מיין פארענטפערונג - יעדער זאל מגיב זיין!!!

אייוועלט אינערליכע אנגעלעגנהייטן

אחראי: אחראי

זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

מיין פארענטפערונג - יעדער זאל מגיב זיין!!!

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

טייערע חברים און גוטע פריינד, עס איז מיר א פארגעניגן צו פארברענגען מיט אייך היינט, און געבן א שטיקל אויפקלערונג אויף מיינע רייד, איבערהויפט זיך צו באציען אויף די ווערטער פון מעסטערמיינד, ווי אויך אויף די ווערטער פון אונזער האר, דער חשובער סעקרעטאר, און דאס זעלבע צוגלייך, קום איך צו אייך, לכל החברים וידידים תושבי הקרעטשמע כל אחד בשמו ובניקו הטוב, יבורך בברכות לרוב.

ווי איך זעה זענען מיינע ווערטער, אין דעם דערנעבנדיגן אשכול, שלעכט אויסגעטייטשט געווארן, עד כדי כך אז ס'האט מעלה גרה וחמה געווען פאר עטליכע ידידים וחברים. דעריבער שפיר איך נאכאמאל פאר א פליכט אביסל אויסצושמועסן דעם ענין איינמאל פאר אלעמאל, ובזה יצאתי ידי חובתי, והמעקש יתעקש.

שרייבנדיג די ווערטער, ווייס איך נאך נישט צי דאס וועט זיין א לאנגער ארטיקל צי א קורצער. איך וועל זיך דאס פילייכט דערוויסן אינאיינעם מיט אייך, ליינענדיג דעם ארטיקל...

באמת איז מיר א שטיקל וואונדער וואס דא קומט פאר, אמער, איך האב דאך שוין נישט לאנג צוריק, אין איינע פון די אשכולות, קליפ און קלאר ארויסגעברענגט וואס איך וויל, וואס איך האלט, טא וואס עפעס איז דער עולם ווידער בייז געווארן אויף מיינע ווערטער, נאך וואס איך האב שוין איינמאל אויפגעקלערט אז מיין ציל איז כלל נישט איבער די נושאים אויף וואס איר האט מיר דא פארגעווארפן?. איז מיין שריפט טאקע אזוי אומקלאר און אומפארשטענדליך אז על אף וואס איך האב שוין דארט מסביר געווען וואס איך מיין זאל מען מיר נאך אלץ נישט גענוג פארשטיין?. זאת ועוד, זענען טאקע מיינע ווערטער, טאקע אטא דא, אין די אויבנדערמאנטע תגובה, אזוי אומפארשטענדליך און אזוי אומקלאר אראפגעשריבן אז מען זאל זיך קענען טועה זיין דערין און איר שלעכט פארשטיין?. איין זאך קען איך קלאר זאגן: אז ווען נישט די גוטע מדות פון אונזער הער סעקרעטאר, וועלכער האט אויפגעפאדערט דעם עולם, באלד נאך זיין אריינטריט אינעם אמט, אז מען זאל יעדן דן זיין לכף זכות, וואלט איך דאס נישט פארשוויגן... און נאר א דאנק אים בין איך אייך דן לזכות אז איר האט מסתמא נישט געליינט מיין שטעלע און אויפקלערונג אין יענעם אשכול.
איך וועל דא איבערגיין עטליכע שטריכן איבער די ענינים, און וואס איך האב געצילט מיט מיין נעכטיג תגובה, והי' בזה שלום.

ס'פארהן עטליכע סארט וועגן וויאזוי מען קען שרייבן, פארברענגען און מגיב זיין, ביי אונז אין די קרעטשמע. פארשטייט זיך אז דער אופן התגובות, די תוכן התגובות און די נושאי התגובות, בייטן זיך און זענען אלעמאל געוואנדן לפי האשכול, לפי הנושא, לפי התוכן, און איך וועל דאס צוטיילן אין עטליכע חלקים און פרובירן דאס מסביר זיין.

1] ס'דא אשכולות וואס רופן זיך "ארטיקלען". דאס הייסט, ס'יאוועט זיך א חד מאן דהוא און באגערט מיט זיין גוט הארץ אפצושרייבן א שמאלציגן ארטיקל, א לאנגס און א ברייטס, אזש ס'פארגייט פשוט א פארגעניגן צו ליינען דעם ארטיקל נאכאמאל און נאכאמאל, וואס אין א געוויסן זין האט דער יעניגער מיט זיין ארטיקל ריכטיג ערפילט די ציל פון די קרעטשמע, יודן זאלן הנאה האבן, א שמייכל טוהן, וכדומה.

אין די סארט אשכולות זעלבסט, איז כמובן פאראהן עטליכע סארטן, וכשהם שאין פרצופיהן שוות כך אין כתיבותיהם שוות, יעדער לויט זיין שטייגער שרייבט אראפ און ברענגט ארויס ענינים לויט זיין דרך הכתיבה. איינער מיט א גוטן תוכן און ווייניג הומאר און דער צווייטער פארקערט; איינער מיט א לאנגס איינער מיט א קורץ אבער א גוטס, א.א.וו. הצד השווה שבהן אז דער שרייבער האט זיך אוועק געגעבן, מעתו ומזמנו, בכדי מהנה צו זיין דעם עולם.

