אידישע וועלט פארומס

פארעפענטליכט: **דינסטאג פבואר 17, 2015 3:44 pm**

כ'האב הנאה פון די נושא, כ'האף מ'וועל מיר נאך צוריק קומען דערצו.
אבער איין קאמענט מוז איך צולייגן, איך בין נישט זיכער האסט דאס גוט ארויסגעברענגט.

אין דיין משל מיט'ן פלאמבער, וועם האסטו גערופן? דעם וואס האט געשריבן: "די בעסטע פלאמבער מיט 50 יאר עקספיריענס", און געהאט א שיינע פיקטשער פון א רעגן שטריימל? אדער דער וואס האט געשריבן: "געפלאצט א פייפ? רופט שוין דעם עקספערט 24 שעה א טאג, מיר וועלן איבערלאזן א שיינע ארבייט 000-000-0000!"
אוודאי דער צווייטער... ווייל ער האט גערעדט צו דיין מצב. און דאס הייסט א גוטע עד, און אפילו די קליינע עד וואלט געווען צוווישן אסאך אנדערע פול פעידשס וואלסטו נאך אלץ געקאלט דעם וואס רעד צו דיר.
די פראבלעם איז נאר, אז די גוטע עד איז אפשר נישט גוט פאר א קארפענטער, סא נישט נאר די עד דארף זיין גוט, נאר דער ריכטיגער מענטש דארף עס נוצן, און דאס איז שוין צו לאנג פאר יעצט, ועוד חזון למועד.

בד"וו, דער קארפענטער האט א גוטע מארקעטער… ער איז געווען ביים קאל צוואנציג מינוט שפעטער - אינמיטן די נאכט, און איז געווען גרייט פאר'ן פלאמער ביז אפאר מינוט….

פארעפענטליכט: **דינסטאג פבואר 17, 2015 3:54 pm**

די נקידה: א דיזיינער וואס זאגט אז ער וועט מאכן א עד וואס וועט ברענגען געלט, איז ווי א קארפענטער לאט זיך הערן ווען א פייפ פלאצט.

פארעפענטליכט: **דינסטאג פבואר 17, 2015 4:03 pm**

אין קורצן, "ברענדינג און מארקעטינג" זענען בעצם געקניפט אין געבינדן, דער חילוק איז נאר אז די חלק פין מארקעטינג אליינס ברענגט אויך שארט טורם ריזאלטס, אבער ברענדינג איז דער יסוד פינעם עתיד וואס מ'בויט אויף צוביסלעך, און דאס טוט אויפבויען און עווענטועל אונטערהאלטן די ביזנעס מיט די מארקעטינג אינאיינעם.

פארעפענטליכט: **דינסטאג פבואר 17, 2015 4:09 pm**

לכתחילה אריבער האט געשריבן:
רשי הקטן האט געשריבן:........
בדרך אגב, האלט איך בכלל נישט אז גענוג מער מענשטן האבן געקויפט באר מים סאדע, אדער סטראפקעוו בראמפען, אז עס זאל זיך זיי האבן געלוינט צו דיזיינען אין צו פאבלעצירן די עד. א ריכטיגע מארקעטער וואלט געוויסט וויאזוי געוואר צו ווערן "גענוי" וויפיל געלט אט די עד האט געברענגט, אין אזוי וואלט ער מחליט געווען צו עס לוינט עס צו לייגן נאכאמאל,

א ריכטיגע מארקעטער וואלט געוויסט ווי אזוי נאכצוגיין וואס מאכט א מענטש קויפן זיין פרודוקט אדער סערוויס, אין ער וואלט אויסגעשטעלט זיין מארקעטינג ארים דעם
........

דאס איזס לכאורה א טעות פון אייער זייט אנצונעמען די "מים חיים" עד, אלס עפעס וואס דארף "ברענגען קוסטעמערס". עס איז געווען א ברענדינג, נישט קיין געווענדליכע עד. עס איז נישט געמאכט אז יעצט זאלסטו אריין גיין אין גראסערי קויפן מים חיים סאדע, נאר אז ווען דו שטייסט שוין אין גראסערי, זאלסטו אויסוועלן מים חיים, און נישט באר מים.

