יישר כחכם ר' נישט פאר'ן שיעור! איך בין א גרינער (ליין:
) אין קוויקבוקס, און כ'האב עטליכע שאלות כ'וואלט הנאה געהאט צו פרעגן בין עמידי דגירסאי (ליין: כ'ווייס נישט פונקליך, אבער ס'איז א שיין מליצה, דאכציך). אבער קודם: איך קום פון א בעקראונד אין גראפיקס, און אויב האבן די צוויי עפעס א שייכות קען איך זאגן אז רוב היימישע און גוטע גראפיקערס האבן זיך קודם געשפילט מיט'ן פראגראם, און הערשט דערנאך זיך אויסגעלערענט גראפיקס...
לאמיר אנהייבן מיט שאלה נומער איינס:
דאס איז מסתם מער א לימיטעישן ווי איידער א שאלה (לויט וויפיל כ'האב רעסערטשד דער נושא), אבער מעגליך האט איינער עפעס אן אויסוועג. וגופא דעובדא הכי הוי: קומט אריין א איד צו דיר אין געשעפט, ס'איז א קליינטשיק ביזנעס'ל וואס דו האסט גע'עפענט, האסט נישט קיין סאפיסטיקירטע POS סיסטעם, בלויז דאס פשוט'ע קוויקבוקס כדרך אבותינו ורבותינו נבג"מ, און ער שטעלט צאם א ארדער אחת למעלה ושבע למטה, ס'רינט פון דיר שפייעכץ צו זען וואס דאס גייט דיר ברענגן, גייט מען גלייך צו Create Sales Receipt אזוי ווי געווענליך ווען איינער קויפט און צאלט דערפאר אויפ'ן פלאץ, און מ'האקט אריין שורה ע"ג שורה, צענדליגע אזוי. קומט צו באצאלן, כאפט זיך דער קליענט אז ער האט נישט ס'גאנצע געלט אויף זיך, ביזט אבער א פיינע, נעמסט פון אים וואס ער האט און ער קען מארגן קומען און צוצאלן. אלעס שטימט, ניין?
ניין.
דו האסט יעצט נישט קיין שום וועג מודיע צו זיין פאר קוויקבוקס אז ער האט בלויז געצאלט א טייל פונ'ם טאטעל. פארוואס? ווייל Create Sales Receipt איז נאר געמאכט ווען מ'צאלט אויפ'ן פלאץ. אבער דו האסט דאך נישט געוואוסט אז ער גייט נישט אלעס צאלן יעצט!
ווי ווייט איך ווייס, איז נישט דא דערפאר קיין עצה. דארפסט אויסמעקן דער ריסיט, און אנהייבן פון פריש אויף א סעילס ארדער אדער אן אינוואוס (וועלכער? און וואס איז די חילוק? און ווען ניצט מען וואס? קיין השגה...).
מיט א שווער הארץ טרונקסטו אויס דאס קאלטע קאווע און דו זאגסט פאר'ן מייליכען מער נישט צו טון אזאנס.
האט איינער עפעס אן עצה דערפאר?
ביז'ן טרינק דארף מען אויך א קרעטשמע.