זעלבסט פארשטענדליך אז נישט יעדער האט די מעגליכקייטן אהער צושטעלן אזא סארט ארטיקל, צי ווייל ער איז נישט קיין שרייבער; צי ווייל ער האט נישט קיין צייט; צי ווייל ס'נעמט אים צו לאנג אפצושרייבן אזא ארטיקל; יעדער מיט זיין סיבה, און ווי שוין ברייט אויסגעשמועסט געווארן דורך איך הער'ן און מעסטערמיינד אין אן אנדער אשכול, און אין גם אחד וואס האט אפי' טענות דערויף אויף א צווייטן. שטעלט זיך נאר די פראגע, וויאזוי דארף מען 'מגיב' זיין אויף אזא סארט ארטיקל? וואס אויף בלויז מגיב צו זיין האט דאך, לכאורה, יעדער די געלעגנהייט. פארשטייט זיך, אז ווידער דאס זעלביגע. ס'נישט שייך קיין כללים דערויף, ווייל כשם שאין פרצופיהן שוות כך אין סדר תגובותיהן שוות, דאס געווענד זיך שוין לויטן נאטור פונעם מענטש, אבער דאס איז כולי עלמא מודה אז מען מוז מגיב זיין. יענער ווארט דערויף און וויל הערן וואס מען זאגט דערצו. פאר ווער ס'געדענקט פון אלט-שטאט, פלעגט אפי' זיין דער מנהג אז דער שרייבער פון אן ארטיקל זעלבסט פלעגט זיך עפענען אזא דערנעבנדיגן אשכול, וועלכע האט זיך גערופן 'הערות און קאמענטארן' אויף די-און-די ארטיקל. צומאל ביי א פעטן, שמאלציגן, ארטיקל פלעגט די באהערדע זעלסט פילן פאר וויכטיג צו עפענען דעם 'הערות און קאמענטארן' אשכול, פארוואס? ווייל אז איינער שרייבט אפ א לאנגס און א ברייטס ווארט ער צו הערן וואס מער הערות דערויף, פארשטייט זיך אז דער כותב האט הנאה פון א בלויזן שכוח אויך, אבער אויב קען מען אריינווארפן עפעס מער ווי דעם, מה טוב ומה נעים, וכל המוסיף מוסיפין לו מן השמים, אוי... וואס רעד איך דא?... וואו בין איך פארפארן?... איך וויל דאך זאגן וכל הומסיף הרי זה משובח, ווייל וואס מער א גוט ווארט פאר יענעם אלס מער האט יענער דערפון א גרעסערע הנאה, און פארוואס טאקע דאס נישט נאכגעבן פאר יענעם? וואו איז מענטשליכקייט? אז יענער האט זיך גענומען די מיה און אפגעשריבן א גוטס, אפגעזען ווי לאנג דאס איז צי ווי קורץ דאס איז, אדער וויפיל הומאר ס'געלעגן דערין, ס'נישט קיין חילוק, האסט הנאה געהאט, יענער האט דיר מהנה געווען, טא פארוואס אים נישט צוריק מהנה זיין מיט עפעס מער וויל א בלויזן שכוח?. אבער ווי געזאגט, דאס איז שוין בלויז אלס מענטשליכקייט, והכל לפי האיש, און יעדער פארשטייט אז מען קען נישט אלעמאל און פון יעדן פאלאנגען דאס זעלביגע, דעריבער איז אפי' א בלויזער שכוח א טויזנט-און-צוויי-הונדערט פראצענטיגער נארמאלע, מענטשליכע, תגובה.

2] ס'פארהאן אשכולות וואס קומען לכתחלה בלויז צו שמועסן, טשאטן און פלאפלען, על דא ועל הא. לאמיר געבן א משל, דער 'וואס האט איר געגעסן פאר פרישטיג' אשכול. פארשטייט זיך אז אין אזא סארט אשכול קומט נישט קיין תוכנ'דיגע תגובות, ס'דאך פאר דעם געמאכט, צו שמועסן און טשאטן. נו, ווער ס'האט א פארגעניגן דערין, כל הכבוד. ס'זייער א מסתבר'דיגע זאך, מ'רעדט, מ'שמועסט, מ'זאגט, מ'פרעגט, מ'ענטפערט, מ'מאכט זיך אביסל משוגע... - ווי מ'רופט דאס אין בעסמעדרעש שפראך - און געגאנגען ווייטער. כמובן, אז ווער ס'האט נישט קיין פארגעניגן דערין עפנט נישטאמאל יענעם אשכול. איז איינער אפי' ברוגז אויף יענעם אשכול? ניין זיכער נישט! און אזעלכע סארט אשכולות, און דער אופן פון אזעלכע סטיל תגובות ביי די סארט נושאים, קענען מיט פולן ווארט אנגערופן ווערן: "ס'שמירט די רעדער פון די קרעטשמע", וזה שאמר הכתוב/קרעמער שמירן די רעדער, קיינער האט נישט קיין טענות דערויף און קיינער רעדט זיך נישט אפ דערויף.

נאכמער, פיל מאל שמירן זיך אפי' אריין, אזעלכע סארט תגובות, אין א אשכול וואס איז כלל נישט מיוסד געווארן אויף די סארט שינעס, און ואין פוצה פה ומצפצף!. פארוואס? ווייל איך פארשטיי אויך אז ס'דא אזעלעכע וועלכע קומען אריין אין די קרעטשמע בלויז צו כאפן א שנאפס; א טרונק; א גוט ווארט; מגיב געווען "לענין", קורץ צי לאנג, און געגאנגען ווייטער, כ'פארשטיי דאס גאנץ גוט, והא ראי', צומאל טוה איך דאך דאס זעלביגע... און ניין! איך ציל נישט אצינד צום פראבלעם פון פארדרייען אן אשכול, ניין, נישט דאס מיין איך, איך רעד פון אנשמירן די רעדער פון אן אשכול, וואס אפי' אויף אזא פאל, אויב ס'נישט ארויס צופיל פון די שינעס, ס'נישט פארפארן צו ווייט, קען דאס אויך אריין גיין אין די קאטאגאריע וואס קרעמער רופט: 'שמירן רעדער', ווייל כ'מיין עמ... עמ... ס'שמירט דאך טאקע...

(און איר מעגט וויסן, אז איך האב במכוון נישט דערמאנט דעם זמן קר"ש אשכול. ווייל דער אשכול איז לכתחלה געשטעלט בלויז צו צייכענען דעם נומער און געגאנגען ווייטער. א בלויזער קריטיקירער פון נאטור אויס, וועט קריטיקירן אזא אשכול, און איך מיין קיינער האט דאס נאך אפי' נישט קריטיקירט).

3] און דא וועל איך צוקומען צום עיקר, וואס דער עיקר זעלבסט ענטהאלט אין זיך פארשידענע סארט ענינים, און מיט אנטשולדיגונג וועל אביסל פארדרייען די נושא פון אשכולות צו מגיבים...

ס'פארהאן געוויסע מגיבים וועלכע גיבן נישט צו, צו די קרעטשמע, קיין שום חן, קיין שום הנאה, קיין פארגעניגן פאר די ליינער/באזוכער'ס, אבער שטערן נישט קיינעם, נעמען נישט אוועק די פארגעניגן פון די קרעטשמער'ס (הגם, די פראגע צו זיי איז, פארוואס טאקע נישט? האסט הנאה פון יענעם, זיי יענעם אויך אביסל מהנה? אבער, וי"ל בדוחק גדול מאוד מאוד, ואכמ"ל). ווידער איז פארהאן מגיבים, איבערהויפט לעצטענס, וועלכע רוקן זיך אריין אין די קרעטשמע מיטן בלויזן ציל צו פארדרייען א קאפ און אוועקנעמען די פארגעניגן פון די פארברענגערס. זייערע תגובה'ס זענען אומ'בא'כיינ'דעלט, אן קיין שום טעם! און נישט בלויז ס'גיט נישט צו, נאר ס'נעמט גאר אוועק די פארגעניגן פון פארברענגען דא! פעך... נערישע, פערדישע, קינדערישע תגובות, וועלכע פאסט נישטאמאל פאר נוירסערי קינדער, ס'פארעקלט, ס'פאר'מיאוס'ט, ס'פארגייט אן איבל, פוי..., דאס ארגסטע פון אלעם איז נאך אז די דאזיגע מיינען נאך אז זיי זענען זיס... איי ווי זיס זיי זענען, מיט זייער'ס א תגובה האבן זיי דאך ממש געשאסן די גרעסטע חכמה וואס נאר פארהאן, יעדער וועט זיך דאך זיכער מעכאיע זיין... נו, גיי זיי מסביר דעם נער אז ער איז א נער... איר ווייסט דאך די וועלטס-ווארט אויפן "ויחכם שלמה מכל האדם, אפי' מן השוטים". אפי' מן השוטים? א חכמה? כי זה כל החכם אז ער איז קלוגער פון די שוטים? נאר וואדען, זיין חכמה איז באשטאנען אז ער האט געקענט מסביר זיין דעם שוטה וואספארא טיפוש ער איז... און דאס איז שוין טאקע א חכמה נפלאה...