עדווערטייזמענט V ברענדינג.

ברענדינג מיז קומען מיט א מעסעדזש אויב איז ער אזא קאמפעני וואס דארף זיך נאך ברענדן..

פארעפענטליכט: **דינסטאג פבואר 17, 2015 4:32 pm**

קען איינער אויספיגערן וואס זיי פארקויפן?

פארעפענטליכט: **דינסטאג פבואר 17, 2015 4:32 pm**

מטעמים האט געשריבן:ברענדינג מיז קומען מיט א מעסעדזש אויב איז ער אזא קאמפעני וואס דארף זיך נאך ברענדן..

נישט אמת

פארעפענטליכט: **דינסטאג פבואר 17, 2015 4:33 pm**

מטעמים האט געשריבן:
לכתחילה אריבער האט געשריבן:
רשי הקטן האט געשריבן:........
בדרך אגב, האלט איך בכלל נישט אז גענוג מער מענשטן האבן געקויפט באר מים סאדע, אדער סטראפקעוו בראמפען, אז עס זאל זיך זיי האבן געלוינט צו דיזיינען אין צו פאבלעצירן די עד. א ריכטיגע מארקעטער וואלט געוויסט וויאזוי געוואר צו ווערן "גענוי" וויפיל געלט אט די עד האט געברענגט, אין אזוי וואלט ער מחליט געווען צו עס לוינט עס צו לייגן נאכאמאל,

א ריכטיגע מארקעטער וואלט געוויסט ווי אזוי נאכצוגיין וואס מאכט א מענטש קויפן זיין פרודוקט אדער סערוויס, אין ער וואלט אויסגעשטעלט זיין מארקעטינג ארים דעם
........

דאס איזס לכאורה א טעות פון אייער זייט אנצונעמען די "מים חיים" עד, אלס עפעס וואס דארף "ברענגען קוסטעמערס". עס איז געווען א ברענדינג, נישט קיין געווענדליכע עד. עס איז נישט געמאכט אז יעצט זאלסטו אריין גיין אין גראסערי קויפן מים חיים סאדע, נאר אז ווען דו שטייסט שוין אין גראסערי, זאלסטו אויסוועלן מים חיים, און נישט באר מים.

עדווערטייזמענט V ברענדינג.

ברענדינג מיז קומען מיט א מעסעדזש אויב איז ער אזא קאמפעני וואס דארף זיך נאך ברענדן..

די מעסדזש איז: "אהההההה"! כ'זעה נישט קיין בעסערע מעסעדזש.

פארעפענטליכט: **דינסטאג פבואר 17, 2015 5:44 pm**

ענדע צדיק! האט געשריבן:קען איינער אויספיגערן וואס זיי פארקויפן?

פון די עד נישט, אבער פון די נאמען זעט עס אויס צו זיין א דזשולערי סטאר

פארעפענטליכט: **דינסטאג פבואר 17, 2015 6:13 pm**

איך האב נישט קיין סאך צייט וועל איך ווארטן מגיב צו זיין ווען זאכן וועלן ווערן אביסל קלארער דא.
ביזדערווייל מישט מען א חרוסת פון ברענדינג, מארקעטינג, דיזיין און וואס נישט.

פארעפענטליכט: **דינסטאג פבואר 17, 2015 8:24 pm**

יואל שווארטץ האט געשריבן:איך האב נישט קיין סאך צייט וועל איך ווארטן מגיב צו זיין ווען זאכן וועלן ווערן אביסל קלארער דא.
ביזדערווייל מישט מען א חרוסת פון ברענדינג, מארקעטינג, דיזיין און וואס נישט.

פארעפענטליכט: **מיטוואך פבואר 18, 2015 12:25 am**

ענדע צדיק! האט געשריבן:
מטעמים האט געשריבן:ברענדינג מיז קומען מיט א מעסעדזש אויב איז ער אזא קאמפעני וואס דארף זיך נאך ברענדן..

