חבר'ס אדער שכן'ס טוב ורע. אויסדריקלעך נישט! איך האב מיין בחירה און יענער האט זיין בחירה.
יעדע איד האט אבער א חיוב וואס דאס הייסט ערבות. דאס מיינט אז אויב זעהט מען א חבר וואס האט מיט זיין בחירה בוחר געווען עפעס נישט גוט ליגט אויף מיר א חיוב אים צו גיין זאגן "ר' איד, איר זענט אייך טועה". דאס איז א קורצע הקדמה צו וואס איך וויל צוקומען.

לעצטענס דא אין קרעטשמע האט זיך אריין געכאפט א ווינט וואס לויפט גאר עקסטרעם. "קול מבשר" אפשפארן! "גליונות" ארויס פון ב"ה! "סקרין'ס אין געשעפטן" נידער דערמיט!
אין יעדע זאך לייגט מען אריין די גאנצע אידישקייט אז אין דעם איז עס תולה און אויב האלט מען דאס נישט צוריק איז ביז א פאר יאר א פארגאנגענהייט מיט אונז חסידים מיט די לאנגע לאקן..

דאס וויל איך שרייען!! הערטס אויף!!!

קול מבשר האט א פראבלעם? גיי רעד צו אים, אויב איז נאך אלס דא א פראבלעם, לייג דיר ארויף א בלאקער! הער אויף אוועק צו נעמען מיין בחירה! האלטס אז ס'איז געפערליך?? דו ביסט מחיוב אלס ערבות מיך אפצושטעלן..? הענג א צעטיל מיט דיין מיינונג, אז איך וועל האבן געדולד וועל איך עס דורך ליינען.

גליונות אין די בתי מדרשים.
ארויס ווארפן?? פארווואאסס??? האלטס נישט דערפון נעם נישט! האלטס אז אלס ערבות מוזטו מיך אפשטעלן פון נעמען איינס? הענג א צעטיל מיט דיין מיינונג! לאז מיך בוחר זיין!

און דאס גייט אזוי מיט רוב מערכות, ביי יעדע זאך איז אייביג דא איינער וואס לויפט ארום און איז מסביר פאר פלוני אלמוני אז אין דעם הענגט אידישקייט און דער יעניגער -נישט וועלענדיג זיין דער וואס וועט דאס פארקוקן און דערנאך וועט משיח האבן טענות אויף אים פארן נישט ראטעווען אידישקייט- קומט גלייך ארויס מיט א מחאה אדירה און מ'שרייט.. פ-ו-י...

אין קורצן. הערטס אויף מיט די עקסטרעמע גאנג ווייל אויב נישט וועט א גליון אין שול האבן די זעלבע אפעקט אויף מענטשען ווי האבן אינטערנעט אינדערהיים...
שטעלטס אראפ גדרים. אינטערנעט איז א פראבלעם און מ'דארף טון אלעס אין די וועלט עס אפצושטעלן. סקרין'ס אין די געשעפטען, איך בין גרייט צו הערן דיין מיינונג אבער פארשטיי אז ס'איז דא א צווייטע זייט. גליונות אין שול? א איד וואס וויל דאווענען וועט דאווענען ס'איז זיין בחירה איינער וואס וויל אריין קוקן זאל אריין קוקן. האלטס אז ער באגייט א זינד? גיי זאג אים.

איך גלייב אז ס'איז דא אידן וואס גייען נישט פארשטיין וואס איך וויל דא.
אבער איך האף אז ס'איז נאך דא נארמאלע דא בתוכינו וואס פארשטיין מיין פונקט.

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » זונטאג מאי 01, 2011 6:21 pm

שפתיים יושק - רב געלעגער!!
איך בין צייטליך און איך האב עפראווד די תגובה.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 17 געסט