שוין, איך בין פארפארן... איז וואו האלט איך? יא, די סארטן מגיבים וועלכע ברענגען ארויף דאס אפפאל פונעם געדערעם. פעך... קען איינער זאגן אז דאס שמירט די רעדער?

איי וועט איר פרעגן, נו, אלא מאי, לאו כל אנפין שווין, איז ער דען עפעס שולדיג אז מען האט אים צוגעטיילט דעם טיפוש קאטאגאריע פארן געבורט? כ'מיין, ס'דאך א געבורט פעלער, טא וואס קען ער זיך העלפן? קען מען דען הייסן יעדן וואנדערער אויספילן אן אפליקעישאן, חכם או טיפוש? אבער רבותי, ניין, ס'נישט אזוי, די יעניגע שאנטאזירערס זענען; אדער אייניגע מתושבי הקרעטשמע, וועלכע טוט דאס בכוונה תחילה; אדער פריש אנגעברענגטע, וועלכע זענען אנגעקומען צו אונז א דאנק דעם "ויפוצו מבצע", און קומען 'בכוונה תחלה' צו טוהן דאס וואס זיי טוען. ס'מער אן אויסגערעכנטער שריט ווי א געבורט'ס פעלער. און צו די יעניגע איז געווען געצילט מיין לעצטע תגובה, אויף וואס איר האט זיך אזוי ארויף געכאפט דערויף.

וואס איז דען א חילוק וואס'פארא סארט ניק'ס ס'ליגן באהאלטן אונטער זייערע שלייער'ס? זאלן זיי זיך רופן אונטערן ניק נארמאל, חכם, קלוג, וואט-עווער איט איס, אויב פירקלען זיי אזעלכע סארט תגובות ווי אויבן דערמאנט (וואס, אגב, האבן שוין עטליכע פון די סארט תגובות, אפי' דעם הער סעקרעטאר, ארויסגעברענגט פון די כלים...) איז דאן... [זאגט איר אליין]. ווידער אויב שרייבן זיי אזעלכע סארט תגובות, ווי קרעמער וכדומה, זאלן זיי זיך רופן אקס, פערד, האו קערס אויף די נעמען?

רבותי, איז איינער מחולק מיט מיר מיין גאנצע דרשה דא?
זאל זיך יאווען איינער וואס האט 'חכמת שלמה' און זיי מסביר זיין, אז לא זו הדרך, ווייל ס'גרוילט מיר שוין לעצטענס דאס אומארדערנונג דא.

4] און אז איך האב שוין יא דאס פעדער אין די האנט, וועל איך זיך שוין אויסגיסן און אויסרעדן איבער אן ענדליכע נושא. און איך האב עס בדייקא געלייגט צום סוף, כדי ס'זאל בלייבן דער טעם פונעם אפיקומן אין מויל פון יעדן ליינער, און זיך שוין בארעכענען און טוהן למעשה...

שוין א לענגערע צייט דריקט מיר א קאלומעטענע אין בויך. איך וויל פארשטיין, פארוואס רוב רובם פון תוכנ'דיגע נארמאלע אשכולות קריגן נישט געהעריגע תגובות, און זייער ארט טרעפט זיך באלד אינעם תהום פונעם צווייטן בלעטל? פארוואס? הא?. אט נעמט א שטייגער, דער העכסט נארמאלער אשכול פון די צונג א שווערד, וואס אונזער חשובער שר המשקים, מאשקע, האט געעפענט. ס'הייסט אזוי, ער האט צודערלאנגט צום טיש פאר אלע תושבי הקרעטשמע א פולן קאנטשא מיט פיינע, געשמאקע, נארהאפטיגע משקאות, די חשובע באהערדע האבן צוגעשטעלט פריש אויסגעוואשענע גלעזלעך פאר יעדן צו קענען זיך אנפילן פונעם זיסן געטראנק, און גארנישט! דער פלאש שטייט נאך אזוי ווי ער האט אים אראפגעלייגט, קיינער טרינקט נישט, קיינער זעצט זיך נישטאמאל אהין צו דעם טישל פארזוכן דערפון, וואס איז דאס? אביסעלע חיזוק געמישט מיט תוכן קען יעדער געבן, פארוואס איז דער טישל פוסט אן קיין פארבייגייערס? פארוואס לאזט מען די משקה זויער ווערן, אזש ביז ס'זאל פאלן צום תהום אריין? ס'נישט דא קיין תי'; איך קען נישט; איך האב נישט; בלא בלא בלא; ס'דאך נישט מער ווי א נארמאלע זאך?

ליידער, ליידער, יעדער נארמאלער אשכול פליט גלייך ביז דארונטער, און צום אויבערשטייסל פליען נאר ארויף, די כ'וויל נישט זאגן וואס... נידער! גענוג מיט די אנשיקענישן... אוי, טשולדיגט, כאמעך פשוט צופייערט... כ'מיין נישט גארנישט...

דאס זעלביגע איז מיטן 'ידיעות באגאזש אשכול', אינעם דברי תורה פורום. פארוואס בלויז איינס-צוויי שרייבער'לעך פאקן זיך אויס דארט? יעדער, אבער יעדער, פארמאגט דאך אין זיך עפעס ידיעה'לעך וואס אן אנדערער קען דערפון נהנה זיין, טא וואס לאזט מען יענעם זיך אויסגעבן און גארנישט צושטעלן דערצו? איז דאס טאקע אזוי ווי איך זאג, אז נארמאלע אשכולות ציען נישט די אינטערעסע פון די תושבים? אויב יא, פארוואס?

איך טוה מיט דעם שליסן די טעמע פון לאנגע, קורצע, תוכנדיגע, אינטערסאנטע, שמאלציגע, פעפערדיגע, קלוגע, נערישע, קינדערישע, טעמעס, תגובות, אשכולות. והי' בזה שים שלום טובה וברכה, חיים חן וחסד ורחמים, עלינו ועל כל ישראל עמיך.

איך בין גערישט אז דער אשכול וועט באלד טרעפן איר מקום דארט ווי אלע איר גלייכן... אבער מאכט נישט, ס'גוט אזוי אויך. עה... דאס איז נאר איך זאל זיך מחזק זיין... אבער אמת'ן אריין פארלאנג איך, קלאר און דייטליך, פון אלע מעמבער'ס אטן אחן אויסנעם, יעדער, אבער יעדער בלי יוצא מן הכלל, יהי' מי שיהי'..., זאל מוחל זיין לאזן הערן זיין מיינונג איבער דעם ענין, און ווער נישט זאל אויך געבענטש ווערן מיט כל טוב, אמן.