נישט אמת

איך קען באשטיין צו הערן פארוואס.

פארעפענטליכט: **מיטוואך פבואר 18, 2015 11:00 am**

איך האב הנאה צו זיין אין א אשכול ווי די גרויסע חברה און עקספערטן בינינו רעדן אריין. איך ווארט מיט שפאנונג די נושא זאל ווערן אויסגעקלארט.

פארעפענטליכט: **מיטוואך פבואר 18, 2015 11:32 am**

לאמיר אייך געבן א שטיקל משל, די חילוק פון מארקעטינג און עדווערטייזינג.

בערל האט א קרוב א יתום וואס גייט חתונה און ס׳איז נישט דא קיין פעני צו די חתונה, ער שפירט ער קען נישט שטיין מיט פארלייגטע הענט מ׳מוז עפעס טוהן ס׳זאל זיין עפעס געלט, דער חתן דארף גיין אונטער די חופה ביז געציילטע וואכן.
אומר ועושה, ער גייט אריבער צו א דעזיינער, מ׳שטעלט אויס אן עדווערטייזמענט אזאנס און אזעלעכס. ס׳טוט זיך הימל און ערד, טרערן פליסן פון הימל, א חתן א יתום שטייט געציילטע וואכן פאר די חתונה בלא בלא, מ׳פירט אויס מיט א ווארימע ברכה, דער אבי היתומים וועט אודאוי נישט שולדיג בלייבן, שיקט אריין אייער ברייטהארציגע נדבה צו ... אדער רופט מיט א ק״ק אויף....
די אדווערטייזמענט איז רייסעריש ס׳כאפט אלעמענס אויגן, יעדער וואס גייט אריבער און זעהט דעם צעטיל שטעלט זיך אפ, יעדער וואס מישט אריבער דעם פעידש אינעם צייטונג באטראכט עס.
אבער פרובירט זיך אליינס פארצושטעלן. וויפיל טעלעפאן קאלס אדער ענוועלאופס מיט געלט קומט אן צום אדרעס?

די זעלבע צייט איז פארהאן נאך א איד, ר׳ שמערל, מיט די זעלבע מעשה. ער האט א קרוב א יתום וואס גייט חתונה און ס׳איז נישט דא קיין פעני צו די חתונה, ער שפירט ער קען נישט שטיין מיט פארלייגטע הענט מ׳מוז עפעס טוהן ס׳זאל זיין עפעס געלט, דער חתן דארף גיין אונטער די חופה ביז געציילטע וואכן.
אומר ועושה, ער נעמט א פעדער מיט פאפיר, ער שרייבט זיך אפ א צעטיל. חתן שטריימל $2000, קלאדינג $1500, מעבל $5000, וכו׳, צו מארגנס גייט ער אין ביהמ״ד זעצט זיך ביי א טישל נעבן די מקוה און הייבט אן צו פארקויפן דיינע פראדוקטן.
א חתן א יתום ווער וויל האבן די זכי׳ צו קויפן די שטריימל פאר בלויז 2 אלפים? די מעבל כך וכך? אידן שטעלן זיך אפ מהייבט אן איינצוהאנדלען איינער קויפט די שיך איינער די בענקלעך, צוביסלעך האט ער צוזאמענגעשטעלט א שיינעם סכום.

וואס איז די חילוק פון די צוויי עפיזאדן?
בערל האט געספענדט געלט פאר אדווערטייזונג אן קיין שום מארקעטינג פלאן. האט עס אים געקאסט און גארנישט געברענגט.
ווידער שמערל, איז געקומען מיט א געלונגענע מארקעטינג איידיע, האט ער געקענט מאכן דאס געלט אן ספענדן אפילו א פעני.

דאס זעלביגע איז שייך ביי יעדע סארט ביזנעס.
זיכער דארף מען אסאך מאל מאכן עד׳ס, אבער קלאר אז נישט דאס איז דער הויפט מיטל.
קודם דארף מען האבן א מארקעטינג מהלך, און צומאל (אפשר רוב מאל) איז טאקע די מהלך צו מאכן עד׳ס. און ווען מ׳מאכט שוין אן עד, דארף מען וויסן וואס צו שרייבן דערויף און וואס מ׳וויל ארויסברענגען דערמיט.

