ווי אזוי באגריסט איר איינעם וואס איז סעמי היימיש

[פארצייטישע]

עס פאסירט מן הסתם צו יעדעם, מ'שפאצירט אויפן גאס, ס'איז ליידיג, און פון די ווייטענס זעהט איר איינעם וואס האט בעצם נישט קיין שייכות מיט אייך, איר ווייסט אפילו נישט אויב יענער געדענקט בכלל ווער איר זענט.

למשל: איר זעהט אים אסאך אין אייער ביהמ"ד, (כ'רעדט פון א פעקטארי ביהמ"ד וואו עס דאווענען דארט טעגליך הונדערטער אידן, און מ'איז נישט היימיש מיט יעדעם איינעם).

אדער זענט איר לעצטענס געווען צוזאמען למשל אין גראסערי און איר האט אים געבעטן אז ער זאל אייך דורך לאזן ערשט ווייל איר יאגט זיך, און איר האט נאר אפאר קלייניקייטן, און ער האט אייך גערן אדורכגעלאזט.

איר שטעלט אייך פאר אז ער וואוינט אין אייער געגענט, אבער איר ווייסט נישט וואו. איר האט שוין אפאר מאל פראבירט צו קוקן אויפן טלית בייטל צו זעהן זיין נאמען, אבער אן ערפאלג.

אדער איר זעהט יענעם אלעמאל ווען אייער פעטער מאכט חתונה, מן הסתם זענט עט'ס ביידע נעפיוס פון דעם פעטער נאר פון די אנדערע זייט.

בקיצור זיין פנים איז אייך באקאנט, אבער בעצם האט איר גארנישט מיט יענעם, אבער דאך פילט איר אז איר קענט אים נישט איגנארירן.

אדער איינער פון די עזרת נשים פון אייער משפחה, למשל א מומע, וואס איר האט באמערקט אין א פארנומענע גאס.

ווען מ'איז ווייט איינעם פון צווייטען קוקט'ס עט'ס ביידע גלייך, אבער ווען מ'קומט נענטער, ווערט א פארגעלעגענהייט.

איז מיין שאלה וואס טוט איר אין אזא פארגעלעגענהייט?

[כ'רעדט נישט פון שבת, ווייל שב"ק איז אסאך גרינגער צו זאגן אפילו א פרעמדע גוט שבת. וכן אני נוהג]

1) איר שאקלט מיט'ן קאפ אויף אזא אופן וואס איז משתמע לתרי אנפי, יענער קען מיינען אז איר באגריסט אים, עס קען אויך מיינען אז איר האט געהאט א היק-אפ...

2) איר האט נישט קיין פראבלעם, און איר באגריסט יענעם מיט א שיינע גוט-מארגן (זאל ער זיך ברעכן קאפ פון וואו איך קען אים אזוי גוט)

3) איר נעמט ארויס דעם סעלפאן און מאכט אייך אז איר האט יעצט באקומען א קאלל אדער טעקסט וכדו'

4) איר גייט אריבער די אנדערע זייט גאס, און איר מאכט אייך ווי איר זוכט וואו איר האט געפארקט אייער קאר.

5) איר מאכט אייך ווי איר זעהט פשוט נישט יענעם. (שמירת עינים...).

6) איר קוקט יענעם אין פנים אריין צו זעהן אויב ער גייט אייך גריסן.

דאס איז נישט קיין אנקעטע ודי..., נאר ס'וואלט געווען אינטערסאנט צו הערן די עולם'ס עקספיריענס.

[געלעגער]

ווענדט זיך שטארק אונעם סיטואציע. אבער אפציע 3 איז אסאך און באניץ.

[שוועמל]

6

[i follow]

2 מאך פון א סעמי היימיש פאר א פריינט

[וואדקע]

ווענט זיך און די גיסטע

[פאטאקי08]

על פי רוב אפציע 6

[ווינקל]

זעט אויסגאבע מעלות חודש (?בערך צוויי יאר צוריק) ארטיקל בשם "אן איר-אלטער פראבלעם". וזכרון אחד עולה לכאן ולכאן.

[ווארד2007]

ווענט זיך און די גיסטע

אבער על פי רוב 1

[gagongan]

1

[יהיה כן]

און וואס איז דער דין מיט איינעם וועם כ'מיין איך קען אים פון דא פון קרעטשמע, אבער שטייצעך כ'קען עם נישט מגלה משום האיסור הנורא של גילוי [אליהו] רח"ל, טא ווי אזוי גריסט מען אזא איינעם אין גאס???

[צום זאך]

דערמאנסט מיך אמאל פלעגעך האבן אזאלכע דילעמע'ס (דעמאלט איז נאך נישט געווען קיין 6 אפציעס) ביז כ'האב מחליט געווען אז ס'מיר גענוג, זאל יענער זיך ברעכן קאפ וויאזוי זיך אומצוגיין..

[ראפאט קראמפלי]

אינטערעסאנטע שמועס...

[טשאקלעט]

איך געב א שאקל מיטן קאפ אויף אראפ און איך קיק נישט אויב יענער האט צירוק געגריסט

[צימישעניש]

האהא.... עס איז גיווען א בחור ביי אונז און ישיבה ער פלעגט זיך אלטס אזוי אינטער ברימען אדער אינטער זינגען אזוי אנקוקען דיג דעם אדורך גייער ער זאגט אלטס אז עס איז די בעסטע וועג ארויס ...

[שטאלצער יוד]

קידוש הש'ם.PNG (685.55 KiB) געזען 1625 מאל

[שמעלקא זאפטיגער]

יא יא, דער מאשקאוויטש פון לעיקוואד האט געמאכט א קידוש השם, און געענדיגט מיט צעביילטע ביינער

[מאנסי שטופער]

יא יא, דער מאשקאוויטש פון לעיקוואד האט געמאכט א קידוש השם, און געענדיגט מיט צעביילטע ביינער

*קרוינהייטס

[חלה]

יא יא, דער מאשקאוויטש פון לעיקוואד האט געמאכט א קידוש השם, און געענדיגט מיט צעביילטע ביינער

*קרוינהייטס

וואס איז געווען די מעשה?

[zurech]

קידוש הש'ם.PNG

גוט!
מענטשן האבן ערענסטע דאגות

[פלאחותיך]

איינעם וועם איך דערקען אויפן פנים, פון מיין ארבייט, שול, באס, וועכנטליכע גראסערי וכד"מ (אפילו כ'האב נאך נישט אויסגעטוישט מיט אים קיין ווארט, און איך ווייס נישט ווי אזוי ער הייסט) גיב איך א נאטירליכע קליינע שאקעל מיטן קאפ אין זיין ריכטונג, מיט א געלאסן פנים (נישט א שמייכל)

סך הכל די פשוטע אפטייטש פון "הוי מקבל את כל אדם בסבר פנים יפות"

ליידער טו איך עס נישט צו "כל אדם" נאר צו סעמי-באקאנטע ווי אויבן דערמאנט

ס'געווען גרויסע צדיקים (פרומע ערליכע שטארק חסידישע), פון פריערדיגן דור וואס האבן געגריסט כמעט יעדן איינעם וואס זיי האבן באגעגנט אדער דורעך געגאנגען אויפן גאס אדער אין שטוב (אפילו גוים שכנים פארשטייט זיך מענער)