אבער דאך טוהט א טובה און זייט מגיב ווי א 'מענטש'. איך דאנק אייך פון פאראויס.
אוועטאר
מאשקע
מ. ראש הקהל
תגובות: 12672
זיך איינגעשריבן אום: מיטוואך נאוועמבער 15, 2006 2:40 am
לאקאציע: אין די חיפוש

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאשקע »

אגב, שכוח פאר'ן דערמאנען מיין באשרייבונג אין דיינע ווערטער.
און צום ענין: ניכרים דברי אמת, זארעכ איז - אין מיינע מילכיגע אויגן - הונדערט פראצענט גערעכט. לויט וויפיל איך - א גאסט אויף א ווייל - קוק עס אן, איז די קרעטשמע אין די לעצטע פאר טעג געווארן אביסל נאריש/קארני/באורינג וכו'.
אבער זארעכ, אז מ'רעדט שוין יא אפן, וויל איך דיך דערמאנען, אז אינעם מזל טוב אשכול וואו איך הער האט מיך באגריסט לרגל די שמחה פון ארבע מאות תגובות, האסטו דירעקט קאמענטירט צו מיינע ווערטער, מיט דאס פאלגענדע:
זארעכפעפער האט געשריבן:דאס וואס ער מיינט קענסטו זען דא: http://ivelt.com/forum/memberlist.php
ביי די אפשן בחר שיטת מיון, דריק "עשרת הכותבים הגדולים".

אבער להוי ידוע, אז דאס איז נישט ריכטיג!. ווייל די אלע וואס ווערן דא באצייכנט, אלס די עשרה הכותבים הגדולים, זענען גדולים אין תגובה'ס אבער ווייט גדולים אין כתיבה'ס. א גרויס חלק דערפון - ולולא דמסתפינא וואלט איך געזאגט א מערהייט חלק דערפון - זענען פון די חחחח'דיגע, זמן קרישמעדיגע, תגובה'ס א.ד.ג. וואס ווי פארשטענדליך זענען רובם פון די סארטן תגובה'ס לגמרי נישט אינטערסאנט, נישט צום שמייכלען און נישט צום וויינען, א שטייגער א ווי סטיל וואל אין די בארד וואס גייט נישט ארויס און נישט אריין...


דו זאגסט אז דו האסט "נישט" געמיינט מיך פערזענליך, און נאך אזויפיל מאל זאגן וועל איך דיר גלייבן, אבער איך אלס "קליינער" האב דאס אנגענומען ווי א פערזענליכע אטאקע, וויבאלד ס'איז געווען א תגובה דירעקטירט צו מיר, און פאר גאנצעטע טעג האב איך געלעבט אין א טעות, אז דו האלטסט אז איך בין צווישן די צען וואס זייערע תגובות זענען "לגמרי נישט אינטערעסאנט, נישט צום שמייכלען און נישט צום וויינען וכו'".
האסטו שוין נאך א סעמפל פון די וויכטיגקייט פון דן זיין לכף זכות.
An article a day keeps the babies away
אוועטאר
מעסטערמיינד
שר האלף
תגובות: 1514
זיך איינגעשריבן אום: זונטאג יוני 25, 2006 5:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מעסטערמיינד »

זארעכ,

האסט אביסל שלעכט פארשטאנען וואס איך האב געמיינט מיטן צטט דארט, כ'האב דיר בלויז געמיינט צו פרעגען/מרמז זיין, אז דאס וואס דו שרייבסט אז לא שמא גרים, נאר גברא, צו דאס גייט ארויף אויף מיין ניק אויך, כ'מיין מ'שטיינס געזאגט, עפעס א שמינית שבשמינית וועא"מ מעג איך דאך אויך האבן, כ'האב אסאך "מיינד" אריין געלייגט אין מיין ניק,

און אז איך רעד שוין יא צו דיר וויל איך דיך פרעגן האסטו באמערקט מיין תגובה וועגן דיר אין דעם אייניקלעך אשכול? אויב יא, ווילסט דיך סתם נישט וויסענדיג מאכן, אדער איז עס געווען אז דו האסט דיך נישט געקענט איינהאלטן וכו', דזשאסט קידינג, פליז נעם עס נישט ערנסט, נאר פונקט אזוי מאכט זיך ביי אנדערע,

לגבי דיין גאנצע דרשה, האב איך נאך דערווייל נישט גענומען א קלארע שטעלונג אין דער עפענטליכקייט, כ'וועל מוזען מאכן אביסל ריסערדזש פאר איך ענטפער דערויף.
אוועטאר
יגרסהדותא
מ. ראש הקהל
תגובות: 3687
זיך איינגעשריבן אום: מאנטאג יולי 03, 2006 10:14 am
לאקאציע: קאר וואש

  • ציטיר
  • צו לייגן א דאנק דארפט איר זיין אריינגעלאגט

תגובה דורך יגרסהדותא »

זארעך, איך האב אלעס געליינט, ייש"כ פארן ארויסברענגן אויפן אויבערפלאך אלעס.

(שטילערהייט, אסאך פון דיינע טענות זענען געצילט אויף איינעם, וואס יענער האט שוין עכט חרטה געהאט דערויף און געמאלדן פאר די מנהלים אז ער וועט עס מער נישט טון).

והעושה שלום במרומיו וכו'
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

זארעכ, איצט איינמאל האסטו עס דאס בעסטע צולייגט, און איך מיין אז יעדער וועט מודה זיין, אבער למעשה אזוי ווי איך שרייב אז נאר איצט, ווייל ביז היינט האסטו דיך טאקע פראבירט מסביר צו זיין, אבער מען האט דיך זייער שלעכט געקענט אויסטייטשן, ווי למשל מאשקע, און איך מיין אז דו מעגסט שוין וויסן, אז פון צייט צו צייט בענק איך מיך צו מיין קאמפלעקס, און ווען איך זע, אז דו רעדסט פון די מערסטע שרייבער אז א מערהייט איז נישט צודערזאך, איז די ערשטע נאמען וואס קומט מיר ארויף אין געדאנק אין אזא צייט, מיין אייגענס, אבער מער דארפסטו דיך נישט פארענטפערן, האסט עס מסביר געווען דאס בעסטע וואס דו האטס געקענט.
אוועטאר
צייטליך
מ. ראש הקהל
תגובות: 12505
זיך איינגעשריבן אום: מיטוואך נאוועמבער 01, 2006 6:13 pm
לאקאציע: ערגעץ דא אין די געגענט.