כתבתי במהירות, באט יו גאט דע פוינט.

פארעפענטליכט: **מיטוואך פבואר 18, 2015 12:01 pm**

לאמיר רעדן א ווארט פון "ברענדיג, אדווערטייזינג, מארקעטינג" און דערנאך צוריק קומען.

די ערשטע זאך וואס די קאמפאני דארף האבן איז א ברענד, וואס איז אונזער 'ספעשילטי'? וואספארא 'קלייענטעל' סערווירן מיר? וואספארא 'מעסעדזש' גיבט אונזער קאמפאני פאר קאסטומער'ס? למשל, אויב גייסטו פארקויפן זאכן פאר פרויען, וואספארא זאך/מעסעדזש/יוניק גייסטו דעליווערן אז 'פרויען' זאלן וועלן קומען צו דיר. אין דעם איז אריינגערעכנט די לאגא/קאליר פון די לאגא/ סטאר אויסטעל/ מעסעדזש/ פאוקאס וכו'

אז מען האט א ברענד "און דו ווייסט שוין וואס דו ווילסט ארויסברענגען" גייסטו אנהייבן אדעווערטייזן. אדעווערטייזמענט איז די מיטל צו פארשפרייטן דיין "ברענד". מען קען נישט אדווערטייזן פרויען זייגער'ס מיט א דארק האלץ בעקראונד וואס דערמאנט פון א פורניטשור קאמפעני, צו מיט רויט און געל שרייעדיגע מחאה אותיות, עס פארפארט פון ציהל.

אבער, למשל, ווען יעדער ווייסט שוין פון דיין ברענד און דו ווילסט מאכן אן אויסערארדנטליכע 'סעיל' מעג מען אמאל 'ארויסגיין' אביסעל פון וועג, מאכן מער שרייעדיג, מער שטארק, ווייל ו ווילסט נישט ברענדן דיין קאמפעני ווילסט אויך נישט אדווערטייזן דיין קאמפעני ווילסט אדווערטייזן די 'סעיל'. פארשטייט זיך אז אוועקפארן קומט אויך מיט א מאס.

דא קומט אריין מארקעטינג, דער מארקעטער נעמט דיין קאמפעני און ווייסט וויאזוי צו ברענגען דיין ברענד צו מענטשן'ס אויגן, בכלל וואס דיין ברענד איז. וויאזוי צו ברענגן מענטשן זאלן כאפן דיין 'מעסעדזש' וואס דו ווילסט מענשטן זאלן פארשטיין, וויאזוי צו כאפן די 'ריכטיגע' אויגן פון די 'ריכטיגע' קונים. ווען מעג מען ארויסגיין אביסל פון טרעק, און וויאזוי מען דארף אדווערטייזן א נייע אייטעם, און וויאזוי א סעיל. וואו לייגט מען פרויען עד'ס און וואו לייגט מען מענער'ישע עד'ס. וואו מען אדווערטייזד אתרוגים, און וואו שיך.

א "מארקעטינג סטראטעגיע" מיינט "סיי ברענדיג און סיי אדווערטייינג".

(דאס איז וואס איך ווייס, אויב בין איך נישט גערעכט מערקט אן און שרייבט)

יעצט צו די עד:

עס איז דא אמאל א עד וואס כאפט א אויג, אבער עס פעהלט דריי ווערטער, אן דעם וועט מען דארפן טראכטן 4 סעקונדען וואס דא שטייט (און ווער האט היינט 4 סעקונדען..?), אבער מיט די ווערטער איז עס פערפעקט. און אמאל איז דא א עד וואס די בילד אליין איז די ווערטער, די הסבר, אלעס. די בילד אליין איז די מעסעדזש.

די מים חיים עד איז אין איין ווארט:

לכתחילה אריבער האט געשריבן:די מעסדזש איז: "אהההההה"! כ'זעה נישט קיין בעסערע מעסעדזש.

קומענדיגע מאל גייסט אריין אין גראסערי און דו גייסט טראכטן פון א 'געשמאקע קאלטע אייזיגע גלעזל סאדע' וועט דיר אויטאמאטיש ארויפקומען די בילד פון די באטל, און וועסט עס קויפן.

א קאמפעני ווי מים חיים דארף שוין היינט נישט מסביר זיין זייער סאדע, יעדער ווייסט עס און קען עס אונטערן באוויסטזיין, עס דארף אבער ליגן 'אויפן מחשבה' די געשמאקייט וואס ליגט אונטער די מים חיים סטיקער אויפן באטל, און דאס טוט די עד זייער זייער גוט.

למעשה איז די רעדע פון די אשכול די חסרון אין "מארקעטינג".

פארעפענטליכט: **מיטוואך פבואר 18, 2015 12:06 pm**

מטעמים האט געשריבן:
ענדע צדיק! האט געשריבן:
מטעמים האט געשריבן:ברענדינג מיז קומען מיט א מעסעדזש אויב איז ער אזא קאמפעני וואס דארף זיך נאך ברענדן..

נישט אמת

איך קען באשטיין צו הערן פארוואס.

ביסט גערעכט. איך האב מפני מהירות זיך נישט באצויגן צו אייער תגובה. איך האב געמיינט ארויסצוברענגען אז די עד פון מים חיים איז יא א גוטע עד ווייל

ענדע צדיק! האט געשריבן:א קאמפעני ווי מים חיים דארף שוין היינט נישט מסביר זיין זייער סאדע, יעדער ווייסט עס און קען עס אונטערן באוויסטזיין, עס דארף אבער ליגן 'אויפן מחשבה' די געשמאקייט וואס ליגט אונטער די מים חיים סטיקער אויפן באטל, און דאס טוט די עד זייער זייער גוט.

פארעפענטליכט: **מיטוואך פבואר 18, 2015 12:16 pm**

אלף בית האט געשריבן:די זעלבע צייט איז פארהאן נאך א איד, ר׳ שמערל, מיט די זעלבע מעשה. ער האט א קרוב א יתום וואס גייט חתונה און ס׳איז נישט דא קיין פעני צו די חתונה, ער שפירט ער קען נישט שטיין מיט פארלייגטע הענט מ׳מוז עפעס טוהן ס׳זאל זיין עפעס געלט, דער חתן דארף גיין אונטער די חופה ביז געציילטע וואכן.
אומר ועושה, ער נעמט א פעדער מיט פאפיר, ער שרייבט זיך אפ א צעטיל. חתן שטריימל $2000, קלאדינג $1500, מעבל $5000, וכו׳, צו מארגנס גייט ער אין ביהמ״ד זעצט זיך ביי א טישל נעבן די מקוה און הייבט אן צו פארקויפן דיינע פראדוקטן.
א חתן א יתום ווער וויל האבן די זכי׳ צו קויפן די שטריימל פאר בלויז 2 אלפים? די מעבל כך וכך? אידן שטעלן זיך אפ מהייבט אן איינצוהאנדלען איינער קויפט די שיך איינער די בענקלעך, צוביסלעך האט ער צוזאמענגעשטעלט א שיינעם סכום.

וואס איז די חילוק פון די צוויי עפיזאדן?
בערל האט געספענדט געלט פאר אדווערטייזונג אן קיין שום מארקעטינג פלאן. האט עס אים געקאסט און גארנישט געברענגט.
ווידער שמערל, איז געקומען מיט א געלונגענע מארקעטינג איידיע, האט ער געקענט מאכן דאס געלט אן ספענדן אפילו א פעני.

ניין שמערל האט א געלונגענע סעילס סטראטעגיע, ס'האט גארנישט מיט מארקעטינג!
מארקעטינג איז נישט סעילסן, נאר ברענגן דיין אייטעם צום אינטערעסע פונעם קונה. מ'קען טהון סעילס אן מארקעטינג.