  • ציטיר
  • צו לייגן א דאנק דארפט איר זיין אריינגעלאגט

תגובה דורך צייטליך »

א גוטן זארעך,

גראדע בין איך נישט קיין שרייבער, און איך וואלט סתם אזוי נישט גענטפערט, אבער אז מ'הייסט ענטפערען, קען איך מיך נישט ארויסדרייען, נאר אזוי ווי איך בין נישט איינשטימיג ווי דיר, האפ איך אז די וועסט עס נישט אננעמען פערזענליך,

נאכן א דורך ליינען דיין גאנצע ארטיקל וואס איז מלא טענות ותערימות אויף די מענטשן/חיות וואס דרייען זיך דא אין קרעטשמע און קענען נישט שרייבען די געשרייבעכצער וואס דו, האבן נישט די יומער וואס דו, און ס'גפעלט דיר נישט זייערע תגיבות, האב איך פארשטאנען אז די וועסט סוף כל סוף פונעם גאנצען ארטיקעל ארויסברענגען א שטיקעל לעזונג צום פראבלעם, עפעס כאטשיג, אפס קציהו, עכ"פ אזוי האב איך געמיינט,

אבער ווי, וואס, ווען, א תגיבה אנגעפילט מיט קללות אונעם ריכטונג פון די יעניגע, אן קיין עצה, עס האט נישט קיין שום פשט, וואס זענען זיי שולדיג אז די דערלאנגסט זיי אזאנס ? די שרייבסט דאך אליין אז די יעניגע האלטן אז זיי זענען זיס, זיי מיינען אז דער עולם האט הנאה פון זייערע תגיבות, אלזא, זיי האלטן ווען זייי שרייבן א קליינטשיגע תגיבה, דאס זעלביגע וואס די האלטס ווען די שרייבסט א גרויסן ארטיקל, און איך גלייב נישט אז די האסט דיך באמיט צו שרייבן דיין גאנצען ארטיקל נאר פאר די איין אדער צוויי ניקן וואס טוען דאס בשאט נפש, עס לוינט נישט פאר זיי די פאר מינוט, אויב ווילסטו זיי העלפען, דאן נעם דיר די מו און זיי זיי מסביר, גיב זיי א לעקציע אין הלכות שרייבען, העלפ זיי ארויס ווי אזוי זיי זאלן שרייבן אן ארטיקל, איך ווייס אליין נישט וואס, אבער סתם טענות איז נישט אויסגעהאלטן,

פון די אנדערע זייט, אויב וועלן זיין מער פון די לענגערע אפהאנדלונגען און ארטיקלען, וועלן די אנדער בטול ווערן בשישים, און וועסט דיך נישט דארפן אזויפיל עסן דאס געזינט,

ווי אזוי עס זאל נישט זיין, איך בין נאך גאנץ ניי דא, וויפיל איך דריי זיך דא ארום, האלט איך אז עס שאאט נישט די פאר שרייבער וואס קענען נישט, עס מאכט נישט אויס קעגן די אנדערע וואס קענען יא, וואס עס איז דא ב"ה אסאך דא, איך זאג נישט, עס קען אייביג זיין בעסער, מיינע רעביס פלעגן זאגן,
,א איד איז נישט קיין עומד, אדער גייט מען ארויף, אדער פאלט מען אראפ, ס'איז נישטא אזא זאך מ'בלייבט דאס זעלביגע", די זעלבע איז דא, מ'דארף זען אז עס זאל זיך פארבעסערען ווייל חליליה אז נישט, דעמאלס גייט עס פארקערט,

און איך וועל ענדיגען מיטן זעלבען פסוק
והעושה שלום במרומיו הוא יעשה שלום עלינו ועל כל ישראל ואמרו........אמן

נ.ב. איך_הער, קען זיין איך לעב מיט די זעלבע קאמפלעקס וואס די..
איך בין צייטליך און איך האב עפראווד די תגובה.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

שלום עליכם צייטליך, ביסט דאך אנגעקומען אזוי גוט, פונקט צייטליך... בעסער האט נישט געקענט זיין...
צו ערשט, זיי'זשע מוחל, ביסט דאך נאך א נייער דא, ווי דו אליין זאגסט, דעריבער לאמיך דיך קודם מקרב זיין און מכבד זיין מיט א גלעזעלע משקה... לחיים... לחיים...

יעצט איז אזוי, טוה א קוק. נעם דיר די מיה, זעץ זיך אוועק רואיגערהייט, און קוק זיך אביסל אום איבער די אלטע ארכיוון פון אונזער זיסע קרעטשמעלע, וועסטו אולי בעסער פארשטיין אויף וואס מיין תגובה איז געצילט...
ס'פאסט נישט אז א נייער מענטש, זאל באלד ביים אריינקומען, גלייך צושפאצירן צו א טעמע וואס ער האט נאך קיין אנונג נישט...
אוי... יא... אנטשולדיגט... ביסטעך גערעכט... כ'אב דאך געבעטן יעדער זאל מגיב זיין... געוואלד... ביסטעך ביטער גערעכט... שוין, אנטשולדיגט... ביסט מער מוחל? א יא...

נאך אזאך, אפשר צייגסטו אן אין מיין ארטיקל וואו איך האב געשאטן קללות, טענות אדער תערומות?. איך האב בלויז געזאגט פאקטן וואס שפילן זיך אפ. זיי'זשע ביטע מוחל און ליין איבער דעם ארטיקל, אבער נאר נאכן פאלגן מיין ערשטע העלפט...

קאפטשא?

===
איך טוה איסדריקן א ישר כח, פון טיפסטן פון מיין הערצעלע, פאר די אלע וואס האבן זיך גענומען די מיה און מגיב געווען.

מאשקע, כ'גלייב נישט אז דו האסט ערנסט געמיינט אז כ'אב דיך געמיינט, נעמליך, דיינע תגובות זענען דאך עפ"י רוב מתוק לחיך...

מעסטער, 'גברא' קא גרים האב איך געמיינט, אז ס'געווענדט זיך נישט אינעם שם ה'ניק', נאר אינעם 'גברא' וואס שרייבט, אפגעזען מיט וואס פארא א ניק ער פארשלייערט זיך.

יגר, שערקויעך. גראדע האב איך נישט געצילט נאר אויף איינעם, נאר אויף קיינעם און אויף יעדן... און אויף מיר אויך... ודו"ק.

איך הער, נחמתנו נחמתנו... און ווי דו געדענקסט דאס אודאי, האב איך דיר שוין מפייס געווען ברבים, פאר די הוה אמינא אפי' אז דו האסט זיך געשפירט געטראפן אין מיינע רייד.
אוועטאר
מעסטערמיינד
שר האלף
תגובות: 1514
זיך איינגעשריבן אום: זונטאג יוני 25, 2006 5:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מעסטערמיינד »

אוי זארעכ זארעכ,

וואס זאל איך דיר זאגן, האסט נישט פארשטאנען דעם רמז, אבער מאכט נישט, שמינית שבשמינית מיינט טאקע נאר א שמינית שבשמינית,

עניוועי צוריק צו נושא,

עס איז מיר בייגעפאלן א פלאן, ווי צו לעזען דיין פראבלעם, טאקע א ראדיקאלע פלאן אבער פארט א פלאן,

איך האב עס שוין אמאל ערוועינט אז דער גאנצער פראבלעם נעמט זיך פון דעם וואס מאנכע נוצען דעם תגובה מהרה אלץ א טשעט רום, דהיינו, וואס מאכסטו? אה ב"ה, ווען גייסטו וכ''ו? שפעטער, נו נו?, וכדומה וכדומה, זייער ווייניג פאלט איין צו קוועטשן אויפן פרסם תגובה קנעפעל, נאר בלויז אויב מ'וויל עפעס דריקן אדער לינק'ן אדער א פיקטשער לייגען, איז עס קומט אן גרינג אביוזד מען עס, קאפטשא?

איז מיין פלאן אז, מען זאל מבטל זיין די תגובה מהירה, ס'טייטש פון היינט און ווייטער וועט זיין וואו עס איז געווען אין אלט שטאט אמאל, פאר די נייע אויסשטעל, איי וועסטו דאך פרעגן וואו וועט זיך דער עולם קענען אויסגעבען? אה דא קומט די גוד פארט, מען זאל נישט מער און נישט ווייניגער ארויף לייגען אויף די פראנט פעידזש פון די קרעטשמע א טשעט רום, און ווער עס וועט בלויז וועלן שמועס'ן וועט אהין אריין גיין און שמועס'ן מיט וועם ער וויל, והכל על מקומו יבא בשלום.

נו ווי אזוי געפעלט דיר עס?
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

מעסטער, דער פלאן געפעלט מיר נישט.

ת ג ו ב ה מ ה י ר ה איז א גאלדענעם בייפאל וואס שפארט צייט און עס טאר נישט מבוטל ווערן.

דערווייל, איז נישטא קיין שום תקנה אז מען 'מוז' שרייבן דוקא לאנגע תגובות און נישט סתם קליינע ווי 'וואס מאכסטו?, צי וואו גייסטו? וכדומה.

עס איז נישט לאגיש און נישט עלעמענטאריש, טראכט גוטל.


עניוועי, איך קען עפענען אן אשכול קעגן דיר אויך...

(דערמאנט מיך פון די פלעי: 'סטראשען סטראשעט ער גאנץ פיין, פונקט ווי סאדאם חוסיין !... ' )
שוש אשיש בה', תגל נפשי באלקי! (ישעיה סא)
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

איך מיין אז מ'דארף דאס דוירעך שמועסן אין אן עקטערן אשכול.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

מעסטער, תפשתי בני תפשתי, באלד נאך דיין ערשטע תגובה דא, נאר בכדי מיינע ווערטער זאלן זיך גוט דערהערן האב איך דאס איבערגע'חזר'ט פעמיים. בנוגע דיין עצם שאלה, איבער די כוונת הניקים, דוכט זיך א סאכדעס'ל פארעט זיך דערמיט ערגעץ צווישן די אשכולות.

בנוגע דיין פארשלאג, איז ווי דער חשובער סעקרעטאר זאגט, מען דארף דערויף אן עקסטער אשכול. (איך פריוואט בין דערקעגן, גראדע בין איך אסאך נהנה פון דעם תגובה מהירה. אגב, מיין פראבלעם איז נישט די קורצע תגובות, וויפיל מאל דארף איך דאס איבערזאגן... אוי, שוין האב פארגעסן וואס איך טוה... איך האב דאך שוין געשלאסן די טעמע...)

===
צוריק צו די נושא...
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

זארח

אלס והייתם נקיים, איך האב "נישט" געליינט דיין ארטיקל היינט ווייל ס'יז צו לאנג.

מען קען אפשר זאגן פשט, אז דאס איז דיין דרך, שרייבן און שרייבן וואס מער און ווי לענגגער. אבער מצד האחר, טויג דאס אויך נישט.

מושלי הממשלה משלו המשל למה הדבר דומה;
איך בין אמאל געשטאנען ביים [עכטן] דיין ווארטנגיד אריינצוגיין מיט א שאלה. קומט זיך אן עמיצער אן איש מכובד מיט א בייכל כמו שכתוב, אזוי ראשהקהליש געשטימט, און גיבט זיך א שטום דורך צוישן יעדן, עפענט די טיר פון דיין און גייט אריין שמועסן אן ענין איגנארירנדיג גענצליך אז אידן שטייען בעפאר אים.

רופט זיך אן א קלוגער איד פאר די ווארטנדיגע אידן מיט קענטליכע אויפברויז:
ווען מען גייט אריין מיט א קוויטל ווייסטו כאטש ווילאנג ס'וועט נעמען - איין צי צוויי מינוט. אבער ווען מען גייט אריין שמועסן דאן וואס קאן מען דען וויסן.

דער עולם האט מיטגעשאקלט און לייכט געשמייכלט


דאס זעלבע, ווען דער תגובה ציהט זיך מער וויפיל עס פיט אריין אין די סקרין, -
פארזעצונג אויף זייט 174
שוש אשיש בה', תגל נפשי באלקי! (ישעיה סא)
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

זארעך;

קורץ און שארף: איך קען נישט זאגן אז איך בין אומאיינשטימיג מיט דיר אויף קיינע פון די נקודות וואס דו האסט אזוי שיין ערקלערט!

יעצט עטליכע פונקטן: 1. דיינע לאנגע ארטיקלן דרוקן מיר אין די קעשענע! ס'טייטש, מיר נעמט א היבשע פאר מינוט אדורכצוליינען דיינס א תגובה, ווייל איך בין א שטארקער דייקן, בפרט אין תגובות פון זאכליכע שרייבער, איך קען זאגן אז דיינע תגובות נעמען מיר די לענגסטע אדורכצוליינען, ווייל מען ברויך זיך געהעריג מעמיק זיין און אדורכליינען דיינע רייד מיט א קלארן קאפ, און דאס נעמט צייט! צופיל צייט! אזש עס נעמט מיר אוועק צופיל צייט פון דער ארבעט! וויל איך דיר בעטן, אויב מעגליך, מקצר זיין, האסט דאך א לשון לימודים, אלזא פרוביר אריינלייגן אין געציילטע צילן דאס וואס דו גארסט מסביר צו זיין אויף עטליכע בלעטער.

2. טאקע צוליב דעם וואס עס נעמט מיר גאר לאנג איבערצוליינען דיינע ארטיקלן, האב איך נישט עספיהט דאס אפצוליינען אינעם נעכטיגן טאג, ווען עס איז נאך געווען פריש, און הערשט יעצט האב איך זיך געמאכט צייט דאס אפצוליינען און מגיב צו זיין, דאס שרייב איך כדי להוציא מלבך אז איך האב באמערקט דיין אשכול, אפגעליינט נעכטן, און נישט מגיב געווען כפי בקשתך ח"ו, רח"ל מהאי דעתא.