פארעפענטליכט: **מיטוואך פבואר 18, 2015 1:28 pm**

ריכטיג, די חלק וויאזוי שמערל איז צוגעגאנגען בעטן געלט האט מיט סעילסן.

אבער די איידיע פון נעמען סתם חתונה מאכן א יתום און עס מאכן פאר פראדוקטן וואס שטייען צום פארקויפן איז א מארקעטינג סטראטעגיע.

(שכוח פארן צעטיילן מארקעטן פון סעילסן)

פארעפענטליכט: **מיטוואך פבואר 18, 2015 1:50 pm**

זאל ער קומען האט געשריבן:אין דיין משל מיט'ן פלאמבער, וועם האסטו גערופן? דעם וואס האט געשריבן: "די בעסטע פלאמבער מיט 50 יאר עקספיריענס", און געהאט א שיינע פיקטשער פון א רעגן שטריימל? אדער דער וואס האט געשריבן: "געפלאצט א פייפ? רופט שוין דעם עקספערט 24 שעה א טאג, מיר וועלן איבערלאזן א שיינע ארבייט 000-000-0000!"
אוודאי דער צווייטער... ווייל ער האט גערעדט צו דיין מצב. און דאס הייסט א גוטע עד, און אפילו די קליינע עד וואלט געווען צוווישן אסאך אנדערע פול פעידשס וואלסטו נאך אלץ געקאלט דעם וואס רעד צו דיר.
די פראבלעם איז נאר, אז די גוטע עד איז אפשר נישט גוט פאר א קארפענטער, סא נישט נאר די עד דארף זיין גוט, נאר דער ריכטיגער מענטש דארף עס נוצן, און דאס איז שוין צו לאנג פאר יעצט, ועוד חזון למועד.

קומט אויס: ווען איינער פארקויפט עפעס א זאך וואס איז נאר פארן היימישן עולם, לדוגמא "שטריימלעך" מוז דער חתן שפירן ווי מען מיינט דירעקט אים וכן דער מחותן וכו'
פארוואס איז נישט גענוג אז ער ברענגט ארויס די מעלות פון זיינע שטריימלעך צ.ב.ש. שענסטע, לייכסטע, בעסטע פיט וכו',? ווער עס וויל א שטריימל דארף מיט די מעלות, און די אנדערע קוקן בכלל נישט אויפן עד, ממילא רעדט ער סייווי צו זיין מארקעט?

פארעפענטליכט: **מיטוואך פבואר 18, 2015 3:08 pm**

ברענדינג, סעילס, עדוערטייזינג, איז יעדע זאך אז זאך פאר זיך- מארקעטינג איז די שירעם אבער אלע. דאס הייסט אזוי, מארקעטינג איז פשט ברענגען דיין סערוויס אדער אייטעם צו די מארקעט, אמאל דורך סעילס, אמאל דורך אן נארמאלע עד, אין אמאל דורך ברענדען, אין מאל מיט עפעס אנדערש (אינטערנעל מארקעטינג וכו').

דער מארקעטער איז דער וואס באשליסט ווען מען דארף גיין מיט סעילס, ווען מען דארף ברענדען, ווען מען מאכט א דיירעקט ריספאנס עד, אין ווען, ווי אין וויאזוי, מען שרייבט די עד.

איך בין נעכטן אדרוכגעלאפן די Jewish phone book' אין די וויליאמסבורג בולעטון, 60 פראצענט דערפון זענען סתם עדס אין די וועלט אריין, הערליכע לויגויס, מיט שיינע בילדער. געמאכט דורך א "הערליכע דיזיינער". אבער טוט לכאורה גארנישט אויף.

נאך 25 פראצענט עדס זענען יא ברענד עדס, אבער די סארט קאמפעני, וואלט זיך בכלל נישט געדארפט ברענדען, עס וועט זיי גיין אסאך בעסער ווען זיי לייגן ווען אריין געהעריגע דיירעקט ריספאנס עדס.

אין בערך 5 פראצענט זענען דיירעקט ריספאנס עדס, עטליכע פון זיי זענען געווען גאנץ גוט, אין עטליכע פון זיי זענען געווען גאר שלעכט.