3. די פראבלעם וואס עגבערט דיר דאס מערסטע, איז שוין בעזר השי"ת געלעזט געווארן. צוליב א טעכנישע סיבה וועלן די בהמות חיות ועופות'דיגע ניקס אפשר פארבלייבן דאהי און נישט געמעקט ווערן, אבער דער מאטיוו זייערער איז פארשווינדען. מיר איז אבער אויסגעקומען צו קלערן אזא געדאנק, לויט ווי דער עקספיריענס האט געוויזן במשך הימים: "אלעס אינאיינעם איז נישטא ביי קיינעם", ס'טייטשט עס וועט זיך אלעמאל מאכן עפעס א פראבלעם, עפעס א שטער'עלע דא אין די קרעטשמע, און עס וועט שוין ווארשיינליך קיינמאל נישט זיין "פערפעקט" שלם בתכלית השלימות (די סיבה דערפון, לאז איך פאר קלוגערע פון מיר זיך צו דערגרונטעווען), דאס איז לכאורה די סיבה אויף די מאדנע ערשיינונג, אז ווי נאר די חיות ובהמות האבן איינגערוהט, האבן זיך אנדערע ווי אויפגעוועקט און גענומען מאכן געוואלדעס על לא דבר, על דא ועל הא, אבי געזונט ודי.
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

קרעמער שכויח

וואס שייך דיינע הערות איז אזוי, קודם האב איך באמת הנאה געהאט אז דו האסט זיך שוין ענדליך געמיהט און מיר אראפגעשריבן דיינע דריקענישן איבער מיינע לאנגע/קורצע תגובות, א זאך וואס איך האב דיר שוין בפירוש ובפה מלא געבעטן עטליכע מאל, און קיינמאל האסטו דיך נישט וואוסנדיג געמאכט דערפון. חן חן לך, ווייל אזוי ווייס איך כאטש וואו מיינע פעלערן ליגן באגראבן. הלואי אזוינע סארט קריטיק פון יעדן, פארשטייט זיך נאר ווען ס'איז מיט אן אמת'דיגע גוטע כוונה...

פון די אנדערע זייט בין איך אבער אביסל צומישט. ווייל מה נפשך, אויב שרייב איך קלאר ארויס וואס איך האב צו זאגן דעמאלט וואס דארף מען זיך נאך מעמיק זיין? מעמיק זיין, געווענדליך, דארף מען זיך אויף קורצע ווערטער.

איך מצידי, וועל איך פרובירן צו שרייבן קערצער, מחמת טירחא דציבורא.

וואס זענען געווען די אנדערע אנשיקענישן דא?
אוועטאר
מעסטערמיינד
שר האלף
תגובות: 1514
זיך איינגעשריבן אום: זונטאג יוני 25, 2006 5:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מעסטערמיינד »

זארעכ,

קרעמער,

סארי קרעמער, אבער דאסמאל בין איך שטארק דערקעגן, זארעכ. גיי ווייטער אן מיט דיינע לאנגע ארטיקלען, און קרעמער, ארבעט אויף דיין כח המעצור ליין נאר ווען דו קענסט, קענסט עס שיין ארויס פרינטען און ליינען שבת וכדומה, זארעכ. יוכ"פ זאגט מען נאך די תפלה וואס דער כה"ג האט געזאגט, אז דער אייבישטער זאל נישט הערן די תפלה פון די עוברי דרכים, לגבי רעגן, בעט איך דיך אויך לגבי שרייבן, הער נישט אויס וואס קרעמער זאגט,
אוועטאר
סאכדעס
שר שלשים אלף
תגובות: 31438
זיך איינגעשריבן אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך סאכדעס »

שלום וברכה הרב זארעכ.

קודם כל; טאקען צוליב דעם אריכות פונעם ארטיקל האב איך זיך נישט געקענט זעצן דערצו ביז איצט, און ווען איך זאג איצט מיין איך טאקע איצט. דאך דאס טוישט דאס נישט מיין מיינונג, און איך האלט ווי אמאל אז דו זאלסט נישט טוישן דיין סטיל פון לאנגע תגובות, דאס איז דאך כמים קרים על נפש עייפה, און אז כ'אב נישט קיין צייט פריער האב איך צייט שפעטער.

שנית; עס איז נישט דא קיין ווערטער ארויסצברענגן די ריכטיגקייט פון דיינע פונקטן, אלע איינס ביי איינס זענען ריכטיג אויסגעהאלטן, ווען דו זאלסט זיך ווען אמאל אזוי ערקלערן וואלט איך מלכתחילה מסכים געווען צו דיר, גראדע בין איך ביי דער מיינונג אז דא אין דעם דאזיגען אשכול האסטו גשריבן שוין אביסל אנדערש ווי דו האסט געהאלטן אמאל, קען זיין אז איך בין זיך טועה, אבער אויב האלטסטו אז כ'בין נישט גערעכט, און דיין מיינונג פון איצט איז פונקט וואס איז געווען אמאל, דאן זאג מיר דאס, און איך וועל פרובירן עס אויפצוצייגן כיד ה' הטובה עלי.

שלישית; בין איך דא אויסן דיר צו פארעכטן איבער א טעות אין דיין ארטיקל, איר שרייבט אזוי
זארעפעפער האט געשריבן:אזש ס'פארגייט פשוט א פארגעניגן צו ליינען
ס'פארגייט איז נישט אויפ'ן ריכטיגן פלאץ.
זארעפעפער האט געשריבן:אלעמאל און פון יעדן פאלאנגען דאס זעלביגע
די ריש וואס פעלט אין פאלאנגען, קלער איך אז ס'איז א טעות סופר, און איצט צו קרעמער'ן
קרעמער האט געשריבן:אריינלייגן אין געציילטע צילן דאס
לכאורה קומט ציילן, מיט נאך א יוד, אבער אויב האסטו עס געשריבן בכוונה, זיי עס ביטע מסביר אין שפראך פורום, נאך איין זאך
קרעמער האט געשריבן:האב איך נישט עספיהט דאס אפצוליינען
כ'מיין אז ס'קומעט 'עספיעט' מיט אן עין, אויב בין איך נישט גערעכט, כנ"ל אין שפראך פורום.

רביעית; אויף מעסטער'ס פלאן בין איך שארף דערגעגען, די איצטיגע תגובה אליינ'ס שרייב איך אין תגובה מהירה, און דאס זאל חס ושלום נישט אראפגיין פון זיין פלאץ, מ'קען העכסענס בעטן ארענדאר אז ער זאל זיי מוחל זיין און צולייגן א לינק אז מ'זאל קענען טוישן ניק, מיינע אנדערע ניקים זענען כמעט אפגעשטארבן צוליב דעם.

חמישית;
זארעכפעפער האט געשריבן:דוכט זיך א סאכדעס'ל פארעט זיך דערמיט ערגעץ צווישן די אשכולות
ווייסעך נישט פונקט פון וואס דו רעדסט, עניוועי, די גאנצע וויכוח צווישן דיר און מעסטער פארשטיי איך נישט.

והיה בזה שלום טובה וברכה.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

סאכדעס האט געשריבן:רביעית; אויף מעסטער'ס פלאן בין איך שארף דערגעגען, די איצטיגע תגובה אליינ'ס שרייב איך אין תגובה מהירה, און דאס זאל חס ושלום נישט אראפגיין פון זיין פלאץ, מ'קען העכסענס בעטן ארענדאר אז ער זאל זיי מוחל זיין און צולייגן א לינק אז מ'זאל קענען טוישן ניק, מיינע אנדערע ניקים זענען כמעט אפגעשטארבן צוליב דעם.