די פראבלעם איז אז בלויז 5-7 פראצענט פון אידישע ביזנעסער זענען ביזנעסער וואס מען דארף ברענדען, די איבריגע זענען בזנעסער וואס מען דארף טון דיירעקט ריספאנס עדווערטייזינג.

איך האף אין די נאנטע טעג צו שרייבן א לענגערע ארטיקל וואס וועט אויסשמיסן:
פאר וועם וועט העלפן ברענדינג / אין פאר וועם נישט.
די לעכער פון ברענדינג. אין פארוואס עס ארבייט נישט
איך וועל אויך אויסשמיסן פארוואס גרויסע קאמפעניס ברענדען זיך יא, אין מיט וואס איז א קליינע אדער מיד סייז קאמפעני אנדערש אז ער זאל זיך ניטש ברענדען
אין נאך ענינים, איך האף אז איר ווען הנאה האבן

פארעפענטליכט: **מיטוואך פבואר 18, 2015 3:10 pm**

רשי מיר האבן זייער הנאה שרייב נאך.

פארעפענטליכט: **מיטוואך פבואר 18, 2015 4:18 pm**

פריש געשריבן אן ארטיקל איבער ברענדינג!!
ליינט, קאמענטירט, האט הנאה, אדער פארקערט!!

פארעפענטליכט: **מיטוואך פבואר 18, 2015 6:29 pm**

רש"י, איך מוז מודה זיין אז דיין ביישפיל עד (#2) איז זייער א ווירקזאמער,
עס האט אבער איין (שטארקער) פראבלעם, נעמליך: דעם עד האט קיינער נישט געזעהן (אחוץ דו),
וואלט ווען דער מארקעטער זיינער זיך 'אראפגעלאזט' און געגאנגען צו א גוטן גרעפיק דעזיינער, וואלט ער געהאט דעם זעלבן 'עפעקטיוו' עד, מיט א רוח החיים.
אלזא, די אונטערשטע שורה איז: נישטא קיין דעזיין אנע מארקעטינג, נישטא קיין מארקעטינג אנע דעזיין.

פארעפענטליכט: **מיטוואך פבואר 18, 2015 8:37 pm**

רשי הקטן האט געשריבן:א ריכטיגע מארקעטער וואלט געוויסט ווי אזוי נאכצוגיין וואס מאכט א מענטש קויפן זיין פרודוקט אדער סערוויס, אין ער וואלט אויסגעשטעלט זיין מארקעטינג ארים דעם

נארישקייטן. סך הכל וואס ער קען איז "שאצן" און דאס איז אויך סתם על דרך השערה, נישטא קיין וועג אין די וועלט צו וויסן וויפיל סעילס איז צום פארדאנקן א ברענדינג קאמפעין פון א יאר צוריק (אזוי אז יעצט מיט א קליינע עד איז צוריק ארויפגעקומען די אימפעקט פון דעמאלטס) און וויפיל איז צום פארדאנקן איין געוויסער עד.

פארעפענטליכט: **מיטוואך פבואר 18, 2015 9:28 pm**

אוודאי ביזטו גערעכט.

איך האלט אויך אז מען קען נישט וויסן וויפול א ברענדינג עד האט געברענגט.........

איך רעד דארט פון דיירעקט מארקעטינג, אויב פארשטייסטו צו דיירעקט מארקעטינג ווייסטו אז מען קען קלאר וויסן וויפיל געלט יעדע עד האט געברענגט

פארעפענטליכט: **דאנערשטאג פבואר 19, 2015 1:15 am**

אנקל סעם האט געשריבן:רש"י, איך מוז מודה זיין אז דיין ביישפיל עד (#2) איז זייער א ווירקזאמער

פון וועלכע עד #2 רעדסטו? לינק ביטע

אידישע וועלט פארומס

א מארקעטער אדער א דיזיינער? א פלאמער אדער א קארפענטער?

די לעכער פון ברענדינג / מיין קעגנערשאפט..... אין וואס יא,