אויב איינער קען מיר ערקלערן די דאזיגע מדרש פליאה, מה ענין שמיטה אצל הר סיני, וואס האט אטען מיט ירושלים (נוסח דער מעלות טבת תשס"ז).

("צילן"/"ציילן" "עספיהט"/"עספיעט", איך בין נישט צו באקאנט אין די פונקטליכע אויסלייג, אנן בדידן ואינהו בדידהו).
אוועטאר
איך_הער
סעקרעטאר
תגובות: 18580
זיך איינגעשריבן אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך איך_הער »

אינטערעסאנט, ווען איך זע אזא תגובה, טראכט איך צו מיר, ווער ווייסט וואסארא רזין דרזין, דער שמש האט אינזינען געהאט, ווי נישט ווי דרייט ער זיך א גאנצן טאג מיטן דיין, און דא קומט קרעמער און מיט אזא קאלטקייט, נעמט ער זיך די גאץ און פרעגט, מיין קשיא איז, פון ווי נעמט מען דאס די שטארקייט?
זארעכפעפער
שר האלפיים
תגובות: 2176
זיך איינגעשריבן אום: דאנערשטאג אוגוסט 24, 2006 2:28 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך זארעכפעפער »

על אחרון ראשון ועל ראשון אחרון. איך וועל זיך קודם באציען צו סאכדעס'ן דיבורים, דערנאך צו מעסטער.

סאכדעס חביבי. שלום לך, ולכל הנלוה אליך.

ערשטנס א יישר כח פארן מגיב זיין.

אצינד עטליכע הערות:

1] מיין מיינונג איז פונקט ווי אמאל, פינטל. און איך ווייס גאנץ גוט וואס דו מיינסט, און אויב דו האסט גוט באמערקט האב איך דאס מרמז געווען בתוך דברי אין א מאמר המוסגר, מיט א וי"ל בדוחק גדול מאד מאד, כאטש וואס נישט אויף אלעם האב איך א וי"ל בין איך אבער במכוון נישט געווען אויסן נאכאמאל אריינצוגיין אין די סעמאטוכע פון די איינע פרט, ווייל איך אויב איך וואלט דאס חלילה וחס נאכאמאל מעלה גרה געווען וואלט דאס מעלה חמה געווען פאר אזעלעכיג ווי דו.

2] איך זע היצט אין דיינע ווערטער, אז דו ביסט אויך פון די יעניגע חברים וואס זענען אנטקעגן געוויסע פונקטן בנוגע די ענינים, ווי למשל דער פונקט פון וואס מיר רמז'עך זיך ארום אטא היצטער ממש. טא איז מיין פראגע צו דיר (דא הויבט זיך מיין שטימע, באגלייט מיט אזא צוקנייטשטן שטערן, וועלכע צייגט צייכענעס פון א גרימאסן...) עד השתא אמאי וגו', וואו ביסטו געווען ביז היצט? פארוואס האסטו געשוויגן צו מיר ביז היינט? אז מען האט עפעס אין בויך אנטקעגן יענעם גיבט מען זיך דאס אויס, מען שמועסט דאס אויס מיט יענעם ביז מען קומט צו א פארגלייך!. ולהוי ידוע, אז ס'נאך קיינמאל נישט צו שפעט, מיין מיינונג האט זיך דאך נאך נישט געטוישט, טא אויב דריקט דיר עפעס שמועס עס אויס, נישט ס'זאל דיר ח"ו בלייבן שטעקן אין בויך, ס'דאך א סכנה רח"ל...

3] אן עקסטערן יישר כח פארן מיר אויפמערקזאם מאכן אויף מיינע טעותים, יעדן מאל ווען איינער טוהט דאס צו מיר, איז מיר דאס אן עקסטערע פארגעניגן, ווי כ'האב דאס שוין עטליכע מאל געזאגט, ווייל דאס איז פאר מיר ווי א לימוד, איך לערן זיך אויס וואס יא און וואס נישט, וואו יא וואו נישט. אבער ביטע, זיי מיר מסביר פארוואס דער ווארט "ס'פארגייט" איז נישט אויפן ריכטיגן פלאץ? אז איך לערן שוין יא עפעס פון דיר, נו, זאל דאס כאטש שוין זיין א דבר השלם.

4] איבער דיין פראגע וואס דו האסט צוגעצייכנט, וואו דו פארעסט זיך מיט די עניני ניקים? טוה א קוק אטא דא אין די תגובה דיינער. און לאמיר דיר מסביר זיין דעם שמועס צווישן מיר און מעסטער, וועסטו שוין אלעס פארשטיין.
אין דעם פריערדערמאנטן צוגעצייכנטן אשכול, האב איך געשריבן כעין וואס איך שרייב דא, איבער דעם ענין פון די שמות הניקים. בתוך דברי איז געווען דער אויסדריק, אז איך נעם אן די שיטה אז נישט 'שמא' פון ניק איז דער פראבלעם נאר דער 'גברא' פון דעם ניק. אויף דעם ארויף האט זיך מעסטער געוויצלט צו איך האב געמיינט דערמיט אים אויך, אמער זיין ניק איז דאך עפעס מרמז דער ענין פון זיין גברא אויך, טא ווי ערלויב זיך אוועק צו מאכן זיין אויסדערוועלטן ניק וועלכע ער האט זיך אויסגעוועלט במכוון - מיינענדיג דערמיט צו כאראטאזירן זיין גברא - אזוי כלאחר יד?, אויף דעם ארויף האב איך געענטפערט אז דו פארעסט זיך דערמיט דארט אין דעם אויבנדערמאנטן צוגעצייכנטע תגובה, צי א ניק ווערט גענומען במכוון צו נישט. (אגב ווארט איך נאך תשובה פון דיר אין יענעם אשכול איבער'ן אריינשמירן דארט מיין נאמען צוויי מאל).

אצינד צו מעסטער און סאכדעס איבער מיינע לאנגע ארטיקלען:
שרייב איך דען אלעמאל אזעלכע לאנגע ארטיקלען? עה... נאר לעצטענס זינט די טעמעס פון שטעלן די קרעטשמע אויף די פיס זענען געווען על הפרק האב איך זיך אביסל צולאזט, און נאר ביי די טעמעס האב איך געשריבן זוינע לאנגע דרשות. פארוואס? פשוט ס'זאכן וואס כ'האלט ס'מוזן אויסגעשמועסט ווערן איינמאל פאר אלעמאל, דעריבער האב געפילט פאר וויכטיג זיך אויסצוגיסן די קאלעמוטנע וואס קוועטש מיר אויפן הארצן בנוגע די ענינים... אבער אין אלגעמיין זענען מיינע ארטיקלען פארהעלטנסמעסיג, עכ"פ אזוי רעד איך מיך איין.
שרייב תגובה

צוריק צו “אידישע וועלט”